Algee Smith ပါဝင်သော ဇာတ်ကားများ

The Gates (2026) IMDb Rating (5.2) / Rotten Tomatoes (48%) နောက်ပိုင်း Scream ဇာတ်ကားတွေထဲက Mason Gooding ရဲ့ နောက်ဆုံးထွက် Thriller ဇာတ်ကားသစ်ဖြစ်ပြီးဒီနှစ်အစောပိုင်းမှာ ကွယ်လွန်သွားရှာပြီဖြစ်တဲ့ James Van Der Beek ရဲ့နောက်ဆုံးဇာတ်ကားတစ်ကားလည်းဖြစ်ပါတယ်။ ဇာတ်လမ်းအကျဉ်းကတော့ မတွေ့တာကြာပြီဖြစ်တဲ့ သူငယ်ချင်းသုံးယောက် ပါတီသွားဖို့ ခရီးထွက်လာရင်း ဝင်းခြံအခိုင်အမာနဲ့အိမ်ရာဝင်းတစ်ခုထဲမှာ ပိတ်မိသွားကြပါတော့တယ်။ အဲ့ဒီမှာပဲ လူသတ်မှုတစ်ခုကို မတော်တဆမျက်မြင်သက်သေကြုံရာက လူသတ်တရားခံ သင်းအုပ်ဆရာက သူတို့ကိုလိုက်နှိမ်နင်းဖို့ကြိုးစားပါတော့တယ်။ အန္တရာယ်ထဲတိုးဝင်မိတဲ့ လူငယ်သုံးယောက်က လူမည်းလူငယ်တွေဖြစ်နေပြီး ရပ်ကွက်ကတော့ လူဖြူတွေချည်းနေထိုင်တဲ့ လူချမ်းသာ ရပ်ကွက်တစ်ခုပါ။ အဲ့ဒီအိမ်ရာဝင်းထဲက နေထိုင်သူတွေမှန်သမျှဟာ သူတို့ကိုကူညီဖို့ထက်ပိုနစ်အောင်ထိုးချဖို့ပဲ အားသန်နေတဲ့အခါမှာတော့ အဲ့ဒီအခက်အခဲတွေထဲက ဘယ်လိုရုန်းထွက်ကြရမလဲဆိုတာစိတ်ဝင်တစား ရှုစားရမှာဖြစ်ပါတယ်။ ဇာတ်လမ်းဇာတ်ကွက်က ရိုးရှင်းသလိုနဲ့မထင်မှတ်တဲ့ လှည့်ကွက်တွေပါဝင်ပြီးဝေဖန်ရေးဆရာတွေကတော့ James Van Der Beek ရဲ့သရုပ်ဆောင်ချက်ကိုအထူးချီးကျူးကြပါတယ်။ ကိုယ့်ကိုယ်ကိုကယ်တင်ရှင်လို့ ယုံကြည်နေတဲ့ လူဖြူတစ်ယောက်ရဲ့ ရန်လိုမှုနဲ့အဇ္ဇတ္တကိုအကောင်းဆုံးပုံဖော်နိုင်ခဲ့ပါတယ်။ ဒါဟာသူ့ပရိသတ်တွေအတွက် နောက်ဆုံးလက်ဆောင်တစ်ခုလို့လည်းပြောလို့ရပါတယ်။ File size… (1 GB) / (640 MB) Quality…. WEB-DL 1080p HEVC / 720p Format…. mkv/mp4 Genre…. Thriller Duration…. 01:39:20 Subtitle…. Myanmar Subtitle (Hardsub)

လဘရွန်းဂျိန်းစ်၊ လူကောင်သေးတဲ့ ဒရူး၊ ဝဝကစ်ကစ်နဲ့ ရှရန်၊ ရင့်ကျက်တဲ့ ဝီလီတို့ဟာ အသက်ဆယ်နှစ်ကတည်းက Shooting Stars အသင်းမှာ အတူ ဘတ်စကတ်ဘောကစားလာကြတဲ့ သူငယ်ချင်းတွေပါ။ သူတို့ရဲ့နည်းပြက ဒရူးရဲ့အဖေဖြစ်ပြီး အထက်တန်းကျောင်းတက်ရမယ့်အရွယ်ရောက်တော့ ဘတ်စကတ်ဘောကို ကောင်းကောင်းကစားနိုင်မယ့် ကျောင်းတစ်ကျောင်း ရွေးပေးထားတယ်။ ဒါပေမယ့် အဲဒီကျောင်းရဲ့နည်းပြက ဒရူးကို လူကောင်သေးလို့ သူငယ်ချင်းတွေနဲ့ အတူပေးမကစားနိုင်ဘဲ ဂျူနီယာအသင်းမှာပဲ ထားမယ်လို့ ပြောလာပါတယ်။ ဒါနဲ့ ဒရူးက တခြားကျောင်းကို လိုက်ရှာရင်း လူဖြူကျောင်းသားများတဲ့ စိန့်ဗီကျောင်းကို ရောက်လာတယ်။ အဲဒီမှာ ပြဿနာတချို့နဲ့အတူ ရောက်လာတဲ့ နည်းပြသစ် ဒန်ဘရော့နဲ့ ဆုံမိပြီး သူငယ်ချင်းတစ်ဖွဲ့ရဲ့ ဘတ်စကတ်ဘောခရီးက ဆက်သွားပါတယ်။ အထက်တန်းကျောင်းချန်ပီယံဖြစ်ဖို့ သူတို့ ဘယ်လိုတိုးတက်အောင် ကြိုးစားကြမလဲဆိုတာကို တစ်ယောက်ချင်းစီရဲ့အကြောင်းနဲ့အတူ ပြထားတာပါ။ နာမည်ကြီးလာတာနဲ့အမျှ ဖိအားတွေကြုံလာရတဲ့ လဘရွန်း၊ လူကောင်သေးလို့ အထင်သေးခံရတာကို လက်တွေ့လုပ်ပြပြီး တုံ့ပြန်တဲ့ ဒရူး၊ အကောင်းမြင်တတ်တဲ့ ရှရန်နဲ့ အားပေးတတ်တဲ့ ဝီလီတို့ရဲ့ အတွေ့အကြုံတွေကနေ သူငယ်ချင်းသံယောဇဉ်ကို ဆက်ပြောထားပါတယ်။ NBA ချန်ပီယံလေးကြိမ်ရထားပြီး NBA သမိုင်းမှာ အမှတ်အများဆုံးသွင်းယူသူ၊ အိုလံပစ်ရွှေတံဆိပ်ဆုရှင်လည်းဖြစ်တဲ့ လဘရွန်းဂျိန်းစ်ရဲ့ ကိုယ်တိုင်ရေးအတ္ထုပ္ပတ္တိကို အခြေခံထားတဲ့ အားကစားဒရာမာပါ။ သူတစ်ယောက်တည်းအကြောင်းကိုသာ အဓိကမထားဘဲ သူငယ်ချင်းတွေရဲ့ အထက်တန်းကျောင်းဘဝကိုပါ ပြထားပြီး Stranger Things ထဲက Lucas အဖြစ် သရုပ်ဆောင်သူက ဒရူးနေရာမှာ ပါဝင်ထားပါတယ်။

ဘာတဲ့လဲ..။ စက်ရုပ်ပုန်ကန်မှုတဲ့ဗျား..။ Voice assistant တွေဖြစ်တဲ့ Siri သို့မဟုတ် Alexa ကို ခပ်ချောချော ခပ်တောင့်တောင့် အမျိုးသမီး ခန္ဓာကိုယ်မျိုးနဲ့ မြင်ယောင်ကြည့်စမ်းပါ..။ ကိုယ်နှစ်သက်ရာ လိင်အမျိုးအစား ၊ နှစ်သက်ရာ ပုံပန်းသဏ္ဌာန်နဲ့ ရေပူရေချမ်းကမ်းမယ့် စက်ရုပ်အိမ်တော်ထိန်းတွေကို အိမ်တိုင်းစေ့ဝယ်ထားနိုင်တဲ့အထိ နည်းပညာထွန်းကားလာတဲ့ခေတ်ကြီးထဲမှာ..။ ဒီစက်ရုပ်တွေဟာ ပျော်ပျော်ရွှင်ရွှင်ကြီး အစေခံလုပ်နေရာကနေ OS system အသစ်ထွက်ရှိလာမယ့် တစ်ညမှာ စိတ်ရူးပေါက်ပြီး တော်လှန်ပုန်ကန်မှုကြီး ထလုပ်ချတဲ့အခါ..။ လူသားမျိုးနွယ်ဟာ သူတို့ဖန်တီးထားတဲ့ နည်းပညာတွေကြောင့်ပဲ မျိုးသုဉ်းပျက်ဆီးကြရမယ့်ကိန်းဆိုက်နေတဲ့အခါမှာမှ မတော်တဆ ကိုယ်ဝန်ရသွားခဲ့တဲ့ ဂျော်ဂျီယာ..။ ဂျော်ဂျီယာရဲ့ ဇာတ်ကောင်နေရာမှာ Chloe Grace Moretz ကို ကိုယ်ဝန်ဆောင်အမျိုးသမီးတစ်ဦးအဖြစ် မြင်တွေ့ရမယ်ဗျာ..။ တစ်ကားလုံးမှာ အလင်းအမှောင် ကစားထားတဲ့အရောင်တွေ ၊ ပီပြင်တဲ့ SFX မိတ်ကပ်တွေနဲ့ ပုံဖော်ထားတဲ့ မနုဿစက်ရုပ်တွေနဲ့အတူ..။ ကမ္ဘာပျက်ကြီးထဲမှာတောင် မိခင်တစ်ယောက်ရဲ့ ကလေးအပေါ်ထားရှိတဲ့ မေတ္တာတွေနဲ့ ဖခင်တစ်ယောက်ရဲ့ အနစ်နာခံမှုတွေကို ဒီဇာတ်လမ်းထဲမှာ ကြည့်ရှုနိုင်တော့မှာပါ..။ မထင်မှတ်ထားတဲ့ လှည့်ကွက်တွေနဲ့ ပုံဖော်ထားတဲ့ ဒီဇာတ်ကားဟာ အက်ရှင်ကြိုက်တဲ့သူတွေလည်း စိတ်ကျေနပ်ရပြီးတော့ ခံစားရတာကြိုက်တဲ့သူတွေကိုလည်း ငိုရစေမှာပါ..။ *(မနုဿစက်ရုပ်တစ်ကောင်ဟာ စွန့်လွှတ်ခံနိုင်တယ်..။ ချစ်ခြင်းတရားကပဲ ငါတို့အားလုံးကို သတ်ပစ်လိမ့်မှာ..။ ) * - အာသာ ​ ကမ္ဘာပျက်ကိန်းဖြစ်နိုင်ခြေရှိတဲ့ အခြေအနေတွေကို စာရင်းစီလိုက်တဲ့အခါ...။ လေ့လာဆန်းစစ်မှုအချက်အလက်တွေအရ နည်းပညာထွန်းကားလာမှုနဲ့ စက်ရုပ်တွေကြောင့် လူသားမျိုးနွယ်များ မျိုးသုဉ်းသွားနိုင်ခြေဟာ အဆင့် ၆ နေရာမှာ ရှိနေပါတယ်..။ ဒီတော့ လိုရမယ်ရပဲဖြစ်ဖြစ် ဒီကားကို ကြည့်ထားပေါ့..။ ဘာပဲဖြစ်ဖြစ် ဒီလိုကမ္ဘာပျက်ကိန်းမျိုးကတော့ ကိုယ့်နိုင်ငံကနေ စပြီး ဖြစ်မယ်တော့ မထင်ပါဘူးဗျာ..။ (သာသာပြန်နဲ့ အညွှန်းရေးသားသူကတော့ ရှင်းမာန်ထက်မြက်ပါ) File size…(1.8 GB) / (1 Gb) / (500 Mb) Quality….Webrip 1080p / 720p / 480p Format…mp4 Duration….01:50:00 Genre...Drama, Sci-fi, Thriller Subtitle….Myanmar Subtitle (Hardsub) Encoder….Mr. Anderson Translated by Shin Man Htet Myat

"ကျုပ်တို့က မီးကိုမီးနဲ့မတိုက်ဘူး...မီးကိုရေနဲ့ငြိမ်းမှာ...ကျူပ်တို့က လူမျိုးရေးခွဲခြားခြင်းကို လူမျိုးရေးခွဲခြားခြင်းနဲ့တိုက်နေတာမဟုတ်ဘူး....ကျုပ်တို့က စည်းလုံးခြင်းနဲ့တိုက်နေတာ...အရင်းရှင်ဝါဒကိုဆိုရှယ်လစ်ဝါဒနဲ့တိုက်မှာ" ဒါကတော့ လူမည်းတွေရဲအဆင့်အတန်းအားလုံးကိုမြင့်စေဖို့ ကြိုးစားနေတဲ့ ကျားသစ်နက်ပါတီရဲ့  ခေါင်းဆောင်ဖြစ်သူ ဖရဒ်ဟမ်တွန်ရဲ့ မူဝါဒဖြစ်တယ်...သူ့ရဲ့တက်ကြွမှုတွေနဲ့ လူထုရဲ့ပါဝင်မှုတွေဟာ အစိုးရပိုင်းအတွက်တော့ မျက်စိစပါးမွှေးစူးစရာပဲ... ခေါင်းဆောင်ြဖစ်တဲ့ ဖရဒ်ဟာ ကိုယ်စွမ်းဉာဏ်စွမ်းရှိသလို သူ့လှုပ်ရှားမှုတွေဟာလည်း အကြမ်းမဖက်တဲ့ဝါဒဖြစ်လေတော့ ဒီအဖွဲ့အစည်းကြီးကို နှိမ်နှင်းဖို့ ခက်ခဲနေပါတယ်..တဖြည်းဖြည်းအင်အင်းကြီးလာသလို သူတို့စွဲကိုင်တဲ့တော်လှန်ရေးဝါဒကလည်း အင်အားဖြစ်စရာမို့ FBI က စနစ်တကျဖြိုခွင်းဖို့ ကြိုးစားပါတယ်...ဒါ့ကြောင့် FBI ဟာ ကျားသစ်နက်ပါတီကိုဖြိုခွင်းဖို့ FBI အေးဂျင့် ရွိုင်မစ်ချယ် လူမည်းတစ်ယောက်ကို သူလျှိုအဖြစ်ထည့်သွင်းလှုပ်ရှားစေခဲ့တယ်...ဒီလူမဲကတော့ သူ့ကိုယ်ကျိုးအတွက်ဘာမဆိုလုပ်မဲ့သူဖြစ်တယ်.. အဲ့ဒီနောက်ဘာတွေဆက်ဖြစ်မလဲဆိုတာကိုတော့... ဒီကားက Biography  ဖြစ်တဲ့အပြင် လူမဲအရေးလှုပ်ရှားမှုဇာတ်ကားဆိုပေမဲ့ အစမှ အဆုံးထိ စိတ်လှုပ်ရှားစရာကောင်းပါတယ်... ဆုကြီးပေါင်း (၈)ဆုရထားသလို IMDB ရော Rotten ရော အလန်းဆုံးအဆင့်မှာရှိလို့ လက်မလွှတ်စေလိုကြောင်း  ပြောကြားပါရစေ..ဇာတ်လမ်းအညွှန်းနဲ့ဘာသာပြန်သူကတော့ Lwin Lwin Aung ပဲဖြစ်ပါတယ်... File Size : (2.5 GB) and (1 GB) Quality : HEVC 1080p 5.1, WEB-DL720p Format…mp4 Duration…02:06:00 Genre :  Biography, Drama, History Subtitle : Myanmar Subtitle (Hard Sub) Translated by Lwin Lwin Aung Encoded by Phyo Pyae

ဒီတစ်ခါ CM ပရိတ်သတ်ကြီးအတွက် တင်ဆက်ပေးမှာကတော့ Rating 7.4 ရရှိထားတဲ့ The Hate U Give ဆိုတဲ့ လူမဲတွေအကြောင်း ဇာတ်ကားလေးဖြစ်ပါတယ် ဟိုက်စ်ဥယျာဉ်ဆိုတဲ့ လူမဲတွေအများဆုံးနေထိုင်တဲ့ နယ်မြေမှာ စတားဆိုတဲ့ လူမဲကောင်မလေးတို့ မိသားစုနေထိုင်ကြပါတယ် သူ့အမေက သူတို့ မောင်နှမတွေကို လူမဲတွေရဲ့ပြသနာတွေထဲပါမှာစိုးလို့ လူဖြူတွေပဲတက်တဲ့ မြို့ကကိုယ်ပိုင်ကျောင်းမှာပဲ ထားခဲ့ပါတယ် တစ်နေ့တော့ စတားနဲ့ သူ့ငယ်သူငယ်ချင်းကယ်လီတို့ ပါတီတစ်ခုကပြန်အလာ လမ်းမှာလမ်းစည်းကမ်းဖောက်လို့ ရဲကတားခဲ့ပါတယ် အဲ့မှာရဲနဲ့ကတောက်ကစဖြစ်ပြီး ရဲကကယ်လီမှာ သေနတ်ရှိတယ်အထင်နဲ့ သေနတ်နဲ့ပစ်လိုက်တာ ကယ်လီသေသွားခဲ့ပါတယ် စတားက ဒီအမှုရဲ့တစ်ဦးတည်းသော မျက်မြင်သက်သေဖြစ်နေတဲ့အခါ... သတ်လိုက်တဲ့ရဲက လူဖြူဖြစ်နေတဲ့အပြင် အပြစ်ပေးမခံရတဲ့အတွက် လူမျိုးရေးအဓိကရုဏ်းဖြစ်တဲ့အထိ ရှုပ်ထွေးသွားတဲ့အခါ... စတားက အမှုအကြောင်းပြောရင်း မူးယစ်ရာဇာကင်းအကြောင်းကိုပါ ဖော်ထုတ်မိသွားတဲ့အခါ... ဘာတွေဆက်ဖြစ်ပြီး ဘယ်လိုတွေ ဆက်ဖြေရှင်းသွားမယ်ဆိုတာကို ကြည့်ရှုလိုက်ပါဦး ဒီကားမှာဆိုရင် လူမဲတွေကဘယ်လိုတွေ ခွဲခြားဆက်ဆံခံခဲ့ရတယ်ဆိုတာတွေကို တွေ့မြင်ရမှာပါ ဇာတ်လမ်းဆုံးသွားရင်တော့ ရင်ထဲမှာ တစ်ခုခုကျန်နေခဲ့မှာသေချာပါတယ်နော်... File Size : (1 GB)  Quality : Web Rip 720p Running Time :2hr 13 min Format : Mp4 Genre : Crime , Drama Subtitle : Myanmar Subtitle (Hard Sub) Translated by HMO Encoded by Moe Myint Lwin

ဒီဇာတ်ကားလေးကြည့်ပြီးတော့အတွေးတစ်ခုဝင်လာတယ် လီနင်တို့ အိုဘားမားတို့လိုကမ္ဘာကျော်ပုဂ္ဂိုလ်တွေ , အူစိန်ဘော့လိုအပြေးချန်ပီယံတစ်ယောက်, ကမ္ဘာကျော်လူမည်းအထင်ကရပုဂ္ဂိုလ်တွေဘာကြောင့်ရှမ်းရှမ်းတောက်အောင်မြင်လာရသလဲဆိုတာသဘောပေါက်လာတယ် လူတစ်ယောက်ရဲ့တိုးတက်လာလမ်းကြောင်းမှာ "မခံချင်စိတ်"ဆိုတာ အရေးကြီးတဲ့ ဖောင်ဒေးရှင်းတစ်ခုပါ မခံချင်စိတ်နဲ့ရုန်းကန်လှုပ်ရှားရတဲ့မထင်မှတ်တဲ့အောင်မြင်မှုတွေရလာကြစမြဲပါ ဒီကားလေးကတော့ လူဖြူ/လူမည်းခွဲခြားရေးဝါဒကနေ သင်ခန်းစာရပြီးထိုးထွက်အောင်မြင်အောင်လုပ်ခဲ့တဲ့ဇာတ်ကြောင်းလေးပါ အမေရိကန်နိုင်ငံ Detroit မြို့က ကလပ်တစ်ခုမှာတရားမဝင်အုပ်စုဖွဲ့သောက်စားပျော်ပါးမှုကြောင့်လူမည်းတော်တော်များများဖမ်းဆီးခံခဲ့ရပါတယ် ဒါကိုမကျေနပ်နပ်တဲ့ပတ်ဝန်းကျင်ကလူတွေကရဲတွေနဲ့ကတောက်ကဆဖြစ်ရင်း "တောမီးလောင်တောကြောင်လက်ခမောင်းခတ် " ဆိုသလို အဓိကရုဏ်းကိုအကြောင်းပြပြီးကိုယ်ကျိုးရှာအကြမ်းဖက်မှုတွေလုပ်ခဲ့လို့ပြည်တွင်းစစ်အခြေအနေအထိပါဂယက်ရိုက်သွားခဲ့ပါတယ် ဒီအကြမ်းဖက်မှုတွေထဲမှာ ရိုးသားတဲ့ဘာမဆိုင်ညာမဆိုင် တက်သစ်စလူမည်းအဆိုတော်အဖွဲ့ဖြစ်တဲ့ Dramatics အဖွဲ့ပါ ရောယောင်ထိန်းသိမ်းခံခဲ့ရပါတယ် ဒီလိုနဲ့ရဲတွေရဲ့ထိန်းကွပ်မှုကြမ်းတမ်းတဲ့စိတ်တွေရယ် လူမျိုးရေးခွဲခြားမှုစိတ်အခံတွေကြောင့်ဓားစာခံအချို့ကိုမတော်တဆသတ်မိသွားပါတယ် ရှေ့ဆက်ပြီးကောဒီဖမ်းဆီးခံလူမည်းတွေနဲ့တရားစီရင်ရေးမှာဘာတွေဆက်ဖြစ်ကြမလဲ လူမည်းတွေရဲ့မခံချင်စိတ်ကြောင့်ကမ္ဘာတစ်ဝှမ်းအသိအမှတ်ပြုခံလာရအောင်ဘယ်လိုတွေအစပျိုးမလဲဆိုတာကတော့... File Size : (1.2 GB) and (448 MB)  Quality : Blu-Ray 720p Running Time : 2hr 23min  Format : Mp4  Genre :Crime, Drama, History Subtitle : Myanmar Subtitle (Hard Sub)  Source : 1080p.BluRay.x264-SPARKS  Translated by Pyae Xeinn Sett Encoded by Kyaw Ye Aung

Barely Lethal (2015) " ဒီရုပ်ရှင်ဟာ ကလေးတွေကို လေ့ကျင့်ပေးပြီး လုပ်ကြံရေးသမားတွေအဖြစ်ခိုင်းတဲ့ အစိုးရလျှို့၀ှက်ကျောင်းက ဥက္ကဌ မာသားဖာ့ခ်ကာကြီးဟာ အတော်ဆုံးအေးဂျင့်လေးဖြစ်တဲ့ Bumblebee ထဲက စကီလေးကို ကွင်းဆင်းတာ၀န်ပေးရာက ကလေးဆိုတော့ အပြင်လောကကိုရောက်လာပြီးတဲ့နောက် သိချင်စိတ်များလာရာက သေချင်ယောင်ဆောင် ထွက်ပြေးသွားပြီး မွေးစားမိဘအိမ်တစ်အိမ်မှာနေရင်း အထက်တန်း ကျောင်းသူဘ၀ကို ဖြတ်သန်းရာက ဆယ်ကျော်သက်တွေ ကျောင်းမှာကြုံရတဲ့ ပြဿနာတွေကို ကြုံလာရတဲ့အပြင် သူဖမ်းထားခဲ့တဲ့လူဆိုးဖြစ်တဲ့ ဂျက်စီကာအယ်ဘာက လွတ်လာပြီး သူ့မွေးစားမိဘအိမ်ကိုပါ အန္တရာယ်ပေးဖို့ လုပ်လာတာကိုပါ တားဆီးဖို့လုပ်ရတာကို ဇာတ်အိမ်တည်ပြီး နာမည်ကြီးသရုပ်ဆောင်များစွာသုံးထားတဲ့ဆယ်ကျော်သက်သဘာ၀တို့ဘာတို့ကို မက်ဆေ့ပေးမယ့် Teenage Movieလေးတစ်ကားပါ" ဇာတ်လမ်းရဲ့အညွှန်းကတော့ ဒီစာတစ်ကြောင်းပါပဲ။ အောက်ကတော့ သူ့အရသာကို ထပ်ညွှန်းထားရုံပါ။ မဖတ်လည်းရပါတယ်။ ကျွန်တော်တို့ငယ်ငယ်က တိတ်ခွေခေတ်ကိုတော့ မှီလိုက်သေးတယ်။ အဲဒီကာလတွေမှာ Lion King တို့၊ Tom and Jerry တို့ Terminator တို့ ခေတ်စားခဲ့တာပေါ့။ ကျွန်တော်တို့ ညီအစ်ကိုတွေတော့ အဲဒီတုန်းက Lion King ကို အပိုင်ပါဝယ်ပြီး ခဏခဏပြန်ကြည့်ကြတဲ့အထိကြိုက်ခဲ့ကြတယ်။ ကာတွန်းကားလေးတွေရဲ့ ဘ၀ဖြစ်ခဲ့ခြင်းတွေပေါ့။ မရှေးမနှောင်းပါပဲ။ ဘာမှတောင် သိပ်မကြာလိုက်ဘူး။ VCDခေတ်ရောက်လာတယ်။အဲဒီကာလမှာတော့ ချောင်ယွန်ဖတ်တို့ ဂျက်လီတို့ ဂျက်ကီချမ်းတို့ ကား‌တွေ ပါဝါရိန်းဂျားကားတွေ ခေတ်စားလာရော။ ဒီကာလမှာ ကျွန်တော့်ရဲ့ အမှတ်ရစရာအဖြစ်ခဲ့ဆုံးကား ကလေးဘ၀က အကြိုက်ခဲ့ဆုံးကားက Sharkboy and lavagirl ပါပဲ။အဲဒီကားက ကလေးကားလေးပဲ။ တော်တော်လည်း ပေါတယ်။ CGIတွေဆို စုတ်ပြတ်နေချက်ပဲ။ သို့ပေမဲ့ပေါ့ ကျွန်တော်တို့ရဲ့ စိတ်ကူးယဉ်တတ်တဲ့ ကလေးဘ၀မှာ သူက စိတ်ကူးယဉ်တာတွေ တကယ်ဖြစ်နိုင်ပါတယ်ဆိုတဲ့ ပုံစံမျိုးနဲ့ အခုအခေါ် မက်ဆေ့ပေးသွားတယ်ပေါ့။ စိတ်ကူးယဉ်တာကို အားပေးထားတဲ့ ဒီကားကို စိတ်ကူးယဉ်တတ်တဲ့ကျွန်တော်က ဆိုင်ကိုပါ ပျောက်သွားတယ်ပြော ပြန်မအပ်ဘဲ ‌၂ထောင်လောက်လျော်ပြီး သိမ်းထားပြီး အကြိမ်ရေ ရေမရလောက်အောက်ကို ကြည့်ခဲ့ဖူးတယ်။ နောက်သဘောကျဖူးတဲ့ကားကတော့ ဘရေဒန် ဖရေဆာပါတဲ့ Bugs Bunny ရုပ်ရှင်တို့ ဂျင်ကာရေးရဲ့ A Series Of An Unfortunate Events တို့ပေါ့။ စိတ်ကူးယဉ်ဆန်ဆန် ကလေးကားတွေဟာလည်း ကျွန်တော်တို့အတွက် ဘ၀တစ်ခု ဖြစ်ဖူးကြမှာပါပဲ။ ဒီရုပ်ရှင်ကလည်း ထိုနည်း၎င်း ကလေးတွေကို ဦးတည် တားဂတ်ထားထားတဲ့ ကလေးကားလေးပါပဲ။ ကျွန်တော်တို့ငယ်ငယ်က ကြည့်ခဲ့ဖူးတဲ့ ရုပ်ရှင်တွေလို Vibeမျိုးပေးတယ်။ Teenage တွေဖြစ်တတ်တဲ့ ပြဿနာတွေကို Teenage သရုပ်ဆောင်တွေနဲ့ရိုက်ပြပြီး Teenageတွေအတွက် မက်ဆေ့တွေ ပေးသွားခဲ့တယ်။ ငယ်ငယ်က ကလေးကားလေးတွေနဲ့ ဒီရုပ်ရှင်ဟာ အရသာတူပေမဲ့ ဒီထဲက castတွေကတော့ လက်ရှိနာမည်ကြီး cast တွေပါပဲ။ Hawkeyeထဲ ကိတ်ဘစ်ရှော့ အဖြစ်ပါပြီး Bumblebeeတို့ Pitch Perfect တို့နဲ့ နာမည်ကြီးခဲ့တဲ့ Into the Spider-verseမှာ ဂွမ်စတေစီအဖြစ် အသံသရုပ်ဆောင်ထားတဲ့ Hailee Steinfeld။ ငယ်ဘ၀က ခွက်ရှ် ခုထိခွက်ရှ် ဂျက်စီကာအယ်ဘာ။ မားသားဖာ့ခ်ကာကြီး ဆင်မြူရယ်... သူလုံး၀မဆဲထားပါဘူး။ GOTရဲ့ ဆိုဖီ တန်နာတို့တွေပေါ့။ ကျွန်တော်တို့ငယ်ငယ်က ကြိုက်ခဲ့ဖူးတဲ့ တစ်ချို့ teenage ရုပ်ရှင်တွေဟာ ဒီဘက်ခေတ်ပြန်ကြည့်ရင် ပေါတောနေမှာပါ။ သို့ပေမဲ့ ကျွန်တော်တို့ ငယ်ဘ၀ရဲ့ ရုပ်ရှင်တွေအ‌ကြောင်းပြောကြရင် ဒီရုပ်ရှင်တွေဟာ မပါမဖြစ်ပါပဲ။ ဒီရုပ်ရှင်တွေကနေ တစ်စုံတရာသော ခံစားမှုကိုရခဲ့ဖူးတာကိုလည်း ပြန်တွေးတိုင်း အမှတ်ရနေဦးမှာပါ။ ငယ်ဘ၀ရဲ့ အမှတ်တရတွေအဖြစ် သူတို့က ထင်ကျန်နေဦးမှာပါပဲ။ တစ်ချို့teenageရုပ်ရှင်‌တွေက‌တော့ ပြန်ကြည့်လည်း အကြည့်ခံပါတယ်။ အကြည့်မခံလောက်ဘူးလို့ ယူဆရပြီး ကိုယ့်အတွက် အရေးပါတဲ့ရုပ်ရှင်ဖြစ်ခဲ့ဖူးတဲ့ teenage ရုပ်ရှင်တွေကိုတော့ ပြန်မကြည့်တာ အကောင်းဆုံးပါပဲ။ ကျွန်တော့်အတွက်ဆို Sharkboy and Lavagirl ရုပ်ရှင်ပေါ့။ ရည်းစားဟောင်းကို ရာဇ၀င်ထဲထားခဲ့ကြသလို အဲဒီရုပ်ရှင်တွေကိုလည်း ငယ်ဘ၀မှာသာ ထားခဲ့ကြပါ။ ဒါဆိုသတိရတဲ့အခါမှာ အမှတ်တရအဖြစ်ကျန်နေဦးမှာပါပဲ။ အဲဒီအစား ဒီရုပ်ရှင်ကိုပဲ အစားထိုး အာသီသပြေကြည့်လိုက်ပါ။ ဒီရုပ်ရှင်ဟာ ကျွန်တော်တို့ငယ်ငယ်က Teenage ရုပ်ရှင်တွေရဲ့ အရသာမျိူးကို ဒီဘက်ခေတ်အနေနဲ့ ပေးစွမ်းနိုင်မယ့် Teenage Movieတစ်ကားပါပဲ။ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.8GB, 1.1GB Quality - 1080p, 720p IMDb Rating - 5.4/10 Format - mp4 Duration - 1H 38Min Type - Action, Comedy Subtitle - Myanmar Subtitle (Hardsub) Translated by WiRa Aung Encoded by Y