Brian Tester ပါဝင်သော ဇာတ်ကားများ

ကုမ္ပဏီဝန်ထမ်းတွေ အသင်းအဖွဲ့နဲ့ ပူးပေါင်းလုပ်ကိုင်တတ်လာအောင် ကျွန်းတစ်ကျွန်းဆီ ခရီးထွက်လာကြပါတယ်။ ဒါပေမယ့် ခရီးစဉ်အတွင်း မထင်မှတ်ထားတာတွေ ဖြစ်လာပြီး အားလုံး ကျွန်းပေါ်မှာ သောင်တင်သွားကြတယ်။ အများက ငကြောက်ငကြောင်လို့ သတ်မှတ်ထားတဲ့ Chris က ဒီအဖွဲ့ကို ကယ်တင်ပေးနိုင်မလား။ ဒါမှမဟုတ် Chris ရဲ့အကြံဉာဏ်ကို ခိုးယူခဲ့တဲ့ အထက်လူကြီး Phil ကပဲ ဦးဆောင်မှာလား။ ကျွန်းပေါ်မှာ ရှင်သန်နိုင်ဖို့နဲ့ အဲဒီနေရာကနေ လွတ်မြောက်ဖို့ သူတို့ ဘယ်လိုကြိုးစားကြမလဲဆိုတာကို ဟာသ၊ အက်ရှင်နဲ့ စွန့်စားခန်းတွေ ရောစပ်ရိုက်ကူးထားပါတယ်။ ဗန်ဒိန်း ပါဝင်သရုပ်ဆောင်ထားတဲ့ ၂၀၁၃ ခုနှစ်ထွက် ဇာတ်ကားပါ။

The Caller (2011) IMDb Rating (6.0) / Rotten Tomatoes (29%) မေရီဟာ နှိပ်စက်တတ်တဲ့ ခင်ပွန်းသည်နဲ့တရားရင်ဆိုင်ကွာရှင်းပြီးကာစ ပူပူနွေးနွေး မုဆိုးမလေးတစ်ယောက်ဖြစ်ပြီး။ ကိစ္စတွေ ရှင်းပြီးပြီးချင်း တိုက်ခန်းတွဲဟောင်းကြီးတစ်ခုမှာ ရရာအခန်းတစ်ခန်းကိုငှားနေခဲ့ပါတယ်။ အဲ့ဒီအခန်းကိုရောက်ပြီး မကြာမှီမှာပဲ အမည်မသိထူးဆန်းတဲ့ မိန်းမတစ်ယောက်ဆီက ဖုန်းခေါ်ဆိုမှုတွေကို သူ စပြီး လက်ခံရရှိလာပါတော့တယ်။ အဲ့ဒီအမျိုးသမီးဟာ ''ဘော်ဘီရှိလား ဘော်ဘီနဲ့စကားပြောချင်လို့'' ဆိုတဲ့ မေးခွန်းကိုတွင်တွင်မေးပြီး မေရီက ဒီတိုက်ခန်းကို သူအခုမှပြောင်းလာတာဖြစ်ပြီး ဘော်ဘီဆို တာကိုမသိသလို ဘော်ဘီဆိုတာလည်းမရှိကြောင်းပြောပေမယ့်လက်မခံပါဘူး။ တစ်ခါတစ်လေဆိုရင် ဘော်ဘီကို မနေ့ညကတောင် ပြူတင်းပေါက်မှာ ရပ်နေတာတွေ့လိုက်သေးတယ်ဆိုတာမျိုးလည်းပြောတတ်ပါသေးတယ်။ မေရီက မယုံသင်္ကာပြန်မေးစမ်းတဲ့အခါမှာလည်း သူနေတဲ့လိပ်စာ အခန်းအစရှိတာတွေမှန်သမျှ ကွက်တိမှန်နေတတ်ပါသေးတယ်။ တစ်နေ့တော့ စကားစပ်မိရင်း စပ်မိရင်း သိလိုက်ရတာက အဲ့ဒီအမျိုးသမီးဟာ အသက် ၄၀ အရွယ်မိန်းမတစ်ယောက်ဖြစ်ပြီး ၁၉၇၀ ဝန်းကျင်က သူနေတဲ့တိုက်ခန်းမှာနေ သွားခဲ့ဖူးတယ်ဆိုတာပါပဲ။ သူ့အနီးဝန်းကျင်မှာစုံစမ်းခဲ့မိတော့ အဲ့ဒီအမျိုးသမီးရဲ့နာမည်အပြည့်အစုံနဲ့ဇာတ်ကြောင်းကိုပါသိခွင့်ရခဲ့ပြီး ဒီတိုက်ခန်းထဲမှာပဲဖုန်းကြိုးနဲ့ဆွဲကြိုးချပြီးသတ်သေသွားခဲ့တာ ကိုပါ ထိတ်လန့်ဖွယ်သိရှိခဲ့ရပါတော့တယ်။ သူနဲ့နေ့တိုင်းဖုန်းပြောတတ်တဲ့ မိန်းမဟာ သူနဲ့တစ်ချိန်တည်းတစ်ပြိုင်တည်း ၁၉၇၀ ကျော်ကာလမှာ သက်ရှိထင်ရှားရှိနေဆဲလား? ဒါမှမဟုတ် တစ်ချိန်က ဒီတိုက်ခန်းထဲမှာပဲ ဆွဲကြိုးချသေဆုံးခဲ့တဲ့ ဝိဉာဉ်ရဲ့ခြောက်လှန့်မှုတွေလား? အစရှိတဲ့ ပဟေဠိတွေနဲ့အတူ၊ အတိတ်ကာလမှာနေထိုင်ဆဲဖြစ်တဲ့ အမျိုးသမီးဟာ သူနေတဲ့လက်ရှိမျက်မှောက်ခေတ်ကာလအထိအန္တရာယ်ပြုဖို့ကြိုးစားလာတာတွေကို တစ်ကိုယ်တည်းရင်ဆိုင်ရဖို့ဖြစ်လာပါတော့တယ်။ The Caller ဟာ ဗြိတိန်ဟော်ရာဇာတ်ကားတစ်ကားဖြစ်ပြီး Jump scare မပါသလောက်နဲ့ဇာတ်လမ်းဇာတ်အိမ်၊လှည့်ကွက်ကောင်းကောင်းကိုအဆုံးသတ်ထိ သည်း ထိတ်ရင်ဖို့ကြည့်ရှုရမယ့် ကားဟောင်းကားကောင်းတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size…(1.2 GB) / (670 MB) Quality….Blu-Ray 1080p HEVC /720p Format…. mkv/mp4 Genre….Horror,Mystery,Thriller Duration….01:32:41 Subtitle….Myanmar Subtitle (Hardsub) Encoder….Double K Translated by Alias

ကာတာက ငါးစာရောင်းတဲ့ သာမန်အထက်တန်းကျောင်းသူတစ်ယောက်ဖြစ်ပြီး သူ့အဖေကတော့ နေရာအနှံ့မှာ ခြိမ်းခြောက်ခံနေရတဲ့ မင်းသမီးတွေကို ကယ်တင်ပေးတဲ့ နိုင်ငံတကာလျှို့ဝှက်အေဂျင်စီမှာ အလုပ်လုပ်ပါတယ်။ ကာတာအဖြစ် Selena Gomez နဲ့ မင်းသမီးရိုဆလင်ဒါအဖြစ် Demi Lovato တို့ သရုပ်ဆောင်ထားတဲ့ မိသားစုဟာသဒရာမာပါ။ ကိုစတာလူနာဆိုတဲ့ ကျွန်းနိုင်ငံငယ်မှာ နေထိုင်တဲ့ ရိုဆလင်ဒါဟာ ဖခင်ဘုရင်ကြီး နတ်ရွာစံသွားလို့ နောက်တစ်လမှာ ဘုရင်မအဖြစ် နန်းတက်ရတော့မှာ ဖြစ်ပါတယ်။ နန်းတက်ပွဲအတွက် လေ့ကျင့်နေတုန်း ဗိုလ်ချုပ်ကိန်းက မင်းသမီး အသက်ငယ်သေးတာကို အကြောင်းပြပြီး အာဏာသိမ်းဖို့ လုပ်လာတယ်။ ရိုဆလင်ဒါရဲ့ အမေ ကြိုတင်စီစဉ်ထားမှုကြောင့် ကာတာ့အဖေက မင်းသမီးကို ခေါ်ထုတ်လာနိုင်ခဲ့ပါတယ်။ လုံခြုံတဲ့အချိန် ရောက်တဲ့အထိ အေဂျင်စီက နေရာချပေးရာက ရိုဆလင်ဒါဟာ ကာတာတို့အိမ်မှာ ဝမ်းကွဲညီအစ်မ ရိုစီအဖြစ် လာနေရတယ်။ ကာတာက သူ့ကို သာမန်ဆယ်ကျော်သက်တစ်ယောက်လို နေတတ်အောင် သင်ပေးရင်း နှစ်ယောက်ကြား အဖုအထစ်တွေ ကြုံလာကြပါတယ်။ ကျောင်းမှာလည်း အခက်အခဲတွေ ရှိသလို ကပွဲတွေနဲ့ ကပွဲဘုရင်မရွေးပွဲတွေကို ဖြတ်သန်းကြရဦးမယ်။ တစ်ဖက်မှာလည်း ရိုစီက သူ့တိုင်းပြည်ကို ပြန်နိုင်ဖို့ ကြိုးစားရပါတယ်။

တစ်ခေတ်တစ်ခါကအရမ်းနာမည်ကြီးခဲ့တဲ့မင်းသမီးချော Hilary Swank တို့ ဇာတ်ကြမ်းမင်းသားကြီး Idris Elba တို့ပါဝင်သရုပ်ဆောင်ထားတဲ့ 2007 ခုနှစ်တုန်းကထွက်ရှိခဲ့တဲ့ ဘာသာရေးအစွန်းရောက်သည်းထိပ်ရင်ဖိုဇာတ်ကားလေး တစ်ကားကိုတင်ဆက်ပေးလိုက်ပါတယ်။ ဇာတ်ကားနာမည်ကတော့ The Reaping ဖြစ်ပြီး IMDb Rating 5.6 အထိရရှိထားခဲ့ပါတယ်။ ကက်သရင်းက ဘုရားသခင်ကိုလေးလေးနက်နက် ယုံကြည်ပြီးအမှုတော်ဆောင်တစ်ယောက်ဖြစ်ခဲ့ပြီး အံ့ဩဆန်းကြယ်ဖွယ်ရာလို့ လူတွေပြောကြတဲ့အရာတွေကို သိပ္ပံနည်းကျ အဖြေတွေထွက်လာအောင်လုပ်နိုင်တဲ့ ပါမောက္ခတစ်ယောက်လည်း ဖြစ်ပါတယ်။အရင်တုန်းကတော့ ခရစ်ယာန်အမှုတော်ဆောင်ဖြစ်ခဲ့ပေမဲ့ အခုအချိန်မှာတော့ အဲ့ဒါကြောင့်ပဲ သူ့သမီးလေးကိုဆုံးရှုံးလိုက်ရတဲ့အတွက် စိတ်နာပြီး ဘာသာမဲ့တစ်ယောက်ဖြစ်လို့နေပါပြီ။ဘုရားသခင်ကို ပြန်လည်ယုံကြည်လာအောင် သူ့ကိုတခြားသူတွေကလည်း ဘယ်လိုမှ နားချလို့မရတော့ပါဘူး။ဒီလိုနဲ့တစ်နေ့မှာတော့ ကျမ်းစာထဲမှာ နိုင်းမြစ်ကြီးသွေးတွေဖုံးလွှမ်းပြီးနီရဲသွားခဲ့သလို ဟေဗန်ဆိုတဲ့မြို့လေးမှာရှိတဲ့ မြစ်လည်းအဲ့လိုဖြစ်နေတဲ့အတွက် အဖြေရှာဖို့သူ့ကိုလာအကူအညီတောင်းပါတော့တယ်။ဒီလိုနဲ့ သူလည်း ဘန်ဆိုတဲ့သူ့တွဲဖက်နဲ့အတူတူဟေဗန်မြို့ကိုထွက်လာခဲ့ ပါတော့တယ်။အဲ့ဒီမြို့က လူတိုင်းကဘာသာတရားကိုအရမ်း ကိုင်ရှိုင်းတဲ့အတွက် သူ့မျက်လုံးထဲမှာတော့မျက်စိစပါးမွှေးစူး ချင်စရာပါပဲ။ဒါပေမယ့် သူလုပ်စရာရှိတဲ့အလုပ်ဖြစ်တဲ့ မြစ်ကြီးနီရဲ လာတဲ့အကြောင်းအရင်းကို စုံစမ်းစစ်ဆေးရင်းနဲ့မှကျမ်းစာထဲမှာ ပါတဲ့အဖြစ်အပျက်တွေအတိုင်း တစ်ခုပြီးတစ်ခု ဆက်တိုက် ဖြစ်လာတဲ့အခါမှာတော့ ဒီကိစ္စအတွက်ရောသိပ္ပံနည်းကျ ဖြေရှင်းချက်ရှိပါ့မလားဆိုတာအပြင် ဘာသာရေးအစွန်းရောက်တွေ နတ်ဆိုးကိုးကွယ်သူတွေရဲ့ရှုပ်ထွေးမှုတွေကိုစိတ်ဝင်စားစရာကောင်းစွာ ကြည့်ရှုရမဲ့သည်းထိပ်ရင်ဖိုဇာတ်ကားကောင်းလေးတစ်ကားပဲ ဖြစ်ပါတယ်။ File size…1.77GB / 900MB Quality…Blu -Ray 1080p 5.1CH  / 720p Format…mp4 Duration….1h 39m Genre ….. Horror  , Thriller Subtitle….Myanmar Subtitle (Hard Sub) Encoder….Min Wai Translated by Saw Lay