Caleb McLaughlin ပါဝင်သော ဇာတ်ကားများ

GOAT (2026) 4K +++++++++ IMDb Rating (6.9) / Rotten Tomatoes (84%) GOAT (2026) ကတော့ Spider-Verse ကားတွေကို ဖန်တီးခဲ့တဲ့ Sony Pictures Animation ကနေ အသစ်ထွက်ထားတဲ့ animation ကားသစ်လေးပါ။ ဒီကားလေးက ဝေးလ် (Will) လို့ခေါ်တဲ့ ဆိတ်ကလေးတစ်ကောင်အကြောင်းကို ရိုက်ကူးထားတာပါ။ ဒီဆိတ်လေးက 'Roarball' လို့ခေါ်တဲ့ အကြမ်းပတမ်းဆော့ရတဲ့ ဘတ်စကတ်ဘောနဲ့ ရပ်ဘီ ပေါင်းထားသလို ကစားနည်းမျိုးမှာ ပရိုကစားသမားတစ်ယောက်ဖြစ်ချင်နေတာပေါ့။ ပြဿနာက Roarball ဆိုတာ ကြံ့တွေ၊ ဂေါ်ရီလာတွေ၊ ကျားသစ်တွေလို အကောင်ကြီးတွေပဲ ဆော့နိုင်တဲ့ အကြမ်းစားအားကစားဖြစ်နေတာပဲ။ ဇာတ်လမ်းကတော့ အကောင်သေးသေးလေးကနေ မဖြစ်နိုင်တာကို ဖြစ်အောင် ကြိုးစားပြသွားမယ့် Underdog ဇာတ်လမ်းမျိုးပါပဲ။ ဝေးလ်က သူ့ရဲ့အိုင်ဒေါဖြစ်တဲ့ ကျားသစ်မကြီး ဂျက် (Jett) ရှိတဲ့ Thorns အသင်းမှာ ဝင်ကစားခွင့်ရသွားတဲ့အခါ ဘာတွေဆက်ဖြစ်မလဲ၊ အသင်းကလူတွေကရော ဆိတ်ဆိုပြီး နှိမ်ထားတဲ့ကြားက သူဘယ်လိုသက်သေပြမလဲဆိုတာကို ရယ်စရာမောစရာလေးတွေနဲ့ ကြည့်ရမှာပါ။ ဒီကားကို NBA က နာမည်ကြီးကစားသမား စတီဖန် ကယ်ရီ (Stephen Curry) ကိုယ်တိုင် ပရိုဂျူဆာလုပ်ပေးထားပြီး သူ့အသံလည်း ပါသေးတယ်။ အဓိကဇာတ်ကောင် ဝေးလ် နေရာမှာ Stranger Things ထဲက Caleb McLaughlin က အသံထည့်ပေးထားပြီး၊ ဂျက် နေရာမှာတော့ Gabrielle Union က ပါဝင်ထားပါတယ်။ Animation အပိုင်းကတော့ Spider-Verse တွေလိုပဲ street art graffiti ပုံစံလေးတွေနဲ့ တော်တော်မိုက်ပါတယ်။ မိသားစုလိုက် ပေါ့ပေါ့ပါးပါး ကြည့်လို့ကောင်းမယ့် ကားလေးတစ်ကားမို့လို့ ဘတ်စကတ်ဘောဝါသနာပါတဲ့သူတွေရော၊ Animation ကားကြိုက်တဲ့သူတွေပါ သဘောကျမှာ သေချာပါတယ်။ File Size… (6.15GB)/ (2.97GB) / (1.26GB) Quality… WEB-DL 4K HEVC / 1080p / 720p Format…mp4 Duration…1h 40m Genre ….Action , Adventrue , Animation , Comedy , Family , Sport Subtitle….Myanmar Subtitle (Hard Sub)

One Last Adventure: The Making of Stranger Things 5 (2026) ဒီ Documentary ကတော့ Stranger Things ပရိသတ်တွေအတွက် နှုတ်ဆက်လက်ဆောင်အနေနဲ့ Netflix ကနေ ၂၀၂၆ ခုနှစ်၊ ဇန်နဝါရီလ (၁၂) ရက်နေ့မှာ ထုတ်လွှင့်ပြသခဲ့တာဖြစ်ပါတယ်။ ဒါဟာ ဇာတ်လမ်းအပိုင်းသစ်မဟုတ်ဘဲ Stranger Things ရဲ့ နောက်ဆုံး Season (Season 5) ကို ဘယ်လိုရိုက်ကူးခဲ့လဲဆိုတာ ဖော်ပြပေးထားတဲ့ ၂ နာရီကြာချိန်ရှိ "Making of" မှတ်တမ်းရုပ်ရှင်ဖြစ်ပါတယ်။ ဘာတွေပါဝင်လဲ? ဒီမှတ်တမ်းရုပ်ရှင်ထဲမှာ Stranger Things စီးရီးတစ်ခုလုံးရဲ့ နောက်ဆုံးခရီးစဉ်ကို စိတ်လှုပ်ရှားဖွယ်၊ ဝမ်းနည်းဖွယ် မြင်တွေ့ရမှာပါ။ သရုပ်ဆောင်တွေရဲ့ ရင်ဖွင့်သံများ: ငယ်ငယ်လေးကတည်းက ဒီစီးရီးနဲ့အတူ ကြီးပြင်းလာခဲ့ကြတဲ့ Millie Bobby Brown (Eleven), Finn Wolfhard (Mike) နဲ့ တခြားသရုပ်ဆောင်တွေရဲ့ နောက်ဆုံးနှုတ်ဆက်စကားတွေ၊ သံယောဇဉ်တွေနဲ့ ရိုက်ကွင်းနောက်ကွယ်က ပျော်စရာ၊ ဝမ်းနည်းစရာ အမှတ်တရတွေကို ကြည့်ရှုရမှာပါ။ Duffer Brothers (ဒါရိုက်တာ ညီအစ်ကို) က ဒီစီးရီးကို ဘယ်လို အဆုံးသတ်ခဲ့သလဲ၊ ဇာတ်ညွှန်းဖတ်ပွဲ (Table Read) တွေမှာ သရုပ်ဆောင်တွေ ဘယ်လို မျက်ရည်ကျခဲ့ရလဲ ဆိုတာတွေကို အနီးကပ် မြင်တွေ့ရမှာ ဖြစ်ပါတယ်။ ရိုက်ကွင်းနောက်ကွယ်: Hawkins မြို့ကြီးကို ဘယ်လို ဖန်တီးထားလဲ၊ Special Effects တွေနဲ့ မိတ်ကပ်တွေကို ဘယ်လို ပြင်ဆင်ခဲ့ကြလဲဆိုတာကိုလည်း စိတ်ဝင်စားဖွယ် တင်ဆက်ထားပါတယ်။ Stranger Things စီးရီးကို စွဲစွဲမြဲမြဲ ကြည့်ခဲ့ဖူးတဲ့ ပရိသတ်စစ်စစ်တွေ၊ Eleven တို့ သူငယ်ချင်းတစ်သိုက်ရဲ့ နောက်ဆုံးခရီးကို အတူတူ လိုက်ပါနှုတ်ဆက်ချင်သူတွေအတွက် လက်မလွှတ်သင့်တဲ့ အစီအစဉ်ကောင်းတစ်ခု ဖြစ်ပါတယ်။ ဇာတ်လမ်းပြီးသွားလို့ ဟာတာတာဖြစ်နေတဲ့ ခံစားချက်ကို ဒီ Documentary လေးက ကုစားပေးပါလိမ့်မယ်။ File size… (8 GB) / (2.8 GB) / (1.2 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Documentary Duration…. 02:03:06 Subtitle…. Myanmar Subtitle (Hardsub)

လူဖြူအမျိုးသမီးနဲ့ လူမည်းအမျိုးသားက မွေးဖွားလာတဲ့ ‌ သွေးနှော လူမည်းအမျိုးသမီး အက်ဘနီကို ဇာတ်အိမ်တည်ပြီး ရိုက်ကူးထားပါတယ်။ အက်ဘနီကိုယ်တိုင်က မူးယစ်‌ဆေးစွဲလို့ ပြုပြင်ထိန်းသိမ်းရေးအရာရှိ စောင့်ကြည့်တာကို ခံနေရတဲ့ကာလမှာ အမျိုးသားဖြစ်သူကလည်း ကလေးတွေနဲ့သူ့ကိုထားခဲ့ပြီး အီရတ်ကို ထွက်သွားကာ အဆက်အသွယ် ပြတ်သွားပါတယ်။ အဲဒီလိုနဲ့ ကလေးတွေကို ကိုယ်တိုင်ပျိုးထောင်မယ်၊ ဘဝသစ်စမယ်ဆိုပြီး ပြောင်းရွှေ့လာတဲ့ အိမ်သစ်ကို ရောက်ပြီးကာမှ ကလေးတွေမှာ တစ်ခုပြီး တစ်ခု ထူးဆန်းတဲ့အဖြစ်အပျက်တွေ ဖြစ်လာပါတယ်... ကိုယ်တိုင်က ဆေးစွဲခဲ့ပြီး အရင်တုန်းက သောင်းကျန်းခဲ့တဲ့ ပြစ်မှုဟောင်းတွေ ရှိတာကြောင့် ကလေးတွေမှာဖြစ်ပျက်နေတဲ့အရာတွေက သူလုပ်တာ မဟုတ်ဘဲ ထူးဆန်းတဲ့အရာတစ်ခုခုကြောင့်ဆိုတာကို ဘယ်သူကမှ မယုံကြည်ခဲ့ကြပါဘူး... အဲဒီလိုနဲ့ ကိုယ့်ရင်သွေးတွေကို မွေးစားဖို့ပေးလိုက်ရတော့မလို အခြေအနေဖြစ်နေရာကနေ ဒီအိမ်မှာစွဲကပ်နေတဲ့နတ်ဆိုးဆိုတာကို ဘယ်လိုရင်ဆိုင်မလဲ..သားသမီးတွေနဲ့အတူ ပျော်ပျော်ရွှင်ရွှင် ပြန်နေရပါ့ မလားဆိုတာကို စိတ်ဝင်တစားနဲ့ စောင့်ကြည့်နိုင်တဲ့ ‌ဇာတ်ကားကောင်းလေး တစ်ကားဖြစ်ပါတယ်... ဒီရုပ်ရှင်ကားက အပြင်ကလက်တွေ့ဖြစ်ရပ်မှန်ပေါ် အခြေတည်ပြီး ရိုက်ကူးထားတဲ့ ဇာတ်လမ်းဖြစ်ပြီးတော့ ကိုယ့်ကိုယ်ကိုယ် ယုံကြည်မှုရှိဖို့၊ ကိုယ်ဟာ အချစ်ခံရတဲ့သူတစ်ယောက်ဆိုတာကို ယုံကြည်နိုင်ဖို့... အစရှိတဲ့ လူမှုရေးပြဿနာတွေ၊ အရှုပ်အထွေးတွေနဲ့ပတ်သက်ပြီး ဖြေရှင်းသင့်တဲ့နည်းလမ်းမျိုးကို ဘာသာရေးဆန်ဆန် Message တွေ ပေးထားတဲ့ ဇာတ်ကားတစ်ကားပုံစံ ပိုပေါက်တဲ့အတွက် Jump scenes တွေ ပါဝင်ပြီး ခြောက်လှန့်တာကိုပဲ ဦးစားပေးထားတဲ့ သဲထိတ်ရင်ဖိုသရဲ ဇာတ်လမ်းမျိုးတွေကြည့်ချင်တဲ့ပရိသတ်အတွက်တော့ အနည်းငယ် မျှော်လင့်ချက်နဲ့မကိုက်တာမျိုးဖြစ်နိုင်ကြောင်း အသိပေးလိုက်ရပါတယ်... File size…1.62GB / 794MB Quality…NF WEB-DL 1080p 5.1CH / 720p Format…mp4 Duration….1h 52m Genre ….. Horror , Thriller Subtitle….Myanmar Subtitle (Hard Sub) Encoder….Min Wai Translated by Chothet_mlmt

ပိတ်ရက်လည်းနီးပြီဆိုတော့ အခွီဓာတ်လေးလည်းပါရမယ် ပေါကားကြီးလည်း မကြိုက်ဘူးဆိုသူတွေအတွက် Biblical comedyလေးနဲ့ မိတ်ဆက်ပေးချင်ပါတယ်။ သမ္မာကျမ်းစာက အသုံးအနှုန်းတွေများတဲ့ကားလေးဆိုတော့ အမှားပါခဲ့ရင် မေတ္တာရှေ့ထား သည်းခံပေးကြဖို့ တောင်းဆိုရင်းနဲ့ပဲ ဇာတ်လမ်းလေးကို ဆက်လိုက်ရအောင်ပါ။ ကလဲရန့်စ်ဆိုတာ ရွာထဲကပြဿနာအိုးငမွှေထိုး သူခိုး ကြမ်းပိုး တစ်ယောက်၊ ညိုကီတို့တောင် တချီတချီထထလုပ်ချင်တဲ့ ဝိစိုက်ရောင်းတဲ့အလုပ်ကို အကောင်အထည်ဖော်ထားတဲ့သူပေါ့။ မကောင်းတာမှန်သမျှ အကုန်လုပ်တဲ့သူဟာ ခရစ်တော်ကို မယုံကြည်တဲ့ ဘာသာမဲ့ အပယ်ခံလည်း ဖြစ်‌နေပါသေးသတဲ့။ ဒီလိုနဲ့တစ်နေ့မှာ ကံလေးများတက်မလားဆိုပြီး မယ်ရီဆိုတဲ့ စော်လေးနဲ့ ရထားပြိုင်မောင်းရာက ချော်တောငေါ့ပြီးရှုံး၊ ငွေတိုးချေးစားတဲ့ ဂျေဒဒိုင်ယာဆိုတဲ့ ရက်စက်တဲ့နေရာမှာ နှစ်ယောက်မရှိတဲ့ဘဲကြီးဆီမှာ အကြွေးတင်သွားပါတော့တယ်။ ရက် ၃၀ အတွင်းအကြွေးမဆပ်ရင် လည်ကုပ်နားဝဲနေတဲ့ ဂျေဒဒိုင်ယာရဲ့ဓားကိုလည်းကြောက်ရ၊ တသက်လုံး ရုန်းကန်ခဲ့ရတဲ့ အမေ့ကိုလည်း အိမ်ကောင်းကောင်းနဲ့ထားချင်၊ နှလုံးသားထဲက ချစ်ဦးသူဖြစ်တဲ့ ဂျေဒဒိုင်ယာရဲ့ညီမလေး ဗာရီယာနဲ့လည်း အကြောင်းပါချင်တဲ့ ကလဲရန့်စ်တစ်ယောက် သူငယ်ချင်းတစ်စုနဲ့ ဘူရှိန်းဘိန်းရှူရင်းနဲ့ အတွေးပေါက်သွားပါသတဲ့။ ဒါကတော့ သူ့ကိုယ်သူ ယေရှုရဲ့ ၁၃ ယောက်မြောက် တမန်တော်မေရှိယအဖြစ် ခံယူပြီးတော့ လှူစာကမ်းစာတွေကို တစ်ဝစားလို့ အကြွေးပါဆပ်ပြီး လူချမ်းသာလုပ်မယ်ဆိုတဲ့ ဘုရားစူးအတွေးလေးပါပဲ။ ဘာသာမဲ့မှသည် ဘုရားသခင်ရဲ့တမန်‌တော်လုပ်မယ့် ရွှေဉာဏ်တော်နဲ့ သူ့ရဲ့အတွေးကို အကောင်အထည်ဖော်ဖို့ ခရီးထွက်လာတဲ့ ကလဲရန့်စ် တစ်ယောက် ဘာတွေဘယ်လိုဆက်ဖြစ်မလဲဆိုတာ အားလုံးအတူ ရှုစားလိုက်ရအောင်ပါ.... File size…2.73 GB / 1.11 GB Quality…WEB-DL 1080p 5.1 CH/ 720p Format…mp4 Duration….2h 9m Genre ….. Adventure , Comedy , Drama Subtitle….Myanmar Subtitle (Hard Sub) Encoder….Min Wai Translated by TD

လဘရွန်းဂျိန်းစ်၊ လူကောင်သေးတဲ့ ဒရူး၊ ဝဝကစ်ကစ်နဲ့ ရှရန်၊ ရင့်ကျက်တဲ့ ဝီလီတို့ဟာ အသက်ဆယ်နှစ်ကတည်းက Shooting Stars အသင်းမှာ အတူ ဘတ်စကတ်ဘောကစားလာကြတဲ့ သူငယ်ချင်းတွေပါ။ သူတို့ရဲ့နည်းပြက ဒရူးရဲ့အဖေဖြစ်ပြီး အထက်တန်းကျောင်းတက်ရမယ့်အရွယ်ရောက်တော့ ဘတ်စကတ်ဘောကို ကောင်းကောင်းကစားနိုင်မယ့် ကျောင်းတစ်ကျောင်း ရွေးပေးထားတယ်။ ဒါပေမယ့် အဲဒီကျောင်းရဲ့နည်းပြက ဒရူးကို လူကောင်သေးလို့ သူငယ်ချင်းတွေနဲ့ အတူပေးမကစားနိုင်ဘဲ ဂျူနီယာအသင်းမှာပဲ ထားမယ်လို့ ပြောလာပါတယ်။ ဒါနဲ့ ဒရူးက တခြားကျောင်းကို လိုက်ရှာရင်း လူဖြူကျောင်းသားများတဲ့ စိန့်ဗီကျောင်းကို ရောက်လာတယ်။ အဲဒီမှာ ပြဿနာတချို့နဲ့အတူ ရောက်လာတဲ့ နည်းပြသစ် ဒန်ဘရော့နဲ့ ဆုံမိပြီး သူငယ်ချင်းတစ်ဖွဲ့ရဲ့ ဘတ်စကတ်ဘောခရီးက ဆက်သွားပါတယ်။ အထက်တန်းကျောင်းချန်ပီယံဖြစ်ဖို့ သူတို့ ဘယ်လိုတိုးတက်အောင် ကြိုးစားကြမလဲဆိုတာကို တစ်ယောက်ချင်းစီရဲ့အကြောင်းနဲ့အတူ ပြထားတာပါ။ နာမည်ကြီးလာတာနဲ့အမျှ ဖိအားတွေကြုံလာရတဲ့ လဘရွန်း၊ လူကောင်သေးလို့ အထင်သေးခံရတာကို လက်တွေ့လုပ်ပြပြီး တုံ့ပြန်တဲ့ ဒရူး၊ အကောင်းမြင်တတ်တဲ့ ရှရန်နဲ့ အားပေးတတ်တဲ့ ဝီလီတို့ရဲ့ အတွေ့အကြုံတွေကနေ သူငယ်ချင်းသံယောဇဉ်ကို ဆက်ပြောထားပါတယ်။ NBA ချန်ပီယံလေးကြိမ်ရထားပြီး NBA သမိုင်းမှာ အမှတ်အများဆုံးသွင်းယူသူ၊ အိုလံပစ်ရွှေတံဆိပ်ဆုရှင်လည်းဖြစ်တဲ့ လဘရွန်းဂျိန်းစ်ရဲ့ ကိုယ်တိုင်ရေးအတ္ထုပ္ပတ္တိကို အခြေခံထားတဲ့ အားကစားဒရာမာပါ။ သူတစ်ယောက်တည်းအကြောင်းကိုသာ အဓိကမထားဘဲ သူငယ်ချင်းတွေရဲ့ အထက်တန်းကျောင်းဘဝကိုပါ ပြထားပြီး Stranger Things ထဲက Lucas အဖြစ် သရုပ်ဆောင်သူက ဒရူးနေရာမှာ ပါဝင်ထားပါတယ်။

Concrete Cowboy (2021) IMDb Rating - 6.3/10 အရှိတရားကနေကင်းလွတ်ပြီး ပြောင်မြောက်တဲ့ ရုပ်ရှင်တွေလည်းရှိပေမဲ့ အရှိတရားကို ရိုက်ပြပြီး ပြောင်မြောက်တဲ့ ရုပ်ရှင်တွေက ပိုများတာတော့ သေချာပါတယ်။ ဒီရုပ်ရှင်ဟာ လက်သစ်ဒါရိုက်တာ Ricky Staubရဲ့ ပွဲဦးထွက်ရုပ်ရှင်ပါပဲ။ ထိပ်တန်းရုပ်ရှင်တော့ ဖြစ်မသွားပေမယ့် အလယ်အလတ်တန်းအဆင့်ရဲ့ထိပ်ဆုံးမှာ ရပ်နေမယ့်ကားလို့တော့ အာမခံလို့ရတယ်။ အကြောင်းအရာကတော့ ဒီနေ့ခေတ်ထိရှိနေတဲ့ ခေတ်ကာလနဲ့မကိုက်တဲ့ အ‌လေ့အထုံတစ်ခုကို ကိုင်စွဲပြီး ရုန်းကန်နေရတဲ့ လူမဲကောင်းဘွိုင်တွေ အကြောင်း။ ဒီဇာတ်လမ်းကို တစ်ချို့တွေကတော့ အတော်သဘောကျကြတယ်။ ဇာတ်အိမ်တည်ဆောက်မှု အားနည်းတဲ့ တစ်ချက်ကြောင့် တစ်ချို့ကတော့ သိပ်သဘောမကျကြဘူး။ ကျွန်တော့်အနေနဲ့ ပြောရရင်တော့ အဲ့ဒီနှစ်ခုကြားလို့ဆိုရမယ်။ ဇာတ်လမ်းတင်ပြပုံနဲ့ အခြေအနေနဲ့ Cinematographyလှလှကို တွဲသုံးပြီး ဆွဲငင်လိုက်တဲ့ အခန်းတစ်ချို့ကိုတော့ အတော်သဘောကျမိတယ်။သို့ပေမဲ့ ကျွန်တော်ဟာ ကောင်းဘွိုင်ဓလေ့လည်း မသသလို သူတို့ယဉ်ကျေးမှုနဲ့လည်း အလှမ်းဝေးတဲ့အတွက် တစ်ချို့အခန်းတွေကိုတော့ ခံစားလို့မ၀င်လိုက်ဘူး။ ဒါပေမဲ့ တစ်ချို့ပြောကြတဲ့ ဇာတ်အိမ်အားနည်းမှုဆိုတဲ့အချက်နဲ့ သဘော မကျမိတာတော့မဟုတ်ဘူး။ ဇာတ်အိမ်ဟာ အားမနည်းဘူး။ဇာတ်အိမ်ဟာ ဘ၀ပါပဲ။ ကျွန်တော်သာတစ်နေ့နေ့ရိုက်နိုင်ခဲ့ရင် ပုဂံရယ် နေအ၀င်ခြင်းခတ်တဲ့လူတွေရယ်ကို ဇာတ်အိမ်တကူးတကမလိုဘဲ ရိုက်ပြနိုင်ချင်တယ်ဆိုတဲ့ စိတ်ကူးရှိတယ်။ ဒီဒါရိုက်တာကလည်း သူ့အရပ်သူ့ဒေသက မြင်းစီးတဲ့လူတွေအကြောင်းကို သူတို့ ယဉ်ကျေးမှုကိုပြပြီး ရိုက်ပြသွားတာပါပဲ။ ပွဲဦးထွက်မှာ ဒီအနေရိုက်ပြနိုင်တာ နောင်များ အတော်ကောင်းတဲ့ကားတွေ လာနိုင်ဦးမယ်လို့ မျှော်လင့်လို့ရပါတယ်။ ခေတ်သစ်ကောင်းဘွိုင်တွေရဲ့ကမ္ဘာထဲကို ၀င်သွားကြည့်ရင် အမြင်အားဖြင့် လှပမနေတဲ့အရာတွေများပေမဲ့ သူတို့ရဲ့သူတို့ဘ၀အပေါ်ချစ်ခြင်းက လှပမနေတဲ့အရာတွေကိုတောင် လှပစေနိုင်တယ်။ မြင်းချီးတွေကြားထဲ မြင်းနဲ့အတူနေတဲ့လူတွေ မြင်းကို ဧည့်ခန်းထဲထည့်ထားတဲ့လူတွေ အငတ်ခံပြီး မြင်းကိုအစာကျွေးတဲ့လူတွေ မြင်းသေပုပ်ကိုတောင် မလွှင့်ပစ်ရက်တဲ့လူတွေ ခင်ဗျားမြင်ရမယ်။သူတို့မြို့ကလေးရဲ့ နေအ၀င်မှာ ကောင်းဘွိုင်ကောင်လေးကို ကောင်းဘွိုင်မလေးက နမ်းလိုက်တာကိုလည်း ခင်ဗျားမြင်ရလိမ့်မယ်။ ဒါပေမဲ့ သူတို့ အချစ်အကြောင်းစကားတစ်ခွန်းမှ ဆိုတာကိုတော့ ခင်ဗျား မြင်ရမှာမဟုတ်ဘူး။ ဒါပေမဲ့ တာကော့စကီးရုပ်ရှင်ထဲကစကားလေးလိုပဲ "Unspoken Feelings are unforgettable" ထုတ်ပြောမထားတဲ့ခံစားချက်တွေဟာ ပိုမမေ့ရက်နိုင်စရာကောင်းတာပဲမဟုတ်လား။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ WiRa Aung ပဲဖြစ်ပါတယ်။) Quality – 1080p, 720p WebRip Duration - 1h 51min Subtitle – Myanmar Hardsub Format – Mp4 Genre : Drama Source : 1080p.WebRip Translator – WiRa Aung Encoder – SWM

2019 ရုံတင်ကား အသစ်လေးတင်ပေးထားပါတယ်။ စွန့်စားခန်း ဟာသ ကလေးရုပ်ရှင်မျိုးပါပဲ။ ဒိုရာဟာ ကာတွန်းတွေရော ဂိမ်းတွေရော ထွက်ထားခဲ့ပြီးသား ဇာတ်ကောင်တစ်ခုပါ။ အဓိကကတော့ စွန့်စားခန်းတွေ ပဟေဠိတွေ စူးစမ်းရှာဖွေတာတွေကို လုပ်တဲ့ ကောင်မလေးပေါ့။ ဒီဇာတ်ကားမှာလည်း ဒိုရာရဲ့မိဘတွေဟာ ဒိုရာနဲ့အတူ တောထဲမှာ နေပြီးလေ့လာရေးလုပ်ကြပါတယ်။ ရှေးဟောင်းမြို့တော်တစ်ခုဖြစ်တဲ့ ပါရာပါတာ ကို ရှာဖို့ပါပဲ။ တစ်ရက်မှာ ဒိုရာကြောင့် ပါရာပါတာရဲ့ မြေပုံရသွားပြီး သူတို့ ၂ ယောက် မြို့တော်ကို ရှာဖို့ ခရီးထွက်ပါတော့တယ်။ ဒိုရာကိုတော့ မြို့ပေါ်ကကျောင်းကိုပို့ထားပြီး စောင့်နေခိုင်းတာပေါ့။ ဒါပေမယ့် ရတနာမုဆိုးတွေက ဒိုရာနဲ့ သူ့မိဘတွေနောက်ကို လိုက်လာတဲ့အခါမှ ဒိုရာ နဲ့ သူငယ်ချင်းတစ်သိုက် စွန့်စားခန်းတွေ ဖွင့်ရပါတော့တယ်။ ဒိုရာ သရုပ်ဆောင်မင်းသမီး အစ်ဇ်ဘယ်လာမွန်နာဟာ ၂၀၀၁ မွေးတာ ဖြစ်တာဖြစ်တာကြောင့် ဒီနှစ်ထဲမှာပဲ ၁၈ နှစ်ပြည့်သွားပါပြီ။ သိချင်မလားလို့ ထည့်ရေးပေးထားတာပါ။ File Size : ( 960 MB , 314 MB) Quality :  BluRay 1080p 5.1 CH , BluRay 720p , BluRay 480p Running Time : 1 hr 42 min Format : Mp4 Genre : Adventure , Family Subtitle : Myanmar Subtitle (Hard Sub) Translated by Little Neo Encoded by Moe Myint Lwin

၁၉၈၀ ပြည့်နှစ်များက ဟော့ကင်းမြို့လေးမှာ ရင်းနှီးတဲ့ သူငယ်ချင်းလေးယောက် နေထိုင်ကြပါတယ်။ တစ်နေ့မှာ အဲဒီအထဲက ဝေလ် ရုတ်တရက် ပျောက်သွားတော့ ကျန်တဲ့သူငယ်ချင်းတွေက သူ့ကို ရှာကြတယ်။ အဲဒီအချိန်မှာပဲ လျှို့ဝှက်စမ်းသပ်ခန်းတစ်ခုက ထွက်ပြေးလာတဲ့ အဲလ်လဗင်းဆိုတဲ့ ကလေးမလေးနဲ့လည်း တွေ့လာကြပါတယ်။ လူတွေနဲ့ ဆက်ဆံရာမှာ မကျွမ်းကျင်သေးတဲ့ သူမမှာ ထူးခြားတဲ့ စိတ်စွမ်းအားတွေ ရှိနေတယ်။ မြို့အနီးက သုတေသနဌာနဟာ စိတ်စွမ်းအားနဲ့ စိတ်နယ်လွန်ဖြစ်ရပ်တွေကို လျှို့ဝှက်လေ့လာနေတဲ့ နေရာပါ။ ဝေလ်ပျောက်သွားတာ၊ အဲလ်လဗင်း ရောက်လာတာနဲ့ ဒီဌာနကြား ဘာပတ်သက်နေလဲဆိုတာ ရှာဖွေရာက တခြားကမ္ဘာတစ်ခုနဲ့ ဆက်စပ်နေတဲ့ ပဟေဠိတွေ ပေါ်လာပါတယ်။ ကလေးတွေက အဓိကဇာတ်ကောင်ဖြစ်ပေမယ့် ဇာတ်လမ်းကတော့ ကြောက်စရာနဲ့ စိုးရိမ်စရာတွေလည်း ပါတယ်။ သူငယ်ချင်းကို ပြန်တွေ့ချင်လို့ လိုက်ရှာကြတဲ့ခရီးကို သဘာဝလွန်ဖြစ်ရပ်တွေနဲ့ ဆက်ထားတဲ့ စီးရီးပါ။