Alexander Pollard ပါဝင်သော ဇာတ်ကားများ

~ IMDb - 7.6/10, Rotten Tomatoes - 90% ~ အကောင်းတကာ့ အကောင်းဆုံးဆိုတဲ့ The Shawshank Redemption ဆိုတဲ့ ထောင်ဖောက်ဇာတ်ကားကို လူကြီးမင်းတို့ အပြန်ပြန်အလှန်လှန် ကြည့်ဖူးကြမယ်ဆိုရင်ပေါ့ဗျာ။ အဲဒီဇာတ်ကားထဲမှာ မိန်းမပျိုလေးတစ်ယောက်က အန်ဒီဆိုတဲ့ ဘူမိဗေဒသမားလေးကို ထောင်ဖောက်ဖို့ ကူညီပေးခဲ့တာ အမှတ်ရမိကြမှာပါ။ အန်ဒီရဲ့ အခန်းနံရံက သူတူးထားတဲ့ လိုဏ်ခေါင်းပေါက်ကို အပြုံးလေးနဲ့ ကွယ်ပေးထားတဲ့ မင်းသမီးပိုစတာလေးကို ပြောတာပါလေ။ အဲဒီမင်းသမီးလေးက Rita Hayworth တဲ့။ ထောင်မင်းသားတွေကို ရုပ်ရှင်ပြကြတော့ Gilda ဆိုတဲ့ဇာတ်ကားကို အထပ်ထပ် အခါခါ ပြခဲ့ကြတာပေါ့။ မင်းသမီးလေး Rita Hayworth က Gilda ဆိုတဲ့ ကောင်မလေးအဖြစ်နဲ့ ဆံနွယ်လေးတွေကို ဝဲခနဲ ခါလိုက်တဲ့အခါမှာ ထောင်မင်းသား ပရိသတ် ဝေါခနဲ ဖြစ်သွားရတာပေါ့။ Red ကတော့ တဖွဖွပြောလေရဲ့။ သူ့ရဲ့ဆံနွယ်လေးတွေ ဝဲခနဲခါလိုက်တဲ့အချိန်ကတော့ ကျုပ်အကြိုက်ဆုံး အခန်းပဲဗျို့ တဲ့။ ဒီတော့ အခု အဲဒီ Gilda ဆိုတဲ့ ဇာတ်ကားလေး တင်ဆက်ပေးလိုက်ပါတယ်။ မှော်ဆရာမလေး၊ ရှေးခေတ်ရဲ့ အတောက်ပဆုံးကြယ်တစ်ပွင့် Rita Hayworth ဦးဆောင်ပါဝင်တဲ့ ဇာတ်ကားပါ။ အမေရိကန်ရဲ့ ထိန်းသိမ်းစောင့်ရှောက်ထားရမယ့် အမွေအနှစ်ဇာတ်လမ်းစာရင်းမှာ တင်သွင်းသတ်မှတ်ခံထားရတဲ့ ဇာတ်လမ်းပေါ့။ မင်းသမီးဇာတ်ဆိုတော့ မင်းသမီးအသားပေးရိုက်ကွက်တွေနဲ့ပေါ့ဗျာ။ နှမြောစရာကောင်းတာက ဇာတ်ဝင်တေးတွေကို စာတန်းထိုးမထားတာပဲ။ ဒါပေမဲ့ "Put the Blame on Me" နဲ့ "Let Be the Night Forever" ဆိုပြီး ရှာနားထောင်ကြည့်လိုက်ပါနော်။ ဇာတ်လမ်းအကျဉ်းကတော့ လောင်းကစားနဲ့ ဘဝကိုဖျံကျလာတဲ့ ကောင်ကလေး ဂျွန်နီ ဖဲရာ ကို လုပ်ငန်းရှင်ကြီးတစ်ယောက်က သဘောကျလို့ လူယုံတော်အဖြစ် ခန့်လိုက်သတဲ့။ လုပ်ငန်းရှင်ကြီး မတ်ဆွန် က နှယ်နှယ်ရရတော့ မဟုတ်ဘူး။ လောင်းကစားက တရားမဝင်တဲ့ အာဂျင်တီးနားနိုင်ငံမှာ လောင်းကစားရုံဖွင့်နေတဲ့ဘဲကြီး။ လောင်းကစားရုံက ဟန်ပြပဲရှိပါတယ်လေ။ တကယ်က အဖြိုက်နက်သတ္တုတူးဖော်ရေးနဲ့ တီထွင်မှု မူပိုင်ခွင့်တွေနဲ့ စစ်ကြီးပြီးကာစ ကမ္ဘာကို စီးပွားရေးနဲ့ အုပ်စိုးဖို့ ပြင်နေသူကြီးပေါ့။ ဂျွန်နီက သူ့ရဲ့ အာစရိကို မျိုးစုံကာကွယ်ပေး၊ လုပ်ငန်းတွေ ဦးစီးပေးလို့ အာမခံသေတ္တာနံပါတ်တောင် ပြောပြခြင်းခံရသူပါ။ ဒါပေမဲ့ မတ်ဆွန် တစ်ယောက် မိန်းမယူပြီး ပြန်လာချိန်မှာတော့ အရာအားလုံးက ကမောက်ကမ ဖြစ်သွားခဲ့ပါတယ်။ ချစ်သူဟောင်းကို ဆရာကတော်အဖြစ် ရင်ဆိုင်ရမယ့် ဂျွန်နီ တစ်ယောက် ဘယ်လိုဆက်ဖြစ်မလဲ... အရှုပ်တော်ပုံကြီးထဲမှာ အရူးလင်တော်မိတဲ့ ဂီဒါ လေးကရော ဘာဆက်လုပ်မလဲ... Rating သိပ်ကောင်းတဲ့ ဇာတ်ကားဖြစ်တာနဲ့အညီ ဇာတ်ကွက်တွေ၊ သရုပ်ဆောင်တွေက ပိရိလွန်းပါတယ်။ သီချင်းတွေ၊ ကတဲ့ဝတ်စုံတွေကလည်း တစ်ခေတ်တစ်ယောက် ပညာရှင်တွေ အစွမ်းကုန်ကြဲထားတာမလို့ ရွေးချယ်ကြည့်ရှုသင့်တဲ့ ဇာတ်ကားဟောင်းလေးဖြစ်ပါကြောင်း...။ (ဒီဇာတ်ကားနဲ့အညွှန်းကို Arr Khun Winchester မှ ပြန်ဆို ရေးသားထားပါတယ်) Size - 2.1GB, 887MB Quality - 1080p, 720p IMDb Rating - 7.6/10 Format - mp4 Duration - 1H 50Min Genre - Drama, Film-Noir, Romance Subtitle - Myanmar Subtitle (Hardsub) Translated by Arr Khun Winchester Encoded by Y

IMDB : 7.6/10 ဒီကားလေးကတော့ စုံထောက်ကားလေးလည်းဟုတ်သလို တစ်ဖက်သူရန်မူလာတာကိုပြန်ခုခံရင်းနဲ့ လူသတ်မိသွားတဲ့အတွက် ဘာမှမသိတဲ့သာမန်ပြည်သူတစ်ယောက်အနေနဲ့ ကြောက်ရွံစိတ်နဲ့ လူသတ်မှုကို ဘယ်လိုခြေရာဖျောက်ဖိုကြိုးစားသွားမလဲဆိုတာကို စိတ်ဝင်တစားကြည့်ရမဲ့ဇာတ်ကားလေးဖြစ်ပါတယ်။ ဇာတ်လမ်းလေးရဲ့ အကြောင်းအရာကတော့ ကောလိပ်တစ်ခုမှာပညာသင်နေတဲ့ ပရော်ဖက်ဆာရစ်ချာ့ဒ်ဝမ်လီဟာ တစ်နေ့သူ့သူငယ်ချင်းတွေနဲ့ ပြန်ဆုံပြီးညဖက်စားသောက်ဆိုင်မှာ စကားလက်ဆုံဖွဲကြပါတော့တယ်။ပြောနေရင်းမှာပဲ အပြင်ဆိုင်မှာချိတ်တင်ထားတဲ့မှန်ဘောင်ထဲက မိန်းမချောလေးရဲ့ပန်းချီကိုကြည့်ပြီး ဝေဖန်ပြောဆိုနေကြပါတယ်။ အပြန်မှာလူစုခွဲကြတော့ ပရော်ဖက်ဆာဝမ်လီဟာ အဲ့ဒီပန်းချီကိုကြည့်နေရင်း ရုတ်တရက်ပုံထဲက မိန်းမချောလေးဖြစ်တဲ့ လူအစစ်ကသူမရဲ့ပုံကိုကြည့်နေတာကိုမြင်ပြီး စကားလက်ဆုံလာဖွဲပါတော့တယ်။ဒီလိုနဲ့ ပရော်ဖက်ဆာဝမ်လီဟာ မိန်းမချောလေးရဲ့အိမ်အထိပါသောက်စားရင်း လိုက်ပါသွားပြီး စကားထိုင်ပြောနေကြပါတယ်။ ထိုအချိန်မှာပဲ ယောက်ျားတစ်ယောက်ကရောက်လာပြီး ဝမ်လီက မိန်းမချောလေးနဲ့အတူရှိနေတာကိုမြင်ပြီး ဒေါသထွက်ကာ ဝမ်လီကိုတိုက်ခိုက်ပါတော့တယ်။ဝမ်လီလည်း ပြန်ခုခံရင်းကနေ မတော်တဆလူသတ်မိသွားတဲ့အတွက် အလောင်းဖျောက်ပြီး စုံထောက်တွေရဲ့ ခြေရာခံမှုတွေကို မိန်းမချောလေးနဲ့အတူ ဘယ်လိုရှောင်တိမ်းသွားမလဲဆိုတာကိုတော့..... File size…(1.3 GB)/(757 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)

CM ပရိတ်သတ်ကြီးအတွက် G(old) ဇာတ်ကားတစ်ကား တင်ဆက်ပေးလိုက်ပါတယ် ခင်ဗျားတို့ဘဝမှာ လုံးဝမမေ့နိုင်လောက်အောင်ချစ်ခဲ့ရတဲ့သူ ပြီးရင် အဲ့ဒီလူအတွက် ဘာမဆိုပေးဆပ်ရဲအောင် ချစ်ခဲ့ပြီးမှ စွန့်လွှတ်လိုက်ရတာမျိုးကြုံဖူးလား‌ဗျ ဒါဆိုရင်တော့ ဒီဇာတ်ကားက ခင်ဗျားတို့နဲ့ တော်တော်တူသွားပါပြီ ဇာတ်ကားနာမည်က Casablanca ပါ လူတော်တော်များများက Casablanca ဆိုတဲ့နာမည်ကို ကြားဖူးကြမှာပါ အဲ့သီချင်းက အဓိပတိလမ်းမထက်ကခြေရာများဆိုတဲ့ သီချင်းရဲ့ မူရင်းသီချင်းဖြစ်ပြီး Bertie Higgins သီဆိုထားပါတယ် အဲ့ဒီ့သီချင်းထဲမှာmovieထဲက As Time Goes By ဆိုတဲ့ theme song နာမည်ကို ထည့်ဆိုထားသလို movie scriptဖြစ်တဲ့ A kiss is just a kiss in Casablanca ဆိုတာကိုလည်းထည့်ဆိုထားပါသေးတယ် ဇာတ်လမ်းကတော့ ဒုတိယကမ္ဘာစစ်ကို အခြေခံပြီးရိုက်ထားတာပါ နိုင်ငံရေးနဲ့ အချစ် ရောပြွန်းထားတဲ့ ဇာတ်ကားပုံစံပေါ့ဒါပေမယ့်လည်း G(old) ဟောင်းပေမယ့် ကောင်းနေဆဲပါပဲ ရစ်ခ် နဲ့ အယ်လ်ဆာ ဟာ Parisမှာ ချစ်သူတွေဖြစ်ခဲ့ကြပါတယ် အရမ်းကိုရိုမန့်ဆန်တဲ့ချစ်သူနှစ်ယောက်ပါ သူတို့နှစ်ဦး စန္ဒရားသမားကိုတီးခိုင်းပြီး အမြဲနားထောင်လေ့ရှိတဲ့ သီချင်းတစ်ပုဒ်က As Time Goes By ဆိုတဲ့သီချင်းပါပဲ ဝေးကြဖို့ အကြောင်းကဖန်လာတော့ ပြင်သစ်မှာ နိုင်ငံရေးအခြေအနေကြောင့် ရစ်ခ် က အယ်လ်ဆာနဲ့အတူထွက်ပြေးဖို့ စီစဉ်ထားတာကို အယ်လ်ဆာ ဟာရောက်မလာခဲ့ပါဘူး အဲ့ဒီ့ကနေ ရစ်ခ် က Moroccoနိုင်ငံကိုထွက်သွားပြီး Casablanca မြို့မှာ ဘားတစ်ခုဖွင့်လို့ အတည်တကျဖြစ်နေခဲ့ပါပြီ တစ်နေ့မှာတော့ မမျှော်လင့်ဘဲ အဲ့ဒီ့ဘားကို အယ်လ်ဆာ နဲ့ သူ့အမျိုးသား ဗစ်တာ တို့ရောက်ချလာပါတယ် အယ်လ်ဆာ က ဘားမှာ စန္ဒရားအတီးကျွမ်းတဲ့ ဂီတသမား ဆမ် ကို ‌ပြန်တွေ့လိုက်တော့ သီချင်းတစ်ပုဒ်တောင်းပါတယ် အဲ့သီချင်းက As Time Goes By ပါ သူတို့တွေပြန်ဆုံသွားကြတဲ့အခါ ဘယ်လိုတွေဖြစ်ကြမလဲ အယ်လ်ဆာ ကရော ဘယ်သူ့ကို ပိုချစ်တာလဲ ဘာကြောင့် ရစ်ခ် နဲ့အတူထွက်သွားဖို့မလာခဲ့တာလဲ နိုင်ငံရေးအကျဉ်းအကျပ်တွေကြားမှာ သူတို့ ၃ ဦးရဲ့ ချစ်ဇာတ်လမ်းက ဘယ်လိုဖြစ်မှာလဲ ကြည့်ရှုခံစားရမှာပါ အရမ်းကိုကောင်းတဲ့ဇာတ်ကားမလို့ ကြည့်ရှုပြီးခံစား ပေးကြပါအုံးနော် IMDb - 8.5/10 Rotten Tomatoes - 99% Metacritic - 100% Google users - 80% ရှိပြီး Oscars Award - Nomination ၉ ခုဝင်ပြီး Winner ၃ ခုရထားပါတယ် File Size -  1.4 gb Quality - bluray remastered 1080p Subtitle -  burmese (hardsub) Translator - Pyae Shan Tun Wai Encoder - Thit San Khant

တီထွင်သူတစ်ယောက်ဖြစ်ပြီး စီးပွားရေးရှင်ဖြစ်တဲ့ ကလိုက်ဒ်ဝိုင်နန့်ဟာ သူ့ရဲ့သမီးဖြစ်သူ ဒိုရသီရဲ့ မင်္လာဆောင်မတိုင်ခင် အလုပ်ကိစ္စတွေကို လုပ်ဖို့ ခရီးထွက်စရာပေါ်လာခဲ့ပါတယ် အဲဒီမှာ သူ့သမီးအတွက် ဟိုးအရင်တည်းက ဝယ်စုထားတဲ့ အစိုးရဘွန်းတွေကို လာယူတဲ့အခါမှာ ပျောက်နေတာကိုတွေ့ရခဲ့ပါတယ် အဲဒီမှာ သူ့ရဲ့ စက္ကထရီ ဂျူလီယာနဲ့ သွားပြီး ထိပ်တိုက်ရင်ဆိုင်ခဲ့ပါတယ် ဒီလိုနဲ့ သူတို့နှစ်ယောက် စကားများခဲ့ပြီး ထွက်လာခဲ့ပါတယ် ဒီလိုနဲ့ နောက်သုံးလအကြာမှာတော့ ဂျူလီယာ အသတ်ခံလိုက်ရပါတယ် အဲဒီတော့ ဂျူလီယာကို ဘယ်သူသတ်တာလဲ ဝိုင်နန့်ကရော ဘယ်ကိုရောက်နေတာလဲဆိုတာ ကြည့်ရှုခံစားရမှာဖြစ်ပါတယ်