Brie Larson ပါဝင်သော ဇာတ်ကားများ

The Super Mario Galaxy Movie (2026) +++++++++++++++++++ ကြည်တောက်ရှင်း အပဒိတ် ၂၀၂၃ တုန်းက ပရိသတ်တွေကြား အရမ်းရေပန်းစားခဲ့တဲ့ The Super Mario Bros. Movie ရဲ့ အဆက်အနေနဲ့ ဒီနှစ် ၂၀၂၆ ဧပြီလမှာ "The Super Mario Galaxy Movie" ဆိုပြီး ထွက်ရှိလာပါပြီ။ ဒီတစ်ခေါက်မှာတော့ ကမ္ဘာမြေပေါ်မှာတင် မဟုတ်တော့ဘဲ အာကာသထဲအထိ သွားပြီး စွန့်စားကြမယ့် ပုံစံလေးပါ။ ဝေဖန်ရေးဆရာတွေက သိပ်သဘောမကျပေမဲ့ ပရိသတ်တွေကတော့ အရမ်းကြိုက်ကြလို့ ရုံတင်ပြီး သိပ်မကြာခင်မှာပဲ ဝင်ငွေ ဒေါ်လာ ၄၆၃ သန်းကျော်အထိ ရရှိထားပြီး အောင်မြင်နေတဲ့ ကားလေးပါ။ ဇာတ်လမ်းအကျဉ်း အရင်ကားမှာ Mario တို့ နှိမ်နင်းလိုက်လို့ သေးသေးလေးဖြစ်သွားတဲ့ Bowser ကို ကယ်ဖို့ သူ့ရဲ့သား Bowser Jr. က ကြံစည်ရာကနေ စတာပါ။ Bowser Jr. က အာကာသထဲက ကြယ်လေးတွေရဲ့ မိခင် မင်းသမီး Rosalina ကို ဖမ်းသွားပါတယ်။ ဒီတော့ Rosalina ကို ဖမ်းသွားတဲ့ ပြန်ပေးသမား Bowser Jr. ကို တားဆီးဖို့နဲ့ အာကာသကြီးကို ကယ်တင်ဖို့ Mario, Luigi, Princess Peach, Toad နဲ့ အသစ်ပါလာတဲ့ ဒိုင်နိုဆောလေး Yoshi တို့ အာကာသထဲကို သွားပြီး စွန့်စားကြရတဲ့ အကြောင်းလေးပါ။ ပါဝင်တဲ့ ဇာတ်ကောင်တွေအရင်ကားက Mario (Chris Pratt), Luigi (Charlie Day), Peach (Anya Taylor-Joy) နဲ့ Bowser (Jack Black) တို့ ပြန်ပါလာတဲ့အပြင် အသစ်အနေနဲ့ Bowser Jr. (Benny Safdie) နဲ့ မင်းသမီး Rosalina (Brie Larson) တို့ ထပ်တိုးပါဝင်လာပါတယ်။ ဒါ့အပြင် Star Fox ဂိမ်းထဲက Fox McCloud အဖြစ် Glen Powell လည်း ဧည့်သည်သရုပ်ဆောင်အနေနဲ့ ပါဝင်လာလို့ ဂိမ်းပရိသတ်တွေအတွက်တော့ တကယ့်ကို အကြိုက်တွေ့စေမှာပါ။ ဇာတ်လမ်းက အရမ်းကြီး လေးလေးနက်နက် တွေးနေစရာမလိုဘဲ ပေါ့ပေါ့ပါးပါးနဲ့ ရယ်ရယ်မောမော ကြည့်လို့ကောင်းတဲ့ ကားမျိုးပါ။ ဂိမ်းထဲက ကမ္ဘာတွေကို အပြင်မှာ မြင်ရသလိုမျိုး ဖန်တီးထားတာတွေ၊ ဇာတ်ကောင် အသစ်တွေနဲ့ အက်ရှင်အခန်းတွေကလည်း ပိုမိုက်လာပါတယ်။ ကြည့်လိုက်ကြပါဦး။ File size… 2.31 GB / 1.32GB Quality… WEB-DL,1080p HEVC / 720p Format… mp4/ mkv Duration…. 1h 38m Genre ..... Adventure, Animation ,Comedy Subtitle…. Myanmar Subtitle (Hard Sub)

Lessons in Chemistry (2023) IMDb Rating - 7.9/10 ဒီတစ်ခါမှာတော့ CM ပရိတ်သတ်ကြီးတို့ကို "Captain Marvel" မင်းသမီး "Brie Larson" အဓိကဇာတ်ဆောင်အဖြစ်ပါဝင်ထားတဲ့ (2023)ခုနှစ်ထွက် "Lessons in Chemistry"ဆိုတဲ့ စီးရီးကောင်းလေးနဲ့ မိတ်ဆက်ပေးချင်ပါတယ်။ 1951ခုနှစ်ကို အခြေတည်ထားတာဖြစ်တဲ့အတွက် အဲ့ဘက်ခေတ် အပြင်အဆင် မျိုးကို ကြိုက်တဲ့သူတွေ ကြည့်ချင်လောက်မဲ့စီးရီးမျိုးပါ။ စာရေးဆရာမ Bonnie Garmusရဲ့ ကျော်ကြားခဲ့တဲ့ "Lessons in Chemistry"ဆိုတဲ့ ဝတ္ထုစာအုပ်ကို အခြေတည်ပြီးရိုက်ကူးထားတာဖြစ်ပါတယ်။ မင်းသမီး Brie Larsonကို အဲ့ဘက် ခေတ် အပြင်အဆင်လေးနဲ့မြင်ရတာ အတော်မိုက်ပါတယ်။ ထိုခေတ်ထိုအခါက အမျိုးသမီးသိပ္ပံပညာရှင်တွေ ရှိပေမဲ့ ရှားတဲ့ခေတ်လို့ဆိုရမှာပါ။ ကျွန်တော်တို့ရဲ့အဓိကဇာတ်ကောင် အဲလိဇဘက်ဇော့ဟာ ဓာတုဗေဒမှာ မာစတာ ဘွဲ့ရထားပြီး ပါရဂူဘွဲ့ရတွေထက်တောင် အရည်အချင်းသာလွန်ပေမဲ့ ကျား/မခွဲခြား ဆက်ဆံတတ်တဲ့ အထက်လူကြီးရဲ့ အယောင်ပြဖိန့်လုံးဖြစ်တဲ့ "ပါရဂူဘွဲ့မရထားဘူး" ဆိုတဲ့ အကြောင်းပြချက်နဲ့ အလုပ်မှာရာထူးတိုးပေးခြင်းမခံရတဲ့အပြင် လုပ်ဖော် ကိုင်ဖက်တွေဆီကနေပါ အတွင်းရေးမှူးသာသာဆက်ဆံတာကို ခံနေရသူပါ။ တစ်နေ့တော့ သူ့အရည်အချင်းကို သတိထားမိပြီး အသိအမှတ်ပြုပေးတဲ့ အလုပ် ထဲက ကြယ်ပွင့် ဓာတုဗေဒပညာရှင်ကယ်လ်ဗင်အီဗန်နဲ့ မထင်မှတ်ဘဲ သိကျွမ်းခဲ့ရာ ကနေ သူ့ရည်မှန်းချက်ကို ယုံကြည်ပံ့ပိုးကူညီပေးမဲ့သူရှာတွေ့ခဲ့ပါတော့တယ်။ IMDb Rating 7.9 နဲ့ ခရမ်းချဉ်သီး (81)လုံးရရှိထားတဲ့ စီးရီးလေးဖြစ်တာမို့ ကြည့်ကောင်း မယ်ဆိုတာကတော့ အသေအချာမဟုတ်လား၊ ကဲ ကြည့်ရှုခံစားလိုက်ကြပါဦးဗျာ။ (ဒီစီးရီးရဲ့ အညွှန်းကို Ngwe Zin မှ ရေးသားပေးပြီး၊ ဘာသာပြန် ရေးသားပေးသူများကတော့ Ngwe Zin, EL တို့ဖြစ်ပါတယ်။) File Size.............(300 MB) / (600 MB) Quality...............WEBDL 720p / 1080p Duration............50Mins(@Episode) Subtitle..............Myanmar Hardsub Format...............MP4 Genre.................Drama Translator..........Ngwe Zin, EL Encoder..............SWM

Netflixကနေပြီးတော့ ကြည့်လို့ကောင်းတဲ့ နောက်ထပ် spin off seriesလေးတစ်ခုတင်ဆက်လိုက်ပြန်ပါပြီ။ မူရင်း Scott Pilgrim Comicကိုအခြေခံကာ adventure action animationစီးရီးအဖြစ်ထွက်ရှိလာတာဖြစ်ပြီး အသံသရုပ်ဆောင်ပေးထားတဲ့ actorsတွေကလည်း ၂၀၁၀ခုနှစ်က Scott Pilgrim vs. the Worldဇာတ်ကားထဲက သရုပ်ဆောင်တွေပါပဲ။ ဆိုတော့ကပ္ပတိန်အမေရိကChris Evans၊ကပ္ပတိန်မာဗယ် Brie Larsonစတဲ့ ပရိသတ်အကြိုက် သရုပ်ဆောင်တွေလည်းပါတာပေါ့။ ဇာတ်လမ်းအကျဥ်းကို ဆက်ကြပါစို့...။ Scott Pilgrimဆိုတာကတော့ Ramona Flowersဆိုတဲ့ ကောင်မလေးကို ကြိုက်မိတဲ့ အလုပ်အကိုင်မရှိနဲ့ဂစ်တာတီးဝိုင်းက ကောင်လေးတစ်ယောက်ပါ။ ဘယ်လောက်ကြိုက်မိလဲဆိုရင် အိပ်မက်ထဲအထိတောင် ထည့်မက်ရအောင်ကြိုက်ပါတယ်။ သူအဲ့လောက်ကြိုက်မယ်ဆိုရင်လည်း ကြိုက်ချင်စရာပဲဗျ... ဘာလို့ဆို anmiatedပုံစံနဲ့ Ramonaလေးက အတော်ကို ချစ်စရာကောင်းတဲ့ပုံစံလေးပါ။ သို့ပေမယ့် ဒီကောင်မလေးကို‌ လွယ်လွယ်နဲ့ကြိုက်ချင်တိုင်း ကြိုက်လို့မရအောင် လိုက်နှောင့်ယှက်တဲ့သူတွေရှိနေပါတယ်...။ သူတို့တွေကတော့ Ramonaရဲ့ ရည်းစားဟောင်း ဇိုး၇ယောက်နဲ့ ဖွဲ့စည်းထားပြီး ရှေ့လူထက်နောက်လူ လက်စွမ်းထက်တဲ့ ရည်းစားဟောင်းဇိုးများအဖွဲ့ပဲဖြစ်ပါတယ်။ Ramonaကို ကြိုက်ချင်ရင် ဒီရည်းစားဟောင်း ဇိုး၇ယောက်ကို အနိုင်ယူပြီးမှ ကြိုက်လို့ရပါမယ်...။ ဒီတော့ Scott Pilgrimတစ်ယောက် Ramonaနဲ့လက်တွဲနိုင်ဖို့အတွက် ရည်းစားဟောင်းဇိုးများအဖွဲ့ကို အနိုင်ယူနိုင်ပါ့မလား...။ အကယ်၍များ အနိုင်မယူနိုင်ဘဲ အသက်သေဆုံးသွားခဲ့ရင်ရော ဇာတ်လမ်းကဘယ်လိုဆက်မလဲ...စတာတွေကို action ဆန်ဆန် မြင်တွေ့ရမှာမို့ ကြည့်ဖြစ်အောင်ကြည့်သင့်တဲ့ စီးရီးလေးပါပဲ...။ ၂၀၁၀ထွက်ဇာတ်ကားလေးကလည်း အတော်ကောင်းတဲ့ကားလေးမို့ မကြည့်ရသေးရင်CMမှာ ရှာကြည့်နိုင်တာမို့ ထပ်မံညွှန်းပေးလိုက်ပါတယ်ဗျ။ File Size –  727 MB / 269 MB Quality –WEB-DL 1080p , 720p Duration –  29 Min  (@Episode) Total Episodes: 8 Eps Subtitle – Myanmar Hardsub Format – Mp4 Genre : Animation , Action , Adventure Translator – Themes , Aoi & TD Encoder – Min Wai

မာဗယ် ရုပ်ရှင် စကြဝဠာရဲ့ ၃၃ ကားမြောက်ဖြစ်တဲ့ The Marvels ကိုတင်ပေးထားပါတယ်။ Webrip ကွာလာတီအကြည်ဖြစ်ပေမဲ့ အသံကတော့ cam နဲ့ပေါင်းထားတဲ့အဆင့်ပဲရှိပါသေးတယ်။ ဒီရုပ်ရှင်ထဲမှာ အဓိက ပါတဲ့နောက်ထပ်ကာရိုက်တာနှစ်ယောက်ကိုတော့ Wanda Vision စီးရီး နဲ့ Ms Marvel စီးရီးတွေမှာ မိတ်ဆက်ထားပြီးပါပြီ။ ဒီရုပ်ရှင်ဟာ ရိတ်တင်နည်းနေတာရယ်၊ ဇာတ်လမ်းက ပေါနေတာရယ် ကလွဲရင် ကြည့်သင့်တဲ့ရုပ်ရှင်ပါပဲ။ ဘာလို့လဲဆိုတော့ မာဗယ်ရဲ့အကြီးဆုံးခြေလှမ်းတွေထဲက တစ်ခုကို ဒီကနေ စတင်ထားလို့ပါ။ ထုံးစံအတိုင်း ဘယ်လောက်ပေါပေါ နောင်လာမဲ့ကားတွေနဲ့ ဆက်စပ်မိအောင် တစ်ခါတော့ ကြည့်ကိုကြည့်ထားရမှာပါပဲ။ ဇာတ်လမ်းအကျဉ်း ကပ္ပတိန်မာဗယ်ဖြစ်တဲ့ ကယ်ရိုးဒန်ဗာဟာ အာကာသထဲမှာ ရှိနေချိန် စကြဝဠာထဲက ခုန်မှတ်တစ်ခုက အပေါက်ကြီးဖြစ်သွားပါတယ်။ အဲဒီအပေါက်ကို ဖြူရီရဲ့အဖွဲ့က သွားစုံစမ်းနေချိန်မှာ ကပ္ပတိန်မိုနီကာရမ်ဘူးလည်းပါလာပါတယ်။ အဲဒီအပေါက်ထဲက စွမ်းအင်တွေကြောင့် ကယ်ရိုးနဲ့မိုနီကာတို့ ချိတ်ဆက်မိသွားပါတယ်။ တချိန်တည်းမှာပဲ အဲဒီအပေါက်ကိုဖန်တီးလိုက်တဲ့ ကွမ်တမ်လက်ပတ်တစ်ခုက ခရီး ခေါင်းဆောင် ဒါဘန်းဆီမှာရှိနေပြီး နောက်တစ်ခုက ကာမာလာခန်းဆီမှာရှိနေတာကြောင့် ကာမာလာကလည်း ကယ်ရိုးတို့နှစ်ယောက်နဲ့ စွမ်းအားတွေချိတ်ဆက်မိသွားပါတယ်။ ဒါကြောင့် သူတို့သုံးယောက်ခွဲမရတော့ဘဲ အတူပေါင်းပြီး ခရီးဂြိုလ်သားတွေနဲ့ ရင်ဆိုင်ရပါတော့တယ်။ ခရီးဥသျှောင် ဒါဘန်းရဲ့အကြံက စကြဝဠာတစ်ခုလုံးပါ ပျက်စီးသွားနိုင်ကြောင်းသိရတဲ့အခါ မာဗယ် ၃ ယောက် တားဆီးဖို့ ကြိုးစားကြပါတော့တယ်။ File size…(1.8 GB/960 MB) Quality….Webrip 1080P/720p Format…mp4 Duration….01:45:00 Genre...Action, Adventure, Fantasy Subtitle….Myanmar Subtitle (Hardsub) Encoder….Garfield Translated by Mr. Anderson

ဒွန်တို့ မိသားစုဆီကို ဒီတစ်ခါ လက်စားချေဖို့ ရောက်လာသူက သူတို့ရှင်းပစ်ခဲ့တဲ့ မူးယစ်ရာဇာ ရေးယက်စ်ရဲ့သား ဒန်တေပါ။ ဒန်တေက ဒွန့်ကို တန်းသတ်ပစ်ဖို့ထက် သူမသေခင်မှာ သူ့မိသားစုနဲ့ သူပိုင်ဆိုင်သမျှကို အရင်ဖျက်ဆီးချင်နေတယ်။ အဲဒီအတွက် အကွက်ချစီစဉ်ပြီး ထောင်ချောက်တွေကို တစ်ဆင့်ပြီးတစ်ဆင့် ဆင်ထားပါတယ်။ ဒွန်တို့မိသားစု အတူတကွ ရင်ဆိုင်ပြီး ဒီထောင်ချောက်တွေကို ဘယ်လိုကျော်ဖြတ်ကြမလဲဆိုတဲ့ အက်ရှင်ဇာတ်လမ်းပါ။ Fast X ကို Hulk၊ Now You See Me နဲ့ Transporter တို့ ရိုက်ကူးခဲ့တဲ့ Louis Leterrier က ဒါရိုက်တာလုပ်ထားပါတယ်။ ဗန်ဒီဇယ်၊ ဂျွန်စီနာတို့နဲ့အတူ Tokyo Drift ထဲက Sung Kang ကလည်း Han အဖြစ် ပြန်ပါဝင်လာတယ်။ ပထမဇာတ်ကားကတည်းက ပါလာတဲ့ သရုပ်ဆောင်တွေထဲမှာ ဗန်ဒီဇယ်၊ Michelle Rodriguez နဲ့ Jordana Brewster တို့ ပါဝင်ထားသလို တခြားဧည့်သည်သရုပ်ဆောင်တွေလည်း ပါပါတယ်။

အားလုံးစောင့်နေကြမယ့် ရှမ်းကြီးလာပါပြီ။ ဒီရုပ်ရှင်ဇာတ်လမ်းကတော့ End Game အပြီး လူတွေ ကမ္ဘာပေါ်ကို ပြန်ရောက်ရှိနေတဲ့ ကာလမှာ အခြေတည်ထားတာပဲဖြစ်ပါတယ်။ အဓိကဗီလိန်ကတော့ The Mandarine ပါ။ အိုင်ရွန်မန်း-၃ မှာတုန်းက မန်ဒရင်းအတုနဲ့တွေ့ခဲ့ကြတာ မှတ်မိကြဦးမှာပါ။ ဒီတစ်ခါတော့ မန်ဒရင်းအစစ်လာပါပြီ။ စူပါပါဝါတွေရယ် မသေမျိုးအဖြစ်ရယ်ကို ပေးနိုင်စွမ်းရှိတဲ့ ဒဏ္ဍာရီလာ ကွင်းဆယ်ကွင်းကို ပိုင်ဆိုင်ထားပြီး လျို့ဝှက် အဖွဲ့ကြီးတစ်ခုရဲ့ ခေါင်းဆောင်လည်းဖြစ်ပါတယ်။ ရှန်းချီကတော့ သူ့အဖေခိုင်းတာတွေကို မလုပ်ချင်တော့လို့ ငယ်ငယ် ကတည်းက အိမ်ကထွက်ပြေးပြီး ဇာတ်မြှပ်နေခဲ့တဲ့ သိုင်းသမားလေးပဲဖြစ်ပါတယ်။ ရှမ်းချီဇာတ်ကောင်ဟာ မာဗယ် ဟီးရိုးတွေထဲက သိုင်းအတော်ဆုံးဇာတ်ကောင်ဖြစ်ပြီး Iron Fist နဲ့ လက်ရည်တူလောက်ရှိပါတယ်။ ကပ္ပတိန်တို့ စပိုက်ဒီတို့ကိုတောင် သိုင်းသင်ပေးဖူးပါသေးတယ်။ ဒီရုပ်ရှင်အဆုံးမှာတော့ ထုံးစံအတိုင်း post-credit scene နှစ်ခု ပါတာမို့ ရှာကြည့်ဖို့ မမေ့ပါနဲ့ဦးနော်။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Mr.Anderson ပဲဖြစ်ပါတယ်။) File Size - (6.7 GB)&(2.59 GB)&(1.57 GB )&(700 MB) Quality –Blu-Ray 4K (IMAX) HEVC , 1080p , 720p, 480p Duration - 2hr 12min Subtitle – Myanmar Hardsub Format – MKV / MP4 Genre : Action, Adventure, Fantasy Translator – Mr.Anderson Encoder – San Win Maung, Phyo Pyae

Between Two Ferns Between Two Fernsရဲ့ အစီအစဉ်တင်ဆက်သူဇက်တစ်ယောက် သူ့ရဲ့စတူဒီယိုကြီးတစ်ခုလုံးရေလွှမ်းခံလိုက်ရပြီးတဲ့နောက်မှာတော့ ပိုင်ရှင်ဖြစ်တဲ့ဝေးလ်ဖယ်ရိုနဲ့ အပေးအယူတစ်ခုလုပ်ခဲ့လိုက်ပါတယ်။ အပေးအယူကတော့ အင်တာဗျူးအစီအစဉ်အတွက် ၁၀ပိုင်းရှာပေးရင် သူညစဉ်ညတိုင်းပါဝင်နိုင်တဲ့ကိုယ်ပိုင် တီဗီရုပ်သံအစီအစဉ်တစ်ခုပေးဖို့ပါပဲ ။ အပေးအယူကိစ္စအောင်မြင်ပြီးတာနဲ့ ဇက်တစ်ယောက် သူ့စက်အဖွဲ့သား ၃ယောက်နဲ့ နိုင်ငံအနှံ့လျှောက်သွားပြီး အင်တာဗျူးပါတော့တယ်။ သူ့အင်တာဗျူးက တကယ်နာမည်ကြီးသရုပ်ဆောင်တွေကို အဆိုးဖက်ကနေဦးတည်ပြီးတော့ အနောက်ပုံစံနဲ့မေးမြန်းပြီး အတည်ပေါက်နဲ့ ကိုယ့်မကောင်းကြောင်းတွေကို ပြောဆိုခံရတဲ့အနေအထားပါ။ ဆိုတော့ ဇက်တစ်ယောက်သူရဲ့အပေးအယူကိုအောင်မြင်စွာ လုပ်ဆောင်နိုင်မလား ကိုယ်ပိုင်တီဗီအစီအစဉ်တစ်ခုရနိုင်မလားဆိုတာကိုတော့ ဆက်လက်ကြည့်ရှုလို်က်ရအောင်ပါဗျာ။ အင်တာဗျူးခံရတဲ့သူတွေထဲမှာ ကိုယ်တွေရဲ့ မာဗယ်ဟီးရီုးတွေအများကြီးပါဝင်ပါတယ်နော်။ ကိုယ်တွေရဲ့ဒေါက်တာအဆန်းကြီးကိုဖဲ့တာ ဖဲ့တာဆိုတာ။ File size…(1.28 GB) and (601.53 MB) Quality…1080p NF.WEBRip H264 FGT Format…mp4 Duration…1h 22min Subtitle….Myanmar Subtitle (Hardsub) Encoder…sithu Translator...Charm

ဖစ်ရပ်မှန်ကို အခြေခံပြီး ရိုက်ကူးထားတဲ့ ကားသစ်လေးပါ။ နာမည်ကြီး မင်းသား ၂ ယောက်ဖြစ်တဲ့ Michael B. Jordan နဲ့ Jamie Foxx တို့ သရုပ်ဆောင်ထားပါတယ်။ ဇာတ်လမ်းအကျဉ်းကတော့ ဟားဗတ်ကနေ Law နဲ့ ဘွဲ့ရလာတဲ့ Bryan Stevenson က South Center မှာ လူ့အခွင့်အရေးလှုပ်ရှားသူ ကျောင်းသားတစ်ယောက်အနေနဲ့ အလုပ်သင်ဝင်လုပ်ပြီးနောက်မှာ သူ့ရဲ့ခရီးစဉ် စတင်ခဲ့တာဖြစ်ပါတယ်။ နောက်တော့ သူက Alabama မှာ အကျဉ်းသားတွေရဲ့ အခွင့်အရေးအတွက် တိုက်ခိုက်ပေးဖို့ Equal Justice Initiative (EJI) ကို တည်ထောင်ခဲ့တယ်။ ဒေသခံ Eva Ansley ရဲ့အကူအညီနဲ့ သေဒဏ်ကျခံနေရတဲ့အကျဉ်းသားတွေရဲ့ အမှုကို စတင်ပြီး ကိုင်တွယ်တော့တယ်။ အဲဒီမှာ လူသတ်မှုကြီးတစ်ခုအတွက် မှားယွင်းစွာစွပ်စွဲခံထားရတဲ့ Johnny D နဲ့ စပြီး ဆုံကြတော့တယ်။ ဒီဇာတ်ကားလေးထဲမှာ စနစ်အတွင်း အကျင့်ပျက်ချစားမှု၊ အပြစ်မဲ့တဲ့အကျဉ်းသားတွေအတွက် Stevenson တစ်ယောက် ဘယ်လိုကြိုးပမ်းမလဲဆိုတာတွေ ရှုမြင်ခံစားရမှာဖြစ်ပါတယ်။ File Size : ( 1 GB , 401 MB) Quality : WEB-DL 720p Running Time : 2 hr 17 min Format : Mp4 Genre : Biography , Crime , Drama Subtitle : Myanmar Subtitle (Hard Sub) Translated by Ye Man Aung Encoded by Moe Myint Lwin

Marvel Cinematic Universe: Phase Three ကတော့ MCU ရဲ့ အကောင်းဆုံးအစိတ်အပိုင်းလို့ဆိုရတဲ့အထိ လူကြိုက်များပြီး ထောင့်စေ့ခဲ့ပါတယ်။Phase 3 မှာတော့ Infinity Stone ခေါ် စကြာဝဠာကျောက်တုံး(၆) တုံးနဲ့ စကြာဝဠာလူကြမ်းကြီး သားနို့စ်နဲ့ မျက်နှာချင်းဆိုင်ဖိုက်ကြတဲ့အထိ ကြမ်းကုန်ကြပါပြီ။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 3 မှာတော့ ရုပ်ရှင် ၁၁ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Captain America: Civil War (2016) Doctor Strange (2016) Guardians of the Galaxy Vol. 2 (2017) Spider-Man: Homecoming (2017) Thor: Ragnarok (2017) Black Panther (2018) Avengers: Infinity War (2018) Ant-Man and the Wasp (2018) Captain Marvel (2019) Avengers: Endgame (2019) Spider-Man: Far From Home (2019) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Captain Marvel (2019) IMDb Raing (6.8) / Rotten Tomatoes (79%) "Captain Marvel" သည် MCU Phase 3 ရဲ့ ၉ ကားမြောက် ဇာတ်ကားဖြစ်ပြီး "Avengers: Endgame" (2019) မတိုင်မီ နောက်ဆုံးရုံတင်ပွဲထုတ်ခဲ့တဲ့ MCU ရဲ့ ပထမဆုံးအမျိုးသမီး အဓိကဇာတ်ကောင် solo ဇာတ်ကားဖြစ်ပါတယ်။ 1990 ခုနှစ်ကာလကို ပြန်လည်ဖော်ပြထားပြီး Carol Danvers/Captain Marvel (Brie Larson) ရဲ့ မူလဇစ်မြစ်နဲ့ ကမ္ဘာမြေနဲ့ဆက်နွယ်မှုတွေကို အဓိကထားတင်ဆက်ထားပါတယ်။ "Infinity War" post-credit scene မှာ Nick Fury က Captain Marvel ကို အရေးပေါ်ခေါ်ယူခဲ့တဲ့ အကြောင်းရာကိုမြင်တွေ့ရမှာဖြစ်ပြီးတော့ Captain Marvel ဆိုတာ "Endgame" ကျ Thanos ကို တိုက်ခိုက်ကြမယ့် Avengers တွေအတွက် အရေးကြီးတဲ့စွမ်းအားရှင်ဖြစ်လာခဲ့ပါတယ်။ Budget $152-175 million ကုန်ကျခဲ့ပြီး Box office ဝင်ငွေ $1.131 billion ထိပြန်လည်ရရှိခဲ့ပါတယ်။ File size…(4 GB)/ (1.6 GB )/(1 GB) Quality…WEB-DL IMAX 4K HEVC/ 1080p HEVC / 720p Format…mkv/mp4 Duration….02:04:00 Subtitle….Myanmar Subtitle (Hardsub) Encoder….Ka Naung Translated by Littleneo

Marvel Cinematic Universe: Phase Three ကတော့ MCU ရဲ့ အကောင်းဆုံးအစိတ်အပိုင်းလို့ဆိုရတဲ့အထိ လူကြိုက်များပြီး ထောင့်စေ့ခဲ့ပါတယ်။Phase 3 မှာတော့ Infinity Stone ခေါ် စကြာဝဠာကျောက်တုံး(၆) တုံးနဲ့ စကြာဝဠာလူကြမ်းကြီး သားနို့စ်နဲ့ မျက်နှာချင်းဆိုင်ဖိုက်ကြတဲ့အထိ ကြမ်းကုန်ကြပါပြီ။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 3 မှာတော့ ရုပ်ရှင် ၁၁ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Captain America: Civil War (2016) Doctor Strange (2016) Guardians of the Galaxy Vol. 2 (2017) Spider-Man: Homecoming (2017) Thor: Ragnarok (2017) Black Panther (2018) Avengers: Infinity War (2018) Ant-Man and the Wasp (2018) Captain Marvel (2019) Avengers: Endgame (2019) Spider-Man: Far From Home (2019) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Avengers: Endgame (2019) IMDb Raing (8.4) / Rotten Tomatoes (94%) "Avengers: Endgame" သည် MCU Phase 3 ရဲ့ အထွတ်အထိပ်နဲ့ Infinity Saga ရဲ့ အဆုံးသတ်ဇာတ်ကားဖြစ်ပြီး၊ 11 နှစ်တာ MCU ဇာတ်လမ်းတွဲရဲ့ နိဂုံးချုပ်အဖြစ် ရပ်တည်ကာ ရုပ်ရှင်သမိုင်းမှာ အကြီးကျယ်ဆုံး box office အောင်မြင်မှုများ ရရှိခဲ့ပါတယ်။ "Infinity War" မှာ Mad Titan ဖြစ်တဲ့ Thanos ဟာ စကြဝဠာကြီး အဓွန့်ရှည်ဖို့ Infinity Stones အနန္တကျောက်တုံးတွေကိုသုံးပြီး သက်ရှိ တစ်ဝက်တိတိကို ဖျောက်ပစ်ခဲ့ပါတယ်။ ဒီအဖြစ်အပျက်ပြီး 5 နှစ်အကြာမှာတော့ ကျန်ရစ်သူ Avengers များဟာ အချိန်ခရီးသွားပြီး Infinity Stones များကို ပြန်လည်စုဆောင်းပြီး Snap ကို ပြန်ဖျက်မယ့် မဟာဗျူဟာကိုကြံဆောင်တဲ့အခါ Thanos နဲ့ ဘယ်လိုထိပ်တိုက်တွေ့ကြမလဲဆိုတာ အံ့ဩဘနန်းကြည့်ရှုရမယ့် စူပါဟီးရိုးသမိုင်းရဲ့ အကြီးကျယ်ဆုံးသော ရုပ်ရှင်ကားဖြစ်ပါတယ်။ Budget $356-400 million ကုန်ကျခဲ့ပြီး Box office ဝင်ငွေ $2.799 billion ထိပြန်လည်ရရှိခဲ့တာကြောင့် အအောင်မြင်ဆုံး MCU ဇာတ်ကားဖြစ်လာပါတယ်။ Infinity Stones အကြောင်းတွေနဲ့ MCU အကြောင်းကို အကြမ်းဖျဉ်းမိတ်ဆက်ရရင် Marvel Universe မှာ Infinity Stone လို့ ခေါ်တဲ့ စွမ်းအား အကြီးဆုံး ကျောက်တုံး(၆) လုံးရှိပါတယ်။ အဲဒီကျောက်တုံးတွေဟာ စကြဝဠာအနှံ့မှာ ပြန့်ကျဲနေပါတယ်။ ကျောက်တုံးတစ်တုံးချင်းစီမှာ သီးခြားအစွမ်းတွေ ရှိပြီး သာမာန်လူတွေ ကိုင်တွယ်သုံးစွဲဖို့ မဖြစ်နိုင်သလောက်ပါပဲ။ Infinity War ရဲ့ အဓိက ဗီလိန်ဖြစ်တဲ့ Mad titan လို့ခေါ်ကြတဲ့ Thanos က ဒီကျောက်တုံးတွေကို စုစည်းပြီး စကြဝဠာကို သူ့သဘောအတိုင်းဖန်တီးဖို့ကြိုးစားပါလိမ့်မယ်။ ဒါကို Avengers( Captain America, Iron Man, Hulk, Thor, Black Widow, Hawkeye, Vision,Scarlet Witch,Antman,Falcon) တို့နဲ့ Spiderman, Doctor Strange, Black Panther, Guardians of the Galaxy အဖွဲ့တို့ ပူးပေါင်းတားဆီးကြရင်း ဖြစ်လာတဲ့ စစ်ပွဲပါ။ Infinity Stones 6 လုံးရဲ့ တည်နေရာတွေကတော့ ၁. Space Stone aka Tesseract (Blue) (Captain America: the first avenger ဇာတ်ကားမှာ နာဇီတွေဆီက လုယူရတဲ့ ကျောက်တုံးဖြစ်ပြီး Avengers ဇာတ်ကားမှာ လိုကီက ဂြိုလ်သားတွေကို ကမ္ဘာကိုခေါ်ဖို့ ဝင်ပေါက်ဖွင့်တဲ့နေရာမှာ အသုံးပြုခဲ့ပါတယ်၊ လက်ရှိကတော့ Asgard ဂြိုလ်ပေါ်မှာ သိမ်းဆည်းခဲ့ရင်း Thor: Ragnarok ကားအဆုံးမှာ လိုကီ ခိုးယူခဲ့တာကို တွေ့ရမှာပါ) ၂။ Reality Stone aka Aether (Red) ( စကြဝဠာကို Big Bang မတိုင်ခင်အထိတောင် ပြန်ပြောင်းပစ်နိုင်ပါတယ်။ Thor 2: The Dark World မှာ ပါလာခဲ့ပြီး နောက်ဆုံး credit scene မှာ Collector ဆိုသူဆီမှာ သိမ်းဆည်းထားပါတယ်) ၃။ Power Stone (Purple Orb) ( ဂြိုလ်တစ်ခုလုံးကို အသာလေးဖျက်ပစ်လို့ရတဲ့ raw power တွေပါပါတယ်။ Guardian of the Galaxy 1 မှာ ပါဝင်ခဲ့ပြီး Xander က Nova Corps စစ်တပ်လက်ထဲမှာ သိမ်းဆည်းထားပါတယ်။) ၄။ The Time Stone ( The Eye of Agomotto, Green) ( အချိန်ကို လိုသလိုအသုံးချနိုင်ပါတယ်။ Doctor Starnge ဇာတ်လမ်းမှာ ပါဝင်လာပြီး လက်ရှိ ဒေါက်တာ စထ်ရိန့်က စောင့်ရှောက်ထားပါတယ်) ၅။ Mind Stone (Yellow) ( ဉာဏ်ရည်ကို မြှင့်တင်ခြင်းနဲ့ စိတ်ညို့ခြင်းတွေ ပြုလုပ်နိုင်ပါတယ်။ Avengers 1 မှာ ပါဝင်ခဲ့ပြီး လက်ရှိ Vision ရဲ့ နဖူးထဲမှာ မြှပ်ထားတာပါ) ၆။ Soul Stone (Orange) ( သက်ရှိ သက်မဲ့ အခြေအနေတွေကို ထိန်းချုပ်နိုင်ပါတယ်။ Planet Vormir မှာရှိပါတယ်။ ) အဆိုပါ ကျောက်တုံး ၆ တုံးကို သုံးနိုင်ဖို့ Infinity Gauntlet ဆိုတဲ့ လက်အိတ်ကို လိုပါတယ်။ အဲဒီလက်အိတ်ကိုတော့ Thanos ပိုင်ဆိုင်ထားပါတယ်။ ကဲ Thanos ကြီးရဲ့အကြံအစည် အောင်မြင်ပါ့မလားဆိုတာ....။ File size…(7.4 GB)/ (3.6 GB )/(1.8 GB) Quality…WEB-DL IMAX 4K HEVC/ 1080p HEVC / 720p Format…mkv/mp4 Duration….03:01:00 Subtitle….Myanmar Subtitle (Hardsub) Encoder….Ka Naung Translated by Littleneo

မိဘဆိုတာ သားသမီးအတွက်အားလုံး ဖြည့်ဆည်းပေးချင်ကြတဲ့သူတွေပါ။ ဒါပေမယ့်သူတို့အားလုံးကလဲ ခြောက်ပစ်ကင်းသဲလဲစင် ပြည့်စုံကြတဲ့သူတွေတော့မဟုတ်ကြပါဘူး။ တခါတလေ သူတို့ဆုံးဖြတ်ရာနောက်ကို သားသမီးတွေလိုက်ရတာ မလွယ်ကူပါဘူး။ ရက်စ်ဝေါက ပကာသနဲ့လောကကြီးကို စိတ်ကုန်နေပြီးသူ့ဘဝကို ရိုးရိုးရှင်းရှင်းဖြတ်သန်းချင်သူပီပီ သူ့မိသားစုကိုလည်း သူ့လိုပဲနေခိုင်းပါတယ်။ သူနေတဲ့ပုံစံက အဆင်မပြေဖြစ်လာရင် တနေရာကနေ တနေရာကို အမြဲပြောင်းနေတာပါ။ ကြာလာတော့သားသမီးတွေက အဖေကိုအလိုမကျဖြစ်လာပြီး ပုန်ကန်လာပါတော့တယ်။ သူတို့ထင်သလို ဘဝကလွယ်ကူပါ့မလား။ နောက်ဆုံးမိဘကိုနားလည်ပြီး ပြန်အဆင်ပြေသွားပါ့မလား။ ဒီဇာတ်လမ်းကိုကြည့်နေရင်းနဲ့ကို ရက်စ်ဝေါနဲ့သူ့မိန်းမ ရို့စ်မယ်ရီကို စိတ်လဲတို သနားလဲသနားစရာ ခံစားရပါလိမ့်မယ်။ သားသမီးနဲ့ မိဘအကြားပြသထားတဲ့ ၅၂၈ မေတ္တာဇာတ်ကားကောင်းလေးတခုပါ (ဇာတ်လမ်းအညွှန်းနဲ့ဘာသာပြန်သူကတော့ Rebel Hnin ပါ) File Size : (900 MB) Quality : Blu-Ray 720p Running Time : 2hr 7min Format : Mp4 Genre :Biography, Drama Subtitle : Myanmar Subtitle (Hard Sub) Translated by Rebel Hnin Encode by Thanhtike Zaw

MonsterVerse Timeline MonsterVerse ရဲ့ ၅ ကားမြောက် Godzilla x Kong: The New Empire (2024) လဲထွက်လာခဲ့ပြီဆိုတော့ Godzilla, Kong နဲ့ သူတို့ကြားက အဖြစ်အပျက်တွေကြားက timeline ကို တစ်ချက်ပြန်ကြည့်ကြည့်ရအောင်. ဒီ timeline ထဲက အဖြစ်အပျက်တွေက ထွက်ရှိခဲ့တဲ့ MonsterVerse ရုပ်ရှင်၊ ဇာတ်လမ်းတွဲတွေအပြင် tied in graphic novels တွေက အကြောင်းတွေပါ ပါဝင်ပါတယ်။ Event တွေများ source တွေလည်း များလို့ မှားနေတာ လိုနေတာရှိရင် ဝင်ဆွေးနွေးသွား ထောက်ပြသွားနိုင်ပါတယ်။ - 252 millions BC ကမ္ဘာ့ မျက်နှာပြင်ပေါ်မှာ Radiation တွေ ယနေ့လက်ရှိအချိန်ထက် အဆပေါင်းများစွာရှိနေတုန်းက radiation ကို စားသုံးကြီးထွားတဲ့ Godzilla နဲ့ တခြား Titan တွေဟာ ကမ္ဘာမျက်နှာပြင်ပေါ်မှာနေကြတယ်။ ဒီမှာ Shinomura ဆိုတဲ့ နှစ်ကောင်ပေါင်းပြီး တစ်ကောင်ဖြစ်နိုင်တဲ့ Titan နဲ့ Godzilla တို့ ချနေကြတဲ့အချိန် ဘေးကိုဥက္ကာခဲကြီးကျလာပြီး ဖြစ်လာတဲ့ ကျင်းကြီးထဲကို Shinomura ပြုတ်ကျသွားတယ်။ ဥက္ကာခဲကျပြီး ပေါက်ကွဲမှုကြီးကြောင့် ကမ္ဘာ့ မျက်နှာပြင် radiation ပမာဏ ကျဆင်းသွားတဲ့အတွက် Godzilla နဲ့ တခြားအကောင်ကြီးတွေ နေစရာ စားစရာရှားလာတာမို့လို့ radiation ရှိသေးတဲ့ ကမ္ဘာ့အတွင်းပိုင်း၊ ပင်လယ်ရေအောက်ကြမ်းပြင် တွေကို ပြောင်းရွှေ့သွားကြသလို မြေအောက်မှာ နှစ်တေတွအကြာကြီး hibernate လုပ်ကိန်းအောင်းနေကြတာတွေလည်း ဖြစ်ကုန်ကြတယ်။ - Hollow Earth နဲ့ Skull Island ကမ္ဘာ့ မျက်နှာပြင်အောက်မှာ အခေါ်င်းကြီးဖြစ်နေပြီး Godzilla လို တခြား titan ကြီးတွေ နေထိုင်ကြတဲ့ Hollow Earth ဆိုတာရှိတယ်။ ဒီ Hollow Earth နဲ့ ချိတ်ဆက်နေတဲ့ တစ်နေရာကတော့ ပင်လယ်ထဲက ပြင်ပလောကနဲ့ အဆက်အသွယ်မရှိတဲ့ Skull Island ဆိုတဲ့ ကျွန်းကြီးတစ်ကျွန်း။ ဒီကျွန်းကို Kong ရဲ့ မျိုးနွယ် ape ကြီးတွေရောက်လာပြီး နေကြတယ်။ ဒါပေမယ့် နောက်တော့ Skullcrawler ဆိုတဲ့ကောင်တွေပေါ်လာလို့ Kong တို့အမျိုးတွေနဲ့ နှစ်ပေါင်းများစွာ စစ်ခင်းကြတယ်။ Iwi လူမျိုးတွေ ကျွန်းပေါ်စရောက်လာတဲ့အချိန်မှာတော့ Skull Island မှာ Kong ရဲ့ မိဘနှစ်ပါးပဲ ကျန်တော့တယ်။ Skullcrawler တွေလက်ချက်ကြောင့် Kong မွေးပြီးပြီးချင်း သူ့မိဘတွေ ဆုံးသွားခဲ့တယ်။ - Early 20th Century 1926 မှာ အမည်မသိလူတစ်ယောက် ဦးဆောင်တဲ့အဖွဲ့တစ်ဖွဲ့က ဒီ hollow earth ကို စူးစမ်းလေ့လာဖို့ထွက်သွားခဲ့ပေမယ့် ပြန်ပေါ်မလာခဲ့ဘူး။ 1938 မှာတော့ ပြင်သင်နိုင်ငံက ဂူကြီးတစ်ခုက Hollow Earth ရဲ့ ဝင်ပေါက်တစ်ပေါက်ဖြစ်ပြီး ဒီကသွားရင် Titan ကြီးတွေဆီရောက်လိမ့်မယ်လို့ ပုံတွေဘာတွေ ထွက်ရှိလာခဲ့တယ်။ 1943 မှာလည်း U.S.S Lawton ဆိုတဲ့ အမေရိကန် စစ်ရေယာဥ်တစ်စင်းဟာ အမည်မသိအကောင်တစ်ကောင် တိုက်ခိုက်ခံခဲ့ရပြီး William Randa တစ်ယောက်ကလွဲလို့ တစ်ယောက်မှ အသက်ရှင်မကျန်ခဲ့ဘူး။ US အစိုးရကတော့ ဒါကို ဖုံးကွယ်ခဲ့တယ်။ - WWII and Hiroshima ဒုတိယကမ္ဘာစစ်အတွင်း အမေရိကန်တိုက်လေယာဥ်တစ်စင်းနဲ့ ဂျပန်တိုက်လေယာဥ်တစ်စင်းတို့ ရင်ဆိုင်တိုက်ခိုက်ရင်း ကျွန်းတစ်ကျွန်းပေါ်ကိုပျက်ကျတယ်။ ဒီကျွန်းက Kong နေတဲ့ Skull Island ဖြစ်နေသလို ဒါကိုသိသွားခဲ့ကြတဲ့ pilot ၂ ယောက်ဟာ ရန်သူတွေကနေ မိတ်ဆွေတွေ၊ ညီအစ်ကိုတွေဖြစ်သွားခဲ့ကြပြီး ကျွန်းကလွတ်မြောက်ဖို့ အတူတူကြိုးစားခဲ့ကြတယ်။ 1945 မှာ Hiroshima ကို nuclear bomb ဖေါက်ခွဲခဲ့တဲ့အခါမှာတော့ ကြီးမား များပြားတဲ့ radiation တွေပေါ်ထွက်လာခဲ့ပြီမို့လို့ အရင် တိမ်မြုပ်နေတဲ့ titan တချို့ ပြန်လည်နိုးထလာတယ်။ အရင်ဆုံး ပေါ်လာတာကတော့ Godzilla နဲ့ ရင်ဆိုင်ရင်း ချောက်ထဲကျသွားတဲ့ Shinomura ဖြစ်ပြီး သူ့ကိုမျက်မြင်တွေ့ခဲ့သူတွေထဲမှာ “Let them fight” ဆိုပြီးပြောခဲ့တဲ့ Dr. Serizawa ရဲ့ အဖေ Eiji လည်းပါပါတယ်။ - 1946 - Monarch 1946 မှာတော့ Monarch ကိုတည်ထောင်တယ်။ ဒီ “အကောင်ကြီးတွေ” ကိုရှာဖွေ လေ့လာ စူးစမ်းဖို့အတွက်ပေါ့။ နောက်တော့ Monarch အဖွဲ့ထဲမှာ Eii Serizawa လည်း ပါဝင်လာခဲ့တယ်။ Monarch အဖွဲ့ကို ဦးဆောင်ခဲ့သူတွေထဲမှာ Keiko Miura, Lee Shaw နဲ့ Bill Randa တို့လည်း ပါဝင်လာခဲ့တယ်။ Keiko က single mother တစ်ယောက်ဖြစ်ပြီး အစပိုင်းမှာ Lee Shaw နဲ့ ကြိုက်မလိုဖြစ်ခဲ့ပေမယ့် နောက်တော့ သူနဲ့ စိတ်တူကိုယ်တူ Bill Randa နဲ့ပဲ လက်ထပ်ဖြစ်ခဲ့တယ်။ ဒါပေမယ့်လည်း ၃ ယောက်သားက အခင်မင်မပျက်ခဲ့ဘူး။ ဒီကြားထဲ Shinomura ပေါ်လာပြီး နေရာစုံ လိုက်တိုက်ခိုက် ရန်ရှာနေတာကို Godzilla က လိုက်ရန်တွေ့မောင်းထုတ်နေရင်း 1954 ခုနစ် Castle Bravo nuclear “စမ်းသပ်မှု” မှာ Monarch နဲ့ US အစိုးရက Godzilla နဲ့ Shinomura ကို မျှားခေါ်ပြီး ဖေါက်ခွဲခဲ့တာမှာ Godzilla တော့ မသေဘဲ Shinomura အလုံးစုံ ပျက်စီးသွားခဲ့တယ်။ 1959 မှာတော့ Keiko Miura တို့ ၃ ယောက် Kazakhstan မှာ သွားရောက် စူးစမ်းရှာဖွေတုန်း အကောင်တွေထွက်လာလို့ Keiko ပါသွားတယ်။ 1962 မှာ Lee Shaw ဦးဆောင်ပြီး Operation Hourglass ဆိုတဲ့ Hollow Earth ကို စူးစမ်းလေ့လာတဲ့ခရီးထွက်ခဲ့တယ်။ ဒါပေမယ့် အဆက်အသွယ်ပြတ်တောက်သွားခဲ့လို့ Bill Randa တစ်ယောက်ပဲ ကျန်ခဲ့တော့တယ်။ - 1973 - Kong: Skull Island 1973 ခုနစ် US အစိုးရက Vietnam စစ်ပွဲက ဆုတ်ခွာလာတဲ့အချိန် Bill Randa နဲ့ Monarch အဖွဲ့ဟာ လက်နက်ကိုင် အစောင့်အရှောက်တွေနဲ့တကွ Skull Island ကိုသွားပြီး စူးစမ်းလေ့လာခဲ့တယ်။ ဒီမှာ Skull crawler တွေလက်ချက်နဲ့ Brill Randa အပါအဝင် အများအပြား သေခဲ့ကြတယ်။ James Conrad, Brooks, San နဲ့ WWII pilot Marlow တို့ပဲ လွတ်မြောက်ခဲ့တယ်။ Bill က မသေခင် သူ့မှတ်တမ်းတွေကို ရေထဲမျှောပစ်ခဲ့တယ်။ - 1982 - Lee Shaw 1982 ခုနစ်မှာ Shaw တစ်ယောက် Monarch ဆေးရုံတစ်ရုံမှာ ပြန်လည်နိုးထလာတယ်။ သူ့အတွက် Hollow Earth ထဲမှာ ရက်အနည်းငယ်ပဲကြာသေးပေမယ့် ခုသူပြန်ရောက်လာတဲ့အခါမှာတော့ Keiko ရဲ့သား Hiroshi ကပါ Monarch မှာ လူကြီးတစ်ယောက်ဖြစ်နေပြီ။ Bill ရဲ့ recording တွေကို ပြန်ဆယ်တွေ့ထားလို့ ဒီကြားထဲ Bill ဆုံးသွားမှန်း သိခဲ့ရတယ်။ - 1973- Aaron Brooks 1973 ခုနစ် Skull Island က ပြန်လွတ်လာခဲ့တဲ့ Huston Brooks ရဲ့ သား Aaron Brooks ကလည်း Monarch ဆီရောက်နေပြီ။ ဒီမှာ Skull Island လိုအရေးကြီးတဲ့နေရာကို Kong တစ်ကောင်တည်းလက်ထဲ ထားလို့ရမရ သွားကြည့်မယ်ဆိုပြီး သူ့အဖွဲ့တွေနဲ့အတူ Skull Island ကိုသွားတယ်။ ဟိုမှာအကောင်တွေလက်ချက်ကြောင့် တစ်ဖွဲ့လုံးနီးပါးသေတဲ့အပြင် Aaron တို့အဖွဲ့သားတစ်ယောက်ကြောင့် Iwi တွေရဲ့ တံတိုင်းတွေပါ ပျက်ကုန်တဲ့အခါ Aaron လည်း ပြန်မလာဖြစ်တော့ဘဲ Randa တုန်းကလိုပဲ recording တွေလုပ်ပြီး ရေထဲပြန်မျှောပေးလိုက်တယ်။ ဒီ recording တွေကို 2012 မှာ Huston Brooks ရရှိခဲ့တယ်။ - 1999 - MUTO 1999 မှာတော့ ဖလစ်ပိုင်က Titan လိုအကောင်ကြီးတစ်ကောင်ရဲ့ အရိုးစုတွေထဲမှာ ကပ်ပါးကောင်ဥ တွေရှာတွေ့ကြတယ်။ ကောင်းနေပြီး မြုံနေတဲ့ ဥတစ်လုံးကိုတော့ Nevada ကိုပြန်ယူသွားနိုင်ခဲ့ပေမယ့် နောက်တစ်ဥကတော့ ပေါက်သွားခဲ့ပြီ။ သိပ်မကြာခင်မှာပဲ ဂျပန်နိုင်ငံက Janjira nuclear power plant ကို ခုနက ဥကပေါက်ပြီးထွက်သွားတဲ့ဆိုတဲ့ MUTO ဝင်မွှေတယ်။ ဓာတ်ပေါင်းဖိုပျက်စီးတာကြောင့် Joe Brody ရဲ့ ဇနီးဆုံးသွားခဲ့တယ်။ ဒီမှာ MUTO က ဓာတ်ပေါင်းဖိုက radiation တွေကို စုပ်ယူနေပြီး နောက်ထပ် ၁၅ နှစ်လောက် မလှုပ်ရှား အိပ်စက်နေခဲ့တယ်။ Joe က ဇနီးဆုံးသွားတာ ဒီတိုင်း ငလျင်လှုပ်လို့ စခန်းပြိုတာကြောင့်မဟုတ်ဘူးဆိုပြီး တောက်လျှောက်တွေးနေ လေ့လာနေလို့ သူ့ reputation တင်မက သားဖြစ်သူနဲ့ပါ ဆက်ဆံရေးထိလာခဲ့တယ်။ - 2005 - Orca Technology Emma နဲ့ Mark Russell တို့ ဇနီးမောင်နှံပေါင်းပြီး Orca နည်းပညာကို စမ်းသပ်တီထွင်ခဲ့တယ်။ ဒီဟာကိုသုံးပြီး Titan တွေကို စကားပြောလို့ရ (သို့မဟုတ်) ဒီစက်ကြောင့် Titan တွေ အမူအကျင့် ပြောင်းနိုင်လိမ့်မလားဆိုပြီး ဖြစ်လာတယ်။ နှစ်ယောက် အိမ်ထောင်ကွဲသွားခဲ့ပြီးနောက် Monarch မှာ ဆက်ရှိနေရင်း ဒီနည်းပညာကို ဆက်လေ့လာနေခဲ့တယ်။ ဒီကြားထဲမှာလည်း MUTO စောင့်ကြည့်စခန်းတွေဆီ Alan Jonah ဆိုတဲ့လူ ခိုးဝင်တာမိရာက သူ့ပါ စောင့်ကြည့်စာရင်းထဲ ထည့်ခဲ့ကြတယ်။ - 2009 - Nathan Lind နဲ့ Mothra Nathan Lind ရဲ့ အစ်ကိုဖြစ်သူဟာ ၂၀၀၉ ခုနစ်မှာ Hollow Earth ကို စူးစမ်းလေ့လာဖို့ ခရီးထွက်ပေမယ့် ဝင်ဝင်ချင်းမှာပဲ မြေဆွဲအား ပြောင်းလဲမှုကြောင့် သေဆုံးခဲ့တယ်။ ဒီအချိန်မှာပဲ တရုတ်နိုင်ငံ Yunnan ပြည်နယ် တောအုပ်ကြီးထဲက သီးချင်းဆိုသံတွေ ကြားရတယ်ဆိုလို့ ရှာဖွေကြရာက Mothra ဖြစ်လာမယ့် ပိုးအိမ်ကိုတွေ့ခဲ့တယ်။ Outpost 61 ဆိုတာ ဆောက်လုပ်ခဲ့ကြပြီး Emma Russell ရဲ့ အဓိက တာဝန်ကျနေရာဖြစ်လာခဲ့တယ်။ - 2013 - Ford Brody Joe ရဲ့သားဖြစ်သူ Ford Brody ဟာ ဗုံးဖြုတ်စစ်သား EOD ပညာရှင်အနေနဲ့ ၁၄ လ ကြာ စစ်မှုထမ်းစထွက်ခဲ့တယ်။ - 2014 - Godzilla : G-Day Ford အိမ်ပြန်ရောက်ရောက်ချင်းပဲ အဖေဖြစ်သူ တားမြစ်နယ်မြေထဲဝင်လို့ဆိုပြီး သွားခေါ်ထုတ်ပေးရာက နှစ်ယောက်သား ပြန်ခိုးဝင်ရင်း MUTO ထွက်ပေါ်လာတယ်။ Brody ဆုံးတယ်။ ဒီမှာ MUTO နဲ့ Godzilla တို့လက်ချက်ကြောင့် မြို့တွေ ရွာတွေတော်တော်များများ ပျက်စီးကုန်ပြီး Godzilla နဲ့ တခြားကောင်တွေ ရှိနေသေးတယ်ဆိုတာ public က သိလာခဲ့တယ်။ San Francisco မှာဖြစ်ခဲ့တဲ့အတွက် ဒီနေ့ကို G-Day လို့ ခေါ်လာခဲ့ကြတယ်။ ဒီနောက်ပိုင်းမှာ Mark Russell လည်း Monarch က ထွက်သွားခဲ့တယ်။ - 2015 - Legacy of the Monsters Keiko ရဲ့ မြေးနှစ်ယောက်ဖြစ်တဲ့ Cate နဲ့ Kentaro တို့ အဖေတူ အမေကွဲမောင်နှမနှစ်ယောက်ဟာ ပျောက်သွားတဲ့ သူတို့အဖေ Hiroshi Randa ကိုလိုက်ရှာရင်း လူအိုရုံမှာ အသက်ကြီးသလောက် လျှင်မြန်ဖြတ်လတ်နေသေးတဲ့ Lee Shaw နဲ့တွေ့တယ်။ နေရာစုံ သွားလာရင်းနောက်ဆုံး Hiroshi နဲ့ပြန်တွေ့ပေမယ့် Shaw က Hollow Earth ကိုသွားလို့ရတဲ့ ဝင်ပေါက်ထွက်ပေါက်တွေအကုန်လုံးကို ပတ်ပစ်ဖို့ ကြိုးစားတယ်။ အကြောင်းအမျိုးမျိုးကြောင့် Cate, Shaw နဲ့ May တို့ ၃ ယောက် Hollow Earth ထဲရောက်သွားခဲ့တယ်။ ဒီမှာ Hollow Earth ထဲကိုရောက်တာ ရက်ပိုင်းပဲရှိသေးလို့ ကယ်မယ့်လူစောင့်နေတဲ့ Keiko နဲ့ ပြန်တွေ့ကြတယ်။ ရှိတဲ့စက်အပျက်တွေ ပြန်ပြင်သုံးရင်း လက်ရှိအချိန်ကို ပြန်လာဖို့ ကြိုးစားတာမှာ Shaw က အသေခံပြီး Hollow Earth မှာ ကျန်ခဲ့တယ်။ - 2016 - King Ghiorah Antarctica တိုက်က ရေခဲပြင်တွေအောက်မှာ မြုပ်နေတဲ့ ခေါင်းသုံးလုံးရှိတဲ့ Ghidorah ကို Monarch အဖွဲ့က ရှာဖွေတွေ့ရှိခဲ့တယ်။ - 2017 - Apex Cybernetics Hollow Earth မှာ ခနလေးသောင်တင်ပြီး ထွက်ပြေးလာခဲ့တဲ့ Keiko, Cate နဲ့ May တို့ဟာ 2017 ခုနစ် Skull Island ပေါ်က Apex Cybernetics စခန်းမှာ ပြန်လည်ထွက်ပေါ်လာခဲ့ပါတယ်။ - 2019 - Godzilla: King of the Monsters Emma နဲ့ သူ့သမီး Madison တို့ကို Alan Jonah က ပြန်ပေးဆွဲခဲ့ပြီး တခြား အိပ်စက်နေတဲ့ Titan တွေကို လိုက်နှိုးခဲ့ကြတယ်။ Emma က Alan နဲ့ပေါင်းပြီး Titan တွေကို ပြန်လွှတ်ပေးချင်တာဖြစ်ပေမယ့် သူတို့လွှတ်ပေးလိုက်တဲ့ Ghidorah က ကမ္ဘာ့ပြင်ပကလာတဲ့ ဂြိုလ်သားတစ်ကောင်ဖြစ်နေပြီး သူ့စိတ်အရ တစ်ဂြိုလ်လုံးကို ပျက်စီးအောင်လုပ်မှာဖြစ်လို့ Godzilla ပြန်နိုင်အောင် ဝိုင်းကူကြရတယ်။ နောက်ဆုံး Godzilla နိုင်ပြီး King of the Monsters ဖြစ်လာတယ်။ Dr. Serizawa နဲ့ Emma တို့ ဆုံးပါးခဲ့တယ်။ - 2021 - Kingdom Kong 2021 ခုနစ်မှာတော့ Monarch အဖွဲ့ဟာ Skull Island မှာရှိတဲ့ Hollow Earth ဝင်ပေါက်ကို တူးဖေါ်စမ်းသပ်ဖို့ လုပ်ကြတယ်။ ဒီအချိန်မှာပဲ ကြီးမားပြင်းထန်တဲ့ မုန်တိုင်းကြီးတစ်ခုကလည်း Skull Island ဆီကို ဦးတည်လာနေတယ်။ ဝင်ပေါက်ကို ဖေါက်ကွဲလိုက်မိတဲ့အချိန်မှာပဲ အထဲက Titan Camaztoz ဆိုတဲ့ လင်းနို့လိုကောင်ကြီးနဲ့ သူ့လိုအကောင်သေးသေးလေးတွေ ထွက်လာပြီး Kong နဲ့ ရင်ဆိုင်တယ်။ Iwi တွေရဲ့ ဟောကိန်းအရ နေရောင်ပျောက်တဲ့အချိန် မြေအောက်က ဒီဘုရင်ကြီးနိုးထလာမယ်လို့ ရှိတာမို့လို့ မုန်တိုင်းတွေကြောင့် နေရောင်ပျောက်တာနဲ့ အံကိုက်ဖြစ်နေတယ်။ Kong ဘက်ကနေ Monarch တိုက်လေယာဥ်တွေ ဝိုင်းကူလို့ Camaztoz ရှုံးသွားတယ်။ ဒါပေမယ့် မုန်တိုင်းကြီးကြောင့် Skull Island ရဲ့ eco system ကို လုံးဝ ထိခိုက်လာနေပြီမို့လို့ ကျွန်းပေါ်က Iwi လူမျိုးစုကို ကယ်ထုတ်ရင်း Kong ကိုပါ ပြောင်းရွှေ့ဖို့ လုပ်ကြရတယ်။ - 2024 - Godzilla vs. Kong Apex Cybernetics ရဲ့ Mechagodzilla project ကို ဖျက်ဆီးဖို့လို့ရင်း လူသားတွေနဲ့ Godzilla တို့ ထိပ်တိုက်တွေ့သလိုဖြစ်လာခဲ့တယ်။ ဒီအချိန် Skull Island က ပြောင်းရွှေ့လာတဲ့ Kong နဲ့လည်း Godzilla တို့ တွေ့ကြပြန်တယ်။ Apex ကလည်း Hollow Earth က အင်အားကြီးမားတဲ့ energy source တွေကို လိုချင်လာတဲ့အတွက် Kong ကိုလမ်းပြခိုင်းပြီး အထူးပြုလုပ်ထားတဲ့ ယာဥ်တွေနဲ့တကွ Hollow Earth ကို လိုက်သွားကြတယ်။ ဒီက ရတဲ့ Energy signature ကို ပြန်ပွားပြီး Mechagodzilla ကို အသက်သွင်းတယ်။ Kong ကလည်း Hollow Earth မှာ ပုဆိန်ပြန်ရပြီး သိပ်မကြာဘူး Godzilla ရန်စလို့ Japan ကိုသွားပြီး ရင်ဆိုင်ရပြန်တယ်။ Ishiro Serizawa ရဲ့သား Ren Serizawa ဟာ Apex က ပညာရှင်တစ်ယောက်ဖြစ်ပြီး Mechagodzilla ကိုမောင်းနှင်ရတဲ့ pilot လည်းဖြစ်တယ်။ Ghidorah ရဲ့ ဦးခေါင်းခွံနဲ့ ဦးနောက်ကိုသုံးပြီး လှုပ်ရှားတာဖြစ်တာမှာ Ghidorah က Pilot ကိုပြန်အပိုင်စီးပြီး Mechagodzilla ကိုမောင်းနှင်ခဲ့လို့ တွေ့သမျှအကုန်ဖျက်ဆီးမဲ့ပုံစံ ဖြစ်သွားခဲ့တယ်။ ဒါကြောင့် Godzilla နဲ့ Kong တို့နှစ်ယောက်ပေါင်းပြီး Mechagodzilla ကို ရင်ဆိုင် အနိုင်ယူခဲ့ရတယ်။ — (MonsterVerse Timeline ရှင်းတမ်းကို  Movie Monster FB Page မှ ကူးယူဖော်ပြပါသည်။) ထွက်ရှိပြီးသမျှ MonsterVerse ရုပ်ရှင်တွေကို ဒီမှာ  https://channelmyanmar.org/?s=monsterverse ကြည့်လို့ရပါတယ်။ +++++++++++++++++++++++++++++++++++++++++++++++++++ MonsterVerse ရဲ့ ဒုတိယရုပ်ရှင်ကားကတော့ Kong: Skull Island (2017) ဖြစ်ပါတယ်။ Kong: Skull Island (2017) ၁၉၇၃ ကာလ မြင်ကွင်းတွေ နဲ့အတူ ဗီယက်နမ်စစ်ပွဲအပြီးကာ လမှာ Monarch လို့ခေါ်တဲ့ လျှို့ ဝှက် အဖွဲ့အစည်းအတစ်ခုဟာ မြူခိုးတွေနဲ့ အုံ့ဆိုင်းနေတဲ့ အရိုးစု ကျွန်းဆိုတဲ့ ကျွန်းသစ်တစ်ကျွန်း ကို ရှာတွေ့ခဲ့ပါတယ်။ အဲဒီကျွန်း ပေါ်မှာ ထူးဆန်းတဲ့ တိရစ္ဆာန်မျိုး စိတ်တွေရှိနေတဲ့အတွက် သုတေ သနပြုဖို့ ရဟတ်ယာဉ်တွေနဲ့ ထွက်ခွာခဲ့ကြပါတယ်။ တကယ်တော့ အဲဒီကျွန်း ပေါ်မှာ ကောင်ဆိုတဲ့ ဧရာမ မျောက်ဝံကြီးရှိသလို အခြားထူး ဆန်းတဲ့ သတ္တဝါပေါင်းများစွာ လည်း ရှိနေတာပါ။ ရဟတ်ယာဉ် တွေ ကျွန်းပေါ်က ဖြတ်ပျံတုန်း မျောက်ဝံကြီး ရန်ပြုတိုက်ခိုက်ခဲ့ တဲ့အတွက် ရဟတ်ယာဉ်တွေ ပျက်ကျကုန်ပါတော့တယ်။ ကျွန်းပေါ် ရောက်သွားတဲ့ သုတေသီအဖွဲ့ဟာ ကင်းကောင် အပြင် အခြားထူးဆန်းတဲ့ သတ္တဝါ ကြီးတွေနဲ့ပါရင် ဆိုင်ခဲ့ရပါတယ်။ သူနေတဲ့ ကျွန်းပေါ်ကို ကျူးကျော် ဝင်ရောက်လာသူတွေကို ကင်း ကောင်ဟာ ဒေါသတကြီး တိုက် ခိုက်ခဲ့တာမို့ သုတေသီတွေနဲ့ပါ လာတဲ့ စစ်တပ်နဲ့ တိုက်ပွဲတွေအ ပြင်းအထန်ဖြစ်ကြပါတော့တယ်။ ကင်းကောင် ဇာတ်ကား ကြိုက်တဲ့ ပရိသတ်တွေ အနေနဲ့ တော့ ဒုတိယမြောက် ကင်းကောင်ဇာတ်ကားကကော ကျေနပ် လောက်တဲ့ ရသပေးစွမ်းမှာလား ဆိုတာတော့ ကိုယ်တိုင်ကြည့်ပြီး တော့သာ ဆုံးဖြတ်ကြည့်ကြဦး နော်။ သတ္တဝါကြီးတွေရှိတဲ့ကျွန်း ကို ကျူးကျော်ဝင်လာတဲ့လူတွေနဲ့ သတ္တဝါတွေ ထိပ်တိုက်တွေ့တဲ့အ ခါ ဘာတွေဆက်ဖြစ်ကြမှာလဲ။ ကင်းကောင်ကော ဘယ်လိုအခြေ အနေနဲ့ ဇာတ်သိမ်းရမှာလဲဆိုတာ တော့.. ဒီဇာတ်ကားမှာ နာမည်ကြီးသရုပ်ဆောင်တွေဖြစ်ကြတဲ့  Tom Hiddleston ၊ Samuel L. Jackson ၊ John Goodman ၊ Brie Larson ၊ Jing Tian စတဲ့ သရုပ်ဆောင်တွေ ပါဝင်ထားကြပါတယ်။ ။ (ဇာတ်လမ်းအညွှန်းကိုတော့ 7daydaily မှကူးယူဖော်ပြထားပါတယ်။) File size…(8.3 GB)/(2.9 GB) / (1.7 GB) Quality….BluRay 4K HEVC/1080p HEVC / 720p Format…mkv/mp4 Duration….01:58:26 Subtitle….Myanmar Subtitle (Hardsub) Encoder….Ka Naung Translated by Han Htoo Zaw

Room (2015) IMDb Rating (8.1) / Rotten Tomatoes (93%) အသက် ၂၄ နှစ် ဂျွိုင်းနယူးဆမ်းဟာ ငါးနှစ်အရွယ် သူ့သားလေး ဂျက်ခ် နဲ့အတူ သူတို့ အခန်းလေးလို့ နာမည်ပေးထားတဲ့ ဂိုဒေါင်လေးထဲမှာ နေထိုင်ကြတယ်။ အဲဒီ ဂိုဒေါင်လေးထဲမှာ သူတို့ လိုအပ်မယ့် ပစ္စည်း အနည်းငယ် ရယ် ပြတင်းပေါက်ဆိုလို့ ကောင်းကင်အလင်းရောင်လေး ဝင်နိုင်တဲ့အပေါက်လေးရယ် ပဲရှိတယ်။ အဖိုးကြီးနစ်ခ် လို့ သူတို့ခေါ်တဲ့ သူက ဂျွိုင်း အသက် ၁၇ နှစ်ထဲက ဖမ်းထားခဲ့ပြီး ဒီအခန်းလေးထဲမှာ ၇နှစ်လုံးလုံး ပိတ်ထားခဲ့တယ်။ နည်းအမျိုးမျိုးနဲ့ ထွက်ဖို့ ကြိုးစားခဲ့ပေမယ့် စိတ်ပိုင်းဆိုင်ရာရော ရုပ်ပိုင်းဆိုင်ရာပါ အားနည်းနေခဲ့တာကြောင့် မလွတ်မြောက်နိုင်ခဲ့ပါဘူး။ အဖိုးကြီးနစ်ခ်က ဂျက်ခ်လေးရဲ့ သွေးသားတော်စပ်မှု အရ အဖေ ဖြစ်ပေမယ့် ကလေးကို ရှိတယ်လို့တောင် သတ်မှတ်တာ မဟုတ်ပါဘူး။ ဂျွိုင်း က ကလေးကို ဒီအခန်းထဲက အရာတွေပဲ အစစ်ဖြစ်ပြီး ကျန်တာတွေက တီဗီ ထဲကအရာတွေလို့ အသိပေးထားပေမယ့် ဂျက်ခ်လေး အသက် ငါးနှစ်ပြည့်လို့ နားလည်နိုင်တဲ့အရွယ်ရောက်တော့ အပြင်လောက အကြောင်းကို နားဝင်အောင်ရှင်းပြခဲ့တယ်။ ကလေးကို အပြင်ရောက်ဖို့ နည်း အမျိုးမျိုး ကြိုးစားခဲ့ပေမယ့် မရတဲ့အဆုံး သေဟန်ဆောင်ခိုင်းပြီး အပြင်ကိုထွက်ခွင့် ရအောင် ကြံတယ်။ အပြင်လောက ကို တစ်ခါမှ မမြင်ဖူးတဲ့ ငါးနှစ်ကလေးလေး ဂျက်ခ် တစ်ယောက် တကယ်ပဲ လွတ်မြောက်နိုင်ပါ့မလား လွတ်ခဲ့ရင်ရော အမေကို ပြန်ကယ်နိုင်ပမလား။ (အညွှန်းနဲ့ဘာသာပြန်ကတော့ Kira Rodriguez ဖြစ်ပါတယ်။) File size…(1.8 GB) / (680 MB) Quality….Blu-Ray 1080p / 720p Format….mp4 Genre….Drama,Thriller Duration….01:58:03 Subtitle….Myanmar Subtitle (Hardsub) Encoder….Thit San Khant Translated by Kira Rodriguez

စိတ်ပိုင်းဆိုင်ရာအရ ငယ်စဉ်မှာ မိသားစုနဲ့ ပတ်သက်ပြီး စိတ်ဒဏ်ရာခံစားခဲ့ရတဲ့ကလေးတွေဟာ သူတို့စိတ်ထဲမှာ ဒဏ်ရာ ရခဲ့တာကို စွဲလမ်းနေတတ်ပြီး အသက်ကြီးလို့ လက်တွဲဖော်ရွေးတဲ့အခါမှာလည်း ကိုယ့်အပေါ် မကောင်းတဲ့လူ၊ နာကျင်စေတတ်တဲ့လူတွေကပဲ ရွေးချယ်နေတတ်ကြတယ်လို့ ဆိုကြပါတယ်။ Amy Townsend ကတော့ အဖေနဲ့ အမေရဲ့ အိမ်ထောင်ရေးအကွဲအပြဲကြား “တစ်လင်တစ်မယား စနစ်ဆိုတာ လက်တွေ့မဆန်ဘူး”ဆိုတဲ့ စကားနဲ့ ကြီးပြင်းလာရတဲ့ ကောင်မလေးပါ။ ရည်းစားတွေ တစ်ယောက်ပြီးတစ်ယောက် တွဲတတ်ပေမဲ့ ဘယ်သူ့ကိုမှ အတည်မတွဲဘဲ အပေါ်ယံ ပေါ့ပျက်ပျက်ပဲ ဆက်ဆံတတ်ပါတယ်။ S’nuff မဂ္ဂဇင်းတိုက်မှာ အယ်ဒီတာအနေနဲ့ အလုပ်လုပ်နေတဲ့ Amy တစ်ယောက် အားကစားသမားတွေကို ခွဲစိတ်ပေးနေတဲ့ နာမည်ကြီးဆရာဝန် ဒေါက်တာ Aaron ကို အင်တာဗျူးလုပ်ဖို့ တာဝန်ပေးခံရတဲ့အခါမှာတော့….. ဒီရုပ်ရှင်ရဲ့ ဇာတ်ညွှန်ကို Amy Schumer ရေးထားပြီး Amy Townsend အဖြစ် ကိုယ်တိုင်သရုပ်ဆောင်ထားပါတယ်။ နာမည်ကြီးခွဲစိတ်ဆရာဝန် Dr. Aaron အဖြစ် Bill Hader က သရုပ်ဆောင်ထားပါတယ်။ Action မင်းသားကြီး John Cena လဲ ရည်းစားတွေထဲက တစ်ယောက် အဖြစ် ပါဝင်သရုပ်ဆောင်ပေးထားပါသေးတယ်။ ဇာတ်ကွက်အနေနဲ့ မထူးဆန်းပေမဲ့ ပေါ့ပေါ့ပါးပါး ရယ်‌မောပြီး ဘဝအမောတွေ ပြေစေမယ့် Rom-Com ရုပ်ရှင်လေးကို ခံစားကြည့်ကြပါဦးနော် File size…  2.1 GB / 752  MB Quality… Web-DL 1080p / 720p Format… mp4 Duration…. 2h 5m Genre .....  Drama , Comedy Subtitle…. Myanmar Subtitle (Hard Sub) Encoder…. Thit San Khant Translated by Phu Myat Thwe

The Gambler (2014) ဖဲကစားကြမယ်!!! လူအတော်များများ 21 ဖဲကိုဆော့ဖူးကြမှာပါ ဒီဇာတ်လမ်းထဲမှာဆိုရင်လည်း အဓိကဇာတ်ဆောင်ဖြစ်တဲ့ ဂျင်ဘန်းနက်ဟာ 21 ကစားနည်းတစ်မျိုးကို အဓိကထားပြီး ဆော့တာကို တွေ့ရမှာပါ သူက တက္ကသိုလ်မှာ ရသစာပေသင်ကြားနေတဲ့ဆရာတစ်ဦးအနေနဲ့ဘဝတစ်ခုရှိနေပေမယ့် တစ်ဖက်မှာလည်း မစွန့်လွှတ်နိုင်တဲ့ဝါသနာကြောင့် လောင်းကစားရုံတွေကိုသွားပြီး အချီကြီးလောင်းကြေးထပ်တတ်တဲ့လောင်းကစားသမားအဖြစ် ဘဝတစ်ခုရှိနေပါတယ် မင်းသမီးအဖြစ်ပါဝင်ထားတဲ့ မမမာဗယ်ကတော့ ဆရာ့အတန်းမှာလာတက်တဲ့ ဉာဏ်ကောင်းတဲ့တက္ကသိုလ်ကျောင်းသူလေးပေါ့ ကဲ ဒီထဲမှာ ဂျင်ရဲ့ပြဿနာကဘာလဲဆိုတော့ လောင်းကြေးထပ်လိုက်ရင် ပုံမှန်ကြေးမဟုတ်ပဲ ရှိသမျှပုံအောလောင်းတတ်တဲ့ ‌All or nothingဆိုတဲ့ ဉာဉ်လေးပါပဲ ဒါကြောင့်လည်း ဟို့လူ့ဆီကချေး ဒီလူ့ဆီကချေးနဲ့ နောက်ဆုံးအကြွေး‌တွေတင်လာတဲ့အခါ.....သူဘာဆက်လုပ်မလဲ??? ချေးမိတဲ့သူတွေကလည်း ဂိုဏ်းစတားတွေဖြစ်နေတဲ့အတွက် သူနဲ့သူ့ဘေးကလူတွေရဲ့ အသက်အန္တရာယ်ကိုခြိမ်း‌ခြောက်လာတဲ့အခါ.....သူ ဘယ်လိုဖြေရှင်းမလဲ ??? ကျောင်းသူလေး မမမာဗယ်နဲ့ရော .... ??? ဒီဇာတ်လမ်းလေးထဲမှာတော့ လောင်းကစားသမားတွေရဲ့ဘဝတွေ၊ မင်းသားရဲ့ စွန့်စွန့်စားစားလောင်းကြေးထပ်တဲ့အခန်းတွေနဲ့ မျှော်လင့်မထားတဲ့လှည့်ကွက်တွေနဲ့ အကြွေးပြန်ဆပ်ဖို့ပိုက်ဆံပြန်ရှာတဲ့ ဂျင်ရဲ့ဉာဏ်ပြေးမှုတွေကို ရင်တထိတ်ထိတ်နဲ့မြင်တွေ့ရမှာပါပဲဖြစ်ပါတယ် အညွှန်း နဲ့ ဘာသာပြန်ကတော့ Thwal Yadi ပဲ ဖြစ်ပါတယ်။ Quality__1080p, 720p IMDb Rating__6.1/10 Format__mp4 Duration__01:55:00 Type__Crime , Drama , Sport , Thriller Subtitle__Myanmar Subtitle (Hardsub) Translated by Thwal Yadi Encoded by Naing Aung Latt

IMDb Rating (7.1) / Rotten Tomatoes (91%) ဒီဇာတ်ကားဟာRating  မြင့်တဲ့အချစ်ကားလေးဖြစ်သလို သရုပ်ဆောင်တွေကလဲ မခေသူတွေချည်းပါပဲ... Fantastic Four ထဲက မင်းသား Miles Teller , Divergent နဲ့ The Fault in Our Stars ထဲက မင်းသမီးချောလေး Shailene Woodley နဲ့ Marvel  ရဲ့  Captain Marvel တဖြစ်လဲ မင်းသမီး Brie Larson တို့ဖြစ်ပါတယ်။ အချစ်ဆိုတဲ့အရာကို တချို့ကခံစားတယ်..တချို့ကခုတုံးလုပ်ပြီး အသုံးချတယ်..တချို့က မသိကျိုးကျွံပြုတယ်... ဘယ်လိုပဲအချစ်ကိုသုံးဆောင်သုံးဆောင်ပေါ့...တကယ်တန်ဖိုးထားသူဆီမှာသာ အချစ်တွေက အမြဲနေတတ်တာမျိုးပဲ။ ဇာတ်လမ်းလေးကတော့ ၃ ပွင့်ဆိုင် ဇာတ်လမ်းပါ... ဆက်တာဟာ အနာဂတ်ကိုမတွေးထားဘဲ အရာရာကို ပေါ့ပေါ့ပါးပါးပဲ ဖြတ်သန်းတတ်တဲ့ လူငယ်လေးတစ်ယောက်ပေါ့။ ကပ်စ်စီလီဆိုတဲ့ သူသိပ်ချစ်တဲ့ ကောင်မလေးနဲ့ အထင်လွဲခံရမှုတစ်ခုကြောင့် ပြတ်အပြီး စိတ်လေနေချိန်မှာ အေမီဆိုတဲ့ ကောင်မလေးတစ်ယောက်နဲ့ မထင်မှတ်ဘဲ သူငယ်ချင်းတွေဖြစ်သွားခဲ့တယ်။ အေမီဟာ ရည်းစားတောင်မထားဖူးသလို အနေအေးတဲ့ ဖြူစင်တဲ့ကောင်မလေး.. ဆက်တာဟာ အေမီရဲ့ ရိုးသားပွင့်လင်းမှုကိုကြွေတာရယ် ...အေမီကို ရည်းစားထားဖူးတဲ့အတွေ့အကြုံရအောင်ရယ်ဆိုပြီး တစ်ကိုယ်တည်းလေလွင့်နေတဲ့ကာလမှာ အေမီကို ကျုံးသွင်းပြီး ရည်းစားဖြစ်သွားကြတယ်ပေါ့... အေမီခမျာတော့ အရိုင်းစံပယ်လေးဆိုတော့ ဆက်တာကို အရမ်းတွေချစ်မိသွားပြီး ဆက်တာသာ သူ့ဘ၀အတွက်အရေးပါသူတစ်ယောက်ဖြစ်လာပါတော့တယ်.. ဒါပေမယ့် သကောင့်သား ဆက်တာကတော့ အနာဂတ်ဆိုတာလဲမတွေးထား ရည်းစားဟောင်းကိုပစ်ရမှာလဲ အဆီတဝင်းဝင်းဖြစ်နေတော့ ဟိုမပြတ် ဒီမပြတ်နဲ့ ဆော်နှစ်ပွေကြား ဗျာများပါတော့တယ်။ ဒီတော့ အချစ်စစ်တို့သဘော ဘယ်လိုရှိလဲဆိုတာ ဆန်းစစ်ချင်ရင်တော့ ဒီဇာတ်ကားက သိပ်ကိုက်မယ့်ကားပေါ့ဗျာ။ ဇာတ်လမ်းသဘောအရ အဖော်အချွတ်ခန်းအနည်းငယ်တော့ပါပေမယ့် သိပ်တော့မဆိုးလှပါဘူး။ File Size : (1.6 GB) / (950 MB) / (650 MB) / (350 MB) Quality :BluRay 1080p / BluRay 720p/ WEB-DL 720p / 480p Format…mp4 Duration…01:35:03 Genre : Drama, Comedy, Romance Subtitle : Myanmar Subtitle (Hard Sub) Translated by Yoon Sandi Aung & Chuck Chuck Encoded by Littleneo & Nyeinsaeya Aung

Short Term 12 ဟာ ကိုယ့်ကိုယ်ကိုယ် အန္တရာယ်ပြုနိုင်တဲ့ ကလေးတွေကို ကြည့်ရှုစောင့်ရှောက်ပေးတဲ့ နေရာတစ်ခုပါ။ အဲဒီမှာ ပျော်ပျော်နေတတ်တဲ့ ဂရေ့စ်နဲ့ သူ့ကို ချစ်ခင်ဂရုစိုက်တဲ့ ချစ်သူ မေဆင်တို့ အလုပ်လုပ်ကြတယ်။ သူတို့က ကလေးတွေ ကြုံတွေ့ခဲ့ရတဲ့ ဒုက္ခတွေနဲ့ စိတ်ခံစားချက်ပြဿနာတွေကို ကူညီဖြေရှင်းပေးနေကြပါတယ်။ အပြင်ပန်းမှာ ပျော်ပျော်နေတတ်ပေမယ့် ဂရေ့စ်ကိုယ်တိုင်က စိတ်ဓာတ်ကျနေပြီး သူ့ခံစားချက်တွေကို ဖွင့်ပြောဖို့ ခက်ခဲနေတယ်။ မေဆင်ကတော့ သူ့ဘေးမှာ စိတ်ရှည်ရှည်နဲ့ ကူညီပေးဖို့ အသင့်ရှိနေပါတယ်။ တခြားကလေးတွေကို ကူညီနေတဲ့ ဂရေ့စ်ဟာ ကိုယ့်အခက်အခဲတွေကို မေဆင်နဲ့အတူ ကျော်လွှားနိုင်မလား၊ သူ့အတိတ်မှာ ဘာတွေကြုံခဲ့ရလို့ အခုလို ခံစားနေရတာလဲ၊ နှစ်ယောက်သား ပျော်ပျော်ရွှင်ရွှင် နေနိုင်ကြမလားဆိုတာကို ဆက်ပြောပြထားတဲ့ အင်ဒီဒရာမာပါ။ Brie Larson နဲ့ Rami Malek တို့လည်း ပါဝင်သရုပ်ဆောင်ထားပါတယ်။

ဂျွန်နီက မိန်းကလေးတွေကြားမှာ ရေပန်းစားပြီး အပတ်တိုင်း နိုက်ကလပ်သွားလေ့ရှိတဲ့ လူငယ်တစ်ယောက်ပါ။ ကလပ်မှာ တွေ့တဲ့ မိန်းကလေးတွေနဲ့ ရင်းနှီးပြီး လိင်ဆက်ဆံမှုတွေ ရှိပေမယ့် သူ့အတွက်တော့ စိတ်ကျေနပ်မှုက အပြည့်အဝ မရဘူး။ သူတွဲတဲ့ မိန်းကလေးတွေရဲ့ ရုပ်ရည်အသွင်အပြင်ကို အပြစ်ပြောစရာ မရှိပေမယ့် သူကြည့်နေကျ အပြာကားတွေနဲ့ ယှဉ်မိပြီး တစ်ခုခုလိုနေသလို ခံစားနေရပါတယ်။ အဲဒီလိုနဲ့ ကလပ်မှာ ဘာဘရာဆူဂါမန်ဆိုတဲ့ ဆွဲဆောင်မှုရှိတဲ့ မိန်းကလေးတစ်ယောက်နဲ့ တွေ့လာတယ်။ ဘာဘရာနဲ့ တွေ့ဆုံမှုက ဂျွန်နီကို သူစွဲလမ်းနေတဲ့ အပြာကားတွေဆီကနေ ရုန်းထွက်နိုင်စေမလားဆိုတာ ဆက်ကြည့်ရမှာပါ။ Joseph Gordon-Levitt၊ Scarlett Johansson နဲ့ Julianne Moore တို့ ပါဝင်ထားတဲ့ ဒီဇာတ်ကားက အပြာကားစွဲလမ်းမှုနဲ့ လက်တွေ့ဆက်ဆံရေးကို စိတ်ကူးယဉ်ဇာတ်ကွက်တွေနဲ့ နှိုင်းယှဉ်မိတဲ့အခါ ဖြစ်လာနိုင်တဲ့ ပြဿနာတွေကို ဟာသနှောပြီး တင်ပြထားပါတယ်။ အရွယ်ရောက်သူတွေအတွက် လိင်ပိုင်းဆိုင်ရာအခန်းတွေနဲ့ ကြမ်းတမ်းတဲ့ စကားအသုံးအနှုန်းတွေ ပါဝင်တယ်။ လိင်ဆက်ဆံရေးမှာ ကိုယ့်ဆန္ဒတစ်ခုတည်း ပြည့်ဝဖို့ထက် နှစ်ဦးကြား အပေးအယူမျှတဖို့ လိုအပ်တယ်ဆိုတဲ့ အကြောင်းကိုလည်း ပြောထားပါတယ်။

21 Jump Street (2012) IMDb Rating (7.2) / Rotten Tomatoes (85%) ဒီတစ်ခေါက်ကတော့ ဟာသဇာတ်လမ်းတွေကြားမှာ နာမည်ကြီးပြီးသားရုပ်ရှင်ဖြစ်တဲ့ 21 jump street ရုပ်ရှင်ပဲဖြစ်ပါတယ်။ ရှမစ် နဲ့ ဂျန်ကို တို့နှစ်ယောက်ဟာ အထက်တန်းကျောင်းတုန်းက အစေးမကပ်ခဲ့ကြပေမယ့် နှစ်ယောက်လုံး ရဲ ဖြစ်လာတဲ့အခါမှာတော့ ပါတနာတွေ အဖြစ် အတူတာဝန် ထမ်းဆောင်ရပါတော့တယ်။ စိတ်ထင်ရာနင်းကန်ချကြလို့ အထက်လူကြီးက တကယ့်နေရာကိုပို့လိုက်ပါတော့တယ်... ဒါကတော့ အထက်တန်းကျောင်းတစ်ခုမှာ ပျံ့နေတဲ့ မူးယစ်ဆေးအသစ်တစ်မျိုးအတွက် တာဝန်ရှိတဲ့သူကို ရှာဖွေရမှာဖြစ်ပါတယ်။ အဲ့အတွက် ရှမစ် နဲ့ ဂျန်ကိုတို့ဟာ အထက်တန်းကျောင်းကို ကျောင်းသားအသစ်အဖြစ် ဟန်ဆောင်ဝင်ရောက်ပြီး လျှို့ဝှက်ထောက်လှမ်းရေး လုပ်ရပါတော့တယ်။ ရုပ်ရှင်ကြည့် ပရိသတ်တွေ ရင်းနှီးပြီးသားဖြစ်တဲ့ Jonah Hill နဲ့ Channing Tatum တို့ ဦးဆောင်ပါဝင်ထားပြီး ဘော်ဒါနှစ်ကောင် အထက်တန်းကျောင်းမှာ ဘယ်လိုတလွဲတချော်တွေ ဖြစ်မလဲဆိုတာ ရယ်မောရင်းကြည့်ရှုရမှာပါ။ Brie Larson , Dave Franco , Ice Cube , Dakota Johnson တို့လို နာမည်ကြီးသရုပ်ဆောင်တွေလဲကူညီအားဖြည့်ထားတာမလို့ တကယ့်ကိုကြည့်ပျော်တဲ့ရုပ်ရှင်ပါပဲ။ 21 jump street(2012) နဲ့ 22 Jump Street (2014) ဆိုပြီး ၂ ကားထွက်ခဲ့ပြီးတော့ ၂ ကားလုံးတခွီးခွီးနဲ့ ရယ်နေရပါတယ်။ Jump Street ရုပ်ရှင်တွေကြည့်ပြီးသွားရင် Jonah Hill နဲ့ Channing Tatum တို့ ပရိတ်သတ်ဖြစ်သွားနိုင်ပါတယ်။ (ရုပ်ရှင်အညွှန်းနဲ့ဘာသာပြန်ကို Marco မှတင်ဆက်ထားပါတယ်။) File size…(5.3 GB)/(1.7 GB )/(1.1 GB) Quality…BluRay 4K HEVC/ 1080p HEVC / 720p Format…mkv/mp4 Duration….01:50:00 Subtitle….Myanmar Subtitle (Hardsub) Encoder….Ka Naung Translated by Marco

Scott Pilgrim vs. the World (2010) ~ IMDb - 7.5/10, Rotten Tomatoes - 82% ~ ခင်ဗျားတို့အတွက် စီနီမာ (ရုပ်ရှင်) ဆိုတာ ဘာများလဲ။ မက်ဆေ့တစ်သီတစ်သန်းနဲ့ကားတွေလား။ ကြီးကျယ်ခမ်းနားလှတဲ့ ဆက်တင်ကြီးတွေ သိပ်ကောင်းတဲ့ စီဂျီအိုင်တွေ တပြုံတမကြီးသုံးထားတဲ့ ခမ်းကြီးနားကြီးကားတွေလား။ ကျွန်တော့်အတွက်တော့ စီနီမာဟာ အရသာရှိနေခြင်းပဲ။ ခမ်းနားချင်မှလည်း ခမ်းနားမယ်၊ ဘာတစ်ခုမှမပါဘဲ ပြကွက်တစ်ကွက်တည်းကိုပဲ အကြာကြီးပြချင်လည်းပြမယ်၊ သောက်တလွဲတွေချည်း ပြောချင်လည်းပြောမယ်၊ ဂလည်အူကြောင်ပြကွက်တွေ ပြချင်လည်းပြမယ်။ ဒါပေမဲ့ ဒီရုပ်ရှင်ကို ကြည့်လိုက်လို့ အရသာတော်တော်ကြီးရှိနေပြီဆိုရင် အဲဒီရုပ်ရှင်ဟာ ရုပ်ရှင်စစ်တယ်။ စီနီမာဖြစ်တယ်လို့ပဲ ပုဂ္ဂလိကအရ သတ်မှတ်လိုက်တာပဲ။ Scott Pilgrim vs. the World ဟာ အဲဒီစီနီမာအရသာ အပြည့်ရှိနေတဲ့ကားပေါ့။ မသိတဲ့လူဆို ဘာမှမဟုတ်ဘူးထင်ရင်း ကြည့်နေရင်း ကြည့်နေရင်း အရသာက တဖြည်းဖြည်းတက်လာမယ့် ရုပ်ရှင်မျိုးပဲ။ နောက်တစ်ချက်အားဖြင့်တော့ ဒီဘက်ခေတ်မှာ ကျွန်တော်တို့ ပြန်မရနိုင်တော့တဲ့ ကျွန်တော်တို့ငယ်ငယ်က ရုပ်ရှင်တွေမှာရှိနေခဲ့တဲ့ အငွေ့အသက်မျိုးပေးနိုင်တဲ့ကားလို့ ပြောလို့ရပါတယ်။ အဲဒီအငွေ့အသက်ကို ခင်ဗျား ဇာတ်လမ်းကတင်မဟုတ်ဘဲ သရုပ်ဆောင်တွေဆီကပါ ရလိမ့်မယ်။ Chris Evans, Brie Larson, Mary Elizabeth Winstead, Aubrey Plaza, Brandon Routh, Ellen Wong, Alison Pill နဲ့ Anna Kendrick တို့ကို ခင်ဗျား ဘယ်တော့မှ ထပ်မမြင်ရတော့မယ့်ပုံစံတွေနဲ့ မြင်ရလိမ့်မယ်။ မြင်ရရင်တောင် ဒီလိုမဟုတ်ဘဲ ကြောင်တောင်တောင်ဖြစ်နေမှာပဲ။ စကော့အဖြစ်သရုပ်ဆောင်တဲ့ Michael Cera ကိုလည်း ခင်ဗျား ဒီလိုပုံစံနဲ့ထပ်မြင်ရတော့မှာမဟုတ်ဘူး။ ပိုထူးတာက Jason Schwartzman ပဲ။ ဝက်စ်အန်ဒါဆန်ကားတွေတိုင်းပါခဲ့ဖူးတဲ့ သူ့ကို ဒီမှာမြင်ရတဲ့အဖြစ်မျိုးက ကြောင်တောင်တောင်တော့နိုင်ပေမဲ့ မိုက်လည်းမိုက်နေတယ်။ ပါတဲ့ပုံစံကလည်း စားတာကိုး။ မဆန်းပါဘူး ဂရပ်ဖစ်နိုဗယ်ကို ပြန်ရိုက်ထားပြီး စာအုပ်ကို အပြည့်အဝသစ္စာရှိထားတော့ ကြောင်တောင်တောင်ကြီးလုပ်ပြမနေမှကို ဆန်းနေမှာ။ ဇာတ်လမ်းအကျဉ်းကတော့ ရှင်းရှင်းလေးပဲ။ Scott Pilgrim ဆိုတဲ့ကောင်လေးက ကောင်မလေးတစ်ယောက်ကိုချစ်မိတယ်။ သူ့အချစ်ကိုရဖို့ အဲဒီကောင်မလေးရဲ့ ဆိုးရွားလှတဲ့ ရည်းစားဟောင်းခုနှစ်ယောက်ကို အနိုင်ပိုင်းရတယ်။ ဒါတွေကို ဂီတာဟီးရိုးလိုလို စထွိဖိုက်တာလိုလို မြင်ရုံနဲ့ Nostalgia ဖြစ်မယ့် အကွက်ဆန်းကြီးတွေနဲ့ချည်းပြသွားတာ။ တစ်ခါတလေ နိုင်ပုံနိုင်နည်းတွေကလည်း တော်တော်ဂလည်အူကြောင်နိုင်တယ်။ ဒါပေမဲ့ သူ့ Inner Logic ထဲဆို‌တော့ "လခွမ်းဟ" ဆိုပြီး ဖြစ်သွားရုံကလွဲ ကြည့်ကောင်းနေတာပါပဲ။ ဆက်တင်တွေကလည်း တော်တော် Nostalgia ဖြစ်တယ်။ ဒါကြောင့်လည်း တချို့က Scott Pilgrim vs. the World ကို စီနီမာရဲ့ တစ်ထောင့်တစ်နေရာက စီနီမာစစ်စစ် အရသာပေးနိုင်တဲ့ ရုပ်ရှင်ကားကောင်းတစ်ကားလို့ဆိုကြတယ်။ ဂရပ်ဖစ်နိုဗယ်ကို ရိုက်ပြီး ဒီလိုခပ်ကြမ်းကြမ်း လှလှပပ ရုပ်ရှင်ထွက်လာတာလည်း ကြက်ကန်းဆန်အိုးတိုးတာတော့မဟုတ်ဘူး။ Edgar Wright ကိုယ်တိုင် ရိုက်ကူး ဇာတ်ညွှန်းဝင်ရေး ပရိုဂျူဆာပါလုပ်ထားသကိုး။ ဒီဘဲက Satirical ဖလင်တွေမှာ ဂျွတ်လေတော့ ဒီကားကလည်း သူနဲ့အပြည့်အဝလည်း ကီးကိုက်သွားတယ်။ ဒီဘဲရိုက်တဲ့ကားတွေအကုန်ကလည်း ကြည့်လို့တော်တော်ကောင်းတဲ့ ကားတွေချည်း။ Shaun of the Dead, Hot Fuzz နဲ့ The World's End ဆိုတဲ့ နာမည်ကျော် Cornetto Trilogy နဲ့ Baby Driver တို့လို ကားတွေကို ရိုက်ခဲ့တဲ့အပြင် သူရိုက်ခဲ့တဲ့ပုံစံတွေကနေ ကွဲထွက်ပြီးရိုက်ခဲ့တဲ့ Last Night in Soho ကလည်း တော်တော်လေး ကောင်းခဲ့တယ်။ ဒီလိုဘဲက အသက်သွင်းထားတဲ့ ကားဆိုတော့လည်း ဒီလိုထွက်လာတာပါပဲ။ Scott Pilgrim vs. the World ဟာ Edgar Wright ရဲ့ မာစတာပိစ်အဖြစ်ဆုံးရုပ်ရှင်ဖြစ်သလို စီနီမာရဲ့ စီနီမာစစ်မှန်တဲ့ ရုပ်ရှင်တွေထဲက တစ်ကားပါပဲ။ ဒီကားရဲ့အရသာမျိုးက ဒီကားမှာပဲရနိုင်တာမို့ Comic Book Movies တွေကြိုက်ရဲ့နဲ့ ဒီကား မကြည့်ဘူးဆိုတာက ဘယ်လိုမှမဖြစ်သင့်ပါဘူး။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 7.75GB(HDR), 8.77GB(SDR), 2.75GB, 1.25GB Quality - 4K HEVC, 1080p, 720p IMDb Rating - 7.5/10 Format - mp4 Duration - 1H 52Min Genre - Action, Comedy, Fantasy Subtitle - Myanmar Subtitle (Hardsub) Translated by 666 Encoded by Y, Ka Naung

13 Going on 30 (2004) IMDb - 6.2/10 Rotten - 65% ချစ်စဖွယ် အပြုံးပိုင်ရှင် မင်းသမီးချော Jennifer Garner ပါဝင်ပြီး Hulk မင်းသားအသစ်နေရာမှာ သရုပ်ဆောင်ခဲ့တဲ့ မင်းသား Mark Ruffalo တို့ သရုပ်ဆောင်ထားတဲ့ ၂၀၀၄ ခုနှစ်မှာ ရုံတင်ပြသခဲ့တဲ့ 13 Going On 30 ဆိုတဲ့ ရုပ်ရှင်ကားလေးပါ ၁၃ နှစ်ဆိုတဲ့ ဘာမှ မဖွံ့ဖြိုး မလှပ လုပ်ပိုင်ခွင့်မရှိတဲ့ ဘ၀ ကို မလိုချင်တဲ့ ဂျန်နာ ဟာ သူမ ရဲ့ ၁၃ နှစ်ပြည့် မွေးနေ့မှာ အသက် ၃၀ လောက်ရှိချင်ပါတယ်လို့ ဆုတောင်းခဲ့ပါတယ် သူမ အိပ်ရာက နိုးတဲ့ အချိန်မှာတော့ အသက် ၃၀ လှပတဲ့ အမျိုးသမီးကြီး အဖြစ်ရှိနေပြီး သူမ မလုပ်ချင်တဲ့ အလုပ်တွေကို လုပ်ခဲ့ပြီး အပြစ်မကင်းတဲ့ အရောင်စုံ ကာလာစုံ ဘဝကြီးကို ပိုင်ဆိုင်ခဲ့ရပါတယ် သူမ ပျော်မယ် ထင်ပေမယ့် အသက် ၁၃ နှစ်ကိုသာ ပြန်သွားချင်ပါတော့တယ် ဘ၀ ရဲ့ အခက်အခဲတွေကို ဖြေရှင်းပြီး ဂျင်နာ တစ်ယောက် အသက် ၁၃ နှစ်ပြန်ရောက်နိုင်ပါ့မလား သူမ ကို တစ်ဖက်သက် ချစ်ခဲ့တဲ့ မတ် ဆိုတဲ့ ဓါတ်ပုံဆရာလေးနဲ့ရော ဖူးစာ ဆုံနိုင်ပါ့မလားဆိုတာ ကြည့်ရှုလိုက်ကြပါအုံး.... File size…    2.3 GB / 1 GB Quality… BluRay 1080p / 720p Format… mp4 Duration…. 1h 38m Genre ..... Comedy/Crime Subtitle…. Myanmar Subtitle (Hard Sub) Encoder…. Thit San Khant Translated by JimX