Amber Midthunder ပါဝင်သော ဇာတ်ကားများ

Carrie (2026) ဒီဇာတ်လမ်းတွဲက Amazon Prime ကနေ ထုတ်လွှင့်ပြသလာတဲ့ သည်းထိတ်ရင်ဖို ရုပ်သံစီးရီး အသစ်ပဲ ဖြစ်ပါတယ်။ စာရေးဆရာကြီး Stephen King ရဲ့ နာမည်ကြီး ဂန္ထဝင် ဇာတ်လမ်းကို Horror စီးရီးတွေ ရိုက်ကူးရာမှာ ဆရာကျတဲ့ ဒါရိုက်တာ Mike Flanagan က အပိုင်းတွေခွဲပြီး အသေးစိတ် ပြန်လည် ဖန်တီးတင်ဆက်ထားတာပါ။ ဇာတ်လမ်းက Carrie White ဆိုတဲ့ အထက်တန်းကျောင်းသူလေး တစ်ယောက်ဆီကနေ စတင်ပါတယ်။ Carrie ဟာ ကျောင်းမှာ သူငယ်ချင်းတွေရဲ့ အနိုင်ကျင့် ဗိုလ်ကျတာကို အမြဲခံရသလို၊ အိမ်မှာလည်း ဘာသာရေး အရမ်းကိုင်းရှိုင်းပြီး အစွန်းရောက်တဲ့ မိခင်ဖြစ်သူရဲ့ ချုပ်ချယ် ဖိနှိပ်တာတွေကို နေ့တိုင်း ခံစားနေရသူပါ။ ဒါပေမဲ့ တစ်နေ့မှာတော့ သူမဆီမှာ စိတ်နဲ့ အရာဝတ္ထုတွေကို အဝေးကနေ လှမ်းရွှေ့လျားနိုင်တဲ့ ထူးခြားတဲ့ စွမ်းအင်တွေ ရှိနေမှန်း သိလာပါတော့တယ်။ အဲဒီလို အိမ်က ဖိနှိပ်တာတွေရော၊ ကျောင်းက သူငယ်ချင်းတွေ ဝိုင်းလှောင်ပြောင်တာတွေရော တဖြည်းဖြည်း စုပုံလာတဲ့အခါ ကျောင်းက ကပွဲည (Prom Night) မှာ သူမရဲ့ ဒေါသတွေ ဘယ်လို ပေါက်ကွဲထွက်လာမလဲ၊ မြို့လေး တစ်မြို့လုံးကို သူမရဲ့ စွမ်းအင်တွေနဲ့ ဘယ်လို ကလဲ့စားချေမလဲ ဆိုတာကို ရင်တမမ ကြည့်ရှုရမှာပါ။ အရင် ထွက်ခဲ့ဖူးတဲ့ ရုပ်ရှင်တွေထက် စာရင် ဒီစီးရီးမှာ ဇာတ်ကောင်တွေရဲ့ စိတ်ပိုင်းဆိုင်ရာ ခံစားရတာတွေ၊ မိခင်နဲ့ သမီးကြားက ရှုပ်ထွေးတဲ့ ပြဿနာတွေကို ပိုပြီး သေသေချာချာ အချိန်ယူ ပုံဖော်ပေးထားတာပါ။ စိတ်ပညာကို အခြေခံတဲ့ သည်းထိတ်ရင်ဖို စီးရီးကောင်းတွေကို သဘောကျတဲ့ ပရိသတ်တွေရော၊ Stephen King ရဲ့ ဇာတ်လမ်းတွေကို ကြိုက်နှစ်သက်တဲ့ သူတွေပါ လက်မလွှတ်တမ်း ကြည့်ရှုသင့်တဲ့ ရုပ်သံစီးရီး တစ်ခုပဲ ဖြစ်ပါတယ်။ File size… 2.5 GB/1 GB/ 400 MB Quality… WEB DL 4K/1080p/ 720p Format… mp4 Duration…. 50m @Episode Genre ..... Horror, Mystery, Thriller Subtitle…. Myanmar Subtitle (Hard Sub)

Opus (2025) IMDb Rating (5.7) / Rotten Tomatoes (40%) 2025 ခုနှစ်မှာ A24 ကထုတ်လုပ်ထားတဲ့ psychological thriller ရုပ်ရှင်အမျိုးအစားဖြစ်တဲ့ Opus ဆိုတဲ့ ဇာတ်ကားကောင်းလေးနဲ့မိတ်ဆက်ပေးပါရစေ။ ဇာတ်ကားနာမည်က Opus ဆိုတဲ့ အတိုင်းပဲ ဂီတကို အရင်းခံရိုက်ကူးထားပြီး ဆုတွေလဲရရှိထားတဲ့ မင်းသမီး Ayo Edebiri က အဓိကဇာတ်ကောင်နေရာကပါ၀င်သရုပ်‌ဆောင်ထားပါတယ်။ ဇာတ်လမ်းအကျဉ်းကတော့ တတ်သစ်စ ဂျာနယ်လစ်‌ဖြစ်တဲ့ အေရီရယ်ဟာ ကုမ္ပဏီမှာ ၀န်ထမ်းလုပ်နေရတယ်ဆိုပေမယ့် သူ့ဟာသူကုန်ကြမ်းရှာပြီး စာအုပ်ထုတ်ချင်နေတာပါ။ အဲ့ဒီအချိန်မှာပဲ လုံး၀ဒိတ်ဒိတ်ကြဲနာမည်ကြီးဖြစ်ခဲ့တဲ့ အဲဖရတ်ဒ် မော်ရက်တီက နှစ်ပေါင်းများစွာ‌ပျောက်သွားပြီးမှ ရုတ်တရက် ပြန်ပေါ်လာတဲ့အတွက် လူတွေက အရမ်းကို အံ့ဩနေကြပါတယ်။ သူက ဒီတိုင်း ပြန်ပေါ်လာတာမျိုးမဟုတ်ပဲ အယ်လ်ဘမ်အသစ်နဲ့အတူပြန်လာတာပါ။ ပြီးတော့ မော်ရက်တီဟာ သူ့ အယ်လ်ဘမ်အသစ်ကို ဦးဦးဖျားဖျားနားထောင်ခိုင်းဖို့ လူတစ်စုကို ရွေးပြီးအရင်ဖိတ်လိုက်ပါတယ်။ အဲ့ဒီမှာ အေရီရယ်လဲ အရွေးခံလိုက်ရပါတယ်။ အေရီရယ်လဲ သူ့အထက်လူကြီးဖြစ်တဲ့ စတန်နဲ့ အတူ လာခေါ်တဲ့ကားနဲ့ပဲ ခရီးထွက်ကြပါတော့တယ်။ ဟိုရောက်တော့ ပွဲရဲ့လုံခြုံရေးအရ သူတို့ရဲ့ ဖုန်းတွေ၊ လပ်တော့တွေကို ၀န်ထမ်းတွေက သိမ်းသွားပါတယ်။ သူတို့ခိုင်းချင်တာ ခိုင်းလို့ရအောင်ဆိုပြီး လူတစ်ယောက်ချင်းစီကိုလဲ အနားမှာ ထားပေးထားပါသေးတယ်။ အေရီရယ်ဟာ ဂျာနယ်လစ်ပီပီ အဲ့နေရာရဲ့ မသင်္ကာစရာတွေကို စတင်ခံစားမိလာပါတယ်။ သူတို့ကို ဖိတ်ရတဲ့ အကြောင်းအရင်းက ဘာတွေလဲ။ အဲ့ဒီ‌ နေရာက လူတွေကရော ဘာ‌တွေလဲ....အရမ်းမပြောတော့ပါဘူး။ ဇာတ်ကားက ကောင်းတာမို့လို့ကြည့်ဖြစ်အောင်ကြည့်ကြပါနော်။ (အညွှန်းနဲ့ဘာသာပြန်ကတော့ Ivy Noe ဖြစ်ပါတယ်။) File size…(2.3 GB) / (900 MB) Quality….Blu-Ray 1080p HEVC / 720p Format…. mkv/mp4 Genre….Horror,Mystery,Thriller Duration….01:44:29 Subtitle….Myanmar Subtitle (Hardsub) Encoder….Double K Translated by Ivy Noe

The Boys မင်းသား Jack Quaid ပါဝင်ထားတဲ့ စူပါဟီးရိုးဆန်ဆန် အက်ရှင် ဟာသကားအသစ် ထွက်လာပါပြီ။ ဇာတ်ကားနာမည် Novocaine ဆိုတာကတော့ ထုံဆေးတစ်မျိုးရဲ့ နာမည်ပဲဖြစ်ပါတယ်။ ဒီဇာတ်လမ်းထဲက ဇာတ်လိုက်နဲ့ လိုက်ဖက်ပါတယ်။ သူ့မှာ မွေးရာပါ မျိုးဗီဇရောဂါတစ်ခုဖြစ်တဲ့ Congenital Insensitivity to Pain with Anhidrosis (CIPA) မွေးရာပါ နာကျင်မှုကို မခံစားနိုင်ခြင်းနဲ့ ချွေးမထွက်ခြင်း ရောဂါ ရှိနေတာပါ။ ပုံမှန်အားဖြင့် ဒီရောဂါရှင်တွေဟာ အသက် ၂၅ ကျော်တာ ရှားပါတယ်။ ဘာလို့လဲဆိုတော့ နာကျင်မှုဆိုတာ လူတွေအသက် ရှင်ဖို့ မဖြစ်မနေလိုအပ်တဲ့အရာပဲ ဖြစ်လို့ပါပဲ။ နာကျင်မှုမရှိတဲ့အခါ ဒဏ်ရာတွေရရင်လည်းမသိ အစားစားနေရင် လျှာကိုကိုက်မိရင်တောင် မသိ နိုင်တာမို့ အသက်သေဆုံးနိုင်ချေ အရမ်းမြင့်ပါတယ်။ ဒီရုပ်ရှင်ထဲက ဇာတ်လိုက်ကတော့ အရမ်းကို သတိ ကြီးကြီးနဲ့အသက်ရှင်ခဲ့ပြီး စားစရာကိုတောင် အရည်ပဲ သောက်တာမို့ အရွယ်ရောက်လာတဲ့အပြင် ဘဏ်မှာ လက်ထောက်မန်နေဂျာတောင်ဖြစ်လာပြီဖြစ်ပါတယ်။ ဘဏ်မှာတွေ့တဲ့ ကောင်မလေးတစ်ယောက်ကို ချစ်မိ ပြီးခါမှ ဘဏ်ကို ဓားပြတိုက်ခံရပြီး သူ့ကောင်မလေးကို ဓားစာခံအဖြစ် ဖမ်းခေါ်သွားကြပါတယ်။ ဘာမှ တိုက်ခိုက်တတ်တာမရှိပေမဲ့ ဘာလုပ်လုပ် မနာတဲ့ ကောင် ပြုတ်မနူးဆိုတော့ ကားတစ်စီးနဲ့ ဓားပြတွေကို နောက်က လိုက်ကျုံးပြီး ကောင်မလေးကို ကယ်ဖို့ ကြိုးစားရပါတော့တယ်။ အဓိကကြည့်ရမှာကတော့ အက်ရှင်ခန်းကြမ်းကြမ်းတွေ ဟာသတွေနဲ့ လှည့်ကွက်လေးတွေ ဖြစ်လို့ ဒီလိုစတိုင်မျိုး ကြိုက်တတ်တဲ့သူတွေအတွက်တော့ လက်လွတ်မခံ သင့်ပါဘူး။ File size… (5.53 GB) /(1.27 GB) / (727 MB) Quality… WEB-DL 4K HEVC / 1080p HEVC / 720p Format…mkv / mp4 Duration….1h 50m Genre …..Action , Comedy , Thriller Subtitle….Myanmar Subtitle (Hard Sub) Encoder….Min Wai Translated by Mr.Anderson

Rez Ball (2024) IMDb Rating (6.3) / Rotten Tomatoes (94%) ဒီ ဘတ်စကတ်ဘော ကားလေးကတော့ LeBron James ကိုယ်တိုင် producer ထဲမှာပါဝင်ထားပြီး rating တွေလည်းတော်တော်ကောင်းကောင်းရထားပါတယ်၊၊ ဇာတ်လမ်းကတော့ခန့်မှန်းရလွယ်တယ်ဆိုပေမဲ့ သရုပ်ဆောင်တွေ သရုပ်ဆောင်ကောင်းတာကြောင့်တော်တော်လေး ကြည့်လို့ပြေပါတယ်။ ဘတ်စကတ်ဘော အသုံးအနှုန်းအချို့ကိုတော့ အဆင်ပြေသလိုပဲ ပြန်ပေးထားပါတယ်။ ဘတ်စကတ်ဘော ကြိုက်တဲ့သူတွေအနေနဲ့ ကြည့်သင့်တဲ့ ဇာတ်ကားလေးပါ။ ဇာတ်လမ်းအညွှန်းလေးကတော့ Warriors ဆိုတဲ့ New Mexico က Native American Basketball အဖွဲ့က သူတို့ရဲ့ အဓိက ကစားသမားဖြစ်တဲ့ နာတာနီဂျက်ဆင် ကအဆုံးစီရင်သွားတဲ့နောက်မှာ ပြိုင်ပွဲတွေနိုင်ဖို့တော်တော်လေး ရုန်းကန်လာရပါတယ်။ ဒီကိစ္စကို အသင်းရဲ့ ကပ္ပတိန်အသစ် ဂျင်မီဟောလီ'ဒေးက သူတို့ရဲ့ နာဗာဟိုရိုးရာ တွေနဲ့ပေါင်းစပ်ပြီး အသင်းကိုဘယ်လိုပြန်လည်ခေါင်းထောင် လာအောင်လုပ်မလဲ ရင် ခုန်စိတ်လှုပ်ရှားစရာကြည့်ရမှာပါ။ (အညွှန်းနဲ့ဘာသာပြန်ကတော့ Nikobaby ဖြစ်ပါတယ်။) File size…(2.1 GB) / (1 GB) Quality….WEB-Rip 1080p HEVC / 720p Format…. mkv/mp4 Genre….Drama Duration….01:53:51 Subtitle….Myanmar Subtitle (Hardsub) Encoder….Double K Translated by Nikobaby

Centurion: The Dancing Stallion (2023) IMDb rating - 6.8/10 ဒီနေ့မှာတော့ မက္ကစီကန်ရဲ့မြင်းအကပြိုင်ပွဲတွေကိုကြည့်ရင်း ပရိတ် သတ်တွေအားလုံး ကြက်သီးထသွားစေမယ့် ဖြစ်ရပ်မှန်ဇာတ်လမ်း ကောင်းလေးတစ်ခုကိုတင်ဆက်ပေးချင်ပါတယ်။ ဇာတ်လမ်းအကျဉ်းချုပ်ကတော့ ... အဲလစ်စီယာကတော့ မြင်းစီးရတာကိုအရမ်းကိုစိတ်အားထက်သန်တဲ့ သူပါ။ မြင်းစီးလိုက်ရင်သူ့ရဲ့ဘဝပြဿနာတွေထဲကနေ လွတ်မြောက် သွားတယ်လို့ ခံစားရတဲ့သူပေါ့။ သူကအရည်အချင်းရှိပြီး ဒီနှစ်မှာတော့ မြင်းအကပြိုင်ပွဲမှာဝင်ပြိုင်ဖို့ မြင်းကောင်းရှာရင်း စန်ကျူရီယန်ဆိုတဲ့ မြင်းဖြူလေးတစ်ကောင် သူ့ဆီကိုရောက်လာခဲ့ပါတယ်။ ဒါပေမဲ့ ကံတ ရားကမျက်နှာသာမပေးချင်တော့ သူ့မှာသွေးကင်ဆာရောဂါခံစားခဲ့ရပြီး သူစိတ်အားထက်သန်တဲ့မြင်းစီးတဲ့ဝါသနာနဲ့ ဝေးရာမှာနေခဲ့ရပါတော့ တယ်။ ဒီတော့ အဲလစ်စီယာတို့ရဲ့ ဟောလ်မွေးမြူရေးခြံကိုဂုဏ်ဆောင် ပေးနိုင်မယ့် မြင်းစီးသမားလေး ဒန်နီက ပြည်နယ်မြင်းအကပြိုင်ပွဲမှာ အဲလစ်စီယာရဲ့ကိုယ်စားပါဝင်ယှဉ်ပြိုင်ပေးပါတော့တယ်။ ဒီဇာတ်လမ်းလေးက ဖြစ်ရပ်မှန်ဇာတ်လမ်းလေးဖြစ်ပြီး အဲလစ်စီယာ ဒန်နီနဲ့ မြင်းဖြူလေး စန်ကျူရီယန်တို့ကြားက ဆက်နွှယ်မှုကို စိတ်ဝင်စား ဖွယ်ကြည့်ရှူရမယ့်ဇာတ်လမ်းလေးပဲဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ei Po ဖြစ်ပါတယ်) File Size..........(1.83 GB) / (725 MB) Quality............WEB-RIP 1080p / 720p Duration.........1Hr 27Min Subtitle...........Myanmar Hardsub Format............MP4 Genre..............Drama Translator.......Ei Po Encoder..........SWM

IMDb Rating - 7.2/10 ဇာတ်လမ်းအဆန်းအကောင်းတွေကို ထုတ်လုပ်နေကျ A24 ရဲ့ Dark Comedy ရုပ်ရှင် အသစ်လာပါပြီ။ A24 ရဲ့ Nick Cage နဲ့ ပထမဆုံး တွဲလုပ်တဲ့ရုပ်ရှင်ပါပဲ။ ဒါရိုက်တာ Ari Aster က အစမှာ Adam Sandler နဲ့ ဒီရုပ်ရှင်ကို ရိုက်မလို့ပေမဲ့ နောက်ပိုင်းမှာ ပရို ဂျူဆာအဖြစ်ပါ ပါဝင်ခဲ့ပြီး ဒါရိုက်တာ Kristoffer Borgli ကို စိတ်ကြိုက်ရိုက်ကူးစေခဲ့ တာပါ။ Kristoffer Borgli ရဲ့ အကြံပြုချက်အတိုင်း Nick Cage နဲ့ ရိုက်ခဲ့ပြီး အခုလိုပဲ ရုပ်ရှင်ကောင်းတစ်ခု ဖြစ်လာခဲ့ပါတယ်။ Dark Comedy တွေရဲ့ထုံးစံအတိုင်း သူများ ဒုက္ခရောက်နေတာတွေ ငိုရခက် ရယ်ရခက် ကြည့်ရဦးမှာပါပဲ။ A24 ရဲ့ ထုံးစံအတိုင်း ရုပ်ရှင်ဟာ အဓိပ္ပါယ်တစ်ခု၊ လမ်းတစ်ခုတည်းကို ပြနေတာမဟုတ်ဘဲ၊ ကြည့်ရှုသူတွေ စိတ်ကြိုက်တွေးစရာ ချန်ထားခဲ့တာတွေ၊ ဥပမာပြ နိမိတ်ပြပုံတွေနဲ့ ရိုက်ကူးထားတာပဲ ဖြစ်ပါတယ်။ မင်းသားကြီး Nick Cage ကလည်း သူ့ရဲ့ သရုပ်ဆောင်ဘဝကို PIG (2021) The Unbearable Weight Of Massive Talent (2022) နဲ့ Dream Scenario (2023) တို့လို ရုပ်ရှင်ကားကောင်း ၃ ကားနဲ့ ပိတ်ပြီး အနားယူချင်ကြောင်းပါ ပြောခဲ့ပါတယ်။ ဒီရုပ်ရှင်ရဲ့ ကျောရိုးကိုတော့ စိတ်ပညာရှင် Carl Jung ရဲ့ Collective Unconscious သီ ဝရီကို အခြေခံထားပါတယ်။ လူသားတွေဟာ မိမိကိုယ်ပိုင်အတွေ့အကြုံသိစိတ်မသိစိတ် ကနေမဟုတ်ဘဲ၊ တစ်ကမ္ဘာလုံးရဲ့ လူသားမျိုးစိတ် အစဉ်အဆက် လက်ဆင့်ကမ်းလာတဲ့ ဘုံမသိစိတ်တွေ ရှိနေတယ်ဆိုတဲ့အယူအဆပါ။ ဒီဘုံမသိစိတ်ကြောင့်ပဲ ဘာသာရေးတွေရဲ့ အခြေခံအယူအဆတွေ ဆင်ဆင်တူတာတွေ၊ အိပ်မက်တွေရဲ့ ဖြစ်ပျက်တတ်ပုံတွေတူတာ တွေ၊ လူတွေ ‌အမှောင်ကြောက်တာ အမြင့်ကြောက်တာ စတဲ့အချက်မျိုးတွေ တူတာတွေ ဖြစ်လာတယ်ဆိုပါတယ်။ ဒီရုပ်ရှင်ဟာ နာမည်နဲ့လိုက်အောင် အိပ်မက်ကို အခြေခံထားတာဖြစ်ပါတယ်။ အဓိကဇာတ် ကောင် ပေါမက်သရူး (နစ်ကေ့) ဟာ ထူးခြားချက်ဘာမှမရှိတဲ့ ပျှမ်းမျှသာမန်လူစစ်စစ်တစ် ယောက်ပါ။ ဆင့်ကဲပြောင်းလဲမှုဗေဒကို သင်နေတဲ့ ပါမောက္ခတစ်ယောက်ဖြစ်ပြီး မိန်းမနဲ့ ကလေးတွေနဲ့ အေးအေးဆေးဆေးပဲ‌ နေထိုင်ပါတယ်။ ဒါပေမဲ့ သူ့စိတ်ထဲမှာတတော့ အသိ အမှတ်အပြုခံချင်စိတ် သူ့နယ်ပယ်မှာ အောင်မြင်ကျော်ကြားချင်စိတ်တွေရှိနေပါတယ်။ ဒီ သာမန်လူတစ်ယောက်ဟာ ရုတ်တရက်ကြီး လူပေါင်းများစွာရဲ့ အိပ်မက်ထဲမှာ ပါလာလို့ဆို ပြီးနာမည်ကြီးလာပါတယ်။ ဘာကြောင့်လဲဆိုတာ ဘယ်သူမှ ရှင်းမပြတတ်ပါဘူး။ အိပ်မက် တွေထဲမှာလည်း သူက ဘာမှမလုပ်ဘဲ ရပ်နေရုံ ဖြတ်လျှောက်ရုံဖြစ်နေတာကြောင့် လူတွေက သူ့ကို ရယ်စရာတစ်ခုလို၊ လူထူးဆန်းတစ်ယောက်လို ပေါ့ပေါ့ပါးပါး ချစ်ခင်ကြရုံနဲ့ နာမည်ကြီး လာပါတယ်။ လူစိတ်ဝင်စားခံလာရပါတယ်။ ရုပ်ရှင်နာမည် Dream Scenario ဆိုတဲ့အတိုင်း "မယုံနိုင်စရာကောင်းလိုက်အောင် အိပ်မက်ဆန်တဲ့ အောင်မြင်မှုမျိုး" ရလာတာပေါ့။ ဒါပေမဲ နောက်တော့ လူတွေရဲ့ အိပ်မက်တွေထဲမှာ ရုတ်တရက် ပေါဟာ အရမ်းအကြမ်းဖက်လာပါ တယ်။ အိပ်မက်မက်တဲ့လူတွေလည်း သူ့ကိုကြောက်လာကြပြီး အပြင်က သူ့ကိုပါ မုန်းတီးခံ လာရပါတယ်။ လူချစ်လူခင်များတဲ့ ဆယ်လီဘဝကို ဘာမှမလုပ်ရပါဘဲ ရောက်လာပြီး တစ် လောကလုံးဝိုင်းမုန်းတဲ့ ဆယ်လီဘဝကိုလည်း သူဘာမှ မလုပ်ရဘဲ ရောက်သွားတဲ့ကိစ္စကြီးက တကယ်ကို စားပါတယ်။ ရယ်ရခက် ငိုရခက်ကြီးကို ထိုင်ကြည့်နေရတာပါ။ ဒါကို သူဖြေရှင်း ဖို့ကြိုးစားရင်း ပိုပိုဆိုးလာတဲ့ဇာတ်ကြောင်းကို မြင်ရပါလိမ့်မယ်။ ဇာတ်လမ်းထဲမှာတော့ ဆိုရှယ်မီဒီယာရဲ့ နာမည်ကြီးလွယ် နာမည်ပျက်လွယ်ပုံသဘောတရား တွေ၊ နာမည်ကြီးလာတဲ့အချက်မှာ ကောင်းကျိုးရော ဆိုးကျိုးရောရှိပုံတွေ၊ လက်ရှိခေတ်ရဲ့ cancel culture လို့ခေါ်တဲ့ လူအများစု နေရာစုံမှာ ဝိုင်းကျဉ်တာကိုခံရရင် ဖြစ်တတ်တဲ့ပုံတွေကို သရော်ထားပုံ ရိုက်ကူးထားတာပါပဲ။ ကျန်တဲ့ ဇာတ်ဝင်ခန်းတစ်ခန်းချင်းကို ခံစားပုံကတော့ ကြည့်တဲ့သူရဲ့ ကိုယ်ပိုင်အတွေးအမြင်နဲ့ အယူအဆအပေါ်မူတည်တာမို့ ကိုယ်တိုင်ပဲကြည့် ကြည့်လိုက်ပါတော့။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size..........(7.09 GB) / (4.85 GB) / (761 MB) Quality............WEB-DL 4K / 1080p / 720p Duration.........1Hr 42Min Subtitle...........Myanmar Hardsub Format............MP4 Genre..............Comedy, Horror Translator.......Mr.Anderson Encoder..........SWM / Ka Naung

Predator ရုပ်ရှင်စီးရီးထဲက ဒီဇာတ်ကားမှာတော့ လွန်ခဲ့တဲ့ နှစ် ၃၀၀ ကာလကို ပြန်ရောက်သွားပါတယ်။ အဲဒီခေတ်မှာ လူတွေကို အမဲလိုက်လာတဲ့ ပရက်ဒေတာဂြိုလ်သားနဲ့ ကိုမန်ချီလူမျိုးတွေ၊ ပြင်သစ်မုဆိုးတွေ ရင်ဆိုင်ကြရတာပါ။ သေနတ်တွေရှိတဲ့ခေတ်မှာတောင် အနိုင်နိုင်တိုက်ခိုက်ရတဲ့ ရန်သူကို အရင်ခေတ်က လူတွေ ဘယ်လိုရင်ဆိုင်ကြမလဲဆိုတာကို အက်ရှင်အသားပေးပြီး တင်ဆက်ထားပါတယ်။

မက္ကဆီကို နယ်စပ်မှာ အထီးကျန်နေတဲ့ မရိန်းလက်ဖြောင့်တပ်သားဟောင်းကြီးတစ်ယောက်ရှိတယ်. ..ဝီစကီလေးမော့လိုက် ကားလေးမောင်းလိုက်နဲ့ပေါ့.. . တစ်နေ့မှာ မက္ကဆီကိုထဲက ခိုးဝင်လာတဲ့ သားအမိနှစ်ယောက် ရောက်လာတယ်.... သူတို့သားအမိကို မက္ကဆီရဲ့ ကြမ်းပေ့ဆိုတဲ့ လူဆိုးဂိုဏ်းက သတ်ဖို့လိုက်လာတယ်။ ဒီသားအမိဟာ ကံကောင်းထောက်မစွာ မရိန်းလက်ဖြောင့်တပ်သားဟောင်းကြီးနဲ့ဆုံဖြစ်ခဲ့တယ်... .မက္ကဆီဂိုဏ်းက ဒီသားအမိကို မဖြစ်မနေသတ်ဖို့ ကိစ္စကြီးတစ်ခုရှိလာတဲ့အခါမှာတော့....... မင်းသားကြီး Liam Neeson ရဲ့ သဲထိတ်ရင်ဖို အက်ရှင်ခန်းတွေကို ခံစားကြည့်ကြပါဉီး.. ဇာတ်လမ်းအညွှန်းနဲ့ဘာသာပြန်သူကတော့ Littleneoပဲဖြစ်ပါတယ်..... File Size :1GB and 2GB Quality : WEB-DL 720p and 1080p Format…mp4 Duration…01:48:00 Genre :  Action, Thriller Subtitle : Myanmar Subtitle (Hard Sub) Translated by Littleneo Encoded by Phyo Pyae

Taken မင်းသားကြီး လီယံနယ်ဆန်ရဲ့ ရုပ်ရှင်အသစ်ပါ။ သည်းထိပ်ရင်ဖိုအမျိုးအစားပါပဲ။ အမေရိကမြောက်ပိုင်းစွန်းမှာ ရှိတဲ့ ဓာတ်ငွေ့တွင်းတစ်ခု ပေါက်ကွဲမှုဖြစ်ပြီး ပြိုကျသွားတဲ့အခါ အလုပ်သမား ၂၆ ယေက်လောက် ပိတ်မိသွားပါတယ်။ သူတို့အတွက် အောက်စီဂျင်ကလည်း နာရီ ၃၀ လောက်ပဲ ရှိနိုင်တာမို့ သူတို့ကို ကယ်ထုတ်ဖို့ အရေးပေါ်လိုလာပါတယ်။ ဒါပေမယ့် ဥမင်ပြိုကျရတာက မက်သိန်းဓာတ်ငွေ့လိုင်းကြီးကို တူးမိလို့ ဖြစ်တာမို့ ဓာတ်ငွေ့တွေကို ထုတ်ပစ်ဖို့ စက်ကြီးတစ်ခု ရှိဖို့လိုနေပါတယ်။ အဲဒီစက်က ၂၅ တန်လောက်လေးတဲ့အတွက် ရေခဲပြင်ပေါ်ကို လေယာဉ်ဆင်းပြီး သယ်လို့မရသလို ရဟတ်ယာဉ်နဲ့လည်း မနိုင်ပါဘူး။ ဒီတော့ ကားနဲ့သယ်ဖို့ တစ်နည်းပဲ ရှိပါတော့တယ်။ ကားတွေကလည်း ရေခဲလမ်းလို့ ခေါ်တဲ့ ခဲနေတဲ့ မြစ်ရေပြင်ပေါ်က လမ်းကို ဖြတ်မောင်းရမှာဖြစ်ပြီး ဧပရယ်လထဲမှာ ဖြစ်လို့ ဘယ်ဒရိုင်ဘာမှ မမောင်းရဲပါဘူး။ အဲဒီအချိန်မှာ မောင်းပြီးပို့ရဲတဲ့ ဒရိုင်ဘာ သုံးယောက်ပေါ်လာတဲ့အခါ ပိတ်မိနေတဲ့သူတွေအတွက် မျှော်လင့်ချက်ရောင်ခြည်လေး သန်းလာပါတော့တယ်။ ဒါပေမယ့်လမ်းခရီးက ခက်ခဲရုံတင်မကဘူး လျို့ဝှက်ချက်တွေ လှည့်ကွက်တွေကြောင့် လမ်းမှာ ဒုက္ခတွေ ရင်ဆိုင်လာရတဲ့အခါ.... Translated and Reviewd by : Mr.Anderson Enocded by : YK Quality :: 720p File Size : 1.74GB Duration : 1h 43min

Season (3) complete Marvel Universe ထဲမှာ Franklin Richards တို့ Phoenix (Jean Grey)တို့လို Omega Level Mutant တွေနဲ့ကောင်းကောင်းကြီးရင်းနှီးနေခဲ့ပေမယ့် အမေ့လျော့ခံ Mutant တစ်ယောက် အထူးသဖြင့် Omega Level Mutant တစ်ယောက်ရှိနေခဲ့တယ်။ တော်တော်များများဟာ X-Men ကားတွေကို ကြည့်ပြီးနောက် Professor X ကို လေးစားခဲ့ရမှာ အမှန်ပဲ၊ သူ့စွမ်းအားတွေကိုလည်း အားကျမိခဲ့ကြမယ်၊ ဒါပေမယ့် သူ့ရဲ့သား David Hallerကတော့ ထိန်းချုပ်ဖို့မဖြစ်နိုင်လောက်အောင် စွမ်းအားတွေကြီးလွန်းနေခဲ့တယ်။ ငယ်စဉ်ကတည်းက ပုံမှန်မဟုတ်ခဲ့သူ၊ Charles လိုပဲ နေရင်းထိုင်ရင်း ခေါင်းထဲကနေ အသံတွေကြားနေခဲ့ရတယ်၊ သူ့ရဲ့ မကောင်းဆိုးဝါးကိုလည်း အိပ်ရင် မြင်နေခဲ့ရတယ်။ ” အဲဒီအသံတွေက မင်းကို ဘာလုပ်ရမယ်လို့ ခိုင်းတာလား မဟုတ်ဘူး ကျွန်တော့်ကို တားတာ.. ” တစ်နေ့အသံတွေကြားတာလွန်လာတော့ အရက်တွေသောက်ပြီး သောင်းကျန်း၊ ရဲတွေလာဖမ်းခဲ့၊ စိတ်လွတ်လွန်းသွားခဲ့ပြီး သူ့ရဲ့ စွမ်းအားတွေ ထုတ်သုံးမိသွားခဲ့တယ်။ အဲဒီတော့လည်း စိတ္တဇဆေးရုံရောက်လာခဲ့တယ်၊ ကိုယ်ကိုကိုယ် ဝါယာကြိုးသုံးပြီး ဆွဲကြိုးချသတ်သေဖို့ကြိုးစား၊ ဝါယာကြိုးလောင်သွားပြီး မသေခဲ့ဘူး၊ နောက်ဆေးရုံတစ်ခုရောက်လာခဲ့ပြန်တယ်၊ အဲဒီနေရာဟာ သူ့အတွက် အဆင်ပြေနေခဲ့တယ်၊ Syd Berret ဆိုတဲ့ အထိမခံနိုင်တဲ့ကောင်မလေးတစ်ယောက်နဲ့လည်း တွေ့ခဲ့ ရည်းစားဖြစ်ခဲ့သေးတယ်၊ ဒါပေမယ့် အဲဒီကောင်မလေးဟာလည်း Mutant မှန်း David မသိ။ အဲဒီ Syd ဆိုတဲ့ကောင်မလေးကို တွေ့ရတာ Harley Quinn ကို Marvel မှာ မြင်နေရသလိုလို၊ အပြုံးနဲ့အိုက်တင်တွေဟာ လုံးဝနီးပါးကို တစ်ထပ်တည်း၊ စတွေ့တွေ့ချင်းမှာလည်း ဆံပင်ကိုနှစ်ဖက်ခွဲပြီးစည်းထားတာ၊ သူ့ရဲ့ Mutant Powerကတော့ သူရဲ့အရေပြားနဲ့ထိမိရင် ထိမိတဲ့သူရဲ့ အတိတ်ကစိတ်ထဲကိုဝင် ခိုင်းစေနိုင်တဲ့အစွမ်း။ အဲဒီဆေးရုံကအခန်းတွေဟာ သူ့ရဲ့ စိတ်ထဲက ကိုယ်ပိုင်ဖန်တီးလုပ်ယူထားတာတွေလားဆိုတာ သူကိုယ်တိုင်လည်း ဝေခွဲမရ၊ ကြည့်နေတဲ့သူတွေလည်း မသဲကွဲ -__- စဉ်းစားမရဖြစ်နေတုန်း ပစ္စုပ္ပန်ကို ရုတ်ချည်းပြန်ရောက်လာခဲ့တယ်၊ David က အဖမ်းခံထားရတာ၊ စစ်ဆေးမေးမြန်းခံနေရတာ၊ စစ်မေးနေတဲ့သူက ပြောတယ်။ မင်းပြောတဲ့ Syd ဆိုတဲ့ကောင်မလေးက မင်း လွန်ခဲ့တဲ့ ခြောက်နှစ်က တက်ခဲ့တဲ့ စိတ္တဇဆေးရုံရဲ့ မှတ်တမ်းထဲမှာမရှိဘူး တဲ့။ နောက်မှ သိလိုက်ရတယ်၊ အဲဒီလူတွေဟာ Davidက စွမ်းအားအကြီးဆုံး Mutant ဖြစ်လာမှာကိုသိလို့ဖမ်းဖို့လုပ်ထားတဲ့အဖွဲ့အစည်း။ ဒါပေမယ့်လည်း အဲဒီအခန်းတွေဟာ တကယ်ဖြစ်နေတာလား၊ David စိတ်ရဲ့ ထင်ယောင်ထင်မှား Delusion တွေလား ဝေခွဲမရပြန် :3 သူ အဲဒီလို အဖမ်းခံနေရတဲ့အချိန် Mutant အုပ်စုက ဝင်ကယ်ပြီး သူတို့အဖွဲ့ထဲ ဝင်ခိုင်းလိုက်တော့တယ်။ ဒီ Series ဟာ Superhero Series ပဲဆိုပြီး ပေါ့ပေါ့တွေးပြီး ကြည့်လိုက်လို့ မဖြစ်နိုင်လောက်အောက်ကို မြုပ်ကွက်တွေနဲ့ ဆန်းဆန်းပြားပြားရိုက်ပြသွားပြီး နောက်ခံတီးလုံးတွေနဲ့ သီချင်းတွေကလည်း ကြာချိန် တစ်နာရီကို ခဏလေးထင်ရလောက်အောင်ကို အဆုံးထိ အတွေးတွေကျန်ခဲ့အောင် စွဲဆောင်သွားခဲ့တယ်၊ Professor X တင်မကပဲ X-Universe ရဲ့ လူသိနည်းတဲ့ Mutant တွေပါပြီး လူသိများတဲ့ Mutant တွေရဲ့ Originတွေ ပါပါလိမ့်မယ်၊ ဒါတင်မက X Men Movies တွေရဲ့ Timeline ရှုပ်ထွေးမှုကို ရှင်းပြသွားနိုင်လောက်မယ်၊ MCU နဲ့ Timeline တစ်ခုတည်းမှာ ရှိနေပေမယ့် X-Men Universe ထဲမှာလည်း အကျုံးဝင်နေသေးတဲ့အတွက် MCU နဲ့ Fox’s X-Men Universe ကို ဆက်စပ်ပေးမယ့် စီးရီးတစ်ခုလည်း ဖြစ်နိုင်ပါသေးတယ်။ ” I’m not really here… ” (Review ကို Ye Khant Min ရေးသားပေးပြီးဘာသာပြန်သူကတော့ ZonMyatNoeSwe ဖြစ်ပါတယ်)

Hell or High Water (2016) IMDb Rating (7.6) / Rotten Tomatoes (97%) Chris Pine , Jeff Bridges , Ben Foster တို့လို မင်းသားကြီးတွေပါဝင်ပြီး Crime Drama Thriller အမျိုးအစားကိုမှ Western  စတိုင်အပြည့်နဲ့ရုပ်ရှင်ကားကြီးပါ။ ဘဏ်မှာ အပေါင်ဆုံးတော့မဲ့ ဘိုးဘွားပိုင် မြေတွေကို မဆုံးရူံးဖို့ Tony နဲ့ Tanner တို့ညီအကိုနှစ်ယောက် ဘဏ်တွေကို ဓါးပြဝင်တိုက်ကြတယ်။ သူတို့ ရွေးချယ်တာ မြို့ငယ်လေးက ဘဏ်တိုက်လေးတွေကိုပါ။ မနက်စောစော ဘဏ်ဖွင့်ချိန်မှာ ဝင်လုမယ်။ ပိုက်ဆံကိုလည်း ဒေါ်လာ 20 တန်တဲ့ တန်ဖိုးပိုကြီးတဲ့အရွက်ကြီးလည်းမယူသလို သူတို့လုတဲ့ငွေ ပမာဏကလည်း ဒေါ်လာတစ်သောင်းအောက်ဆိုတော့ FBI ကတာဝန်ယူရလောက်အောင်ကြီးမားတဲ့ အမူမဟုတ်တဲ့အခါ ပြည်နယ်ရဲတာဝန်ပေါ့။ ဒီအမှုတွေကို မကြာခင် ရဲဘဝကနေအငြိမ်းစားယူတော့မဲ့ Marcus ရယ် သူတွဲဘက်အဖော် Alberto တို့ပူးပေါင်းဖော်ထုတ်ဖို့တာဝန်ဖြစ်လာပါတယ်။ Marcus က ဘဏ်ဓါးပြတွေ ကို လိုက်လံရှာဖွေဖမ်းဆီးဖို့ထက် Tony တို့ညီအကို လာတိုက်မယ်လို့ တွက်ထားတဲ့ မြို့ငယ်လေးတစ်ခုရဲ့ ဘဏ်တစ်ခုနားကနေ စောင့်ဖမ်းဖို့ ဆုံးဖြတ်လိုက်တယ်။ Marcus တို့ စောင့်နေတဲ့ နေရာကို Tony တို့ညီအကိုဆိုက်ဆိုက် မြိုက်မြိုက်ရောက်လာမလား ဆိုတာကိုတော့ …….။ ပြသချိန် ၂ နာရီကြာမြင်ြ့ပီး အစမှအဆုံး ရုပ်ရှင်ကြည့်ပရိတ်သတ်ကို စဉ်ဆက်မပြတ် ဆွဲခေါ်သွားနိင်တဲ့ ဇတ်ကားကောင်းပါ။ အထူးသဖြင့် ဇာတ်အိမ်တည်ထားတဲ့ အမေရိကန် Texas ပြည်နယ်ရဲ့ သဘာဝအလှတွေ ပြည်နယ်သားတွေ ရဲ့စိတ်နေစိတ်ထားအကျင့်စရိုက်တွေကို ပေါ်လွင်အောင် ရိုက်ကူးတင်ပြနိင်တဲ့ ဇာတ်ကားကောင်းတစ်ကားပါ။ (ရုပ်ရှင်အညွှန်းကို Myo Min Thwin’s FB မှကူးယူဖော်ပြပါသည်။) File size…(7.4 GB) / (2.1 GB) / (1.1 GB) Quality….BluRay 4K HEVC/1080p HEVC / 720p Format…mkv/mp4 Duration….01:43:00 Subtitle….Myanmar Subtitle (Hardsub) Encoder….Ka Naung Translated by Poe Thinzar Kyaw