Bennett Saltzman ပါဝင်သော ဇာတ်ကားများ

dogman ဒီကားကတော့ ပြင်သစ်ဒါရိုက်တာ ရိုက်ကူးထားတဲ့ အက်ရှင်ကားပါပဲ။ နာမည်ထဲက အတိုင်း ခွေးလူသား တစ်ယောက်အကြောင်းပါ။ စူပါဟီးရိုးကားမဟုတ်ပေမဲ့ စိတ်ကူးယဉ်ဆန်ဆန်ပဲ ခွေးတွေက သူတို့ရဲ့သခင်ခိုးသမျှကို အတိအကျနားလည်နေပြီ လူတွေကို တိုက်ခိုက်တာ၊ ပစ္စည်းတွေခိုးတာ လုပ်တတ်နေတာပါ။ ဒီရုပ်ရှင်အတွက် လေ့ကျင့်ထားတဲ့ခွေးအစစ်တွေအများကြီးကိုအသုံးချပြီးရိုက်ကူးခဲ့တာဖြစ်ပါတယ်။ ဇာတ်လမ်းအစမှာတော့ ဒေါက်ဂလပ်ဆိုတဲ့လူတစ်ယောက်အဖမ်းခံရပြီး သူ့ကို စိတ်ပိုင်းဆိုင်ရာ စစ်ဆေးဖို့ စိတ်ဆရာဝန်မ တစ်ယောက်က သူ့ဘဝအကြောင်းကို အင်တာဗြူးတာနဲ့စတင်ထားပါတယ်။ ငယ်ငယ်ကတည်းက အနိုင်ကျင့်တတ်တဲ့အဖေကြောင့် ခွေးတွေနဲ့ ခွေးလှောင်အိမ်ထဲမှာပဲ နေခဲ့ရတဲ့ကလေးဟာ လူတွေထက်ခွေးတွေကို ပိုချစ်တတ်ပြီး ပိုနားလည်လာသလို ခွေးတွေကလည်း သူ့ကို အပြည့်အဝနားလည်လာကြပါတယ်။ ဒေါက်ဂလပ်ရဲ့ ကလေးဘဝကနေ လူကြီးဘဝအထိ ရုန်းကန်လာရပုံတွေ ခွေးတွေကို ဂေဟာဖွင့်ပြီး စောင့်ရှောက်ထားရင်း ပိုက်ဆံမရှိတော့လို့ သူ့ခွေးတွေရဲ့အကူအညီနဲ့ ခိုးရဝှက်ရပုံတွေ၊ လူတွေကိုကူညီရင်းနဲ့ နောက်ဆုံးမှာ လူမိုက်ဂိုဏ်းကြီးတစ်ခုနဲ့ ရင်ဆိုင်ရပုံတွေကို အမေးအဖြေတလှည့် ဇာတ်ကွက်တစ်လှည့်ပြသသွားတာဖြစ်ပါတယ်။ စိတ်ဝင်စားဖို့ကောင်းတာမို့ ကြည့်လိုက်ကြပါဦး။ File size…(1.6 GB)/(975 MB) Quality….Webrip 1080p / 720p Format…mp4 Duration….01:55:00 Genre...Western,Action, Drama, Crime Subtitle….Myanmar Subtitle (Hardsub) Encoder….Mr. Anderson Translated by Mr. Anderson

စတီဗန်ကင်းရဲ့ ဝတ္ထုတိုတစ်ပုဒ်ကို ပြန်လည်ရိုက်ကူးထားတဲ့ ဟော်ရာရုပ်ရှင်ပါ။ မစ္စတာဟာရီဂန်ရဲ့ ဖုန်းကို အကြောင်းပြုပြီး တမလွန်ဘဝ၊ သဘာဝလွန်ဖြစ်ရပ်တွေနဲ့ သို့လောသို့လော တွေးစရာတွေကို ရေးဖွဲ့ထားပါတယ်။

ဘာဂါလိုက်ရှာတာတွေ၊ ထောင်ဖောက်တာတွေ ကြုံခဲ့ရပြီးနောက် ဟာရိုးနဲ့ ကူးမားတို့ ကိုယ်စီချစ်သူရပြီး ငြိမ်သက်သွားကြပါတယ်။ ခြောက်နှစ်ကြာလာတော့ ဟာရိုးက အိမ်ထောင်ကျနေပြီ။ အလုပ်ကို ကြိုးကြိုးစားစားလုပ်၊ မကောင်းတဲ့အကျင့်တွေကို ရှောင်ပြီး ရိုးရိုးသားသားနေတဲ့ မိတ်ဆွေတစ်ယောက်နဲ့ပဲ ပေါင်းနေတယ်။ ဇနီးနဲ့အတူ ကလေးရဖို့လည်း ကြိုးစားနေပါတယ်။ ကူးမားကတော့ ဆေးခြောက်ဆက်သုံးနေဆဲဖြစ်ပြီး ချစ်သူနဲ့ လမ်းခွဲထားတာလည်း ကြာပြီမို့ ဘဝကို ဖြစ်သလိုပဲ ဖြတ်သန်းနေတယ်။ ခရစ်စမတ်ရောက်လာတဲ့အခါ နှစ်ယောက်စလုံးမှာ ကိုယ်စီပြဿနာတွေ ရှိလာပါတယ်။ ယောက္ခထီးရဲ့ စိတ်တိုင်းကျဖြစ်ချင်တဲ့ ဟာရိုးက ခရစ်စမတ်သစ်ပင် အလှဆင်ဖို့ တာဝန်ယူထားရတယ်။ ကူးမားဆီကိုတော့ ချစ်သူက ကိုယ်ဝန်ရှိနေတဲ့အကြောင်း လာပြောပေမယ့် သူက မူးနေတဲ့အတွက် သေသေချာချာ မတုံ့ပြန်နိုင်ဘူး။ ဒါကြောင့် ချစ်သူလည်း စိတ်ပျက်ပြီး ပြန်ထွက်သွားပါတယ်။ ဒီအတောအတွင်း ဟာရိုးနာမည်နဲ့ အထုပ်တစ်ထုပ်က ကူးမားဆီ ရောက်လာလို့ သူကိုယ်တိုင် သွားပို့ပေးပါတယ်။ အဲဒီလို ပြန်ဆုံကြရာက ဟာရိုးရဲ့ ယောက္ခထီး ရှစ်နှစ်ကြာ ပျိုးထားတဲ့ ခရစ်စမတ်သစ်ပင်ကြီး ကူးမားကြောင့် မီးလောင်သွားတော့တယ်။ နှစ်ယောက်သား ညတွင်းချင်း အစားထိုးစရာသစ်ပင်တစ်ပင် ရအောင် လိုက်ရှာကြရပြီး လမ်းမှာလည်း အလွဲတွေ ဆက်တိုက်ကြုံကြရပါတယ်။ ဒီတစ်ခေါက်မှာ လူငယ်လေး အေဒီရီယန်၊ ကလေးအဖေ တော့ဒ်နဲ့ ကလေးလေး အေဗာတို့လည်း ပါဝင်လာပြီး နေးလ်ပက်ထရစ်လည်း ပြန်ပါလာပါတယ်။ မူးယစ်ဆေးဝါးသုံးစွဲမှု၊ ဆဲဆိုမှုနဲ့ လိင်ပိုင်းဆိုင်ရာ ဟာသတွေပါဝင်တဲ့ စွန့်စားခန်းဟာသကားပါ။