Blythe Danner ပါဝင်သော ဇာတ်ကားများ

၂၀၁၉ လောလောလတ်လတ်ထွက်ရှိထားတဲ့ Noir thriller အမျိုးအစားအမေရိကန်ဇာတ်ကားပဲဖြစ်ပါတယ်.. IMDB 5.7/10 ရရှိထားပြီး John Searles ရဲ့ဝတ္ထုကို အသက်သွင်းထားတာဖြစ်ပါတယ် ဇာတ်လမ်းလေးကလည်း တော်တော်ဆန်းပါတယ်... ရော်နီနဲ့ ဖီးလစ်တို့နှစ်ယောက်က ချေ့စ်မိသားစုရဲ့ချစ်စရာသားနှစ်ယောက်ပေါ့ နှစ်ယောက်လုံးကလည်း ငယ်ရွယ်တက်ကြွတဲ့ ဆယ်ကျော်သက်အရွယ် အနာဂတ်အိပ်မက်တွေကိုယ်စီနဲ့ပါ... ဒါပေမယ့် ကံတရားက သူတို့မိသားစုကိုမျက်နှာသာမပေးခဲ့ပါဘူး ရော်နီတစ်ယောက် ကျောင်းကပွဲညမှာပဲ ကားအက်စီးဒန့်ဖြစ်ပြီး ဆုံးပါးသွားခဲ့ပါတယ်... ရော်နီဆုံးပါးပြီး ငါးနှစ်အကြာမှာ သူတို့မိသားစုလေးဟာ ပြိုကွဲပျက်စီးခဲ့ပါပြီ... အဲ့အချိန်မှာပဲ ရော်နီ့အမေအိမ်ကို ရော်နီသိပ်ချစ်ခဲ့ရတဲ့ချစ်သူ မယ်လီဆာမူဒီတစ်ယောက် ရောက်ချလာပြီး သူ့ဗိုက်ထဲကကလေးဟာ ရော်နီ့ကလေးပါလို့အခိုင်အမာဆိုလာတဲ့အခါမှာတော့... ထင်မှတ်မထားတဲ့ plot twist တွေ ကောင်းမွန်တဲ့ သရုပ်ဆောင်ချက်တွေနဲ့မို့လို့ ကြည့်ရှုခံစားကြည့်ဖို့ တိုက်တွန်းလိုက်ရပါတယ် Translated & Review By May Myat Thu Encoded  By LK

I'll See You in My Dreams (2015) IMDb Rating (6.7) / Rotten Tomatoes (94%) ဒီတစ်ခါညွှန်းပေးမယ့်ဇာတ်ကားကတော့ အမ်မီဆုကိုနှစ်ခါတိုင်တိုင်ရရှိထားတဲ့ ဝါရင့်မင်းသမီး Blythe Danner နဲ့ boomers များခေတ်တုန်းက နာမည်ကြီး ရုပ်ရှင်မင်းသား ဇာတ်ညွှန်းရေးဆရာဖြစ်တဲ့ Sam Elliot တို့က ဇာတ်ဆောင်နေနဲ့ပါဝင်သရုပ်ဆောင်ထားတဲ့ Old but Gold ဇာတ်ကားတစ်ကားပဲဖြစ်ပါတယ်။ ဇာတ်အိမ်ကိုတော့ ခင်ပွန်းဆုံးသွားတဲ့ အမျိုးသမီးတစ်ယောက် ၁၀စုနှစ် နှစ်ခုကြာအောင်​အေးချမ်းနေခဲ့ပေမယ့်လည်း သူငယ်ချင်းတွေရဲ့တွန်းအားပေးမှုကြောင့် တဖန်အချစ်ကိုပြန်လည်သက်ဝင်ခံစားတတ်လာပုံကို ဖော်ကျူးထားတဲ့ လွမ်းဆွေးဖွယ် အချစ်ရုပ်ရှင်ကားတစ်ကား ဖြစ်ပါတယ်။ ဇာတ်လမ်းနောက်ခံ ကာရိုးပီတာဆန်ဆိုတဲ့ သူဟာ သူ့ရဲ့ခင်ပွန်းဘီလ် လေယာဉ်မတော်တဆမှုနဲ့ဆုံးပါးသွားပြီးကတည်းက သမီးကလည်း အခြားမြို့မှာအလုပ်လုပ်နေတဲ့အလျောက် အိမ်မွေးတိရစ္ဆာန်ခွေလေးနဲ့ပဲ ဆယ်စုနှစ်တစ်ခုကျော်ကြာအောင် အဖော်ပြုခဲ့ရတာပါ။ ဒါပေမဲ့ စိတ်မကောင်းစွာနဲ့ ကာရိုးရဲ့ခွေးလေးဟာ ​ခွေးတွေရဲ့သဘာဝအတိုင်း ဆယ်စုနှစ်တစ်ခုကျော်လာရင် အသက်အရွယ်အိုမင်းလာတာဖြစ်တဲ့အတွက် ပိုင်ရှင် ကာရိုးကိုယ်တိုင် ဇိဝိန်ခြွပေးဖို့ဖြစ်လာခဲ့ပါတယ်။ ဒီလိုနဲ့ တွယ်တာရာမရှိတော့တဲ့ ကာရိုးဟာ သူ့ရဲ့အိမ်နီးချင်းသူငယ်ချင်း အဘွားကြီးတွေကပဲ သူ့ကို အပေါင်းအသင်းဝင်ဆံ့အောင်လုပ်ပေးပြီး အထီးမကျန်ရအောင်လုပ်နေခဲ့တာပါ။ တစ်နေ့မှာတော့ ကာရိုးဟာ စူပါမားကတ်ကိုသွားတဲ့အချိန်မှာ ဘေလ်ဆိုတဲ့လူတစ်ယောက်နဲ့တွေ့ခဲ့ပါတယ်။ အမှတ်မထင်တွေ့ဆုံလိုက်ပေမယ့် ကံဆုံလာတဲ့အခါမှတော့ နှစ်ယောက်သားရေစက်ဆုံဖို့ အကြောင်းဖန်လာပါတယ်။ ဒီလိုနဲ့ ကာရိုးတစ်ယောက် အသက်ကြီးလာတဲ့အခါမှ အချစ်သစ်ကို တဖန်ဘယ်လိုသက်ဝင်ခံစားမလဲဆိုတာကို ဒီဇာတ်ကားထဲမှာ ရှုမြင်ခံစားရမှာပဲဖြစ်ပါတယ်။ File size… (1.3 GB) / (740 MB) Quality…. Blu-Ray 1080p HEVC / 720p Format…. mkv/mp4 Genre…. Comedy,Drama Duration…. 01:36:48 Subtitle…. Myanmar Subtitle (Hardsub)

The Lucky One (2012) IMDb - 6.5/10 ရိုမန်တစ်ဆန်ချင်တဲ့ RS တွေနဲ့ ကြည့်ပြီး အားကျချင်တဲ့ FA တွေအတွက် နာမည်ကြီး Romance ရုပ်ရှင်ကားတစ်ကားကို တင်ဆက်ပေးလိုက်ပါပြီ။ The Lucky One ရုပ်ရှင်ဟာ နာမည်ကျော်အချစ်ဝတ္ထုရေးဆရာကြီး Nicholas Sparks ရဲ့ The Lucky One ဆိုတဲ့ဝတ္ထုကို ပြန်လည်ရိုက်ကူးထားတာဖြစ်ပါတယ်။ ဒီရုပ်ရှင်ဟာ အထူးသဖြင့် လူငယ်မိန်းကလေးများကြားမှာ အတော်လေးရေပန်းစားပြီး တော်တော်များများလဲသိကြတဲ့ ရုပ်ရှင်ကားတစ်ကားဖြစ်ပါတယ်။ ဇာတ်လမ်းအကျဉ်းကိုပြောရမယ်ဆိုရင်တော့ လိုဂန်ဟာ အီရတ်မှာ စစ်မှုထမ်းနေတုန်း မိန်းမချောတစ်ယောက်ရဲ့ဓာတ်ပုံကို ရှာတွေ့ခဲ့ပါတယ်။ စစ်ထဲမှာ သူ့ရဲ့သူငယ်ချင်းတွေ သေဆုံးသွားခဲ့လို့ စိတ်ထိခိုက်နေခဲ့ပြီး စိတ်ကူးတည့်ရာလျှောက်လုပ်ရင်း ဒီဓာတ်ပုံထဲက မိန်းကလေးကို လိုက်ရှာဖို့ကြိုးစားပါတော့တယ်။ ဓာတ်ပုံထဲက ကောင်မလေးကို သူတစ်ခါမှလဲမမြင်ဖူးသလို နာမည်တောင်မသိပါဘူး။ သူ့မှာ ဒီမိန်းကလေးနဲ့ပတ်သက်တာဆိုလို့ ဒီဓာတ်ပုံတစ်ပုံထဲရှိတာပါ။ ဓာတ်ပုံတစ်ပုံကနေ လိုဂန်တစ်ယောက် ကောင်မလေးကိုဘယ်လိုရှာမလဲ၊ ရှာတွေ့ရင်ရော ကောင်မလေးရဲ့အခြေအနေက ဘယ်လိုမျိုးလဲ၊ ဘာအခက်အခဲတွေကြုံတွေ့ရနိုင်မလဲဆိုတာတော့ ဇာတ်လမ်းထဲမှာ ဆက်လက်စီးမျောရင်း ခံစားလိုက်ကြပါ။ နှုတ်ခမ်းနီမလေးတွေရဲ့ အသည်းစွဲ Zac Efron က လိုဂန်အဖြစ်သရုပ်ဆောင်ထားတာဖြစ်ပြီး မင်းသမီးကလဲ အလှအပလေးဖြစ်တာကြောင့်အမျိုးသမီးထုကြီးရော အမျိုးသားထုကြီးပါ လက်မလွှတ်တမ်း ဘူးသင့် အဲလေ ကြည့်သင့်တဲ့ရုပ်ရှင်ကားကောင်းတစ်ကောင်းဖြစ်ပါတယ်။ (ဘာသာပြန်ပေးထားသူကတော့ မမ မေမြတ်သူပါ) File Size : (902 MB) Quality : Blu-Ray 720p Running Time : 1hr 41min Format : Mp4 Genre :Drama, Romance Subtitle : Myanmar Subtitle (Hard Sub) Source : 1080p.BluRay.X264-AMIABLE Translated by May Myat Thu Encoded by Thanhtike Zaw

What’s Your Number?(2011) “ဘဝတစ်လျှောက် ပျှမ်းမျှချစ်သူအရေအတွက် 10.5 ဆိုတာ နည်းတာပေါ့” ဒီစကားကိုပြောခဲ့တဲ့လူကတော့ မဘဲစီမလေးအယ်လီပါပဲ။ ဒါပေမဲ့ အယ်လီတစ်ယောက် ဘဲတွေမှိုလိုပေါက်ရတာ အယ်လီအပြစ်ရယ်တော့လည်းမဟုတ်ပါဘူး။ ဘဲတွေက ထစ်ချုန်းမိုးလို ရေနံတူးဖို့လောက်သာ စိတ်အားထက်သန်ပြီးရင် ပျောက်ပျောက်သွားတာကြောင့်ရယ်ပါ။ ဒါပေမဲ့ ပလေးဂဲလေးအယ်လီတစ်ယောက် ဒါကိုစိတ်ထဲ အလေးအနက်မထားပါဘူး သူပလေးကိုယ်ပလေး ဝမ်းဂိုး တူးကမ်း သရီးရယ်ဒီလုပ်နေခဲ့တာပေါ့။ ဒါပေမဲ့ နောက်ဆုံးဘဲဘဲလေးရစ်ခ်ကျမှ အမေတွေနဲ့မိတ်ဆက်ပေးဖို့ ကြံရွယ်ပြီးမှ ထုံးစံအတိုင်း ရေနံမင်းသားလေးက ဘိုင့်ဘိုင့်လုပ်သွားတဲ့အပြင် နေရင်းထိုင်ရင်းအလုပ်ကပါ သူ့ကိုပဲကွက်ပြီးလူလျှော့ပါသတဲ့။ ဘဲရောအလုပ်ရှင်ကပါ ရင်ဝဆောင့်ကန်တာခံရတဲ့ အယ်လီတစ်ယောက် အလုပ်ကနေ ပစ္စည်းသိမ်း ပုံးလေးကိုင်လို့ရထားစီးရင်းနဲ့ “What’s your number”ဆိုတဲ့ ဆောင်းပါးတစ်ပုဒ်ကိုဖတ်မိပါတော့တယ်။ ဒီဆောင်းပါးလေးက ဘဲစီတော့ဘာဖြစ်လဲ You only live once ဆိုတဲ့အယ်လီကို အကြီးအကျယ်တုန်လှုပ်သွားစေပါသတဲ့။ ဘာဖြစ်လို့လဲဆိုတော့ ဆောင်းပါးထဲမှာ တစ်နိုင်ငံလုံးမှာရှိတဲ့ အမျိုးသမီးတွေရဲ့ ပျှမ်းမျှချစ်သူအရေအတွက်က ၁၀.၅ ဖြစ်ပြီး အယောက် ၂၀ နဲ့အထက်ဆို လင်မရတော့ဘူးလို့ စစ်တမ်းနဲ့အခိုင်အမာပြောထားလို့ပါပဲ။ ဘဲတွေမှိုလိုပေါက်ပေမဲ့ လင်တော့လိုချင်ရှာသေးတဲ့အယ်လီတစ်ယောက် exတွေတွက်ကြည့်တော့လည်း 19 ယောက်ဖြစ်နေတဲ့အခါမှာတော့… အယောက် 20 ကျော်ရင် လင်မရဘူးဆိုတဲ့စကားအပေါ်ကို အကြီးအကျယ်စိတ်စွဲနေရင်းနဲ့ နဂိုထဲက messed up love lifeမှာ အယ်လီတစ်ယောက် ဘာတွေလျှောက်လုပ်လို့ ဘယ်လိုတလွဲတချော်တွေလာဦးမလဲ။ မဘဲစီလိုပဲ စော်လိုက်လို့ပြေးနေရတဲ့ မောင်စော်ကြည်ကောလင်နဲ့ရော ဘယ်လိုဖူးစာဆုံမလဲ။ သူသံဓိဌာန်ချထားတဲ့ အယောက် 20 မြောက်လူဟာ သူရဲ့ဖူးစာရှင်ဆိုတဲ့စကားကိုရော တည်အောင်လုပ်နိုင်ပါ့မလားဆိုတာကို အတူတူကြည့်ရှုလိုက်ရအောင်ပါ။ Sexiest man alive ဆိုပြီး ပျိုမေတွေကိုပြုစားနေပြီး sold outသတင်းနဲ့ သစ်စိမ်းချိုးချိုးသွားတဲ့ Chris Evansရဲ့ Good reviewတွေပိုင်ဆိုင်ထားတဲ့ comedy romance ကားကောင်းလေးဖြစ်တာမလို့ ကြည့်ရှုခံစားရင်း ရယ်မောနိုင်ကြဖို့ တင်ဆက်ပေးလိုက်ပါတယ်။ File Size : (2.7GB)(1.1 GB) and (380 MB) Quality : Blu-Ray 1080p,720p Format…mp4 Duration…01:46:00 Genre : Comedy , Romance Subtitle : Myanmar Subtitle (Hard Sub) Translated by Jane Encoded by Phyo Pyae

CM ပရိတ်သတ်အတွက် ဒီတခေါက်တင်ဆက်ပေးချင်တဲ့ ဇာတ်လမ်းကတော့ "Paul" ဖြစ်ပါတယ်... ဒီဇာတ်လမ်းကတော့ 2011 က ထွက်ရှိခဲ့တာဖြစ်ပါတယ်... လူတိုင်းမှာ ဝါသနာအမျိုးမျိုးရှိပါတယ်.. သီချင်းဆိုတာစိတ်ဝင်စားတာ.. ကွန်ပြူတာစိတ်ဝင်စားတာ...စသဖြင့် ဝါသနာကိုယ်စီရှိကြပါတယ်... ကလိုက်ဗ် နဲ့ ဂရမ်းဆိုတဲ့ သူငယ်ချင်းနှစ်ယောက်ကတော့ ဂြိုဟ်သားရှိတာကိုယုံကြည်ပြီး ဂြိုဟ်တွေအကြောင်းကို စိတ်ဝင်စားကြပါတယ်.. ဝါသနာတူသူငယ်ချင်းနှစ်ယောက်အမေရိကန်မှာကျင်းပတဲ့ သိပ္ပံရုပ်ပြပွဲကို သွားချိန်မှာဇာတ်လမ်းစတော့တာပါပဲ.... သူတို့နှစ်ယောက်ဟာ ဥက္ကာပျံတွေပျက်ကျတယ်ဆိုပြီး လူသိများတဲ့ နေရာတစ်ခုကို သွားရောက်လည်ပတ်ခဲ့ကြပါတယ်.. အဲ့အချိန် Paul လို့ အမည်ရတဲ့ ဂြိုဟ်သားဟာ FBI ကနေ ထွက်ပြေးလာချိန်ဖြစ်ပါတယ်... Paul ဟာ လွန်ခဲ့တဲ့ နှစ် ၆၀ လောက်တည်းက ကမ္ဘာမြေပေါ်ယာဉ်ပျက်ကျကာ အစိုးရခိုင်းစေတဲ့ တာဝန်တွေကို အကြံပေးနေရသူပါ... တစ်နေ့ သူ့ကိုသတ်မယ်ဆိုတဲ့ သတင်းကြားပြီးနောက် ထွက်ပြေးတိမ်းရှောင်ရပါတော့တယ်... Paul ဟာ ဂရမ်း ကလိုက်ဗ်တို့နဲ့ ပတ်ပင်းတိုးပါတော့တယ်... သူငယ်ချင်းနှစ်ယောက်ဟာ Paul ကို သူ့နေရပ်ကို ပြန်နိုင်ဖို့ ကူညီပေးခဲ့ပါတယ်... ဒီအပြန်ခရီးမှာတော့ ကြုံရတဲ့အလွဲတွေ.. ဟာသနှောထားတဲ့ အဖြစ်အပျက်လေးတွေ..FBI ရဲ့ အနှောင့်အယှက်တွေ ဖြတ်ကျော်ပုံတွေကို စိတ်လှုပ်ရှားဖွယ်ကြည့်ရှုရမှာဖြစ်ပါတယ်... ဒီဇာတ်လမ်းကို ကြည့်ပြီးချိန်မှာအတွေးတစ်ခုတော့ရလာမှာပါ... CM ပရိတ်သတ်ကကော ဂြိုဟ်သားရှိတာကို ယုံလား... ဂြိုဟ်သားပုံစံတွေကကော ဘယ်ကရလာတာလဲ သိပ္ပံပညာရှင်တွေစိတ်ကူးယဉ်သက်သက်ဆွဲထားတာလား... ဇာတ်လမ်းထဲက မင်းသမီး ရုသ် ပြောသလို ဘုရားသခင်ဖန်ဆင်းထားတဲ့ ကမ္ဘာမြေတစ်ခုတည်းရှိတာလား... ဂြိုဟ်သားဇာတ်လမ်းမျိုးစိတ်ဝင်စားတဲ့ ပရိတ်သတ်ကတော့ ဒီဇာတ်လမ်းလေးကို နှစ်ခြိုက်မယ်လို့ အာမခံပါတယ်... ကြည့်ရှုခံစားကြပါဦး File Size : (900 MB) and (344 MB) Quality : Blu-Ray 720p Running Time : 1hr 44min Format : Mp4 Genre :Adventure, Comedy, Sci-Fi Subtitle : Myanmar Subtitle (Hard Sub) Source : 1080p.BluRay.x264.AC3-ETRG Translated by May Haruko Encoded by Thanhtike Zaw

Detachment (2011) ~ IMDb - 7.7/10, Rotten Tomatoes - 59% ~ Detachment ရဲ့ အဓိကဇာတ်ကောင်က Adrien Brody သရုပ်ဆောင်တဲ့ အစားထိုးဆရာ ဟင်နရီဘတ်ပဲ။ သူ့အလုပ်က အမြဲတမ်းဆရာလစ်လပ်နေတဲ့ ကျောင်းတွေမှာ အစားထိုးဆရာ ခဏဝင်လုပ်၊ ကျောင်းက အမြဲတမ်းဆရာရသွားတဲ့အချိန် နောက်တစ်ကျောင်းကိုကူး။ ဒီလိုပဲရှင်သန်လာခဲ့တဲ့သူ။ သူ့မှာ တွယ်ငြိရမယ့်သူ သူနဲ့သက်ဆိုင်နေတဲ့သူဆိုလို့လည်း သူ့အဘိုးတစ်ယောက်ပဲရှိတယ်။ သူ့အဖေက သူမွေးကင်းစကတည်းက သူတို့သားအမိကို ပစ်သွားခဲ့ပြီး သူ့အမေကလည်း သူရှစ်နှစ်လောက်မှာတင် ဆုံးသွားသကိုး။ ဆိုတော့ အလုပ်လုပ်လိုက် သူ့အဘိုးရှိတဲ့ လူအိုရုံကိုသွားလိုက် သူ့ဘဝက ဒါပဲ။ ဒီတစ်ခါ သူအစားထိုးဆရာ ဝင်လုပ်ပေးရမယ့်ကျောင်းက တစ်နယ်လုံးမှာ နာမည်အပျက်ဆုံးကျောင်း။ ကျောင်းသူကျောင်းသားတွေကလည်း ဆရာကိုထဆဲတဲ့ကောင်နဲ့ ဆရာမကို Gang Bang မယ်ပြောတဲ့သူနဲ့ တကယ့်အလိမ္မာတုံးလေးတွေချည်းပဲ။ ဒီလိုကျောင်းကို ဟင်နရီဘတ်ရောက်သွားတယ်။ ဒီကျောင်းသားဆိုးတွေကြားမှာ သိပ်မဆိုးတဲ့ ကျောင်းသူတစ်ယောက်ရှိတယ်။ ဒီကားရဲ့ ဒါရိုက်တာ Tony Kaye ရဲ့သမီး Betty Kaye သရုပ်ဆောင်တဲ့ မာရီဒစ်လို့ခေါ်တဲ့ ကျောင်းသူ။ သူက ကျန်တဲ့ကလေးတွေ စကားနဲ့အနိုင်ကျင့်တာကို ခံနေရတဲ့သူလည်းဟုတ်တယ်။ ကျောင်းသားတွေစော်ကားတာခံနေရတာကို ဘာမှမတုံ့ပြန်တဲ့ ဘတ်ကို မာရီဒစ်က ကျွန်မရှင့်လိုသန်မာချင်လိုက်တာလို့ပြောတော့ "သန်မာတာနဲ့ မဆိုင်ဘူး... မင်းကို အခုလိုဖိနှိပ်မယ့်လူတွေကို ဘယ်အရွယ်ပဲရောက်ရောက်တွေ့နေရဦးမှာပဲ... မင်းစိတ်ကို ဒုတိယကမ္ဘာစစ်က ကတုတ်ကျင်းလို ခိုင်မာနေအောင်လုပ်ထားဖို့လိုတယ်... " လို့ ဘတ်က ပြန်ပြောခဲ့တယ်။ နောက်ဇာတ်ကောင်က အဲရစ်ကာလို့ခေါ်တဲ့ ကလေးမလေး။ ငယ်ပေမဲ့ အားကိုးအားထားမရှိတော့‌ ပြည့်တန်ဆာလုပ်စားနေတာ။ ဘတ်က ဒီကလေးမလေးကို ဘတ်စ်ကားပေါ်မှာ စတွေ့တာ။ လုပ်ပြီး ပိုက်ဆံမပေးဘဲ အထိုးခံ အနိုင်ကျင့်ခံနေရတာကို သူစတွေ့ခဲ့တယ်။ သူက ဒီကလေးမကို ဒီဘဝက ရုန်းထွက်နိုင်အောင် ကူညီပေးချင်ခဲ့တယ်။ ဒီအချက်တွေကို ကြည့်ရင် ဘတ်ဟာ လူကောင်းလို့ ကျွန်တာ်တို့ ယူဆလို့ရတယ်။ နောက်တစ်ခြမ်းကို ဆက်သွားရရင် ဘတ်ဟာ ဖိနှိပ်ခံတစ်ယောက်လို့ ကျွန်တော်တို့ ယူဆလို့ရလို့ သူဟာ ဖိနှိပ်ခံလူတန်းစားတွေကို ကောင်းကောင်းနားလည်တာလို့ ပြောလို့ရတယ်။ ဒါပေမဲ့ သူ့အဘိုး အိမ်သာထဲ လော့ချထားပြီး ထွက်မလာလို့ ဘယ်လိုမှခေါ်မရလို့ ဂေဟာက မိန်းမက သူ့ကိုဖုန်းဆက်တော့ သူညကြီးမင်းကြီးဂေဟာကို လိုက်သွားလိုက်ရတယ်။ ဒီလိုလိုက်သွားလိုက်တဲ့အချိန်မှာ ဂေဟာက အမျိုးသမီးကို သူ့ကိုအလုပ်ရှုပ်အောင်လုပ်လို့ဆိုပြီး ရစရာမရှိအောင်ကိုပြောခဲ့တယ်။ အောက်ဆုံးထိုးကျနေတဲ့ မျက်လုံးတွေနဲ့ အမျိုးသမီးကို သူနည်းနည်းမှမညာခဲ့ဘူး။ ရှေ့မှာ ဘတ်ဟာ စိတ်ကို ကတုတ်ကျင်းလို ခိုင်မာနေအောင်ထားဖို့လိုတယ်လို့ပြောခဲ့ပေမဲ့ တကယ်တမ်း ဘတ်ဟာ စာသင်ချိန်ပြင်ပ သူ့ဘဝမှာ အမြဲတမ်း ရီဝေနေတဲ့မျက်လုံးတွေနဲ့ မှုန်ရီနေတဲ့သူပဲ။ နောက်ပိုင်း ဘတ်ဟာ မာရီဒစ်အတွက် မိတ်ဆွေအဖြစ် ရှိနေပေးခဲ့တဲ့ သူ့ဖြစ်တည်မှုကို ကျောခိုင်းခဲ့သလို အဲရစ်ကာအတွက် ဒိုင်းသဖွယ်ဖြစ်နေပေးတဲ့ သူဖြစ်တည်မှုကိုလည်း‌ ကျောခိုင်းခဲ့တယ်။ ဒီမှာ ဘတ်ဟာ လူကောင်းမဟုတ်ဘူးလို့ ကျွန်တော်တို့ ယူဆလိုက်လို့ရပြန်တယ်။ ဒါက အကုန်တော့ မဟုတ်သေးတဲ့ ဟင်နရီဘတ်ကာရိုက်တာကို ပုံဖော်ထားတဲ့ တစ်စိတ်တစ်ပိုင်းပါပဲ။ ဘာလို့ သူ့ကောင်းခြင်းမကောင်းခြင်းနဲ့ သူ့အကြောင်းပြောနေရသလဲဆို ဒီဇာတ်တစ်ခုလုံးက ဟင်နရီဘတ်စ် အဲဒီကျောင်းမှာ အစားထိုးဆရာဝင်လုပ်ခဲ့တဲ့တစ်လမှာ သူမြင်နေရတဲ့ဆရာတွေ ကျောင်းသားတွေရဲ့ ဖြစ်တည်မှုတွေကနေ သူ့ဖြစ်တည်မှုကို လာထင်ဟပ်သွားတဲ့အကြောင်းမလို့ပဲ။ အဲဒီလိုထပ်ဟပ်တာကို ပိုအသက်ဝင်အောင်လည်း ဇာတ်ဝင်ခန်းသိပ်မပါလှပေမဲ့ သူ့ဘေးကလူတွေကို သရုပ်ဆောင်ကောင်းတဲ့ လူတွေချည်းသုံးပေးထားတယ်။ James Caan, Bryan Cranston, Lucy Liu, Christina Hendricks နဲ့ Maricia Gay Harden တို့လို လူတွေပေါ့။ ဒီလူတွေရဲ့ ရိုက်ခတ်မှုနဲ့ ဟင်နရီဘတ်ဟာ သူ့ဖြစ်တည်မှုကနေ သူရွေ့လျောသွားတယ်။ ဇာတ်ရဲ့အစမှာ သုံးထားတဲ့ ကမြူးရဲ့ စာအတိုင်းပဲ ဟင်နရီဘတ်ဟာ ဒီအရာအားလုံးဟာ သူနဲ့ဆိုင်နေသလို ခံစားရရင်းမှာပဲ အရာအားလုံးဟာ သူနဲ့မဆိုင်နေသလိုပါ ခံစားလာရတယ်။ Attachment တွေအားလုံး Detachment ဖြစ်သွားတယ်။ အဲဒီအကျိုးဆက်တွေကိုလည်း သူကြုံခဲ့ရတယ်။ သူ့ကိုယ်သူ ပျောက်ဆုံးသွားခဲ့တယ်။ ဒီလိုဆိုလို့ ဒီရုပ်ရှင်မှာ အဖြေတစ်ခုခုရှိနေမယ် မက်ဆေ့တစ်ခုခုရှိနေမယ်ထင်ရင်လည်း မှားမှာပဲ။ ဘာအဖြေမှမပါတဲ့ တင်ပြသွားခြင်းသက်သက်ပဲ။ သူပြောခဲ့သလိုပဲ ဒါတွေက အခုမှရှိနေတဲ့အရာတွေလည်း မဟုတ်ဘူး။ ခန်းမထဲမှာပဲဖြစ်ဖြစ် အတန်းထဲမှာပဲဖြစ်ဖြစ် လမ်းလျှောက်နေရင်း မင်းတို့ထဲက ဘယ်သူတွေ မင်းတို့ကို ဖိနှိပ်ထားတဲ့ အလေးချိန်ကို ခံစားမိကြလဲလို့ အတန်းထဲ သူပြောခဲ့တုန်းကလိုပဲ အားလုံးလက်ထောင်တယ်။ သူကိုယ်တိုင်လည်း လက်ထောင်တယ်။ ကျွန်တော်တို့လည်း လက်ထောင်ရမှာပဲ။ ကိုယ့်ဖြစ်တည်မှုကိုကိုယ်မတွေ့ဘဲ မမြင်နိုင်တဲ့အလေးချိန်တစ်ခုကသာ ဖိနှိပ်ထားတဲ့ ခံစားချက်မျိုး လူတိုင်းနီးပါး ခံစားဖူးကြမှာပဲ။ သူ့စကားအတိုင်းပေါ့။ အဂ္ဂါအယ်လန်ပိုးက ဒီအကြောင်းတွေကို လွန်ခဲ့တဲ့အနှစ်တစ်ရာကတည်းက ရေးပြီးသား။ ပိုးရဲ့ ဝတ္တုတိုထဲက အက်ရှာအိမ်တော်ကြီးဟာ ရဲတိုက်ဟောင်းကြီးသက်သက်မဟုတ်ဘူး။ ဖြစ်တည်မှုရဲ့ နိမိတ်ပုံတစ်ခု။ အက်ရှာအိမ်တော်ကြီးအကြောင်းဟာ တစ်စစီပြိုလဲနေတဲ့ ဖြစ်တည်မှုတစ်ခုအကြောင်း ဖြစ်ကောင်းဖြစ်လိမ့်မယ်။ Detachment ဟာလည်း တစ်စစီပြိုလဲနေတဲ့ ဖြစ်တည်မှုတစ်ခုအကြောင်း ဖြစ်ကောင်းဖြစ်နိုင်တယ်။ ဒီဇာတ်လမ်းရဲ့အဆုံးမှာတော့ တူညီတဲ့နှလုံးသားတစ်ခုဟာ တဆစ်ဆစ်ကိုက်နေမှာပဲ။ "တိမ်တွေ ကောင်းကင်နံရံမှာ နိမ့်ပါးစွာတွဲလျောင်းကျနေတဲ့ ဆောင်းဦးရဲ့ မှောင်မဲတိတ်ဆိတ် မှုန်မှိုင်းတဲ့နေ့တစ်နေ့မှာ မြင်းတစ်ကောင်ကိုစီးရင်း ကျေးလက်ရဲ့ မသာမယာလမ်းကြောတစ်ခုပေါ် တစ်ကိုယ်ရေတည်း ဖြတ်လာခဲ့တယ်။ ညနေခင်းရဲ့ ဆည်းဆာမှာ အရိပ်ထင်လာတဲ့အခါ လွမ်းညှို့ဖွယ်အက်ရှာအိမ်တော်ရဲ့ မြင်ကွင်းကို ငါမြင်နေရတယ်။ ဘာကြောင့်လဲ ငါမသိပေမဲ့ အက်ရှာအိမ်တော်ကြီးကို ပထမဆုံးရိပ်ခနဲမြင်လိုက်တဲ့အချိန် မခံရပ်နိုင်စရာ အဆွေးဓာတ်က ငါ့သန္တာန်မှာ လွှမ်းသွားတယ်။ အရောင်အဆင်းမရှိတော့တဲ့နံရံတွေကို... ဆွေးမြေ့ပြီးတဲ့သစ်ပင်တွေရဲ့ ပင်စည်ဖြူဖြူတွေကို... အက်ရှာအိမ်တော်ကြီးရဲ့မြင်ကွင်းကို... အကြွင်းမဲ့ပြိုလဲနေတဲ့ စိတ်နဲ့ သုန်မှုန်ရီ ငါငေးကြည့်မိတယ်။ အဲဒီမှာ နှလုံးသားတစ်ခုဟာ စက်ဆုပ်စဖွယ် အေးစက်သိမ်ငယ်နေတယ်..." စာကြွင်း။ ။ ဒါရိုက်တာ Tony Kaye ဟာ American History X ဆိုတဲ့ ပွဲဦးထွက်ရုပ်ရှင်နဲ့ ဟောလိဝုဒ်မှာ အောင်မြင်မှုရပြီးတဲ့နောက် ၂၀၀၆မှာမှ Lake of Fire ဆိုတဲ့ ဒိုကူမန်ထရီကို ပြန်ရိုက်ခဲ့တယ်။ အဲဒီနောက် American History X နောက်ပိုင်း ၁၅နှစ်နီးနီးကြာပြီး ၂၀၁၁မှာမှ သူရဲ့ ဒုတိယရုပ်ရှင် Detachment ကို ရိုက်ခဲ့တယ်။ အခု ၂၀၂၄အထိတော့ ဘာဆိုဘာမှ ထွက်မလာသေးဘူး။ ဒါပေမဲ့လည်း Tony Kaye ဟာ အတော်ဆုံး ဒါရိုက်တာတွေထဲက တစ်ယောက်လို့ပြောရမယ်။ သူရိုက်ခဲ့တဲ့ အနုပညာ ၃ခုလုံးက ပြစ်ချက်ပြောစရာမရှိလောက်အောင် ကောင်းလွန်းနေခဲ့တယ်။ နှမြောစရာကောင်းတာကတော့ အခု သူ့အသက်၇၁ထိမှာမှ သူ့ရုပ်ရှင်ဆိုလို့ ၂ကားပဲ တွေ့ရသေးတာပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.1GB, 1.05GB Quality - 1080p, 720p IMDb Rating - 7.7/10 Format - mp4 Duration - 1H 38Min Genre - Drama Subtitle - Myanmar Subtitle (Hardsub) Translated by WiRa Aung Encoded by Y

Little Fockers (2010) ရုပ်ရှင်အညွှန်း သားမက် နဲ့ ယောက္ခထီးဆိုတာ များသောအားဖြင့်မတည့်ကြတာ များပါတယ် တည့်ပြန်ရင်လည်း သားမက်ဘက်ကနေ သည်းခံရတဲ့အပိုင်း‌တွေ ယောက္ခထီး အထင်ကြီးအောင်လို့လုပ်ယူနေရတဲ့အပိုင်းတွေရှိတာပါပဲ ဒီဇာတ်လမ်းကလည်း သားမက်နဲ့ ယောက္ခမ ကြားက အလွဲအချော်တွေ အထင်လွဲတာတွေကိုမှ အတည်ပေါက်ဟာသလေးတွေနှောပြီး ရိုက်ထားတဲ့ Meet The Parents trilogy ရဲ့ နောက်ဆုံး ရုပ်ရှင်ပဲဖြစ်ပါတယ် နောက်ဆုံး ရုပ်ရှင်ဖြစ်သလို အခွီရဆုံးလည်းဖြစ်မှာပါ မင်းသားကြီး Robert De Niro နဲ့ Ben Stiller တို့ရဲ့ bromance တွေ Dramatic moments တွေကို ပိုမြင်ရမယ့် အပိုင်းဆိုလည်း မမှားပါဘူး အဲ ယောက္ခထီးနဲ့ သားမက်ရဲ့ လက်ရုံးရည်ချင်းယှဉ်ကြတဲ့ အခန်းတွေလည်းပါသေးတယ်နော် ဇာတ်လမ်းကတော့ ဂရက်နဲ့ ပမ်နဲ့ လက်ထပ်ပြီးတဲ့ နောက် သားလေးတစ်ယောက် သမီးလေးတစ်ယောက် ဆိုပြီး အမြွှာနှစ်ယောက်ရခဲ့ပါတယ် ကလေးရပြီးတဲ့နောက်ပိုင်းမှာ သူတို့ အိမ်ထောင်ရေးအခြေအနေက အရင်လိုသာယာနိုင်ဦးမလား ဘယ်လိုအနှောင့်အယှက်တွေရှိလာဦးမလဲ ဂျက် ကလည်း သူတို့‌မြေးလေးနှစ်ယောက်ရဲ့ ငါးနှစ်ပြည့်မွေးနေ့ပါတီအတွက်အိမ်အလည်လာရင်းနဲ့ ဂရက်ရဲ့ တလွဲတချော်တွေကို ဘယ်လိုအထင်လွဲမိပြီး ဘယ်လို ပြန်အဆင်ပြေသွားမလဲ ဆိုတာ ကြည့်ရှုခံစားရမှာပါ (ဘာသာပြန်ပြီး အညွှန်းရေးသားထားသူကတော့ Thura Heinပဲ ဖြစ်ပါတယ်) File Size__(1.75GB) / (950MB) Quality__1080p, 720p IMDb Rating__5.5/10 Format__mp4 Duration__01:38:00 Type__Comedy, Romance Subtitle__Myanmar Subtitle (Hardsub) Translated by Thura Hein Encoded by Naing Aung Latt

ကဲကဲ Meet The Parents ကြည့်ပြီးတဲ့နောက် အများစု မျှော်လင့်နေကြလောက်မယ့် Meet The Fockers လေး လာပါပြီဗျ ။ ပထမတစ်ကားမှာ အလွဲလွဲအချော်ချော်ဖြစ်ပြီး ရယ်ခဲ့ရသလိုမျိုးပဲ အခုကားကလည်း အဲ့ဒီထက် နှစ်ဆ လောက် ထပ်ပြီး ပါးစပ်မပိတ်နိုင်ဘဲ ရယ်နေရမယ် ဆိုတာ အာမခံပါတယ်ဗျာ ဇာတ်လမ်းကတော့ Meet The Parents မှာ ဂျက်ရဲ့ ယုံကြည်မှုစည်းဝိုင်းထဲကို ပြန်ရောက်ခဲ့တဲ့ ဂေး လော့ဒ် တစ်ယောက် ဂျက်ကို သူ့မိဘတွေနဲ့ တွေ့ဆုံဖို့ မိုင်ယာမီအထိ ခေါ်သွားရပါတေါ့တယ် အဲ့လိုနဲ့ နှစ်ဘက်မိဘတွေ အချင်းချင်း တွေ့ဆုံကြရင်းနဲ့ ဘယ်လို အလွဲလေးတွေ ဖြစ်ပြီး ရယ်နေရမလဲ ဂျက် အနေနဲ့ ဖော်ကာတို့မိသားစုကို နှစ်သက်မလား ဂရက်ကို သူ့သမီးနဲ့ သဘောတူလိုက်မလား ဆိုတာကို ကြည့်ရှု ခံစားလိုက်ကြပါ ။ ( ဘာသာပြန်ပြီး အညွှန်း ရေးသာထားသူကတော့ Thura Heinပဲ ဖြစ်ပါတယ် ) File Size__2 GB, 1 GB Quality__1080p, 720p IMDb Rating__6.3/10 Format__mp4 Duration__01:55:00 Type__Comedy, Romance Subtitle__Myanmar Subtitle (Hardsub) Translated by Thura Hein Encoded by Naing Aung Latt

Night at The Museum တို့ The Secret Life of Walter Mitty တို့နဲ့ လူသိများတဲ့ Ben Stiller ရဲ့ Old But Goldဖြစ်တဲ့ Romance-Comedy ဇာတ်ကားလေးပါ ဇာတ်ကားက အရမ်းကောင်းသလို ပေါတောတောမဆန်နေဘဲ serious jokes တွေနဲ့ပဲ ၅မိနစ် တစ်ခါလောက် ရယ်နေရမှာ ဖြစ်ပါတယ် ဇာတ်လမ်းကတော့ ဂရက် ဟာ သူ့ကောင်မလေး ပမ် နဲ့ တွဲနေကြတာ ဆယ်လ လောက်ကြာပါပြီ ပမ် ကိုလည်း သူက တကယ် ချစ်မိနေပါတယ် အဲ့ဒါကြောင့် အချိန်ဆွဲမနေဘဲ လက်ထပ် ခွင့် တောင်းဖို့ ကြိုးစားပါတယ် ဒါပေမယ့် အခြေအနေတွေက ထင်ထားသလို ဖြစ်မလာဘဲ လွဲချော်သွားခဲ့ပါတယ် လက်ထပ်ခွင့်မတောင်းရဘဲ ပမ် ရဲ့ မိဘ တွေအိမ်ကို ပထမဆုံး အကြိမ်လိုက်သွားခဲ့ရပါတယ် အဲ့လို လိုက်သွားပြီးတဲ့နောက် သူ့မိဘ တွေနဲ့ အထူးသဖြင့် ပမ်ရဲ့ အဖေနဲ့ တွေ့တဲ့ အခါမှာ ဘယ်လိုအလွဲလေးတွေ ကြုံလာရမလဲ ဆိုတာကို ကြည့်ပြီး ရယ်နေရမှာပါ နောက်ထပ် sequel 2ကားလည်း ထွက်ရှိထားပေမယ့် အခုပထမဆုံးထွက်တဲ့ကားက အကောင်းဆုံးလို့ ထင်မိပါတယ် လူကြိုက်များတဲ့ မင်းသား Owen Wilson လည်း ပါထားပါတယ် ဘယ်နေရာမှာ ပါဝင်ထားလဲဆိုတာကို သိချင်ရင်တော့ ကိုယ်တိုင် ဒေါင်းကြည့်ပေတော့ဗျာ ။ ( ဘာသာပြန်ပြီး အညွှန်းရေးသားထားသူကတော့ Thura Hein ပါ ) File Size__1.9 GB, 1 GB Quality__1080p, 720p IMDb Rating__7.0/10 Format__mp4 Duration__01:50:00 Type__Comedy , Family , Romance Subtitle__Myanmar Subtitle (Hardsub) Translated by Thura Hein Encoded by Naing Aung Latt

The X-Files (1998) IMDb Rating (7.0) / Rotten Tomatoes (66%) နာမည်ကျော်သိပ္ပံစိတ်ကူးယဉ်စီးရီး "The X-Files" ကို အခြေခံပြီး ရိုက်ကူးထားတဲ့ ပထမဆုံးရုပ်ရှင်ကားဖြစ်တဲ့ The X-Files: Fight the Future ကိုညွှန်းပေးချင်ပါတယ်။ FBI အေးဂျင့်နှစ်ဦးဖြစ်တဲ့ Fox Mulder နဲ့ Dana Scully တို့ဟာ Dallas မြို့မှာဖြစ်ပွားခဲ့တဲ့ ဗုံးပေါက်ကွဲမှုတစ်ခုကို စုံစမ်းစစ်ဆေးရာကနေ အစိုးရရဲ့လျှို့ဝှက်ချက်ကြီးတစ်ခုကို သိခဲ့ရပါတော့တယ်။ ဒီလျှို့ဝှက်ချက်ဟာဆိုရင် ဂြိုဟ်သားတွေနဲ့ပါဆက်စပ်မှုရှိနေပြီး ကမ္ဘာမြေကိုခြိမ်းခြောက်နိုင်မယ့် အန္တရာယ်လည်းရှိနေပါတယ်။ သူတို့နှစ်ယောက်အနေနဲ့ ဒါကိုဖော်ထုတ်နိုင်ဖို့ သက်စွန့်ဆံဖျားကြိုးစားကြပုံတွေကို သည်းထိတ်ရင်ဖိုခံစားနိုင်မှာဖြစ်ပါတယ်။ စီးရီးရဲ့ပရိတ်သတ်တွေဆိုရင်လည်း ဇာတ်ကြောင်းကဆက်စပ်နေတာကြောင့် ကြည့်သင့်တဲ့ဇာတ်လမ်းတစ်ပုဒ်ဆိုရင်မမှားပါဘူး။ Sci-Fi thriller ရုပ်ရှင်တွေကြိုက်နှစ်သက်သူတွေဆိုရင်လည်း "The X-Files" ကိုကြည့်ဖို့ ညွှန်းပေးချင်ပါတယ်။ (အညွှန်းနဲ့ဘာသာပြန်ကတော့ Theint Waddy Lynn ဖြစ်ပါတယ်။) File size…(2.4 GB) / (1.1 GB) Quality….Blu-Ray 1080p HEVC / 720p Format…. mkv/mp4 Genre….Mystery,Science Fiction,Thriller Duration….02:02:58 Subtitle….Myanmar Subtitle (Hardsub) Encoder….Double K Translated by Theint Waddy Lynn

ဒီဇာတ်ကားကတော့ "​drag queen" အနုပညာရှင်သုံးဦးရဲ့ လမ်းခရီးစဉ်အတွင်း ကြုံတွေ့ရတဲ့ အလွဲတွေ၊ ဟာသတွေနဲ့ စိတ်လှုပ်ရှားဖွယ်ရာ အဖြစ်အပျက်တွေကို ပေါ့ပေါ့ပါးပါးနဲ့ ရိုက်ကူးတင်ဆက်ထားတဲ့ နာမည်ကြီး Comedy/Drama ဇာတ်ကားတစ်ကား ဖြစ်ပါတယ် ​ ​နယူးယောက်မြို့ရဲ့ နာမည်ကြီး "Drag Queen" ပြိုင်ပွဲမှာ ပူးတွဲချန်ပီယံဖြစ်ခဲ့ကြတဲ့ "ဗီဒါဗိုဟမ်း" နဲ့ "နော့ဇီးမား ဂျက်ဆင် " တို့ဟာ ဟောလိဝုဒ်မှာ ကျင်းပမယ့် အမျိုးသားအဆင့် ပြိုင်ပွဲကြီးဆီ သွားရောက်ယှဉ်ပြိုင်ဖို့ ပြင်ဆင်ကြပါတယ် အဲဒီအချိန်မှာပဲ ပြိုင်ပွဲဝင်ဖို့ အခွင့်အရေး မရရှိခဲ့ဘဲ အတွေ့အကြုံနည်းသေးတဲ့ "ချီချီ ရိုဒရီဂွက်ဇ်" ကိုလည်း သူတို့နဲ့အတူ ခေါ်ဆောင်သွားဖို့ ဆုံးဖြတ်ခဲ့ကြပါတယ် ​သူတို့ သုံးယောက်ဟာ ဟောလိဝုဒ်ဆီ အရောက်သွားဖို့ ၁၉၆၇ ထုတ် Cadillac ကားအဟောင်းလေးတစ်စီးနဲ့ ခရီးစဉ်ကို စတင်ခဲ့ကြပါတယ် ဒါပေမဲ့ အမေရိကန်ပြည်ထောင်စုရဲ့ မြို့လေးတစ်မြို့က လမ်းခရီးတစ်နေရာမှာ ကားပျက်သွားခဲ့တာကြောင့် ဘာမှမရှိတဲ့ Snydersville ဆိုတဲ့ မြို့ငယ်လေးတစ်မြို့မှာ မထင်မှတ်ဘဲ သောင်တင်သွားခဲ့ရပါတယ် ​ရှေးရိုးစွဲဝါဒီတွေ များပြားပြီး တိတ်ဆိတ်ခြောက်ကပ်နေတဲ့ အဲဒီမြို့လေးထဲကို ဒီလို လူထူးလူဆန်းသုံးယောက် ရောက်ရှိလာတဲ့အခါမှာတော့... ​ဘဝရဲ့ အမောအပန်းတွေကို ပြေပျောက်စေပြီး ပြုံးရွှင်ကြည်နူးစေမယ့် ၁၉၉၀ ပြည့်လွန်နှစ်ရဲ့ ဟာသဇာတ်ကားကောင်းတစ်ကားကို ရှာဖွေနေတယ်ဆိုရင်တော့ ဒီဇာတ်ကားက လက်မလွှတ်တမ်း ကြည့်ရှုသင့်တဲ့ ဇာတ်ကားတစ်ကား ဖြစ်ပါတယ်