Connor Swindells ပါဝင်သော ဇာတ်ကားများ

SAS: Rogue Heroes (2022) Season 01 ~ IMDb - 8.2/10, Rotten Tomatoes - 100% ~ ဒုတိယကမ္ဘာစစ်တုန်းက တကယ်ရှိခဲ့တဲ့ SAS လို့ခေါ်တဲ့ ပထမဆုံး အထူးလေကြောင်းတပ်ဖွဲ့ စတင်ဖြစ်ပေါ်လာပုံနဲ့ ဒီတပ်ရဲ့ စွန့်စားခန်းတွေအကြောင်း ဖြစ်ရပ်မှန်အပေါ် အခြေတည်ပြီး ရိုက်ပြထားတဲ့ ဇာတ်လမ်းတွဲပါ။ Peaky Blinders နဲ့ See တို့လို နာမည်ကျော်ဇာတ်လမ်းတွဲတွေရဲ့ Creator, Allied တို့ Spencer တို့လိုကား‌တွေရဲ့ ဇာတ်ညွှန်းဆရာ၊ တွမ်ဟာဒီရဲ့ Locke တို့ Jason Statham ရဲ့ Eye For an Eye တို့ရဲ့ ဒါရိုက်တာ Steven Knight ဟာ စာရေးဆရာနဲ့ သမိုင်းပညာရှင် Ben Macintyre ရဲ့ SAS: Rogue Heroes လို့ခေါ်တဲ့ စာအုပ်ကိုဖတ်မိပြီး သူကိုယ်တိုင်လည်း ဒီဇာတ်လမ်းကို တော်တော်လေး စိတ်ဝင်စားသွားသလို လူသိသိပ်မများတဲ့သမိုင်းဖြစ်ရပ်ဖြစ်တာကြောင့်လည်း ရိုက်ဖြစ်ခဲ့ပါတယ်။ အခုဇာတ်လမ်းတွဲဟာလည်း တော်တော်လေး လူကြိုက်များခဲ့ပြီး အောင်မြင်ခဲ့တာကြောင့် ၂၀၂၄မှာ နောက်တစ်တွဲ ထပ်ပြသွားဖို့ စီစဉ်ထားပါသေးတယ်။ ဇာတ်လမ်းကတော့ ခုနဖော်ပြပါအတိုင်း အပြင်မှာ တကယ်ရှိခဲ့တဲ့ SAS အဖွဲ့ဖွဲ့တဲ့အကြောင်းနဲ့ သူတို့ရဲ့ မစ်ရှင်တွေအကြောင်းပေါ့။ ဒီအဖွဲ့က အစက နာဇီတွေနဲ့ စိတ်ဓာတ်ဆင်ရေးလုပ်ဖို့ စာရွက်ပေါ်မှာပဲရှိတဲ့ အတုလုပ်ထားတဲ့ အဖွဲ့ပေါ့။ တစ်နေ့ကျ အဖေရာထူးကြီးကြီးရှိတဲ့ အမိန့်တစ်စက်မှ မနာခံဘဲ လုပ်ချင်တာလုပ်တဲ့ စစ်သားတစ်ကောင်က ဂျာမန်လေယာဉ်တွေကို လေပေါ်မပျံခင် မြေမှာဆိုက်ထားတုန်း အကုန်ဖျက်ဆီးပစ်ဖို့ မစ်ရှင်တစ်ခုကို အဆိုပြုလာတယ်။ ဒီမစ်ရှင်ကို လုပ်ဖို့ သူက လူ၆၀ တောင်းတယ်။ ဒါပေမဲ့ အထက်က မဖြစ်နိုင်လွန်းတာကြောင့် ခွင့်မပြုပေမဲ့ စိတ်ဓာတ်စစ်ဆင်ရေးလုပ်နေတဲ့ဘဲက သူ့ရဲ့စာရွက်‌ပေါ်မှာပဲရှိတဲ့ အဖွဲ့ကို တကယ်ရှိသလိုဖြစ်အောင် လုပ်ပေးရမယ်ဆိုတဲ့ ကမ်းလှမ်းချက်နဲ့ ‌ပေးဖွဲ့လိုက်တယ်။ အထူးအဖွဲ့အတွက် လူရွေးတာက ဘယ်လောက်တော်လဲ ဘာညာနဲ့မရွေးဘဲ မင်းသားက သူ့လိုမျိုး အမိန့်မနာခံ လုပ်ချင်တာလုပ် တဇောက်ကန်းတွေနဲ့ချည်း ဖွဲ့လိုက်တယ်။ ဂျာမန်တွေရဲ့ထောက်ပို့တွေ၊ တပ်ကူလေယာဉ်တွေကို ဖျက်ဆီးဖို့က ကန္တာရထဲ လေထီးနဲ့ခုန်ဆင်းမှပဲဖြစ်နိုင်တာဆိုတော့ သူတို့တွေ သဲမုန်တိုင်းတိုက်နေတဲ့အချိန်ကြီး ကန္တာရထဲ လေထီးနဲ့ခုန်ဆင်းကြတဲ့အထိ မိုက်မိုက်မဲမဲတွေ လုပ်ကြတယ်။ ဖွဲ့ထားတဲ့အဖွဲ့ကကောင်တွေကလည်း ရှေ့တန်းက ရာထူးအကြီးဆုံးလူကိုတောင် အလေးမပြုတဲ့ကောင်တွေ၊ အထက်လူကြီးကို စန္ဒရားနဲ့ ထုတဲ့ကောင်တွေ၊ တဇောက်ကန်းတွေ စုံပလုံနေရော။ ဒီလိုတဇောက်ကန်းတွေရဲ့ ဖြစ်ရပ်မှန် စစ်ဆင်ရေးကို ရိုက်ကူးတင်ဆက်ထားတဲ့ အလန်းစားစစ်ဇာတ်လမ်းတွဲပါပဲ။ ဒုတိယကမ္ဘာစစ်ဖြစ်ရပ်မှန်ပေါ် အခြေတည်ရိုက်ကူးထားတဲ့အပြင် ဗမာ၊ မော်လမြိုင်၊ မန္တလေးစတာတွေကိုပါ ခဏခဏ တကူးတက ထည့်ထည့်ပြောပြီး မြန်မာကို အဖက်လုပ်အားပေးထားတဲ့ ကားဖြစ်တာကြောင့် အားလုံးမြည်းစမ်းကြည့်သင့်ပါတယ်။ ဇာတ်ကတော့ တော်တော်ကြမ်းပြီး စိတ်ကူးယဉ်ဆန်သလိုဖြစ်နေပေမဲ့ အများစုက ဖြစ်ရပ်မှန်တွေပါပဲလို့တော့ ဇာတ်အဖွင့်မှာတင် စာတန်းထိုးထားပါတယ်။ ဖြစ်ရပ်မှန်ကားတွေထဲ ဒီထက်ဖိုက်တာကျတဲ့ကား ရှိမယ်မထင်ပါဘူး။ စစ်တပ်တို့ ဘာတို့ရဲ့ အခြေခံအသက်ဟာ အမိန့်နာခံမှုလို့ ဆိုကြပေမဲ့ ဒီဇာတ်လမ်းတွဲမှာတော့ ထူးခြားစွာပဲ အမိန့်မနာခံတဲ့ ကောင်တွေရဲ့ ကောင်းကွက်ကို အမွှန်းတင်ဖော်ကျူးသွားပါတယ်။ (ဒီစီးရီးကို အညွှန်းရေးသား ဘာသာပြန်ပေးသူကတော့ W ပဲဖြစ်ပါတယ်။) Size ~ 600MB+ Total ~ 6 Episodes Quality – 1080p Duration ~ 50min (@Episode) Subtitle – Myanmar Hardsub Format – Mp4 Genre : Drama, Thriller, War Source : HMAX.Web-dl.1080p Translator – W Encoder – Y SAS: Rogue Heroes (2025) Season 02 (complete) File size…(1.5 GB ) / (700 MB) / (400 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Drama, Thriller, War Duration….01:00:00 Subtitle….Myanmar Subtitle (Hardsub) Encoder….Benjamin Translated by Nway Oo K Zaw

ဒီတစ်ခေါက်တင်ဆက်ပေးမယ့်ဇာတ်ကားလေးကတော့ အလယ်ခေတ်နှောင်းပိုင်း Action အမျိုးအစားဇာတ်ကားလေးပဲ ဖြစ်ပါတယ်... ဒီဇာတ်ကားလေးမှာဆိုရင် ၁၄ ရာစုက ဥရောပသားတို့ရဲ့ အားကြီးသူအနိုင်ယူတဲ့ ဘဝပုံရိပ်ကို ဒဏ္ဍာရီသူရဲကောင်း Wilhelm Tell ရဲ့ ဘဝဇာတ်ကြောင်းနဲ့အတူ တင်ဆက် ပြသထားပြီး အလယ်ခေတ်နှောင်းပိုင်းပုံရိပ်တွေကို နှစ်ခြိုက်ဖွယ် ရိုက်ကူးပုံဖော်ထားတာပဲဖြစ်ပါတယ်... Wilhelm Tell ဟာ ဂျေရုစလင်တိုက်ပွဲကနေ ပြန်လာပြီး အမဲလိုက်သမားဘဝနဲ့ ရိုးရိုးကုပ်ကုပ်မိသားစုတစ်စုကို ထူထောင် ထားသူစစ်ပြန်တစ်ယောက်ဖြစ်ပါတယ်... စစ်ပွဲရဲ့အနိဋ္ဌာရုံတွေကို မမြင်ချင်မတွေ့ချင်တော့လို့ ဆွစ်ဇာလန် တောင်ကြားထဲမှာ မိသားစုနဲ့အတူ ဘဝကို အေးအေးချမ်းချမ်း ဖြတ်သန်းနေသူတစ်ယောက်ဟာ ဘုရားသခင်ကိုလည်း ယုံကြည်သူဖြစ်ပြီး သူတစ်ပါးကိုပါ ကူညီတတ်သူဖြစ်ပါတယ် ထိုသို့နေထိုင်ရင်း အခွန်တော်ကောက်တစ်ယောက်အား သတ်ဖြတ်ခဲ့သူကို မုန်တိုင်းထန်နေတဲ့ကန်ရေပြင်ကိုဖြတ်ကာ ကူညီပေးဖို့ ဖြစ်လာခဲ့ရာမှာလည်း ဘုရားသခင်ရဲ့လမ်းစဉ်ကို လိုက်နာသူဖြစ်တဲ့ Tell ဟာ မုန်တိုင်းထန်နေတဲ့ ရေကန်ထဲကို အကြောက်အလန့်မရှိ ဖြတ်ကူပေးပါတယ်... တစ်ဖက်မှာလည်း ၎င်းကူညီပေးခဲ့သူ သတ်ဖြတ်ခဲ့တဲ့ အခွန်တော် ကောက်ဟာ တန်ခိုးထားနေတဲ့ ဩစတြီးယားဘုရင့်လူဖြစ်တာကြောင့် ဘုရင်ဟာ အမျက်ရှလျက် တရားခံကို ဖမ်းဆီးပြီး သူ့သိက္ခာကို ဆယ်ဖို့ မြို့စားဖြစ်သူကို စေခိုင်းခဲ့ပါတယ်... ထိုမြို့စားဟာ ရက်စက်ကြမ်းကြုတ်သူပီပီ တရားခံကိုမမိမချင်း ဆွစ်ဇာလန်ရွာမှန်သမျှကို လိုက်လံရှင်းလင်း မီးရှို့ဖျက်ဆီးပြီး အာဏာပြရာမှာတော့ မူလက လူမျိုးစုပြဿနာများကြောင့် အချင်းချင်းမသင့်မြတ်ကြသူ ဆွစ်ဇာလန်လူမျိုစုများအချင်းချင်း သွေးစီးကာ ဩစတြီးယားရဲ့ အုပ်ချုပ်မှုကို စုပေါင်းတွန်းလှန်ကြဖို့ အကြောင်းဖန်တီးလာပြီး ဩစတြီးယားစစ်တပ်များကို တိုက်ခိုက်ဖို့ ပြင်ဆင်ကြရာမှာတော့… ဒီကားလေးမှာဆိုရင် ၁၄ ရာစုရဲ့ ဆွစ်ဇာလန်မျိုးချစ် ဒဏ္ဍာရီ သူရဲကောင်း လေးသည်တော် Wilhelm Tell အကြောင်းကို အံဩဆန်းကြယ်စွာရိုက်ကူးပုံဖော်ထားတာဖြစ်ပြီး ရင်သပ်ရှုမောဖွယ် တောတောင်ရေမြေတွေကိုနောက်ခံပြုကာ စစ်ဘုရင်တို့ရဲ့ လက်အောက်က မြို့များရွာများရဲ့ နှိပ်စက်ကလူပြုကျင့်ခံရမှုတို့ကို ရသမြောက်တင်ပြထားတာဖြစ်လို့ အလယ်ခေတ်ရုပ်ရှင်ကြိုက်သူ ပရိသတ်များ မြည်းစမ်းကြည့်သင့်တဲ့ဇာတ်ကားလေးဖြစ်ကြောင်း ညွှန်းဆိုတင်ဆက်ပေးလိုက်ရပါတယ်ခင်ဗျာ..... File size… (2.32 GB) / (1.34 GB) Quality… WEB-DL 1080p HEVC / 720p Format…mkv / mp4 Duration….2h 13m Genre ….. Action , Biography , Drama ,  History , War Subtitle….Myanmar Subtitle (Hard Sub) Encoder….Min Wai Translated by Ye Thiha Htet

ဗြိတိန်အင်ပါယာရဲ့ဘုရင်မကြီး"အဲလစ်ဇဘတ်"ရဲ့တတိယမြောက်သားဖြစ်သူ မင်းသား"အန်ဒရူး" ဟာ အသက်မပြည့်သေးသောကောင်မလေးတစ်ဦးကိုဖိအားပေးပြီးလိင်ပိုင်းဆိုင်ရာစောက်ကားခဲ့တယ်ဆိုတဲ့စွပ်စွဲချက်တွေနဲ့ဂယက်ရိုက်ခဲ့ပါတယ် အဲ့ကိစ္စနဲ့ပက်သက်ပြီး 2019 ခုနှစ်မှာ BBCရဲ့ Newsnight ဆိုတဲ့ သတင်းအစီအစဥ်မှာ အင်တာဗျူးလုပ်ခဲ့ပါတယ် ဒါပေမဲ့ အဲ့လိုလုပ်လိုက်တာက အကြီးအကျယ်ပိုဆိုးသွားပြီး နောက်ဆုံးမှာ မင်းသား"အန်ဒရူး"ဟာ သူ့ရဲ့တော်ဝင်အရိုက်အရာရာထူးအာဏာတွေကိုစွန့်လွှတ်လိုက်ရတဲ့အထိဖြစ်သွားပါတယ် ဒီဇာတ်ကားကတော့ မင်းသား"အန်ဒရူး"ကိုအင်တာဗျူးဖို့အတွက် BBCမှသတင်းထောက်တွေဘယ်လိုမျိုးကြိုးစားခဲ့ရသလဲ ဘယ်လိုစီစဥ်ခဲ့ရသလဲဆိုတော့ သတင်းမီဒီယာသမားတွေရဲ့အကြောင်းကိုအတွင်းကျကျရိုက်ကူးပြထားတာဖြစ်ပါတယ် ဒါကဖြစ်ရပ်မှန်ကိုရိုက်ကူးထားတဲ့ "Biography Film"လေးပါ File size…(1.15 GB)/(590 Mb) Quality….Webrip 1080p / 720p Format…mp4 Duration….01:42:00 Genre...Biography, Drama Subtitle….Myanmar Subtitle (Hardsub) Encoder….Garfield Translated by Ruby Jane

Lady Bird ရဲ့ ဒါရိုက်တာနဲ့ဇာတ်ညွှန်းဆရာဖြစ်တဲ့ Greta Gerwig ရဲ့ လက်ရာပဲဖြစ်ပါတယ်။ မာဂေါ့ရော့ဘီနဲ့ ရိုင်ယန်ဂို့စလင်းတို့ ပါဝင်ထားပါတယ်။ ဒေါ်လာ ၁.၃ ဘီလီယံအထိ ရရှိနေပြီး IMDb 7.3 နဲ့ လူကြိုက်များနေပါတယ်။ ဒီရုပ်ရှင်ဟာ အဓိကအားဖြင့် လူ့အသိုင်းအဝိုင်းနဲ့ ကျားဝါဒီ မဝါဒီတွေကို အခြေပြုတဲ့ ဟာသကားအနေနဲ့ ရိုက်ထားတာပါ။ ဖိုကြီးစိုးရေးဝါဒကိုအံတုနေရတဲ့ မိန်းမသားတွေ၊ မဝါဒီအားကောင်းလာချိန်မှာ ရုန်းကန်လာရတဲ့ ယောကျ်ားတွေ စသဖြင့်ပေါ့။ ဇာတ်လမ်းအကျဉ်း ဘာဘီတွေနဲ့ ကန်တွေဟာ သီးသန့်ကမ္ဘာတစ်ခုမှာနေထိုင်ကြပါတယ်။ အဲဒီကမ္ဘာမှာ ဘာဘီတွေ ကြီးစိုးနေပြီ သမ္မတ၊ သိပ္ပံပညာရှင်၊ တရားသူကြီး၊ နိုဘယ်ဆုရှင်အားလုံးက ဘာဘီချည်းပါပဲ။ ကန်ဆိုတဲ့ ယောကျာ်းတွေကတော့ ဘာဘီတွေကို မှီခိုနေရတဲ့ ဖျော်ဖြေနေရတဲ့သူတွေပေါ့။ ဘာဘီတွေဟာ လူသားကမ္ဘာကြီးကိုလည်း သူတို့တွေရဲ့ ဘာဘီအရုပ်တွေက ပိုကောင်းအောင်ပြောင်းလဲပြီး မိန်းမတွေကြီးစိုးနေပြီလို့ပဲ ထင်ထားခဲ့တာပါ။ ဘာဘီအမျိုးမျိုးရှိတဲ့အထဲမှာမှ မာဂေါ့ရဲ့ ဘာဘီကတော့ သမားရိုးကျဘာဘီ တစ်ယောက်ပဲဖြစ်ပါတယ်။ ဘယ်နေရာမှာ ထူးချွန်နေတာမဟုတ်တဲ့ ဘာဘီသက်သက်ပါပဲ။ တစ်နေ့မှာတော့ ဘာဘီဟာ သေခြင်းတရားအကြောင်းကိုတွေးမိရာကနေ ဘာဘီလောကနဲ့ အံမဝင်တော့ဘူး ဘာဘီအစွမ်းတွေပျောက်လာပြီး ဖြစ်တည်မှုသံသယတွေပွားလာပါတော့တယ်။ အဲဒါကို ကုသဖို့ နည်းကတော့ သူ့ကိုဒီလိုဖြစ်လာအောင်လုပ်နေတဲ့ ဘာဘီအရုပ်ပိုင်ရှင် ကလေးမတစ်ယောက်ကို လူသားကမ္ဘာထဲမှာ သွားရှာပြီး ပြန်ပြင်ဖို့ပါပဲ။ အဲဒီမှာ သူနဲ့အတူ ကန်လည်းလိုက်လာပါတယ်။ ဒါပေမဲ့ လူသားကမ္ဘာအရောက်မှာတော့ သူထင်သလိုမဟုတ်ဘဲ ယောကျာ်းတွေက မဝါဒီယောင်ပြရင်း ဖိုကြီးစိုးရေးကို မသိသာမြှပ်နှံအသုံးချဆဲဆိုတာ သိလာရသလို၊ မိန်းကလေးတွေကလည်း ဘာဘီရဲ့ အလှအပစံနှုန်းတွေကြောင့် မဝါဒီတိုးတက်ရေးနှစ် ၅၀ လောက် နောက်ကျသွားတယ်၊ မိန်းကလေးတွေရဲ့ ကိုယ့်ကိုယ်ကိုယ်တန်ဖိုးထားတဲ့ အတွင်းစိတ်ကို ဖျက်ဆီးပြီး မလိုအပ်တာတွအရူးအမူးဝယ်ယူချင်စိတ်တွေဖြစ်လာအောင်လုပ်တဲ့သူ၊ ဖက်ဆစ်မဆိုပြီးပါ စွပ်စွဲတာတွေရှိလာပါတယ်။ ဒီလို ကမ္ဘာကြီးနဲ့ ဘာဘီမြေမှာ ဆက်ဖြစ်လာတဲ့ ပြဿနာတွေကို ဘာဘီတစ်ယောက် ဘယ်လို ဆက်ဖြေရှင်းမလဲဆိုတာ ကြည့်ရမှာပါပဲ။ File Size : (1GB) / (2.4GB) / (4.50GB) Quality : WEB-DL 4K / 720p / 1080p Format…mp4 Duration…01:54:00 Genre : Adventure  ,Comedy,  Fantasy Subtitle : Myanmar Subtitle (Hard Sub) Translated by Mr.Anderson Encoded by Phyo Pyae , Thit San Khant

Game of Thrones ထဲက ဂွေးဖြတ်ကောင် ရမ်ဆေးဘော်တန်တဖြစ်လဲ ဝေးလ်မင်းသား Iwan Rheon ကို မြင်တာနဲ့တန်းမှတ်မိအောင် အမြင်ကပ်နေကြမှာပါ... သူ့ဇာတ်ကားတွေက ရှားပါးပေမယ့် ခုရက်ထဲ ဒီကားအသစ်ထွက်လာလို့ တင်ဆက်လိုက်ပါတယ်။ဒီထဲလဲ အမြင်ကပ်စရာအခွက်နဲ့ပါပဲ။ တစ်ရက်ထဲ၊တစ်ညထဲ ဒါမှမဟုတ်အချိန်ပိုင်းလေးတစ်ခုကိုပဲတည်ပြီး တစ်ကားလုံးပြီးအောင်ရိုက်ပြသွားတဲ့ ကားမျိုးတွေကိုကြည့်ဖူးကြမယ်ထင်ပါတယ်။ ဒီတစ်ခါဇာတ်ကားကလည်း အိမ်ကြီးတစ်အိမ်မှာ စုံတွဲနှစ်တွဲရဲ့တစ်ညတာကို တစ်ကားလုံးဖြစ်အောင်ရိုက်ပြသွားတဲ့ Drama/Thriller ကားတစ်ကားပါ။ ဇာတ်လမ်းအကျဥ်းကိုပြောရရင် ကျွန်တော်တို့ Documentary တွေမှာမြင်ဖူးနေကျ Stonehenge တွေလိုမျိုး ခေတ်အဆက်ဆက်ပါးစပ်ရာဇဝင်တွေ၊ဒဏ္ဍာရီတွေရှိခဲ့တဲ့ ဂေတာဆိုတဲ့ကျောက်တိုင်ကြီးတစ်ခုရှိပါတယ်။ အဲဒီကျောက်တိုင်ကိုလူးကပ်စ်ဆိုတဲ့လူကသူ့မိတ်ဆွေ ကမ္ဘာကျော်ပန်းပုပညာရှင်နဲ့ပုံစံတူတစ်ခုအပ်ပြီး ကျောက်တိုင်နာမည်နဲ့ပဲ အိမ်ယာစီမံကိန်းတစ်ခုကိုဖော်ဆောင်ဖို့စိတ်ကူးခဲ့ပါတယ်။ အဲဒီစီမံကိန်းကတကယ်လည်းအောင်မြင်ခဲ့ပေမယ့် နောက်ကွယ်မှာတော့ထင်သလောက်မရိုးရှင်းခဲ့ပါဘူး။ ဇာတ်ကားရဲ့ Runtime ဟာ တစ်နာရီခွဲသာရှိပြီး အကျယ်ချဲ့ရိုက်ပြလို့ရတဲ့နေရာတွေကိုရိုက်ပြမသွားပဲ ဇာတ်ကောင်တွေရဲ့ဒိုင်ယာလော့ဂ်တွေ အမူအရာတွေကနေပဲ ဒါကဒီလိုပါလားလို့ ကြည့်ရှုသူကိုယ်တိုင်တွေးစရာတွေဆက်တိုက်ပေးသွားတာမျိုးပါ။ Runtime နည်းပေမယ့် အလောတကြီးပြွတ်သိပ်ထည့်ပေးသွားတာမျိုးမဟုတ်ဘူးလို့ဆိုလိုတာဖြစ်ပါတယ်။ ကျွန်တော့်အမြင်အရဒီဇာတ်ကားရဲ့အကောင်းဆုံးအချက်တွေကိုပြောပါဆိုရင် ဘယ်နေရာမှအိုဗာအိုက်တင်ဖြစ်မနေတာ၊ Thriller ဆိုပေမယ့်သဘာဝမဆန်လောက်အောင်ဖြဲခြောက်တာမျိုးတွေပါမနေတာပါပဲ။ ကျစ်လစ်တယ်၊ သဘာဝကျတယ်ပေါ့ဗျာ။ အတိုင်းထက်အလွန်အမွှန်းတင်ရလောက်အောင် ပြောင်မြောက်တဲ့ဇာတ်ကားမျိုးမဟုတ်ပေမယ့်လည်း အချိန်တစ်နာရီခွဲပေးရကျိုးနပ်မယ့်ကားမျိုးဆိုတာတော့အာမခံပါတယ်။ ကြည့်ရှုအားပေးကြပါဦးဗျ။ (ရုပ်ရှင်အညွှန်းနဲ့ဘာသာပြန်ကို Min Khant Bo မှ တင်ဆက်ထားပါတယ်။) File size…(850 MB)/(300 MB) Quality….WEB-DL 1080p/720p Format…mp4 Duration….01:30:oo Subtitle….Myanmar Subtitle (Hardsub) Encoder….Ka Naung Translated by Min Khant Bo

ဒီတစ်ခါမိတ်ဆက်ပေးချင်တဲ့ကားလေးကတော့ February လကမှထွက်ရှိထားတဲ့ ဇာတ်ကား အသစ်စက်စက်လေးပါ။ Emma 2020ဟာဆိုရင် IMDb rating 7 ရထား တဲ့ ကားလေးဖြစ်ပါတယ်။ အင်္ဂလန်နိုင်ငံ ဟိုက်ဘရေးမြို့ကိုအ​​ခြေခံပြီး ရိုက်ကူးထားတဲ့ Romance Comedy ဇာတ်ကား အမျိုးအစားပါဖြစ်ပါတယ်။ ဒီကားထဲမှာဆိုရင် အဓိကဇာတ်ဆောင်နှစ်ဦးဖြစ် တဲ့ အမ်မာနဲ့ နိုက်တလီတို့ရဲ့ သူငယ်ချင်းသံယောဇဥ် နဲ့ အချစ်ကြားဝေခွဲမရဖြစ်မှုတွေကို၁၈၁၅ခုနှစ် အင်္ဂလန်နိုင်ငံရဲ့အငွေ့အသက်နောက်ခံနဲ့မြင်တွေ့ရ မှာဖြစ်ပါတယ်။ လက်ထပ်ဖို့စိတ်ကူးမရှိတဲ့ အမ်မာနဲ့ နိုက်တလီတို့ ဘယ်လိုတွေဆက်ဖြစ်ကြမလဲဆိုတာက စိတ်ဝင်စား စရာပါပဲ။ သူငယ်ချင်းဆိုတဲ့စည်းကိုကျော်ဖို့ ကြိုးစား​နေတဲ့ သူတွေ မဖြစ်မနေကြည့်သင့်တဲ့ဇာတ်ကားလေးပါ File Size : ( 710 MB , 328 MB) Quality : WEB-DL 720p Running Time : 2 hr 04 min Format : Mp4 Genre : Comedy , Drama Subtitle : Myanmar Subtitle (Hard Sub) Translated by NuNu Phyoe Encoded by Moe Myint Lwin

အရွယ်ရောက်ပြီးသားလူတွေအတွက်တော့ဒီစီးရီကပုံမှန်18+အခန်းတွေအများကြီးပါတဲ့ဟာသစီးရီးတစ်ခုပါပဲ ဒါပေမယ့်အခုချိန်ထိလိင်ပိုင်းဆိုင်ရာကိုသေချာရေရေရာရာမသိသေးတဲ့လူတွေအတွက်တော့ လိင်ပညာပေးစာအုပ်၁၀အုပ်လောက်နဲ့ညီသွားနိုင်ပါတယ် ကျွန်တော်တို့နိုင်ငံရဲ့ယဉ်ကျေးမှုနဲ့ကိုးကွယ်တဲ့ဘာသာအရလိင်ကိစ္စဟာ ဂုဏ်ယူစရာကိစ္စမဟုတ်သလိုစူးစမ်းသင့်တဲ့ကိစ္စလည်းမဟုတ်ပါဘူး အဲ့အတွက်ကြောင့်safe sexကိုတောင်သေချာမသိလို့ပြသနာတက်နေကြတာတွေလည်း အခုထိရှိပါသေးတယ် သူတို့နိုင်ငံကဆယ်ကျော်သက်တွေရဲ့sex lifeကရော ဘယ်လိုမျိုးလဲ ပြီးတော့ဆယ်ကျော်သက်တွေအဓိကပြသနာတွေကိုဘယ်လိုရှင်းရမလဲဆိုတာဒီစီးရီးမှာအကုန်မြင်နိုင်ပါတယ် ဟာသစီးရီးဖြစ်တာကြောင့်ပျင်းဖို့လည်းလုံးဝမကောင်းတဲ့အပြင်တက်သစ်စသရုပ်ဆောင်တွေရဲ့ရုပ်ရည်နဲ့ ပီပြင်မှုတွေကစီးရီးတစ်ခုလုံးကိုပြည့်စုံနေစေပါတယ် ဇာတ်လမ်းပုံစံကတော့ အိုတစ်ဆိုတဲ့ကောင်လေးဟာတစ်ကိုယ်ရည်အာသာဖြေလို့မရပါဘူး သူရဲ့အမေကလိင်ပိုင်းဆိုင်ရာအကြံပေးဖြစ်ပြီးသူ့နေ့စဉ်ဘဝကိုအဲ့အရာကအတော်သက်ရောက်နေပါတယ် မမျှော်လင့်ပဲသူတို့ကျောင်းကသူငယ်ချင်းတစ်ယောက်ဘောကြီးချင်လို့ecee2သုံးလုံးသောက်မိပြီး အဆမတန်ကြီးသွားတာကိုမေ့ဖ်လို့ခေါ်တဲ့ကောင်မလေးနဲ့အတူတွေ့သွားပါတော့တယ် ဘာလို့သောက်မိလဲဆိုတာကိုပြန်ရှင်းပြတဲ့အခါမှာတော့သုတ်မလွှတ်နိုင်တဲ့ပြသနာရှိနေကြောင်း ဆေးသောက်လိုက်ရင်သုတ်လွှတ်နိုင်မယ့်ထင်လို့သောက်မိကြောင်းပြောပြပါတော့တယ် အိုတစ်ဟာသူ့အမေရဲ့ဆွေးနွေးတဲ့ပုံစံကိုနေ့တိုင်းကြားပြီးအဲ့ကောင်လေးကိုစကားပြောပေးပါတယ် ပါလာတဲ့ပါရမီကြောင့်ပဲပြောရမလားမသိပေမယ့်သုတ်လွှတ်နိုင်သွားပါတယ် မေ့ဖ်ဟာအဲ့ပါရမီကိုသတိထားမိပြီးသူတို့နှစ်ယောက်စပ်တူလုပ်ငန်းတစ်ခုကိုထူထောင်လိုက်ပါတော့တယ် အဲ့တာကတော့SEX EDUCATIONပါပဲ ဘာသာပြန်တွေကတော့ Shwe Yee Oo,Wai Zin,Linn Kyaw Swar Aung,Hein Thet Naingတို့ပဲဖြစ်ပါတယ် encodeပေးထားတာတော့sithu File size…  700 mb /  300 MB Quality… WEB Rip 1080p / 720p Format… mp4 Duration….  48 m Genre .....  Drama, Comedy Subtitle…. Myanmar Subtitle (Hard Sub) Encoder…. Thit San Khant . August . Sithu Translated by.. Mr.Anderson, Garfield , El MoH, Act Molemy, Shwe Yee Oo, Wai Zin, Linn Kyaw Swar Aung, Hein Thet Naing , HWL, JimX, Chit Tee, Charm Wave

The Vanishing (ဆိတ်သုဉ်းပျောက်ကွယ်ခြင်း) တဲ့။ ဒီကားလေးကိုရေးရတာ ရင်ထဲမှာ အရမ်းကိုထိရှမိတယ်။ ဇာတ်ကားပြီးသွားတဲ့အချိန်မှာ လူကငြိမ်ပြီးကျန်နေခဲ့တဲ့ ခံစားမှုမျိုးကို ခံစားခဲ့ရတယ်။ ဇာတ်လမ်းက အဆန်းကြီးမဟုတ်ဘူး။ ဒါပေမယ့် လူတွေရဲ့ဖြစ်တတ်တဲ့သဘာဝကို ပီပီပြင်ပြင်ဖော်ပြပေးသွားတယ်။ အရမ်းကောင်းပါတယ်။ ရင်ထဲမှာတစ်ခုခုကျန်ခဲ့တဲ့အရသာကို ကြိုက်နှစ်သက်တယ်ဆိုရင်တော့ လုံးဝကိုကြည့်သင့်တဲ့ကားကောင်းတစ်ကားပါ။ ဇာတ်လမ်းကတော့ မီးပြတိုက်စောင့်ဖို့ အလှည့်ကျတဲ့ လူသုံးယောက်ဟာ ဂျူတီဝင်ဖို့အတွက် မီးပြတိုက်ကို ရောက်လာခဲ့ပါတယ်။ သူတို့ရောက်ရှိပြီးမကြာခင်မှာပဲ မီးပြတိုက်ရှိရာကျွန်းကို လူတစ်ယောက်နဲ့ သေတ္တာတစ်လုံး မျောပြီးလာတင်နေတာကို တွေ့ခဲ့ရတယ်။ အဲဒီကစပြီး သုံးယောက်လုံးရဲ့ ကံကြမ္မာဟာ ပြောင်းလဲသွားခဲ့ပါတယ်။ အထူးသဖြင့် တိတ်ဆိတ်ခြောက်သွေ့တဲ့မီးပြတိုက်လိုနေရာတစ်ခုမှာ စိတ်ခြောက်ခြားစရာတွေပါ ထပ်ရောက်လာခဲ့မယ်ဆိုရင် ဒီလူသုံးဦးရဲ့ ကံကြမ္မာက ဘယ်လိုဖြစ်သွားမလဲဆိုတာကို ပြသပေးသွားတာဖြစ်ပါတယ်... အားပေးကြပါဦး... File Size : (927 MB) Quality :Web DL 720p Running Time :1hr 41 min Format : Mp4 Genre :Drama , Mystery , Thriller Subtitle : Myanmar Subtitle (Hard Sub) Translated by Tar Tee Poe Encoded by Moe Myint Lwin