Akira ပါဝင်သော ဇာတ်ကားများ

High & low the Movie 3 - Final Mission ကတော့ဂျပန်အက်ရှင်ဒရာမာ ရုပ်ရှင်တွဲဖြစ်တဲ့ High and Low series ရဲ့လေးကားမြောက်ပါ။ဂျပန်ယာကူဇာတွေဖြစ်တဲ့ ခူရူးယုဂိုဏ်း(Kuryu Group)နဲ့ SWORD အဖွဲ့တို့ကြားက တိုက်ပွဲကိုရိုက်ထားပြီး ရှေ့ကသုံးကားဖြစ်တဲ့ High & Low the Movie 1,High & Low the Red Rain,High & Low the Movie 2/ End of Sky တို့ရဲ့အဆက်ပါ။ရုပ်ရှင်ဒရာမာရသအပြည့်အဝခံစားချင်ရင်တော့ ကားအစဉ်လိုက်ကြည့်ဖို့ညွှန်းပါတယ်။ ဇာတ်လမ်းအကျဉ်းကတော့ Nameless City ဆိုတဲ့အမည်မရှိမြို့မှာအရင်ကဆေးဝါးစက်ရုံတစ်ခုရှိခဲ့ပါတယ်။အဲ့ဆေးဝါးက ဗိုင်းရပ်စ်ကုသတဲ့နေရာမှာထိရောက်မှုရှိခဲ့တဲ့အတွက်အစိုးရကလည်းထောက်ခံမှုပေးခဲ့ပါတယ်။ဒါပေမဲ့ဆေးကအခြားဘက်မှာဆိုးကျိုးတွေရှိနေပြီး ကုသခဲ့တဲ့လူနာတွေကခြောက်လအတွင်းမှာသေဆုံးခဲ့ပါတယ်။အဲ့အကြောင်းကြောင့်ကုမ္ပဏီလည်း ဒေဝါလီခံလိုက်ရပါတယ်။ထို့အပြင်ကုမ္ပဏီကထွက်တဲ့အညစ်အကြေးစွန့်ပစ်ပစ္စည်းတွေအနီးနာရေကန်ဆီစွန့်ပစ်ခံလိုက်ရပြီး ထိုဒေသမှာနေတဲ့လူတွေ အဆိပ့်သင့်ဓာတ်ပစ္စည်းတွေရဲ့အကျိုးဆက်ကိုခံစားခဲ့ကြရပါတယ်။ထိုအကြောင်းတွေသိတော့ အစိုးရကသက်ဆိုင်ရာတွေကိုခေါ်ပြီးမြေဖို့ ဖုံးဖိခဲ့ပါတယ်။ ဆေးကုမ္ပဏီက ကျန်ရှိနေတဲ့သက်သေတွေအစဖျောက်ဖို့ ခူရူးယုဂိုဏ်းကိုငှားခဲ့ပါတယ်။တစ်ဖက်မှာလည်း အစိုးရနဲ့ခူရူးယုပူးပေါင်းကာ မိုင်းတွင်းနဲ့အမည်မရှိမြို့ကိုဖောက်ခွဲဖျက်ဆီးပစ်ပြီး ထိုနေရာမှာသူတို့အကျိုးအမြတ်ရမဲ့ ကာစီနိုတစ်ခုကိုတည်ဆောက်ဖို့လုပ်ပါတော့တယ်။ထိုအခါ အဆိပ်သင့်ဘေးကိုခံရရုံမက အမည်မရှိမြို့သူမြို့သားတွေက နေထိုင်ရာမှအတင်းအကျပ်ဖယ်ခိုင်းခံရပြီး အဆိပ်သင့်ခံထားရတဲ့သားကောင်များကိုပါသုတ်သင်ရှင်းလင်းဖို့လုပ်တာခံရပါတော့တယ်။SWORD အဖွဲ့ဟာမိမိတို့ပိုင်နက် နယ်မြေနဲ့ အမည်မရှိမြို့ကိုကာကွယ်ဖို့ကြိုးစားရင်း ခူရူးယုနဲ့အတိုက်အခံဖြစ်ကာမိမိတို့အသင်းသားများနဲ့မိသားစုဝင်များပါလုပ်ကြံခံရပါတယ်။ထိုသို့မတရားမှုများကိုပြန်လည်တွန်းလှန်ရန် SWORD အဖွဲ့များစည်းလုံးပြီး ခူရူးယုကိုတိုက်ခိုက်ချေမှုန်းဖို့ပြင်ဆင်ပါတော့တယ်။ အင်အားကြီးမားလှတဲ့ ခူရူးယုဂိုဏ်းကိုဘယ်လိုအနိုင်တိုက်ချေမှုန်းသွားမလဲဆိုတာကို စိတ်ဝင်တစားကြည့်ရှုရမှာဖြစ်ပြီး ဂျပန်အက်ရှင်ကြိုက်သူတို့အတွက် လက်လွတ်မခံသင့်တဲ့ဇာတ်လမ်းတွဲကောင်းတစ်ခုဖြစ်ပါတယ်။ File size…1.79GB / 904.6MB Quality…Blu-Ray 1080p 5.1CH / 720p Format…mp4 Duration….1h 58m Genre ..... Action , Drama Subtitle….Myanmar Subtitle (Hard Sub) Encoder….Thit San Khant Translated by Nwe Hnin Thazin

အဆိုပါဂျပန်ရုပ်ရှင်ဟာ High & Low Franchise မှ တတိယမြောက်ရုပ်ရှင်ဖြစ်ပါတယ်။ Imdb 7.1အထိရရှိထားပြီး ရုံတင်ငွေ ၁.၃၄ ဘီလျံယန်းထိရရှိပြီး Japanese Box officeမှာအတိုင်းတာတစ်ခုထိအောင်မြင်မှုရရှိခဲ့ပါတယ်။ ဇိုးအထာဖမ်းထားတဲ့တိုက်ရည်ခိုက်ရည်ကောင်းတဲ့လူငယ်ဇာတ်ကောင်များပါဝင်ပြီး လူငယ်ပရိတ်သတ်တွေ အကြိုက်တွေ့မယ့်ရုပ်ရှင်တစ်ခုပဲဖြစ်ပါတယ်ဒုစရိုက်လောကကိုအုပ်စိုးတဲ့ ခူရူးယုဂိုဏ်း(KURYU GROUP) ဟာ SWORD နယ်မြေမှာ ကာစီနိုဖွင့်ရန်ကြံစည်နေပါတယ်။ အဆိုပါ ကိစ္စကို SWORD နယ်ခံဂိုဏ်းတွေကမလိုလားပါဘူး။ ဆန်းနိုးဂိုဏ်းကကော်ဘရာရဲ့ အပြောရဆိုရင် SWORD ဟာခူရူးယုဂိုဏ်းအုပ်စိုးနေသရွေ့အနာဂတ်ဆိုတာလည်းမရှိဘူးလို့ဆိုပါတယ်။ အင်အားကြီးတဲ့ဧရာမဂိုဏ်းကြီးနဲ့ အားပြိုင်ဖို့ကြိုးစားပုံမှာဇာတ်အိမ်တည်ထားတယ်။တချိန်တည်းမှာပဲ SWORD နယ်မြေကို ခပ်ထန်ကြမ်းတမ်းလွန်းတဲ့ဂိုဏ်းနှစ်ဂိုဏ်းဖြစ်ကြတဲ့ ရမ်မာရုရဲ့သံသယဂိုဏ်းနဲ့ ဂျက်စီရဲ့ ထောင်ဂိုဏ်းတို့ပူးပေါင်းကာ တိုက်ခိုက်ဖို့ကြံစည်ကြပါတယ်။ အဓိကက သံသယဂိုဏ်းရဲ့ထာဝရရန်ဖက်ဖြစ်တဲ့ ဝှိုက်ရတ်စကဲလ်ဂိုဏ်းကို ချေမှုန်းချင်ရာကနေစတင်ပါတယ်။ဝှိုက်ရတ်စကဲလ်တွေဟာအမျိုးသမီးတွေကို ကာကွယ်သူတွေအဖြစ်ခံယူထားကြပြီးသံသယဂိုဏ်းသားတွေကတော့ ငွေရရင်ဘာမဆိုလုပ်ကြမယ့်လူတွေဖြစ် တယ်။ SWORD နယ်မြေက ဆန်းနိုးလူဆိုးဂိုဏ်းကိုယ်စားပြု ကော်ဘရာဟာ SWORD ဂိုဏ်းတွေမဟာမိတ်ဖွဲ့ဖို့ အဆိုကိုတင်သွင်းပြီးအားလုံးလိုလိုကငြင်းဆန်ခဲ့ကြပါတယ်။ ဝှိုက်ရတ်စကဲလ်ဂိုဏ်းကရော့ကီဟာ သံသယဂိုဏ်းကဘဲတွေကိုသူကိုယ်တိုင်ပဲရိုက်ခွဲချင်နေပြီးအခြားဘေးကပါဝင်သူတွေကိုထိခိုက်နစ်နာမှာကိုမလိုလားပါဘူး။တစ်ဖက်မှာတော့ အာမားမီးယားညီအစ်ကိုဂိုဏ်းဟာ ဒုစရိုက်လောကရဲ့အကြီးဆုံးဂိုဏ်းဖြစ်တဲ့ခူရူးယုဂိုဏ်းကို အမြစ်ကနေဆွဲလှန်ပြီးဖျက်စီးနိုင်မယ့် ယူအက်စ်ဘီ(USB FLASH DRIVE)ကိုလက်ဝယ်ရရှိထားပါတယ်။ အဆိုပါ ယူအက်စ်ဘီကိုခူရူးယုဂိုဏ်းဘက်ကပြန်လည်ရယူဖို့ကြိုးစားပုံတွေ၊ တစ်ဖန်ပြန်လည်ခုခံပုံတွေ၊ လမ်းမပေါ်ကဂိုဏ်းတွေမတစ်ထောင်တစ်ကောင်ဖွားတွေ အချင်းချင်း ရိုက်ကြနှက်ကြထိုးကြခွဲကြဆိုးကြ ပုံတွေကို အားပါးတရပဲ အံ့တကြိတ်ကြိတ်နဲ့ကြည့်ရှုရမှာဖြစ်ပါတယ်။ File size…2.24GB / 890MB Quality…Blu-Ray 1080p 5.1CH / 720p Format…mp4 Duration….2h 4m Genre ..... Action , Drama Subtitle….Myanmar Subtitle (Hard Sub) Encoder….Thit San Khant Translated by Kaung Paing

ဒီတစ်ခါမှာတော့ SWORD နယ်မြေဖြစ်ထွန်းပြီးမကြာခင်မှာပဲ အဲဒီနယ်မြေကိုအပိုင်သိမ်းချင်တဲ့ အုပ်စုတစ်စုဟာ ကောက်ကျစ်တဲ့နည်းတစ်ခုကိုအသုံးချပြီး သိမ်းပိုက်ဖို့ကြိုးစားပါတော့တယ်။ ဒါပေမဲ့ SWORD ကိုချစ်ကြတဲ့ ဂိုဏ်းငါးဂိုဏ်းလုံးဟာ သူတို့ကိုပြန်လည်ခုခံကြပါတယ်။ သူငယ်ချင်းကြားက သံယောဇဉ်တွေနဲ့ action ကြမ်းကြမ်းလေးတွေကိုပေါ်လွင်အောင်ပြသတာကို ရသစုံစုံ ခပ်မိုက်မိုက်ကြည့်ရမယ့် ဂျပန်ဂန်းစတားကားလေးဖြစ်ပါတယ်။ ဒါကတော့ဒုတိယမြောက်ကားဖြစ်ပါတယ်။ File size…2.15GB / 1.07GB Quality…Blu-Ray 1080p 5.1CH / 720p Format…mp4 Duration….2h 9m Genre ..... Action , Drama Subtitle….Myanmar Subtitle (Hard Sub) Encoder….Thit San Khant Translated by Kasashi

ကွန်ဖူးမင်းသားကြီး Donnie Yen အဓိကပါဝင်ထားပြီး မင်းသမီးကတော့ Shu Qi ပါ။ ဒီဇာတ်ကြောင်းကို ရှေးကလဲ ဘရုစ်စလီတို့ ဂျက်လီတို့ ရိုက်ကူးခဲ့ဖူးပါတယ်...။ တိုင်းတပါးရဲ့ နယ်ချဲ့ခြင်းကိုခံနေရတဲ့ တစ်ချိန်ကတရုတ်ပြည်မှာ Chen Zhen ဆိုတဲ့ မျိုးချစ်စိတ်ပြင်းထန်တဲ့ သူရဲကောင်းတစ်ဦးပေါ်ထွက်ခဲ့ပါတယ်။သူဟာ ကိုယ်တတ်နိုင်တဲ့နည်းပေါင်းစုံကနေ ကိုယ့်လူမျိုးတွေရဲ့ အကျိုးအတွက် တိုင်းတစ်ပါးနယ်ချဲ့တွေကို ကိုယ်ကျိုးစွန့် တိုက်ပွဲဝင်ခဲ့တဲ့လူတစ်ယောက်ပါ။ စိတ်ဝင်စားစရာ စစ်ပွဲနောက်ခံဇာတ်ကြောင်းဖြစ်သလို အချစ် အလွမ်း အကြမ်း အရမ်း..ရသစုံတဲ့ဇာတ်ကားပါ။ IMDb Rating(6.3/10) ရရှိထားပါတယ်။ File size…(905MB) Quality…BR-Rip 720p Format…mp4 Duration….01:45:32 Subtitle….Myanmar Subtitle (Hardsub) Encoder….Nyeinsaeya Aung

IMDb - 7.7/10 Rotten - 95% Won 1 Oscar. Another 97 wins & 130 nominations Lost in Translation (2003) အေမီ၊ ဘာဘီနဲ့ ဒေစီ ဆိုတဲ့ မိန်းကလေး ၃ ယောက်စကားပြောနေတယ်ပဲဆိုပါစို့။ အေမီက ဒေစီကို အရမ်းလှတဲ့အကြောင်းပြောတယ်။ ဒေစီက အဲ့ဒါကို အေမီ သူ့ကိုချစ်လို့ပြောတယ်လို့ အဓိပ္ပါယ်ကောက်တယ်။ ကြားက ဘာဘီကတော့ အရွဲ့တိုက်ပြောတယ်လို့ အဓိပ္ပါယ်ကောက်တယ်။ တကယ်တမ်းတော့ အေမီဟာ ဒေစီ့လိုဖြစ်ချင်တာကြောင့် ပြောတာဖြစ်နေပါတယ်။ လူတွေဟာ တစ်ယောက်နဲ့တစ်ယောက် စကားပြောရင်းပဲဖြစ်ဖြစ်၊ အမူအရာတစ်ခုကို အကဲခတ်ရင်းပဲဖြစ်ဖြစ် အဓိပ္ပါယ်ကောက်တတ်ကြပါတယ်။ စကားတစ်ခွန်း၊ လုပ်ရပ်တစ်ခုတည်းကို အဓိပ္ပါယ်မျိုးစုံကောက်ကြရင်း ကိုယ့်အဓိပ္ပါယ်အတိုင်း ရှေ့ဆက်ကြပါတယ်။ ဒီရုပ်ရှင်ဟာ နာမည်ကျဆင်းနေပြီဖြစ်တဲ့ ရုပ်ရှင်မင်းသားကြီးတစ်ယောက်နဲ့ ယောကျ်ားလျစ်လျူရှုတာ ခံနေရတယ်လို့ အဓိပ္ပါယ်ကောက်ထားတဲ့ ကောင်မလေးတစ်ယောက်အကြောင်းကို ရိုက်ကူးထားတာဖြစ်ပါတယ်။ ဘော့ဟားရစ်လို့ခေါ်တဲ့ နာမည်ကျော်မင်းသားကြီးဟာ ဂျပန်ဝီစကီကြော်ငြာတစ်ခုရိုက်ကူးဖို့အတွက ်တိုကျိုမြို့ကို ရောက်ရှိလာခဲ့ပြီး ချားလော့တ်ကတော့ သူ့ယောကျ်ား ဂျွန်ရဲ့ အလုပ်ခရီးကို အတူလိုက်လာခဲ့တာပါ။ မိသားစုနဲ့ ဝေးကွာနေပြီး မိန်းမ အမြင်မကြည်ဖြစ်တာခံနေရတဲ့ ဘော့ဟားရစ်နဲ့ ယောကျ်ားဖြစ်သူ မနက်အစောကြီးအလုပ်ထသွား၊ တော်တေ်ာကြာမှပြန်လာတတ်လို့ တစ်ယောက်တည်း အထီးကျန်နေတဲ့ ချားလော့တ်တို့ ဂျပန်နိုင်ငံက ဟိုတယ်ကြီးထဲမှာ စကားလက်ဆုံပြောမိရင်းကနေ ဘာတွေဆက်ဖြစ်မလဲဆိုတာ ပရိသတ်ကြီး ကြည့်ရှုခံစားရမှာဖြစ်ပါတယ်။ ဒီရုပ်ရှင်ဟာ သူငယ်ချင်းကြား၊ ချစ်သူကြား၊ မိသားစုကြား၊ လင်မယားကြားမှာ အဖုအထစ်လေးတွေ ကတောက်ကဆလေးတွေရှိတဲ့သူတိုင်း ကြည့်ကို ကြည့်သင့်တဲ့ကားတစ်ကားပါ။ ဒီလိုပြဿနာတွေဟာ တစ်ဖက်မဟုတ်တစ်ဖက်က အဓိပ္ပါယ်ကောက်တာလွဲနေလို့ ဖြစ်နေကြတယ်ဆိုတာ သိလာပါလိမ့်မယ်။ ဖြေရှင်းနည်းတွေ မြင်လာပါလိမ့်မယ်။ ပြီးတော့ ဒီကားရဲ့အကောင်းဆုံးအချက်ကတော့ ဇာတ်သိမ်းကို ရုပ်ရှင်ကြည့်တဲ့သူကိုယ်တိုင် စိတ်တိုင်းကျ ဇာတ်သိမ်းလို့ရတာပါပဲ။ နောက်ဆုံးမှာ ဘာဖြစ်မယ်လို့တောင် Spoiler လုပ်မရတဲ့ ဇာတ်သိမ်းတစ်ခု ဖြစ်ပါတယ်။ ဒီရုပ်ရှင်ဟာ ၂၀၀၃ ခုနှစ် Oscar မှာ အကောင်းဆုံးရုပ်ရှင်ဆုအတွက် ဆန်ကာတင်စာရင်းဝင်ခဲ့သလို အသက် ၅၀ ဝန်းကျင်အရွယ်မှာဖြစ်တတ်တဲ့ ပူပင်သောကတွေကို အကောင်းဆုံးသရုပ်ဆောင်ပြနိုင်ခဲ့တဲ့ Bill Murray နဲ့ အဲ့အချိန်တုန်းက ၁၉ နှစ်အရွယ်နဲ့မလိုက်အောင် သရုပ်ဆောင်ကောင်းလွန်းပြီး ယောကျ်ားအပြင်သွားခါနီးကျ မှိုင်တွေနေတဲ့မျက်နှာထားတွေသရုပ်ဆောင်တာ အသက်ပါလွန်းတဲ့ Scarlett Johansson တို့ဟာလဲ ဆုတွေ အများကြီး သိမ်းပိုက်နိုင်ခဲ့ပါတယ်။ ရုပ်ရှင်ကားကောင်းတစ်ကား လိုအပ်နေသူတွေ၊ ကိုယ့်ရဲ့ နေ့စဉ်ဘဝထဲက ကိုယ်သတိမထားမိတဲ့အကြောင်းအရာလေးတစ်ခုကို ထိတွေ့ချင်သူတွေအတွက်တော့ Lost in Translation ကို ကြည့်ဖြစ်အောင်ကြည့်ကြဖို့ တိုက်တွန်းလိုက်ပါတယ်။ ဇာတ်ကားကြည့်ပြီးရင် Channel Myanmar group ထဲမှာ ကိုယ့်ရဲ့ ကိုယ်ပိုင်ဇာတ်သိမ်းကိုလဲ ပြောဆိုဆွေးနွေးနိုင်ပါတယ်။ File size…(905 MB) Quality…Blu-Ray Rip 720p Format…mp4 Duration….01:44:00 Subtitle….Myanmar Subtitle (Hardsub) Encoder….Nyeinsaeya Aung Translated by Arkar Phyo