Amal Rajdev ပါဝင်သော ဇာတ်ကားများ

Perumani (2025) "ပီရူမာနီကျေးရွာလေး" IMDb - 6/10 ကီရာလာပြည်နယ်၊ မာလာပူရမ်ခရိုင်မှာရှိတဲ့ ပီရူမာနီရွာလေးက အစ္စလာမ်ဘာသာဝင်တွေရဲ့ ဘဝကို ပုံဖော်ထားတဲ့ ကျေးလက်ဟာသရုပ်ရှင်လေးကို တင်ဆက်ပေးလိုက်ပါတယ်။ ပီရူမာနီရွာကလေးကတော့ အပြင်လောကကြီးနဲ့ အဆက်အသွယ်သိပ်မရှိဘဲ သူတို့ယုံကြည်မှု၊ ကိုးကွယ်မှု၊ အယူသည်းမှုတွေနဲ့ပဲ ရှင်သန်နေတဲ့ ရွာကလေးတစ်ရွာပေါ့။ နက်ဆာဆိုတဲ့လူက လူကြီးချင်းသဘောတူလို့ ရွာရဲ့အလှပဂေးလေး ဖာသီမာနဲ့ လက်ထပ်ဖို့ အကြောင်းဖန်လာခဲ့တယ်။ ဒါပေမဲ့လည်း ဖာသီမာ့အပေါ် သံသယတွေအမျိုးမျိုးဝင်လာတဲ့ နက်ဆာက အရူးတစ်ယောက်လိုဖြစ်လာခဲ့တော့တာပေါ့။ နောက်ဆုံး နက်ဆာကို သည်းမခံနိုင်တော့တဲ့ ဖာသီမာက နက်ဆာလက်ကလွတ်ဖို့အရေး သူငယ်ချင်း အာဘီကို အကူအညီတောင်းတဲ့အခါမှာတော့...။ (ဘာသာပြန်ကတော့ B-teamဖြစ်ပါတယ်) File size… 2.6 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2h 17m Subtitle….Myanmar Subtitle (Hard Sub) Translated by B Team

Christopher 2023 (IMDb 6.8/10) အိန္ဒိယရဲကားကောင်းကောင်းလေးကိုမျှော်နေကြတဲ့ ပရိသတ်ကြီးအတွက် မင်းသားကြီးမမ်မွတ်တီးရဲ့ နောက်ဆုံးထွက် ရဲကားအလန်းလေးနဲ့ မိတ်ဆက်ပေးပါရစေ အိန္ဒိယနိုင်ငံမှာ သိတဲ့အတိုင်း ဘာအမှုပဲဖြစ်ဖြစ် မုဒိမ်းကျင့်လူသတ်ရင်တောင် ငွေနဲ့မီးငြိမ်းသလို အမှုတွေပျောက်သွားအောင် လူအားငွေအားနဲ့ လုပ်နိုင်တာကို သိကြမှာပါ ဒီကိစ္စကို ရဲမှူးခရစ္စတိုဖာဖြေရှင်းတဲ့နည်းလမ်းကတော့ ရိုးရှင်းပါတယ် ဘယ်တရားရုံးမှပို့မနေပဲနဲ့ တရားခံတွေကို သူ့သေနတ်နဲ့ပဲ ကိစ္စတုံးပေးတာပါ ဆိုရှယ်မီဒီယာ ပြည်သူလူထုအားလုံးအတွက် ခရစ္စတိုဖာက ဟီးရိုးပါ ဒါပေမဲ့ မျှတတဲ့ဒီမိုကရေစီစစနစ်တစ်ခုမှာ တရားစီရင်ရေးမဏ္ဍိုင်ဆိုတာ မရှိလို့မရပါဘူး အဲ့ဒါကြောင့် အထက်ဌာနကနေ ခရစ္စတိုဖာကို စုံစမ်းစစ်ဆေးဖို့အတွက် အမျိုးသမီးအရာရှိတစ်ဦးကို တာဝန်ပေးအပ်လိုက်ပါတော့တယ် ခရစ္စတိုဖာရဲ့ မီးစတစ်ဖက်ရေမှုတ်တစ်ဖက် မှန်ကန်မျှတပေမဲ့ မညှာတာတတ်တဲ့ စရိုက်ကို အတိတ်ကစတူးဖော်ကြည့်မိတဲ့အခါ........ ဒီဇာတ်ကားလေးဟာ ဇာတ်လမ်းလေးက မြင်နေကျဆိုပေမဲ့ ဆက်ပြီးကြည့်ချင်လောက်အောင် လှည့်ကွက်လေးတွေကို သူ့နေရာနဲ့သူပါထားပြီး မင်းသားကြီးမမ်မွတ်တီးရဲ့ အိုဗာတွေသိပ်မပါ ရင့်ကျက်တဲ့ပုံစံနဲ့မို့ ကြည့်ရရှုရတာ စိတ်ဝင်စားဖို့ကောင်းပြီး မှုခင်းဒရာမာ ရဲအက်ရှင်ကြည့်ချင်တဲ့သူတွေအတွက် ဇာတ်အိမ်ကောင်းကောင်း သရုပ်ဆောင်ကောင်းကောင်း ဒီကားလေးကို လက်မလွှတ်ကြဖို့ လက်တို့ပေးပါရစေ File size…2.25GB / 1.1GB Quality…1080p True WEB DL /720p Format…mp4 Duration….2h 30m Subtitle….Myanmar Subtitle (Hard Sub) Encoder….YK Translated by Sai Thu Rein~ Zwe Yan Paing~ Khin Khin

ပင်လယ်နားက ရာမာဒါပက်လီဆိုတဲ့ မွတ်စလင်ရွာနဲ့ ယေဒါဗက်သရားဆိုတဲ့ ခရစ်ယာန်ရွာတို့ဟာ ညီအစ်ကိုတွေလို သင့်သင့်မြတ်မြတ် နေထိုင်ကြပါတယ်။ ဒီစည်းလုံးမှုကြောင့် နိုင်ငံရေးသမားတွေ အလွယ်တကူ အမြတ်ထုတ်လို့မရသလို ရွာတွေကို ဒုက္ခပေးပြီး အကျိုးအမြတ်ရှာချင်သူတွေကိုလည်း အလီဘိုင်က ရင်ဆိုင်ပေးနေတယ်။ ဆိုလိုင်မန်အလီလို့ အမည်ရတဲ့ အလီဘိုင်ကို မာလစ်၊ ဂေါ့ဖားသားလို့လည်း ခေါ်ကြပါတယ်။ သူက ကိုယ့်ရွာနဲ့ ပြည်သူတွေ ကောင်းစားဖို့ဆို လူမျိုးမခွဲဘဲ လုပ်ပေးတတ်သူပါ။ အသက်စွန့်ရမလား၊ လူသတ်ရမလားဆိုတာအထိ အရဲစွန့်ဖို့ အသင့်ရှိတာကြောင့် အများအမြင်မှာတော့ လူမိုက်ကြီးတစ်ယောက် ဖြစ်နေတယ်။ တစ်ဖက်မှာလည်း တစ်မြို့နယ်လုံးက သူ့စကားကို လေးစားနားထောင်ကြပါတယ်။ အများအကျိုးအတွက် လုပ်ရင်း အခြေအနေတွေကြောင့် ဒီဘဝကို ရောက်လာတဲ့ အလီဘိုင်မှာ ရန်သူတွေလည်း မနည်းပါဘူး။ နောက်ဆုံး ကိုယ့်လူရင်းတွေကပါ အကောက်ကြံလာတဲ့အခါ သူ့ဘဝ ဘယ်ဘက်ကို ဆက်ဦးတည်သွားမလဲဆိုတာ ရင်ဆိုင်ရတော့မှာပါ။