Mary and George (2024) Benjamin Woolley ရဲ့ The King's Assassin စာအုပ်ကို မှီငြိမ်းပြီး ရိုက်ကူးထားတဲ့ Historical Drama ကောင်းတစ်ပုဒ် ဖြစ်ပါတယ်။ ဒီဇာတ်လမ်းကတော့ ... တစ်ခါက နုနုထွတ်ထွတ် အမျိုးကောင်းသား ယောက်ျားလေးတွေကိုမှ ဆွဲစားတတ်တယ်လို့ နာမည်ကြီးတဲ့ အင်္ဂလန်ဘုရင် James I နဲ့ Mary နဲ့ George Villiers တို့ သားအမိအကြောင်းပါ။ မိသားစု ရှေ့ရေး မသေချာတော့တဲ့ မယ်ရီဟာ သူ့ရဲ့ ဒုတိယမြောက် သားဖြစ်သူ ဂျော့ဂျ်ရဲ့ ချောမောမှု ဆွဲဆောင်မှုတွေကို အသုံးချပြီး ဘုရင်ဂျိမ်းစ်ကို ချဉ်းကပ်ခိုင်းတယ်။ သူတို့ ဘဝရှေ့ရေး ကောင်းစားဖို့က သူ့သား ဘုရင့်အချစ်တော် ဖြစ်ဖို့ပါပဲ။ ဒီလိုနဲ့ ဂျော့ဂျ်ဟာလည်း အမေဖြစ်သူ ခိုင်းတဲ့အတိုင်း ဘုရင်ကြီးကို နည်းမျိုးစုံနဲ့ မြှူဆွယ်ပြီး နန်းတော်ထဲမှာ နေရာတစ်ခု ရလာအောင် ကြိုးစားခဲ့တယ်။ ဒါပေမဲ့ ရာထူး အာဏာပါဝါတွေဆိုတာလည်း ပင်လယ်ရေလို သောက်လေသောက်လေ ငတ်မပြေဖြစ်တဲ့အခါ မယ်ရီနဲ့ ဂျော့ဂျ်တို့ရဲ့ သားအမိကြား ပဋိပက္ခတွေ၊ သူတို့နဲ့ နန်းတော်ကြား ပဋိပက္ခတွေ ဒုနဲ့ဒေးဖြစ်ပေါ်လာပါတော့တယ်။ သမိုင်းတစ်ခုကို လေ့လာနိုင်မဲ့အပြင် ဂျော့ဂျ်အဖြစ် သရုပ်ဆောင်သူ Purple Hearts၊ Red, White & Royal Blue ဇာတ်ကားတွေထဲက မင်းသား Nicholas Galitzine ရဲ့ ဖင်တုံးလှလှလေးကိုလည်း မြင်တွေ့ခွင့်ရမှာမလို့ လက်မနှေးဘဲ ကြည့်ရှုကြဖို့ တိုက်တွန်းလိုက်ရပါတယ်...
ဇာတ်ကားကြည့်ရန်