Brian Altemus ပါဝင်သော ဇာတ်ကားများ

အားလုံးပဲစောင့်မျှော်နေကြမယ့် Mean Girls (2024) ဇာတ်ကားသစ်လေးလာပါပြီ။ အားလုံးသိကြမယ့်အတိုင်း ဒီဇာတ်ကားလေးကတော့ ၂၀၀၄ တုန်းက ထွက်ရှိခဲ့ပြီးအားလုံးရဲ့ မှတ်ဉာဏ်ထဲမှာ မှတ်မှတ်ရရဖြစ်ခဲ့ကြတဲ့ နာမည်ကြီး Mean Girls ဇာတ်ကားလေးကိုမှ adapation သဘောမျိုး ပြန်လည်ရိုက်ကူးထားတာပါ။ ဒီတစ်ခေါက် ဇာတ်ကားလေးမှာ ထူးခြားတာကတော့ အရင်ဇာတ်လမ်းကျောရိုးကိုမှ Gen-Z အသုံးအနှုန်း၊ စတိုင်လ်တွေ ထပ်မံအားဖြည့်ထားပြီး Musical ဘက်သွားထားတဲ့အတွက် သစ်လွင်တဲ့ခံစားချက်မျိုးနဲ့ အတိတ်ကို ပြန်တမ်းတပြီး ရယ်ရယ်မောမော ပေါ့ပေါ့ပါးပါး ကြည့်ရှုရမှာပါ။ ဇာတ်လမ်းအကျဉ်း ကေဒီဟာ ကန်ညာမှာ သုတေသနလုပ်နေတဲ့မိဘတွေနဲ့ အတူနေရာကနေ ကျောင်းပြောင်းလာတဲ့အခါမှာတော့ မကြုံဖူးတာတွေ ကြုံရပါတော့တယ်။ ကျောင်းမှာ သူ့အဖွဲ့အုပ်စုနဲ့ သူရှိတာ၊ တစ်ယောက်နဲ့ တစ်ယောက်ပြိုင်ဆိုင်ကြတာ၊ သမီးရည်းစားကိစ္စတွေ၊ အတင်းအုပ်တာတွေကို ကြုံတွေ့ရတဲ့အခါမှာ အထူးအဆန်းဖြစ်နေပါတော့တယ်။ ဒီလိုနဲ့ သူတို့ကျောင်းမှာ နာမည်ကြီးတဲ့ အလှပဂေး ပလတ်စတစ်မလေး သုံးယောက်က သူ့ကိုသတိထားမိသွားပြီး သူတို့အဖွဲ့ထဲပါဖို့ ဖိတ်ခေါ်ပါတော့တယ်။ ဒီလိုနဲ့ ဘုမသိ ဘမသိ ကေဒီတစ်ယောက် သူတို့အဖွဲ့ထဲပါသွားပြီး သူတို့လို ဝတ်တတ်စားတတ် သမီးရည်းစားကိစ္စ စိတ်ဝင်စားလာပြီး ကောင်လေးတစ်ယောက်ကို စကြိုက်မိရာကနေ ဘယ်လိုတွေ ဇာတ်လမ်းရှုပ်ကြမလဲဆိုတဲ့ ကျောင်းတွင်းအရှုပ်တော်ပုံကို ဟာသဇာတ်မြူးအနေနဲ့ ကြည့်ရှုရမှာဖြစ်ပါတယ်။ File size…(3.1 GB)/(1.5 GB) Quality….Webrip 1080p / 720p Format…mp4 Duration….01:52:00 Genre...Comedy, Musical Subtitle….Myanmar Subtitle (Hardsub) Encoder….Mr.Anderson Translated by Act Molemy and Matteo

Harlan Coben's Shelter (2023) IMDb Rating - 6.4/10 သည်းထိတ်ရင်ဖိုနဲ့ လျှို့ဝှက်ဆန်းကြယ်ဝတ္ထုတွေရေးတဲ့ အမေရိကန် စာရေးဆရာ Harlan Cobenရဲ့ "Shelter"ဆိုတဲ့ဝတ္ထုကို ရုပ်ရှင်အဖြစ် အသက်သွင်းထားတဲ့ စီးရီးလေးလာပါပြီ။ ဆယ်ကျော်သက်ကျောင်းသား တစ်စုရင်ဆိုင်ရမဲ့ လျှို့ဝှက်ဆန်းကြယ်ဇာတ်လမ်းတွေကို အခြေတည်ထား တာမို့ ဒါမျိုးပုံစံကြိုက်တတ်တဲ့သူတွေအတွက် အရမ်းကြည့်ကောင်းမဲ့စီးရီး လေးပါ။ အောက်မှာဇာတ်လမ်းအညွှန်းလာပါပြီ။ ဆယ်ကျော်သက်ကောင်လေးမစ်ကီဟာ ကားအက်ဆီးဒင့်တစ်ခုကြောင့် အဖေကိုဆုံးရှုံးခဲ့ရပြီး အမေကိုလည်းဆုံးရှုံးလုဆဲဆဲအခြေအနေမှာ အဒေါ် ဖြစ်သူရဲ့ယာယီအုပ်ထိန်းမှုနဲ့ သူ့အဖေနေခဲ့တဲ့ ခက်ဆယ်လ်တန်က အထက် တန်းကျောင်းကို ပြောင်းလာရပါတယ်။ ခက်ဆယ်လ်တန်၊ ဟိုဘာ့လမ်းက သရဲခြောက်တဲ့အိမ်ကြီးတစ်ကြီးမှာ လင်းနို့မိန်းမကြီးနေတယ်လို့ ယုံတမ်းပုံပြင် တွေရှိပါတယ်။ တစ်ရက်ကျ အဲဒီမိန်းမကြီးနဲ့ မထင်မှတ်ဘဲဆုံလိုက်ရတဲ့ တ ခဏမှာ လင်းနို့မိန်းမကြီးက "မစ်ကီ မင်းအဖေ မသေသေးဘူး အသက်ရှင်နေ သေးတယ်"ဆိုပြီး ပြောလိုက်တော့ အဲဒီကတည်းကနေ မစ်ကီဟာ သူ့အဖေ တကယ်ရောသေလို့လားဆိုတဲ့ သံသယတွေဝင်လာပြီး အဲဒီလင်းနို့မိန်းမကြီးနဲ့ ထပ်တွေ့ရဖို့ကြိုးစားပါတော့တယ်။ ထူးခြားတာတွေက ဒါတင်ပဲမဟုတ်သေးပါဘူး။ ကျောင်းပထမဆုံးတက်တဲ့နေ့က သူနဲ့ခင်ခဲ့တဲ့ ကောင်မလေးဟာ စာမလာအကြောင်းမကြား၊ ချိန်းထားတဲ့နေရာကို လည်းမလာဘဲ နောက်တစ်နေ့မှာပဲ ပျောက်ချင်းမလှပျောက်သွားပါတယ်။ ကောင် မလေးဟာ သူ့အကြောင်းဘယ်သူမှရေရေရာရာမသိဘဲ တည်ရှိမှုတစ်ခုလုံးပျောက် သွားသလိုမျိုးကို ဖြုတ်ခနဲပျောက်သွားတာပါ။ အဲလိုနဲ့ မစ်ကီဟာ လင်းနို့မိန်းမကြီး ကိုရော အဲဒီကောင်မလေးကိုပါ သူ့သူငယ်ချင်းနှစ်ယောက်နဲ့အတူ ရှာပုံတော်ဖွင့်ပြီး စုံစမ်းပါတော့တယ်။ မထင်မှတ်ထားတဲ့ဇာတ်လမ်းလှည့်ကွက်တွေနဲ့ မစ်ကီတို့ကျောင်း သားသုံးယောက် ဘာတွေဆက်ဖြစ်ကြမလဲဆိုတာ ကြည့်ရှုခံစားလိုက်ကြပါဦး။ (ဒီစီးရီးရဲ့ အညွှန်းကို Ngwe Zin မှ ရေးသားပေးပြီး၊ ဘာသာပြန် ရေးသားပေးသူများကတော့ Ngwe Zin, EL တို့ဖြစ်ပါတယ်။) File Size.............(400 MB) / (1.0 GB) Quality...............WEBDL 720p / 1080p Duration............50Mins(@Episode) Subtitle..............Myanmar Hardsub Format...............MP4 Genre.................Crime, Drama, Mystery Translator..........Ngwe Zin, EL Encoder..............SWM

IMdb Rating - 7.3/10 ဒီရုပ်ရှင်ဟာ ထူးခြားမှုတစ်စုံတရာမရှိပေမယ့် ရုပ်ရှင်ကောင်းတစ်ခုပါပဲ။ မြင်နေကြပြဿနာ တစ်ခုအတွက် ကာကာကွယ်ကွယ်ပြောရရင် တစ်ချို့အတွက်တော ဘာမှန်းမသိဘဲ ပြီးသွားတဲ့ကားသက်သက်ဖြစ်မှာပါ။ IMdb ratingဟာ ခင်ဗျားသွားပေးလည်းရတဲ့ ratingတစ်ခုဆိုတော့ IMDb ratingမဆိုးတာကို အသာဖယ်လိုက်ပါဦး။ ကမ္ဘာ့စိတ်အချရဆုံး ratingလို့ပြောကြတဲ့ Rotten Tomatoesရဲ့ criticတွေပေးတဲ့ Tomatoers rating ၉၉ရှိပါတယ်။ ဒီလောက်ဆို ကျွန်တော်ညွှန်းစရာတောင်မလိုပါဘူး။ ရုပ်ရှင်ကောင်းဆိုတာ သိသာပါတယ်။ တစ်ခုရှိတာကတော့ Audience Ratingကတော့ ၂၀ပဲရှိပါတယ် ။ ဆိုလိုတာကတော့ လူတိုင်းကြိုက်မယ့်ကား မဟုတ်ပါဘူး။ ကောင်းတယ်ညွှန်းလို့ Downမိတာ မကောင်းဘူးပြောမယ့်သူတွေ ကြိုက်မယ့်ကားမျိုးမဟုတ်ပါဘူး။ The New Yokerမှာတောင် ဒီရုပ်ရှင်အကြောင်း ဆောင်းပါးတစ်ခုတ်တရရေးထားပါတယ်။ ရုပ်ရှင်တစ်ကားရဲ့ ကောင်းခြင်းမ‌ကောင်းခြင်းက ကြည့်ရှုသူရဲ့ ခံစားမှုအကျယ်အပြောနဲ့ တိုက်ရိုက် အချိူးကျပါတယ်။ ဒီရုပ်ရှင်ရဲ့ အကြောင်းအရာနဲ့ တင်ဆက်ပြသပုံဟာ အင်မတန်ရိုးရှင်းပြီး သရုပ်မှန်ဆန်ပါတယ်။ မြင်နေကျပြဿနာ တစ်ခုကိုပဲ တင်ပြထားတာပါ။ ခေတ်အဆက်ဆက်ပြဿနာဖြစ်တဲ့ လိင်မှုရေးရာနဲ့ အမျိုးသမီးတွေရဲ့ အနိုင်ကျင့်ခံရမှုတွေ လစဉ်ဓမ္မတာဝေဒနာတွေ၊ ကိုယ်ဝန်နဲ့ပက်သက်တဲ့ ဝေဒနာတွေအကြောင်းပါပဲ။ စစ်တမ်းကောက်ချက်အရတော့ အမျိူးသမီးထုရဲ့ 81%ဟာ လိင်ပိုင်းဆိုင်ရာနှောင့်ယှက်မှုတွေနဲ့ကြုံတွေခဲ့ရပြီး ငါးယောက်မှာ တစ်ယောက်နှုန်းလောက် လိင်ပိုင်းဆိုင်ရာအနိုင်ကျင့်ခံရတယ်ဆိုပါတယ်။ လူ့အဖွဲ့အစည်းကနေလုံလောက်တဲ့ကာကွယ်မှု မရတဲ့သဘောပါပဲ။ ဒါကို ဒီရုပ်ရှင်မှာ Reality ဆန်ဆန်နဲ့ မြင်သာအောင်ပြထားတယ်။ တစ်ဖက်မှာလည်း အမျိုးသမီးတွေကြုံ‌တွေ့ရမယ့်လိင်မှုကိစ္စရဲ့နောင်ဆက်တွဲဖြစ်တဲ့ ကိုယ်ဝန် ပြဿနာကို ၁၇နှစ်ကလေးမလေးရဲ့ကိုယ်ဝန်ဖျက်ဖို့ကြိုးစားခြင်းနဲ့ပြထားတယ်။ နစ်နာသူအတွက် တစ်ချို့လိင်ပိုင်းဆိုင်ရာ အနိုင်ကျင့်ခံရမှုတွေဟာ စကားနဲ့ပြောပြဖို့ရာ အဆင်မပြေပါဘူး။ ဒါရိုက်တာကလည်း ဖော်ပြမထားပါဘူး။ဆရာဝန်သိသလောက်ကိုပဲ ကျွန်တော်တို့သိရတာပါပဲ။ သဘောကျစရာ ကောင်းတာကတော့ ဖြေရခက်တဲ့ မေးခွန်းတွေအတွက် အဖြေလေးခုထဲက ရွေးပေးရတဲ့စနစ်ကိုသုံးပြီး လူသားဆန်ဆန်မေးတာပါပဲ။ အဲ့ဒီ‌အဖြေလေးခုကတော့ "တစ်ခါမှ" "ဖြစ်တောင့်ဖြစ်ခဲ" "တစ်ခါတလေ" "အမြဲတမ်း"တို့ပါပဲ။ ခင်ဗျားရောလိင်မှုကိစ္စပြုဖူးလား။ပြုဖူးရင်ရောအမျိုးသမီးဘက်က နောက်ဆက်တွဲ ပြဿနာတွေအတွက် ထည့်စဉ်းစားဖူးလား။ "တစ်ခါမှလား" "ဖြစ်တောင့်ဖြစ်ခဲလား" "တစ်ခါတလေလား" "အမြဲတမ်းလား"။ ဘာပဲဖြစ်ဖြစ်ပါ ဒီရုပ်ရှင်ဟာ လိင်မှုကိစ္စနောက်ဆက်တွဲပြဿနာတွေကို ပိုပြီးဆင်ခြင်မိစေမှာပါပဲ။ တစ်နေ့နေ့ တစ်ချိန်ချိန်မှာ မလွဲမသွေ ကြုံတွေ့ရမယ့် အရာအ‌တွက် ကြည့်ထားကြသင့်တဲ့ ရုပ်ရှင်ပါပဲ။ ဒီရုပ်ရှင်ရဲ့ အသက်ကန့်သတ်ချက်က PG-13ပါ။ 13နှစ်အထက် သားသမီးတွေရှိရင် ပြသင့်တဲ့ Sex educationရုပ်ရှင်တစ်ကားလို့ ပြောရင်လည်း မမှားပါဘူး။ ( အညွှန်းရေးသားပြီးဘာသာပြန်ထားသူကတော့ WiRa Aung ဖြစ်ပါတယ် ) Quality__1080p IMDb Rating__7.3/10 Format__mp4 Duration__01:44:00 Type__Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt