Cory Walls ပါဝင်သော ဇာတ်ကားများ

ဒီတစ်ခေါက်တင်ဆက်ပေးမဲ့ ဇာတ်ကားလေးကတော့ friendship နဲ့ပတ်သတ်တဲ့ ရုပ်ရှင်ကားကောင်းလေးပါ။ လူတိုင်း ဘဝမှာ အခင်ဆုံးသူငယ်ချင်းတစ်ယောက်တော့ အနည်းဆုံး ရှိကြမှာပါ။ ကျောင်းသား ကျောင်းသူဘဝတုန်းက သက်တူ ရွယ်တူ စိတ်တူ ကိုယ်တူ သူငယ်ချင်းတွေလည်း အများကြီး ရှိခဲ့ ကြဖူးမှာ‌ပေါ့။ ဒါပေမဲ့ အသက်အရွယ်တွေ ကြီးပြင်းလာပြီး 20 somethingအရွယ်တွေ ကိုရောက်တဲ့အခါမှာတော့ အဲဒီ သူငယ်ချင်းဆိုတဲ့ အဝန်းအဝိုင်းလေးက တဖြည်းဖြည်း သေးလာတာကိုလည်း ကြုံကြရမှာပါ။ အသက်အရွယ်တစ်ခုရောက်လာတဲ့အခါ ကိုယ်ဘဝ တစ်လျှောက်လုံး ပခုံးဖက်ပေါင်းလာခဲ့တဲ့ အခင်ဆုံးသူငယ်ချင်း ဟာလည်း အချိန်တိုင်းအနားမှာ မရှိနေနိုင်တော့ပါဘူး။ တစ်ခါတလေမှာဆိုရင် သဘောထားချင်းမတိုက်ဆိုင် ကြတော့လို့ ခွာပြဲကြရတာမျိုးတွေတောင်ရှိတတ်ပါ သေးတယ်။ ဒီဇာတ်ကားထဲက ကေတီနဲ့ ဒီလန်နီဟာလည်း အသက် 12နှစ် ကတည်းက မခွဲမခွာဘဲ အတူတူပေါင်းလာကြတဲ့ အခင်ဆုံး သူငယ်ချင်းတွေပါ။ ဒီလိုနဲ့ သူတို့နှစ်ယောက်အရွယ်ရောက် လာတဲ့အခါမှာ ကေတီက ချစ်သူရည်းစားအတည်တကျနဲ့ ဘဝကိုဖြတ်သန်းနေပေမဲ့ ဒီလန်နီကတော့ ဘဝကို ပျော်ပျော် ပါးပါး စားလိုက်သောက်လိုက်နဲ့ ဖြတ်သန်းနေတုန်းပါပဲ။ ဒါပေမဲ့ ဒီလန်နီက အပြောင်းအလဲတွေကို မနှစ်သက်သူမို့ သူတို့ရဲ့ သူငယ်ချင်းဆက်ဆံရေးကြားထဲမှာ ကေတီရဲ့ ကောင်လေး ဝင်လာတာကို သိပ်သဘောမကျပါဘူး။ တစ်ရက်မှာ ကေတီက သူ့ကောင်လေး‌ဆီကနေ လက်ထပ် ခွင့်တောင်းခံလိုက်ရ‌တော့ အပြောင်းအလဲတွေ သဘော မကျတတ်တဲ့ ဒီလန်နီကိုပြောပြဖို့ အခက်တွေ့လာပါတယ်။ ဒီလိုနဲ့ သူငယ်ချင်းဆက်ဆံရေးကြားထဲ ကတောက်ကဆ လေးတွေ ဖြစ်လာတာကို သဘာဝဆန်ဆန်ရိုက်ကူးပြထား တာပါ။ သူငယ်ချင်း ဆက်ဆံရေးနဲ့ပတ်သတ်တဲ့အကြောင်း အရာတွေအပြင်၊ Adult တစ်ယောက်ဖြစ်လာတဲ့အခါ ကြုံတွေ့လာရမဲ့ အမျိုးမျိုးသော အပြောင်းအလဲတွေကိုပါ လက်ခံတတ်စေဖို့ကို အဓိကထားပြီးရိုက်ကူးထားတဲ့ ရုပ်ရှင်ကားကောင်းတစ်ကားဖြစ်ကြောင်း ညွှန်းဆို လိုက်ချင်ပါတယ်။ File size… (1.43 GB) / ( 778 MB) Quality… WEB-DL 1080p HEVC /720p Format…mkv / mp4 Duration….1h 30m Genre …..Comedy Subtitle….Myanmar Subtitle (Hard Sub) Encoder….Min Wai Translated by Muse

Despicable Me ထဲက မီနီယံလေးတွေကို သီးသန့်အဓိကထားတဲ့ ဟာသကာတွန်းဇာတ်လမ်းတိုတွေ စုစည်းထားတာပါ။ Minion and Puppy လို အရင်ကရှိခဲ့တဲ့ ဇာတ်လမ်းတွေအပြင် ဇာတ်လမ်းအသစ်တွေလည်း ပါဝင်ပြီး မီနီယံလေးတွေရဲ့ ရယ်စရာအဖြစ်အပျက်မျိုးစုံကို ဇာတ်လမ်းတိုတစ်ပုဒ်ချင်းစီနဲ့ ပြောပြထားပါတယ်။

Illumination Presents: Minions Holiday Special (2020) IMDb Rating - 7.0/10 ကိုဗစ်ကြောင့်ခရီးမထွက်ရလို့စိတ်ညစ်နေတဲ့လူတွေကိုပျော်ရွှင်စေဖို့ Minions လေးတွေလာပါပြီ။ Holiday Special အနေနဲ့ Minions ဇာတ်လမ်းတိုလေး(၄)ပုဒ်ကိုရိုက်ကူးထားတာဖြစ်ပါတယ်။ Minionsလေးတွေကိုမြင်တာနဲ့ ဇာတ်လမ်းလေးတွေက ဘယ်လိုဖြစ်မယ်ဆိုတာကိုသိနေကြမယ်လို့ ထင်တာကြောင့် ထွေထွေထူးထူးမပြောတော့ပါဘူး။ ဇာတ်လမ်းတိုလေးတွေဖြစ်တဲ့အတွက် . နည်းနည်းလေးပြောပြလိုက်ရုံနဲ့ အနှစ်အရသာလျော့သွား နိုင်တာမို့ မိမိဘာသာဒီဇာတ်လမ်းလေးကိုဒေါင်းကြည့်ကြပါကုန်။ အခုကားလေးကိုကြည့်ပြီး တစ်ရက်တာကိုပျော်ပျော်ရွှင်ရွှင်ဖြတ်သန်းလိုက်နိုင်ကြပါစေ။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Chit Tee ပဲဖြစ်ပါတယ်။ Quality – 1080p WebRip/720p Duration - 21 min Subtitle – Myanmar Hardsub Format – Mp4 Genre : Animation, Short, Comedy Translator – Chit Tee Encoder – SWM

Secret Life Of Pets (2016) ရဲ့ Sequel အနေနဲ့ထွက်ရှိထားတဲ့ ဒုတိယမြောက်ဇာတ်ကားလေးပါ။ ပထမကားထက် Character ပိုစုံလာသလို ဇာတ်လမ်းဇာတ်ကွက်ကလည်း မြိုင်မြိုင်ဆိုင်ဆိုင်ရှိတဲ့အတွက် ပရိသတ်ကြီးတို့ သဘောကျကြဦးမှာပါ။ ကျွန်တော်တို့ ဇာတ်လိုက်လေး Max ဟာ အခုတော့ Duke နဲ့ အတော်လေး အပေးအယူမျှသွားကြပါပြီ။ ဆိုတော့ အရင်ကလို သခင်နဲ့အတူ အပူအပင်ကင်းကင်းနေတော့မယ်ဆိုတဲ့အချိန်မှ Katie ဟာ ရုတ်တရက် အိမ်ထောင်ကျသွားပါတယ်။ ဒီလိုနဲ့ Liam ဆိုတဲ့ ကလေးလေး မွေးဖွားလာခဲ့ပါတယ်။ အာရုံနောက်တာ မကြိုက်တဲ့ Max တစ်ယောက် တိုင်ပတ်တာပေါ့ဗျာ။ မြင်မြင်ရာ အလွတ်မပေးတတ်တဲ့ Liam နဲ့ ထိပ်တိုက်မတွေ့အောင် ရှောင်ရင်းတိမ်းရင်းပဲ အချိန်တွေကုန်လာခဲ့ပါတယ်။ ဒီလိုနဲ့ Liam လေး အရွယ်ရောက်လာတဲ့အခါမှာ Max နဲ့ သံယောဇဉ်တွယ်လာခဲ့သလို Max ဟာလည်း မျက်စိရှေ့က အပျောက်မခံနိုင်လောက်အောင်ကို အဖြစ်သည်းလာခဲ့ပါတယ်။ Liam ကို ခြေမွှေးမီးမလောင်လက်မွှေးမီးမလောင် ကာကွယ်ရင်း ဗျာများနေရတဲ့ Max အဖြစ်ကို မြင်ရမှာဖြစ်သလို တစ်ဖက်မှာလည်း ယုန်လေး Snowball ဟာ အရင်ကလို ယုန်ကြမ်းကြီး မဟုတ်တော့ဘဲ တိအကျိုးကို သယ်ပိုးထမ်းရွက်မဲ့ ဟီးရိုးတစ်ယောက်ဖြစ်လို့နေပါပြီ။ တိဥပဒေ စိုးမိုးရေးကို အကောင်အထည်ဖော်နိုင်ဖို့ ကြံဆနေတုန်း သူ့ကို အကူအညီလာတောင်းတဲ့ အမှုသည်တစ်ယောက် ဆိုက်ဆိုက်မြိုက်မြိုက်ရောက်ရှိလာတာမို့ အရူးဘုံမြောက် ဝမ်းပမ်းတသာ ကူညီပေးရှာပါတယ်။ ဒီလိုနဲ့ ကယ်တင်ရေးမစ်ရှင် စွန့်စားခန်းထွက်ကြတယ်ပေါ့ဗျာ။ ကာတွန်းကားဆိုပေမဲ့ ယူသင့်ယူထိုက်တဲ့ သင်ခန်းစာလေးတွေကို ပါးပါးနပ်နပ် ထည့်သွင်းပြသသွားတာမို့ အချိန်ပေးကြည့်ရှုရတာ တန်ပါတယ်ဗျာ။ (အညွှန်းနဲ့ ဘာသာပြန်သူကတော့ Thet Hnin Hsu ဖြစ်ပါတယ်) File size…     3.8 GB /    1.7 GB /    917 MB Quality… BluRay 4K HDR / 1080p / 720p Format… mp4 Duration…. 1h 30m Genre .....  Animation / Adventure Subtitle…. Myanmar Subtitle (Hard Sub) Encoder…. Thit San Khant Translated by Thet Hnin Hsu

ချစ်စရာMinionsလေးတွေကိုအားလုံးမှတ်မိကြမှာပါ။ Despicable me 1 ကနေစပြီးအောင်မြင်ခဲ့တဲ့ဒီဇာတ်ကားကို Illumination Entertainment နဲ့ Universal Picture တို့ကနေပြီး Despicable me 3ဆိုပြီး ထပ်မံရိုက်ကူးထုတ်လုပ်လိုက်ပါပြီ။ ဂရူးတယောက်တော့ဒီတခါ ဘော်တယ်ဇာ ဘရက်တ် ကိုနှိမ်နင်းရပါတော့မယ်။ ဘရက်တ်ဟာငယ်စဉ်ကကလေးသရုပ်ဆောင်ဖြစ်သလို၈ဝခုနှစ်လောက်ကသူသရုပ်ဆောင်ခဲ့တဲ့ဇာတ်ကောင်တွေကိုစွဲလန်းရူးသွပ်နေသူတယောက်ပါ။ ဒီကားလေးမှထူးခြားတာတော့ ဂရူးရဲ့အမြွာညီအစ်ကိုတယောက်ပေါ်လာတာပါပဲ။ ဒရူးဟာ ဂရူးလို ဗီလိန်အလုပ်တွေ လုပ်ဖို့ အရမ်းစိတ်အားထက်သန်နေပါတယ် ဂရူးကလည်း သူ့အလုပ်ပြန်ရဖို့ ဗီလိန်ဘော်တယ်ဇာ ဘရက်တ်ကို ဖမ်းဖို့လိုနေတာကတစ်ကြောင်း ဒရူးကလည်း ဗီလိန်လုပ်ပြီး ဘရက်တ်ခိုးသွားတဲ့စိန်ကို ပြန်ယူဖို့ ညီအစ်ကိုနှစ်ယောက်သား အတိုင်အဖောက်ညီညီ ကြိုးပမ်းကြပါတယ် ထုံးစံအတိုင်းရယ်ရယ်မောမောပေါ့ပေါ့ပါးပါးနဲ့ ထွက်ခဲ့ပြီးတဲ့ Despicable me1,2လိုပဲ ပရိသတ်ကိုကျေနပ်စေမှာပါ။ အဲတော့ ဒရူးနဲ့ဂရူးတို့ ဘယ်လိုကမ္ဘာကြီးကိုကယ်တင်ကြမလဲဆိုတာကိုတော့ ဇာတ်လမ်းအပြည့်အစုံကို ရှုစားကြပါဦးဗျာ.. File Size : 4K HEVC BluRay, 1080P , 720P Format : mkv / mp4 Duration: 01:29:39 Genre : Animation, Action, Adventure Subtitle : Myanmar Subtitle (Hard Sub) Encode by TSK