Andy Anderson ပါဝင်သော ဇာတ်ကားများ

ဒီဇာတ်ကားက စစ်ပွဲအတွင်းမှာ အင်အားကြီးတဲ့သူက အင်အားငယ်တဲ့သူတွေကို နိုင်ထက်စီးနင်းပြုလုပ်ပုံ စစ်ပွဲကြောင့်မိသားစုတွေ တကွဲတပြားဖြစ်ကြပုံနှင့် စစ်ပွဲရဲ့ ရိုက်ခတ်မှုဒဏ်တွေကို ခံကြရပုံတွေကို ဒါရိုက်တာ Ian Sharp က ရိုက်ကူးပုံဖော်ထားပြီး မင်းသားကြီး Ray Winstone က ဆေးစက်ကျရာအရုပ်ထင်အောင် ပါဝင်အားဖြည့်သရုပ်ဆောင် ထားပါတယ်. ဒီဇာတ်ကားဟာ rating 6.5/10အထိရရှိထားပြီး အင်အားကြီး လူမျိုးစုဖြစ်တဲ့ ဗြိတိသျှတွေက နိုင်ငံငယ်လေးတွေ အပေါ် နိုင်ထက်စီးနင်းပြုလုပ်ခဲ့ပုံတွေကို တွေ့မြင်ရမှာ ဖြစ်ပါတယ် ဒီဇာတ်ကားမှာ အဓိကဇာတ်ဆောင်တစ်ယောက်ဖြစ်တဲ့ တောင်အာဖရိက ဘိုရာလူမျိုးစုလေးက ဆင်းသက်လာတဲ့ မစ္စတာဗန်ဒီမန်က လူသတ်မှုနဲ့မတရားစွပ်စွဲခံထားတဲ့ မော်ဝီ လူမျိုးစစ်သားတစ်ယောက်ကို လိုက်ဖမ်းရင်း ကြုံတွေ့လာရပုံတွေကို ဇာတ်အိမ်တည်ရိုက်ကူးထား ပုံကိုတွေ့မြင်ရမှာဖြစ်ပါတယ် မစ္စတာဗန်ဒီမန်ဆိုတာ ဘိုရာစစ်ပွဲအတွင်းမှာ ပစ်ချင်ခတ်ချင်နေတဲ့ ဗြိတိသျှစစ်သားအရာရှိတွေရဲ့ လက်ချောင်းတွေကိုဖြတ်ပြီးမှ ရက်ရက်စက်စက် သတ်ခဲ့တဲ့သူအဖြစ်ကျော်ကြားသူဖြစ်ပါတယ် ဒါပေမဲ့ ဗြိတိသျှတွေကို တွန်းလှန်တိုက်ခိုက်နေတဲ့ မစ္စတာဗန်ဒီမန်က ဘိုရာစစ်ပွဲကပြန်လာပြီးတဲ့နောက်ပိုင်း သူ့ရဲ့သဘောထားက အံ့ဩဖွယ်ကောင်းလောက်အောင် တစ်ဆစ်ချိုး ပြောင်းလဲသွားပါ တော့တယ် အဲံဒီနောက် လူသတ်မှုနဲ့စွပ်စွဲခံထားရပြီး ထွက်ပြေး လွတ်မြောက်သွားတဲ့ ရာဇဝတ်သားတစ်ယောက်ကို အသက်ရှင်လျက် ဖမ်းဆီးလာခဲ့နိုင်ရင် ဆုငွေအဖြစ် ဗြိတိသျှရွှေဒင်္ဂါး၁၀၀ အသေဖမ်းမိရင် ရွှေဒင်္ဂါး၂၅ ပြားချီးမြှင့်မယ်လို့ ဗြိတိသျှတွေက ဆုငွေထုတ်ထားတဲ့ မော်ဝီလူမျိုးတစ်ယောက်ကို မစ္စတာဗန်ဒီမန်တစ်ယောက် လိုက်လံ ဖမ်းဆီးရင်း ဘာတွေဆက်ဖြစ်လာမလဲ ဗြိတိသျှတွေကကော မိမိအရာရှိတွေကို သတ်ထားတဲ့ မစ္စတာဗန်ဒီမန်ကို သိရက်သားနဲ့ ဘာလို့အရေးမယူတာလဲ မစ္စတာဗန်ဒီမန်ကကော သူ့ရဲ့သဘောထားက စစ်ပွဲကပြန်လာပြီးတဲ့နောက်ပိုင်း ဘာလို့ပြောင်းလဲသွားခဲ့တာလဲ တောင်အာဖရိကကနေ နယူးဇီးလန်အထိလာရတဲ့ တကယ့်အကြောင်း အရင်းကကော ဘာဖြစ်မလဲ လူသတ်မှုနဲ့စွပ်စွဲခံထားရတဲ့ မော်ဝီလူမျိုးစုက စစ်သားလေးကရော တကယ်ပဲပြစ်မှု ကျူးလွန်ခဲ့တာလား မတရားစွပ်စွဲ ခံရတာလား သူကကော လိုက်ဖမ်းနေတဲ့သူတွေလက်ကနေ ထွက်ပြေး လွတ်မြောက်သွားနိုင်ပါ့မလား ဆိုတာကို ဒီဇာတ်ကားလေးထဲမှာပဲ ကြည့်ရှုသူပရိတ်သတ်ကြီးကိုယ်တိုင်ပဲ လိုက်ပါခံစားစီးမျောကြည့်ရှုရမှာ ဖြစ်ပါတယ်.. ဒီဇာတ်ကားမှာ ၁၈၉၉ အောက်တိုဘာလ ၁၁ကနေ ၁၉၀၂ မေလ ၃၁ နေ့ အထိကြာမြင့်ခဲ့တဲ့ ဘိုရာစစ်ပွဲအတွင်းမှာ ဗြိတိသျှတွေရဲ့နိုင်ထက်စီးနင်း ပြုကျင့်မှုတွေကို ဘိုရာလူမျိုးစုတွေ မော်ဝီလူမျိုးစုတွေ ဘယ်လိုမျိုး တွေ့ကြုံခံစားခဲ့ရလည်းဆိုတာတွေ  ဒီဇာတ်ကားဟာ Action, Adventure, Drama &Western အမျိုးအစားဖြစ်ပြီး ကြည့်ရှုသူ ပရိတ်သတ်ကြီးကို ထိုင်ရာကနေ ထမသွားနိုင်အောင် စွဲဆောင်ထားနိုင်တဲ့ ဇာတ်ကားကောင်းတစ်ကားဖြစ်ပါတယ်.. ကျွန်တော်ပြောတာဟုတ်မဟုတ် ပရိတ်သတ်ကြီးကိုယ်တိုင်ပဲ ကြည့်ရှုအကဲဖြတ်လိုက်ပါဦး... File size…2.30 GB / 1.24GB Quality…WEB-Rip 1080p 5.1CH / 720p Format…mp4 Duration….1h 42m Genre ….. Action , Drama , Adventure Subtitle….Myanmar Subtitle (Hard Sub) Encoder….Min Wai Translated by Eh Phaw

House of Wax (2005) ~ 1080p UPDATED ~ မိန်းကလေးတစ်ယောက်ရဲ့ နုနယ်လှပမှုကျက်သရေကို ကျွန်တော်တို့ တင်စားပြောကြရာမှာ "ကြွေရုပ်လေးလိုလှတာ၊ ဖယောင်းရုပ်လေးလိုလှတာ" အစရှိသဖြင့် သုံးနှုန်းတတ်ကြပါတယ်။ လူကြီးမင်းတို့ကို ဖယောင်းရုပ်လေးလိုလှလိုက်တာဟု ချီးကျူးလာရင်ဖြင့် သဘောကျတတ်ကြလိမ့်မယ်ထင်ပါတယ်လေ။ ကျွန်တော့်ကို ဖယောင်းရုပ်လေးနဲ့တူတယ် (ဘယ်သူမှလည်း ပြောကြမှာမဟုတ်ပါဘူးလေ) လို့ပြောလာရင်ဖြင့် ကြက်သီးမွေးညင်းထပြီး အရိုးထဲကစိမ့်ပြီး ကြောက်ရမှာတော့ အမှန်ပါပဲ။ လူကြီးမင်းရဲ့ အလှတရားကို ချီးကျူးရာရောက်သလို တဖက်မှာလည်း လူကြီးမင်းဟာ လူ့လောကမှာ မရှိတော့ဘူးလို့ ပြောလိုက်တာနဲ့တူပါတယ်။ ဟောဒီဇာတ်ကားထဲမှာပေါ့။ အနုပညာသမားတစ်ယောက်ဟာ နူးညံ့သိမ်မွေ့စွာနဲ့ အလှတရားကို ဖော်ထုတ်တတ်သူပါ။ အနုပညာသမားလေးဗင်းဆင့် ကတော့ အလှတရားကို ညွှန်းပြဖော်ကျူးတတ်ပေမဲ့ နူးညံ့သိမ်မွေ့သူတော့ မဟုတ်ခဲ့ပါဘူးလေ။ လူသားတွေဟာ သူ့အတွက်တော့ သူ့အခန်းထဲက သစ်သားတုံးတွေလိုပါပဲ။ ဆူးတွေ ဆောက်တွေနဲ့ ခုတ်ထစ် လှီးဖြတ်ပြီး ပုံသွင်းယူရမယ့် အသားတွေလိုမျိုးပေါ့။ ဆရာဝန်ကြီးနဲ့ ဖယောင်းရုပ်တုပညာရှင် လင်မယားနှစ်ယောက်ရဲ့ သားနှစ်ယောက်မှာ တစ်ယောက်က ဆိုးသွမ်းလွန်းပါသတဲ့။ ထမင်းကျွေးရင်တောင် ထိုင်ခုံတစ်လုံးမှာ ခြေလက်တွေ ကြိုးနဲ့အသေတုပ်ထားရတဲ့အထိပေါ့။ ဒီလိုနဲ့ ဖယောင်းပညာရှင် ဇနီးသည်ဟာ ရူးသွပ်ပြီး ကွယ်လွန်သွားပါတယ်။ ဖခင်ကလည်း စိတ်ကျရောဂါနဲ့ ကိုယ့်ခေါင်းကို သေနတ်နဲ့ ပစ်ဖောက်လိုက်ပါသတဲ့။ သားတွေ ဘယ်လိုဖြစ်ကျန်ခဲ့တယ်ဆိုတာ‌တော့ ဘယ်သူမှ မသိနိုင်တော့ဘူးပေါ့လေ။ ဒီဘက်ခေတ်ကို ရောက်လာတော့ လူငယ်လေးတစ်စုက ဘောလုံးပွဲကြည့်ချင်လို့ ပြည်နယ်ခြားကို ခရီးထွက်လာခဲ့ပါတယ်။ ခရီးဝေးလွန်းတဲ့အတွက် လမ်းမှာ စခန်းချပြီး တစ်ညနားနေကြတာပေါ့။ နောက်တနေ့ မိုးလင်းတဲ့အခါ ကားနှစ်စင်းထဲက တစ်ကားက ပန်ကာကြိုးပြတ်နေလို့ စုံတွဲနှစ်ယောက် ကျန်နေရစ်ခဲ့ပါတယ်။ သူတို့က ပန်ကာကြိုး ရနိုင်မယ့်နေရာ မေးမြန်းစုံစမ်းရင်း ဖယောင်းရုပ်တုပညာရှင်မိသားစုရဲ့ မြို့လေးကိုရောက်လာတဲ့အခါမှာ House of Wax ဖြစ်လာခဲ့ပါတော့တယ်။ ဘောလုံးပွဲကြည့်ဖို့ ဆက်ခရီးထွက်သွားတဲ့ လူငယ်များဟာလည်း ကားပိတ်နေလို့ မကြည့်လိုက်ရဘဲ နောက်ပြန်လှည့်လာရပါတယ်။ သူတို့တွေဟာ ကျန်ရစ်ခဲ့တဲ့စုံတွဲကို သွားကြိုရင်း မြို့လေးထဲကို ဝင်ရောက်မိချိန်မှာတော့ ...။ အနုပညာသမားလေး ဗင်းဆင့် ကတော့ သူတို့ကို အရှင်လတ်လတ် ‌ဖယောင်းရည်လောင်းပြီး ဖယောင်းရုပ်တု လုပ်ပေးမလို့ အဆင်သင့်ပြင်နေလေရဲ့။ ၂၀၀၅ ခုနှစ်က ဇာတ်ကားဟောင်းလေးဖြစ်ပြီး Horror ရုပ်ရှင်အနေနဲ့တော့ အထိုက်အလျောက် အောင်မြင်ခဲ့တယ် ပြောရမှာပေါ့။ အမြတ်ငွေလည်း အသင့်အတင့် ရခဲ့ပါတယ်။ ကျွန်တော့်ရဲ့ ညီလေး ဆမ် ဝင်ချက်စတာ (Jared Padalecki) အရံသရုပ်ဆောင်အဖြစ် ပါဝင်ထားပါတယ်နော်။ သူဌေးမလေး Paris Hilton လည်း ပါဝင်ပါတယ်။ Cast တွေ ကောင်းပေမယ့် ဝေဖန်ရေးဆရာတွေ မကြိုက်တဲ့ကားပေါ့။ ဒါပေမဲ့ ရိုက်ကွင်းအဆင်အပြင်ကိုတော့ ချီးကျူးခံရပါတယ်။ ပီပြင်ပြီးတော့ ငွေကုန်ကြေးကျခံပြီး စိတ်ရှည်လက်ရှည် တည်ဆောက်ထားတာပါ။ သွေးသံရဲရဲ သတ်ဖြတ်တဲ့အခန်းတွေ ပီပြင်တဲ့အတွက် မကြည့်ချင်သူများ ရှောင်ရှားနိုင်ဖို့ပါ။ ကားဟောင်းလေးကို ပြန်ခံစားကြရအောင်လားဗျာ။ (ဇာတ်ကားနဲ့အညွှန်းကို Arr Khun Winchester မှ ပြန်ဆိုရေးသားထားပါတယ်) Size - 2.31GB, 1.04GB Quality - 1080p, 720p IMDb Rating - 5.4/10 Format - mp4 Duration - 1H 53Min Genre - Horror, Thriller Subtitle - Myanmar Subtitle (Hardsub) Translated by Arr Khun Winchester Encoded by Y

Anacondas:The hunt for the Blood Orchid(2004) ဒီကားလေးကတော့ (၂၀၀၄) ခုနှစ်ကထွက်ခဲ့တဲ့ Anacondaမြွေကြီးတွေအကြောင်း ရိုက်ကူးထားတဲ့ကားလေးပဲဖြစ်ပါတယ် ဇာတ်လမ်းအစမှာ ဒေါက်တာဂျွန်ဘိုက်ရွန် ဂေါ်ဒွန်မစ်ချယ် ဆမ်ရော်ဂျာ ဂေးစထရင်း ကိုးလ်ဘားရစ်တို့နဲ့အတူ ဒေါက်တာဘန်ဒေါက်ဂလပ်စ်တို့ဟာ နယူးယောက်ခ်မြို့ရဲ့ ဆေးဝါးကုမ္ပဏီတစ်ခုဖြစ်တဲ့ ဝက်ဆဲဟော ရဲ့ရန်ပုံငွေနဲ့ အင်ဒိုနီးယားနိုင်ငံ ဘော်နီယိုမှာရှိတဲ့ တောထဲကို ပန်းရှာဖို့ထွက်လာခဲ့ပါတယ် ဒီပန်းဟာလည်း တစ်ခြားတော့မဟုတ်ပါဘူး လူ့သက်တမ်းတွေကိုဆွဲဆန့်ထားနိုင်တဲ့အစွမ်းရှိတဲ့ တစ်နည်း အသက်ရှည်နုပျိုနေနိုင်တဲ့ အနီရောင်သစ်ခွပန်းပဲဖြစ်ပါတယ် ဒီပန်းထဲမှာပါဝင်တဲ့ ဓာတုပစ္စည်းတွေဟာ လူ့သက်တမ်းကိုရှည်ပြီး ငယ်ရွယ်နုပျိုနေစေနိုင်တဲ့ အစွမ်းရှိတဲ့ဆေး ဖော်စပ်ရာမှာ အသုံးပြုရမှာပဲဖြစ်ပါတယ် သူတို့ဟာပန်းရှိရာတောနက်ထဲကိုရေကြောင်းလမ်းကနေသွားဖို့လှေငှားရင်းနဲ့ပဲ ကပ္ပတိန် ဘေလ်ဂျွန်ဆင်နဲ့သူ့ရဲ့ လုပ်ဖော်ကိုင်ဖက် ထရန်ဝူတို့နဲ့ဆုံခဲ့ပါတယ် ကပ္ပတိန်ဘေဟာသူတို့ကိုအန္တရာယ်ကင်းကင်းခေါ်ဖို့ကြိုးစားရာကနေ မတော်တဆရေတံခွန်အောက် ပြုတ်ကျရာမှစပြီး တစ်ဖွဲ့လုံးငါးပါးမှောက်ကာ မြွေကြီးနဲ့တိုးတဲ့အထိဖြစ်လာခဲ့ပါတော့တယ် ကပ္ပတိန်ဘေလ်ဂျွန်ဆက်နဲ့အဖွဲ့ဟာ မြွေကြီးတွေရန်ကနေပဲ လွတ်မလား သစ်ခွပန်းအနီတွေကိုပဲပိုက်ပြီးပြန်ရမလား ဘယ်သူတွေကအသက်ရှင်နိုင်ကြမလဲ ဘယ်သူတွေ‌ရှောဘရားသားဘောကားမလဲဆိုတာကတော့ ဆက်လက်ပြီးရင်ခုန်စိတ်လှုပ်ရှားပေးပါဦးဗျာ့ ( ဘာသာပြန်ပြီး အညွှန်းရေးသားထားသူကတော့ T Lone ပါ ) Quality__HEVC 1080p ,720p IMDb Rating__5.7/10 Format__mp4 Duration__01:40:00 Type__Action , Adventure , Horror Subtitle__Myanmar Subtitle (Hardsub) Translated by T Lone Encoded by Naing Aung Latt