Alexander Mandra ပါဝင်သော ဇာတ်ကားများ

တိရိစ္ဆာန်ချစ်တဲ့သူတွေအတွက် ၂၀၁၇ ထွက် ခွေးကားကောင်းကောင်းလေးပါ။ ဒီဇာတ်ကားထဲမှာ မာက်စ် ဟာ စစ်ဖက်ဆိုင်ရာဗုံးရှာဖို့အတွက် အထူးလေ့ကျင့် သင်ကြားပေးထားတဲ့ ခွေးလေးတစ်ကောင်ပါ။ စစ်တပ်တွေ တစ်တပ်ပြီးတစ်တပ်ပြောင်း တာဝန်ထမ်းဆောင်နေတဲ့ခွေးလေးပါ။ အမေရိကန်အစိုးရအနေနဲ့ နျူကလီယားလက်နက်တွေ ထိန်းချုပ်လျော့ပါးရေး အတွက် လုပ်ကိုင်နေတာဖြစ်တဲ့အတွက် ရှရှားနဲ့စေ့စပ်ညှိုနှိုင်းရေးတွေလုပ်နေပါတယ် ။ ဒီညှိုနှိုင်းရေးအတွက် ရှရှားသမ္မတကိုယ်တိုင် အမေရိကန်ကို တစ်ပတ်တိတိ လာရောက်လည်ပတ်ရင်းနဲ့ စေ့စပ်ညှိုနှိုင်းကြမှာဖြစ်ပါတယ်။ ဒီအချိန်မှာပဲ အိမ်ဖြူတော်ရဲ့ ဗုံးရှာတဲ့ခွေးမလေး “ချာလီ”ဟာ မီးဖွားခွင့်ယူသွားလို့ “မာက်စ်”ဟာ အစားထိုးတာဝန်ယူဖို့  အိမ်ဖြူတော်ကို ရောက်လာပါတယ်။ အမေရိကန် သမ္မတအသစ် မှာ “တီဂျေ” လို့ခေါ်တဲ့ဆယ်ကျော်သက်အရွယ် သားလေးတစ်ယောက် ရှိသလို ရှရှားသမ္မတမှာလည်း အဲလက်ဇန်းဒါးလို့ခေါ်တဲ့ဆယ်ကျောက်သက် သမီးလေးတစ်ယောက်ရှိပါတယ်။ နှစ်နိုင်ငံညှိုနှိုင်းရေးကို နှောင့်ယှက်ဖျက်ဆီးချင်သူနေတွေကလည်း ရှိနေပါတယ်။ ဒီနှောင့်ယှက်ဖျက်ဆီးမှုကို ဆယ်ကျော်သက်ကလေး ၂ ယောက်ရယ် ခွေးတစ်ကောင်ရယ် ဘယ်လိုဖြေရှင်းကြမလဲဆိုတာကတော့ ဇာတ်ကားထဲမှာ ဆက်လက်ကြည့်ရှုလိုက်ကြပါ။ ကလေးသရုပ်ဆောင် ၂ ယောက်ရဲ့ ချစ်စရာကောင်းပြီးသရုပ်ဆောင်ပိုင်နိုင်မှုနဲ့  ခွေးလေးရဲ့ လိမ္မာပါးနပ်မှုကြောင့် ဒီကားလေးဟာ ကြည့်ပြီးရင်းကြည့်ချင်လောက် အောင်ကို ကောင်းမွန်ပါတယ်.. Quality…..BluRay 1080p Duration…..01:25:00 Format…Mp4 File Size…(735 MB ) Encoder…..Moe Myint Lwin Translator…..Little Twinlay

ဒါရိုက်တာ ဇက်စနိုင်ဒါရဲ့ စူပါဟီးရိုးလက်ရာတွေထဲက တစ်ခုဖြစ်တဲ့ Watchmen ကို ဘာသာပြန်၊ ကွာလတီ အကုန်စိတ်ကြိုက်ပြင်ပြီး ပြန်တင်ပေးထားပါပြီ။ Watchmen ဟာ Version ၃ မျိုးရှိပြီး ခုတင်ဆက်လိုက်တဲ့ Ultimate Cut ကတော့ အရှည်ဆုံး Cut ဖြစ်တဲ့ ၃ နာရီ ၃၅ မိနစ်ကျော်ကြာမြင့်တဲ့ Version ဖြစ်တာမလို့ အပြည့်စုံဆုံး Version ပါပဲ။ Watchmen ရုပ်ရှင်ဟာ နောက်ပိုင်း မာဗယ်နဲ့ဒီစီနှစ်ခုလုံးမှာထွက်နေတဲ့ပေါ့ပေါ့ပါးပါးနဲ့ ဘဝအမောပြေစေတဲ့ကားမျိုးမဟုတ်လို့ စူပါဟီးရိုးရုပ်ရှင် မှောင်မှောင်လေးကြိုက်သူတွေကြည့်သင့်ပါတယ်။ Watchmen ဆိုတဲ့နာမည်ဟာ ရောမစာရေးဆရာ ဂျဗီနယ် ၁ ရာစုလောက်မှာ ရေးသားခဲ့တဲ့ နာမည်ကြီး လက်တင်ကဗျာထဲကနေ ဆင်းသက်လာတာပါ။ noui consilia et ueteres quaecumque monetis amici, "pone seram, cohibe". sed quis custodiet ipsos custodes ငါ့မိတ်ဆွေတွေ အမြဲပြောနေတဲ့ စည်းကမ်းထိန်းသိမ်းရေး၊ မိန်းမတွေကို စည်းကမ်းတင်းကြပ်ထားဆိုတာ၊ ဒီကင်းသမားတွေကို ဘယ်သူကင်းပြန်စောင့်မလဲ ဆိုတဲ့ ကဗျာပါ။ ရောမခေတ်ရဲ့ အမျိုးသမီးဖိနှိပ်မှုတွေကိုထောက်ပြထားတာဖြစ်ပြီး အာဏာပိုင်တွေကို ဘယ်သူက ထိန်းကျောင်းမလဲဆိုပြီး မေးခွန်းထုတ်ခဲ့တာပါ။ ဇာတ်လမ်းအကျဉ်း ဒီရုပ်ရှင်ကိုတော့ အခြားအပြိုင်စကြဝဠာတစ်ခုမှာ ဇာတ်အိမ်တည်ထားတာပဲဖြစ်ပါတယ်။ အဲဒီစကြဝဠာမှာ ဒေါက်တာမန်ဟက်တန်ရဲ့ အကူအညီနဲ့ အမေရိကန်တွေ ဗီယက်နမ်မှာ စစ်နိုင်ခဲ့ပြီး အမေရိကန်ပြည်နယ် ၅၁ ခုဖြစ်သွားတာမို့ ရုပ်ရှင်ထဲက အမေရိကန်အလံတိုင်းမှာကြယ် ၅၁ လုံးပါဝင်နေတာကို တွေ့ပါလိမ့်မယ်။ အပြင်လောက အလံအစစ်က ပြည်နယ် ၅၀ ကိုကိုယ်စားပြုတဲ့ ကြယ် ၅၀ ပဲ ပါဝင်တာပါ။ Watchmen စူပါဟီးရိုးအဖွဲ့က ရဲတွေကနေ အစပြုတာပါပဲ။ ရဲအချို့ဟာ သူတို့ဖမ်းသမျှလူဆိုးတိုင်း ပြန်ပြန်လွတ်လာကြတာကို သည်းမခံနိုင်တော့တဲ့အတွက် မျက်နှာဖုံးတွေစွပ်ပြီး ဥပဒေပြင်ပ ရာဇဝတ်တိုက်ဖျက်ရေး ဗီဂျလန်တီတွေအဖြစ် လုပ်ဆောင်လာကြပါတယ်။ အဲဒီကနေမှ 1939 လောက်မှာ မျက်နှာဖုံးစွပ် ဝက်ချ်မန်းအဖွဲ့စတင်ခဲ့တာပါ။ အစပိုင်းမှာ အလုပ်ဖြစ်ခဲ့သလို ပြည်သူတွေက ထောက်ခံခဲ့ပေမဲ့ ၁၉၇၇ မှာ မျက်နှာဖုံးစွပ်ဗီဂျလန်တီတွေကို တရားမဝင်ကြေညာတဲ့ဥပဒေထွက်ပေါ်လာပြီး ဝက်ချ်မန်းအဖွဲ့အနားယူသွားခဲ့ပါတယ်။ တရားမဝင်ကြေညာထားတာကို ဂရုမစိုက်ဘဲ ဝရမ်းပြေးအဖြစ် ဆက်လုပ်နေတဲ့သူကတော့ ရော်ရှက်တစ်ယောက်ပဲ ကျန်ပါတော့တယ်။ ဇာတ်လမ်းစတင်ချိန်ကတော့ ၁၉၈၅ ဝန်းကျင် စစ်အေးတိုက်ပွဲ အရှိန်အမြင့်ဆုံးအချိန်၊ အမေရိကန်နဲ့ဆိုဗီယက် အဏုမြူစစ်ကြောင့် ကမ္ဘာကြီးပျက်စီးလုနီးနီးကာလမှာပါ။ အနားယူသွားတဲ့ ဝက်ချ်မန်းအဖွဲ့ထဲက ကော်မီဒီယံ(ဟာသသမား)ဆိုတဲ့သူ အသတ်ခံရပြီးနောက်မှာ ရော်ရှက်က မျက်နှာဖုံးစွပ်ဗီဂျလန်တီတွေကိုပစ်မှတ်ထားပြီး လုပ်ကြံတဲ့သူရှိနေပြီလို့ သံသယရှိတဲ့အတွက် လိုက်စုံစမ်းလာခဲ့ပါတယ်။ အဲဒီကမှ ဝက်ချ်မန်းအဖွဲ့ထဲက ကမ္ဘာ့ဉာဏ်အကောင်းဆုံးလူသားဆိုတဲ့ အိုဇီမန်းဒီးရက်အပြင် နိုက်အောင်း၊ ဒေါက်တာမန်ဟက်တန်တို့ပါ ပတ်သက်လာပြီး ဝက်ချ်မန်းတွေလုပ်ကြံခံနေရတဲ့နောက်ကွယ်က အကြီးဆုံးအန္တရာယ်ကြီးတွေကို တွေ့ရှိလာပါတော့တယ်။ File size…  10 GB /  3.7  GB /  1.4 GB Quality… BluRay Ultimate Cut Version 4K / 1080p / 720p Format… mp4 Duration…. 3h 35m Genre ..... Action/Sci-fi Subtitle…. Myanmar Subtitle (Hard Sub)