Andrew Faulds ပါဝင်သော ဇာတ်ကားများ

~ IMDb - 7.3/10, Rotten Tomatoes - 89% ~ ဂရိနတ်ဘုရားတွေနဲ့ သူရဲကောင်းတွေ စွန့်စားခန်း‌တွေကို အမျိုးမျိုး ရိုက်ကူးကြရာမှာ ဒီကားကတော့ သူရဲကောင်းအ‌ကျော်အ‌မော်ဂျေဆင်နဲ့ သူ့အဖွဲ့သား အာဂိုနပ်စ်တွေရဲ့ ရွှေသိုးရှာဖွေတဲ့ စွန့်စားခန်းခရီးအကြောင်း 1963 ခုနှစ်ထွက်ဇာတ်ကားတစ်ကားဖြစ်ပါတယ်။ ဇုစ်နတ်ဘုရားက ပလိုင်ရက်စ်ကို သက်စ်လေတိုင်းပြည်ကို အောင်နိုင်ဖို့ ဆုပေးပေမဲ့ နောင်ကျရင် သက်စ်လေဘုရင်ရဲ့မျိုးဆက်က ပလိုင်ရက်စ်ကို လက်စားချေမှာလို့ ဟောကိန်းရှိတဲ့အတွက် ပလိုင်ရက်စ်က ဘုရင်ရဲ့သားသမီး ၃ယောက်လုံးကိုပါ သတ်ဖို့လုပ်ခဲ့ပါတယ်။ ဒါပေမဲ့ သားတော်ဂျေဆင်က အစောင့်နဲ့အတူ ထွက်ပြေးလွတ်မြောက်သွားခဲ့တဲ့အခါ... ဂျေဆင်အရွယ်ရောက်လာတဲ့အခါ သက်စ်လေပြည်ကို ပြန်သိမ်းပြီး ပလိုင်ရက်စ်ကိုသတ်ဖို့ လိုက်ရှာပါတော့တယ်။ ဇုစ်ရဲ့မိဖုရား ဟယ်ရာက ဂျေဆင်ကို အလုံးစုံကူညီပေးချင်ပေမဲ့ ဇုစ်က အကြိမ်အရေအတွက်ကန့်သတ်ထားပြီး နတ်ဘုရား‌ မောင်နှံ၂ပါး အားပြိုင်တဲ့အခါ... ပလိုင်ရက်စ်ကို သတ်ပြီး သက်စ်လေတိုင်းပြည် ကြွယ်၀ချမ်းသာ ငြိမ်းချမ်းဖို့ ရွှေသိုးရှိရမယ်လို့ဟောကိန်းရှိတဲ့အတွက် ဂျေဆင်က သူ့အဖွဲ့သား အာဂိုနပ်တွေနဲ့ ရေကြောင်းခရီး ရွက်လွှင့်ခဲ့ပါတယ်။ ခရီးစဉ်တစ်လျှောက် ကြုံတွေ့ရတဲ့အန္တရာယ်တွေကို ရင်ဆိုင်ပုံနဲ့ ရွှေသိုးကို ကိုးကွယ်တဲ့ ကော်လ်ခိစ်တိုင်းပြည်က ခိုးယူပုံ၊ နတ်ဘုရားတွေ စောင်မကြည့်ရှုပုံတွေကို မြိုင်မြိုင်ဆိုင်ဆိုင် ရှုစားရမှာပါ။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size - 1.9GB, 825MB Quality - 1080p, 720p IMDb Rating - 7.3/10 Format - mp4 Duration - 1H 44Min Genre - Action, Adventure, Family Subtitle - Myanmar Subtitle (Hardsub) Translated by Shune Lai KK Encoded by Y

Julius Caesar က ရန်သူတော် Pompey ကို Pharsalus တိုက်ပွဲမှာ အနိုင်ရပြီးနောက် အီဂျစ်ကို ရောက်လာတဲ့အချိန်ကနေ ဇာတ်လမ်းစထားပါတယ်။ ရောမအတွက် အဓိကကုန်ဝင်ရာဖြစ်တဲ့ အီဂျစ်မှာ Cleopatra နဲ့ မောင်ဖြစ်သူ Ptolemy တို့ ထီးနန်းလုနေကြလို့ Caesar က ဝင်ရောက်ဖြေရှင်းပေးဖို့ လာခဲ့တာပါ။ Cleopatra ကို လုပ်ကြံဖို့ ကြိုးစားမှုတွေဖြစ်လာပြီး Ptolemy နယ်နှင်ဒဏ်ပေးခံရတဲ့နောက် Cleopatra ဟာ အီဂျစ်ဘုရင်မဖြစ်လာသလို Caesar နဲ့လည်း ချစ်သူတွေ ဖြစ်လာပါတယ်။ သူတို့ရဲ့သား Caesarion မွေးဖွားလာတဲ့အခါ Cleopatra မှာ ပိုကြီးတဲ့ရည်မှန်းချက် ရှိလာတယ်။ Caesar နဲ့အတူ ကမ္ဘာတစ်ခွင်ကို အုပ်စိုးပြီး အဲဒီအာဏာကို သားဖြစ်သူဆီ လွှဲပေးချင်တာပါ။ ဒါပေမယ့် ရောမမှာတော့ အာဏာရှင်အဖြစ် အုပ်ချုပ်လိုတဲ့ Caesar ကို လွှတ်တော်အဖွဲ့က မနှစ်မြို့တော့ဘဲ နိုင်ငံရေးအခြေအနေ တင်းမာနေပါတယ်။ Caesar လုပ်ကြံခံရတဲ့နောက် Cleopatra တို့သားအမိလည်း အီဂျစ်ကို ပြန်လာခဲ့ရတယ်။ Caesar မရှိတော့တဲ့ ရောမအင်ပါယာကို Mark Antony၊ Octavian နဲ့ Lepidus တို့ ခွဲဝေအုပ်ချုပ်လာကြပါတယ်။ ပြည်သူတွေရဲ့ ချစ်ခင်လေးစားမှုကို ခံရတဲ့ Mark Antony ဟာလည်း Cleopatra ကို ချစ်မိသွားတယ်။ Cleopatra ကတော့ Caesar နဲ့အတူ အကောင်အထည်မဖော်နိုင်ခဲ့တဲ့ အိပ်မက်ကို Mark Antony နဲ့ ပြန်ကြိုးစားချင်နေပါတယ်။ ဒီတစ်ကြိမ်မှာ သူ့ရည်မှန်းချက် ပြည့်လာနိုင်မလား။ ရိုက်ကူးရေးဘက်မှာလည်း ဒီဇာတ်ကားဟာ အပြောင်းအလဲတွေ၊ အခက်အခဲတွေနဲ့ ဖြတ်သန်းခဲ့ရပါတယ်။ မူလလျာထားငွေ ဒေါ်လာ ၂ သန်းကနေ ရိုက်ကူးပြီးချိန်မှာ ၄၄ သန်းလောက်အထိ ကုန်ကျခဲ့ပြီး 20th Century Fox ကို ဒေဝါလီခံရလုနီးပါး ဖြစ်စေခဲ့တယ်။ ဇာတ်ညွှန်းရေးဆရာတွေနဲ့ သရုပ်ဆောင်တွေ အကြိမ်ကြိမ်ပြောင်းခဲ့သလို ဒါရိုက်တာ Mamoulian ထွက်သွားတဲ့နောက် Joseph L. Mankiewicz ဝင်လာခဲ့ပါတယ်။ အဲဒီအချိန်မှာ လျာထားငွေထက် ဒေါ်လာ ၅ သန်းလောက် ပိုကုန်နေပြီဖြစ်ပေမယ့် အသုံးပြုနိုင်လောက်တဲ့ ရိုက်ချက်တွေ မရသေးဘူးလို့ မူရင်းမှာ ဖော်ပြထားပါတယ်။ Mankiewicz က ဇာတ်ညွှန်းကို အစအဆုံးပြန်ရေးပြီး ရိုက်ကူးခဲ့တယ်။ အစပိုင်းမှာ လန်ဒန်မှာ ဇာတ်ဝင်ခန်းအတွက် အဆောက်အအုံတွေ ဆောက်လုပ်ရိုက်ကူးခဲ့ပေမယ့် အေးလွန်းတဲ့ရာသီဥတုက ရိုက်ကူးရေးအဖွဲ့အတွက် အခက်အခဲဖြစ်နေခဲ့ပါတယ်။ Cleopatra အဖြစ် သရုပ်ဆောင်တဲ့ Elizabeth Taylor လည်း လည်ပြွန်ဖောက်ကုသရတဲ့အထိ နာမကျန်းဖြစ်ခဲ့တယ်။ သူ ဆေးရုံတက်နေချိန် ရိုက်ကူးရေးရပ်ထားရပြီး ဘဏ်အတိုးက တစ်နေ့ ဒေါ်လာ ၇,၅၀၀ တက်နေခဲ့ပါတယ်။ ဒေါ်လာ ၃ သန်းလောက် နစ်နာခဲ့တဲ့နောက် အီတလီနဲ့ အီဂျစ်မှာ ပြောင်းရိုက်ခဲ့ရတယ်။ တည်းဖြတ်ပြီးစမှာ ခြောက်နာရီကြာတဲ့ ဇာတ်ကားကို ထုတ်လုပ်သူတွေရဲ့ တောင်းဆိုချက်အရ လေးနာရီအထိ ပြန်လျှော့ခဲ့ရပြီး အရေးကြီးတဲ့ ဇာတ်ဝင်ခန်းတချို့ပါ ဖြုတ်ခဲ့ရပါတယ်။ ရိုက်ကူးနေစဉ် Elizabeth Taylor နဲ့ Mark Antony အဖြစ် သရုပ်ဆောင်တဲ့ Richard Burton တို့ ချစ်ကြိုက်ခဲ့တာကလည်း သတင်းကြီးခဲ့တယ်။ နှစ်ယောက်လုံးမှာ အိမ်ထောင်ကိုယ်စီရှိနေတဲ့အတွက် ဝေဖန်မှုတွေ ခံခဲ့ရပါတယ်။ ဒီကားအတွက် နှစ်ယောက်စလုံး သရုပ်ဆောင်ဆုမရခဲ့ပေမယ့် Taylor က ဝတ်စုံ ၆၅ ကြိမ်လဲလှယ်မှုနဲ့ ရုပ်ရှင်တစ်ကားအတွင်း ဝတ်စုံအများဆုံးလဲတဲ့ စံချိန်တင်ခဲ့တယ်။ အဲဒီစံချိန်ကို ၁၉၉၆ ခုနှစ်မှာ Madonna က Evita ဇာတ်ကားနဲ့ ၈၅ ကြိမ်အဖြစ် ကျော်ခဲ့ပါတယ်။ Taylor ရဲ့ သရုပ်ဆောင်ကြေးက ဒေါ်လာ ၁ သန်းဖြစ်လို့ မူလလျာထားငွေရဲ့ တစ်ဝက်ရှိခဲ့တယ်။ ဝေဖန်သူတွေကြားမှာ သဘောကျသူရော မကြိုက်သူပါ ရှိခဲ့ပါတယ်။ Cleopatra ရောမမြို့ထဲ ဝင်လာတဲ့အခန်း၊ သင်္ဘောကြီးနဲ့ Mark Antony ကို သွားတွေ့တဲ့အခန်းတွေအပြင် တိုက်ပွဲခန်းတွေနဲ့ နောက်ခံအဆင်အပြင်တွေကိုလည်း အကြီးအကျယ် ပြင်ဆင်ရိုက်ကူးထားပါတယ်။

ဒီနေ့တော့ ဂန္ထဝင် ရုပ်ရှင်ကားဟောင်းလေးတွေကို ခုံမင်တဲ့ ပရိသတ်ကြီးအတွက် ၁၉၅၄ ခုနှစ်က ထွက်ရှိခဲ့တဲ့ အင်္ဂလိပ်ဟာသဇာတ်ကားကောင်းလေး "The Million Pound Note" နဲ့ မိတ်ဆက်ပေးချင်ပါတယ်။ နာမည်ကျော် စာရေးဆရာကြီး Mark Twain ရဲ့ နာမည်ကြီး ဝတ္ထုတိုကို အသက်သွင်းထားတာဖြစ်ပြီး၊ ဟောလိဝုဒ်ရဲ့ ဂန္ထဝင်မင်းသားကြီး Gregory Peck က ခေါင်းဆောင် ပါဝင်ထားပါတယ်။ ဇာတ်လမ်းက ၁၉၀၃ ခုနှစ် လန်ဒန်မြို့ကို အခြေခံထားပါတယ်။ အမေရိကန်ကနေ အလုပ်လာရှာရင်း လန်ဒန်မှာ အသပြာတစ်ကျပ်မှမရှိဘဲ ဒုက္ခရောက်နေတဲ့ သင်္ဘောသား ဟင်နရီအဒမ် (Gregory Peck) ဟာ မထင်မှတ်ဘဲ သူဌေးညီအစ်ကို နှစ်ယောက်ရဲ့ အလောင်းအစားတစ်ခုကြားထဲ ရောက်သွားပါတော့တယ်။ ညီအစ်ကို နှစ်ယောက်က ဟင်နရီကို ပေါင်တစ်သန်းတန် ငွေစက္ကူကြီး တစ်ရွက်ပေးပြီး တစ်လတိတိ အသက်ရှင်ကြည့်ဖို့ စိန်ခေါ်လိုက်ပါတယ်။ ပြဿနာက အဲဒီခေတ်မှာ ပေါင်တစ်သန်းတန် ငွေစက္ကူဆိုတာ အင်မတန်ကြီးမားလွန်းလို့ ဘယ်ဆိုင်ကမှ အကြွေမအမ်းနိုင်ပါဘူး။ ဒါပေမယ့် စိတ်ဝင်စားစရာကောင်းတာက ဟင်နရီမှာ အဲဒီငွေစက္ကူကြီး ရှိနေတယ်ဆိုတာကို လူတွေသိသွားတဲ့အခါ သူ့ကို ဆက်ဆံတဲ့ပုံစံတွေ ချက်ချင်းပြောင်းသွားတာပါပဲ။ ပိုက်ဆံတစ်ပြားမှ တကယ်မသုံးလိုက်ရဘဲ အဆင့်မြင့် ဟိုတယ်တွေမှာ အခမဲ့တည်းခိုရ၊ အဝတ်အစားတွေ အလကားရ၊ အထက်တန်းလွှာတွေရဲ့ ပါတီပွဲတွေကို အထူးဧည့်သည်အနေနဲ့ ဖိတ်ကြားခံရနဲ့... လူတွေရဲ့ အပေါ်ယံရွှေမှုန်ကြဲ ငွေမျက်နှာတစ်ခုတည်းကိုပဲ ကြည့်တတ်တဲ့ သဘာဝကို ရယ်မောဖွယ်ရာ မြင်တွေ့ရမှာပါ။ ဒီဇာတ်ကားက သာမန် ရယ်စရာ ဟာသကားသက်သက် မဟုတ်ပါဘူး။ ငွေကြေးဆိုတာ လူတစ်ယောက်ရဲ့ တန်ဖိုးကို တကယ်ပဲ ဆုံးဖြတ်ပေးနိုင်သလား၊ ငွေရှိတယ်လို့ ထင်ရုံနဲ့တင် လူတွေရဲ့ လေးစားမှုကို ရနိုင်သလား ဆိုတဲ့ မေးခွန်းတွေကို သရော်စာဆန်ဆန်နဲ့ အနုပညာမြောက်စွာ မေးခွန်းထုတ်ထားတာပါ။ မင်းသားကြီး Gregory Peck ရဲ့ သရုပ်ဆောင်မှုကလည်း အလွန်ပီပြင်ပြီး၊ ဆင်းရဲသားဘဝကနေ ရုတ်တရက် အထက်တန်းလွှာအဖြစ် ဟန်ဆောင်နေထိုင်ရတဲ့ ဇာတ်ကောင်ရဲ့ အခက်အခဲတွေ၊ အချစ်ရေး ကမောက်ကမဖြစ်မှုတွေကို သဘာဝကျကျ အသက်သွင်းနိုင်ခဲ့ပါတယ်။ ငွေစက္ကူကြီး ပျောက်သွားတဲ့အခါ ဖြစ်လာတဲ့ ဗြောင်းဆန်မှုတွေကလည်း ဇာတ်လမ်းကို ပိုပြီး စိတ်လှုပ်ရှားစရာ ဖြစ်စေပါတယ်။ ခေတ်ဟောင်းအငွေ့အသက်တွေ၊ လန်ဒန်မြို့ရဲ့ အလှအပတွေနဲ့အတူ အနှစ်သာရရှိတဲ့ ဇာတ်လမ်းကောင်းတစ်ပုဒ်ကို အရသာခံ ကြည့်ရှုချင်တဲ့ ရုပ်ရှင်ချစ်သူတွေအတွက်တော့ "The Million Pound Note" ဟာ လုံးဝကို အချိန်ပေးကြည့်သင့်တဲ့ ဇာတ်ကားကောင်းလေးတစ်ကား ဖြစ်ကြောင်း ညွှန်းဆိုပေးလိုက်ပါတယ် File size…    2.4 GB GB / 1 GB Quality… Blu - Ray 1080p / 720p Format… mp4 Duration…. 1h 30m Genre ..... Comedy Subtitle…. Myanmar Subtitle (Hard Sub)