Christopher Sciueref ပါဝင်သော ဇာတ်ကားများ

Season 1 အပိုင်း ( ၁ မှ ၆ ) အထိ စ / ဆုံး သမိုင်းအဆက်ဆက် ထင်ရှားတဲ့ အင်ပါယာကြီးတွေကို ပြန်ကြည့်လိုက်ရင် မဟာအလက်ဇန္ဒားရဲ့ အင်ပါယာ ကို ချန်ထားခဲ့လို့မဖြစ်ပါဘူး။ အလက်ဇန္ဒား က မာစီဒိုးနီးယန်း ဆိုတဲ့ ဂရိပြည်သေးသေးလေးကို အာဖရိကနဲ့ အရှေ့ အလယ်ပိုင်းတစ်ခုလုံးအထိ ကျယ်ပြန့်အောင် အောင်ပွဲ အလီလီနဲ့ ချဲ့ထွင်နိုင်ခဲ့ပါတယ်။ ရက်စက်ကြမ်းတမ်းတဲ့ စစ်ဘုရင်တဖြစ်လည်း စစ်သူကြီး မဟာအလက်ဇန္ဒားရဲ့ ဘဝက ငယ်စဉ်ကတည်းက ချောမွေ့ခဲ့တာတော့မဟုတ် ပါဘူး။ ဖခင်ဖြစ်သူက သတ်မိမလိုဖြစ်တာကြောင့် အဝေးကို ထွက်ပြေးတိမ်းရှောင်ခဲ့ရပါတယ်။ အဲဒီလိုနဲ့ ဖခင်ကြီး သေဆုံးလို့ နန်းတက်လာတဲ့အချိန်ရောက်တော့လည်း ပါရှန်းအင်ပါယာကြီး ဘုန်းတန်ခိုးထွားနေတဲ့အချိန်နဲ့ တိုက်ဆိုင်နေပြန်ပါသေးတယ်။ လူမလေး ခွေးမခန့်တဲ့ ဘုရင်ငယ်လေးအဖြစ်ကနေ ကျယ်ပြောလှတဲ့ အင်ပါယာ ကြီးဖြစ်လာအောင် ဘယ်လိုထူထောင်ခဲ့လဲဆိုတာကို ဒီမှတ်တမ်းရုပ်ရှင်မှာ ခံစားကြည့်ရှုရမှာပါ။ ဇာတ်လမ်းတင်ဆက်ပုံကတော့ အလက်ဇန္ဒားတည်ဆောက် ခဲ့တဲ့ အလက်ဇန်ဒရီရာ မြို့ကို ရှေးဟောင်းသုတေသန ပညာရှင်တွေက တူးဖော်ရင်း အလက်ဇန္ဒားအကြောင်းကို ပြန်ပြောင်းပြောပြတဲ့ပုံစံမျိုးနဲ့ ရောနှောတင်ဆက်ထားတာ ဖြစ်ပါတယ်။ သမိုင်းအကြောင်းအရာတွေလည်း ပြည့်ပြည့် စုံစုံလေး ထည့်သွင်းရိုက်ကူးထားတာမို့ အချိန်ပေးကြည့်ရှု ရကျိုးနပ်တယ်လို့ ခံစားရမဲ့ series တစ်ခုဖြစ်မှာ သေချာပါတယ်။ File Size –( 859MB ) Quality –WEB-DL  1080p HEVC Episodes -  6 Eps Duration -  45 min Subtitle – Myanmar Hardsub Format – mkv Genre :  Documentary , Drama , History Translator – Wil , Saw Lay & Aoi Encoder –  Min Wai

ဖခင်ဖြစ်သူက ၁၃နှစ် သမီးမှာ တခြားမိန်းမနောက်လိုက်သွားပြီး သူတို့ သားအမိကို ချန်ထားခဲ့တဲ့နောက် မိခင်ဖြစ်သူကလည်း ကင်ဆာရောဂါနဲ့ သေဆုံးသွားပါတယ်။ ဒီတော့ မိဘတွေ အမွေချန်ထားရစ်တဲ့ မြင်းဇောင်းရယ် ရိုင်ဖယ်တစ်လက်ရယ် မြင်းအိုတစ်ကောင်ရယ်နဲ့ နမက်ဆစ်တစ်ယောက် ကြီးပြင်း လာပါတယ်။ တစ်ရက်ကျ ဖြတ်သွားနေကြ ဘုရားကျောင်းကို အမှတ်မထင် ဝင်ရောက်ခဲ့ပြီး နမက်ဆစ်ဟာ ရှေ့ဖြစ်ဟော တစ်ယောက်နဲ့ တွေ့ရှိကာ သူဟာ သာမန်လူမဟုတ်ပဲ မသေမျိုး စိတ်ဝိဉာဉ်ဖြစ်တဲ့ ဝိဉာဉ်သူရဲကောင်းဖြစ်ကြောင်း မကောင်းမှုတွေကို ကံကြမ္မာအလိုရ ဖယ်ရှားရမယ်ဆိုတာကို ပြောပြသွားပါတယ်။ ဒီလိုနဲ့ နမက်ဆစ်တစ်ယောက်ကို ဟီးရိုးဖြစ်လာတဲ့အချိန် တစ်ဖက်မှာလည်း အိမ်တွင်းအကြမ်းဖက်သမားများကို လိုက်လံသတ်ဖြတ်နေတဲ့ ထူးဆန်းတဲ့ဂိုဏ်းတစ်ဂိုဏ်းနဲ့ တွေ့ရှိခဲ့ ချိန်မှာတော့…..။ File size…1.05GB / 458MB Quality…WEB-Rip 1080p  / 720p Format…mp4 Duration….1h 59m Genre ….. Adventure , Fantasy , Sci-Fi Subtitle….Myanmar Subtitle (Hard Sub) Encoder….Min Wai Translated by Eainmat

ဒီနှစ်ထဲမှာ အသစ်ထွက်ရှိလာတဲ့ ခရမ်းချဉ်သီးပုပ် ၆၀နဲ့ IMDb 6.1 ရရှိထားတဲ့ Rise of the Footsoldier franchise ရဲ့ sequel ရုပ်ရှင်သစ်တခုဖြစ်ပါတယ်။ ဒီရုပ်ရှင်ထဲမှာလည်း Rise of the Footsoldier ရဲ့ပင်တိုင်သရုပ်ဆောင်ကြီး ခရိတ်ဖဲဘရက်စ်က ပတ်တိတ် နေရာကနေ ထပ်မံသရုပ်ဆောင်ထားပါတယ်။ ဇာတ်လမ်းအကျဉ်းကတော့ မှောင်ခိုလောကမှာ ဆေးအရောင်းအ၀ယ်အလုပ်လုပ်နေတဲ့ ပတ်ရဲ့မိတ်ဆွေဖြစ်သူဟာ ရက်ရက်စက်စက်သတ်ဖြတ်ခံလိုက်ရတာကြောင့် ပတ်တိတ်ဟာ မိတ်ဆွေဖြစ်သူအတွက် လက်စားချေပေးဖို့ရာ ဒီလူသတ်မှုရဲ့ နောက်ကွယ်ကတရားခံကို လိုက်လံစုံစမ်းရင်းကနေ မှောင်ခိုလောကရဲ့ထုံးစံအတိုင်း ရဲတပ်ဖွဲ့တွေ ဂိုဏ်းတွေနဲ့ ဇာတ်ရှုပ်ရပါတော့တယ်။ ဇာတ်လမ်းအကြောင်းကို အများကြီးမပြောတော့ပါဘူး ဖိုက်တင်ပလေးတာတွေကတော့ ကြမ်းတယ်လို့ပြောလို့ရမယ့်အထဲမှာပါပါတယ်။ သရုပ်ဆောင်ချက်တွေနဲ့ ဇာတ်လမ်းဇာတ်ကွက်တွေက တော်တော်အဆင်ပြေတဲ့အထဲမှာပါတာမလို့ အက်ရှင်ကားကြမ်းကြမ်းကြည့်ချင်နေတဲ့သူတွေအတွက်ကတော့ သင့်တော်မှာဖြစ်ကြောင်း ညွှန်းဆိုပေးလိုက်ပါတယ်။ File size…(1.6 GB)/(861 MB) Quality….Webrip 1080p / 720p Format…mp4 Duration….01:52:00 Genre...Action, Drama, Thriller Subtitle….Myanmar Subtitle (Hardsub) Encoder….Mr. Anderson Translated by Steven Khant

~ IMDb - 8/10, Rotten Tomatoes - 96% ~ Mission: Impossible – Fallout (2018) ရဲ့ အဆက်ဖြစ်တဲ့ Dead Reckoning Part 1 လာပါပြီ။ ဒါဟာ သတ္တမမြောက် M:I ရုပ်ရှင်ပဲဖြစ်ပါတယ်။ Fallout, Top Gun တို့ရဲ့ ဇာတ်ညွှန်းဆရာ Christopher McQuarrie ကပဲ ဇာတ်ညွှန်းရေးသား ရိုက်ကူးတင်ဆက်ထားတာဖြစ်ပါတယ်။ ဒီရုပ်ရှင်ဟာ နှစ်ကားတွဲဖြစ်ပြီး Dead Reckoning Part II ကိုလည်း ဆက်ပြီးရိုက်ကူးသွားမှာပါ။ တွမ်ခရုရဲ့ သက်စွန့်ဆံဖျားစတန့်တွေနဲ့ နာမည်ကြီးခဲ့တဲ့ M:I ရုပ်ရှင်တွေဟာ ဒီကားမှာလည်း အရှိန်ကို ဆက်ထိန်းထားတုန်းပါပဲ။ ဝေဖန်ရေးဆရာတွေရဲ့ Rating တွေအရ M:I ၇ ကားထဲမှာ Dead Reckoning Part I ဟာ အကောင်းဆုံးအဖြစ် ရပ်တည်နေပါတယ်။ တွမ်ခရုရဲ့ အရင်ရုပ်ရှင်ထဲက သရုပ်ဆောင်တွေ ပြန်ပါလာကြသလို မင်းသမီးအသစ်အနေနဲ့ ကပ္ပတိန်အမေရိကန်ရဲ့ ချစ်သူ၊ S.H.I.E.L.D. အဖွဲ့တည်ထောင်သူ အေးဂျင့်ကာတာ အဖြစ် သရုပ်ဆောင်ခဲ့တဲ့ Hayley Atwell နဲ့ GoTG မှာ Mantis လုပ်ခဲ့တဲ့ Pom Klementieff တို့ ပါဝင်ထားပါတယ်။ ~ ဇာတ်လမ်းအကျဉ်း ~ ဒီတစ်ခါ ရန်သူကတော့ လူပုဂ္ဂိလ်အဖွဲ့အစည်းမဟုတ်တော့ပါဘူး။ လူတွေနဲ့ချရတာ ဦးခရုအတွက် အရမ်းလွယ်နေပါပြီ။ တစ်ကမ္ဘာလုံးက စနစ်တွေ နက်ဝက်တွေကို ဖောက်ဝင်ပြီး ထိန်းချုပ်နိုင်စွမ်းရှိတဲ့ စက်ဦးနှောက် AI တစ်ခုဟာ ကိုယ်ပိုင်စဉ်းစားဉာဏ်နဲ့ လူတွေကို ပြန်ပြီး တိုက်ခိုက်လာတာဖြစ်ပါတယ်။ အဲဒီ AI ကို Entity (သတ္တဝါ/အရာဝတ္ထု သက်ရှိ) လို့ နာမည်ပေးထားလိုက်ကြပါတယ်။ ဒီ အန်တတီကိုနိုင်မယ့် နည်းပညာမရှိတော့ပေမဲ့ ထိန်းချုပ်နိုင်တဲ့ သို့မဟုတ် သတ်ပစ်နိုင်တဲ့ လျှို့ဝှက်ချက်ဟာ သော့တစ်ချောင်းအပေါ်မှာ မူတည်နေပါတယ်။ အဲဒီသော့ဟာလည်း အပိုင်းနှစ်ပိုင်းရှိပြီး တစ်ကမ္ဘာလုံးက အစိုးရတွေက ကိုယ်ပိုင်အသုံးချနိုင်ဖို့ အပြိုင်အဆိုင်လိုက်နေကြပါတယ်။ အဲဒီသော့ကို ရဖို့အတွက် IMF ကို တာဝန်ပေးခံရတဲ့အခါ အီသန်ဟန့်နဲ့အဖွဲ့လည်း နောက်ထပ် မဖြစ်နိုင်စရာစစ်ဆင်ရေးတစ်ခုကို ဆင်နွှဲရပါတော့တယ်။ (ဒီဇာတ်ကားနဲ့အညွှန်းကို Mr. Anderson မှ ပြန်ဆို ရေးသားထားပါတယ်) Size -12GB/ 3.83 GB / 1.4 GB Quality - WEB-DL4K/ 1080p / 720p IMDb Rating - 8/10 Format - mp4 Duration - 2H 43Min Genre - Action, Adventure, Thriller Subtitle - Myanmar Subtitle (Hardsub) Translated by Mr. Anderson Encoded by SWM

Never Back Down : Revolt (2021) ဒီကားလေးက ၂၀၀၈ခုနှစ်ကထွက်ခဲ့တဲ့ Never Back Downကို Revolt လုပ်ထားတဲ့ ဇာတ်ကားလေးတစ်ကားပါ။ ရောမခေတ်က လူတွေကိုသတ်ကွင်းထဲထည့်ပြီး အချင်းချင်းသတ်ခိုင်းပြီး ကြည့်ကြသလိုပဲ။ တိုက်ရည်ခိုက်ရည်ရှိတဲ့အမျိုးသမီးတွေကို လိမ်ညာလှည့်စားခေါ်ပြီးတော့ အချင်းချင်းထိုးခိုင်းတဲ့ကားပါ။ ဇာတ်လမ်းအကျဉ်းကတော့ အစ်ကိုဖြစ်သူက မြေအောက်လက်ဝှေ့လောကမှာ လုပ်ပွဲလုပ်ဖို့ သဘောတူခဲ့ပြီးမှ ချိုးဖောက်ခဲ့လို့ သူဌေးကြီးတစ်ယောက်ဆီမှာအကြွေးတင်သွားရာကနေစပါတယ်။ အစ်ကိုနဲ့ညီမနှစ်ယောက်တည်းရှိတာဆိုတော့ အစ်ကို့ရဲ့အဲ့ဒီအကြွေးအတွက် ညီမဖြစ်သူကဆပ်ပေးဖို့လုပ်ရာကနေ..... ဒီဇာတ်ကားလေးက သကာရည်လောင်းထားတဲ့မစင်ပုံကြီးလိုမျိုး တချို့လူတွေက အပေါ်ယံချိုမြိန်မှုတွေနဲ့ ကိုယ့်ယုံကြည်မှုကို ရယူပြီး ရောင်းစားသွားတတ်တာကိုပြသွားတဲ့ အမျိုးသမီးဖိုက်တာကားပဲ ဖြစ်ပါတယ်။ အညွှန်း နဲ့ ဘာသာပြန်ကတော့ Chit Tee ပဲ ဖြစ်ပါတယ်။ Genre.....Action, Drama, Sports Quality….WEB-DL 1080p and 720p and 480p File size…1.2GB and 912MB and 479MB Format…mp4 Duration….1h 29min Subtitle….Myanmar Subtitle (Hardsub) Translator .....Chit Tee Encoder .....August

မွတ်စလင်ဘာသာမှာ အထွတ်အမြတ်ထားရတဲ့ ဖာတီမာဆိုတဲ့ အမျိုးသမီးတစ်ယောက်ရှိပါတယ်။အဲ့ဒီအမျိုးသမီးကတော့ The Lady Of Heaven (ကောင်းကင်ဘုံရဲ့အမျိုးသမီး) လို့ခေါ်ဆိုကြပြီး အဲ့ဒီအမျိုးသမီးရဲ့ အကြောင်းအသေးစိတ်ကို ဒီဇာတ်ကားထဲမှာ ရိုက်ကူး ပြသထားတာပဲဖြစ်ပါတယ်။ ဇာတ်လမ်းဇာတ်ကွက်တွေကတော့ ဒီအတိုင်းအမျိုးသမီးဖာတီမာရဲ့အကြောင်း သီးသန့်ရိုက်ကူးထားတာမဟုတ်ဘဲနဲ့ ISIS တွေကြောင့် စစ်ဖြစ်နေတဲ့နိုင်ငံမှာ အမေဖြစ်သူကိုဆုံးရှုံးခဲ့ရတဲ့ လိတ် ဆိုတဲ့ကောင်လေးတစ်ယောက်နဲ့ ဇာတ်အိမ်ဖွဲ့ထားတာပဲဖြစ်ပါတယ်။ လိတ်က သူ့အမေကိုဆုံးရှုံးပြီးတဲ့ နောက်မှာ စစ်သားတစ်ယောက်နဲ့ အမေဖြစ်သူနေထိုင်တဲ့ အိမ်မှာနေထိုင်ခဲ့ရပါတယ်။ လိတ်စိတ်ဓာတ်ကျ အားငယ်လာတဲ့အချိန်မှာ အန်တီကြီးက သူ့ကို ဖာတီမာအကြောင်း ပြောပြပြီးတော့ ခွန်အားပေးလေ့ရှိပါတယ်။ဒီလိုနဲ့ မွတ်စလင်တွေရဲ့ စိတ်ခွန်အားတက်စရာ ရှေ့ဆောင်လမ်းပြကောင်းတစ်ယောက်ဖြစ်ခဲ့တဲ့ အမျိုးသမီးဖာတီမာရဲ့ အကြောင်းကို ပုံပြင်တစ်ပုဒ်ကို လိတ်နဲ့အတူနားထောင်နေသလိုမျိုး ကြည့်ရှုရမဲ့ဇာတ်ကားလေးပဲဖြစ်ပါတယ်။ File size…2.38 GB/ 1.11GB Quality…WEB-Rip 1080p / 720p Format…mp4 Duration….2h 21m Genre ….. Action , Drama , History Subtitle….Myanmar Subtitle (Hard Sub) Encoder….Min Wai Translated by Saw Lay

Action ကားကောင်းကြိုက်သူတွေအတွက် 2019 ထွက် Action ကားအသစ်စက်စက်ကြမ်းကြမ်းရမ်းရမ်းဇာတ်ကားလေးတစ်ခုပါ။ ဇာတ်လမ်းအစမှာတစ်မျိုးပေမဲ့ ဇာတ်လမ်းကဆွဲခေါ်သွားပုံလေးကစိတ်ဝင်စားစရာကောင်းပါတယ်။ ကိန်းဆိုတဲ့ထောင်သားတစ်ယောက် ဆေးရုံကအမေဖြစ်သူကို အစောင့်အရှောက်တွေနဲ့ လာတွေ့တာကနေစပါတယ်။ ဆေးရုံအဝင်ဝမှာပဲ မိခင်ဖြစ်သူဆုံးသွားပြီဆိုတာ သိလိုက်ရတော့ မိခင်ရဲ့နောက်ဆုံးအချိန်ကိုမမှီလိုက်သူတစ်ယောက်အနေနဲ့ မျှော်လင့်ထားတဲ့အတိုင်း လုံခြုံရေးတွေကိုလှဲသိပ်ပြီး ပြေးပါလေရော။ ဒီထိမထူးခြားပေမဲ့ ကိန်းဆိုသူရဲ့နောက်ကြောင်းကို ဖြေးဖြေးစီ ထိုးပြလာတဲ့အခါမှာတော့ ကိန်းဟာဘယ်လိုလူမျိုးဆိုတာ သိလာရပြီး ဇာတ်ရည်လည်လာသလို ဘာကြောင့်လဲဆိုတဲ့အဖြေတွေကိုဖြေးဖြေးချင်းတွေ့ရမှာပါ။ တိုက်ခိုက်ပုံအကြမ်းစားအလန်းစားတွေကိုလည်းတွေ့မြင်ရမှာဖြစ်ပါတယ်။ Rating ကလည်း 6.7 နဲ့ ဇာတ်ဆောင်မင်းသားကလည်း လူသိများပြီး မင်းသားပဲဖြစ်တဲ့အတွက် အကြောင်းသိပရိသတ်တွေကျေနပ်စေမဲ့ကားပါ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ Thura Zarni Aung ပါ) File Size : (750 MB) Quality : WEB-DL ,720p Running Time : 1hr 30min Format : Mp4 Genre : Action, Crime Subtitle : Myanmar Subtitle (Hard Sub) Source : 1080p.WEB-DL.DD5.1.H264-FGT Translated by Thura Zarni Aung Encode by THZ

Exodus: Gods and Kings (2014) IMDb Rating (6.0) Director ကြီး Ridley Scott ရိုက်ကူးထားပြီး မင်းသား Christian Bale ခေါင်းဆောင် ပါဝင်ထားတဲ့ အီဂျစ်ခေတ် ရာဇဝင်ရုပ်ရှင်ကားကြီးပါ။ ဒီကားလေးက ကျွန်တော်တို့ငယ်ငယ်တုန်းက animation ဇာတ်ကားတစ်ကားထွက်ခဲ့ဖူးပါသေးတယ် တော်တော်များများလဲ ကြိုက်ကြတဲ့ကားလေးတစ်ကားပါ အီဂျစ် အကြောင်းစိတ်ဝင်စားတဲ့လူတွေဆိုပိုသိမှာပါ Myth တွေ ကြိုက်တဲ့လူတွေအတွက် ကြည့်လို့ကောင်းရုပ်ရှင်တကားပါပဲ။ ဇာတ်လမ်းအကျဉ်းချုံးကိုပြောရမယ်ဆိုရင်တော့ ဟောစာတမ်းတစ်ခုကနေစရမှာပါ အဲ့တုန်းက ဟီဘရူး(ဂျူး)လူမျိူးတွေကို အီဂျစ်ဘုရင်က ကျွန်အဖြစ်သိမ်းသွင်းထားတဲ့အချိန်ဖြစ်ပါတယ် ဟောစာတမ်းအရ နန်းလုခံရမှာစိုးလို့ အီဂျစ်ဘုရင်က ဟီဘရူးကလေးငယ်တွေအကုန်လုံးကို သတ်ခိုင်းခဲ့ပါတယ် ဒါပေမယ့် ကလေးငယ်တစ်ယောက်တော့လွတ်မြောက်သွားခဲ့ပြီး ဟီဘရူးလူမျိုးတွေကို ကျွန်အဖြစ်ကနေ လွတ်မြောက်အောင် စွမ်းဆောင်နိုင်မလားဆိုတာ...။ File size…(7.9 GB)/(2.9 GB )/(2.1 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:30:00 Subtitle….Myanmar Subtitle (Hardsub) Encoder….Ka Naung Translated by Kaung Myat Thu

300: Rise of an Empire (2014) IMDb - 6.2/10 Rotten - 44% #ရုပ်ရှင်မိတ်ဆက် ဒီကားကတော့ 2006 ခုနှစ် တုန်းက ထွက်ခဲ့တဲ့ 300 ဇာတ်ကားရဲ့အဆက် အဖြစ် ရိုက်ကူးထားတာဖြစ်ပါတယ်။ ဒီကားက 300 လောက်သိပ်မကောင်းပါဘူး။ အထူးသဖြင့် ဒီကားမှာ စစ် ပွဲကောင်းကောင်းတွေ တွေ့ရမယ်လို့ မျှော်လင့်ထားတဲ့ ကျွန်တော်အတွက်တော့ စိတ်ပျက်စရာဖြစ် ခဲ့ပါတယ်။ ဇာတ်လမ်းကတော့ Themistokles ဆိုတဲ့ အေသင် မြို့က စစ်သူကြီး က ပထမဆုံးအကြိမ် Persian တွေ စစ်ချီလာကတည်းက ရင်ဆိုင်တွေ့ခဲ့ဖူးသလို၊ Xerxes ရဲ့ အဖေဖြစ်တဲ့ (အဲ့ဒီအချိန်တုန်းက စစ်ချီလာတဲ့ Persian ဘုရင်) Darius ကို ပါ မြှားနဲ့ပစ်ခွင်းပြီး သတ်ခဲ့ပါတယ်။ ဒါပေမယ့် အဲ့ဒီတုန်းက ဘုရင့်သားတော် Xerxes ကိုတော့ မသတ်ပဲ လွှတ်ပေးမိရာကနေ Xerxes က နောက်တစ်ကြိမ် ပြန်ပြီး စစ်ချီလာတာဖြစ်ပါတယ်။ ၃၀၀ မှာတုန်းက Sparta ကို Messenger လွှတ်ပြီး အညံ့ခံဖို့ပြောသလိုပဲ Athens မြို့ကိုလည်း အညံ့ခံဖို့ ပြောပါတယ်။ အဲ့ဒါကြောင့် Themistokles က Sparta ကို သွားပြီး King Leonidas ကို သူနဲ့ ပူပေါင်း ဖို့ပြောသလို၊ ဂရိအနေနဲ့ နိုင်ငံတစ်နိုင်ငံ အဖြစ် စုပေါင်းပြီး တိုက်ခိုက်ဖို့ပြောပါတယ်။ ဒါပေမယ့် သူသွားတဲ့အချိန်မှာ Leonidas က Oracle (ရှေးခေတ်က ပုဏ္ဏားကဲ့သို့ ရှေ့ဖြစ်ကို ကြိုပြောနိုင်တဲ့ သူတွေဖြစ်ပါတယ်။ တစ်ခုခုလုပ်မယ် ဆိုရင် သူတို့ကိုသွားပြီး တိုင်ပင်ဆွေးနွေးရပါတယ်။) တွေနဲ့ သွားတွေ့နေတဲ့ အချိန်ဖြစ်လို့ Themistokles နဲ့မတွေ့လိုက်ရပါဘူး။ ဒါကြောင့် သူက Athens က ရှိတဲ့ ရေတပ်အင်အားနဲ့ ရန်သူကိုခုခံရပါတယ်။ တစ်ဖက်က ချီတက်လာတဲ့ ရေတပ် Commander က ဂရိလူမျိုး အမျိုးသမီး Artemisia (Eva Green) ဖြစ်ပြီး သူမကလည်း ဂရိတွေကုန် စိတ်နာနေတဲ့သူဖြစ်ပါတယ်။ အကြောင်းကတော့ သူငယ်စဉ်က ဂရိတစ်မြို့နဲ့တစ်မြို့ စစ်ဖြစ်ရာမှာ အောင်ပွဲခံစစ်သားတွေက သူ့ မိသားစုကို မုဒိန်းကျင့် သတ်ဖြတ်ရုံသာမက သူမကို ကျွန်အဖြစ်ရောင်းစားခံရသလို၊ ကျွန်ဘဝမှာလည်း အနှိပ်စက်ခံ၊ မတရားပြုကျင့်ခံရပြီး၊ မသေရုံတမယ် ဖြစ်နေတော့မှ စွန့်ပစ်ခံခဲ့ရပါတယ်။ ဒါကို ပါရှန်လူမျိုး General တစ်ဦးက ကယ်တင်ပေးပြီး ပညာစုံသင်ပေးသလို၊ သူ့ရဲ့ ပင်ကိုယ်ဗီဇကြောင့် လည်း တိုက်ခိုက်ရေးထူးချွန်ပြီး Persian ဘုရင်ရဲ့ ယုံကြည်မှုကိုရခဲ့ပါတယ်။ ဒါကြောင့် ဒီစစ်ပွဲမှာ Greek တွေကိုမုန်းနေတဲ့ Artemisia ရယ်၊ Greek တွေကို တိုက်ခိုက်ဖို့လာတဲ့ Xerxes ရယ် ကို Greek တွေဘယ်လို တွန်းလှန်မလည်း၊ Greek ဆိုပြီး တစ်နိုင်ငံတည်းပေါင်းစည်း ပြီး တိုက်ခိုက် လာအောင် စည်းရုံးနိုင်ပါ့မလားဆိုတာ ကြည့်ရှုရမှာဖြစ်ပါတယ်။ Visual Effect, Slow Motion, 3-D Effect ကောင်းကောင်းနဲ့ ရိုက်ကူးထားသလို၊ Fight Scene တွေကလည်း အထူးကောင်းမွန်ပါတယ်။ ဒါတွေကောင်းမွန်ရုံနဲ့တော့ ဇာတ်ကားကောင်း တစ်ကား အရမ်းကောင်းပါတယ်လို့ ပြောလို့မရပါဘူး။ ဇာတ်ကားမှာ ပရိတ်သတ်စိတ်ဝင်စားအောင် ဆွဲဆောင် ထားနိုင်တာက Fight Scene တွေနဲ့ Visual Effect ကောင်းကောင်းတွေပဲ ရှိပါတယ်။ အထူးသဖြင့် ၃၀၀ တုန်းက နောက် ထပ် Battle ကို ဘယ်လို ရင်ဆိုင်မလည်း၊ ဘယ်လို နိုင်အောင် တိုက်မလည်း၊ စသဖြင့် တစ်ကားလုံး စိတ်ဝင်စားစရာကောင်းအောင် ရိုက်ကူးထားနိုင်ပေမယ့်၊ ဒီကားကတော့ ဇာတ်လမ်း အဆုံး ပိုင်းနဲ့ ဇာတ်ကားကို စထားသလို၊ Scene တစ်ခုနဲ့တစ်ခုကြားမှာလည်း အချိတ် အဆက်မဲ့နေပါတယ်။ မင်းသားဖြစ်သူ Sullivan Stapleton ကလည်း ဒီကားတစ်ကားလုံး ခံစားချက်မဲ့နေသလိုပါပဲ။ စကားတွေတော့ ပြောနေပေမယ့် Emotion မပါသလို ဖြစ်နေပြီး၊ စစ်မတိုင်ခင် Motivational Speech (စိတ်ဓါတ်လှုံ့ဆော်ရေးစကား)ပြောတာတောင်မှပဲ စိတ်ဓါတ်တက်ကြွဖို့မကောင်းဖြစ်နေပါတယ်။ အထူးသဖြင့် 300 ထဲက King Leonidas အဖြစ်သရုပ်ဆောင်တဲ့ Gerard Butler လို မျိုး အင်တိုက်အားတိုက် မရှိပါဘူး။ Battle Scene တွေကလည်း Slow Motion တွေ အရမ်းများပြီး သွေးထွက်သံယို အခန်းတွေကို လိုတာ ထက်ပိုပြီး Effect သုံးထားလို့ ကြောက်ဖို့ကောင်းရမယ့်အစား၊ ကွန်ပျူ တာလုပ်ကွက်မှန်းသိသာနေပါတယ်။ ဇာတ်ကားကောင်းတစ်ကားဖြစ်ပေမယ့်၊ လက်မလွတ်ခံသင့်တဲ့ကားတော့ မဟုတ်ပါဘူး။ စစ်ကားကောင်း ကြည့်ချင်သူတွေအတွက်ကတော့ Brad Pitt ရဲ့ Troy ပြန်ကြည့်တာက မှပိုကောင်းပါဦးမယ်။ Action ကားကောင်းကို 3D နဲ့ကြည့်ချင်ရင်တော့ ဒီကားကို ကြည့်သင့်ပါတယ်။ ဒီကားက အသက် ၁၈နှစ်အောက် လူငယ်တွေ၊ မိဘမပါပဲ လုံးဝမကြည့်သင့်ပါဘူး။ သွေးထွက်သံယို များသလို၊ Nudity တွေလည်းပါပါတယ်။ Sex Scene တစ်ခန်းပါပြီး၊ Female Nudity လည်းပါပါတယ်။ Eva Green ပါပြီဆိုမှတော့ ဒီလိုပါတော့မယ်ဆိုတာ သူ့ကိုကြည့်ဖူးတဲ့သူတွေ သိကြမှာပါ....... #Sololay (ရုပ်ရှင်မိတ်ဆက် မှကူးယူဖော်ပြပါသည်....) File size...(1.9 GB) / (999 MB) Quality....BluRay 1080p / 720p Format...mp4 Duration....01:42:00 subtitle....Myanmar Hardsub Encoder....Nyeinsaeya Aung

James Bond ဇာတ်ကားတွေ ထွက်ရှိခဲ့တာ မင်းသားကြီး ရှောင်ကွန်နရီရဲ့ Dr.No (1962) ကနေ အခုနောက်ဆုံးထွက် Spectre (2015) ထိ (၂၄) ကားရှိပါတယ်။ ၂၀၁၂ ခုနှစ်မှာ ထွက်ရှိခဲ့တဲ့ Skyfall ဟာ ၂၃ ကားမြောက်ဇာတ်ကားသလို  James Bond ရုပ်ရှင် နှစ်ငါးဆယ်ပြည့်အနေနဲ့ ထွက်ရှိခဲ့တာ ဖြစ်ပြီး ကမ္ဘာတစ်၀န်းမှာ ၁.၁ ဘီလီယမ် ဒေါ်လာရရှိခဲ့တဲ့အတွက် အအောင်မြင်ဆုံး James Bondရုပ်ရှင်ပါ။ အဲဒီရုပ်ရှင်ဟာ ဒီနေ့အချိန်အထိ ကမ္ဘာတစ်၀န်းမှာ ရောင်းအကောင်းဆုံး ရုပ်ရှင်တွေထဲမှာ နံပါတ်ကိုးနေရာက ရပ်တည်နေပါတယ်။ IMDb Rating(7.8/10) နဲ့ Rotten Tomatoes (93%) ထိရရှိထားပါတယ်... Daniel Craig ရဲ့  James Bond ဟာ ယခင်က Bond တွေလို အပြင်ကလူကို သွားတိုက်ခိုက်ရတာထက် အတွင်းကရန်သူ..အနီးကပ်ရန်သူ ..နောက်ကျောကရန်သူတွေကို ပြင်းပြင်းထန်ထန် ပြန်တိုက်ခိုက်ရတဲ့ ပိုနက်နဲရှုပ်ထွေးလာတဲ့ Bond ဇာတ်ကောင်ဖြစ်ပါတယ်... ဒါကြောင့်လဲ တချို့က မကြိုက်တာရှိသလို တချို့ကတော့ ပိုကြိုက်ကြတာ ရှိပါတယ်...လက်တွေ့နဲ့နီးစပ်တယ်ခံစားရတာမျိုးပေါ့... နှမြောစရာကောင်းတာက အရင်ခေတ်က လူဆိုးတွေရော James Bond ရောက တစ်ဦီးကိုတစ်ဦး Respect ထားပြီး အေးအေးဆေးဆေးတိုက်ခိုက်ကြပေမယ့် Daniel Craig ရဲ့ 007 ကားတွေမှာတော့ ဒီလိုကိစ္စတွေသိပ်မတွေ့ရပါဘူး...ဝုန်းဒိုင်းဆိုပြီး ကိုင်လိုက်တာများပါတယ်... အရင်ဇာတ်ကားတွေက လူဆိုးတွေဆို Bond ကိုမိရင် တန်းမသတ်ဘဲ တလေးတစား လက်စဖျောက်ကြတာပါ... အခု Bond နဲ့သူ့ရန်သူတွေကတော့ အသေအကြေတိုက်ခိုက်ကြပြီး စတိုင်ကျကျနေနိုင်တဲ့အချိန်သိပ်မတွေ့ရပါဘူး... ဘာပဲဖြစ်ဖြစ် Daniel Craig ရဲ့ James Bond ကားတွေဟာလဲ နက်နဲတဲ့ရသ....ပီပြင်တဲ့ Action တွေနဲ့ အရင်ဘွန်းတွေနဲ့မတူတဲ့ပုံစံနဲ့ အထာကျနေဆဲပါပဲ...။ File size…(3.1 GB) and (1.6 GB) Quality….BluRay 1080p and 720p (HEVC Encode) Format…mkv Duration….02:23:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

Mr. Bean's Holiday (2007) IMDb - 6.4/10 အက်ရှင်တွေ အချစ်တွေ အကြမ်းတွေ များလာတော့ ဒီတစ်ခါ ပရိသတ်ကြီးပေါ့ပေါ့ပါးပါး လေးဖြစ်သွားအောင် Mr.Bean's Holidayလေး တင်ပေးလိုက်ပါတယ် Mr.Beanရယ်လို့ အသံကြားလိုက်ရုံနဲ့ ရုပ်ရှင် ခရေဇီတွေရော သာမန်ရုပ်ရှင်ပရိသတ်တွေပါ အလိုလို အူမြူးလာတတ်ကြပါတယ်။ ဒီ Mr.Bean's holidays ဟာ ဆိုရင်လည်း ရုပ်ရှင် ပရိသတ်တွေ တော်တော်များများ အထူးနှစ်ခြိုက်ခဲ့ကြတဲ့ ဇာတ်ကားတစ်ကားပါ။ 'Old but gold' ဆိုတဲ့စကားဟာ ဒီ ဇာတ်ကားလေး အတွက်လည်း မှန်တယ်ခင်ဗျ။ မြန်မာစာတန်းထိုး နဲ့မှ ကြည့်ရတာ ဖီးလ် ပိုရှိတယ်ဆိုတဲ့ ချစ်ပရိသတ်ကြီးတွေအတွက် တင်ဆက်ပေးလိုက်ပါတယ်။ ဒီဇာတ်လမ်းလေးရဲ့ အစမှာတော့ Mr.Beanက ကံကောင်းတယ်ဗျ။ကန်းနက်စ် ကို ခရီးသွားဖို့ လက်မှတ်ရယ် ဗွီဒီယိုကင်မရာလေးတစ်လုံးရယ် ယူရို ၂၀၀ ရယ် မဲပေါက်ခဲ့တာကိုး (ဒါတောင်ဆရာသမားက တေ့လွဲ လွဲဦးမို့) ပထမရထား လွတ် ဖြစ်အောင်လွတ်သွားသေးတဲ့ Mr.Bean ဟာ ဒုတိယ ရထား ဆိုက်ပြန်တော့လည်း လူတစ်ယောက်ကို သူလမ်းလျှောက်နေတဲ့ပုံ ဗွီဒီယို ရိုက်ခိုင်းရင်းနဲ့ အလွဲတွေဖြစ်ပြန်ရော။ သူ့ကို ဗွီဒီယို ရိုက်ပေးနေတဲ့သူက ရထား လွတ်သွားတယ်လေ။ဒါနဲ့ ရထားပေါ်မှာ ပါလာတဲ့ အဲ့လူရဲ့ သားကို စောင့်ရှောက်ဖို့ Mr Bean မှာ တာဝန်ရှိလာပါတော့တယ်။ ဒီသားအဖကို ပြန်ဆုံအောင် Mr.Bean လုပ်ပေးနိုင်မလား ဘယ်လို အလွဲတွေ ထပ်ဖြစ်မလဲ ဆိုတာကတော့ စိတ်ဝင်စားဖို့ကောင်းလှပါတယ်။ဇာတ်သိမ်းလေးကိုလည်း ကြည်နူးဖွယ်ဖြစ်အောင်ရိုက်ကူးပြထားပါတယ်။ ဟာသဆိုပေမယ့် ကလိထိုးပြီးရယ်ရတာမျိုးမဟုတ်ဘဲ ပေါ့ပေါးပါးပါးနဲ့ ယုတ္တိရှိရှိ ရိုက်ပြထားတာကြောင့် ရုပ်ရှင်ချစ်ပရိသတ်တွေအနေနဲ့ အကြိုက်တွေ့ကြမှာဖြစ်ပါတယ်။ (ဘာသာပြန်သူကတော့ Myint Thinzar  ပဲ ဖြစ်ပါတယ်) File Size : 652 MB Quality : Bluray 720P Running Time : 1hr 30minutes Format : Mp4 Genre : comedy Translator : Myint Thinzar Encoder :Thanhtike Zaw