Alex Neal ပါဝင်သော ဇာတ်ကားများ

အိမ်ထောင်ကွဲတစ်ယောက်ဖြစ်တဲ့ လိုလာဟာ ဝိုင်အကြောင်း ကျွမ်းကျင်ပြီး ဝိုင်သွင်းကုန်ကုမ္ပဏီတစ်ခုမှာ အလုပ်လုပ်နေပါတယ်။ ကုမ္ပဏီရဲ့လုပ်ငန်းကို ချဲ့ထွင်နိုင်ဖို့ ဩစတေးလျက ဗွန်းမိသားစုဝိုင်လုပ်ငန်းရဲ့ ဝိုင်တွေ တင်သွင်းခွင့်ရအောင် ကြိုးစားခဲ့ပေမယ့် နောက်ဆုံးမှာတော့ ကုမ္ပဏီက သူ့ကို အလုပ်ထုတ်လိုက်တယ်။ လိုလာက ကိုယ်ပိုင်လုပ်ငန်းထောင်ပြီး အဲဒီတင်သွင်းခွင့်ကို ရဖို့ ဩစတေးလျအထိ သွားခဲ့ပါတယ်။ သူရည်ရွယ်ထားတဲ့ လုပ်ငန်းကို လုပ်ခွင့်ရမလား၊ အဲဒီနိုင်ငံမှာ ဘာတွေကြုံရဦးမလဲဆိုတာကို ဩစတေးလျရဲ့ တောတောင်ရှုခင်းတွေနဲ့ ကောင်းဘွိုင်ဆန်တဲ့ နေထိုင်မှုတွေကြားမှာ ဆက်ပြထားတဲ့ Netflix အချစ်ဟာသဇာတ်ကားပါ။

၁၉၆၆ ခုနှစ် ဩဂုတ်လမှာ ဗီယက်နမ်နိုင်ငံ၊ လောင်းတန်က ရော်ဘာစိုက်ခင်းတစ်ခုအတွင်း တိုက်ပွဲတစ်ပွဲ ဖြစ်ပွားခဲ့ပါတယ်။ တစ်ဖက်မှာ ဩစတြေးလျနဲ့ နယူးဇီလန်က တိုက်ပွဲအတွေ့အကြုံ နုနယ်သေးတဲ့ လူငယ်စစ်သား ၁၀၈ ယောက်၊ တစ်ဖက်မှာတော့ အတွေ့အကြုံရှိတဲ့ မြောက်ဗီယက်နမ်နဲ့ ဗီယက်ကောင်းစစ်သား ၂၅၀၀ တို့ ရင်ဆိုင်ကြရတာပါ။ မိုးတွေရွာနေတဲ့ကြားက တိုက်ပွဲဝင်နေရင်း လက်နက်ခဲယမ်းတွေပါ ကုန်သွားတဲ့အခါ လူငယ်စစ်သားတွေအတွက် အသက်ရှင်ကျန်ဖို့ ပိုခက်လာပါတယ်။ နယ်မြေကိုလည်း တစ်ဖက်က ပိုကျွမ်းကျင်နေတော့ သူတို့လက်ထဲ မကျရောက်ဖို့နဲ့ ကိုယ့်အသက်ကို ဆက်ထိန်းထားနိုင်ဖို့ ဒီစစ်သားတွေ ဘယ်လို ရုန်းကန်ကြမလဲ။