Alex Ferguson ပါဝင်သော ဇာတ်ကားများ

ဘောလုံးလောကမှာ ဩဇာအကြီးမားဆုံးနဲ့ အငြင်းပွားဖွယ်ရာ အကောင်းဆုံးနည်းပြဆိုရင် သေချာပေါက် ဒီ Special One ဆိုတဲ့ Jose Mourinho ကို လက်ညိုးထိုးပြရမှာပါ။ ကြိုက်တဲ့လူ ၅၀ လောက်ရှိတယ်ဆို မုန်းတဲ့လူလည်း ၅၀ လောက်ရှိမယ့် လူမျိုးလို့ ပြောရမယ်ဗျ။ ကျွန်တော်ကိုယ်တိုင်လည်း ဘောလုံးအားကစားဆိုရင် မြန်မြန်ဆန်ဆန် တိုက်စစ်ဆင်ပြီး မီးကုန်ယမ်းကုန် လှလှပပနဲ့ ကြိုးစားကန်တာမျိုးကို ကြိုက်တဲ့လူပါပဲ။ သူ့ ဘတ်စ်ကားကွက်ဆိုရင် ကြည့်ရတာ ပျင်းစရာကောင်းပြီး ရသနည်းတယ်ဆိုပေမဲ့လည်း လိုချင်တဲ့ ရလဒ်တော့ ဖော်ဆောင်ပေးနိုင်နေတာမဟုတ်ဘူးလား။ ရေဘူးပေါက်တာမလိုချင်ဘူး ရေပါတာပဲလိုချင်တယ်ဆိုတဲ့စကားလိုပဲ ကစားဟန်ရသ မရှိပေမဲ့လည်း လူတွေတောင့်တတဲ့ ဖလားတွေကို တကယ်ကို ရယူနိုင်စွမ်းရှိတဲ့ နည်းပြတစ်ယောက်ပါ။ နောက်ပြီး ဒီလူကြီးက စကားအရာမှာ နှုတ်သီးကောင်းလျှာပါးလို့ပြောရမယ့်လူဗျ အင်မတန်စွာပြီး ကပ်သီးကပ်သတ်နဲ့ အရွဲ့တိုက်ချင်တဲ့လူကြီး။ တော်ရုံတန်ရုံလူတွေနဲ့လည်း ဘယ်တော့မှ တည့်တယ်လို့ မရှိဘူး။ အခု ဒီ Documentary လေးထဲမှာတော့ သူ့ရဲ့ ဘဝအစ ပေါ်တိုအသင်းကနေ ချယ်ဆီးမှာ ဟုန်းဟုန်းတောက် Special One ဆိုပြီး နာမည်တွေကြီးပြီး နောက်ပိုင်း အီတလီ စပိန် လိဂ်ပေါင်းစုံပတ်ပြီး ကျင်လည်ဖြတ်သန်းခဲ့ရတာတွေ နောက်ကွယ်မှာ ဘယ်လိုနည်းဗျူဟာတွေသုံးပြီး ကန်ခဲ့တာ (ဉပမာပြောရရင် တစ်ဖက်အသင်းရဲ့ လေ့ကျင့်ခန်း ဗီဒီယိုကိုတောင် ဘယ်ကရှာလို့ရှာမှန်းမသိ ရအောင်ယူထားတဲ့လူကြီးဗျာ စဉ်းစားသာကြည့်) အသင်းသားတွေကို ဘယ်လိုထိန်းကျောင်းခဲ့တာ၊ လူတွေအမြင်မှာ မော်ရင်ဟိုက သွေးအေးတယ်ဆိုပေမဲ့လည်း တစ်ခါတလေ ဘယ်လိုမျိုး နူးညံ့တတ်တာ၊ သူ့တပည့်ဟောင်းတွေဖြစ်တဲ့ Joh Terry တို့ Lampard တို့ Droghba တို့ တခြားနာမည်ကြီးတွေကလည်း အင်တာဗျူးတွေ ဖြေဆိုထားတာတွေ ပြန်ပြောပြတာတွေ မီဒီယာတွေ ဘယ်လောက်ဆိုးရွားတာကိုသိလို့ ဘယ်လိုတန်ပြန်အသုံးချပြီး စိတ်ဓာတ်စစ်ဆင်ရေး ဆောင်ရွက်ခဲ့တာတွေ အများကြီး လူတွေမသိတာတွေကို ကောင်းကောင်းကြီး သိစေရမယ့် မှတ်တမ်းစီးရီးကောင်း ဖြစ်တာမို့ လာရောက်အားပေးဖို့ ဖိတ်မန္တကပြုလိုက်ပါရစေဗျာ...။

မန်ယူနိုက်တက်ပရိသတ်တွေအတွက် ဆာအဲလက်စ် ဖာဂူဆန်နဲ့အတူ ရွှေထီးဆောင်းခဲ့တဲ့နေ့ရက်တွေကို ပြန်တွေးကြည့်လိုက်ရင် အသင်းရဲ့နောက်ဆုံးခံစစ် စည်းရိုးဖြစ်တဲ့ ပီတာရှမိုက်ကယ် ကိုလည်း ပြန်အမှတ်ရ မိကြမှာပါ။ ဒီ ၂၀၂၅ ခုနှစ်ထွက် documentary လေးကတော့ ပီတာရှမိုက်ကယ် ရဲ့ ဘဝဇာတ်ကြောင်းကို ပြန်လည် ရိုက်ကူးတင်ဆက်ထားတာဖြစ်ပါတယ်။ ဒိန်းမတ်က ကလပ်လေးကနေ ဆာအဲလက်စ် ရဲ့ တော်ကောက်ခံရပြီး ယူနိုက်တက်အသင်းရဲ့ ကပ်ပတိန် ဖြစ်လာခဲ့သူရဲ့ ငယ်ဘဝဟာလည်း ချောချောမွေ့မွေ့ ဖြတ်သန်းခဲ့ရတာတော့မဟုတ်ပါဘူး။ ဂိုးသမားအဖြစ် ကစားလို့ရတဲ့လုပ်ခ လစာက နှစ်ပဲနဲ့ တစ်ပြားမို့ ငယ်စဉ်တုန်းက ရရာအလုပ်ဝင်လုပ်ပြီး ဂိုးသမားဘဝကို ဆက်လျှောက်ခဲ့ရသူပါ။ ဒီဇာတ်ကားလေးမှာတော့ ပီတာရှမိုက်ကယ် ရဲ့ ငယ်ဘဝ ကနေစလို့ ဘောလုံးဘဝကနေအနားယူပြီး သားသမီး မြေးတွေနဲ့ ဘဝကိုအေးအေးချမ်းချမ်းဖြတ်သန်းနေတဲ့ အထိ ဘဝတစ်လျှောက်လုံးကို ပြန်ပြောပြတဲ့ စကားပြော ပုံစံနဲ့ ရိုက်ကူးထားတာမို့ ဘဝတစ်လျှောက်ဖြတ်သန်းခဲ့ ရပုံကို ပြည့်ပြည့်စုံစုံ သိခွင့်ရမှာပါ။ အဲဒီအပြင် မန်ယူနိုက်တက်မှာ ဖြတ်သန်းခဲ့စဉ်က အကြောင်း အရာတွေကိုလည်း ထည့်သွင်းရိုက်ကူးထားတာမို့ သာမန် မသိနိုင်တဲ့ မန်ယူနိုက်တက်ရဲ့ သမိုင်းကြောင်းတွေ အသင်းတွင်းအဖြစ်အပျက်တွေနဲ့ ယူနိုက်တက်ရဲ့ သရဲနီ ဒီအန်အေ စစ်စစ် ဆိုတာ ဘာလဲဆိုတာကို ကြက်သီးထ လောက်စရာ မြင်တွေ့ခွင့်ရမှာပါ။ သရဲနီတပ်မှူးကြီးရဲ့ ဘဝဇာတ်ကြောင်းနဲ့ မန်ယူနိုက်တက်ရဲ့ အတိတ်တလျှောက်သမိုင်းအစဉ်အလာကို ပြန်လည်ခံစား နိုင်ဖို့အတွက် ပရိသတ်ကြီးတို့အတွက် ဒီ မှတ်တမ်းရုပ်ရှင် ဇာတ်ကားလေးကို တင်ဆက်ပေးလိုက်ရပါတယ်။ ( အညွှန်းနဲ့ ဘာသာပြန်သူကတော Wil ဖြစ်ပါတယ်) File size… (2.18GB) / (1.23GB) Quality… WEB-DL 1080p HEVC / 720p Format…mkv / mp4 Duration….1h 32m Genre …..Documentary Subtitle….Myanmar Subtitle (Hard Sub) Encoder….Min Wai Translated by Wil

~ IMDb - 8.5/10, Rotten Tomatoes - 100% ~ ဒေးဗစ်ဘက်ခမ်းရဲ့ အနီရဲရဲ ရက်စွဲများ ‌ဒေးဗစ်ဘက်ခမ်းရဲ့ အဖြူသန့်သန့် ရက်စွဲများ ဒေးဗစ်ဘက်ခမ်းရဲ့ ရွှေ‌ဝါရောင် ရက်စွဲများ ဒေးဗစ်ဘက်ခမ်းရဲ့ ကာလာစုံ ရက်စွဲများ ဘောလုံးကွင်းဟာ ပိတ်ကားစဖြစ်ပြီး ဘောလုံးသမားဟာ ပန်းချီဆရာဖြစ်သွားတယ်လို့ သမုတ်ကြတဲ့ ဘောလုံးလောကမှာ သူမတူတဲ့ ပန်းချီတွေကို ခြယ်ခဲ့သူ လန်ဒန်သားတစ်ယောက်ရှိခဲ့ဖူးတယ်။ စုတ်ချက်တိုင်းကို လှလှပပ သပ်သပ်ရပ်ရပ် အရောင်ခြယ်နိုင်ခဲ့သူ... ထိုသူဟာ ဒေးဗစ်ဘက်ခမ်း။ ဒေးဗစ်ဘက်ခမ်းလို့ပြောလိုက်ရင် မကြားဖူးတဲ့သူ အတော်ကိုရှားလိမ့်မယ်။ မြင်ဖူးသူတွေကတော့ ကြားရုံကြားဖူးသူတွေကို အထင်သေးလိမ့်မပေါ့။ မြေဆွဲအားကိုဆန့်ကျင်တဲ့ ဆံသားရှည်ရှည်တွေအောက်မှာ ယောက်ျားချင်းတောင် ကြွေချင်တယ်လို့ ကျွန်တော်တို့ စနောက်ခဲ့ကြဖူးတယ်။ ကွင်းလယ်ကနေ သူ့စိတ်တိုင်းကျ ဘောလုံးကို စေခိုင်းနေတာကို မြင်ရတာ သိပ်ကိုအရသာရှိခဲ့တာပေါ့။ သူ့လိုခြေထောက်မျိုးကို ကျွန်တော်တို့ ဘုရားဆီပူဆာခဲ့မိဖူးကြလိမ့်မယ်။ "ဘုရားသခင် ဒေးဗစ်ဘက်ခမ်းလို မှော်ဝင်ခြေထောက်များ ပေးသနားတော်မူပါ။" ဘက်ခမ်းရဲ့ ဘောလုံး ပဉ္စလက်တွေက သူ့ရဲ့ အမြင်ရှိမှုအပေါ်မှာလည်း သက်ဆိုင်နေတယ်။ ဘောလုံးပေးပို့မှုတစ်ချက်တည်းနဲ့ ပြိုင်ဘက်အသင်းကို ခြောက်ခြားစေတယ်ဆိုတာမျိုးက တော်ရုံကစားသမားတွေလုပ်လို့ရတဲ့အရာမျိုးမဟုတ်ဘူး။ သူ့ရဲ့ ဖြတ်တင်ဘောတွေက သာမန် အမြင့်ဝဲဘောလုံးတွေမဟုတ်ခဲ့ဘူး။ တိုက်စစ်မှူးကို ပါးလိုက်တဲ့ အချစ်ကဗျာလှလှလေးတွေဟုတ်သလို တဖက်ခံစစ်အတွက် သေမိန့်တွေလည်းဟုတ်ပြန်တယ်။ ကွင်းတွင်းမှာတင်မကဘူး ဘက်ခမ်းဟာ ကွင်းပြင်ပမှာလည်း အတော်ကိုနာမည်ကြီးခဲ့တယ်။ သူ့ရဲ့အထာ သူ့ရဲ့ဟန်ပန်တွေက မဂ္ဂဇင်းမျက်နှာဖုံးတွေမှာ နေရာယူခဲ့တယ်။ ဘက်ခမ်းနဲ့ ဗစ်တိုးရီးယားဆိုတာ အဲဒီခေတ်ရဲ့ ကမ္ဘာ့နာမည်အကြီးဆုံး စုံတွဲလို့ပြောရင်တောင် မှားမယ်မထင်ဘူး။ ဒီလိုနဲ့သူတို့ရဲ့ ချစ်လမ်းခရီးဟာ ဘက်ခမ်းဘဝရဲ့ မှော်ဝင်မှုတွေထဲက တစ်ခုဖြစ်ခဲ့တယ်။ ဒီ ဘက်ခမ်း Documentary ဟာ ဒေးဗစ်ဘက်ခမ်းရဲ့ ကစားသမားဘဝ၊ လူနေမှုဘဝ အနိမ့်အမြင့် အတက်အကျတွေအားလုံးကို သေချာအသေးစိတ်ကျကျရိုက်ကူးပြထားတယ်။ အမှတ်တရအချို့ ငြိစွန်းဖူးတဲ့သူတွေကတော့ အင်တာဗျူးမှာပါတဲ့ လူတွေကိုကြည့်ရင်း လွမ်းမျက်ရည်တချို့လည်မိမှာပေါ့လေ။ ဘက်ခမ်းရဲ့ စုတ်ချက်လှလှတွေကို ပြန်ခံစားချင်တဲ့သူတွေအတွက်ဖြစ်ဖြစ် ဘက်ခမ်းကို မသိမမီလိုက်တဲ့သူတွေအတွက်ဖြစ်ဖြစ် ဒီစီးရီးဟာ အတော်ကို အရသာရှိလိမ့်မယ်လို့ အာမခံပါတယ်။ (ဒီဒိုကူစီးရီးအတွက် အညွှန်းရေးသား ဘာသာပြန်ပေးသူကတော့ Min Thant Bo ပဲဖြစ်ပါတယ်။) Size ~ 850MB+ Total - 4 Episodes Quality – 1080p Duration ~ 1hr+ (@Episode) Subtitle – Myanmar Hardsub Format – Mp4 Genre : Documentary, Biography, Sport Source : NF.Web-dl.1080p Translator – Min Thant Bo Encoder – Y

Sir Alex Ferguson: Never Give In IMDb Rating- 8.6/10 မန်ချက်စတာယူနိုက်တက်ဖန်တွေဘာကြောင့် ဒီလောက်ရဲရတာလဲ...ဆိုပြီး ၁၉ သင်းဖန်တွေအနေနဲ့ ဒွိဟဖြစ်ဖူးကြမှာပါ... တကယ်တော့ Manchester is Red ဖြစ်နေကြတာ ဆာအဲလက်စ်ဖာဂူဆန်ရဲ့ အရှုံးမပေးကြေးစိတ်ဓာတ်နဲ့ မန်ယူခေတ်ကို မှီခဲ့ကြလို့ပါပဲ။ "အောင်မြင်မှုဆိုတာ အရှုံးမပေးတာကနေအစပြုပါတယ်..." ဖာဂူဆန်ဟာ ဉုံဖွဆိုပြီး အောင်မြင်လာတာတော့မဟုတ်ပါဘူး။ လူတိုင်းလူတိုင်းရဲ့ ဘဝမှာ အတက်အကျဆိုတာ ရှိစမြဲပဲမဟုတ်လား.. အဲ့လိုပဲ ဖာဂူဆန်အနေနဲ့ ဘောလုံးလောကမှာ ဆာအဲလက်စ်ဆိုတဲ့နာမည်တစ်ခု မရလာခင် ဘာသာရေး၊ နည်းပြမှု၊ ကစားသမားဆက်ဆံရေးစတဲ့ အခက်အခဲတွေကို ကြုံတွေ့ခဲ့ရပါတယ်။ ဒီအခက်အခဲတွေကို လုံးဝအရှုံး မပေးဘဲ ကြိုးစားခဲ့တဲ့ပုံကို Interview, Flashback ပုံစံနဲ့ ဖာဂူဆန်ရဲ့သား ဂျေဆင်ဖာဂူဆန်ကိုယ်တိုင် ရိုက်ကူးထားတာပါ။ The rest is history and You know who he is. File size…(2 GB) and (1.2 GB) Quality….WEB-DL 1080p and 720p 5.1CH Format…mp4 Duration….01:49:00 Subtitle….Myanmar Subtitle (Hardsub) Encoder….Nyeinsaeya Aung Translated by Daniel Lawwai

Arsène Wenger: The Invincible (2021) လူသားတွေရဲ့ ဘဝဆိုတာ အရှုံးနဲ့အနိုင် ဒွန်တွဲနေတတ်တာမျိုးဗျ၊ အဲ အရှုံးနည်းတဲ့လူကျ လူတော်ဖြစ်လာပြီး အရှုံးမရှိတဲ့သူကျ ပြိုင်ဘက်ကင်း(The Invincible)ဆိုပြီးဖြစ်လာတယ်။ ဒီ Documentary တစ်ခုလုံးမှာ အာဆင်နယ်အသင်းကို အာဆင်ဗန်းဂါးရောက်လာတဲ့အချိန်က‌နေစပြီး နှုတ်ဆက်သွားတဲ့အချိန်အထိ သူဒီအသင်းကိုဘာတွေလုပ်ပေးခဲ့တယ်၊ ဘာတွေပေးဆပ်ခဲ့လဲဆိုတာ မြင်ရပါမယ်။ တစ်ရာသီလုံးရှုံးပွဲမရှိဆိုတဲ့ ရွှေဖလားကိုဘယ်လိုမျိုးရအောင်ယူခဲ့တာလဲဆိုတဲ့ အကြောင်းကတော့ မပါမဖြစ်ပေါ့ဗျာ။ အာဆင်ဝင်းဂါးဟာ အာဆင်နယ်ဆိုရင် အာဆင်ဝင်းဂါးနဲ့တွဲမြင်ရတဲ့ထိ၊ အာဆင်ဝင်ဂါးဟာ အာဆင်နယ်နည်းပြဖြစ်လာဖို့ မွေးဖွားလာရသလား ထင်ရတဲ့အထိကို အာဆင်နယ်ကိုပေးဆပ်ခဲ့ပါတယ်။ဒီအကြောင်းတွေကို အာဆင်ဝင်းဂါးအပြင် အာဆင်ရဲ့တပည့်တွေဖြစ်တဲ့ ဗီရဲရာ၊ ကီရွန်၊ ဘားကမ့်၊ အာဆင့်ရဲ့ masterpiece ဖြစ်တဲ့ သီရာရီ အွန်နရီ သူတို့က ပြန်‌လည်ပြောပြတဲ့ပုံစံမျိုးရိုက်ကူးထားပါပြီး ဆာ အဲလက်စ်ဖာဂူဆန်ကလည်း ပါဝင်အားဖြည့်ပေးထားပါသေးရဲ့ခင်ဗျာ။ ပရီးမီးယားလိဂ်မှာ အသင်းပေါင်း 20 ရှိပါတယ် ၊ The invincible ဆိုတဲ့ အသင်းကတော့ အာဆင်နယ်တစ်သင်းပဲရှိပါတယ်။ နိုင်ငံတကာက လိဂ်ပေါင်း များစွာမှာ ဘောလုံးအသင်းပေါင်းများစွာရှိပါတယ်၊ လိဂ်ဖလားကို ရွှေဖလားရဖူးတာကတော့ အာဆင်နယ်တစ်သင်းပဲရှိပါတယ်။ အဆုံးသတ်ပြောရရင် မှော်ဝင်ဆန်းပြားတဲ့ တော်ဝင်ဂန်းနားတို့ လက်လွှတ်မခံသင့်တဲ့ Documentary ပဲဖြစ်ပါတယ်။ (ဇာတ်ကားနဲ့အညွှန်းကို ပြန်ဆိုရေးသားပေးထားသူကတော့ Murphy ပဲ ဖြစ်ပါတယ်) Size - 1.6GB, 930MB Quality - 1080p, 720p IMDb Rating - 8.4/10 Format - mp4 Duration - 1H 35Min Type - Documentary Subtitle - Myanmar Subtitle (Hardsub) Translated by Murphy Encoded by Y

မန်ချက်စတာယူနိုက်တက်လို့ဆိုလိုက်တာနဲ့ မသိသူမရှိတဲ့ ဒိတ်ဒိတ်ကြဲအောင်မြင်ခဲ့တဲ့ ဘောလုံးအသင်းကြီးတစ်သင်းကို အမြန်ဆုံးပြေးမြင်မိကြမှာပါပဲ ကမ္ဘာတစ်လွှားပရိတ်သတ်သန်းပေါင်း ၆၅၀ကျော်ရှိတဲ့ ယူနိုက်တက်ဟာ အခုလက်ရှိ အင်္ဂလန်ဘောလုံးလောကရဲ့ အအောင်မြင်ဆုံး အသင်းတစ်သင်းဖြစ်သလို ကမ္ဘာ့အကောင်းဆုံး အလပ်အသင်းတွေထဲကတစ်သင်းဖြစ်တယ်ဆိုတာ ဘယ်သူမှငြင်းဆိုကြမယ်မထင်ပါဘူး မန်ချက်စတာယူနိုက်တက်ကို ၁၈၇၈ခုနှစ်မှာ နယူတန်ဟိဒ် ဆိုတဲ့နာမည်နဲ့ စတင်တည်ထောင်ခဲ့ပြီးတော့ အသင်းသက်တမ်းဟာ နှစ်ပေါင်း ၁၄၀ကျော်ခဲ့ပြီပဲဖြစ်ပါတယ် အသင်းသက်တမ်းတစ်လျှောက် အောင်မြင်မှုတွေ ကျရှုံးမှုတွေ ကြမ္မာဆိုးတွေ အနိမ့်အမြင့်အတက်အကျများစွာကို ရင်ဆိုင်ခဲ့ရပါတယ် ဒီဇာတ်လမ်းဟာ မှတ်တမ်းရုပ်ရှင်တစ်ခုဖြစ်ပြီး နည်းပြဘတ်စ်ဘီရဲ့ နာမည်ကျော် Busby Babesအသင်းအကြောင်း မြူးနစ်လေယာဉ်ပျက်ကျမှုအဖြစ်ဆိုးအကြောင်း ဆာအဲလက်စ်ဖာဂူဆန်ရဲ့ ၉၀ခုနှစ်အသင်းအကြောင်း အသင်းရဲ့အရေးပါဆုံးကစားသမားတွေအကြောင်း မဟာပြိုင်ဖက်အသင်းတွေအကြောင်းနဲ့ ဖာဂူဆန်အနားယူသွားပြီနောက် ကြုံခဲ့ရတဲ့ အခက်အခဲတွေအကြောင်းများကို အချက်အလက်များနဲ့တကွ ရှင်းလင်းတင်ပြထားတဲ့အတွက် မန်ချက်စတာယူနိုက်တက်ပရိတ်သတ်များနဲ့ ယူနိုက်တက်ရဲ့သမိုင်းကို သိလိုသူများ မဖြစ်မနေကြည့်ရှုသင့်ပါကြောင်း တိုက်တွန်းလိုက်ရပါတယ်။ ဇာတ်လမ်းအညွှန်းနဲ့ဘာသာပြန်သူက MarTizas ဖြစ်ပါတယ်။ File size…(1.2 GB) and (800 MB) Quality….WEB-DL 1080p and 720p 5.1CH Format…mp4 Duration….01:05:00 Subtitle….Myanmar Subtitle (Hardsub) Encoder….Nyeinsaeya Aung Translated by Mar Tizas