Brian Carpenter ပါဝင်သော ဇာတ်ကားများ

The Hand That Rocks the Cradle (2025) IMDb Rating (5.3) / Rotten Tomatoes (46%) ၁၉၉၂ခုနှစ်က ထွက်ခဲ့တဲ့ နာမည်တူရုပ်ရှင်အပေါ် မှီငြမ်းပြီး ပုံစံတစ်မျိုးနဲ့ဆန်းသစ်ထားတဲ့ မှုခင်းဇာတ်လမ်း Crime Thrillerအမျိုးအစားပါ။ ပိုလီ (Maika Monroe)ဆိုတဲ့ ကလေးထိန်းမလေးတစ်ယောက်က အခမဲ့ဥပဒေအကြံပေးပွဲမှာ ကိတ်တလင်း(Mary Elizabeth Winstead)ဆိုတဲ့ ရှေ့နေအမျိုးသမီးနဲ့ ပထမဆုံးဆုံခဲ့ကြတယ်။ အဲဒီအချိန်က ရှေ့နေကိတ်တလင်းဟာ ကိုယ်ဝန်အရင့်အမာနဲ့ပေါ့။ ကလေးလေး လသားအရွယ်မှာ သူတို့ဒုတိယအကြိမ် မထင်မှတ်ပဲ ထပ်ဆုံခဲ့ကြတယ်။ ဒီတစ်ခါတော့ ကလေးထိန်းပိုလီက လိုအပ်ရင်သူ့ကို ခေါ်လို့ရကြောင်း ကမ်းလှမ်းခဲ့တယ်။ အစပိုင်းမှာတော့ စိတ်သဘောထားချင်းလည်းတိုက်ဆိုင် ပြောရဆိုရတာရောအဆင်ပြေနေခဲ့ပေမဲ့ တဖြည်းဖြည်းနဲ့ ကိတ်တလင်းဟာ ပိုလီရဲ့လုပ်ရပ်တွေကို သံသယဝင်လာမိတယ်။ ပထမကလေးကို မွေးဖွားပြီးချိန်တုန်းက မီးဖွားပြီးစ အမျိုးသမီးတွေမှာဖြစ်တတ်တဲ့ စိတ်ပင်ပန်းတဲ့ရောဂါကို ခံစားဖူးတဲ့ကိတ်တလင်းက သူ့ရဲ့သံသယတွေဟာ ထင်ယောင်ထင်မှားလား အမှန်တရားလားဆိုတာကို သိရဖို့ဖြစ်လာပါတော့တယ်။ File size… (6.2 GB) / (1.4 GB) / (860 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Horror,Thriller Duration…. 01:46:51 Subtitle…. Myanmar Subtitle (Hardsub)

Rick Ricker ဟာ Dragonfly လို့ခေါ်တဲ့ သဘာဝလွန်ပုစဉ်းတစ်ကောင် အကိုက်ခံရပြီး ပုစဉ်းလူသားဖြစ်လာပါတယ်။ အစွမ်းတွေရလာတဲ့ သူတစ်ယောက် ဘယ်လိုပေါက်ကရတွေ လုပ်မိမလဲ၊ ကြုံလာတဲ့ အခက်အခဲတွေကို ဘယ်လိုကျော်ဖြတ်မလဲဆိုတာ ဟာသပုံစံနဲ့ ပြထားတာပါ။ ဒီကားက စူပါဟီးရိုးဇာတ်ကားတွေထဲက အဖြစ်အပျက်တွေနဲ့ ဇာတ်ကောင်တွေကို ယူပြီး လှောင်ပြောင်ထားပါတယ်။ ဘတ်မန်းရဲ့ မိဘတွေဆုံးပါးတဲ့အဖြစ်ကနေ စပိုက်ဒါမန်းရဲ့ အန်ကယ်ဘန်ဆုံးပါးတဲ့အဖြစ်အထိ ပုံစံယူထားသလို X-Men ထဲက ချားစ်ဇေးဗီးယား၊ ဝူဗာရင်းနဲ့ Fantastic Four တို့လည်း ပါဝင်တယ်။ စပိုက်ဒါမန်းရဲ့ အစွမ်းနဲ့ တာဝန်အကြောင်း ပြောတဲ့ နာမည်ကြီးစကားကိုတောင် အစွမ်းကြီးလာရင် မိန်းမချောတွေပါ ကပ်ပါလာမယ်ဆိုပြီး ဟာသလုပ်ထားပါတယ်။

ကမ္ဘာဦးအစမှာ အဖြစ်အပျက်တစ်ခု ဘုရားသခင်လက်ထက်မှာ ဖြစ်ပေါ်ခဲ့ဖူးတယ်လို့ ခရစ်ယာန် သမ္မာကျမ်းကဆိုပါတယ်။ အကျင့်ပျက် အကုသိုလ်တွေနဲ့ ဆိုးသွမ်းလာတဲ့ လူသားတွေအပေါ် ဘုရားသခင်က ကြီးမားတဲ့အပြစ်ပေးခဲ့တယ်။ လူသားတွေဟာ ကြီးမားတဲ့ရေလွှမ်းမိုးမှုကြီးအောက်မှာ သေကြေပျက်ဆီးသွားပြီး လူသားမျိုးနွယ် ချုပ်ငြိမ်းရမယ့်အဖြစ်ကို ရင်ဆိုင်ခဲ့ရတာပေါ့။ ဒါပေမယ့် နောဧဆိုတဲ့ လူသားတစ်ယောက်ကိုတော့ ဘုရားသခင်က အခွင့်အရေးတစ်ခုပေးခဲ့ပါတယ် ကမ္ဘာကြီးကို restart ချတဲ့ပုံစံနဲ့ ရွေးချယ်ခံရတဲ့ လူသားတွေ တိရိစ္ဆာန်မျိုးစိတ်တွေကို ကယ်တင်နိုင်ဖို့ ကြီးမားတဲ့ အာ့ခ် လှေကြီးတစ်စင်း တည်ဆောက်ရန်အတွက် နောဧကို ဘုရားသခင်က သတိပေးခဲ့တယ်။ နောဧက ဇနီးတစ်ယောက် သားသုံးယောက်နဲ့ လှေကြီးကိုတည်ဆောက်ပြီး လူသားများနဲ့ တိရိစ္ဆာန်မျိုးစိတ်တစ်ခုမှာ အဖိုအမ တစ်စုံစီကို ရေလွှမ်းမိုးမှုကြီးကနေ ကယ်တင်နိုင်ခဲ့တယ်။ အဲဒီလိုအဖြစ်မျိုး ယနေ့ကာလမှာ ထပ်မံပေါ်ပေါက်လာဖို့ အကြောင်းဖန်လာပါတယ်။ ဒါပေမယ့် ဒီတစ်ခါမှာတော့ ရေလွှမ်းမိုးမှုကြီးက ဘုရားသခင်ရဲ့ အမျက်ကြောင့်ဖြစ်ပေါ်လာတာမဟုတ်ဘဲ လူသားတွေရဲ့ အမှားကြောင့်ဖြစ်ပေါ်လာတာပါ။ ကမ္ဘာကြီးကို ပြောင်းလဲပစ်ချင်တဲ့ ပူပူနွေးနွေး အမေရိကန် ကွန်ဂရက်လွှတ်တော်အမတ်လေး အီဗန် ဘတ်စ်တာကို ခေတ်သစ် နောဧအဖြစ် ဘုရားသခင်က ရွေးချယ်လိုက်တဲ့အခါမှာတော့ ပေါက်ကရ ရယ်စရာအဖြစ်တွေ ပေါ်ပေါက်လာပါတော့တယ်။ မိသားစုကြည့် ရယ်စရာ ပညာပေးကားတစ်ကားဖြစ်ပြီး ဝါးလုံးကွဲရယ်ရတာမျိုးမဟုတ်ဘဲ တပြုံးပြုံးနဲ့ ဇာတ်ကားဆုံးတဲ့အထိ ထိုင်ကြည့်ရမယ့်ကားလေးပါ ပေးချင်တဲ့ သင်ခန်းစာလေးကလည်း လောကကြီးမှာ အမှန်တကယ်လိုအပ်နေတဲ့ အရာဖြစ်တယ်ဆိုတာကို ကြည့်ရှုခံစားပြီး ဆင်ခြင်သုံးသပ်လိုက်ကြပါဦး။ Size - 1.8GB, 1.2GB Quality - 1080p, 720p IMDb Rating - 5.4/10 Format - mp4 Duration - 1H 36Min Type - Comedy, Family Subtitle - Myanmar Subtitle (Hardsub) Translated by Arr Khun Winchester Encoded by Y

We Were Soldiers (2002) IMDb Rating (7.2)/ Ritten Tomatoes (63%) အကောင်းဆုံး စစ်ပွဲ‌နောက်ခံ ဇာတ်ကားတွေအကြောင်း ပြောကြတဲ့အခါ မင်းသားကြီး Mel Gibsonရဲ့ We were Soldiers ကလည်း မပါမဖြစ်တဲ့ ဇာတ်ကားတစ်ခုပါပဲ။ ဗီယက်နမ်နဲ့ အမေရိကန်တို့ စစ်မက်ဖြစ်ပွားခဲ့တဲ့ ၁၉၆၅ ကာလကို ဇာတ်အိမ်တည်ထားတာဖြစ်ပြီး ဖြစ်ရပ်မှန်ကိုရိုက်ကူးတင်ဆက်ထားတာပဲဖြစ်ပါတယ်။ ဒီဇာတ်ကားအကြောင်းကို ပြောရရင် စစ်ဗျူဟာတွေ၊ အနိဋ္ဌာရုံတွေဦးစားပေးထားတာမျိုး မဟုတ်ဘဲ အမေရိကန်စစ်သားတွေရဲ့ ဘဝနဲ့ခံစားချက်၊ ခေါင်းဆောင်တစ်ဦးရဲ့တာဝန်နဲ့ ဝတ္တရား‌တွေ၊ အမိမြေမှာကျန်ရစ်ခဲ့တဲ့ မိသားစုတွေရဲ့ ပူဆွေးသောကနဲ့ဂုဏ်ယူစိတ်တွေစတဲ့ စိတ်ခံစားချက်တွေကို အသားပေးရိုက်ကူးထားတာပဲ ဖြစ်ပါတယ်။ အကောင်းဆုံးစစ်ကားတွေဆိုတာ စစ်ပွဲအကြောင်းထက် စစ်ဆိုတာကို ကြောက်တတ်လာအောင် ဖန်တီးပေးစမြဲဆိုတဲ့ စကားအတိုင်းပဲ ဒီရုပ်ရှင်ကလည်း စစ်ရဲ့ဆိုးရွားပုံတွေကို ထင်ထင်ရှားရှား ရိုက်ကူးပြထားတဲ့ ဇာတ်ကားကောင်းပဲ ဖြစ်ပါတယ်။ ဇာတ်လမ်းအကျဉ်းကတော့ အမေရိကန်-ဗီယက်နမ်စစ်ပွဲအတွင်း အမှတ်၇ လေသူရဲတပ်ကို ဦးဆောင်ရတဲ့ ဗိုလ်မှူးဟယ်မိုးနဲ့တပ်ဖွဲ့ဟာ မထင်မှတ်ထားဘဲ ဗီယက်နမ်နိုင်ငံရဲ့စစ်တပ်ကြီးတစ်ခုလုံး အခြေစိုက်ထားတဲ့ နယ်မြေထဲကိုဆိုက်ဆိုက်မြိုက်မြိုက် ရောက်သွားခဲ့ပါတယ်။ အဲဒီနေရာကတော့ လွန်ခဲ့တဲ့၁၁နှစ်က ပြင်သစ်စစ်သားတွေ အစုပြုံလိုက် သတ်ဖြတ်ခံခဲ့ရတဲ့ လာဒရောင်ဒေသ ဖြစ်နေတာပါ.. အင်အားချင်းမမျှသလို အဘက်ဘက်က ပိတ်ဆို့ခံရပြီး ညှပ်တိုက်ခံနေရတဲ့ ဗိုလ်မှူးကြီးဟယ်မိုးနဲ့ တပ်ဖွဲ့အနေနဲ့ ဒီလိုအကျပ်အတည်းကနေ ဘယ်လိုလွတ်မြောက်အောင်ရုန်းကန်ကြိုးစားသွားမလဲ၊ အဲဒီတိုက်ပွဲက ဘယ်လောက်ပြင်းထန်ခဲ့လဲဆိုတာ ကြည့်ရှုရမှာပဲဖြစ်ပါတယ်။ (ရုပ်ရှင်အညွှန်းနဲ့ဘာသာပြန်ကို JimX မှ တင်ဆက်ထားပါတယ်။) File size…(9.3 GB)/ (3.5 GB )/(1.9 GB) Quality…BluRay 4K HEVC/1080p HEVC / 720p Format…mkv/mp4 Duration….02:18:00 Subtitle….Myanmar Subtitle (Hardsub) Encoder….Ka Naung Translated by JimX