အေးဂျင့်ကေဟာ အရင်ရုပ်ရှင်မှာ အေးဂျင့်ဂျေကို သူသိသမျှ၊ တတ်သမျှ သင်ပေးခဲ့ပြီး Men in Black အဖွဲ့ကနေ အနားယူသွားပါတယ်။ အနားယူတဲ့အခါ ဒီအလုပ်နဲ့ပတ်သက်သမျှ ဘာမှ မမှတ်မိချင်တော့လို့ သူ့ရဲ့မှတ်ဉာဏ်တွေကို ဖျက်ပေးဖို့ ဂျေကို တောင်းဆိုခဲ့တာပါ။ အခု ကေမရှိတော့တဲ့နောက် ဂျေဟာ အလုပ်မှာ တလွဲတွေ လုပ်တတ်တဲ့ တွဲဖက်အသစ်နဲ့ အဆင်မပြေ ဖြစ်နေပါတယ်။ အဲဒီအချိန်မှာပဲ အရင်က ကမ္ဘာကို ရောက်လာဖူးပြီး MIB နဲ့ ရင်ဆိုင်ရာမှာ ရှုံးနိမ့်ခဲ့တဲ့ ဂြိုဟ်သားမ ဆယ်လီနာ ပြန်ရောက်လာတယ်။ သူရှာနေတာက ဇာသန်တွေရဲ့ အလင်းရောင်စွမ်းအားပါ။ ကေ ငယ်ရွယ်စဉ်တုန်းက ဇာသန်တွေဟာ သူတို့ဂြိုဟ်ရဲ့ တန်ဖိုးရှိတဲ့အရာကို စောင့်ရှောက်ပေးဖို့ ကေနဲ့ MIB ဆီ အပ်နှံခဲ့ကြပြီး အဲဒါကို လုယူဖို့ ဆယ်လီနာ ပြန်လာတာ ဖြစ်ပါတယ်။ ဒီအကြောင်းတွေကို သိထားတဲ့ ကေကို အဖွဲ့ထဲ ပြန်ခေါ်ဖို့ ဂျေ တာဝန်ယူရပါတော့တယ်။ ဒါပေမယ့် သူပြန်ခေါ်ရမယ့် ကေက MIB မှာ လုပ်ခဲ့သမျှကို မမှတ်မိတော့တဲ့သူပါ။
ဇာတ်ကားကြည့်ရန်