Apollo Abraham ပါဝင်သော ဇာတ်ကားများ

A Werewolf Boy (2026) IMDb Rating (8.2) ကိုရီးယားမှာ Song Joong-ki နဲ့ Park Bo-young တို့ သရုပ်ဆောင်ခဲ့လို့ အရမ်းပေါက်ခဲ့တဲ့ ဂန္ထဝင်ဇာတ်ကား "A Werewolf Boy (2012)" ကို ဖိလစ်ပိုင်ကနေ ပြန်လည်ရိုက်ကူးထားတဲ့ ၂၀၂၆ ထွက် Tagalog Remake ဇာတ်ကားလေး တင်ပေးထားပါတယ်။ မူရင်းကားက အရမ်းကောင်းခဲ့တော့ ဒီ ဖိလစ်ပိုင်ဗားရှင်းကရော ဘယ်လောက်ထိ လုပ်ပြနိုင်မလဲဆိုတာ တော်တော်လေး စိတ်ဝင်စားစရာပါပဲ။ ဇာတ်လမ်းအကျဉ်း ဇာတ်လမ်းလေးက ဆာရာ (Sara) ဆိုတဲ့ ကောင်မလေးက သူမရဲ့ ကျန်းမာရေးအခြေအနေကြောင့် မနီလာမြို့ကြီးကနေ နယ်မြို့လေးကို ပြောင်းလာရာကနေ စတာပါ။ အဲဒီနယ်မြို့လေးက အိမ်အသစ်မှာ ထူးဆန်းတဲ့ အပြုအမူတွေနဲ့ လူရိုင်းလိုဖြစ်နေတဲ့ ကောင်လေးတစ်ယောက်ကို သွားတွေ့မိပါလေရော။ ဆာရာက အဲဒီကောင်လေးကို လူတွေလို သွားတတ်၊ စားတတ်၊ နေတတ်အောင် သင်ပေးရင်းကနေ သူတို့နှစ်ယောက်ကြားမှာ သံယောဇဉ်တွေ တဖြည်းဖြည်း တွယ်လာခဲ့တယ်။ ဒါပေမဲ့ ကောင်လေးရဲ့ သွေးထဲမှာ ကိန်းအောင်းနေတဲ့ ဝံပုလွေဗီဇတွေက တစ်နေ့မှာ နိုးထလာတဲ့အခါ... ပတ်ဝန်းကျင်က လက်ခံနိုင်ပါ့မလား၊ သူတို့နှစ်ယောက်ရဲ့ သံယောဇဉ်ကြိုးလေးရော ဘယ်လိုဆက်ဖြစ်မလဲ ဆိုတာကို ရင်ခုန်စိတ်လှုပ်ရှားစွာနဲ့ ဆက်ကြည့်ရမယ့် ဇာတ်ကားလေးပါ။ ဒီကားမှာ အဓိကချီးကျူးရမှာက ဝံပုလွေကောင်လေးနေရာက သရုပ်ဆောင်ထားတဲ့ Rabin Angeles ပါပဲ။ စကားသိပ်မပြောရဘဲ မျက်နှာအမူအရာ၊ အကြည့်တွေနဲ့ ခန္ဓာကိုယ်လှုပ်ရှားမှုတွေကို သုံးပြီး သရုပ်ဆောင်သွားတာ တော်တော်လေးကို ပီပြင်တယ်။ ဆာရာနေရာက သရုပ်ဆောင်တဲ့ Angela Muji ကလည်း သဘာဝကျကျနဲ့ ချစ်စရာကောင်းအောင် သရုပ်ဆောင်နိုင်တာကို တွေ့ရတယ်။ ကိုရီးယား ဇာတ်လမ်းကို ဖိလစ်ပိုင်ယဉ်ကျေးမှု၊ ကျေးလက်ဒေသ အငွေ့အသက်တွေနဲ့ လိုက်ဖက်အောင် သေသေချာချာ ပြင်ဆင်ပြီး ရိုက်ကူးထားလို့ အိုဗာဖြစ်မနေဘဲ ကြည့်ရတာ အဆင်ပြေတယ်။ ဒိုင်ယာလော့ခ်တွေကလည်း ဖိလစ်ပိုင် အပြောစကားလေးတွေအတိုင်း သဘာဝကျကျ ထည့်ထားလို့ ပိုပြီး ခံစားရလွယ်တယ်။ မူရင်းကားတုန်းကလောက် မျက်ရည်မလည်ရရင်တောင်မှ ဒီကားလေးကလည်း သူ့ဟာနဲ့သူ ကြည့်ရှုသူကို နွေးထွေးတဲ့ ခံစားချက်လေးတစ်ခု ပေးစွမ်းနိုင်ပါတယ်။ အချစ်ဆိုတာ ပိုင်ဆိုင်ခြင်းထက် စောင့်စားခြင်း၊ အနစ်နာခံခြင်း ဆိုတဲ့ သဘောတရားလေးကို သေချာလေး ပုံဖော်ထားတယ်။ မူရင်းကားကို ကြိုက်ခဲ့တဲ့သူတွေရော၊ အချစ်နဲ့ ဖန်တစီ ရသလေးကို အေးအေးဆေးဆေး ခံစားချင်တဲ့သူတွေအတွက်ပါ အချိန်ပေးပြီး ကြည့်သင့်တဲ့ ဇာတ်ကားကောင်းလေးတစ်ကား ဖြစ်ပါတယ်။ File size… (5.7 GB) / (1.5 GB) / (0.98 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Drama,Fantasy,Romance Duration…. 02:06:44 Subtitle…. Myanmar Subtitle (Hardsub)

IMDb Rating - 6.4/10 ဒီဇာတ်လမ်းလေးကတော့ ဖိလစ်ပိုင်မိသားစုဇာတ်လမ်းလေးပါ။ တစ်ယောက်တည်းနေရတဲ့ လက်ဝှေ့ထိုးသမားဂျိုမာက အားက စားရုံမှာ အလုပ်လုပ်ရင်း ပြဿနာတက်ပြီး အလုပ်အထုတ်ခံလိုက် ရတယ်။ အလုပ်ထုတ်ခံရလို့ မူး​အောင်သောက်တဲ့ညမှာပဲ ကားပါ အတိုက်ခံလိုက်ရလို့ ဆေးရုံရောက်သွားပါတယ်။ သူနဲ့ကွဲနေတာကြာပြီဖြစ်တဲ့ အမေမှာလည်း နောက်အိမ်ထောင်နဲ့ ရထားတဲ့ အော်တစ်ဆန်(autism)ရောဂါရနေတဲ့ သားတစ်ယောက် ရှိပါတယ်။ ဂျိုမာရဲ့ အမေတူ အဖေကွဲညီလေးပေါ့။ ပိုက်ဆံအခက် အခဲလည်းရှိတာကြောင့် သွားစရာနေရာမရှိတဲ့အဆုံး ဂျိုမာဟာ သူ မမြင်ချင်တဲ့ သူ့အမေအိမ်မှာ နောက်အလုပ်မရမချင်း လိုက်နေရပါ တော့တယ်။ ဂျိုမာ သူ့အမေကို အဆက်အသွယ်မလုပ်ဘဲ မုန်းနေတဲ့ အချက်ကတော့ သူငယ်ငယ်က သူ့အမေသူ့ကို အရက်သမားလူရမ်း ကားဖြစ်တဲ့အဖေနဲ့ စွန့်ပစ်ခဲ့ပြီး နောက်အိမ်ထောင်ပြုခဲ့လို့ပါ။ ဒါပေမဲ့ နောက်ပိုင်းမှာ အနေ​ဝေးခဲ့တဲ့ မိသားစုဝင်တွေ ပြန်လည်ဆုံဆည်းပြီး ဘယ်လိုမေတ္တာတရားတွေ ပေါက်ဖွားလာမလဲဆိုတာကို နွေးထွေးဖွယ် ကြည့်ရှုရမယ့် Drama ဇာတ်ကားကောင်းတစ်ပုဒ်ဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thwal Htoo Zin ဖြစ်ပါတယ်) File Size..........(1.5 GB) / (589 MB) Quality............WEB-RIP 1080p / 720p Duration.........1Hr 42Min Subtitle...........Myanmar Hardsub Format............MP4 Genre..............Comedy, Drama, Music Translator.......Thwal Htoo Zin Encoder..........SWM

ဖိလစ်ပိုင်လူမျိုးတွေရဲ့ အစ လို့လည်း ငြင်းခုန်ရတဲ့၊ အခုထက်ထိ ပြဿနာတွေ တစ်ထွေးကြီး တက်နေသေးတဲ့ လူမျိုးရေး ပဋိပက္ခဆန်ဆန် အဖြစ်အပျက်တစ်ခုကြီး ရှိပါတယ်။ သူတို့တွေကို အိုင်းတာ (Aeta) လူမျိုးတွေလို့ခေါ်ပါတယ်။ ကြေးနီးရောင် အသားအရေနဲ့ ဆံပင်အကြေကောက်နဲ့ လေလိုလွတ်လပ်ပြီး ရေလိုသိမ်မွေ့ကြသူတွေပါ။ သူတို့က ဓားမဦးချ ရေကြည်ရာမြက်နုရာ စိုက်ပျိုးလုပ်ကိုင်စားသောက်တတ်တဲ့ လောဘနည်း လိုအင်မဲ့ ဘုရားသခင်နဲ့ နီးစပ်သူတွေပေါ့။ လေးမြှားတစ်စင်းနဲ့ တောလည်လို့၊ မြေဆီကောင်းတဲ့နေရာလေး အိမ်တစ်လုံးဆောက်လို့၊ လျှပ်စစ်မဲ့၊ အင်တာနက်မဲ့၊ ဖုန်းမဲ့၊ တီဗွီမဲ့ကြပေမယ်လို့ အကြင်နာ မမဲ့ကြသူတွေ။ သူတို့ရဲ့ခေတ်မမီခြင်းက လူတွေအတွက် အနှောင့်အယှက်ဖြစ်စေသလား။ ဖိလစ်ပိုင် မြို့ကြီးသားများကတော့ သူတို့ကို တိရိစ္ဆာန်တွေလို၊ အရိုင်းအစိုင်းတွေလို မြို့ပြနဲ့အဝေး နှင်ထုတ်ထားကြပါတယ်။ ယှဉ်ပြိုင်စရာ တရားရုံတော်မှာလည်း လူခံမရှိ၊ ကိုယ့်လူမျိုးထဲကမှာ ရာထူးရာခံကြီးသူလည်းမရှိတဲ့ သူတို့လေးတွေက တောနက်တွေထဲမှာပဲမွေးလို့ တောရဲ့ရင်ခွင်မှာပဲ ခေါင်းချကြပါတယ်။ Death March လို့ခေါ်တဲ့ စစ်သုံ့ပန်းတွေကို ဖမ်းဆီးခေါ်ဆောင်တဲ့ ကီလိုတစ်ရာကျော် ခရီးတစ်ခုလည်း ဖိလစ်ပိုင်မှာ ရုပ်ဆိုးအကျည်းတန်စွာဖြစ်ခဲ့ဖူးပါတယ်။ မြန်မာနိုင်ငံမှာ သံဖြူဇရပ်လို့ဆိုလိုက်ရင် နူဝဲစွဲ အရိုးပေါ်အရေတင်ပြီး ဝမ်းရောဂါဖြစ်နေကြတဲ့ ချွေးတပ်သားတွေကို မြင်ယောင်မိလာသလိုမျိုးပေါ့။ ဂျပန်စစ်သုံ့ပန်းဘဝမှာ စားစရာမရှိ၊ ရေနတ္ထိကြားက အနှိပ်စက်ခံလို့ ချီတက်ခဲ့ရတဲ့ ဖိလစ်ပိုင်စစ်သားတွေရဲ့အဖြစ်ကလည်း စစ်ကို မချစ်နိုင်တဲ့ အကြောင်းအရာတွေထဲက တစ်ခုပေါ့လေ။ လမ်းတလျှောက် တဗုန်းဗုန်းလဲသေကျကြရပြီး သေမှဝဋ်ကျွတ်တာပါပဲလို့ သေခြင်းတရားကို အနမ်းပေးသွားသူတွေလည်း တစ်ပုံတစ်ခေါင်းပါ။ ထွက်ပြေးပုန်းအောင်းရင်းမှ တစ်စုတစ်ဝေးတည်း ပြန်မိသွားလို့ အစုလိုက်အပြုံလိုက် အသတ်ခံခဲ့ရတဲ့ အရိုးပုံကြီးကလည်း သမိုင်းစာမျက်နှာမှာ သွေးစက်ခင်းပြီး ပါခဲ့ရတာပေါ့။ အခုတင်ဆက်ပေးမယ့် ဇာတ်ကားကတော့ သိပ်ပြောစရာမလိုတဲ့ ဖိလစ်ပိုင်ကားလေးပါပဲ။ ဒါပေမယ့် သူ့ရဲ့ ကျောရိုးလေးက အပေါ်ကပြောခဲ့တဲ့ ဇာတ်ကြောင်းကို မှီတွယ်တာမို့ အကျဉ်းချုပ် မိတ်ဆက်ပေးလိုက်တာပါ။ စိတ်ဝင်စားရင်ဖြင့် အကျယ်တဝင့် ရှာဖွေဖတ်ရှုနိုင်ပါတယ်။ ဇာတ်လမ်းကတော့ မူးယစ်ဆေးဝါးခေါင်းဆောင်များကို ဖော်ကောင်လုပ်မယ့် ဒု-မြို့တော်ဝန်ကို လုပ်ကြံတာက စပါတယ်။ အဲဒီမှာ အစောင့်အဖြစ်ပါသွားတဲ့ ရဲတပ်ကြပ်လေး "ခင်ဝင့်ဝါ" ဟုတ်ပါတယ်ဗျာ "ခင်ဝင့်ဝါ" ပါ။ ဖိလစ်ပိုင် "ခင်ဝင့်ဝါ"ပေါ့။ နည်းနည်းဆင်တာပါ။ ဟဲဟဲ။ သူမက မသေဘဲလွတ်မြောက်သွားပြီး တောနက်ထဲဝင်ပြေး။ နောက်ကပုဂ္ဂိုလ်များက လိုက်သတ်။ ဒဏ်ရာများနဲ့သူမ အိုင်းတာ လူမျိုးများရဲ့ ကယ်တင်မှုကြောင့် အသက်ရှင်ခဲ့ပြီး နောက်ကလိုက်လာသူများကို ဘယ်လိုပြန်သမ မလဲဆိုတဲ့ ဇာတ်လမ်းလေးပါ။ ဖိလစ်ပိုင်ကားဖြစ်လို့ ဖိလစ်ပိုင်ကားလောက် ကောင်းတယ်လို့ ညွှန်းပါရစေ။ သတ်ဖြတ်ခန်း ကျည်ဆံထိမှန်ခန်းတွေကလည်း တော်တော်လေး ပီပြင်သပ်ရပ်တယ်လို့ ခံစားရပါတယ်။ ခံစားကြည့်ပါခင်ဗျား။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှ တင်ဆက်ထားတာပါ။) File size…(1.3 GB)/(550 MB) Quality….WEB-DL 1080p / 720p Format…mp4 Duration….01:35:00 Subtitle….Myanmar Subtitle (Hardsub) Encoder….Ka Naung Translated by Arr Khun Winchester