Alexzander Wlan ပါဝင်သော ဇာတ်ကားများ

Samawa (2025) ဒီကားဟာ ဒါရိုက်တာ Ganank Dera ရိုက်ကူးထားပြီး အိမ်ထောင်ရေး ပြဿနာတွေ၊ ယဉ်ကျေးမှုနဲ့ ဘာသာရေးအယူအဆအစွဲတွေကို ထိတ်လန့်ဖွယ် Horror/Drama ပုံစံနဲ့ ရိုက်ကူးတင်ဆက်ထားတဲ့ အင်ဒိုနီးရှားရုပ်ရှင်ကားဖြစ်ပါတယ်။ "Samawa" ဆိုတာ အစ္စလာမ်ဘာသာဝင်တွေ အိမ်ထောင်ပြုတဲ့အခါ ဆုတောင်းပေးလေ့ရှိတဲ့ Sakinah Mawaddah Warahmah (ငြိမ်းချမ်းခြင်း၊ ချစ်ခြင်းနဲ့ မေတ္တာတရား) ဆိုတဲ့ စကားစုကနေ ဆင်းသက်လာတာ ဖြစ်ပါတယ်။ ဇာတ်လမ်းကတော့ ဂျာဗားရိုးရာယဉ်ကျေးမှု အယူအဆပြင်းထန်တဲ့ မိသားစုထဲမှာ ကြီးပြင်းလာခဲ့တဲ့ Yura (Badriyah Afiff) ဆိုတဲ့ အမျိုးသမီးလေးအကြောင်းပဲ ဖြစ်ပါတယ်။ Yura ဟာ Andy (Alexzander Wlan) နဲ့ မင်္ဂလာဆောင်လိုက်ပြီးတဲ့နောက် ပျော်ရွှင်စရာ အိမ်ထောင်ရေးတစ်ခုဖြစ်ဖို့ မျှော်လင့်ခဲ့ပေမယ့် Andy ရဲ့ ဖုံးကွယ်ထားတဲ့ အမှောင်ဘက်ခြမ်းတွေ၊ ပြုလုပ်ထားတဲ့အပြစ်တွေနဲ့ အိမ်တွင်းအကြမ်းဖက်မှုတွေကြောင့် သူ့ဘဝဟာ ငရဲသေးသေးလေးအဖြစ် ပြောင်းလဲသွားခဲ့ပါတယ်။ "ဇနီးသည်ဆိုတာ ခင်ပွန်းဖြစ်သူကို ဘယ်လိုအခြေအနေမျိုးမှာမဆို အကြွင်းမဲ့နာခံရမယ်" ဆိုတဲ့ ရှေးရိုးစွဲ အယူအဆစွဲလမ်းမှုတွေကြောင့် Yura ဟာ မတရားခံရမှုနဲ့ စိတ်ဒဏ်ရာတွေကို အံကြိတ်ခံရင်း အိမ်ထောင်ရေးငြိမ်းချမ်းမှု (Samawa) ရဖို့ အရူးအမူး ကြိုးစားပါတော့တယ်။ Andy ရဲ့ အပြစ်တွေနဲ့ ငရဲလိုဆိုးရွားတဲ့ အခြေအနေတွေကြားထဲမှာ Yura တစ်ယောက် ဘယ်လိုဆက်လက် ရုန်းကန်ရမလဲဆိုတာကို ရင်သပ်ရှုမောဖွယ် ကြည့်ရှုရမှာဖြစ်ပါတယ်။ ဒီရုပ်ရှင်ဟာ ရိုးရိုးအိမ်တွင်းအကြမ်းဖက်မှုဇာတ်လမ်းမျိုးမဟုတ်ဘဲ လူ့စိတ်ရဲ့ရှုပ်ထွေးမှုတွေ၊ လူမှုအသိုင်းအဝိုင်းရဲ့ဖိအားနဲ့ မိရိုးဖလာ အယူအဆတွေက အမျိုးသမီးတစ်ယောက်အပေါ် ဘယ်လောက်အထိ လွှမ်းမိုးနိုင်တယ်ဆိုတာကို မီးမောင်းထိုးပြထားပါတယ်။ ခင်ပွန်းဖြစ်သူ Andy အဖြစ်သရုပ်ဆောင်တဲ့ Alexzander Wlan ရဲ့ သရုပ်ဆောင်ချက်နဲ့ ဒဏ်ရာဒဏ်ချက်တွေကြား ရုန်းကန်ရတဲ့ မင်းသမီး Badriyah Afiff ရဲ့ အပြိုင်သရုပ်ဆောင်မှုက တကယ့်ကို ပီပြင်လှပါတယ်။ ဇာတ်လမ်းအကွေ့အပြောင်းတချို့က ခပ်ရိုးရိုးပုံစံဆန်ပေမယ့် အိမ်ထောင်ရေးဆိုင်ရာစိတ်ပညာနဲ့ စိတ်ခြောက်ခြားဖွယ်ရာ ဇာတ်လမ်းဆင်ဆက်မှုတွေကို ကြိုက်နှစ်သက်သူတွေအတွက် ကြည့်ရှုသင့်တဲ့ ကားတစ်ကားဖြစ်ပါတယ်။ File Size - 1.1 GB/ 424 MB Quality - WEB-DL 1080p/ 720p Duration - 1h 36m Format - mp4 Genre - Drama, Horror, Romance Subtitle - Myanmar Subtitle (Hard Sub)

Sleep Paralysis (2025) "ဘီလူးစီးခံရသော ကောင်မလေး" Horror ပရိသတ်တိုအတွက် အင်ဒိုဟော်ရာ ဇာတ်လမ်းအသစ်လေးကို အမြန်ဆုံး တင်ဆက်ပေးလိုက်ပါတယ် အင်္ဂလိပ်စာမှာ Sleep Paralysis လိုခေါ်ပြီး အယူသီးကြတဲ့ ရွှေမြန်မာအခေါ် ဘီလူးစီးခြင်းကို မတွေ့ကြုံဖူးရင်တောင် သူများပြောတာ ကြားဖူးကြမှာပါ ဒီထဲမှာတော့ ဒါဟာ အမျိုးသမီးလေးတွေကို သီးသန့်ပစ်မှတ်ထားတဲ့ Jinn ခေါ်တဲ့ မိစ္ဆာကောင်ကြောင့်ပါတဲ့ ဇာတ်လိုက်မင်းသမီး ကောင်မလေးဟာလည်း Daddy Issue/ Mommy Issue လေးတွေရှိနေပြီး အထီးကျန်တာနဲ့ သူငယ်ချင်းမတစ်ယောက် ပြောပြသလို လက်တည့်စမ်းကာ Jinn ကို ဆင့်ခေါ်လိုက်တဲ့နောက်မှာတော့ ။ ။ အညွှန်းနဲ့ဘာသာပြန်ကတော့ CM Team မှ ဖြစ်ပါတယ် File size… 985 MB / 515 MB Quality…WEB DL 1080p HEVC/ 720p Format…mkv/ mp4 Duration….1h 36m Subtitle….Myanmar Subtitle (Hard Sub) Encoder….YK Translated by CM Team

ဒီတစ်ခေါက်မှာတော့ Horror ရုပ်ရှင်ဆို ပြူးပြူးပြဲပြဲ Jump scares တွေမှကြိုက်တတ်ပါတယ်ဆိုတဲ့သူတွေအတွက် ဖြည်းဖြည်းလေးရော ဝုန်းဝုန်းဒိုင်းဒိုင်းရော နည်းမျိုးစုံ ခြောက်ပြမဲ့ အင်ဒို ခေါင်းပြတ်သရဲကားလေးကိုတင်ဆက်ပေးလိုက်ချင် ပါတယ်။ ဒီဇာတ်လမ်းဟာ 1980ခုနှစ်များမှာ အင်ဒိုနီးရှားနိုင်ငံ အတွင်း နာမည်ကျော်ခဲ့တဲ့ ရေဒီယိုဇာတ်လမ်းတစ်ပုဒ်ကို မှီငြမ်းပြီးရိုက်ကူးထားတာဖြစ်ပြီး ဇာတ်လမ်းထဲမှာတော့ 1970ဝန်းကျင်ကာလကိုဇာတ်အိမ်တည်ထားပါတယ်။ ဇာတ်လမ်းအကျဉ်း အင်ဒိုနီးရှားနိုင်ငံ Central Java မှာ လက်ဖက်ခြံပိုင်ရှင် သူဌေးကြီး ဝမ်လမ်ဆောင်ဒါဆိုပြီးရှိပါတယ်။ သူ့မှာ သူချစ်စနိုးနဲ့ ထရီနီ လိုခေါ်တဲ့ သမီးလေးတစ်ယောက်လည်းရှိပါတယ်။ တစ်ရက်မှာတော့ သူဌေးကြီးဆုံးပါးသွားပြီး သူ့မိန်းမဟာလည်းရုတ်ချည်းဆိုသလို ပျောက်ဆုံးသွားခဲ့ပါတယ်။ သူ့သမီးကတော့ သူဌေးကြီးမဆုံးခင် အိမ်မှာ သူနာပြုလာလုပ်ပေးတဲ့ သူနာပြုဆရာလေးနဲ့လက်ထပ်ပြီး Honey moon ခရီး သုံးလကြာထွက်သွားခဲ့ပါတယ်။ သူတို ဟန်းနီးမွန်းထွက်နေတဲ့ကာလမှာ လက်ဖက်ခြံထဲ ရာသီဥတု မကောင်းတာတွေ၊ ဝန်ထမ်းတွေ သေဆုံးတာတွေ ၊သတ်သေတာတွေ ဆက်တိုက်ဖြစ်လာပါတော့တယ်။ သူတိုနှစ်ယောက် ဟန်းနီးမွန်းက ပြန်လာတဲ့အခါမှာလည်း အိပ်နေရင်းဘီလူးစီးခံရတာတွေ ခြောက်လှန့်ခံရတာတွေဖြစ်လာတာမို ခင်ပွန်းဖြစ်သူက သူ့သူငယ်ချင်းအပနှင်ဆရာကို အပနှင်ပေးဖိုအကူအညီတောင်းရာကနေ စံအိမ်ကြီးရဲ့လျှိဝှက်ချက်တွေတစ်ခုပြီးတစ်ခု ပေါ်လာပါတော့တယ်။ ဇာတ်လမ်းအကျဉ်းကတော့ဒီလောက်ပါပဲ။ ဒီမှာ တစ်ခုသတိထားမိတာက အင်ဒိုသရဲကားတွေဟာ ဇာတ်လမ်းဇာတ်အိမ် ကျစ်လျစ်ပိုင်နိုင်ပြီး တင်ဆက်ပုံကလည်း အဆင့်အတန်းတစ်ခုမှာရှိပါတယ်။ ဇာတ်လမ်းကို အစကနေအဆုံးထိ တန်ပိုကောင်းကောင်းနဲ့ဆွဲခေါ်သွားနိုင်တာမို အချိန်ပေးကြည့်ရတာ တန်စေမဲ့ ဇာတ်ကားတစ်ကားဖြစ်ကြောင်း ညွှန်းဆိုလိုက်ပါရစေရှင်။ File size…1.54 GB/ 677 MB Quality… NF WEB-DL 1080p 5.1CH / 720p Format…mp4 Duration….1h 45m Genre ….. Drama , Horror  , Thriller Subtitle….Myanmar Subtitle (Hard Sub) Encoder….Min Wai Translated by Muse

The Empty Chair : Final Exam (2024) စာမေးပွဲဖြေနေရတဲ့ မောင်ငယ်ညီမငယ်လေးတွေ ဖြေနေရင်းစာမရတော့ဘူးဆို အခန်းစောင့်ဆရာမကို တစ်ကွက်ပြလို့ရမယ့် အင်ဒိုသရဲကားလေးတစ်ကား ဖန်တီးပေးလိုက်ပါပြီ။ Trailerထွက်ရှိလာကတည်းက Horror ပရိသတ်တွေကြားမှာ ရေပန်းစားနေတာဖြစ်လို့ Trendနေသလောက်မှ ကောင်းရဲ့လားဆိုတာလေး ကြည့်ရှုအကဲဖြတ်လိုက်ရအောင်ပါ။ စာမေးပွဲခန်းထဲမှာ မရှိမဖြစ်အမြဲပါတဲ့လူသုံးမျိုးသုံးစားကတော့ စာရတဲ့ကောင်ရယ်၊ စာရတဲ့ကောင်ဆီက ဉာဏ်နီဉာဏ်နက် ဉာဏ်ရောင်စုံတွေထုတ်ပြီး ခိုးချမယ့်ကောင်ရယ်၊ ခိုးချမယ့်ကောင်တွေရဲ့ ဉာဏ်နီဉာဏ်နက်ကိုအမီလိုက်အမိဖမ်းပြမယ့် အခန်းစောင့်ဆရာမရယ်ပေါ့။ အခုဒီရုပ်ရှင်လေးကလည်း တက္ကသိုလ်ဝင်တန်းစာမေးပွဲကြီးရဲ့ ဓာတုဗေဒဘာသာရပ်ကို ဖြေဆိုရမယ့်နေ့လေးနဲ့ အစပျိုးထားပါတယ်။ ဘင်ထန်ဘန်ဆာ ဆိုတဲ့ကျောင်းဟာ သူတို့မြို့လေးမှာတော့ အကောင်းဆုံးကျောင်းဆိုတဲ့ဆုကို နှစ်တိုင်းသိမ်းပိုက်နေတဲ့ ထိပ်သီးကျောင်းတစ်ကျောင်းပါ။ အရာရာထိပ်ကပြေးနေတဲ့ကျောင်းမှာတက်နေရတဲ့ ကျောင်းသားတွေအဖို့လည်း expectations တွေနဲ့ ဖိအားတွေကလည်းမနည်းမနောဖြစ်တဲ့အပြင် ကျောင်းအုပ်အမန်ဒါကလည်း အတော်လေးစည်းကမ်းတင်းကြပ်တဲ့သူပါ။ အခုလည်း ဓာတုဗေဒဖြေမယ့်နေ့မှာ ထူးဆန်းစွာနဲ့ ကျောင်းသူတစ်ယောက်မလာလို့ ထိုင်ခုံလွတ်နေပေမဲ့ စာရတဲ့ကောင်ကလည်း စာမေ့မှာကြောက်လို့ ဇောကပ် စာမရတဲ့ကောင်ကလည်း ခိုးချဖို့ဇောကပ်နေတာမလို့ ဒီခုံလွတ်ကို သတိမထားမိပါဘူး။ စာမေးပွဲစတာနဲ့ အစဉ်အလာအတိုင်းပဲ အမန်ဒါကိုယ်တိုင် ခိုးချတဲ့ကျောင်းသားတွေကို မျက်စိဒေါက်ထောက်ကြည့်ပြီး စောင့်ကြပ်နေတဲ့ကြားကနေ မရမက ပဟေဠိအတူအဖြေညှိဖို့လုပ်တဲ့ အာရီရယ် ပါရှာ အင်ကာနဲ့ နာလာဆိုတဲ့ ကျောင်းသား ၄ ယောက်ကတော့ ဈေးဦးပေါက်သွားတဲ့အတွက် စစ်မေးခန်းထဲထည့်ပြီး သီးသန့်စာမေးပွဲ ဖြေရတဲ့ဘဝ ရောက်သွားပါတော့တယ်။ စာစစ်ခန်းမှာ စာမေးပွဲဖြေဆိုပြီးချိန်မှာတော့ ကျောင်းသားတစ်ယောက် ရုတ်တရက်လဲကျရာကနေ ပူတယ် ပူတယ်ဆိုတဲ့ညည်းတွားသံနဲ့အတူ ကျောင်းသားတွေတစ်ယောက်ပြီးတစ်ယောက် သရဲပူးခံရပြီးတော့ လူသတ်ပွဲကြီးစတင်လာတဲ့အခါ... ခေါ်ထားတဲ့အပနှင်ဆရာအာယုကလည်းမရောက်လာသေး၊ ကြောက်လန့်နေတဲ့ကျောင်းသားတွေကလည်း ကျောင်းပြင်ကိုထွက်ပြေးဖို့ကြိုးစားနေရင်း သရဲကဝင်ပူးပြီး သတ်ကြဖြတ်ကြနဲ့ အုတ်အော်သောင်းနင်းဖြစ်နေပေမဲ့ ခိုးချထားတဲ့ဆရာသမား ၄ ယောက်ကတော့ တခြားနေရာမှာခွဲဖြေနေတာဖြစ်လို့ ဒါတွေကို မသိနေပါဘူး။ ဒါပေမဲ့ ဆရာမကြီးအမန်ဒါကလည်း ဆရာအာယုမလာမချင်း ကျောင်းသားတွေကိုထွက်ခွင့်မပေးတော့ သရဲပူးတဲ့လူတွေ လူသေအလောင်းတွေ တစ်စတစ်စများလာတဲ့ကြားက အာရီရယ် ပါရှာ အင်ကာနဲ့ နာလာတို့နဲ့ ကျန်နေတဲ့ကျောင်းသားတွေ ဘယ်လိုအလွတ်ရုန်းကြမလဲဆိုတာ ရင်တမမနဲ့ ကြည့်ရှုခံစားလိုက်ရအောင်ပါ။ အညွှန်း နဲ့ ဘာသာပြန်ကတော့ Mary Christ ပဲ ဖြစ်ပါတယ်။ Genre..... Horror, Thriller Quality…. 1080p | 720p File size… 781MB | 437MB Format… mp4 Duration…. 1h 26min Subtitle…. Myanmar Subtitle (Hardsub) Translator ..... Mary Christ Encoder ..... Aaron

လာတည်းတဲ့သူတွေအားလုံး အသက်ရှင်ရက်ပြန်မသွားနိုင်ကြတဲ့ Motel Melati ဆိုတဲ လျှို့ဝှက်မှုတွေပြည့်နေတဲ့ မိုတယ်တစ်ခုရှိပါတယ်။ အဲဒီမိုတယ်မှာတော့ မိုတယ်ပိုင်ရှင်ရယ် ဝန်ထမ်းတစ်ယောက်ရယ် နှစ်ယောက်တည်း ရှိပြီးတော့ လာတည်းတဲ့သူတွေကို မိုတယ်ပိုင်ရှင်က လက်ဖက်ရည်နဲ့ ဧည့်ခံပြီးမှ အခန်းထဲဝင်ကြရတဲ့ ထုံးစံတစ်ခုရှိပါတယ်။ ဇာတ်လမ်းထဲမှာတော့ မိခင်နာရေးကအပြန် မိုတယ်မှာဝင်တည်းတဲ့ မိသားစုတစ်စုရယ်၊ မိုတယ်မှာ လာချိန်းတွေ့တဲ့ စုံတွဲတစ်တွဲရယ်၊ မိုတယ်ကို ဓားပြတိုက်ဖို့လာတဲ့ လူဆိုးနှစ်ယောက်ရယ် ချောက်ခြားစရာမိုတယ်ကြီးမှာ ဘာတွေဆက်ဖြစ်ကြမလဲ၊ လာတည်းတဲ့သူတွေရဲ့ စိတ်ကိုလှည့်စားပြီး ဝိညာဉ်နှုတ်ယူတတ်တဲ့ ဒီမိုတယ်ရဲ့နောက်ကွယ်မှာ ဘာဇာတ်လမ်းတွေရှိနေမလဲဆိုတာကို ဇာတ်လမ်းထဲမှာပဲ ဆက်လက်ကြည့်ရှုလိုက်ကြပါ။ IMDb 6.6 ရထားတဲ့ အင်ဒိုနီးရှား Horror, Thriller, Mystery အမျိုးအစား ဇာတ်လမ်းဖြစ်ပါတယ်။ အညွှန်း နဲ့ ဘာသာပြန်ကတော့ Moh Moh ပဲ ဖြစ်ပါတယ်။ Genre.....Horror. Mystery, Thriller Quality…. 1080p | 720p File size…950MB | 518MB Format… mp4 Duration….1h 32min Subtitle…. Myanmar Subtitle (Hardsub) Translator .....Moh Moh Encoder .....Aaron