Alex Roe ပါဝင်သော ဇာတ်ကားများ

Bone Lake (2025) IMDb Rating (6.1) / Rotten Tomatoes (82%) ဒီကားက လူ ၄ ယောက်ထဲနဲ့ ရိုက်ထားပေမဲ့ အတော်လေးကြမ်းတဲ့ Psychology Horror ကားလို့ပြောရမယ်။ ဇာတ်လမ်းစထဲက ဘယ်သူက လူကောင်းလူဆိုးသိနေပေမဲ့...လူတွေရဲ့ စိတ်ထဲက လျှို့ဝှက်ချက်တွေ မသိစိတ်တွေ မျက်ကွယ်ရာတွေ မလုံခြုံမှုတွေကို အသက်ရှူကြပ်ချင်စရာကောင်းအောင် ရိုက်ပြထားတယ်။ ဇာတ်လမ်းမှာ Sage နဲ့ Diego ဆိုတဲ့ လင်မယားက Romantic အားလပ်ရက်ခရီးထွက်လာရင်း အရိုးရေကန်ဆိုတဲ့ ခြံကျယ်ကြီးထဲက ဇိမ်ခံအိမ်ကြီးမှာ တစ်ပတ်တာငှားလိုက်ကြတယ်။ ဖြစ်ချင်တော့ ဒီအိမ်ကို Will နဲ့ Cin ဆိုတဲ့ စုံတွဲကလည်း မကြာခင် ရောက်လာပြီး ဘွတ်ကင်လုပ်ပြီးသားဖြစ်နေတဲ့အတွက်...အိမ်ရှင်အမှားဖြစ်နေတဲ့အတွက် ညှိနှိုင်းပြီး ပေါင်းနေကြဖို့ သဘောတူလိုက်ကြတယ်။ လူငယ်စုံတွဲ ၂ တွဲ ခင်မင်သွားကြပေမဲ့ နောက်ပိုင်းမှာ စိတ်ကစားမှုတွေ၊ မလုံခြုံမှုတွေ အတိတ်က ရှိခဲ့တဲ့ စိတ်ဒဏ်ရာတွေကနေ သူတို့ ၄ ယောက်အတွက် စိတ်ပိုင်းဆိုင်ရာ စမ်းသပ်ချက်ကြီးတစ်ခုလိုဖြစ်လာတယ်။ နောက်မှဝင်လာတဲ့ ဝယ်လ်နဲ့ စင်ဒီစုံတွဲကလည်း သာမန်စုံတွဲမဟုတ်ဘဲ စိတ္တဇလူသတ်သမားတွေဖြစ်နေတာကိုသိလိုက်ရတဲ့အခါ၊ ဆေ့ဂ်နဲ့ ဒီယေဂိုကို ဘာဆက်ဖြစ်သွားမှာလဲ စိတ်လှုပ်ရှားစွာကြည့်ရမှာပါ။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (6.3 GB) / (1.3 GB) / (760 MB) Quality…. WEB-DL 4K HEVC / WEB-Rip 1080p HEVC / 720p Format…. mkv/mp4 Genre…. Horror,Mystery,Thriller Duration…. 01:34:43 Subtitle…. Myanmar Subtitle (Hardsub)

Hazard (2024) IMDb Rating (7.2) / Rotten Tomatoes (90%) ဘဝမှာ အကြိမ်ကြိမ်ပြိုလဲပြီး ပြန်ထနိုင်သူတွေဟာ သူရဲကောင်းတွေဆိုရင် ချောက်ကမ်းပါးထက်နက်တဲ့ မူးယစ်ဆေးသံသရာကနေ လွတ်မြောက်ဖို့ ကြိုးစားရုန်းကန်နေသူတွေဟာလည်း ချီးကျူးထိုက်သင့်သူတွေပါပဲ။ ဒီ Hazard ဆိုတဲ့ ရုပ်ရှင်မှာ Sara နဲ့ Will တို့ဟာ သူတို့သားလေး Morgan အတွက် မူးယစ်ဆေးနွံထဲက လွတ်မြောက်အောင် ရုန်းကန်ကြပုံကို ပုံဖော်ရိုက်ကူးထားတာပါ။ Sara က ဆေးဖြတ်ထားတာ တစ်နှစ်ကျော်နေပြီး သားဖြစ်သူ Morgan ကို သန့်ရှင်းရေးအလုပ် လုပ်ပြီး တစ်ကိုယ်တည်း ထိန်းကျောင်းနေတာပါ။ Will ကတော့ သားနဲ့ အမျိုးသမီးဖြစ်သူဆီ မကြာခဏ လာလည်ပါတယ်။ သူကိုယ်တိုင်ကတော့ ဆေးအရောင်းအဝယ်လုပ်ရင်း တစ်ရက်မှာ ဆယ်ကျော်သက် မိန်းကလေးတစ်ယောက်ကို ဆေးရောင်းမိသွားပါတယ်။ အဲ့ဒီမိန်းကလေး ဆေးလွန်ပြီး သေဆုံးသွားတဲ့အခါ Sara ရဲ့ အစ်ကိုဖြစ်သူ ရဲမှူး John က အမှုနောက်ကြောင်းကို စုံစမ်းစစ်ဆေးပါတော့တယ်။ ဘာတွေဆက်ဖြစ်မလဲဆိုတာကတော့ ရုပ်ရှင်ထဲမှာ ဆက်လက်ရှုစားပေးပါ။ File size… (2.6 GB) / (900 MB) Quality…. WEB-DL 1080p HEVC / 720p Format…. mkv/mp4 Genre…. Drama Duration…. 01:28:47 Subtitle…. Myanmar Subtitle (Hardsub)

ဒီတစ်ခါ cm ပရိသတ်ကြီးကို Crime Thriller ဇာတ်ကားလေး တစ်ခုနဲ့ မိတ်ဆက်ပေးချင်ပါတယ်။ ဇတ်လမ်းကတော့ ဘောလုံးပရို လောကကနေ အနားယူပြီး လန်ကက်စတာလို့ခေါ်တဲ့ အိမ်ရာအဆောက် အဦးကို အသစ်ရောက်ရှိလာတဲ့ အဲလက်စ်ဆိုတဲ့ ကောင်လေးက မျက်နှာချင်းဆိုင် အခန်းဖော် ကျောင်းသူနှစ်ယောက်ဖြစ်တဲ့ ဥပဒေကျောင်းသူ ဂရေ့စ်နဲ့ အာရီယာဆိုတဲ့ အနုပညာမေဂျာ ကျောင်းသူတို့နဲ့ အဖွဲ့ကျ ခင်မင်သွားကြပါတယ်။ အခန်းမှာနေပြီး မကြာခင် အဲလက်စ် သတိထား မိတာက သူတို့နဲ့ တစ်ထပ်တည်းမှာ နေပြီး ဂရေ့စ်တို့အခန်းနဲ့ ကပ်လျက်နေတဲ့ ကားလ်အဲဗားဆိုတဲ့ ထူးဆန်းတဲ့သူ တစ်ယောက်ကိုပါ။ အဲဒီသူက ဘယ်သူနဲ့မှ အရောတဝင် မနေသလို သူ့ရဲ့ အခန်းကိုလည်း ထူးဆန်းတဲ့ပုံစံနဲ့ ဧည့်သည်တွေ ဝင်ထွက်လေ့ရှိတာပါပဲ။ နောက်ပြီးတော့ သူတို့ရပ်ကွက်မှာ မိန်းကလေးငယ်တွေ ပျောက်ဆုံးမှု မကြာခဏဖြစ်တာကြောင့် ကွင်းဆက် လူသတ်သမား ရှိနေတယ်ဆိုပြီး ရဲတွေကတောင် မှတ်ချက်ပေးထားကြပါတယ်။ ဒီတော့ ထူးဆန်းတဲ့ အိမ်နီးချင်းကို သင်္ကာမကင်း ဖြစ်လာတဲ့ အဲလက်စ် တစ်ယောက် ဂရေ့စ်တို့နဲ့အတူ သုံးယောက်သား အဲဒီလူရဲ့ အိမ်ထဲကို မျက်နှာကျက်ကနေ တစ်ဆင့် ဖောက်ထွင်း ဝင်ရောက် စုံစမ်းဖို့  ကြိုးစား ကြပါတယ်။ သူတို့တွေ ကားလ်အခန်းထဲကို ရောက်တဲ့အချိန်မှာ သူတို့ မထင်တားတဲ့ အရာတွေကို အခန်းထဲမှာ တွေ့လိုက်တဲ့အခါမှာတော့.....။ File size… 1.53GB / 829MB Quality…WEB-DL  1080p HEVC / 720p Format…mkv / mp4 Duration….1h 52m Genre ….. Crime , Drama , Mystery , Thriller Subtitle….Myanmar Subtitle (Hard Sub) Encoder….Min Wai Translated by Aoi

ဒီဇာတ်လမ်းဟာ 2018 ခုနှစ် မတ်လ၂၉ ရက်နေ့မှာ season 1 ပြသခဲ့ပါတယ်... ပရိတ်သတ်များ စိတ်ဝင်စားမှုအများအပြားရရှိထားတဲ့ ဇာတ်လမ်းတစ်ပုဒ်ဖြစ်ပါတယ် အညွှန်း - Siren နဲ့ mermaid က အဓိပ္ပာယ်ကွဲပြားပါတယ်.. Mermaid ကတော့ ရေသူမလို့ လူအများသိထားတဲ့ ဒဏ္ဍာရီလာသတ္တဝါတစ်မျိုးဖြစ်ပါတယ်...Mermaid ဆိုတာက လူတစ်ပိုင်း ငါးတစ်ပိုင်းသတ္တဝါဖြစ်ပါတယ်... Siren ကတော့ လူတစ်ပိုင်း ငှက်တစ်ပိုင်းသတ္တဝါဖြစ်ပါတယ်... Siren နဲ့ mermaid ဟာ ၁၆ ရာစုနှစ်လောက်ကစပြီးလူသိများခဲ့ပါတယ်..နှစ်ကောင်လုံးကတော့ သင်္ဘောသားတွေကို သီချင်းသီဆိုသံတွေနဲ့ ဆွဲဆောင်ကြတယ်တဲ့.. siren ကတော့ evil ပိုဆန်တယ်လို့ပြောကြပါတယ်... ဒီအကောင်တွေ တကယ်ရှိမရှိတော့ ဘယ်သူမှ အတိအကျမသိကြပါဘူး... Siren ဇာတ်လမ်းမှာတော့... ပြောရလွယ်အောင် ရေသူမလို့ပဲ အလွယ်ပြောပါရစေ... ရေသူမတစ်ကောင်ကို ငါးဖမ်းသမားတွေဖဖမ်းမိကြပါတယ်... ဒီလို ရေသူမရှိတယ်ဆိုတဲ့ သတင်းကို စစ်တပ်က ကြားပြီးဖြစ်ပါတယ်.. ငါးဖမ်းသမားတွေ ရေသူမကို ဖမ်းမိတဲ့အချိန်မှာပဲ စစ်တပ်က ရောက်လာပြီး ရေသူမကို ယူသွားပါတယ်... သုတေသနပြုလုပ်ဖို့ပါ... ဒီအချိန်မှာပဲ အစ်မဖြစ်သူ ရေသူမကို ဖမ်းသွားတဲ့အတွက် ညီမဟာ ကုန်းပေါ်တက်ပြီး သူ့အစ်မကို လိုက်ရှာပါတယ်... လိုက်ရှာရင်းနဲ့ ရေကြောင်းသုတေသနဌာနမှာ အလုပ်လုပ်နေတဲ့ ဘန်နဲ့ ရေသူမ ဆုံပါတော့တယ်... ရေသူမ နာမည်က ရင်တဲ့... ဘန်မှာ အလုပ်တွဲလုပ်တဲ့ ချစ်သူကောင်မလေး မက်ဒီဆိုတာလည်းရှိပါတယ်... သူတို့ဟာ ရင်ရဲ့ အစ်မကို ကူရှာပေးခဲ့ပါတယ်... ဒါကတော့ siren ရဲ့ season 1 အကြောင်းအရာပါ... ဒုတိယပိုင်းမှာတော့ သမုဒ္ဒရာထဲ ဆူညံမှုတစ်ခုကြောင့် ရင် သာမက အခြားရေသူထီး ရေသူမတွေလည်း ကုန်းပေါ်တက်လာကြပါတယ်... ရေသူမတွေ ဘယ်လိုနေမလဲ...ရေသူမတွေ ကုန်းပေါ်ကို ဘာလို့တက်လာတာလဲ... ဘန်တစ်ယောက် အကြောင်းအရင်းကို ရှာနိုင်မလား စတာတွေကို ကြည့်ရှုရမှာပါ... season 1 ထက် ပိုပြီးစိတ်ဝင်စားဖို့ကောင်းလာပါတယ်..ကြည့်ရှုအားပေးကြပါဦးနော် (ဘာသာပြန်တင်ဆက်ပေးထားသူတွေကတော့ CM Team ကပဲ ဖြစ်ပါတယ်) Quality – 720p WEB Duration – 1hr (@Episode) Subtitle – Myanmar Hardsub Format – Mp4 Genre : Drama, Fantasy Source : 720p.web.x264-tbs Translator - May Haruko,August,Htoo Htoo,Charm Wave,Aye Mon Kyaw Encoder – Thanhtike Zaw

ဒီဇာတ်ကားဟာ ၂၀၁၈ ခုနှစ်မှာထွက်ရှိထားတဲ့ ဒရမ်မာအမျိုးအစားကားဖြစ်ပါတယ်။။ ကန်းထရီးအဆိုတော်တစ်ယောက်ဖြစ်တဲ့ လီယမ်ဟာ အောင်မြင်မှုနောက်ကိုလိုက်ရင်း ချစ်သူကောင်မလေးကိုလက်တွဲဖြုတ်ခဲ့ပါတယ်… နောင်ရှစ်နှစ်အကြာမှာမွေးရပ်မြေကသူငယ်ချင်းဟောင်း တစ်ယောက်ရဲ့အသုဘကိုလာရင်းနဲ့  သူတို့အချင်းချင်းတွေ့ဆုံဖို့ဖြစ်လာပါတော့တယ်.... အောင်မြင်မှုှု့နောက်ကိုလိုက်ရင်းနဲ့ ချစ်ရသောချစ်သူကိုပစ်ထားခဲ့ရပေမယ့် လီယမ်မှာ သူ့ချစ်သူကောင်မလေးရဲ့နောက်ဆုံးပို့ထားတဲ့ Voice Message လေးရှိတဲ့ ဖုန်းအစုတ်လေးကိုပဲ ၈ နှစ်ကြာကြာပေတေကိုင်ရင်း မနက်နိုးတိုင်း အိပ်ခါနီးတိုင်း နေ့တိုင်းကိုအဲဒီ Message လေးနားထောင်ပြီး သူ့ရဲ့နေ့ရက်တိုင်းလိုလိုကို ဖြတ်သန်းခဲ့တာပါ.... ဒီလိုမျိုးချစ်သူကို ချစ်တတ်တဲ့စိတ်ကတော့ တကယ်ကိုလေးစားစရာပါပဲ... သင်တို့မှာသာအဲလိုချစ်သူတစ်ယောက်ရှိရင် ဒီကားလေးကို Share ရင်း သူ့ကိုမျှဝေပေးလိုက်ပါ.... တကယ်တော့ အချစ်ဆိုတာအနားမှာရှိနေပြီး ဂရုစိုက်နေမှ အချစ်လို့မခေါ်ပါဘူး... အချစ်ဆိုတာ သူ့အနားမှာရှိသည်ဖြစ်စေ မရှိသည်ဖြစ်စေ  သူနဲ့ပတ်သတ်သမျှအရာတွေအကုန်လုံးကို တန်ဖိုးထားတတ်တဲစိတ်လေးတစ်ခုပါ... ဒီကားလေးဟာအေးစက်တဲ့ကားလေးတစ်ကားလို့ထင်ရပေမယ့် ဒီခေတ်အသုံးအနှုံးနဲ့ပြောရမယ်ဆိုရင် တကယ်ကို ရို တဲ့ကားလေးတစ်ကားပါ... စာအုပ်နဲ့ရုပ်ရှင်အကြားကွဲလွဲမှုတွေရှိနေတယ်လို့ဒီကားဟာ ဝေဖန်ခံခဲ့ရပေမယ့် ပရိသတ်အားပေးမှုကိုရရှိထားပြီး Box Office မှာ အမြတ်အစွန်းများစွာရရှိထားတဲ့ကားကောင်းတစ်ကားပဲဖြစ်ပါတယ်… File Size : (849 MB) Quality : BluRay 720p Running Time : 1hr 48min Format : Mp4 Genre : Animation, Action Subtitle : Myanmar Subtitle (Hard Sub) Source : BluRay 1080p Translated by Neve Encoded by Moe Myint Lwin

Rings (2017) ဒီကားလေးကတော့ ဂျူလီယာဆိုတဲ့ကောင်မလေးက ကောလိပ်သွားတက်တဲ့ သူ့ကောင်လေးနဲ့ တစ်ညမှာဗီဒီယိုကောပြောအပြီး အဆက်အသွယ်မရရာကနေ တစ်နေ့ကျ သူ့ကောင်လေးရဲ့ ကွန်ပြူတာကနေ ထူးထူးဆန်းဆန်းတွေပြောတဲ့ကောင်မလေးနဲ့ စကားပြောမိလိုက်တယ်။ အဲ့ကောင်မလေးပြောတာက သူ့ကောင်လေးကို ပုန်းလို့မရဘူး "သူ"လာနေပြီတဲ့။ ဂျူလီယာလည်း စိတ်ပူပြီး သူ့ကျောင်းကိုလိုက်သွားရာမှာ သူနဲ့ပြောခဲ့တဲ့ကောင်မလေးကပဲ ဂျူလီယာကို သူ့ကောင်လေးကိုတွေ့ဖို့နည်းရှိတယ်။ တစ်ခုတော့အရင်လုပ်ရမယ်ဆိုပြီး ဗီဒီယိုတစ်ခုကိုပြတယ်။ အဲ့နောက်မှာ ဂျူလီယာသိလိုက်ရတာက ကြည့်မိပြီးတဲ့လူတိုင်းခုနှစ်ရက်အတွင်းသေတဲ့ ဗီဒီယိုဖိုင်တစ်ခုကို သူတို့ကောလိပ်က ဇီ၀ဗေဒပရော်ဖက်ဆာက စမ်းသပ်မှုတစ်ခုအနေနဲ့ ကျောင်းသားအနည်းစုကိုကြည့်ခိုင်းတယ်တဲ့။ ကျောင်းသားတစ်ယောက်က ကြည့်ပြီးတာနဲ့ ခုနှစ်ရက်ပြည့်ခါနီးကျ နောက်တစ်ယောက်ကို အဲ့တာကိုကြည့်ခိုင်းပြီး ကျိန်စာကို လက်ဆင့်ကမ်း‌ပေးတော့ ဘယ်သူမှမ‌သေတော့ဘူးပေါ့။ ကျောင်းသားတွေက အလှည့်ကျကြည့်ကြပြီး ‌သူတို့ရဲ့နောက်ကျိန်စာကိုလက်ခံမယ့်သူကို " နောက်လိုက် " လို့ခေါ်ကြတယ်။ ဒါပေမယ့် ကျောင်းသားတွေ ကျိန်စာစပြောင်းလဲလာတာကို သတိထားမိလာကြတဲ့အပြင် ကျောင်းသားတစ်ယောက်ပါ သေဆုံးသွားတဲ့အခါ အကုန်လုံးကြောက်လန့်ကုန်ကြပြီး အခုကျိန်စာကူးသွားတဲ့ ဂျူလီယာနဲ့ သူ့ကောင်လေးက နည်းလမ်းရှာကြရင်း သိလိုက်ရတာက အဲ့ဗီဒီယိုထဲမှာ ဘယ်သူမှမမြင်ဖူးတဲ့ နောက်ထပ်ဗီဒီယိုတစ်ခုရှိနေတယ်ဆိုတာပဲ။ သူတို့အဲ့ဒီကျိန်စာကို ဘယ်လိုဆက်ရင်ဆိုင်မလဲဆိုတာကိုတော့ ကြည့်ကြည့်လိုက်ကြနော်။ Translated By PhuThetKhin (အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။) File size…(1.3 GB) / (780 MB) Quality….Blu-Ray 1080p HEVC / 720p Format…. mkv/mp4 Genre….Drama, Horror, Mystery Duration….01:43:24 Subtitle….Myanmar Subtitle (Hardsub) Encoder….Benjamin Translated by Phu Thet Khin

Sniper Legacy (2014) ဇာတ်ကားဟာ 2011 ခုနှစ်ထွက် Sniper Reloaded ရဲ့အဆက်ဖြစ်ပြီး ရှေ့ကားရဲ့ ခြေရာကို ကောင်းကောင်းလိုက်နင်းထားနိုင်တဲ့ Sniper အသားပေး Action ဇာတ်ကားကောင်းပဲ ဖြစ်ပါတယ်။ အရင်ကားထဲက မင်းသားကျော် သရုပ်ဆောင်ထားတဲ့ Brandon Beckett ဟာ ဒီကားထဲမှာလဲ အဓိကအနေနဲ့ ဆက်လက်ပါဝင်နေတုန်းပါပဲ။ ဇာတ်လမ်းလေးရဲ့အစမှာတော့ ယခင်စစ်သားဟောင်း တစ်ယောက်က အကြောင်းတစ်စုံတစ်ခုကြောင့် အာဖဂန်နစ္စတန်က မစ်ရှင်တစ်ခုမှာ ပါဝင်ခဲ့ဖူးတဲ့ အရာရှိတွေ အားလုံးကို တစ်ယောက်ပြီးတစ်ယောက် လိုက်လံလုပ်ကြံ နေတာနဲ့ စထားပါတယ်။ သူ ဘာအကြောင်းတွေကြောင့် ဒီလိုလုပ်ကြံနေတာလဲ။ အဲဒါတွေကို အဖြေရှာဖို့ မင်းသားရဲ့ ဆရာအပေါ် တာဝန်ကျလာတဲ့အခါမှာ မင်းသားနဲ့ ဘယ်လို ပူးပေါင်းပြီး အဖြေရှာမလဲ သူတို့ရဲ့ ရည်မှန်းချက်ကရော အောင်မြင်မှာလား မင်းသားရဲ့အဖေ တစ်ချိန်က နာမည်ကျော် Sniper ဖြစ်ခဲ့တဲ့သူကရော နောက်ကွယ်မှာ ဘာအကြောင်းတွေ ရှိနေမှာလဲ မင်းသားအနေနဲ့ လုပ်ကြံမှုတွေကို တားဆီးနိုင်ပါ့မလား စတာတွေကို ပစ်ခတ်ခန်း အကောင်းစားတွေနဲ့ R rating အဆင့်မျိုး ကြည့်ရမှာဖြစ်လို့ အက်ရှင်ကားကြိုက်သူတွေ ကြည့်ဖြစ်အောင် ကြည့်ဖို့ တိုက်တွန်းလိုက်ပါတယ်..... File size…2.14GB / 1.15GB Quality…WEB-Rip 1080p  / 720p Format…mp4 Duration….1h 35m Genre ….. Action , Thriller , War Subtitle….Myanmar Subtitle (Hard Sub) Encoder….Min Wai Translated by Lin Aung