Craig Branham ပါဝင်သော ဇာတ်ကားများ

Colton Briggs ဟာ ကြေးစားအဖြစ် အသက်မွေးရင်း လူအများကြီးကို သွေးအေးအေးနဲ့ သတ်ဖြတ်ခဲ့တဲ့ လက်မရွံ့လူသတ်သမားတစ်ယောက်ပါ။ နှစ်တွေကြာလာတဲ့အခါ ချစ်ရသူကိုတွေ့ပြီး အိမ်ထောင်ပြုလိုက်သလို ကြေးစားဘဝကိုလည်း စွန့်လွှတ်ခဲ့တယ်။ စတိုးဆိုင်ဖွင့်ပြီး ဇနီးနဲ့ သမီးလေးတို့အတူ ပျော်ပျော်ရွှင်ရွှင် နေထိုင်နေပါတယ်။ ဒါပေမဲ့ သူချန်ထားခဲ့တဲ့ အတိတ်က ပြန်ရောက်လာတယ်။ လွန်ခဲ့တဲ့ နှစ်နှစ်ဆယ်က Colton သတ်ခဲ့တဲ့လူရဲ့သားဟာ လက်စားချေဖို့ သူ့အိမ်ရှေ့အထိ ရောက်လာတော့တာပါ။ Nicolas Cage ပါဝင်သရုပ်ဆောင်ထားတဲ့ ကောင်းဘွိုင်အက်ရှင်ဇာတ်ကား ဖြစ်ပါတယ်။

ဗိုလ်မှူးဘန်မာကိုနဲ့ ပထမတန်းဆာဂျင် ရေမွန်ရှောတို့ဟာ ၁၉၉၁ ခုနှစ် ကန္တာရမုန်တိုင်းတိုက်ပွဲမှာ ပါဝင်ခဲ့ကြပါတယ်။ အဲဒီတိုက်ပွဲမှာ ရဲရင့်စွာ တိုက်ခိုက်ခဲ့တယ်ဆိုတဲ့ အကြောင်းပြချက်နဲ့ ရေမွန်ဟာ ဂုဏ်ထူးဆောင်ဆုတံဆိပ် ချီးမြှင့်ခံရပြီး နောက်ပိုင်းမှာ လွှတ်တော်အမတ် ဖြစ်လာတယ်။ အခုတော့ ဒုတိယသမ္မတအဖြစ် ရွေးကောက်ခံဖို့အထိ ရှေ့ဆက်နေပါပြီ။ ဒါပေမဲ့ ဘန်နဲ့ အဲဒီတိုက်ပွဲမှာ ရှိခဲ့တဲ့တပ်သားတွေက ထူးဆန်းတဲ့အိပ်မက်တစ်ခုကို ထပ်ခါထပ်ခါ မက်နေကြတယ်။ အိပ်မက်ထဲမှာတော့ ဆုတံဆိပ်ရသင့်သူဟာ ရေမွန်မဟုတ်ဘဲ ဘန်ဖြစ်နေပြီး ရေမွန်ကိုသာ ထိုက်တန်သူလို့ ယုံကြည်အောင် နည်းတစ်မျိုးမျိုးနဲ့ စိတ်ကို ထိန်းချုပ်ထားသလို အပိုင်းအစတွေ မြင်နေကြရပါတယ်။ ရေမွန် ဆုတံဆိပ်ရလာတဲ့နောက်ကွယ်မှာ ဘာတွေရှိနေတာလဲ၊ တိုက်ပွဲထဲမှာ တကယ်ဘာဖြစ်ခဲ့တာလဲဆိုတာ ဘန်က စုံစမ်းဖို့ ကြိုးစားလာတယ်။ နိုင်ငံရေးလှည့်ကွက်တွေနဲ့ စိတ်ပိုင်းဆိုင်ရာလှည့်စားမှုတွေကို တွဲဖော်ပြထားတဲ့ ဒီဇာတ်ကားမှာ Denzel Washington၊ Liev Schreiber၊ Meryl Streep၊ Jon Voight နဲ့ Kimberly Elise တို့ ပါဝင်သရုပ်ဆောင်ထားပါတယ်။