Bitthiri Satthi ပါဝင်သော ဇာတ်ကားများ

Adhey Neevu Adhey Nenu (2026) စည်း ဇာတ်လမ်းအစမှာ ဇာတ်လိုက်ဖြစ်သူ ဆရီဗာလီတစ်ယောက် ထိတ်လန့်ဖွယ်စရာကိစ္စတစ်ခုနဲ့ရင်ဆိုင်နေရတာကိုတွေ့ပြီး အဲဒီအခြေအနေကို ဘယ်လိုရောက်လာလဲဆိုတာ ဖြည်းဖြည်းချင်း ပြန်ဆွဲခေါ်သွားမှာပဲဖြစ်ပါတယ်။ ဟိုက်ဒရာဘတ်မြို့က အိမ်ရာတိုက်ခန်းတစ်ခုမှာနေထိုင်တဲ့ ဆာဂါနဲ့ ဆရီဗာလီတို့ဟာ သာမန်အားဖြင့် အဆင်ပြေနေကြတဲ့ အိမ်ထောင်သည် လင်မယားတွေ ဖြစ်ကြပါတယ်။ ဒါပေမဲ့ ဆာဂါကတော့ အလုပ်အရမ်းများသူဖြစ်ပြီး အလုပ်ရှုပ်လွန်းတာ ကြောင့် ဗာလီ့ကို လုံလုံလောက်လောက် ဂရုမစိုက်နိုင်အချိန်မပေးနိုင်ပါဘူး။ အဲဒီအချိန်မှာပဲ သူတို့နဲ့ မျက်နှာချင်းဆိုင်တိုက်ခန်းကို ရုပ်ချောဖေ။်ရွေတတ်တဲ့ ကာသစ်ဆိုတဲ့လူငယ်တစ်ယောက် ရောက်လာ ပါတယ်။ အထီးကျန်နေတဲ့ ဆရီဗာလီဟာ ကာသစ်ရဲ့ ဂရုစိုက်မှုတွေ၊ အပြောတွေအောက်မှာ နေမျောနေမိချိန်မှာပဲ သူ့ခင်ပွန်း ဆာဂါနဲ့ပတ်သက်တဲ့ လျှို့ဝှက်ချက်တချို့ကိုသိလိုက်ရတဲ့အခါမှာတော့...။ File size… 2.1 GB / 1.1 GB Quality…WEB DL 1080p HEVC/ 720p Format…mkv/ mp4 Duration…. 2h 4m Subtitle….Myanmar Subtitle (Hard Sub)

Seetha Payanam (2026) "ဆီသာရဲ့ ခရီးစဉ်" IMDb - 5.1/10 ဘ၀ဆိုတာက အခိုက်အတန့်တိုင်းကို ဖြတ်သန်းသွားရတဲ့ ခရီးတခုဆိုပါတော့။ ပန်းတိုင်က ပုံသေကားကျ ရှိတယ်ထင်ရပေမဲ့ တကယ်တော့ ကျွန်တော်တို့လက်ထဲမှာ မရှိပါဘူး။ ဖြတ်သန်းရတဲ့ ခရီးလမ်းကိုပဲ ကျွန်တော်တို့တွေ ပိုင်ဆိုင်ကြရတာမျိုး။ လမ်းတလျှောက်မှာ နားခိုစရာတွေ၊ အကွေ့အကောက်တွေ အများကြီးပါ။ နားခိုရာတိုင်းက အကွေ့တခုဆီကိုဦးတည်လို့၊ အကွေ့တိုင်းမှာကလည်း သင်ခန်းစာတွေ ပေးခဲ့တာပဲလေ။ မျက်ရည်တွေကနေ အပြုံးတပွင့်ဖြစ်စေခဲ့တဲ့ သံယောဇဉ်တွေ၊ အခက်အခဲတွေကို ရင်ဆိုင်ကျော်ဖြတ်စေရဲတဲ့ သံယောဇဉ်တွေရယ်နဲ့ပေါ့။ ဒီခရီးလမ်းမှာပဲ အဲဒါမျိုးလူတွေ အများကြီးနဲ့ ဆုံတွေ့ရတတ်တယ်။ သူတို့နဲ့ ဆုံရတဲ့အချိန်မှာ ကိုယ်ဘယ်လိုလူလဲဆိုတာကို သိလာရတယ်။ လူတိုင်းကို ကိုယ့်အပိုင်လို့ သတ်မှတ်တဲ့အတ္တက စွန့်လွှတ်မှုထက်တောင် ပိုကြီးမြတ်သေးသတဲ့။ အဲဒီအတ္တ အဲဒီတကိုယ်ကောင်းဆန်မှုကို လက်ခံတတ်အောင် သင်ပေးတဲ့ခရီးလမ်းက စစ်မှန်တဲ့ခရီးလမ်းပါပဲ။ ဒါကတော့ ဆီသာရဲ့ ခရီးလမ်းပေါ့။ တနည်းပြောရရင် မရခင် ဖျာလိုလိပ်ထိပ်ပေါ်တင်၊ ရပြီး ဖျာလိုနင်းချေတတ်တဲ့ ယောကျ်ားတွေလို့ တွေးတတ်ပြီး ယောကျ်ားတွေကိုအထင်မကြီးတဲ့ ဆီသာနဲ့ မဖြုတ်စတမ်းတွဲထားမဲ့ လက်တစုံသာရှိရင် အရာရာဖြတ်ကျော်နိုင်ပြီဆိုတဲ့ အာဘီတို့ရဲ့ ခရီးလမ်း။ သူတို့ခရီးလမ်းက ဘယ်ပန်းတိုင်မှာ ဆုံးမလဲဆိုတာကတော့...။ File size… 3.7 GB / 2 GB Quality…WEB DL 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub)

Tiragabadara Saami (2024) “တိုက်ခတ်လာသော မုန်တိုင်း” Genre – Action အသစ်စက်စက် ထွက်ရှိထားတဲ့ တေလဂူးစကားပြော အိန္ဒိယအချစ်အက်ရှင်ကားသစ်လေးကို တင်ဆက်ပေးမှာ ဖြစ်ပါတယ်။ ဂီရီဆိုတာ ငယ်စဉ်ကတည်းက စိတ်အခံရှိတာကြောင့် သူများတွေလို ပုံမှန်အလုပ်မလုပ်ပဲ လူပျောက်တွေဆိုရင် လိုက်ရှာပေးပြီး မိသားစုတွေဆီ ပြန်အပ်တာ နားလည်အောင် ပြောပြပေးတာမျိုးလုပ်တဲ့ လူပျောက်ရှာတဲ့ ဆရာလေးတစ်ပါး။ ဒါပေမဲ့လည်း ဒီလိုမျိုးအလုပ် လုပ်တာကြောင့် မိသားစုဘဝလေးကို အားကျ စိတ်ကူးယဉ်နေပေမဲ့ အကြောင်းအမျိုးမျိုးကြောင့် မိန်းမရှာလို့မရဘူး ဖြစ်နေခဲ့တယ်။ ဒီလိုနဲ့ တစ်ရက်မှာတော့ အင်မတန်မှ လွတ်လပ်တဲ့စိတ်ထား ပွင့်လင်းမြင်သာတဲ့ သဘောထားနဲ့ ချောမောလှပတဲ့ ကောင်မလေးတစ်ယောက်နဲ့ နဖူးစာရွာလည်ပြီး ဆုံခဲ့ကြပါလေရော။ လင်မယားကြား တစ်ခုခုဆိုလည်း ရှေ့ကနေ သွက်သွက်လက်လက်နဲ့ ဦးဆောင်ပြီးတော့ ဖြေရှင်းနိုင်သူလေးပေါ့။ ဒါပေမဲ့ သိတဲ့အတိုင်း အပျော်တွေဆိုတာ ကြာရှည်မခံတတ်တဲ့အမျိုး ဖြစ်လေတော့ ဂီရီရဲ့ အလုပ်နဲ့ ပတ်သက်ပြီးတော့ သူတို့လင်မယားကြားကို ကံဆိုးမိုးမှောင်ကျမှုကြီး ဖြစ်လာတဲ့အခါ ဘယ်လိုတွေ ဆက်ဖြစ်ကြမလဲဆိုတာကို ရင်တထိတ်ထိတ် ဆက်ကြည့်ရမှာ ဖြစ်ပါတယ်။ (အညွန်းနဲ့ ဘာသာပြန်ကတော့ CM Bollywood Team ဖြစ်ပါတယ်) File size… 2.89 GB / 1.4 GB Quality…WEB DL 1080p HEVC/ 720p Format…mkv/ mp4 Duration….1h 55m Subtitle….Myanmar Subtitle (Hard Sub) Encoder….YK Translated by CM Bollywood Team

Jilebi (2023)"ဂျလေဘီ" ၂၀၂၃ ခုနှစ်တုန်းက ထွက်ရှိခဲ့တဲ့ IMDb 7.5 ရ ကောလိပ်ဟာသ သရဲကားလေးတစ်ခုကို စီအမ်ပရိသတ်တွေအတွက် တင်ဆက်ပေးချင်ပါတယ်။ တောင်ပိုင်း ကားကောင်းတော်တော်များများမှာ ပါဝင်တတ်တဲ့ မင်းသမီးလေး ရှီဗာနီနဲ့ မင်းသား အန်ကိသ်ကိုင်ယာတို့က ဒီရုပ်ရှင်ထဲမှာ အဓိကသရုပ်ဆောင်ထားကြတာပါ။ ဇာတ်လမ်းကတော့ ကောလိပ်တက်ရင်း အဆောင်မှာနေကြတဲ့ ဂျလေဘီတစ်သိုက်နဲ့စတယ်ပေါ့။ ဘာတာဝန်မှ ယူစရာမရှိသေးတဲ့ ကောလိပ်ကျောင်းသားတွေဖြစ်တဲ့အလျောက် ဆရာတွေ လက်မြှောက်ရတဲ့အထိ အရက်သောက်၊ ဖဲရိုက်၊ ရန်ဖြစ် ကဲချင်တိုင်းကဲနေကြတဲ့ ကာမယ်တို့အဖွဲ့ထဲကတစ်ယောက်က ကျောင်းသူတစ်ယောက်ကို အဆောင်ထဲ ခိုးသွင်းမိရာကစပြီး သရဲခြောက်သလိုလို အပမှီသလိုလို တလွဲတချော်တွေဖြစ်ကြပုံကို ဒီရုပ်ရှင်ထဲမှာ မြင်ကြရမှာပါ...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 2.6GB / 1.2GB Quality…WEB DL 1080p / 720p Format…mp4 Duration…. Subtitle….Myanmar Subtitle (Hard Sub) Encoder….YK Translated by CM Bollywood Team

ဘိုင်ရာဗာမင်းသား ရမ်ချရန်ရဲ့အဖေ မင်းသားကြီးချီရန်ဂျီဗီး၊ နာမည်ကြီး တောင်ပိုင်းမင်းသမီးချောတွေဖြစ်ကြတဲ့ သမန်းနားနဲ့ ကရီသီဆူရက်ရှ်တို့ ပါဝင်ထားကြပြီး ကုဋေ ၁၀၀၀ ကျော် ဘက်ဂျက်သုံးရိုက်ကူးခဲ့တဲ့ ရုံတင်ကားအသစ်လေးကို တင်ဆက်ပေးချင်ပါတယ်။ ဇာတ်လမ်းကတော့ မိန်းကလေးတွေ‌ ပျောက်ဆုံးမှုက ကိုလ်ကာတာမြို့ကြီးထဲ တွင်တွင်ကျယ်ကျယ်ကို ဖြစ်နေပါတယ် ဝန်ကြီးချုပ်အထိပါ ခေါင်းခဲရတဲ့ကိစ္စတစ်ခုဖြစ်တာကြောင့် တစ်ချက်အတိမ်းစောင်းမခံဘဲ ပြစ်မှုရှင်းလင်းရေးရဲ့ အတော်ဆုံးအရာရှိကိုလွှတ်တာတောင် အသတ်ခံလိုက်ရတဲ့အမှုဆိုတော့ တော်ရုံလူမကိုင်ရဲ ပျောက်ဆုံးမှုတွေဖြစ်မြဲပါပဲ ဘိုလာ.. ဒီလူ့အကြောင်းပြောရမယ်ဆိုရင် တစ်ပါးလူအပေါ်ဘယ်သူရယ်ဘယ်ဝါရယ်မတွေး ကူညီချင်စိတ်အပြည့်နဲ့ပေါ့ဗျာ အဖေအမေမရှိတဲ့ သူ့မှာ မိသားစုဆိုလို့ သူ့ညီမလေးမဟာတစ်ယောက်တည်းရှိတယ် ညီမလေးက သူ့ဘဝရဲ့ အရာရာ‌ပေါ့ ညီမလေးကို တုန်နေအောင်ချစ်တဲ့လူပေါ့ တစ်နေ့ .. လူပျောက်မှုတွေဖြစ်တဲ့မြို့ထဲ အကြောင်းမသိဘဲ သွားတိုက်ခန်းငှားနေမိရာကစ ဘာတွေဆက်မယ်ဆိုတာကတော့ ... ဒီ Bhola Shankar ရုပ်ရှင်ဟာဆိုရင် တမီလ်ရုပ်ရှင်တစ်ခုဖြစ်တဲ့ Vedalam ကို တေလေဂူဗားရှင်း remake ပြန်ရိုက်ထားတာဖြစ်ပြီး မူရင်းကို မီမလားဆိုတာကို ပရိသတ်ကြီးကပဲဆုံးဖြတ်ပေးကြပါဦး...။ ( Yunni~Zwe ~Cherry ~YH~ToMo တို့က ညွှန်းဆိုဘာသာပြန်ပေးထားပါတယ်။ ) File size…4.4GB / 2.2GB Quality…1080p WEB DL / 720p Format…mp4 Duration….2h 39m Subtitle….Myanmar Subtitle (Hard Sub) Encoder….YK Translated by  Yunni~Zwe ~Cherry ~YH~ToMo

ရှီဗာဟာ အသက်နှစ်ဆယ့်ငါးနှစ်အထိ အဖေ့ကို မှီခိုနေရတဲ့ အလုပ်လက်မဲ့တစ်ယောက်ပါ။ အလုပ်မရှိသေးပေမယ့် အိမ်ထောင်ကျသွားပြီးနောက်မှာလည်း ဇနီးရဲ့ဝင်ငွေနဲ့ပဲ ဆက်နေရတယ်။ ဇနီးကို မှီခိုနေရသူဆိုပြီး ပတ်ဝန်းကျင်က နှိမ်ချဆက်ဆံလာကြတဲ့အခါ ရှီဗာလည်း အလုပ်လက်မဲ့ဘဝကနေ လွတ်မြောက်ဖို့ ကြိုးစားလာပါတယ်။ ဒါပေမဲ့ အချိန်ကြာလာတော့ ဇနီးဖြစ်သူကပါ ငြိုငြင်ချင်လာတယ်။ ရှီဗာ အလုပ်ရသွားနိုင်ပါ့မလား၊ ဇနီးနဲ့ကြားမှာရော ဘာတွေ ဆက်ဖြစ်လာမလဲဆိုတာကို ဆက်ပြထားပါတယ်။ ချစ်သူတွေ အချင်းချင်းချစ်မိပြီးနောက် ကြုံလာရတဲ့ ပြဿနာတွေနဲ့ အဲဒီပြဿနာတွေကို ရင့်ရင့်ကျက်ကျက် စဉ်းစားဖြေရှင်းဖို့အကြောင်း ရေးထားတဲ့ အချစ်ဇာတ်လမ်းပါ။

Srikanth Meka သရုပ်ဆောင်ထားတဲ့ လူပျိုကြီးဟာ လက်မှတ်ရောင်းဝယ်ရေးကုမ္ပဏီတစ်ခုမှာ မန်နေဂျာလုပ်နေသူပါ။ သူ့အတွက် အိမ်ထောင်ပြုတာဟာ အိမ်မှာထောင်ကျတာနဲ့ အတူတူပဲဆိုတော့ မိသားစုက ပေးစားဖို့ စီစဉ်တဲ့ မိန်းကလေးတွေကို အမြဲရှောင်နေတတ်တယ်။ ဒါပေမယ့် မိန်းကလေးချောချောလေးတွေ တွေ့ရင်တော့ ပိုးပန်းဖို့ လက်မနှေးပါဘူး။ အိမ်ထောင်ရေးကို ရှောင်ရင်း အီစီကလီလုပ်နေတဲ့ ဒီလူပျိုကြီးက သူများကို ကူညီမိရာကနေ လူမိုက်တွေကြား ဘယ်လိုဝင်ပါမိမလဲ။ အချစ်ကို အလေးအနက်မထားခဲ့တဲ့သူ တကယ်ချစ်မိတဲ့အချိန်မှာရော ဘယ်လိုပြောင်းလဲလာမလဲ။ သူ့အရှုပ်အထွေးတွေကို အက်ရှင်၊ အချစ်ဇာတ်လမ်းနဲ့ ဟာသရောပြီး တင်ဆက်ထားပါတယ်။

ကာမာလာက ကလေးတစ်ယောက်ရှိတဲ့ နားမကြားသူ အမေတစ်ယောက်ပါ။ ဒူဘိုင်းကို ထွက်သွားပြီးကတည်းက အဆက်အသွယ်မရတော့တဲ့ ခင်ပွန်းကို စောင့်ရင်း နေ့စဉ်အခက်အခဲတွေကို ခါးစည်းခံနေရတယ်။ တစ်ဖက်မှာလည်း အကြားအာရုံ ပြန်ရလာနိုင်မလားဆိုတဲ့ မျှော်လင့်ချက်ကို ဆုပ်ကိုင်ထားပါတယ်။ အာလီဆိုတဲ့ လူငယ်ကတော့ ခရစ်ကတ်ကစားသမားတစ်ယောက်အဖြစ် အောင်မြင်ချင်တဲ့ အိပ်မက်ရှိတယ်။ သူနဲ့ သူ့ချစ်သူ ဇာရာတို့အကြောင်းအပြင် နေရာအတည်တကျမရှိဘဲ လှည့်လည်နေကြတဲ့ မိဘမဲ့ကလေးနှစ်ယောက်ရဲ့ ဘဝကိုလည်း ဇာတ်လမ်းက ပြထားပါတယ်။ မတူညီတဲ့အခြေအနေတွေမှာ နေထိုင်ကြပေမယ့် သူတို့အားလုံးဟာ လက်လျှော့ချင်စရာ အခက်အခဲတွေကြားကနေ မျှော်လင့်ချက်နဲ့ ရှေ့ဆက်ဖို့ ကြိုးစားနေကြသူတွေပါ။ သူတို့ရဲ့ နေ့စဉ်ဘဝတွေကို ပြသရင်း လူ့အဖွဲ့အစည်းထဲက အခွင့်ထူးခံတွေနဲ့ ဘဝအခြေအနေ ဘယ်လောက်ကွာခြားနေသလဲဆိုတာကိုလည်း ဖော်ပြထားတယ်။ ဒါရိုက်တာ Sujana Rao ရဲ့ ဒီရုပ်ရှင်ဟာ ဟိုက်ဒရာဘတ်မှာ ကြုံခဲ့ရတဲ့ မိုးကြီးရေလွှမ်းမှုကို နောက်ခံပြုထားပါတယ်။ ရေဘေးမှာ ဆုံးပါးခဲ့သူတွေကို ဂုဏ်ပြုမှတ်တမ်းတင်လိုတဲ့ ရည်ရွယ်ချက်နဲ့ ရိုက်ကူးခဲ့တာလို့ ဒါရိုက်တာက ပြောထားပေမယ့် ဇာတ်ကောင်တွေရဲ့ ဇာတ်လမ်းတွေက ဖြစ်ရပ်မှန်ကို တိုက်ရိုက်ပြန်ရိုက်ထားတာမျိုးတော့ မဟုတ်ပါဘူး။ လက်တွေ့ဘဝမှာ လူတွေကြုံနေရတဲ့ ဒုက္ခသုခနဲ့ ရုန်းကန်ရမှုတွေကို အခြေခံပုံဖော်ထားတာပါ။