Chris Robson ပါဝင်သော ဇာတ်ကားများ

North to Home (2022) မြန်မာစာတန်းထိုး ဒီကားလေးက မိသားစုနဲ့ အတူကြည့်သင့်တဲ့ ဇာတ်ကားလေးဖြစ်ပါတယ်။ ဟန်နာ၊ ဘက်သ်နဲ့ ပိုစီဆိုတဲ့ ညီအစ်မ ၃ ယောက် အကြောင်းရိုက်ထားတဲ့ ဇာတ်ကားလေးပါ။ တကယ်တော့ သူတို့ ကလေးဘဝက အင်မတန် ဆိုးရွားခဲ့ပါတယ်။ မိဘအရင်းတွေက တောင်တက်ပြီး နှင်းမုန်တိုင်းနဲ့ သေသွားခဲ့ကြတယ်။ အဲ့လိုနဲ့ သူတို့အမေအရင်းရဲ့ အချစ်ဆုံး ဆူဇန်းတို့ လင်မယားက မတော်တဆမှုက သူတို့ မပါလို့ ဖြစ်ရတာလို့ ကိုယ့်ကိုယ်ကို အပြစ်တင်ရင်း သူတို့လေး ၃ ယောက်ကို မွေးစားပြီး ပြုစုပျိုးထောင်ပေးခဲ့တယ်။ ညီအစ်မ ၃ ယောက် အမေ့ရဲ့ အသက် ၆၀ ပြည့်မွေးနေ့ပွဲလေးလုပ်ဖို့ မိဘအိမ်ကို ပြန်လာကြတဲ့အခါ ဘယ်လို အခက်အခဲတွေ ဘယ်လို စိတ်ခံစားမှုတွေကို ကြုံတွေ့ရမလဲ။ ဆောင်းတွင်းလေး စောင်ထဲကွေးပြီး ကြည့်ရင်း မျက်ရည်ကျရမယ့် ဇာတ်ကားလေးပါပဲ။ ဒီကားလေးကို ကြည့်ရင်း “မိသားစု” တန်ဖိုးကို သိကြပါစေလို့ မျှော်လင့်ရင်း ... (ဇာတ်လမ်းအညွှန်းကို Kit က ရေးသားပေးထားပါတယ်။) File Size     : (1.6 GB)(790 MB) and (365 MB) Quality       : WEB-DL 1080P DD5.1CH, 720p Format       : mkv, mp4 Genre         : Drama, Family Subtitle      : Myanmar Subtitle (Hard Sub) Translated by Kit Encoded by Kinnov

ဒီရုပ်ရှင်လေးကို ဘာသာပြန်ပေးတဲ့ ကိုဝေဇင် ကတော့ ပြောရှာပါတယ် ကိုသစ်ရယ် မျက်ရည်တွေ ဝဲတယ်ဗျာ.. တဲ့ ကျနော်လဲ ဒီရုပ်ရှင်လေးကို ကြည့်ပြီး ရင်ထဲမှာ တစ်မျိုးကြီးပဲ ခံစားရတယ်... ခံစားရဆို ဒီရုပ်ရှင်က ဖြစ်ရပ်မှန်ကို အခြေခံပြီး ရိုက်ကူးထားတာပါ... West High School ရဲ့ ဘောလီဘော ချံပီယံ ကျောင်းသူလေးတွေ အကြောင်း ဖြစ်ရပ်မှန် ဇတ်လမ်းပါ West  ဟာ မြို့နယ် အဆင့်မှာ ချံပီယံ ဗိုလ်စွဲထားတာ ဖြစ်ပြီး နောက်တစ်ခေါက် မြို့နယ် အဆင့်ကနေ တိုင်းထိ ဝင်ရောက်ယှဉ်ပြိုင်ဖို့ ကြိုးစားနေကြသူများလဲ ဖြစ်ပါတယ် အဲ့ဒီထဲမှတော့ အတောက်ပဆုံး ကောင်မလေးက အဖွဲ့ခေါင်းဆောင် ကာရိုလိုင်း ပဲ ဖြစ်ပါတယ် ချစ်ဖို့ ကောင်းတဲ့ ရုပ်ရည်လေးနဲ့ လူတိုင်း နှစ်သက်စေမယ့် အပြုံးပိုင်ရှင်လေးပါ သူ့ကို စိတ်ဆိုးနေတဲ့သူတွေကိုဆိုရင် အတင်းကာရော ဖက်ပြီး စိတ်ဆိုးပြေအောင်လဲ လုပ်တက်သူပါ သူနဲ့ ငယ်ငယ်ထဲက အတူကြီးပြင်းလာပြီး ကျောင်းမှာရော ဘောလီဘော အဖွဲ့ထိပါ အတူတူ ရောက်ရှိနေတာကတော့ အချစ်ဆုံးသူငယ်ချင်းလေး ကယ်လီ ဆိုတော့ ကောင်မလေးပေါ့ ကယ်လီက ကယ်ရိုလိုင်း နဲ့ မတူပဲ ခပ်အေးအေး နေတက်သူလေးပါ အမြဲတမ်း ကယ်လီ အတွက် ကယ်ရိုလိုင်းက အသက်ကယ်ဆေးလိုပါပဲ သူဘာလိုအပ်နေတယ်ဆိုတာ ကယ်ရိုလိုင်းပဲ သိတာပေါ့ ဒါကို တကယ့် BFF တွေပဲ နားလည်မှာပါ... ဒီဇတ်လမ်းရဲ့ အညွှန်းကိုတော့ သိပ်မပြောချင်ပါဘူး ကျနော့်လို ဟင် ခနဲ ဟာခနဲ ဖြစ်သွားချင်တယ်ဆို ဆက်ကြည့်ပါ ဝမ်းနည်းတက်သူဆိုရင် တစ်ရှုးလေး ဆောင်ထားပေးပါ .... အာမခံတာကတော့ အဆုံးသတ်လေးက Happy Ending ပါ စပွိုင်းလာ လုပ်တာတော့ မဟုတ်ပါဘူးနော်... ယောင်္ကျားလေးတွေတော့ မဖြစ်မနေ ကြည့်သင့်ပါတယ် ဘာလို့ဆို ဘောလီဘော ကစားတဲ့ မိန်းကလေးတွေ ရဲ့ Body က အရမ်းလှလွန်းတော့ ကြည့်လို့အရမ်းကောင်းလို့ပါ Admin တော့ ခန ခန ကြည့်နေတာပဲ :P ဆက်လက်ကြည့်ရှုပေးပါ.... Thit San Khant

Doomsday (2008) IMDb Rating (5.9) / Rotten Tomatoes (50%) အကောင်းအဆိုးဒွန်တွဲမှုတွေရှိနေပေမယ့် Action/Sci-Fi တွေထဲတော့ ဒီရုပ်ရှင်ကားက မှတ်မိစရာဇာတ်ကားတစ်ကားပါပဲ။ Mad max တို့၊ Escape from New York နဲ့ 28 days later တို့လို ဂန္ထဝင်ဇာတ်ကားကြီးတွေကို မှီငြမ်းအတုယူ၊ အနာဂတ်စစ်သားနဲ့ အလယ်ခေတ် မြင်းစီးချပ်ဝတ်စ်သည်တော်နဲ့ ယှဉ်ပြိုင်တယ်ဆိုတဲ့ စိတ်ကူးကို တစ်စိတ်တစ်ပိုင်း အကောင်အထည်ဖော်၊ ဒါရိုက်တာကြီးကို သူ့ရဲ့အရင် ဇာတ်ကားနှစ်ကားမှာရခဲ့တဲ့ ရုပ်ရှင်ရိုက်ကူးရေးဘက်ဂျက်တွေရဲ့ သုံးဆအထိ ထုတ်ပေးပြီး အားပါးတရ ရိုက်ကူးခိုင်းလိုက်တဲ့အခါ rating တွေထိုးကျ၊ ခရမ်းချဉ်သီးပုပ်တွေ ဟိုတစ ဒီတစနဲ့ ရုံတင်ဝင်ငွေ အရှုံးပေါ်သွားတဲ့ Hollywood Bomb သောက်တလွဲကားကြီး ဖြစ်လာပါတော့တယ်။ စိတ်မပျက်ပါနဲ့ လူကြီးမင်း။ ဘာမှ မခိုင်မာ၊ ယုတ္တိမရှိတဲ့ဇာတ်အိမ်၊ မခိုင်မာ မပြောင်မြောက်တဲ့ ဇာတ်ကောင်စရိုက် ဖော်ကျူးမှု၊ ဟိုမရောက် ဒီမရောက်၊ ဘာကိုကြည့်ရမယ်မှန်းမသိတဲ့ တည်းဖြတ်မှု၊ မလိုအပ်ဘဲ သွေးသံရဲရဲလုပ်ပြနေတာတွေကြောင့် ပျစ်ပျစ်နှစ်နှစ် ဝေဖန်ခံရတဲ့ ဇာတ်ကားလည်း ဖြစ်နေပါသေးတယ်။ ချီးကျူးခံရတဲ့ အရာလေးတွေလည်း ရှိပါသေးတယ်။ ဥပမာ သရုပ်ဆောင်ရွေးချယ်ရေးက အံဝင်ခွင်ကျဖြစ်တာ၊ ဇာတ်ကြောင်းကို အစဉ်လိုက် လှလှပပ ပြနိုင်တာ၊ မှီငြမ်းထားတဲ့ ဇာတ်ကားတွေကို လွမ်းမောဖွယ်လုပ်ပြနိုင်တာ ဘာညာတွေမှာလည်း မဆိုးဘူး ဂွတ်တယ် အပြောခံရပါသတဲ့။ ဇာတ်လမ်းအတွက် စိတ်ကူးကတော့ သိပ်ကိုလှပပြီး ဆန်းကြယ်တာကိုတော့ ဝန်ခံရမယ်ဗျ။ လူသတ်ဗိုင်းရက်စ်ရောဂါပိုး ပြန့်ပွားလာတဲ့ကမ္ဘာမှာ survive လုပ်ရတဲ့ survival ဇာတ်ကားဖြစ်ပါတယ်။ ဒါပေမဲ့ ရှေးက နောင်တော်ဇာတ်ကားကြီးတွေမှာ ရောဂါမဖြစ်တဲ့သူက တံတိုင်းတွေနောက်မှာ ပုန်းအောင်းကြရတာပါ။ ဒါပေမဲ့ ဒီဇာတ်ကားမှာတော့ စဖြစ်တဲ့ zero patients တွေကို တံတိုင်းထဲတည့်ပိတ်ပြီး သေပါစေပစ်ထားလိုက်တဲ့ မဟာကရုဏာရှင်တွေအကြောင်းဖြစ်လို့ မတူတဲ့စိတ်ကူးတော့ ဖြစ်နေပါပြီ။ နောက်ပြီး အန္တရာယ်မြေဖြစ်သွားတဲ့ စကော့တလန်မှာ တံတိုင်းခတ်ခံရပြီး အစွန့်ပစ်ခံလိုက်ရတဲ့ ရှင်သန်ကျန်ရစ်သူတွေမှာ အဖွဲ့နှစ်ဖွဲ့ ကွဲသွားပါတယ်။ မရောက်ဒါး လို့ခေါ်တဲ့ လှည့်လည်ကျက်စား သားရဲများ အဖွဲ့ကတစ်ဖွဲ့။ အလယ်ခေတ် သံချပ်ဝတ်မြင်းစီးစစ်သည်တော်တွေကတစ်ဖွဲ့။ သိပ္ပံခေတ်မှာ လေးမြားဓားလှံတွေနဲ့ လူရာဝင်နေကြသူတွေပေါ့။ တံတိုင်းပြင်ပ ရောဂါမဖြစ်သူတို့မြေမှာ သေမင်းတမန်‌ဗိုင်းရက်စ်က ခေါင်းပြန်ထောင်လာတော့ တံတိုင်းတွင်းက သေရမယ့်လူတွေ မသေတဲ့အဖြစ်ကို သူတို့စိတ်ဝင်စားသွားတယ်။ ‌ဗိုင်းရက်စ်ပေါက်ဖွားဖို့ သိပ်ကောင်းတဲ့ ရေမြေဖြစ်ပြီး ဖင်ချင်းပေါက် ကြပ်ညပ်နေတဲ့ နေရာကျဉ်းကျဉ်း တံတိုင်းထဲမှာ ဒီလူတွေ မသေတာ ကုသနည်းရှိလို့ပဲဆိုပြီး အလန်းစား အမိုက်စား သောက်ကြမ်းကြီး အထူးတပ်ဖွဲ့ဝင် အမျိုးသမီးကို အဖွဲ့တစ်ဖွဲ့ဦးဆောင်စေပြီး တံတိုင်းထဲကို လွှတ်လိုက်တာက ဇာတ်လမ်းစပါတယ်။ ဒီတော့ တံတိုင်းပြင်ပက သူတို့ကိုသေပါစေ ပစ်ထားခဲ့သူတွေအပေါ် တံတိုင်းတွင်းကလူတွေ ဘယ်လိုသဘောထားမလဲ စိတ်ကူးကြည့်ပေါ့။ ဒီလက်တစ်ဆုပ်စာအဖွဲ့လေးက ရှင်သန်သူ နှစ်ဖွဲ့ကြားမှာ သွေးသံရဲရဲသေကုန်တာကလည်း ‌ကြည့်လို့ကောင်းတဲ့ဇာတ်ကွက်တွေပါပဲ။ စားစရာ ရိက္ခာပြတ်လို့ လူသားအချင်းချင်း ပြန်စားနေရပါတယ်ဆိုတဲ့ တံတိုင်းအတွင်းမှာ နွားမအုပ်ကြီးကြားက မင်းသမီးတို့အဖွဲ့ ဖြတ်လာတဲ့အခန်းကိုကြည့်ရတော့ ကိုယ်ပဲဉာဏ်မမီတာလား မပြောတတ်တော့ဘူး။ ရှင်သန်သူတွေက အမဲသားမစားကြတဲ့သူတွေမလို့ဖြစ်မှာပါလေ။ လျှပ်စစ်စွမ်းအင် မရှိတော့လို့ အလယ်ခေတ် မြင်းစီးစစ်သည်တိုင်းပြည်ထူထောင်ကြသူတွေနားက စစ်စခန်းတစ်ခုမှာ အရံမီးစက်တွေ၊ လောင်စာတွေအပြည့်ရှိနေတာ။ သေတ္တာကြီးထဲက ကားအကောင်းစားတစ်စင်းထုတ်ယူလာပြီး ဆီအပြည့်ထည့် မောင်းထွက်သွားတဲ့ မင်းသမီးတို့အဖွဲ့ကိုတွေ့ရတော့ ဟိုရှင်သန်သူအဖွဲ့က လိုအပ်ရင်သုံးမလို့ ဥထားတာပါလို့ပဲ တွေးမိပါတယ်။ ဒါပေမဲ့ နှစ်အစိတ်လောက်သက်တမ်းရှိတဲ့ဓာတ်ဆီက ကားထဲထည့်မောင်းလို့ရသေးတယ်ဗျ။ တော်တော်ကောင်းတဲ့ ဓာတ်ဆီတွေပါဗျာ။ အင်္ဂလန်ထုတ် ဖြစ်နေလို့နဲ့တူပါရဲ့။ ဒါပေမဲ့ ဒီအချက်တွေကို ဇာတ်ကားကို ဇာတ်ကားလိုပဲကြည့်ဟဲ့ဆိုပြီး သည်းခံလိုက်ရင်တော့ CGI အမိုက်စား၊ သရုပ်ဆောင်ကောင်းကောင်း၊ အရင်က ဂန္တဝင်ဇာတ်ကားကြီးတွေရဲ့ အငွေ့အသက်တွေ၊ အလန်းစား ဖိုက်တင်ကတ်တွေနဲ့ ရင်ကိုထိတဲ့ဇာတ်ကားဖြစ်ပါကြောင်း။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှ တင်ဆက်ထားပါတယ်။) File size - (3.1 GB)/(1.5 GB) Quality - BluRay HEVC 1080p / 720p Format - mkv / mp4 Duration - 01:53:43 Subtitle - Myanmar Subtitle (Hardsub) Encoder - Benjamin Translated by Arr Khun Winchester

Sky Captain and The World of Tommorrow ဇာတ်ကားဟာ 2004 ခုနှစ်ကထွက်ရှိထားတဲ့ စိတ်ကူးယဉ်သိပ္ပံဇာတ်ကားလေးဖြစ်ပါတယ် Imdb rating အနေနဲ့ 6.1/10 ထိရရှိထားပြီး rotten tomatoes 71% ထိရရှိထားပါတယ် သရုပ်ဆောင်တွေကတော့ နာမည်ကြီးတွေဖြစ်တဲ့ Jude Law,Angelina Jolie,Gwyneth Paltrow တို့ပါဝင်သရုပ်ဆောင်ထားပါတယ် ဇာတ်လမ်းအကျဉ်းလေးကတော ွ့ းပညာတွေတိုးတက်ခေတ်မီနေတဲ့ 1939 ခုနှစ်မှာ သိပ္ပံပညာရှင်တစ်ဦးဖြစ်သူ ဒေါက်တာ Vargas တစ်ယောက် အရေးကြီးပစ္စည်းတစ်ခုပို့ဆောင်ရင်း ရုတ်တရက်ပျောက်ဆုံးသွားပါတယ် ဤဖြစ်ရပ်နဲ့အလားတူ သိပ္ပံပညာရှင် ငါးဦးတိတိပျောက်ဆုံးမှုကိုလေ့လာစုံစမ်းနေတဲ့ သတင်းထောက်မလေး Polly Perkins ဟာ စုံစမ်းရင်း ဒေါက်တာ Jennings နဲ့တွေ့ဆုံခဲ့ပါတယ် တွေ့ဆုံစဉ် ဒေါက်တာ Jennings မှ ဒေါက်တာ Tokenkopf ဆိုသူ၏နောက်ပစ်မှတ်မှာ သူဖြစ်ကြောင်းပြောခဲ့ပါတယ်..... ထိုစဉ်ရုတ်တရက် အစွမ်းထက်စက်ရုပ်များ သူမတို့မြို့ကိုတိုက်ခိုက်လာပါတော့တယ်.... စက်ရုပ်များကိုတန်ပြန်တိုက်ခိုက်သူ Sky Captain လို့ခေါ်တဲ့ ဟီးရိုး Joe Sullivan....... တိုက်ပွဲကြားမှာ သက်စွန့်ဆံဖျားရိုက်ချက်တွေနဲ့ နောက်ကွယ်က ဖြစ်ရပ်တွေကိုစုံစမ်းဖို့ အဓိကနေရာမှပါဝင်လာတဲ့ သတင်းထောက်မလေး Polly...... ကမ္ဘာတစ်ဝှမ်း စက်ရုပ်တိုက်ခိုက်မှုများဖြစ်ပွားလာမှုနဲ့အတူ...... သူတို့နှစ်ယောက် ဒီ ပြဿနာတွေကိုဘယ်လို စုံစမ်းဖော်ထုတ်ပြီး ဖြေရှင်းမယ်ဆိုတာ စိတ်ဝင်စားဖွယ်ကြည့်ရှုရမယ့် စိတ်ကူးယဉ်သိပ္ပံအက်ရှင်ကားကောင်းလေးတစ်ကားဖြစ်ပါတယ် File Size : (850 MB) and (350 MB) Quality : Blu-Ray 720p Running Time : 1hr 46min Format : Mp4 Genre : Action, Adventure, Mystery Subtitle : Myanmar Subtitle (Hard Sub) Source : 1080p.BluRay.x264-YIFY Translated by Hein Tet Soe Encoded by Thanhtike Zaw

စကော့တလန်ရဲ့ တောင်တန်းဒေသတစ်ခုမှာ ဗြိတိသျှစစ်သားတစ်ဖွဲ့ လေ့ကျင့်ရေးလာဆင်းကြပါတယ်။ သူတို့ရောက်နေတဲ့အချိန်က လပြည့်နေ့နဲ့လည်း နီးလာပြီး သမန်းဝံပုလွေတွေရဲ့ တိုက်ခိုက်မှုကို ကြုံရတော့တယ်။ လေ့ကျင့်ရေးခရီးကနေ အသက်ရှင်ဖို့ ပြန်လည်ခုခံရတဲ့ အခြေအနေကို ရောက်သွားကြတာပါ။ ၂၀၀၂ ခုနှစ်ထွက် ဒီထိတ်လန့်အက်ရှင်ဇာတ်ကားမှာ ဘယ်သူတွေ လွတ်မြောက်နိုင်မလဲ၊ ဘယ်လိုလှည့်ကွက်တွေ ရှိနေမလဲဆိုတာ ဆက်ကြည့်ရမှာပါ။

စိတ်ပညာရှင်လည်းဖြစ်၊ စုံထောက်လည်းဖြစ်တဲ့ ဒေါက်တာအဲလက်စ်ခရော့စ်ဟာ စစ်ဆင်ရေးတစ်ခုမှာ တွဲဖက်ကို ဆုံးရှုံးခဲ့ရပြီးနောက် ကိုယ့်ကိုယ်ကိုယ် ခွင့်မလွှတ်နိုင် ဖြစ်နေပါတယ်။ အဲဒီကတည်းက ဘဝကို ရည်ရွယ်ချက်မရှိဘဲ ဖြတ်သန်းနေခဲ့တာပါ။ ရှစ်လအကြာမှာတော့ ပြည်နယ်လွှတ်တော်အမတ် ဟန့်ခ်ရို့စ်ရဲ့ သမီးလေးရို့စ် ပြန်ပေးဆွဲခံလိုက်ရတယ်။ ကိုယ်ပိုင်ကျောင်းတစ်ခုမှာ ကျောင်းတက်နေတဲ့ ကလေးမလေးဟာ Secret Service ရဲ့ စောင့်ရှောက်မှုအောက်မှာ ရှိနေရင်းနဲ့ပဲ ပြန်ပေးဆွဲခံခဲ့ရတာ ဖြစ်ပါတယ်။ ပြန်ပေးသမားက အဲလက်စ်ဆီ ဖုန်းဆက်ပြီး သူ့ကစားပွဲထဲ ဝင်ပါဖို့ ခေါ်လာတော့တယ်။ အဲလက်စ်အနေနဲ့ ပြန်ပေးသမားရဲ့ ကစားပွဲကို အနိုင်ယူနိုင်မလား၊ ရို့စ်ကိုရော ကယ်ထုတ်နိုင်ပါ့မလား၊ အမှုနောက်လိုက်ရင်း ဘယ်လိုအန္တရာယ်နဲ့ အလှည့်အပြောင်းတွေ ကြုံရမလဲဆိုတာ ဆက်တွေ့ရမှာပါ။ ၂၀၀၁ ခုနှစ်မှာ ထွက်ရှိခဲ့ပြီး မော်ဂန်ဖရီးမန်းက အဲလက်စ်ခရော့စ်အဖြစ် သရုပ်ဆောင်ထားပါတယ်။

Scary Movie franchise ရဲ့ပထမဆုံးဇာတ်ကားပါ။ ဒီဇာတ်ကားလေးကတော့ 1996 ခုနှစ်နဲ့ကထွက်ရှိထားတဲ့ Scream ဆိုတဲ့movieရယ် 1997ခုနှစ်ကထွက်ရှိထားတဲ့ I Know What You Did Last Summer ရယ်ကို အခြေခံပြီး ဟာသဆန်ဆန်ရိုက်ကူးထားခြင်းဖြစ်ပါတယ်။ ညတစ်ညမှာ စင်ဒီကမ်ဘဲလ်တို့ သူငယ်ချင်းအုပ်စုက သောက်စားပျော်ပါးကာကားမောင်းလာကြရင်း လူတစ်ယောက်ကို မတော်တဆတိုက်သတ်မိခဲ့တယ်။ လူငယ်တွေဖြစ်တဲ့အတွက်ကြောက်လန့်တကြားနဲ့ အလောင်းကိုဖျောက်ပစ်ခဲ့မိတယ်။ ဒီလိုနဲ့ ၁နှစ်အတိပြည့်တဲ့နေ့မှာ သူတို့တက်နေတဲ့တက္ကသိုလ်မှာ လူသတ်မှုတစ်ခုဖြစ်ပွားသွားတယ်။ ဒါကတိုက်ဆိုင်မှုပဲလား ဒါမှမဟုတ် သူတို့သတ်ခဲ့တဲ့လူနဲ့ဘယ်လိုပက်သတ်နေမလဲဆိုတာကိုတော့ ဟာသဆန်ဆန်ရိုက်ကူးထားတဲ့ဒီဇာတ်ကားလေးကိုကြည့်ရှုရင်းသိရမှာပါ File Size : 1.8 GB / 1.4 GB Quality : Blu-Ray 1080p / 720p Running Time : 1hr 28min Format : Mp4 Genre : Comedy Subtitle : Myanmar Subtitle (Hard Sub)