Chang Long ပါဝင်သော ဇာတ်ကားများ

ချစ်ခြင်းဖန်ဆင်းတဲ့စားဖွယ်စုံ Yummy Yummy Yummy (2025) အမြဲတမ်း နတ်ကား၊ သိုင်းကားတွေပဲကြည့်နေတဲ့ C drama ဖန်တွေအတွက် ဆန်းပြားထူးဆန်းတဲ့ဇာတ်ကားလေးတစ်ကား ယူဆောင်လာပေးပါတယ်။ ဇာတ်ကားလေးက မြင်နေကျ၊ ကြည့်နေကျပုံစံတွေနဲ့ အတော်လေးကွဲထွက်နေမှာမို့ ပရိတ်သတ်တို့လဲ အကြိုက်တွေ့မှာပါ။ ဒီဇာတ်ကားမှာ When the destiny brings the demon နဲ့ I am nobody ထဲမှာ အဓိကပါဝင်သရုပ်ဆောင်ထားတဲ့ Wang Ying Lu (လုလု‌) လေးက ခေါင်းဆောင်မင်းသမီးအဖြစ်ပါဝင်ထားပါတယ်။ ဒီဇာတ်လမ်းက အစားအသောက်တွေနဲ့မြို့ပြဓလေ့တွေကြားက အချစ်ဇာတ်လမ်းလေးတစ်ပုဒ်ကို ဖော်ကျူးထားတာပါ။ ဇာတ်လမ်းအကျဉ်း >>> ကံကြမ္မာရဲ့စေစားမှုကြောင့် ရှန့်ရှောက်ကွမ်းနဲ့ သူ့မိသားစုဟာ ယုံအန်းမြို့ကို မမျှော်လင့်ဘဲ ရောက်ရှိလာခဲ့ရပြီး ယုံအန်းမြို့မှာ စားသောက်ဆိုင်လေးတစ်ဆိုင်ဖွင့်ကာ ဘဝကို ရိုးသားစွာရုန်းကန်ရင်း နေထိုင်ဖြတ်သန်းကြပါတယ်။ ရုန်းကန်ရတဲ့နေ့ရက်တွေကြားမှာပဲ ရှောက်ကွမ်းဟာ ကျင်းကျောက်မြို့ရဲ့အရာရှိငယ်လေးဖြစ်တဲ့လင်းယန့်နဲ့ အမှတ်မထင်ဆုံစည်းခဲ့ပါတော့တယ်။ နန်းတွင်းရိုးရာအစားအသောက်ယဉ်ကျေးမှုနဲ့ဓလေ့ထုံးတမ်းတွေကနေတစ်ဆင့် ဖြစ်တည်လာတဲ့ သူတို့နှစ်ဦးရဲ့အချစ်ဇာတ်လမ်းကို "Yummy Yummy Yummy" ဆိုတဲ့ ဒီဇာတ်ကားလေးထဲမှာ ကြည့်ရှုခံစားရမှာပါ။ အရာရှိနဲ့ ရိုးသားတဲ့စားဖိုမှူးမလေးတို့ ဘယ်လို ထူးခြားတဲ့အချစ်ခရီးလမ်းကိုလျှောက်ကြမလဲ။ ဒီခရီးလမ်းမှာ ဘယ်လိုအလှည့်အပြောင်းတွေနဲ့ကြုံရပြီး ဘယ်လိုစိန်ခေါ်မှုတွေနဲ့ ရင်ဆိုင်ရမလဲ စတဲ့ရင်ခုန်စရာလေးတွေကို စားချင်စဖွယ်ဟင်းလျာတွေကြားမှာပါ အချစ်ချိုချိုလေးတွေကိုမြည်းစမ်းရမဲ့ဇာတ်ကားကောင်းတစ်ကားပါ။တွဲဖက်မင်းသားကလဲ နန်းတွင်းကားတွေနဲ့လုံးဝကွက်တိကျအောင်သရုပ်ဆောင်နိုင်တဲ့ Li Yun Rui ဖြစ်တာမို့ လုလုလေးနဲ့လဲ ဘယ်လိုတွေကမ်ဆွီမိနေကြမလဲဆိုတာ စီးမျောခံစားကြည့်ပေးကြပါအုံး။ #YummyYummyYummy

တကယ်လို့ မင်းသာ လူယုတ်မာသူရဲကောင်းလက်ထဲမှာ အစွန့်ပစ်ခံ အနှိပ်စက်ခံဘဝကနေ သူရဲကောင်းတစ်ဦးဖြစ်လာမယ့် ဇာတ်ညွှန်းကမ္ဘာထဲကို ရုတ်တရက်ရောက်သွားခဲ့မယ်ဆိုရင် ဘာလုပ်မလဲတွေးကြည့်ကြဖူးလား စုန်ရှောက်ယွီကတော့ နှစ်ခါပြန်တောင်စဉ်းစားမနေဘဲ တတ်နိုင်သမျှ အဝေးရောက်အောင် ထွက်ပြေးခဲ့တာပေါ့ ဒါပေမယ့် သူမဘယ်လောက်ပဲကြိုးစားပါစေ ဇာတ်ညွှန်းရဲ့စေရာအတိုင်း ကဖို့ပဲအကြောင်းဖန်လာတော့ သူရဲကောင်းတစ်ယောက်ဖြစ်တဲ့ နန်ဟိန့်ဆီကိုပဲ တွန်းပို့နေတော့တာပေါ့ ဒီဇာတ်ညွှန်းကမ္ဘာထဲမှာဆိုရင် မရေတွက်နိုင်တဲ့ဇာတ်ကောင်တွေလဲပါနေခဲ့ပြန်တယ် တစ်ချို့က နန်းတော်ထဲမှာပိတ်မိနေသူတွေ တစ်ချို့က မိန်းမတွေကိုဆန့်ကျင်မှုကို စိတ်ပင်ပန်းလာသူတွေ တစ်ချို့ကကျတော့မင်းမျိုးမင်းနွယ်မိသားစုရဲ့ တာဝန်တွေကြားမှာပိတ်မိနေသူတွေ တစ်ချို့ကကျတော့ဒီအာဏာတွေနဲ့ဝေးနိုင်သမျှဝေးအောင် ရှောင်ပြေးနေကြတဲ့သူတွေပေါ့ တစ်ချို့ကကျတော့ ချစ်ခြင်းမေတ္တာနဲ့ လွတ်လပ်မှုကိုတောင့်တကြတယ် ဒါပေမယ့် သူတို့အားလုံးက မင်းမိန့်ရာဇသံအောက်မှ ာရေငုံနှုတ်ပိတ်နေရဖို့သာတတ်နိုင်ကြတယ် သူတို့က အောင်မြင်ဖို့စိတ်ကူးယဉ်အိပ်မက်မက်ကြပေမယ့် အတားအဆီးတွေအောက်မှာ ပဲ ကျရှုံးခဲ့ရတာပေါ့ ဒီဇာတ်လမ်းလေးကတော့ စုန်ရှောက်ယွီနဲ့ ရက်စက်ကြမ်းကြုတ်တဲ့ နန်ဟိန်တို့ကြားထဲကတိုက်ပွဲတစ်ခုလေးမဟုတ်ဘဲ ဇာတ်ညွှန်းထဲမှာပါတဲ့ ဇာတ်ကောင်တိုင်းရဲ့ သူတို့ကံကြမ္မာအတွက် တိုက်ပွဲဝင်ရင်ဆိုင်ကြမယ့်ဇာတ်လမ်းလေးတစ်ပုဒ်ပဲဖြစ်ပါတယ် Quality : WEB-DL 1080p , 720p Total Episodes : 40 Format : mp4 Genres : Business Runtime : 45 min Subtitle : Myanmar Subtitle ( Hardsub ) Translated by CM Team Reviewed By  Thiri Myat Moe Encoded by LK

ဒီဇာတ်ကားလေးကတော့ တရုတ်ရှေးခေတ်ကားတွေထဲမှာ တစ်ခါမှတွေ့ဖူးနေကျပုံစံမဟုတ်တဲ့ Costume comedy drama လေးပဲဖြစ်ပါတယ် ။ ခေါင်းဆောင်မင်းသား မင်းသမီးတွေအနေနဲ့ မင်းသားJoseph Zhang နဲ့ မင်းသမီး Tian Xi wei တို့က ပါဝင်သရုပ်ဆောင်ထားပါတယ် ။ လျန်မန့်အာလို့ခေါ်တဲ့ မျက်မောက်ခေတ်က မိန်းကလေးဟာ ထူးဆန်းတဲ့ system တစ်ခုနဲ့ကြုံတွေ့ပြီး ရှေးခေတ်ကိုအပို့ခံလိုက်ရပါတယ် ။ သူမအပို့ခံလိုက်ရတဲ့နေရာက လယ်ယာလုပ်ငန်းလုပ်ကိုင်တဲ့မိသားစုတစ်စုဖြစ်ပြီး ရောက်ရောက်ချင်းမကြာသေးခင်မှာပဲ လျှို့ဝှက်ဆန်းကြယ်ပြီး သရုပ်မှန်ကိုမသိနိုင်တဲ့ ရှန်နော့နဲ့ တွေ့ဆုံပါတော့တယ် ။ မန့်အာတစ်ယောက် system ရဲ့ညွှန်ကြားချက်တွေကိုဖြေရှင်းရင်း ရှန်နော့နဲ့အတူ လယ်ယာထဲကဆွေမျိုးတွေရဲ့ ဒုက္ခကိုပါအတူဖြေရှင်းရပါတော့တယ် ။ နှစ်ယောက်သားက ပိုက်ဆံရှာဖို့အတွက် စီးပွားရေးအတူလုပ်ကြရင်း ခံစားချက်တွေ နက်ရှိုင်းသည်ထက်နက်ရှိုင်းလာခဲ့ပါတယ် ။ မင်းသားမင်းသမီးနှစ်‌‌ေယာက်က လယ်တောထဲမှာ ဆွေမျိုးတစ်သိုက်နဲ့အတူ ခွေးတွေ ကြက်တွေနဲ့ ဟာသပုံစံလေးရိုက်ကူးထားတဲ့ စိတ်အပန်းဖြေစရာ relax drama လေးတစ်ကားပဲဖြစ်ပါတယ် ။ ဇာတ်အိမ်လည်းကောင်းပြီး စိတ်အပန်း‌လည်းဖြေချင်တယ်ဆိုရင် ကြည့်ဖြစ်အောင်ကြည့်ပါလို့ တိုက်တွန်းလိုက်ပါရစေရှင့် ။ Quality : WEB-DL 1080p , 720p Total Episodes : 26 Format : mp4 Genres : Drama , Sci-Fi & Fantasy Runtime : 45 min Subtitle : Myanmar Subtitle ( Hardsub ) Translated by CM Team Reviewed By Kay Thwe Phyoe Encoded by LK

သည်းထိတ်ရင်ဖို ရုပ်ရှင်ကိုပဲ ကြိုက်တဲ့ ပရိသတ်တွေအတွက် ဒီရုပ်ရှင်က ကြောက်လန့်တဲ့အရသာကို အပြည့်ပေးနိုင်မှာ သေချာပါတယ်။ ဇာတ်လမ်း အကျဉ်းကတော့- ဟူကော်ဟွာဆိုတာ ချန်လဲ့မြို့မှာ အချမ်းသာဆုံး သူဌေးသားလေးတစ်ယောက် ဖြစ်ခဲ့ပါတယ်။ ဘယ်သူ့ကိုမှ အထင်မကြီးတဲ့ ဟူကော်ဟွာက လောင်းတိုင်း နိုင်နိုင်မယ့် လူအရိုးနဲ့ လုပ်ထားတဲ့ အံစာတုံးကို ရရှိခဲ့ပြီးနောက် ပိုင်ဆိုင်မှုတွေ အားလုံးသုံးပြီး လောင်းခဲ့ပါတယ်။ ဒါပေမဲ့ ညသန်းခေါင်ကျော်တဲ့အထိ မလောင်းရဘူးဆိုတဲ့ တားမြစ်ချက်ကို လျစ်လျူရှုခဲ့တဲ့အတွက် အကုန်ရှုံးသွားခဲ့ပြီး သူတောင်းစား သာသာဖြစ်သွားခဲ့ပါတယ်။ စိတ်မပြတ်နိုင်တဲ့ ဟူကော်ဟွာက သူ့အဖေရဲ့ သင်္ချိုင်းကို သွားတူးခဲ့ပြီး ဦးလေးဖြစ်သူက သူ့အဖေဆီ အကြွေးကျန်နေတာကို သိခဲ့ရပါတယ်။ ဦးလေးဆီ အကြွေးသွားတောင်းချိန်မှာ ဦးလေးက အိမ်ထောင်ကျပြီးမှ ပေးမယ်လို့ ပြောတဲ့အတွက် လူသေအတွက်သုံးတဲ့ စက္ကူသတို့သမီးနဲ့လိမ်ဖို့ စီစဉ်ခဲ့ပါတယ်။ စက္ကူသတို့သမီးက အသက်ဝင်လာပြီး တကယ်လက်ထပ်ဖို့ သူမရှိရာသင်္ချိုင်းကို ခေါ်တဲ့အခါ...... ဟူကော်ဟွာတစ်ယောက် ရှုံးသွားတဲ့ ငွေတွေကို ပြန်ရနိုင်မလား...... သူမြင်တွေ့ရတဲ့အရာတွေ အားလုံးကရော အစစ်အမှန်တွေ ဟုတ်ရဲ့လား...... ဆိုတာကို တရုတ်စတိုင် ခြောက်လှန့်ခြင်းတွေကို ရုပ်ရှင်နဲ့အတူ ခံစားလိုက်ရအောင်နော်။ Quality : WEB-DL 1080p , 720p Format : mp4 Genres : Horror Runtime : 1h 27 min Subtitle : Myanmar Subtitle ( Hardsub ) Translated by CM Team Reviewed By Moon Encoded by LK

အခုတစ်ခေါက်မှာတော့ Reset ဇာတ်ကားလေးနဲ့ အောင်မြင်မှုအကြီးအကျယ်ရခဲ့တဲ့ မင်းသားလေး （Bai Jing Ting) နဲ့ ချစ်စရာကောင်းတဲ့မင်းသမီးလေး (Tian Xi Wei)တို လိုက်ဖက်ညီစွာရိုက်ကူးထားတဲ့ ရိုမန့်ဟာသကားလေးကို တင်ဆက်ပေးလိုက်ပါတယ် ဇာတ်ကြောင်းလေးကတော့... သခင်လေး ၆ယောက်အတွက်သတိုသမီးရွေးပွဲတစ်ခုကြောင့် ရှင်းချွမ်းမှာမိန်းကလေးတွေအားလုံး စု‌ဝေးနေကြပါတယ်။ ရှင်းချွမ်းရဲ့နာမည်ကြီး ဂုဏ်သရေရှိသခင်လေး ၆ ယောက်မှ ပါဝင်ပေမယ့်လည်း သိုသိုသိပ်သိပ်နေထိုင်တတ်သူ ယင်ကျန့်၊ သတိုသမီးအဖြစ် ရွေးချယ်မခံရဘဲ ဘဝကိုကြိုးစားဖြတ်သန်းရင်း သက်သောင့်သက်သာနေချင်သူ လီဝေ၊ သူတိုနှစ်ဦးဟာ ကြမ္မာဖန်ပြီး မထင်မှတ်ဘဲ အလွဲလွဲအမှားမှားနဲ့ တွေ့ဆုံခဲ့ကြပါတယ် နှစ်ဦးသားအတူတူနေထိုင်ကာ တစ်ယောက်နဲ့တစ်ယောက်ရိုင်းပင်းကူညီရင်း တဖြည်းဖြည်းမေတ္တာတွေတိုးလာခဲ့ကြတယ်။ ယင်ကျန့်တစ်ယောက် ရုံးတော်အရာရှိတစ်ယောက် ဖြစ်လာတဲ့အချိန်မှာလည်း သူတိုရဲ့အမြင်တွေတူညီကာ နှလုံးသားချင်း ထပ်တူကျခဲ့ကြလာပြီး ဘယ်လိုအချစ်တွေပိုကြမလဲ ကျန်တဲ့သခင်လေး ၅ယောက်ကရော သူတိုသမီးလောင်းရွေးချယ်ပွဲက အလျောင်းအလျာတွေနဲ့ ဘယ်လိုအလွဲတွေ ရင်ခုန်စရာတွေဖြစ်ကြမလဲဆိုတာ ဒီဇာတ်ကားလေးမှာ ဆက်ကြည့်လိုက်ရအောင်ပါနော် (အညွှန်းရေးသားထားသူကတော့ Minnie ဖြစ်ပါတယ်) Quality : WEB-DL 720p,1080p Total Episodes : 36 Format : mp4 Genres : Romance, Comedy, Life, Drama Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

ဒီတစ်ခါ တစ်ဆက်ပေးမဲ့ ဇာတ်ကားလေးကတော့၁၈ ရက်နေ့ကမှ ထွက်ရှိထားတဲ့ a girl like me ဆိုတဲ့ ဇာတ်ကားလေးထဲက Guang Xiao Tong မင်းသမီး(Lu Han ရဲ့ Girlfriendလေး) ရဲ့ movieလေးပါ မင်းသားကလည်း အားလုံးနဲ့ မစိမ်းတဲ့ Love desinger ကားလေးထဲက မင်းသားပါနော် ဇာတ်လမ်း အကြောင်းအရာလေးကတော့....ရှောင်ရှီးဆိုတဲ့ ကောင်မလေးက သဘောကောင်းပြီး လူတကာကို ကူညီပေးတတ်တဲ့ အတွင်းစိတ်လှသူလေးဆိုပေမဲ့ သူဟာ အဝလွန်နေတဲ့ လူတစ်ယောက်ဖြစ်တာကြောင့် အပြင်ပန်းကိုပဲမြင်ကြတဲ့ ယောကျာ်းလေးတွေရဲ့ အထင်သေးမှုကိုခံရတဲ့လူတစ်ယောက်ဖြစ်ပါတယ် သို့ပေမဲ့လို့ သူ့ကို ဘယ်တုန်းကမှ အထင်မသေးဖူးဘဲနဲ့ အရာရာဖြည့်ဆည်းပေးတတ်တဲ့လူကတော့ ရှောင်ရှီးရဲ့ အချစ်ဆုံးယောကျာ်းလေးသူငယ်ချင်းဖြစ်တဲ့ နာမည်ကျော်ဂီတထုတ်လုပ်သူ ဟန်ပင်းပါပဲ ရှောင်ရှီးရဲ့ ဆန္ဒတစ်ခုကတော့ အရမ်းချောတဲ့ကောင်လေးတစ်ယောက်နဲ့ ချိန်းတွေ့နိုင်ဖို့ပါ အဲဒါကြောင့် ရှောင်ရှီးက လှပသွယ်လျတဲ့ မိန်းကလေး တစ်ယောက်ဖြစ်ချင်လာခဲ့ပါတယ် ဒါပေမဲ့ သူဟာ အစားအရမ်းကြီးပြီး အားကစားမလိုက်စားတဲ့အတွက် သူ့ရဲ့ဆန္ဒဟာ ပြည့်ဝ မလာခဲ့ပါဘူး သို့ပေမဲ့လည်း ကံကြမ္မာရဲ့ မျက်နှာသာပေးမှုကြောင့် နတ်မင်းတစ်ပါးဆီကနေ အိမ်မက် ပိန်ဆေး ရလာပြီးတော့ သူ့ရဲ့အိမ်မက်လေး အမှန်တကယ်ဖြစ်လာတဲ့ အချိန်ကို ရောက်ရှိလာပါတယ် ဒါပေမဲ့ ပိန်ဆေးရဲ့ဆိုးကျိုးက ၁၀နါရီပဲခံပြီးတော့ အချိန်စေ့သွားတဲ့အခါမှာ ပြန်ပြီးဝလာတာပါ အရာရာတိုင်းမှာ သူ့တန်ရာတန်ကြေးရှိတယ်ဆိုတဲ့အတိုင်း အိမ်မက်ပိန်ဆေးရဲ့ အဖိုးအခက ဘာဖြစ်နေမလဲ ရှောင်ရှီးလေးကရော ကောင်လေးချောချောလေးနဲ့ ချိန်းတွေ့နိုင်မှာလား သူ့ရဲ့ အချစ်ဆုံးသူငယ်ချင်းကရော ဘယ်လိုတွေကူညီပေးမှာလဲ ဆိုတာကို ဆက်လက်ကြည့်လိုက်ကြရအောင်ပါ Filesize : 1.48 GB / 741 MB Quality : WEB-DL 1080p HEVC , 720p HEVC Format : mkv Genres : Romance , Comedy Runtime : 1h 43 min Subtitle : Myanmar Subtitle ( Hardsub ) Translated by CM Team Reviewed By Yamin Ei Encoded by LK