Cameron Fuller ပါဝင်သော ဇာတ်ကားများ

Code 3 (2025) +++++++ နှစ်တွေအကြာကြီး အရေးပေါ်ကားပေါ်မှာ အရေးပေါ်လူနာတွေကို ကယ်တင်ရင်း ပင်ပန်းနေတဲ့ ဝါရင့်ဆေးဘက်ဝန်ထမ်းတစ်ယောက်ရဲ့ ဘဝကို ပုံဖော်ထားတာပါ။ ဒီနေ့က သူ့ရဲ့ နောက်ဆုံးအလုပ်တာဝန်ပါပဲ။ မနက်ဖြန်ဆို သူက ရုံးခန်းထဲမှာ စာရင်းကိုင်ထိုင်လုပ်ရတော့မယ့် ဘဝအသစ်ကို စတင်ရတော့မယ်။ ဒါပေမယ့် ဒီနောက်ဆုံးတစ်ရက်မှာ သူနဲ့အတူ ကားပေါ်မှာ ရှိနေတာက မိုက်— ဘယ်အချိန်မဆို ဟာသပြောပြီး ရယ်စရာလုပ်တတ်တဲ့ သူ့ရဲ့လက်ထောက်နဲ့ ဂျက်ဆစ်ကာ— ဒီအလုပ်ထဲ အသစ်စက်စက်ဝင်လာတဲ့၊ စိတ်လှုပ်ရှားနေတဲ့ လူသစ်လေးပေါ့ သူတို့သုံးယောက် ကားထဲမှာ နံနက် ၆ နာရီလောက်ကတည်းက စတင်ထွက်ခွာရင်း အရေးပေါ်ခေါ်ဆိုမှုတွေကို တစ်ခုပြီးတစ်ခု သွားရတယ်။ တစ်ခါတလေ မိုက်က လူနာတင်ယာဉ်ထဲမှာ ပေါ့ပေါ့ပါးပါး ဟာသပြောလိုက်တော့ ရမ်ဒီတောင် မျက်နှာတည်နဲ့ မနေနိုင်ဘူး။ ဂျက်ဆစ်ကာကတော့ ဒီအလုပ်ရဲ့ ဖိအားတွေ၊ လူနာတွေရဲ့ဘဝအခိုက်အတန့်တွေကို အံ့ဩနေရင်း တစ်ဖက်မှာလည်း စာလေ့လာနေရတယ်။ တစ်ရက်လုံး သူတို့က ရယ်စရာတွေ၊ စိတ်မသက်မသာဖြစ်စရာ အခြေအနေတွေနဲ့ လူတစ်ယောက်ရဲ့ နှလုံးသားကိုခံစားရစေမယ့် အခိုက်အတန့်တွေကို ဖြတ်သန်းကြရတယ်။ ရမ်ဒီကတော့ ဒီအလုပ်က သူ့ကို ဘယ်လိုပုံဖော်ခဲ့လဲ... ဘယ်လိုကြေကွဲစရာ အခိုက်အတန့်တွေနဲ့ အံ့သြစရာတွေကို ပေးခဲ့လဲဆိုတာကို ပြန်တွေးရင်း သူ့ဘဝရဲ့ အဆုံးသတ်တစ်ခုကို ရင်ဆိုင်နေရတယ်။ မိုက်ကတော့ သူ့ရဲ့ပေါ့ပါးတဲ့ စိတ်ဓာတ်နဲ့ အခြေအနေကို ပေါ့သွားအောင် ထိန်းထားပေးတယ်။ ဂျက်ဆစ်ကာကတော့ ဒီအလုပ်ရဲ့ တကယ့်အဓိပ္ပါယ်ကို တဖြည်းဖြည်း နားလည်လာတယ်။ ဒီဇာတ်လမ်းဟာ အရေးပေါ်ဆေးဘက်ဝန်ထမ်းတွေရဲ့ ဘဝထဲက ရယ်မောစရာ နာကျင်စရာ အခိုက်အတန့်တွေကို ရိုးရိုးရှင်းရှင်းနဲ့ သဘာဝကျကျ ပုံဖော်ထားတယ်။ သူတို့ရဲ့ သူငယ်ချင်းဆန်တဲ့ ဆက်ဆံရေးက ဒီဖိအားများတဲ့ အလုပ်ထဲမှာ အချင်းချင်း အားပေးရင်း ဘယ်လိုအဆုံးသတ်မလဲဆိုတာ ကြည့်ပေးပါဦး..... File Size… (1.45GB) / (849 MB) Quality… WEB-DL 1080p HEVC /720p Format…mkv / mp4 Duration…1h 44m Genre ….Action , Comedy Subtitle….Myanmar Subtitle (Hard Sub)

၂၀၁၉ ထွက် Science-Fiction, Avdenture ဇာတ်ကားသစ်လေး Rim of the World နဲ့မိတ်ဆက်ပေးပါရစေ။ ဒီဇာတ်ကားလေးက IMDB Rating 5.1 ရရှိထားတဲ့ ဇာတ်ကားလေးပါ။ ဇာတ်လမ်းအကျဉ်းကတော့ လောကမှာ အရာတိုင်းကို ကြောက်နေတတ်လို့ အိမ်တွင်းအောင်းနေတဲ့ ဉာဏ်ကြီးရှင်လေး အဲလက် ကို သူ့အမေက အပြောင်းအလဲ ဖြစ်အောင် နွေရာသီစခန်းတစ်ခုကိုသွားပို့ခဲ့ပါတယ်။ အဲဒီစခန်းမှာ အိမ်ပြေးကောင်မလေး ဇန်ဇန်၊ သူဌေးသား ငကြွားလေး ဒဲရီးရက်ရှ်နဲ့ လူငယ်ပြုပြင်ရေး စခန်းကနေ ထွက်ပြေးလာခဲ့တဲ့ ဂေဘရီရယ်တို့နဲ့ ဆုံတွေ့ခဲ့ပြီး သူ့ဘဝကိုအပြောင်းအလဲဖြစ်စေမယ့် အပြောင်းအလဲတွေနဲ့ကြုံတွေ့ခဲ့ပါတယ်။ ကမ္ဘာကြီးကို ဂြိုလ်သားတိုက်ခိုက်မှုတွေနဲ့ ကြုံနေစဉ်မှာ ကမ္ဘာကိုကယ်တင်ဖို့သော့ချက်ဖြစ်တဲ့ သော့တစ်ချောင်းကို သူတို့လေးယောက်ရခဲ့ပြီးတော့ ကမ္ဘာကိုဘယ်လိုကယ်တင်သွားလဲ ကြည့်ကြရမှာပါ။ မိသားစုအတူကြည့်ပျော်တဲ့ ဇာတ်ကားလေးဖြစ်ပါတယ်။ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ May Tharaphi Lwin ပါ) File Size : (1.60 GB) , (800 MB) Quality : WEB (1080p 5.1 , 720p) Running Time : 1hr 38min Format : Mp4 Genre : Action, Adventure, Comedy Subtitle : Myanmar Subtitle (Hard Sub) Source : iNTERNAL.1080p.WEB.x264-STRiFE Translated by May Tharaphi Lwin Encode by THZ

၁၉၈၇ တုန်းကထွက်ရှိခဲ့တဲ့ Three O’Clock High ဆိုတဲ့ လူငယ်ဟာသဇာတ်ကားကို မှီ ငြမ်းပြီး ဆန်းသစ်ရိုက်ကူးထားတာ ဖြစ်ပါတယ်။ အန်ဒီကန့်ဘဲလ်ဟာ အနေ အေးတဲ့ အထက်တန်းကျောင်း အင်္ဂလိပ်ဆရာတစ်ယောက်ဖြစ် ပြီး စီနီယာလုပ်ဖော်ကိုင်ဖက်တွေ ရဲ့ နောက်ပြောင်ကျီစယ်မှုတွေ၊ ဒုက္ခပေးမှုတွေကြားမှာ လိုက် လျောညီထွေဖြစ်အောင် ကြိုးစား နေထိုင်သူ တစ်ယောက်ဖြစ်ပါ တယ်။ အန်ဒီ အဲဒီလိုနေနေတဲ့ ကြားက တစ်ရက်မှာတော့ အခြေ အနေတွေက အဆိုးဘက်ကို ရောက်သွား ခဲ့ပါတယ်။ ဘာ ကြောင့်လဲဆိုရင် အန်ဒီကြောက် ရတဲ့ခပ်ဆိုးဆိုးဆရာတစ်ယောက် ကို အလုပ်ပြုတ်အောင် လုပ်မိသ လိုဖြစ်ခဲ့လို့ပဲဖြစ်ပါတယ်။ အဲဒီ ခပ်ဆိုးဆိုးပုဂ္ဂိုလ် ရွန်စထရစ်လန်း ဟာ ရှေးရိုးဆန်တဲ့ အလေ့အထ တွေကိုစွန့်လွှတ်ဖို့အတွက် အန်ဒီ ကိုကျောင်းပြီးချိန်မှာ မကျေပွဲဆင် နွှဲဖို့ စိန်ခေါ်ခဲ့ပါတယ်။ ဆရာနှစ်ယောက်ရဲ့ တိုက်ပွဲ ဟာ ကျောင်းသားတွေကြားမှာ ရော အွန်လိုင်းမှာပါ ပျံ့နှံ့သွားခဲ့ ပြီး လူစိတ်ဝင်စားစရာအကြောင်း အရာတစ်ခုဖြစ်ခဲ့ပါတော့တယ်။ နဂိုကတည်းက ကြောက်လည်း ကြောက်တတ်၊ အေးလည်းအေး တဲ့ အန်ဒီအဖို့ ဒီလိုစိန်ခေါ်မှုကြီး က အရမ်းထိတ်လန့်စရာတစ်ခု လည်းဖြစ်ပါတယ်။ အဲဒါနဲ့ အန်ဒီ ဟာ ဘယ်လိုတုံ့ပြန်တိုက်ခိုက်ရ မယ်ဆိုတာကို အခြားဆရာ၊ဆရာ မတွေဆီက အကြံတောင်းပြီး တိုက်ခိုက်ဖို့ ပြင်ဆင်ခဲ့ပါတော့ တယ်။ ဒီကြားထဲမှာလည်း ရွန်စထ ရစ်လန်းရဲ့ ပြဿနာရှာမှုတွေ ကြောင့် အန်ဒီဒုက္ခရောက်ခဲ့ပြီး နောက်ဆုံးစိန်ခေါ်တဲ့နေ့မှာ ထိပ် တိုက်ရင်ဆိုင်မှာလား။ ဘာတွေ ဆက်ဖြစ်ကြမလဲ ဆိုတာတော့ ရယ်ရင်းမောရင်း ကိုယ်တိုင်သာ ဆက်ကြည့်လိုက်တော့နော်။ ရုပ် ရှင်ဝေဖန်သူတွေကတော့ စကား လုံးကြမ်းကြမ်းတွေသုံးထားလို့၊ ဆရာတွေက ဆယ်ကျော်သက် တွေလို ပြုမူလို့စသဖြင့် ဝေဖန် ထားမှုတွေတော့ ရှိထားပါတယ်။ ဒီဇာတ်ကားမှာ အန်ဒီကန့် ဘဲလ်အဖြစ် ချာလီဒေး၊ ရွန်စထ ရစ်လန်းအဖြစ် အိုက်စ်ကျူဘ်၊ မစ္စမိုနက်အဖြစ် ခရစ္စတီးနား ဟန် ဒရစ်စတဲ့ သရုပ်ဆောင်တွေပါဝင် ထားကြပါတယ်။ (ဇာတ်လမ်းအညွှန်းကိုတော့ (http://www.7daydaily.com) မှကူးယူဖော်ပြထားတာဖြစ်ပြီး ဘာသာပြန်သူကတော့ Khin Pyae Sone Kyaw ပဲဖြစ်ပါတယ်) File Size : (680 MB) and (350 MB) Quality : Bluray 720p Running Time : 1hr 31minutes Format : Mp4 Genre : Comedy  Translated By Khin Pyae Sone Kyaw Encode By Thanhtike Zaw

Barely Lethal (2015) " ဒီရုပ်ရှင်ဟာ ကလေးတွေကို လေ့ကျင့်ပေးပြီး လုပ်ကြံရေးသမားတွေအဖြစ်ခိုင်းတဲ့ အစိုးရလျှို့၀ှက်ကျောင်းက ဥက္ကဌ မာသားဖာ့ခ်ကာကြီးဟာ အတော်ဆုံးအေးဂျင့်လေးဖြစ်တဲ့ Bumblebee ထဲက စကီလေးကို ကွင်းဆင်းတာ၀န်ပေးရာက ကလေးဆိုတော့ အပြင်လောကကိုရောက်လာပြီးတဲ့နောက် သိချင်စိတ်များလာရာက သေချင်ယောင်ဆောင် ထွက်ပြေးသွားပြီး မွေးစားမိဘအိမ်တစ်အိမ်မှာနေရင်း အထက်တန်း ကျောင်းသူဘ၀ကို ဖြတ်သန်းရာက ဆယ်ကျော်သက်တွေ ကျောင်းမှာကြုံရတဲ့ ပြဿနာတွေကို ကြုံလာရတဲ့အပြင် သူဖမ်းထားခဲ့တဲ့လူဆိုးဖြစ်တဲ့ ဂျက်စီကာအယ်ဘာက လွတ်လာပြီး သူ့မွေးစားမိဘအိမ်ကိုပါ အန္တရာယ်ပေးဖို့ လုပ်လာတာကိုပါ တားဆီးဖို့လုပ်ရတာကို ဇာတ်အိမ်တည်ပြီး နာမည်ကြီးသရုပ်ဆောင်များစွာသုံးထားတဲ့ဆယ်ကျော်သက်သဘာ၀တို့ဘာတို့ကို မက်ဆေ့ပေးမယ့် Teenage Movieလေးတစ်ကားပါ" ဇာတ်လမ်းရဲ့အညွှန်းကတော့ ဒီစာတစ်ကြောင်းပါပဲ။ အောက်ကတော့ သူ့အရသာကို ထပ်ညွှန်းထားရုံပါ။ မဖတ်လည်းရပါတယ်။ ကျွန်တော်တို့ငယ်ငယ်က တိတ်ခွေခေတ်ကိုတော့ မှီလိုက်သေးတယ်။ အဲဒီကာလတွေမှာ Lion King တို့၊ Tom and Jerry တို့ Terminator တို့ ခေတ်စားခဲ့တာပေါ့။ ကျွန်တော်တို့ ညီအစ်ကိုတွေတော့ အဲဒီတုန်းက Lion King ကို အပိုင်ပါဝယ်ပြီး ခဏခဏပြန်ကြည့်ကြတဲ့အထိကြိုက်ခဲ့ကြတယ်။ ကာတွန်းကားလေးတွေရဲ့ ဘ၀ဖြစ်ခဲ့ခြင်းတွေပေါ့။ မရှေးမနှောင်းပါပဲ။ ဘာမှတောင် သိပ်မကြာလိုက်ဘူး။ VCDခေတ်ရောက်လာတယ်။အဲဒီကာလမှာတော့ ချောင်ယွန်ဖတ်တို့ ဂျက်လီတို့ ဂျက်ကီချမ်းတို့ ကား‌တွေ ပါဝါရိန်းဂျားကားတွေ ခေတ်စားလာရော။ ဒီကာလမှာ ကျွန်တော့်ရဲ့ အမှတ်ရစရာအဖြစ်ခဲ့ဆုံးကား ကလေးဘ၀က အကြိုက်ခဲ့ဆုံးကားက Sharkboy and lavagirl ပါပဲ။အဲဒီကားက ကလေးကားလေးပဲ။ တော်တော်လည်း ပေါတယ်။ CGIတွေဆို စုတ်ပြတ်နေချက်ပဲ။ သို့ပေမဲ့ပေါ့ ကျွန်တော်တို့ရဲ့ စိတ်ကူးယဉ်တတ်တဲ့ ကလေးဘ၀မှာ သူက စိတ်ကူးယဉ်တာတွေ တကယ်ဖြစ်နိုင်ပါတယ်ဆိုတဲ့ ပုံစံမျိုးနဲ့ အခုအခေါ် မက်ဆေ့ပေးသွားတယ်ပေါ့။ စိတ်ကူးယဉ်တာကို အားပေးထားတဲ့ ဒီကားကို စိတ်ကူးယဉ်တတ်တဲ့ကျွန်တော်က ဆိုင်ကိုပါ ပျောက်သွားတယ်ပြော ပြန်မအပ်ဘဲ ‌၂ထောင်လောက်လျော်ပြီး သိမ်းထားပြီး အကြိမ်ရေ ရေမရလောက်အောက်ကို ကြည့်ခဲ့ဖူးတယ်။ နောက်သဘောကျဖူးတဲ့ကားကတော့ ဘရေဒန် ဖရေဆာပါတဲ့ Bugs Bunny ရုပ်ရှင်တို့ ဂျင်ကာရေးရဲ့ A Series Of An Unfortunate Events တို့ပေါ့။ စိတ်ကူးယဉ်ဆန်ဆန် ကလေးကားတွေဟာလည်း ကျွန်တော်တို့အတွက် ဘ၀တစ်ခု ဖြစ်ဖူးကြမှာပါပဲ။ ဒီရုပ်ရှင်ကလည်း ထိုနည်း၎င်း ကလေးတွေကို ဦးတည် တားဂတ်ထားထားတဲ့ ကလေးကားလေးပါပဲ။ ကျွန်တော်တို့ငယ်ငယ်က ကြည့်ခဲ့ဖူးတဲ့ ရုပ်ရှင်တွေလို Vibeမျိုးပေးတယ်။ Teenage တွေဖြစ်တတ်တဲ့ ပြဿနာတွေကို Teenage သရုပ်ဆောင်တွေနဲ့ရိုက်ပြပြီး Teenageတွေအတွက် မက်ဆေ့တွေ ပေးသွားခဲ့တယ်။ ငယ်ငယ်က ကလေးကားလေးတွေနဲ့ ဒီရုပ်ရှင်ဟာ အရသာတူပေမဲ့ ဒီထဲက castတွေကတော့ လက်ရှိနာမည်ကြီး cast တွေပါပဲ။ Hawkeyeထဲ ကိတ်ဘစ်ရှော့ အဖြစ်ပါပြီး Bumblebeeတို့ Pitch Perfect တို့နဲ့ နာမည်ကြီးခဲ့တဲ့ Into the Spider-verseမှာ ဂွမ်စတေစီအဖြစ် အသံသရုပ်ဆောင်ထားတဲ့ Hailee Steinfeld။ ငယ်ဘ၀က ခွက်ရှ် ခုထိခွက်ရှ် ဂျက်စီကာအယ်ဘာ။ မားသားဖာ့ခ်ကာကြီး ဆင်မြူရယ်... သူလုံး၀မဆဲထားပါဘူး။ GOTရဲ့ ဆိုဖီ တန်နာတို့တွေပေါ့။ ကျွန်တော်တို့ငယ်ငယ်က ကြိုက်ခဲ့ဖူးတဲ့ တစ်ချို့ teenage ရုပ်ရှင်တွေဟာ ဒီဘက်ခေတ်ပြန်ကြည့်ရင် ပေါတောနေမှာပါ။ သို့ပေမဲ့ ကျွန်တော်တို့ ငယ်ဘ၀ရဲ့ ရုပ်ရှင်တွေအ‌ကြောင်းပြောကြရင် ဒီရုပ်ရှင်တွေဟာ မပါမဖြစ်ပါပဲ။ ဒီရုပ်ရှင်တွေကနေ တစ်စုံတရာသော ခံစားမှုကိုရခဲ့ဖူးတာကိုလည်း ပြန်တွေးတိုင်း အမှတ်ရနေဦးမှာပါ။ ငယ်ဘ၀ရဲ့ အမှတ်တရတွေအဖြစ် သူတို့က ထင်ကျန်နေဦးမှာပါပဲ။ တစ်ချို့teenageရုပ်ရှင်‌တွေက‌တော့ ပြန်ကြည့်လည်း အကြည့်ခံပါတယ်။ အကြည့်မခံလောက်ဘူးလို့ ယူဆရပြီး ကိုယ့်အတွက် အရေးပါတဲ့ရုပ်ရှင်ဖြစ်ခဲ့ဖူးတဲ့ teenage ရုပ်ရှင်တွေကိုတော့ ပြန်မကြည့်တာ အကောင်းဆုံးပါပဲ။ ကျွန်တော့်အတွက်ဆို Sharkboy and Lavagirl ရုပ်ရှင်ပေါ့။ ရည်းစားဟောင်းကို ရာဇ၀င်ထဲထားခဲ့ကြသလို အဲဒီရုပ်ရှင်တွေကိုလည်း ငယ်ဘ၀မှာသာ ထားခဲ့ကြပါ။ ဒါဆိုသတိရတဲ့အခါမှာ အမှတ်တရအဖြစ်ကျန်နေဦးမှာပါပဲ။ အဲဒီအစား ဒီရုပ်ရှင်ကိုပဲ အစားထိုး အာသီသပြေကြည့်လိုက်ပါ။ ဒီရုပ်ရှင်ဟာ ကျွန်တော်တို့ငယ်ငယ်က Teenage ရုပ်ရှင်တွေရဲ့ အရသာမျိူးကို ဒီဘက်ခေတ်အနေနဲ့ ပေးစွမ်းနိုင်မယ့် Teenage Movieတစ်ကားပါပဲ။ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.8GB, 1.1GB Quality - 1080p, 720p IMDb Rating - 5.4/10 Format - mp4 Duration - 1H 38Min Type - Action, Comedy Subtitle - Myanmar Subtitle (Hardsub) Translated by WiRa Aung Encoded by Y