Caleb Ruminer ပါဝင်သော ဇာတ်ကားများ

မက်ဟာ အသက် ၁၈ နှစ်ပြည့်ပြီး အထက်တန်းကျောင်းပြီးထားတဲ့ ကောင်လေးတစ်ယောက်ပါ။ စာကိုပဲ အာရုံစိုက်ကြိုးစားခဲ့လို့ Princeton University မှာ ပညာသင်ဆုရထားပြီး ကောလိပ်တက်ဖို့ ပြင်ဆင်နေပါတယ်။ အရင်က ချစ်သူမထားဖူးတဲ့ မက်က ကောလိပ်မတက်ခင် နွေရာသီအားလပ်ရက်မှာတော့ အချစ်ရေးကို စမ်းသပ်ကြည့်ချင်လာတယ်။ ဒီလိုနဲ့ ငွေကြေးချမ်းသာပြီး အတွေ့အကြုံရှိတဲ့ မုဆိုးမ ကာရစ်ဆာနဲ့ ပတ်သက်မိသွားပါတယ်။ တစ်ညမှာ ကာရစ်ဆာနဲ့ ချိန်းတွေ့နေတုန်း လူတစ်ယောက်က မက်ဆီလာပြီး အန္တရာယ်ထဲ ရောက်နေပြီလို့ သတိပေးတယ်။ ကာရစ်ဆာဆီကနေ အမြန်ဆုံး ထွက်ပြေးဖို့လည်း ပြောသွားပါတယ်။ တစ်ဖက်မှာတော့ သားကို အမြဲဂရုစိုက်နေတဲ့ မိခင် တန်ယာက ဒီဆက်ဆံရေးအကြောင်း သိသွားတယ်။ ကာရစ်ဆာနဲ့ ပတ်သက်မိတဲ့ မက် ဘာတွေကြုံရမလဲ၊ တန်ယာကရော သားကို ကယ်တင်ဖို့ ဘယ်လိုနည်းလမ်းတွေ သုံးမလဲဆိုတာကို ဆက်တင်ပြထားတဲ့ သည်းထိတ်ရင်ဖိုဇာတ်လမ်းပါ။