The Dink (2026) ++++++++ ဒီကားဟာ ၂၀၂၆ ခုနှစ် ဇူလိုင်လ ၂၄ ရက်နေ့ကမှ Apple TV+ ကနေ ထွက်ရှိထားတဲ့ အမေရိကန် အားကစားဟာသ (Sports Comedy) ရုပ်ရှင်ကားသစ် ဖြစ်ပါတယ်။ New Girl ဇာတ်လမ်းတွဲနဲ့ လူသိများတဲ့ မင်းသား Jake Johnson နဲ့ ဝါရင့်မင်းသားကြီး Ed Harris တို့ အဓိက ပါဝင်ထားပြီး အခုခေတ်စားနေတဲ့ ပစ်ကယ်ဘော (Pickleball) အားကစားနည်းကို နောက်ခံထားကာ ပေါ့ပေါ့ပါးပါး ရိုက်ကူးထားတာပါ။ ဇာတ်လမ်းရဲ့ အဓိကဇာတ်ကောင် ဒါစတီ (Dusty Boyd) ဟာ ငယ်စဉ်က အရမ်းတော်ခဲ့တဲ့ တင်းနစ်ပါရမီရှင်တစ်ယောက်ပါ။ ဒါပေမဲ့ နာမည်ကြီး တင်းနစ်ကစားသမား Andy Roddick နဲ့ ပွဲမှာ မထင်မှတ်ဘဲ လက်ဒဏ်ရာရပြီး အရှက်တကွဲ ရှုံးနိမ့်ခဲ့ရတာကြောင့် သူ့ရဲ့ ပရိုတင်းနစ်ကစားသမား ဘဝဟာ ရုတ်တရက် နိဂုံးချုပ်သွားခဲ့ရပါတယ်။ အခုအခါမှာတော့ ဒါစတီဟာ သူ့အဖေ ချက် (Chuck) ပိုင်တဲ့ တင်းနစ်ကလပ်မှာ ကလေးတွေကို တင်းနစ်သင်ပေးရင်း ဘဝကို ငြီးငွေ့စွာ ကုန်ဆုံးနေရတဲ့အပြင်၊ သူ့အပေါ် စိတ်ပျက်နေတဲ့ အဖေဖြစ်သူရဲ့ လေးစားမှုကိုလည်း ပြန်ရချင်နေသူ ဖြစ်ပါတယ်။ တစ်နေ့တော့ ကလပ်မှာ တင်းနစ်ထက် အသက်ကြီးပိုင်းတွေ ကြိုက်နှစ်သက်တဲ့ ပစ်ကယ်ဘောကစားနည်းက ခေတ်စားလာပြီး ပစ်ကယ်ဘောကစားသမားတွေက ကလပ်မှာ နေရာတိုးပေးဖို့ တောင်းဆိုလာကြပါတော့တယ်။ တင်းနစ်သီးသန့်ပဲ လက်ခံချင်တဲ့ စည်းကမ်းကြီး အဖေဖြစ်သူနဲ့ ပစ်ကယ်ဘောအဖွဲ့တို့ကြား အပြိုင်အဆိုင်ဖြစ်လာပြီး... နောက်ဆုံးမှာ ကလပ်ရဲ့ အနာဂတ်အတွက် "တင်းနစ် နဲ့ ပစ်ကယ်ဘော" ထိပ်တိုက်တွေ့ဆုံပွဲ ပြိုင်ခိုင်းဖို့ ဆုံးဖြတ်လိုက်ကြပါတယ်။ ဒါစတီဟာ သူ့အဖေဘက်ကနေ ဝင်ပြိုင်ပေးချင်ပေမယ့် လက်ဒဏ်ရာကြောင့် တင်းနစ်မရိုက်နိုင်ဘဲ ဆရာဝန် (Ben Stiller) ရဲ့ အကြံပေးချက်အရ ပစ်ကယ်ဘောကိုပဲ မလိုချင်ဘဲ စကစားရပါတော့တယ်။ အဲဒီမှာပဲ ကန်ဒေ့စ် (Candace) ဆိုတဲ့ အမျိုးသမီးကြီးနဲ့ ပစ်ကယ်ဘောတွဲဖက်ကစားသမား ဖြစ်လာခဲ့ပါတယ်။ ဒါစတီဟာ ပစ်ကယ်ဘောကို အစက အထင်သေးခဲ့ပေမယ့် ကန်ဒေ့စ်နဲ့အတူ ကစားရင်းနဲ့ မထင်မှတ်ဘဲ ဒီအားကစားရဲ့ ပျော်စရာကို တွေ့ရှိသွားပါတယ်။ နောက်ဆုံးမှာတော့ ဒါစတီတစ်ယောက် ပစ်ကယ်ဘောပြိုင်ပွဲမှာ ပါဝင်ရင်းနဲ့ သူ့အဖေရဲ့ လေးစားမှုကို ပြန်ရအောင် ဘယ်လိုကြိုးစားမလဲ၊ အတိတ်က စိတ်ဒဏ်ရာတွေကို ကျော်ဖြတ်ပြီး ဘဝသစ်ကို ဘယ်လိုပြန်စမလဲဆိုတာကို ဟာသနှောပြီး ရိုက်ပြထားတာ ဖြစ်ပါတယ်။ Adam Sandler ရဲ့ ခေတ်ဟောင်းဟာသကားတွေလို အဆီအငေါ့တည့်တည့် ရယ်ရသလို၊ တကယ့် တင်းနစ်ကြယ်ပွင့်တွေဖြစ်တဲ့ Andy Roddick နဲ့ John McEnroe တို့ပါ ဧည့်သည်သရုပ်ဆောင်အဖြစ် ကိုယ်တိုင်ပါဝင်ပေးထားကြပါတယ်။ စိတ်ရှုပ်စရာမပါဘဲ ပေါ့ပေါ့ပါးပါးနဲ့ ရယ်ရမယ့် Sports Comedy ကားလေးမို့ ကြည့်ရတာ စိတ်အပန်းပြေစေမယ့် ဇာတ်ကားကောင်းလေး ဖြစ်ပါတယ်။ File Size… (2.24GB) / (1.03GB) Quality… WEB-DL 1080p HEVC / 720p Format…mkv / mp4 Duration…1h 42m Genre ….Comedy , Romance , Sport Subtitle….Myanmar Subtitle (Hard Sub)
ဇာတ်ကားကြည့်ရန်