Archie Madekwe ပါဝင်သော ဇာတ်ကားများ

Steal (2026) Season 01 (စ/ဆုံး) ဒီဇာတ်လမ်းတွဲက British Crime Thriller အမျိုးအစားဖြစ်ပြီး Game of Thrones မင်းသမီး Sophie Turner ခေါင်းဆောင်ပါဝင်ထားပါတယ်။ ဇာတ်လမ်းအကျဉ်း ဇာတ်လမ်းက Lochmill Capital ဆိုတဲ့ ရင်းနှီးမြှုပ်နှံမှု ကုမ္ပဏီတစ်ခုမှာ အလုပ်လုပ်နေတဲ့ သာမန်ရုံးဝန်ထမ်းမလေး Zara (Sophie Turner) အကြောင်းပါ။ သာမန်ရုံးဖွင့်ရက်တစ်ရက်မှာပဲ ရုံးကို လက်နက်ကိုင် ဓားပြအဖွဲ့တစ်ဖွဲ့ ဝင်စီးပြီး Zara နဲ့ သူ့ရဲ့အချစ်ဆုံးသူငယ်ချင်း Luke တို့ကို ဓားစာခံလုပ်၊ ခြိမ်းခြောက်ပြီး သူတို့ခိုင်းတာတွေကို လုပ်ခိုင်းပါတော့တယ်။ သာမန် ရုံးဝန်ထမ်းမလေးတစ်ယောက် "Heist of the Century" လို့ တင်စားရလောက်တဲ့ ရာစုနှစ်ရဲ့ အကြီးကျယ်ဆုံး ခိုးမှုကြီးထဲမှာ မမျှော်လင့်ဘဲ ဘယ်လိုပတ်သက်မိသွားမလဲ၊ အဲဒီအန္တရာယ်ကြားကနေ လွတ်မြောက်အောင် ဘယ်လိုကြိုးစားမလဲဆိုတာကို ရင်တမမနဲ့ ကြည့်ရမယ့် ဇာတ်လမ်းမျိုးပါ။ သည်းထိပ်ရင်ဖို မှုခင်းကားကိုမှ လှည့်ကွက်လေးတွေနဲ့ ကြိုက်ရင် ကြည့်ကိုကြည့်လိုက်ပါ။ File size… (2.5 GB) / (800 MB) / (350 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Crime, Thriller Duration…. 45min Subtitle…. Myanmar Subtitle (Hardsub)

Lurker (2025) IMDb Rating (7.1) / Rotten Tomatoes (95%) ဒီဇာတ်ကားလေးကတော့ နာမည်ရစပြုလာတဲ့ ပေါ့ပ်အဆိုတော် အိုလီဗာ နဲ့ သူ့ဘဝထဲကို ဝင်ရောက်ဖို့ကြိုးစားတဲ့ ဆိုင်ဝန်ထမ်းလေး မက်သရူး တို့ရဲ့အကြောင်းကို ရိုက်ကူးထားတဲ့ crime drama thriller ဇာတ်လမ်းအမျိုးအစားလေးဖြစ်ပါတယ်။ Théodore Pellerin နဲ့ Archie Madekwe တို့ အဓိကပါဝင်သရုပ်ဆောင်ထားပြီး ဒါရိုက်တာကတော့ Alex Russel ဖြစ်ပါတယ်။ ဒါရိုက်တာ Alex Russel ရဲ့ပွဲဦးထွက်ရုပ်ရှင်ဖြစ်ပြီး IMDb rating 7.1 ထိရရှိထားပါတယ်။ ဆိုင်ဝန်ထမ်းလေး မက်သရူးဟာ အဆိုတော် ပေါက်စလေး အိုလီဗာ ကိုစွဲလမ်းနေသူဖြစ်ပြီးတော့ သူ့ဆိုင်ကို အိုလီဗာ ရောက်လာတဲ့အခါ အိုလီဗာရဲ့အကြိုက်ဆုံးသီချင်းကို ဖွင့်ပြပြီး သူ့ရဲ့ စိတ်ဝင်စားမှုကို ရယူခဲ့ပါတယ်။ အိုလီဗာကလည်း မက်သရူးကို သဘောကျပြီး သူ့ရဲ့ နောက်ကွယ်က အဖွဲ့ထဲကို ဝင်ခွင့်ပေးလိုက်ပါတယ်။အစပိုင်းမှာတော့ မက်သရူးဟာ အိုလီဗာ့ရဲ့လူတွေဆီကနေ သံသယဝင်တာတွေ ခံခဲ့ရပေမဲ့ ဗီဒီယိုရိုက်နဲ့အလုပ်တွေနဲ့ သူ့ကိုယ်သူအသုံးဝင်ကြောင်း ပြသရင်း အိုလီဗာရဲ့ အနီးကပ်လူဖြစ်လာပါတော့တယ်။ မက်သရူးရဲ့စွဲလမ်းမှုဟာ သာမန်ခင်မင်မှုအဆင့်ကနေ အသက်အန္တရာယ်တွေပါ ရှိလာတဲ့အခြေအနေတွေကို ရောက်လာတဲ့အခါ ၊ အိုလီဗာရဲ့ လျှို့ဝှက်ချက်တွေကိုပါ မှတ်တမ်းတင်ပြီး အသုံးချဖို့ကြိုးစားလာတဲ့အခါ သူတို့နှစ်ယောက်ကြားက ဆက်ဆံရေးဟာရှုပ်ထွေးလာခဲ့ပါတော့တယ်။ File size… (2 GB) / (1 GB) Quality…. WEB-DL 1080p HEVC / 720p Format…. mkv/mp4 Genre…. Drama,Thriller Duration…. 01:41:12 Subtitle…. Myanmar Subtitle (Hardsub)

Saltburn (2023) ~ IMDb - 7.5/10, RT - 72%, Meta - 60% ~ ပွဲဦးထွက်အနေနဲ့ Promising Young Woman (2020) ကို ဇာတ်ညွှန်းရေး ဒါရိုက်တာလုပ်ရိုက်ပြီး ပွဲဦးထွက်ကားနဲ့တင် Academy Award for Best Original Screenplay ဆုရသွားတဲ့ Emerald Fennell ထပ်ရိုက်လိုက်တဲ့ ရုပ်ရှင်ပေါ့။ ပွဲဦးထွက်ကားမှာလည်း ဇာတ်ညွှန်းရေးပြီး အော်စကာရထားသလို ဒီဒုတိယကားမှာလည်း သူ့ဘာသာဇာတ်ညွှန်းရေးပြီး ရိုက်ထားပြန်တာပါပဲ။ သုံးထားတဲ့ သရုပ်ဆောင်တွေကလည်း အော်စကာဆန်ခါတင် ဝင်ခဲ့တဲ့သူတွေအများသားပါ။ The Banshees of Inisherin နဲ့ မနှစ်က ဆန်ခါတင်ဝင်ခဲ့တဲ့ Barry Keoghan, ဖန်နဲလ်ရိုက်ခဲ့တဲ့ Promising Young Woman နဲ့ပဲ ဆန်ခါတင်ဝင်ခဲ့တဲ့ Carey Mulligan, Gone Girl နဲ့ ဆန်ခါတင်ဝင်ဖူးတဲ့ Rosamund Pike, Best Supporting Actor ဆန်ခါတင်ဝင်ဖူးတဲ့ Richard E. Grant စတဲ့ အော်စကာတန်းဝင်ဖူးတဲ့ သရုပ်ဆောင်တွေချည်း။ တစ်ယောက်မှတော့ မရကြသေးဘူးပေါ့။ ဒီကားနဲ့လည်း Rosamund Pike နဲ့ Barry Keoghan တို့ ဆန်ခါတင်ဝင်ကောင်းဝင်လောက်တယ်။ နောက် The Kissing Booth နဲ့ လူသိများတဲ့ Jacob Elordi လည်း အဆစ်ပါထားတယ်။ ဒီဇာတ်ရဲ့အဓိကဇာတ်ကောင်တစ်ကောင်ကိုပဲ ဦးတည်ထားတဲ့ဇာတ်ဖြစ်သလို အဲဒီဇာတ်ကောင်ကလည်း Barry Keoghan ဖြစ်နေတော့ စစချင်းကြည့်ရင် သူရိုက်နေကျပုံစံကနေ ကွဲထွက်သွားပြီလို့ထင်ရတယ်။ အောက်စ်ဖို့က ရိုးရိုအေးအေး စာကြမ်းပိုးကျောင်းသားလေးရဲ့ အချစ်ဇာတ်လမ်းတစ်ပုဒ်လိုလိုပဲ။ အပေါင်းအသင်းမဲ့နေတဲ့ စာကြမ်းပိုးလေးက ကျောင်းက မင်းသားလေးနဲ့ တွေ့ရာက ဇာတ်လမ်းစတယ်ပေါ့။ သနားစရာကောင်းတဲ့ သူ့ဘဝအကြောင်းသိသွားတော့ မင်းသားလေးက သူ့အိမ်မှာ နွေပိတ်ရက်လိုက်နေဖို့ခေါ်တယ်။ မင်းသားလေးအိမ်ကလည်း တကယ့်နန်းတော်ကြီးပဲ။ ဒီလိုနဲ့ စာကြမ်းပိုးကျောင်းသားလေးဟာ အထက်တန်းလွှာလူတွေရဲ့ မျက်နှာဖုံးတွေနဲ့ ရင်ဆိုင်ရမယ့် နွေရာသီတစ်ခု ဆိုက်ရောက်လာခဲ့တယ်။ တချို့ကတော့ ဘယ်ရီက ဒီဇာတ်ကောင်အတွက် အသက်ကြီးလွန်းနေသလို Rosamund ကို အမေဇာတ်နေရာ ပို့ထားတာက သူ့အလှကို စော်ကားရာရောက်တယ်လို့ ဝေဖန်ကြတယ်။ ဒါပေမဲ့လည်း ဒီဇာတ်ရဲ့အချိုးအကွေ့ကို ဘယ်ရီလို သရုပ်ဆောင်မျိုးကပဲ သရုပ်ဆောင်နိုင်မှာဖြစ်တဲ့အတွက် သူ့ထက်အငယ်တန်းမှာလည်း ဒီလိုမျိုးမမြင်မိတော့ မှားတော့မမှားဘူး ထင်တာပဲ။ ဒါပေမဲ့ ပြောကြတာလည်း မှားတော့မှားမနေဘူး။ Barry Keoghan ရဲ့ အပြည့်အဝကွဲထွက်လာတဲ့သရုပ်ဆောင်ပုံကိုတော့ မြင်ရဦးမှာမဟုတ်ပေမဲ့ ကွဲထွက်စပြုလာတဲ့ ပုံစံကိုတော့ မြင်ရလိမ့်မယ်။ ဒီနှစ်ထဲ ထွက်ထားတဲ့ ထွက်တော့မယ့် ကားကောင်းတွေ တော်တော်များပါတယ်။ ဒီထဲမှာမှ Saltburn ဟာ ၁ကနေ ၂၀အထိစာရင်းလုပ်ရင် တစ်နေရာရာမှာ ပါနေလောက်တဲ့ ကားကောင်းတစ်ကားဖြစ်တယ်။ ဇာတ်လမ်းကတော့ တခြားအော်စကာဆန်ခါတင်ဝင်နိုင်တဲ့ ကားအများစုလိုမဟုတ်ဘဲ ပေါ့ပေါ့ပါးပါးနဲ့ ဇာတ်အိမ်သွက်သွက်နဲ့ပဲ သွားထားတယ်။ ဘာဖြစ်ဖြစ် ဒီနှစ်ရဲ့ မဖြစ်မနေကြည့်ရမယ့်စာရင်းထဲတော့ ဝင်နေတာပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 9.04GB, 2.25GB, 1.1GB Quality - 4K HEVC, 1080p, 720p IMDb Rating - 7.5/10 Format - mp4 Duration - 2H 11Min Genre - Comedy, Drama, Thriller Subtitle - Myanmar Subtitle (Hardsub) Translated by WiRa Aung Encoded by Y, Ka Naung

ကားပြိုင်ဂိမ်းသမားအဖြစ်မှ ကမ္ဘာ့အဆင့်ပြိုင်ကားသမားဖြစ်လာသူ ယန်း မာဒန်ဘိုရော့ အကြောင်း ဖြစ်ရပ်မှန် ရုပ်ရှင်ဖြစ်ပါတယ်။ ကားပြိုင်ပွဲတွေရဲ့ ရင်ခုန်ရတဲ့အရသာကိုလိုချင်ရင် ဒီရုပ်ရှင်လည်း ကြည့်ကိုကြည့်ရမှာပါပဲ။ ယန်းဟာ ကားပြိုင်ဂိမ်းတွေထဲမှာ နာမည်ကြီးဖြစ်တဲ့ ဂရန် တူရစ္စမို ဂိမ်းကို စွဲစွဲလမ်းလမ်း ကစားခဲ့သူဖြစ်ပြီး အကောင်းဆုံးဂိမ်းသမားတွေထဲက တစ်ယောက်ဖြစ်ပါတယ်။ ဂရန်တူရစ္စမိုဂိမ်းဟာလည်း တကယ့်ပြိုင်ကားတွေ၊ ပြေးလမ်းတွေကို အသေးစိတ်လေ့လာပြီးမှ ထုတ်လုပ်ထားတဲ့ဂိမ်းဖြစ်လို့ အရမ်း လက်တွေ့နဲ့နီးစပ်ပြီး လူသန်းပေါင်းများစွာ ကစားနေကြတဲ့ဂိမ်းပဲဖြစ်ပါတယ်။ ၂၀၀၈ ခုနှစ်ကစပြီး နစ်ဆန်းကားကုမ္ပဏီနဲ့ ဆိုနီဂိမ်းတို့ ပူးပေါင်းပြီး ဂိမ်းသမားတွေကို တကယ့် ပြိုင်ကားပရော်ဖက်ရှယ်နယ်ဖြစ်လာအောင်လေ့ကျင့်ပေးတဲ့ GT အကယ်ဒမီအစီအစဉ်ကိုစတင်ခဲ့ပါတယ်။ ယန်း မာဒန်ဘရော့ကလည်း ဒီအစီအစဉ်မှာ ပါသွားခဲ့တဲ့ လူငယ်တစ်ယောက်ပါ။ ဂိမ်းသမားကနေ ပြိုင်ကားအစစ်ကိုတက်မောင်းပြီး ဆုတွေယူဖို့ဆိုတာ ဘယ်သူမှ  မယုံကြည့်ခဲ့ပေမဲ့ ယန်းကတော့ ကမ္ဘာ့အဆင့်ပြိုင်ပွဲတွေမှာပါ ဆုတွေရအောင်စွမ်းဆောင်နိုင်ခဲ့တဲ့အကြောင်းကို တင်ဆက်ထားတာပါ။ ပြိုင်ကားရုပ်ရှင်တွေထဲမှာ အကောင်းဆုံးတစ်ကားဖြစ်တဲ့ Ford vs Ferrari ရုပ်ရှင်လိုမျိုးပဲ အတော်ကို ကောင်းတဲ့ရုပ်ရှင်တစ်ကားပါပဲ။ IMDb မှာလည်း 7.4 အထိ ရရှိထားပါတယ်။ ဒါရိုက်တာကတော့ Elysium တို့ District 9 တို့ရဲ့ ဖန်တီးရှင် Neill Blomkamp ပါပဲ။ ယန်းမာဒန်ဘိုရော့အဖြစ် Archie Madekwe က သရုပ်ဆောင်ထားပြီး သူ့ရဲ့နည်းပြ၊အင်ဂျင်နီယာခေါင်းဆောင်အဖြစ် Stranger Things ရဲ့ မင်းသားကြီး David Harbour ပါဝင်ထားပါတယ်။ GT အကယ်ဒမီကို စီစဉ်သူ Cox အဖြစ် မင်းသားကြီး အော်လန်ဒို ဘလွန်းက ပါဝင်ထားပါတယ်။ ဒီရုပ်ရှင်ထဲမှာ ဂရန် တူရစ္စမို ဂိမ်းဖန်တီးသူ Kazunori Yamauchi ကိုလည်း ဆူရှီဆိုင်ကလူကြီးအဖြစ် ဧည့်သည်သရုပ်ဆောင်ထည့်သွင်းသွားပါသေးတယ်။ အညွှန်း နဲ့ ဘာသာပြန်ကတော့ Mr.Anderson ပဲ ဖြစ်ပါတယ်။ File Size :  1GB | 2.2GB | 6.24GB Quality : WEB-DL720p | 1080p | 4k Format…mp4 Duration…02:14:00 Genre : Action, Adventure, Drama Subtitle : Myanmar Subtitle (Hard Sub) Translated by ‌ Mr.Anderson Encoded by Phyo Pyae, Aaron

Heart of Stone (2023) နက်ဖလစ်ရဲ့ အက်ရှင်ရုပ်ရှင်အသစ်ပါ။ ဝမ်းဒါးဝူးမန်း မင်းသမီး Gal Gadot ခေါင်းဆောင်အဖြစ်ပါဝင်ထားပြီး Fifty Shades of Grey မင်းသား Jamie Dornan နဲ့ Raazi ရဲ့ အိန္ဒိယမင်းသမီး Alia Bhatt တို့လည်း ပါဝင်ထားပါ တယ်။ အက်ရှင်အသားပေး ဇာတ်လမ်းဖြစ်ပြီး Mission Impossible နဲ့တောင် ခပ်ဆင်ဆင်ပါပဲ။ ချာတာဆိုတဲ့အဖွဲ့အစည်းတစ်ခုဟာ ထောက်လှမ်းရေးဟောင်းတွေနဲ့ လျို့ဝှက် ဖွဲ့စည်းထားတာပါ။ သူတို့ဟာ ဘယ်နိုင်ငံလက်အောက်ခံမှာမဟုတ်ဘဲ ကမ္ဘာပေါ် က လူဆိုးတွေနဲ့ အကြမ်းဖက်တွေကို ကိုယ့်ဘာဘာ လိုက်ပြီး ရှင်းလင်းနေတဲ့ အဖွဲ့ပါ။ အဲဒီအဖွဲ့မှာ စပိတ်၊ ဟာ့ထ်၊ ထောင့်၊ ညှင်း ဆိုတဲ့ အဖွဲ့ခွဲလေးဖွဲ့ရှိပြီး ကင်းလေးကင်းက ခေါင်းဆောင်ထားပါတယ်။ အဲဒီထဲက ဟာ့ထ် အဖွဲ့ဝင် ဖြစ်တဲ့ ဟာ့ထ်-၉ ဟာ အမ်အိုင်-၆ အဖွဲ့ထဲကို အသွင်ယူပြီး စစ်ဆင်ရေးတစ်ခု ကြားဖြတ်ဖို့ ကြိုးစားပါတယ်။ ကြိုးစားရင်းနဲ့ မထင်ထားတဲ့ အန္တရာယ်တွေကြုံ လာပြီး ချာတာတစ်ဖွဲ့လုံးကို အပြတ်ရှင်းမဲ့သူနဲ့ ရင်ဆိုင်လာရတဲ့အခါ... (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size..........(7.2 GB)/ (3.04 GB) / (950 MB) Quality............WEB-DL 4K HEVC/1080p / 720p Duration.........2Hr 2Min Subtitle...........Myanmar Hardsub Format............MP4 Genre..............Action, Crime, Thriller Translator......Mr.Anderson Encoder..........SWM,Ka Naung

ဘိုးက သူ့အမေရဲ့ဈာပနကို အမီရောက်ဖို့ အိမ်ပြန်လာတဲ့ သားတစ်ယောက်ပါ။ ဒါပေမယ့် သူ့အတွက် ဒီအပြန်ခရီးက ရိုးရိုးရှင်းရှင်း မဖြစ်နေဘူး။ လူသတ်သမားတွေ၊ မိစ္ဆာတွေကို ကြောက်သလို ကိုယ့်စိတ်ထဲ လိပ်ပြာမလုံတာတွေ၊ ဘာမှန်းမသိတဲ့အရာတွေကိုပါ ကြောက်နေတတ်သူ ဖြစ်ပါတယ်။ သူ့ခရီးတစ်လျှောက် ဇာတ်လမ်းက အကြောင်းအရာတစ်ခုကနေ နောက်တစ်ခုဆီ ခုန်ကူးသွားပြီး အိပ်မက်ဆိုးတစ်ခုလို ကြောက်စရာနဲ့ ရယ်စရာတွေ ရောထွေးနေတယ်။ ဇာတ်လမ်းခွဲတွေ၊ ပြောင်းလဲသွားတဲ့ အကြောင်းအရာတွေနဲ့ သဲလွန်စလို့ ထင်ရတဲ့အရာတွေလည်း ကြားထဲမှာ ပေါ်လာပါတယ်။ ဝါကင်းဖီးနစ် သရုပ်ဆောင်ထားတဲ့ ဒီဟာသ၊ ဒရာမာ၊ ဟော်ရာဇာတ်ကားကို A24 က ထုတ်လုပ်ထားပါတယ်။ Midsommar နဲ့ Hereditary ကို ရိုက်ကူးခဲ့တဲ့ Ari Aster က ဇာတ်ညွှန်းရေး၊ ဒါရိုက်တာနဲ့ တွဲဖက်ထုတ်လုပ်သူအဖြစ် တာဝန်ယူထားတာပါ။

Voyages (2021) IMDb - 5.3 ကမ္ဘာကြီးပူနွေးလာမှု မိုးခေါင်ရေရှားမှု လူဦးရေတိုးပွားလာသည်နဲ့အမျှ အစာရေစာမလုံလောက်မှုတို့တွေကြောင့် လူသားတွေဟာ စကြဝဠာထဲမှာ လူတွေ နောက်ထပ် အဆက်ရှင်နိုင်မယ့် ဂြိုဟ်တွေကို ရှာဖွေကပါတော့တယ် အဲ့ဒီ ဂြိုဟ်ကို ၂၀၆၃ မှာ တွေ့ရှိလာပါတော့တယ်။ ဂြိုဟ်သစ်ကို ရောက်ဖို့ အနှစ် ၈၀ ကျော်ကြာ အာကာသ ခရီးရှည်ထွက်ရတော့မယ့်အချိန်မှာ ကမ္ဘာမြေလွမ်းစိတ်တွေ မဖြစ်ရအောင် ဇီ၀သိပ္ပံနည်းနဲ့ ကလေးအယောက် ၃၀ မွေးဖွားပြီး ဒီခရီးရှည်အတွက် အကောင်အထည်ဖော်ပါတော့တယ် အနှစ် ၈၀ ကျော်ကြာတဲ့ ခရီးရှည်ဖြစ်တဲ့အတွက်ကြောင့် ဒီပထမမျိုးဆက်ဟာ ယာဉ်ပေါ်မှာပဲ မျိုးဆက်သစ်တွေ မွေးဖွားပြီး သူတို့ရဲ့ မြေးတွေ တစ်နည်းအားဖြင့် တတိယမျိုးဆက်ကလေးတွေကျမှ ဂြိုဟ်သစ်ပေါ်ကို အခြေချနိုင်မှာဖြစ်ပါတယ်။ သို့ပေမယ့် လမ်းခရီးမှာ အဖွဲ့ ခေါင်းဆောင်သေသွားတဲ့အခါ...... အဖွဲ့သားတွေ သွေးကွဲတဲ့အခါ....... ဒီ ခရီးရှည်ကြီးဟာ ဆုံးခန်းတိုင် အောင်မြင်ပါ့မလား..... မင်းသားကြီး Johnny Depp ရဲ့ သမီးဖြစ်သူ Lily Rose Depp အပါအ၀င် မင်းသားချော Tye Sheridan တို့က အဓိကပါ၀င်သရုပ်ဆောင်ထားပြီး ပရိသတ်ကို ဆွဲခေါ်သွားနိုင်တဲ့ adventure and thriller Sci-Fi ကောင်းဖြစ်လို့ ကြည့်ရှုဖို့ တိုက်တွန်းလိုက်ရပါတယ် Translated by : Yoon Sandi Aung Encoded by  :  YK Quality : 1080p WEBRIP x264 and 720p File Size : 1.8gb and 1.2gb Duration :1h 48mins

အနာဂတ်ကာလတစ်ခုမှာ လူတွေဟာ အမြင်အာရုံပျောက်ကွယ်သွားကြပါပြီ။ ဒီကာလမှာ လူတွေဟာ ရှင်သန်ဖို့ နည်းအမျိုးမျိုးနဲ့ ကြိုးစားနေရပါတယ်။ အယ်ကန်နီ လူမျိုးစုခေါင်းဆောင် ဘာဘာဗော့စ်ဟာ ကိုယ်ဝန်ဆောင်အမျိုးသမီးတစ်ယောက်ကို ကယ်တင်ပြီး လက်ထပ်ခဲ့ပါတယ်။ သူ ကယ်တင်ခဲ့တဲ့ အမျိုးသမီးကနေ မွေးဖွားလာတဲ့ အမွှာကလေးလေးနှစ်ယောက်က ထူးဆန်းစွာပဲ အမြင်အာရုံရှိနေခဲ့ပါတယ်။ ကိန်း ဘုရင်မကြီးက အမြင်အာရုံရှိတဲ့လူကို မိစ္ဆာဒိဋ္ဌိလို့ သတ်မှတ်ခဲ့ပြီး ကလေးလေးတွေရဲ့နောက်ကို သူ့ရဲ့စစ်တပ်ကြီးကို လိုက်ခိုင်းတဲ့အခါမှာတော့..... Aquaman မင်းသားကြီး Jasom Momoa က အယ်ကန်နီ လူမျိုးစုခေါင်းဆောင်အနေနဲ့ အဓိက ပါဝင်သရုပ်ဆောင်ထားပါတယ် Apple TV မှာ ထုတ်လွှင့်ပြသနေဆဲပါ၊ ဇာတ်လမ်းက တစ်ပိုင်းထက်တစ်ပိုင်း ဇာတ်ရှိန်မြင့်လာမှာမို့ ဒီထက် ညွှန်းမနေတော့ပါဘူး။ တစ်ပတ်တစ်ခါသာ ဆက်ဆက်မျှော်ကြပါဦးခင်ဗျာ။ Translated By : August Encoded By : XCode

Midsommar (2019) (Director's Cut Version) IMDB : 7.1 Rotten Tomatoes : 83% Genre : Psychological Horror/Drama Psychological Horror/Thriller လို့ခေါင်းစဉ်တပ်ပြီးပြောကြမယ်ဆိုရင် A24 ကိုမေ့ထားလို့မရပါဘူး။ A24 လို့ဆိုလိုက်တာနဲ့ ဒီကားက တစ်နည်းမဟုတ် တစ်နည်းနဲ့တော့ လူကိုစားတော့မယ်ဆိုတာ လူတိုင်းသိကြမယ်ထင်ပါတယ်။ Midsommar မှာ Theater Version နဲ့ Director's Cut ဆိုပြီး နှစ်ခုရှိပါတယ်။ ခုကတော့ Director's Cut ဖြစ်တဲ့အတွက် ရုံတင်ဗားရှင်းမှာ ဖျက်ခံထားရတဲ့အခန်းတွေပါရှိမှာဖြစ်ပြီးမိနစ် ၃၀ ခန့်အပိုပါလာတာကြောင့် ၃ နာရီနီးပါးကြာရှည်ပါတယ်။ သာမန် Horror ရုပ်ရှင်တွေနဲ့မတူတဲ့အချက်က Midsommar ဟာ ဇာတ်အိမ်ကို အရမ်းကိုလှပပါတယ်ဆိုတဲ့ ဆွီဒင်နိုင်ငံမှာ တည်ထားတာဖြစ်ပြီးနေမဝင်တဲ့ နွေလယ်ရာသီအချိန်ကာလကို ဦးတည်ရိုက်ကူးထားတာဖြစ်ပါတယ်။ ဒါကလည်း ဒါရိုက်တာ Ari Aster ကိုချီးကျူးရမယ့် ကိစ္စပါပဲ။ မကြည့်ရသေးတဲ့လူတွေရော ကြည်ပြီးတဲ့လူတွေရော လက်မလွှတ်သင့်တဲ့ Psychological Horror ရုပ်ရှင်ကားကောင်းတစ်ခုဖြစ်တာကြောင့် ကြည့်ဖြစ်အောင်ကြည့်ဖို့ တိုက်တွန်းချင်ပါတယ်။ ဇာတ်လမ်းကတော့... ဒန်နီဟာ သံသရလွန်ကဲတတ်တဲ့ကောင်မလေးတစ်ယောက်ဖြစ်ပါတယ်။ သူ(မ)ဟာ စိတ်ပညာဘာသာရပ်ကိုယူထားတဲ့ ‌ကျောင်းသားတစ်ယောက်ဖြစ်ပြီး ခရစ်ရှန်ဆိုတဲ့ ကောင်လေးလည်းရှိပါတယ်။ တစ်ရက်မှာတော့ စိတ်ဓာတ်အလွန်အမင်းကျတဲ့ရောဂါကိုခံစားနေရတဲ့ ညီမလေး တယ်ရီဟာသူကိုယ်တိုင်ကိုရော ဒန်နီရဲ့မိဘနှစ်ပါးလုံးကိုရော ကာ‌ဗွန်မိုနောက်ဆိုက် အဆိပ်သင့်ပြီး သေအောင်သတ်လိုက်ပါတော့တယ်။ ခိုကိုးရာမဲ့သွားတဲ့ ဒန်နီဟာ အရင်ကထက်ကောင်လေး ခရစ်ရှန်အပေါ်ကို တွယ်ကပ်လာပါတယ်။ ခရစ်ရှန် မာ့ခ်၊ ပယ်လ်လေ၊ ဂျော့ရှ် ဆိုတဲ့သူငယ်ချင်းသုံးယောက်ရှိပြီး ခရစ်ရှန်နဲ့ ဂျော့ရှ်က တစ်မေဂျာတည်းဖြစ်ကာ ဘွဲ့ယူကျမ်းပြုစုဖို့ ပြင်ဆင်နေတာဖြစ်ပါတယ်။ တစ်ရက်မှာတော့ ပယ်လ်လေဟာ သူ့ရဲ့မွေးရပ်ဇာတိဖြစ်တဲ့ ဆွီဒင်နိုင်ငံက ကျေးလက်တောရွာလေးတစ်ခုကို ခရစ်ရှန်တို့ တစ်သိုက်ကို ဖိတ်ခဲ့ပါတယ်။ ဒီလိုနဲ့ ဒန်နီလည်း ခရစ်ရှန်နဲ့စကားများပြီး နောက်ဆုံးမှာတော့ ဆွီဒင်နိုင်ငံကိုပါသွားပါတော့တယ်။ အဓိကရည်ရွယ်ချက်ကတော့ နွေလယ်ရာသီပွဲတစ်ခုကို အလည်အပတ်သွားကြတာဖြစ်ပါတယ်။ ဒါပေမယ့်လည်း အရမ်းကိုသာယာလှတဲ့ ဆွီဒင်နိုင်ငံ ရွာလေးတစ်ရွာမှာ သူငယ်ချင်းတစ်သိုက် ဘယ်လိုကြမ္မာငင်ကြမလဲဆိုတာကို ခံစားကြည့်လိုက်ကြပါခင်‌ဗျာ။ ဒန်နီ အဖြစ်အချစ်တော်မင်းသမီးလေး Florence Pugh ကပါဝင်သရုပ်ဆောင်ထားပြီး သူ့ရဲ့နာမည်ကြီး "Upside Down Face" လေးကိုခံစားရမှာဖြစ်ပါတယ်။ ကောင်မလေးနဲ့ကြည့်ဖို့တော့အကြံပေးပါတယ်၊ ကြောက်ရင်ဖက်ထားလို့ရတာပေါ့။ File size…(7.8 GB)/ (2.7 GB )/(1.6 GB) Quality…BluRay Director's Cut 4K HEVC/1080p HEVC / 720p Format…mkv/mp4 Duration….02:50:15 Subtitle….Myanmar Subtitle (Hardsub) Encoder….Ka Naung Translated by Lucifer Maximoff