ကျွန်တော်တို့ကမ္ဘာနဲ့ ဆင်တူတဲ့ အခြားကမ္ဘာတစ်ခုမှာ သွေးစုပ်ဖုတ်ကောင်တွေနဲ့ လူသားတွေဟာ ငြိမ်းချမ်းစွာ အတူနေထိုင်ကြပါတယ်။ သွေးစုပ်ဖုတ်ကောင်တွေက ဘုရားသခင်ဟာ လူသားတွေကို ကာကွယ်စောင့်ရှောက်ဖို့ သူတို့ကို ဖန်တီးခဲ့တယ်လို့ ယုံကြည်ကြပြီး ခရစ်ယာန်ကျောင်းတော်ရဲ့ အရိပ်အောက်မှာ ဘရားသားဟုဒ်ဆိုတဲ့အမည်နဲ့ တာဝန်ထမ်းဆောင်နေကြတယ်။ ဘရားသား ဆိုင်းလက်စ်ဟာလည်း သူတို့ထဲကတစ်ယောက်ဖြစ်ပြီး ကျောင်းတော်မှာ အမြင့်ဆုံးကာဒီနယ် ဖြစ်လာတော့မယ့်သူပါ။ ဒါပေမဲ့ သူ့ညီ ဘရားသား အက်ဒ်ဂါက လူသားတွေကို စတင်သတ်ဖြတ်လာတဲ့အခါ ဆိုင်းလက်စ်ဟာ လူသားရဲအရာရှိ လစ်လီနဲ့အတူ ညီဖြစ်သူကို တားဆီးဖို့ လုပ်ရပါတော့တယ်။ အက်ဒ်ဂါ ဘာကြောင့် ဒီလိုလုပ်နေတာလဲ၊ ကျောင်းတော်နောက်ကွယ်မှာရော ဘာတွေဖြစ်နေတာလဲဆိုတဲ့ မေးခွန်းတွေ ရှိနေပါတယ်။ ကမ္ဘာကြီးကို ပြောင်းလဲပစ်မယ့် အက်ဒ်ဂါရဲ့ အကြံအစည်ကို သူတို့တားနိုင်ပါ့မလား၊ လစ်လီနဲ့ ဆိုင်းလက်စ်တို့ကြားမှာရော ဘာတွေဖြစ်လာဦးမလဲ။
ဇာတ်ကားကြည့်ရန်