Blake Williams ပါဝင်သော ဇာတ်ကားများ

Lord of the Flies (2026) S1 +++++++++++++ အပိုင်း ( ၁ မှ ၄ ) အထိ စ / ဆုံး IMDb Rating (6.6) / Rotten Tomatoes (92%) ဒီစီးရီးဟာ နာမည်ကျော်စာရေးဆရာ William Golding ရဲ့ ဂန္ထဝင်ဝတ္ထုကို BBC က အပိုင်း ၄ ပိုင်းပါတဲ့ Mini-series အဖြစ် ပြန်လည်ရိုက်ကူးထားတာပဲဖြစ်ပါတယ်။ ၁၉၅၀ခုနှစ်ဝန်းကျင် စစ်ပွဲတွေဖြစ်ပွားနေတဲ့ကာလမှာ ကျောင်းသားလေးတွေကို တင်ဆောင်လာတဲ့ လေယာဉ်တစ်စင်းဟာ ပစိဖိတ်သမုဒ္ဒရာထဲက လူသူမရှိတဲ့ ကျွန်းတစ်ကျွန်းပေါ်ကို ပျက်ကျသွားပါတယ်။ လူကြီးတစ်ယောက်မှ ပါမလာဘဲ ကလေးတွေချည်းပဲ သောင်တင်နေတဲ့အခါမှာ သူတို့ဟာ ရှင်သန်နိုင်ဖို့အတွက် ကိုယ်ပိုင်အဖွဲ့အစည်းတစ်ခုကို တည်ဆောက်ကြပါတယ်။ နူးညံ့ပြီး စည်းကမ်းရှိတဲ့ Ralph က ခေါင်းဆောင်အဖြစ် အရွေးခံရပြီး၊ အမြော်အမြင်ရှိတဲ့ Piggy ရဲ့ အကူအညီနဲ့ မီးပုံဖိုကာ ကယ်ဆယ်ရေးကို စောင့်ဆိုင်းဖို့ ကြိုးစားပါတယ်။ ဒါပေမဲ့ အာဏာလိုချင်တဲ့ Jack ကတော့ စည်းကမ်းတွေကို ဂရုမစိုက်ဘဲ အမဲလိုက်ဖို့နဲ့ ပျော်ပါးဖို့ကိုပဲ ဦးစားပေးတဲ့အတွက် အုပ်စုနှစ်စုကွဲပြီး ပဋိပက္ခတွေ စတင်ပါတော့တယ်။ အချိန်ကြာလာတာနဲ့အမျှ ကလေးတွေရဲ့ ရင်ထဲက လူသားဆန်မှုတွေ ပျောက်ကွယ်ပြီး တဖြည်းဖြည်း ရက်စက်ကြမ်းကြုတ်တဲ့ တောရိုင်းစိတ်တွေ ဝင်လာပုံကို ရင်နင့်ဖွယ် မြင်တွေ့ရမှာပါ။ ဒီကလေးတွေ လူမဲ့ကျွန်းပေါ်ကနေ လွတ်မြောက်သွားနိုင်မလားဆိုတာကိုတော့ ဇာတ်လမ်းထဲမှာပဲဆက်လက်ကြည့်ရှုလိုက်ကြပါဦး။ Size – 1.40GB / 831MB Quality –WEB-DL 1080p HEVC / 720p Episodes -  4 Eps Duration -  57m Subtitle – Myanmar Hardsub Format – mkv /mp4 Genre :  Drama , Thriller

The Bear Lake Murders (2025) IMDb Rating (5.1) Mercedes de la Zerda, Tom Stevens, Blake Williams နဲ့ Magalie တို့က ဦးဆောင်ပါဝင်ထားပါတယ်။ Director ကတော့ Danny J.Boyle ဖြစ်ပါတယ်။ ဘာသာပြန်ရင်း သတိရမိတာကတော့ တရုတ်ပြည်မကြီးတံခါးဖွင့်ဝါဒ စကျင့်သုံးတော့ တိန့်ရှောက်ဖိန် ပြောတဲ့စကားပါ။ "အိမ်ပြတင်းပေါက်ကို ဖွင့်လိုက်ရင် လေကောင်းလေသန့်တွေရသလို ခြင်၊ ယင်၊ အမှိုက်တွေလည်း ဝင်လာနိုင်တယ်" ဆိုတာပါ။ ခရီးသွားဧည့်သည်ဆိုတာလည်း ကျနော့်အမြင်အရ မရှိလည်းကောင်း၊ ရှိလည်းကောင်း ပါပဲ။ ဇာတ်လမ်းအကျဉ်း ကွင်းဆက်လူသတ်သမားတစ်ယောက်ကို တပင်တပန်းလိုက်ဖမ်းခဲ့ရလို့ ခြေကုန်လက်ပမ်းကျနေတဲ့ စုံထောက် အယ်လီ ဟာ အနားယူအားပြန်ဖြည့်ဖို့ ဇာတိမြို့လေးကို မပြန်ချင်ပေမယ့် ပြန်လာခဲ့ပါတယ်။ မပြန်ချင်ရတာကတော့ ဇာတ်လမ်းဟောင်းတွေရှိခဲ့တဲ့ လက်ရှိရဲမှူးကြီး ရွိုင်း၊ စစ်မှုထမ်းဟောင်း မိုင်းလ်စ်တို့နဲ့ မတွေ့ချင်တာကြောင့်ဖြစ်ပါတယ်။ သူ့ရဲ့ဇာတိမြို့လေး "ဝက်ဝံကြီးရေကန်"ကလည်း အပန်းဖြေစခန်းအဖြစ် နာမည်ကျော်လာစဖြစ်လို့ ခရီးသွားတွေ၊ ဘလော့ဂါတွေ ခြေချင်းလိမ်နေပါပြီ။ အယ်လီရောက်ပြီး မကြာခင်မှာပဲ သူမ တပင်တပန်းလိုက်ဖမ်းခဲ့ရတဲ့ ကွင်းဆက်လူသတ်သမားက ထောင်ပြောင်းရင်း ကားမတော်တဆဖြစ်ကာ သူမရဲ့ဇာတိမြို့နားမှာပဲ ပျောက်ဆုံးသွားကြောင်း ကြားရပါတယ်။ မကြာမီမှာပဲ မတော်တဆလိုပုံစံမျိုးတွေနဲ့ လူသတ်မှုတွေ ခပ်စိတ်စိတ်ဖြစ်လာပါတော့တယ်။ အဲဒီအချိန်မှာတော့ အတိတ်ကို အတိတ်မှာထားခဲ့ပြီး စုံထောက် အယ်လီ နဲ့ ရဲမှူး ရွိုင်းတို့ အတူစုံစမ်းကြရာမှ မထင်မှတ်ထားတာတွေ ဖြစ်လာသောအခါ.. (အညွှန်းနဲ့ဘာသာပြန်ကတော့ T Lone ဖြစ်ပါတယ်။) File size…(1.3 GB) / (660 MB) Quality….WEB-Rip 1080p HEVC / 720p Format…. mkv/mp4 Genre….Thriller Duration….01:29:42 Subtitle….Myanmar Subtitle (Hardsub) Encoder….Benjamin Translated by T Lone

Blitz (2024) IMDb Rating (6.3) / Rotten Tomatoes (81%) ဒီဇာတ်လမ်းလေးကတော့ ဒုတိယကမ္ဘာစစ်အတွင်း ဂျာမနီက ဗြိတိန်ကို ‌ဗုံးတွေကြဲခဲ့ချိန်ကို ဇာတ်အိမ်တည်ထားပါတယ်။ ရီတာလို့ အမည်ရတဲ့ အမျိုးသမီးဟာ သူ့ရဲ့ အဖေရယ် သားဖြစ်သူ ဂျော့ဂ်ျရယ်နဲ့ ဘဝကို အေးအတူပူအမျှ ဖြတ်သန်းနေသူပေါ့။ ဒါပေမဲ့ တစ်နေ့တော့ သူတို့နေထိုင်ရာ မြို့လေးဟာ နာဇီတို့ရဲ့ လေကြောင်းကနေ ဗုံးကြဲမဲ့ ပစ်မှတ်တစ်ခုဖြစ်လာခဲ့ပါတယ်။ ဒါကြောင့်မလို့ သားသမီးရှိတဲ့ မိသားစုတွေဟာ ကလေးတွေ ဘေကင်းဖို့အတွက် ကျေးလက်ဒေသဘက်ကို စစ်ရှောင်ဖို့ ပို့ဆောင်ကြရပါတယ်။ ဒီထဲမှာ ရီတာရဲ့ သားလေး ဂျော့ဂ်ျလည်း ပါဝင်ပါတယ်။ ဒါပေမဲ့ ဂျော့ဂ်ျဟာ သူ့အမေနဲ့ပဲ နေချင်သူပါ။ မိခင်နဲ့ ကတောက်ကဆဖြစ်ပြီး ရထားပေါ် ပါသွားတဲ့ ဂျော့ဂ်ျဟာ အမေမှာလိုက်တဲ့ လိမ်လိမ်မာမာနေနော်ဆိုတဲ့ စကားကို နားမထောင်ဘဲ တစ်ကိုယ်တည်း အိမ်ပြန်ဖို့ ကြိုးစားပါတော့တယ်။ ဒီဇာတ်လမ်းမှာ ရီတာအဖြစ် Ladybird, Little Women စတဲ့ နာမည်ကြီး ရုပ်ရှင်တွေမှာ ပါဝင်တဲ့ မင်းသမီးချော Saoirse Ronan က ပါဝင်ထားပါတယ်။ (အညွှန်းနဲ့ဘာသာပြန်ကတော့ Act Molemy ဖြစ်ပါတယ်။) File size…(3.5 GB) / (1.6 GB) / (1 GB) Quality….WEB-DL 4K HEVC / 1080p HEVC / 720p Format…. mkv/mp4 Genre….Action, Drama, History, War Duration….02:00:46 Subtitle….Myanmar Subtitle (Hardsub) Encoder….Benjamin Translated by Act Molemy