Amy Schumer ပါဝင်သော ဇာတ်ကားများ

စိတ်အပန်းဖြေဖို့ ပေါ့ပေါ့ပါးပါး ကြည့်လို့ရမဲ့ ဟာသကားလေးကို တင်ဆက်ပေးလိုက်ချင်ပါတယ်။ လင်နီက ငယ်ငယ်လေးကတည်းက သူ့အမေဆုံးသွားတာရော မိသားစုမရှိတာရောကြောင့် ကိုယ်ပိုင် မိသားစုလေး တည်ထောင်ပြီး မိခင်တစ်ဦးဖြစ်ချင်တဲ့ အိပ်မက်ရှိခဲ့ တာပါ။ ဒီလိုနဲ့ လင်နီအရွယ်ရောက်လာပြီး အိမ်ထောင်ပြုရမဲ့ အရွယ်ရောက်လာတော့ သူ့ရဲ့ ၄နှစ်ကြာတွဲခဲ့တဲ့ ချစ်သူနဲ့ မိသားစုလေး တည်ထောင်ဖို့ မျှော်လင့်နေခဲ့ပါတယ်။ ဒါပေမဲ့လည်း အလွဲလွဲအချော်ချော်တွေဖြစ်ပြီး ရည်းစားနဲ့လည်းပြတ် မိသားစုထူထောင်ချင်တဲ့အိပ်မက်လေးလည်း ပျက်စီးသွားချိန်မှာ လင်နီရဲ့ အချစ်ဆုံးသူငယ်ချင်းဖြစ်တဲ့ ကိတ်ကတော့ သားဦးလေးကို ကိုယ်ဝန်စလွယ်ထားရပါတယ်။ လင်နီ လိုချင်၊ဖြစ်‌ချင်ခဲ့တဲ့ မိသားစုအိပ်မက်ကို အခင်ဆုံးသူငယ်ချင်း ကိတ်ကပိုင်ဆိုင်နေရတာမြင်တော့ ဝမ်းနည်း၊ဝမ်းသာ၊ မနာလိုတွေ ဖြစ်ပြီး သူလိုချင်ခဲ့တဲ့ ကိုယ်ဝန်ဆောင်မိခင်ဘဝကို ခဏတာ ဟန်ဆောင်‌နေကြည့်ဖို့ဆုံးဖြတ်လိုက်ပါတယ်။ ဗိုက်အတုတပ်ပြီး ကိုယ်ဝန်ဆောင်ယောဂသင်တန်းသွားတက်ရာကနေ အလိမ်အညာ ထဲကရုန်းထွက်လို့မရတဲ့အခြေအနေကိုရောက်သွားတာကို ဟာသလေးနှောပြီး ကြည့်ရှုရမဲ့ ဇာတ်ကားတစ်ခုပါ။ R-rated ကားဖြစ်တာမလို့ ခပ်ရိုင်းရိုင်းစကားလုံးတွေနဲ့ ခုတင်ပေါ်က ဇာတ်ဝင်ခန်းတချို့ပါဝင်တာကြောင့် မိသားစုနဲ့အတူကြည့်ဖို့ မသင့်တော်ပါဘူး။ ဒီတိုင်းဘာမှမတွေးချင်ဘဲ ရိုးရိုးရှင်းရှင်း ဟာသ ကားလေးကြည့်ဖို့ရှာနေသူများကတော့ ဒီဇာတ်ကားလေးကို ကြည့်သင့်ပါတယ်။ ဗိုက်အတုနဲ့ ကိုယ်ဝန်သည်ဟန်ဆောင်တဲ့ လင်နီတစ်ယောက် ဘာတွေဆက်ဖြစ်မလဲဆိုတာကို‌ ဇာတ်လမ်းထဲမှာပဲဆက်လက် ကြည့်ရှုလိုက်ကြပါဦး။ File size… (1.70 GB) / (752 MB) Quality… WEB-DL  1080p HEVC / 720p Format…mkv / mp4 Duration….1h 37m Genre …..  Comedy , Drama Subtitle….Myanmar Subtitle (Hard Sub) Encoder….Min Wai Translated by Muse

ဒက်ပူးမင်းသား ရိုင်ရန်ရေးနိုးရဲ့ လူတစ်ဝက် ကာတွန်းတစ်ဝက် ရုပ်ရှင်အသစ်လာပါပြီ။ ဒါရိုက်တာနဲ့ ဇာတ်ပို့ကတော့ The Office ဇာတ်လမ်းတွဲထဲက မင်းသား John Krasinski ပါပဲ။ Walking Dead ထဲက မင်းသမီးလေး Cailey Fleming ကတော့ အဓိက မင်းသမီးအဖြစ် ပါဝင်ထားပါတယ်။ ဇာတ်လမ်းအကျဉ်း ကလေးတိုင်းမှာ စိတ်ကူးယဉ်သူငယ်ချင်းတွေ ရှိတတ်ကြပါတယ်။ သူတို့ အကျင့်စရိုက်အတိုင်း၊ သူတို့ဆန္ဒအတိုင်း ပုံဖော်မိထားတဲ့ သူငယ်ချင်း လေးတွေပေါ့။ ပုံစံအစုံ ရှိနိုင်ပါတယ်။ အဲဒီ သူငယ်ချင်းတွေက သူတို့ကိုယ်သူတို့ What If "အကယ်၍" ဆိုပြီး နာမည်ပေးထားတယ်။ အဲဒီလို စိတ်ကူးယဉ်သူငယ်ချင်းတွေရဲ့ သနားစရာကောင်းတဲ့အချက်ကတော့ သူတို့ကို ဖန်တီးတဲ့ ကလေးတွေ ကြီးလာတဲ့အခါ သူတို့ကို မေ့သွားပြီး မမြင်နိုင်တော့သလို သူတို့အချင်းချင်းက လွဲပြီး ဘယ်သူမှမမြင်နိုင်ပါဘူး။ တစ်နေ့မှာတော့ အဲဒီ စိတ်ကူးယဉ်သူငယ်ချင်းတွေ အကုန်လုံးကို မြင်နိုင်တဲ့ ကလေးမလေးတစ်ယောက်က သူတို့အားလုံးကို ကလေးသူငယ်ချင်းတစ်ယောက်စီ ပြန်ရှာပေးဖို့ ကြိုးစားပါတော့တယ်... File size…2.13GB / 972MB Quality…WEB-DL  1080p 5.1CH / 720p Format…mp4 Duration….1h 44m Genre ….. Animation  , Comedy , Drama Subtitle….Myanmar Subtitle (Hard Sub) Encoder….Min Wai Translated by Mr.Anderson

မြန်မာနိုင်ငံမှာ ပလာတာတို့အီကြာကွေးတို့လို မသိသူမရှိတဲ့မနက်စာတွေရှိသလို အမေရိကန်မှာလည်း Cereal လို့ခေါ်တဲ့နွားနို့နဲ့ ရောစားရတဲ့ မုန့်ခြောက်လေးတွေက အရမ်းနာမည်ကြီးပါတယ်။အခုခေတ်မှ နာမည်စကြီးတာ မဟုတ်ဘဲ သူတို့ဆီမှာဟိုးအရင်ခေတ်တွေကတည်းက Cereal ကရှိနေခဲ့တာဖြစ်ပါတယ်။အခုတင်ဆက်ပေးမဲ့ Unfrosted လို့ခေါ်တဲ့ဇာတ်ကားလေးကတော့ အဲ့ဒီမနက်စာ Cereal ထုတ်တဲ့ကုမ္ပဏီကြီးနှစ်ခုပြိုင်ဆိုင်ရင်းနဲ့မှ အခုခေတ်မှာအရမ်းနာမည်ကြီးတဲ့ အမေရိကန်က လူတိုင်း ကြိုက်ကြတဲ့ Pop Tart ဆိုတဲ့အဆာသွပ်မုန့်တစ်ခုပေါ်ပေါက် လာပုံဖြစ်ရပ်မှန်ကို အခြေခံပြီးရိုက်ကူးထားတာပဲဖြစ်ပါတယ်။ လက်ရှိမှာတော့ IMDb Rating 5.6 ရရှိထားပြီးအပျင်းပြေ ကြည့်လို့မဆိုးတဲ့သမိုင်းကြောင်းကိုပြန်လှန်ထားတဲ့ဇာတ်ကားလေးပဲ ဖြစ်ပါတယ်။ ၁၉၆၀ ခုနှစ်အစောပိုင်း ဘက်တယ်ခရိခ်လို့ခေါ်တဲ့ မြို့တစ်မြို့မှာကယ်လော့နဲ့ပို့စ်ဆိုတဲ့ စီရီရယ်ကုမ္ပဏီနှစ်ခုက အမေရိကန် မနက်စာလောကကိုကြီးစိုးထားတဲ့ ပြိုင်ဖက်တွေပဲ ဖြစ်ပါတယ်။ပိုင်ရှင်တွေရဲ့ နာမည်တွေကလည်း ကယ်လော့နဲ့ ပို့စ်ပဲဖြစ်ပြီး သူတို့တွေကအမြဲတမ်းတစ်ယောက်ကို တစ်ယောက် ကျော်တက်ဖို့ကြိုးစားနေကြတဲ့ သူတွေပဲဖြစ်ပါတယ်။ စစချင်းမှာတော့ ကယ်လော့ကုမ္ပဏီကတခြားစီရီရယ် ကုမ္ပဏီတွေ အားလုံးထက်သာနေခဲ့ပြီး ပြိုင်ဖက်ကင်းဖြစ်နေခဲ့တယ်ဆိုပေမဲ့ နောက်ပိုင်းမှာ ပို့စ်ကုမ္ပဏီက အရမ်းကောင်းတဲ့ မုန့်အသစ် တစ်ခုကိုထုတ်လုပ်လိုက်တဲ့အချိန်မှာတော့ အကုန်ပြာပြာသလဲ တွေဖြစ်ပြီး အမြန်ဆုံးသူတို့ကိုပြန်ကျော်တက်နိုင်မဲ့ ထုတ်ကုန် တစ်ခုကိုပြန်ထုတ်ဖို့ ကြိုးစားရင်းကနေ ဂန္တဝင် Pop Tart မုန့် ဘယ်လိုဖြစ်ပေါ်လာမယ်ဆိုတာကို ကြည့်ရှုရမဲ့ဇာတ်ကားလေးပဲဖြစ်ပါတယ်။ File size…2.29GB/ 958MB Quality…WEB-DL 1080p 5.1CH / 720p Format…mp4 Duration….1h 33m Genre ….. Biography , Comedy , History Subtitle….Myanmar Subtitle (Hard Sub) Encoder….Min Wai Translated by Saw Lay

နာမည်ကျော် ဂီတကာတွန်းရုပ်ရှင်တစ်ခုဖြစ်တဲ့ Trolls မှင်စာလေးများ ကာတွန်း သုံးကားမြောက်လာပါပြီ။ ပထမနှစ်ကားကတော့ Trolls 2016, Trolls World Tour 2020 တို့ပါပဲ။ အသံသရုပ်ဆောင်အနေနဲ့လည်း ဂျက်စတင်တင်ဘာလိတ် နဲ့ အန်နာ ကန်းဒရစ်တို့ပဲ ပါဝင်ပေးထားပါတယ်။ ဒီတစ်ခေါက်မှာတော့ Trolls မှာ မိသားစုတွေပိုမြိုင်ဆိုင်သွားအောင် ဘရန့်ရဲ့ ငယ်ငယ်ကကွဲသွားတဲ့ အစ်ကိုတွေ ပြန်ပါဝင်လာပါတယ်။ ဘရန့်ဟာ ဘရိုဇုံဆိုတဲ့ ညီအစ်ကိုတွေနဲ့ဖွဲ့ထားတဲ့ ယောကျာ်းလေး အဆိုတော်အဖွဲ့တစ်ခုက အငယ်ဆုံးညီလေးဖြစ်ခဲ့ပါတယ်။ တစ်နေ့မှာတော့ သဘောထားမတိုက်ဆိုင်မှုတစ်ခုကြောင့် ညီအစ်ကိုတွေအကုန် တစ်လမ်းစီထွက်သွားခဲ့ပြီး ဘရန့်ကိုတော့ အဘွားနဲ့ ထားခဲ့ကြပါတယ်။ နှစ် ၂၀ နီးပါး အဆက်အသွယ်မလုပ်တော့တဲ့ အစ်ကိုတွေကို စိတ်နာနေပေမဲ့ တစ်နေ့မှာတော့ အကြီးဆုံးအစ်ကိုဂျွန်ကလာပြီး အစ်ကိုလတ်ဖြစ်သူ ဖလွိုက်ကို မသမာသူနှစ်ယောက်က ဖမ်းထားတဲ့အကြောင်းနဲ့ သူ့ကိုကယ်နိုင်ဖို့ ညီအစ်ကိုတွေအားလုံး ပြန်စုဖို့လိုကြောင်း ပြောလာတဲ့အခါ.... File size…(5GB) (2.2 GB)/(1.1 GB) Quality….4K HEVC / Webrip 1080p / 720p Format…mp4 Duration….01:32:00 Genre...Animation, Family, Music, Fantasy, Comedy Subtitle….Myanmar Subtitle (Hardsub) Encoder….Mr. Anderson Translated by Mr. Anderson

ဘော်ဘီဟာ ဂေးအသိုင်းအဝိုင်းမှာ သြဇာရှိပြီး လူအများ စံပြထားကြတဲ့သူတစ်ယောက်ပါ။ ဂေးတွေနဲ့ပတ်သက်တဲ့ အသံလွှင့်အစီအစဉ်တစ်ခုကိုလည်း လုပ်ကိုင်နေတယ်။ သူကိုယ်တိုင်ကတော့ အတည်တကျ ချစ်သူထားဖို့ စိတ်မကူးဘဲ Grindr ကနေ တွေ့တဲ့အမျိုးသားတွေနဲ့ ခဏတာ ဆက်ဆံရေးတွေပဲ ထားပြီး တစ်ကိုယ်တည်း နေလာခဲ့ပါတယ်။ တစ်နေ့ ဂေးပါတီတစ်ခုမှာ ဘော်ဘီနဲ့ အယ်ရွန်တို့ တွေ့ဆုံကြတယ်။ အယ်ရွန်က သေတမ်းစာရှေ့နေတစ်ယောက်ဖြစ်ပြီး ကိုယ့်အလုပ်ကို ငြီးငွေ့နေသူပါ။ သူလည်း ဘော်ဘီလိုပဲ အတည်တကျ ဆက်ဆံရေးတစ်ခု မလိုချင်ဘူး။ ဒါကြောင့် အစမှာ အပျော်သဘောပဲ တွဲခဲ့ကြပေမယ့် နောက်ပိုင်းမှာတော့ တစ်ယောက်ကိုတစ်ယောက် တကယ်ချစ်လာကြပါတယ်။ ကြီးပြင်းခဲ့တဲ့ အသိုင်းအဝိုင်းတွေ မတူကြတော့ နှစ်ယောက်ကြားမှာ အဖုအထစ်တွေ ပေါ်လာပြီး ညှိနှိုင်းကြရတယ်။ အဲဒီအခက်အခဲတွေကို အတူရင်ဆိုင်နိုင်မလား၊ လမ်းခွဲဖြစ်သွားမလားဆိုတာကို ဟာသနှောပြီး ပြထားပါတယ်။ LGBTQ အသိုင်းအဝိုင်း၊ အထူးသဖြင့် ဂေးတွေရဲ့ နေထိုင်မှုနဲ့ အပြောအဆိုတွေကို ပွင့်ပွင့်လင်းလင်း တင်ပြထားပြီး လိင်အသားပေးအခန်းတွေ များတာကြောင့် မိသားစုနဲ့အတူ ကြည့်ဖို့တော့ မသင့်တော်ပါဘူး။

The Humans(2021) အညွှန်း ဒါကတော့ စီးမြောခံစားသက်ဝင်လို့ရတဲ့Drama ရုပ်ရှင်ကားတစ်ကားပါ။ ပြဇာတ်ဆရာ Stephen Karamက သူ့ရဲ့Tony awardဆုရထားတဲ့ The Humansပြဇာတ်အပေါ်မှာပဲ ဇာတ်အိမ်တည်ပြီး ဒီကားကိုဒါရိုက်တာလုပ်ပြီးရိုက်ထားတာပါ။ ဇာတ်လမ်းကတော့ ရည်းစားဖြစ်သူ ရစ်ချက်နဲ့ နယူးရောက်ကတိုက်ခန်းဟောင်းကို ပြောင်းနေတဲ့ ဘရစ်ဆီကို ဘရစ်ရဲ့မိသားစု (ဘလိတ်ခ်မိသားစု)ကအလည်လာပြီး ကျေးဇူးတော်နေ့ညကိုအတူကုန်ဆုံးတာကိုပဲ ကောင်းမွန်တဲ့ရိုက်ချက်တွေနဲ့ စိတ်ခြောက်ခြားစရာဖြစ်အောင် ခံစားချက်ကိုအသားပေးပြီး ရိုက်ပြထားတာပါ။ ဘလိတ်ခ်မိသားစုမှာ စိတ်မမှန်တော့ပဲဝှီးချဲနဲ့နေနေရတဲ့အဖွားရယ် ၊ အထက်တန်းကျောင်းမှာနှစ်အကြာကြီးအလုပ်လုပ်ခဲ့ပြီး စိတ်ခြောက်ခြားမှုတွေနဲ့အိပ်မက်ဆိုးတွေကိုရင်ဆိုင်နေရတဲ့ ဖခင်ဖြစ်သူရယ်၊ မိသားစုကိုချစ်ခင်ပေမယ့် ကိုယ်တိုင်လည်းခံစားနေရတာတွေရှိတဲ့မိခင်ဖြစ်သူရယ် (သူကတော့ The Humansပြဇာတ်မှာ Tony Awardဆုရခဲ့တဲ့သူကိုယ်တိုင်ပြန်သရုပ်ဆောင်ထားတာပါ)က အခြေကျရာမြို့လေးမှာပဲကျန်နေခဲ့ပြီး အေမီနဲ့ဘရစ်တို့ညီအစ်မကတော့ မြို့ကြီးတွေဆီကိုအသီးသီးထွက်ခွာသွားခဲ့ကြသူတွေပေါ့။ ပုံမှန်မိသားစုလေးက ညစာအတူစား၊လက်ဆောင်တွေဖောက်နဲ့ရယ်မောနေပေမယ့်လည်း ဝေးကွာနေခဲ့တဲ့ မိသားစုဝင်တွေအကြားမှာ တင်းမာမှုတွေ၊ စိုးရိမ်ပူပန်မှုတွေ ၊ ပြောမထွက်တဲ့အကြောင်းအရာတွေနဲ့ ပြင်းထန်တဲ့ခံစားချက်တွေရှိ‌နေတာကို လှစ်ဟပြသထားတဲ့ဇာတ်ကားပါ။ The Humansဇာတ်ကားမှာ အဖွား၊ အဖေ၊ အမေ၊ ညီအစ်မနှစ်ယောက်နဲ့ ဘရစ်ရဲ့ရည်းစား ရစ်ချက်ဆိုပြီး လူသားဇာတ်ကောင်ခြောက်ယောက်ပါပြီးတော့ ၇ယောက်မြောက်ဇာတ်ကောင်အဖြစ်ကိုတော့ ယိုယွင်းနေတဲ့တိုက်ခန်းကို ဒါရိုက်တာကရည်ညွှန်းပါတယ်တဲ့။ ခံစားသက်ဝင်ကြပါဦးး.... File Size :(2.02GB) (998MB) and (380 MB) Quality : Web-Dl1080p5.1ch, 720p Format…mp4 Duration…01:48:00 Genre : Drama Subtitle : Myanmar Subtitle (Hard Sub) Translated by  Moe Lay Encoded by Phyo Pyae

ကွန်ဖီးဒန့်ရှိလို့ လှတာလား?  လှလို့ ကွန်ဖီးဒန့်ရှိတာလား? ဒီဇာတ်ကားထဲက ရီနေးကတော့ကိုယ့်ကိုယ်ကို မလှဘူးဆိုပြီး စိတ်ဓာတ်ကျနေသူပါ အလှကုမ္ပဏီမှာ ကောင်တာထိုင်အလုပ်နေရာအတွက်လျှောက်ထားချင်သော်လည်းအလုပ်ခေါ်စာမှာ ကုမ္ပဏီရဲ့အလှမျက်နှာဖုံးဖြစ်ရမယ်ပါတော့လက်လျှော့ခဲ့တယ် တစ်နေ့တော့ ရေပန်းတစ်ခုမှာလှလာပါစေလို့ ဆုတောင်းလိုက်တယ် နောက်နေ့မှာတော့ လေ့ကျင့်ခန်းစက်ဘီးပေါ်ကပြုတ်ကျပြီးနောက်မှာ ခေါင်းထိသွားတယ် ပြန်နိုးလာတဲ့အချိန်မှာတော့ခန္ဓာကိုယ်က ဘာမှ မပြောင်းလဲသွားပေမယ့်သူကိုယ်သူ အလှကြီးလှတယ်ဆိုတဲ့ယုံကြည်စိတ်ရသွားပါတယ်။ အဲ့စိတ်နဲ့ပဲ အလုပ်လျှောက်တော့ အလုပ်ရရည်းစားရ အဆင်ပြေခဲ့ပေမယ့်အရမ်းကွန်ဖီးဒန့်ရှိတဲ့မာန်မာနကြောင့်လူအများနဲ့ တစ်ဖြည်းဖြည်းဝေးကွာလာပါတော့တယ်။ ဒီကွန်ဖီးဒန့်အပြည့်ရှိနေတဲ့ စိတ်က တစ်သက်ခံပါဦးမလား? လူတွေနဲ့ရော ပြန်အဆင်ပြေမလား? ကွန်ဖီးဒန့်က အရေးကြီးလား? လှဖို့က အရေးကြီးလား? ဘယ်အရာက အရေးကြီးမလဲဆိုတာ ရှုစားကြည့်ပါနော် ကွန်ဖီးဒန့်ရှိလို့ လှတာလား?  လှလို့ ကွန်ဖီးဒန့်ရှိတာလား? ဒီဇာတ်ကားထဲက ရီနေးကတော့ကိုယ့်ကိုယ်ကို မလှဘူးဆိုပြီး စိတ်ဓာတ်ကျနေသူပါ အလှကုမ္ပဏီမှာ ကောင်တာထိုင်အလုပ်နေရာအတွက်လျှောက်ထားချင်သော်လည်းအလုပ်ခေါ်စာမှာ ကုမ္ပဏီရဲ့အလှမျက်နှာဖုံးဖြစ်ရမယ်ပါတော့လက်လျှော့ခဲ့တယ် တစ်နေ့တော့ ရေပန်းတစ်ခုမှာလှလာပါစေလို့ ဆုတောင်းလိုက်တယ် နောက်နေ့မှာတော့ လေ့ကျင့်ခန်းစက်ဘီးပေါ်ကပြုတ်ကျပြီးနောက်မှာ ခေါင်းထိသွားတယ် ပြန်နိုးလာတဲ့အချိန်မှာတော့ခန္ဓာကိုယ်က ဘာမှ မပြောင်းလဲသွားပေမယ့်သူကိုယ်သူ အလှကြီးလှတယ်ဆိုတဲ့ယုံကြည်စိတ်ရသွားပါတယ်။ အဲ့စိတ်နဲ့ပဲ အလုပ်လျှောက်တော့ အလုပ်ရရည်းစားရ အဆင်ပြေခဲ့ပေမယ့်အရမ်းကွန်ဖီးဒန့်ရှိတဲ့မာန်မာနကြောင့်လူအများနဲ့ တစ်ဖြည်းဖြည်းဝေးကွာလာပါတော့တယ်။ ဒီကွန်ဖီးဒန့်အပြည့်ရှိနေတဲ့ စိတ်က တစ်သက်ခံပါဦးမလား? လူတွေနဲ့ရော ပြန်အဆင်ပြေမလား? ကွန်ဖီးဒန့်က အရေးကြီးလား? လှဖို့က အရေးကြီးလား? ဘယ်အရာက အရေးကြီးမလဲဆိုတာ ရှုစားကြည့်ပါနော် File Size : (900 MB) Quality : WEB-DL 720p Running Time : 1hr 50min Format : Mp4 Genre : Comedy Subtitle : Myanmar Subtitle (Hard Sub) Source : 720p.WEB-DL.XviD.AC3-FGT Translated by Yazar Tun Encoded by Thanhtike Zaw

အန်မလီဟာ ကောင်လေးနဲ့အတူ အီကွေဒေါကို ခရီးသွားဖို့အတွက် ခရီးစဉ်အစအဆုံးကို ငွေချေပြီးသားပါ.. သွားခါနီးမှာပဲ ဘဝတက်လမ်းကြောင့်ဆိုပြီး လမ်းခွဲခံလိုက်ရပါတယ်။ အန်မလီတစ်ယောက် ရည်းစားနဲ့ပြတ်၊ အလုပ်ကလည်းပြုတ်၊ သူငယ်ချင်းလည်းတစ်ယောက်မှမရှိတဲ့အပြင် ဝယ်ထားတဲ့ ခရီးစဉ်ကလည်း ငွေပြန်အမ်းလို့မရတဲ့ခရီးစဉ်ဖြစ်နေတာကြောင့် အမေနဲ့အတူတူ ခရီးစဉ်ကိုသွားဖို့ဖြစ်လာပါတယ်။ ခပ်ပေါ့ပေါ့တွေးပြီး နေတတ်တဲ့အန်မလီနဲ့ ဂရုတစိုက် အ ားလုံးကို အသေးစိတ်တတ်တဲ့အန်မလီ့အမေတို့ ခရီးတစ်ခုတည်းအတူသွားတဲ့အခါ ဖြစ်လာတတ်တဲ့အလွဲလေးတွေအပြင် အယုံလွယ်တတ်တဲ့ အန်မလီကြောင့် သားအမိနှစ်ယောက် ပြန်ပေးဆွဲခံခဲ့ရတဲ့အခါမှာ ဘယ်လိုမျိုး ပြန်လွတ်အောင် ကြံဆောင်ကြမလဲ ဘယ်လိုအခက်အခဲတွေနဲ့တွေ့မလဲဆိုတာလေးတွေကို ဟာသလေးတွေနှောပြီး ရိုက်ကူးထားတဲ့အပြင် သားအမိနှစ်ယောက်ကြား ခံစားချက်လေးတွေပါ ကြည့်ရှုရမယ့်ဟာသအက်ရှင်ကားလေးပဲဖြစ်ပါတယ်။ File size…    1.7 GB /    828 MB Quality… BluRay 1080p / 720p Format… mp4 Duration…. 1h 39m Genre .....  Action , Comedy Subtitle…. Myanmar Subtitle (Hard Sub) Encoder…. Thit San Khant Translated by Jia

စိတ်ပိုင်းဆိုင်ရာအရ ငယ်စဉ်မှာ မိသားစုနဲ့ ပတ်သက်ပြီး စိတ်ဒဏ်ရာခံစားခဲ့ရတဲ့ကလေးတွေဟာ သူတို့စိတ်ထဲမှာ ဒဏ်ရာ ရခဲ့တာကို စွဲလမ်းနေတတ်ပြီး အသက်ကြီးလို့ လက်တွဲဖော်ရွေးတဲ့အခါမှာလည်း ကိုယ့်အပေါ် မကောင်းတဲ့လူ၊ နာကျင်စေတတ်တဲ့လူတွေကပဲ ရွေးချယ်နေတတ်ကြတယ်လို့ ဆိုကြပါတယ်။ Amy Townsend ကတော့ အဖေနဲ့ အမေရဲ့ အိမ်ထောင်ရေးအကွဲအပြဲကြား “တစ်လင်တစ်မယား စနစ်ဆိုတာ လက်တွေ့မဆန်ဘူး”ဆိုတဲ့ စကားနဲ့ ကြီးပြင်းလာရတဲ့ ကောင်မလေးပါ။ ရည်းစားတွေ တစ်ယောက်ပြီးတစ်ယောက် တွဲတတ်ပေမဲ့ ဘယ်သူ့ကိုမှ အတည်မတွဲဘဲ အပေါ်ယံ ပေါ့ပျက်ပျက်ပဲ ဆက်ဆံတတ်ပါတယ်။ S’nuff မဂ္ဂဇင်းတိုက်မှာ အယ်ဒီတာအနေနဲ့ အလုပ်လုပ်နေတဲ့ Amy တစ်ယောက် အားကစားသမားတွေကို ခွဲစိတ်ပေးနေတဲ့ နာမည်ကြီးဆရာဝန် ဒေါက်တာ Aaron ကို အင်တာဗျူးလုပ်ဖို့ တာဝန်ပေးခံရတဲ့အခါမှာတော့….. ဒီရုပ်ရှင်ရဲ့ ဇာတ်ညွှန်ကို Amy Schumer ရေးထားပြီး Amy Townsend အဖြစ် ကိုယ်တိုင်သရုပ်ဆောင်ထားပါတယ်။ နာမည်ကြီးခွဲစိတ်ဆရာဝန် Dr. Aaron အဖြစ် Bill Hader က သရုပ်ဆောင်ထားပါတယ်။ Action မင်းသားကြီး John Cena လဲ ရည်းစားတွေထဲက တစ်ယောက် အဖြစ် ပါဝင်သရုပ်ဆောင်ပေးထားပါသေးတယ်။ ဇာတ်ကွက်အနေနဲ့ မထူးဆန်းပေမဲ့ ပေါ့ပေါ့ပါးပါး ရယ်‌မောပြီး ဘဝအမောတွေ ပြေစေမယ့် Rom-Com ရုပ်ရှင်လေးကို ခံစားကြည့်ကြပါဦးနော် File size…  2.1 GB / 752  MB Quality… Web-DL 1080p / 720p Format… mp4 Duration…. 2h 5m Genre .....  Drama , Comedy Subtitle…. Myanmar Subtitle (Hard Sub) Encoder…. Thit San Khant Translated by Phu Myat Thwe

Seeking a Friend for the End of the World (2012) IMDb....6.7 ၃ပတ်အတွင်းမှာ ကမ္ဘာကြီးက ဂြိုလ်ဆိုင်တစ်ခုနဲ့တိုက်မိပြီး ကမ္ဘာပျက်တော့မယ်တဲ့ နောက်ဆုံးအချိန်လိုဖြစ်နေတဲ့ (၃)ပတ်မှာ ခင်ဗျားဆိုရင်ရော ဘာတွေဆက်လုပ်မိမှာပါလိမ့်.... Dodgeဆိုတဲ့ အာမခံဝန်ထမ်းတစ်ယောက်ကတော့ အဲဒီသတင်းကို ကြားလိုက်ရပြီး ခဏတာ သွေးပျက်သွားခဲ့သလို တိုက်တိုက်ဆိုင်ဆိုင် အဲဒီအချိန်မှာ သူ့မိန်းမကလည်းထားသွားခဲ့တယ်.. ဒါပေမဲ့ သူ့ဘဝကို သူ ပုံမှန်ဆက်သွားဖို့ ကြိုးစားတယ် ... Pennyဆိုတဲ့ ကောင်မလေး သူ့မိသားစုဆီသွားဖို့ နောက်ဆုံးလေယာဉ်ကို လွတ်သွားတယ်.. ကမ္ဘာကြီးကလည်း(၃)ပတ်အတွင်း ပျက်သုဥ်းသွားနိုင်သတဲ့... သူတို့၂ယောက်ကအိမ်နီးချင်းတွေ... (၃)ပတ်ဆိုသော ကာလလေးမှာ သူတို့(၂)ယောက်ဟာ ဘယ်လိုဖြတ်သန်းကြမလဲ.... ... ဒီကားထဲကဟာသမင်းသားကြီး Steve Carell  နဲ့ မင်းသမီးချော Keira Knightleyကိုတော့ ထွေထွေထူးထူးမိတ်ဆက်ပေးစရာမလိုဘူးထင်ပါတယ်... ဟာသဟန်တွေနဲ့ ဘဝနေနည်းတစ်ချို့ကို အချိန်ကိုက်ပြသွားတဲ့ကားလေးမို့ ကြည့်လိုက်ပါဦးလို့......... (ဇာတ်လမ်းအညွှန်းနဲ့ဘာသာပြန်သူကတော့ JtheKoala ဖြစ်ပါတယ်..) File Size : 1.32GB/ 550MB Quality : Blu-Ray 1080p 5.1 CH/ Blu-Ray 720p Format…mp4 Duration…01:41:00 Genre : Adventure, Drama, Comedy Subtitle : Myanmar Subtitle (Hard Sub) Translated by JtheKoala Encoded by Tiff