Craig Fairbrass ပါဝင်သော ဇာတ်ကားများ

Rise of the Footsoldier: Retribution [2026] +++++++++++++++++ ဒီဇာတ်ကားလေးကတော့ ကြမ်းပေ့ရမ်းပေ့ အက်ရှင်ဇာတ်ဝင်ခန်းတွေကို ကြည့်ချင်တဲ့သူတွေအတွက် အကြိုက်တွေ့စေမဲ့ အက်ရှင်ဇာတ်ကားကောင်းလေးပဲ ဖြစ်ပါတယ်။ ဇာတ်လမ်းအကျဉ်းကတော့ စစ်သားဟောင်း ပတ်ထရစ် တိတ်ဟာ သူ့အချစ်ရဆုံး သူငယ်ချင်းဖြစ်သူ ဆမ်ကို ဂိုဏ်းတစ်ခုက ရက်ရက်စက်စက် သတ်ဖြတ်သွားတာကို သိရှိခဲ့ရပါတယ်။ ဒါကြောင့် သူဟာ အဲဒီဂိုဏ်းကို ခြေရာခံ စုံစမ်းရင်းနဲ့ စပိန်နိုင်ငံ အီဘီဇာမြို့မှာ သူ့သူငယ်ချင်းကို သတ်ခဲ့တဲ့လူတွေ ရှိနေကြောင်းကို သိလိုက်ရပြီး လိုက်လာခဲ့ပါတယ်။ ဒါပေမဲ့ အဲဒီမြို့လေးကို ရောက်တဲ့အခါ အဲဒီဂိုဏ်းက သာမန်အညတရဂိုဏ်းမဟုတ်ဘဲ မူးယစ်ဆေးနဲ့ လက်နက်မှောင်ခိုအရောင်းအဝယ်လုပ်နေတဲ့ ရာဇဝတ်ဂိုဏ်းကြီး ဖြစ်နေပြီး စီအိုင်အေတို့ကပါ အရေးယူစုံစမ်းနေတာကို သိလိုက်ရပါတယ်။ ဒီတော့ ပတ်ထရစ်အနေနဲ့ သူ့သူငယ်ချင်းကို သတ်ဖြတ်ခဲ့တဲ့လူတွေကို ဘယ်လိုလက်စားချေမလဲ၊ ဘယ်လိုအရှုပ်တော်ပုံတွေကြားက ကြိုးစားမလဲဆိုတာကို စိတ်ဝင်စားဖွယ်ရာ ကြည့်ရှုရမှာ ဖြစ်ပါတယ်။ File Size… (1.55GB) / (896MB) Quality… WEB-DL 1080p HEVC / 720p Format…mkv / mp4 Duration…1h 52m Genre …Action, Crime, and Thriller Subtitle….Myanmar Subtitle (Hard Sub)

ဒီနှစ်ထဲမှာ အသစ်ထွက်ရှိလာတဲ့ ခရမ်းချဉ်သီးပုပ် ၆၀နဲ့ IMDb 6.1 ရရှိထားတဲ့ Rise of the Footsoldier franchise ရဲ့ sequel ရုပ်ရှင်သစ်တခုဖြစ်ပါတယ်။ ဒီရုပ်ရှင်ထဲမှာလည်း Rise of the Footsoldier ရဲ့ပင်တိုင်သရုပ်ဆောင်ကြီး ခရိတ်ဖဲဘရက်စ်က ပတ်တိတ် နေရာကနေ ထပ်မံသရုပ်ဆောင်ထားပါတယ်။ ဇာတ်လမ်းအကျဉ်းကတော့ မှောင်ခိုလောကမှာ ဆေးအရောင်းအ၀ယ်အလုပ်လုပ်နေတဲ့ ပတ်ရဲ့မိတ်ဆွေဖြစ်သူဟာ ရက်ရက်စက်စက်သတ်ဖြတ်ခံလိုက်ရတာကြောင့် ပတ်တိတ်ဟာ မိတ်ဆွေဖြစ်သူအတွက် လက်စားချေပေးဖို့ရာ ဒီလူသတ်မှုရဲ့ နောက်ကွယ်ကတရားခံကို လိုက်လံစုံစမ်းရင်းကနေ မှောင်ခိုလောကရဲ့ထုံးစံအတိုင်း ရဲတပ်ဖွဲ့တွေ ဂိုဏ်းတွေနဲ့ ဇာတ်ရှုပ်ရပါတော့တယ်။ ဇာတ်လမ်းအကြောင်းကို အများကြီးမပြောတော့ပါဘူး ဖိုက်တင်ပလေးတာတွေကတော့ ကြမ်းတယ်လို့ပြောလို့ရမယ့်အထဲမှာပါပါတယ်။ သရုပ်ဆောင်ချက်တွေနဲ့ ဇာတ်လမ်းဇာတ်ကွက်တွေက တော်တော်အဆင်ပြေတဲ့အထဲမှာပါတာမလို့ အက်ရှင်ကားကြမ်းကြမ်းကြည့်ချင်နေတဲ့သူတွေအတွက်ကတော့ သင့်တော်မှာဖြစ်ကြောင်း ညွှန်းဆိုပေးလိုက်ပါတယ်။ File size…(1.6 GB)/(861 MB) Quality….Webrip 1080p / 720p Format…mp4 Duration….01:52:00 Genre...Action, Drama, Thriller Subtitle….Myanmar Subtitle (Hardsub) Encoder….Mr. Anderson Translated by Steven Khant

ဒီဇာတ်ကားလေးကတော့ နှစ်ရှည် အကျဉ်းသား တစ်ယောက်အကြောင်းကို ရိုက်ပြထားတဲ့ Crime /Drama ဇာတ်လမ်းလေးပဲဖြစ်ပါတယ်။ မိုက်ကယ်ဆန်ဟာ သူ့ ဇနီးကို ကိုယ်တိုင်သတ်ဖြတ်ခဲ့ပြီး ထောင်ကျခံနေရသူ တစ်ဦးပါ ဒေါသကြီးပြီး အကြမ်းဖက်တတ်တဲ့လူတစ်ယောက် ဖြစ်တာကြောင့် ထောင်ထဲမှာ အမှုတွေ တစ်ခုပြီးတစ်ခုဖြစ်ရင်း ထောင်သက်ဟာလည်း ပိုပြီး ရှည်ကြာလာခဲ့ပါတယ်။ မိုက်ကယ်ဆန်တစ်ယောက် ထောင်ထဲမှာ ဖြတ်သန်းနေထိုင်ပုံကို ရိုက်ကူးပြသထားတာဖြစ်ပြီး အမြဲ ကြမ်းကြမ်းတမ်းတမ်းနေတတ်တဲ့ မိုက်ကယ်ဆန်တစ်ယောက် သူ့သမီးနဲ့ တွေ့ရမယ့်အချိန်မှာ ဘယ်လိုဖြစ်မလဲဆိုတာ ကြည့်ရှုပေးကြပါဦးဗျာ...... File size…(1 GB)/(520 Mb) Quality….Webrip 1080p / 720p Format…mp4 Duration….01:45:00 Genre...Drama, Crime Subtitle….Myanmar Subtitle (Hardsub) Encoder….Garfield Translated by Ban

စစ်သားတိုနီတပ်ခ်ကာတစ်ယောက်ဖော့ကလန်စစ်ပွဲမှပြန်လာပြီးတဲ့နောက် သူရဲ့တိုက်ရည်ခိုက်ရည်နဲ့ ခေါင်းမာတဲ့လုပ်ရပ်တွေကြောင့် ကလပ်ရဲ့တံခါးမှုးအဖြစ်နဲ့ နာမည်ကြီးလာခဲ့ပါတယ်။ ကလပ်စီးပွားရေးရဲ့လက်ခွဲဖြစ်တဲ့ မူးယစ်ဆေးဝါးရောင်းဝယ်ဖောက်ကားတာတွေမှာပါ ပါဝင်လာခဲ့ပြီး ကလပ်လောကမှာနာမည်ကြီးတဲ့ သူတစ်ယောက်ဖြစ်ပါတော့တယ်။ နောက်ပိုင်းမှာ လူဆိုးဂိုဏ်းတွေနဲ့ပေါင်းစပ်မိပြီးတဲ့နောက် ကိုယ့်ကိုယ်ကိုမထိန်းနိုင်တော့ပဲ အခြေအနေတွေပိုဆိုးလာပြီတဲ့နောက် သူတို့ပညာပြခဲ့တဲ့ကောင်က သူ့ကိုဘယ်လိုဆွဲချမလဲဆိုတာကိုကြည့်ရှုရမှာပဲဖြစ်ပါတယ်။ ၂၀၂၁မှာထုတ်လွှင့်ခဲ့တဲ့ဇာတ်ကားဖြစ်ပြီး Action, Crime အမျိုးအစားဖြစ်ပါတယ်။ File size…  1.56 GB /  721 MB Quality… WEB DL 1080p / 720p Format… mp4 Duration…. 1h 39m Genre .....  Action , Crime Subtitle…. Myanmar Subtitle (Hard Sub) Encoder…. Thit San Khant Translated by Charm

Rise of the Footsoldier 4: Marbella (2019) IMDb Rating (5.6) / Rotten Tomatoes (30%) Rise of the Footsoldier ၆ကားထွက်ထားတဲ့ထဲက ၄ကားမြောက်ကားပါ။ တတိယကားလိုပဲ ပက်တိတ်ရဲ့ ဇာတ်လမ်းကိုပဲ အဓိကအခြေခံထားတယ်။ ပက်တိတ်က အကြမ်းဆုံးအရမ်းဆုံးကောင်ဖြစ်သလို လူကြိုက်လည်းအများဆုံးပဲထင်ပါတယ်။ ဖြစ်ရပ်မှန်မူရင်း၂ကားကိုဖယ်ရင် ၅ကားမြောက်မှာတော့ တိုနီတက်ကာအကြောင်းရိုက်ပြထားပေမဲ့ ၆ကားမြောက်မှာတော့ ပက်တိတ်ကိုပဲ ပြန်ရိုက်ပြထားပါတယ်။ ဆိုတော့ ၆ကားမှာ ပက်တိတ်ကိုဦးတည်ထားတဲ့ဇာတ်လမ်းချည်း ၃ကားရှိတယ်။ ပထမဆုံးကားကို မကြည့်ရသေးလို့ ဘာကားမှန်းမသိဘူးဆိုရင်တော့ Rise of the Footsoldierကားတွေဟာ မူးယစ်ရာဇာတွေ ဂန်းစတားတွေရဲ့ လောကအကြောင်း ဖြစ်ရပ်မှန်တွေကို အခြေတည်ပြီး ရိုက်ပြထားတဲ့ ဇာတ်တွေပါ။ ကြမ်းတယ် ရမ်းတယ်။ မဖွယ်မရာတွေပါတယ်။ ဒီလေးကားမြောက်မှာတော့ အက်ဆက်ကနေ ထွက်ပြေးသွားပြီးတဲ့နောက် စပိန်မှာ ပက်တိတ်ကြုံခဲ့ရတဲ့ တိုက်ပွဲတွေ အခြေအနေတွေကိုပြထားတယ်။ ၃ကားမြောက်မှာလည်းပြပေမဲ့ ဒီလောက်မစုံပါဘူး။ ဒီ၄ကားမြောက်မှာ ထပ်ဖြည့်ပေးလိုက်တယ် ပြောရမယ်။ ထူးတာက မူရင်းပထမကားမှာတော့ ပက်တိတ်ဟာ ထင်ရာစိုင်းတဲ့ လူကြမ်းလူရမ်းသက်သက်ပဲလို့ ပြနေပေမဲ့ တတိယကားမှာတော့ ပက်တိတ်ထင်ရာစိုင်းတာတွေဟာ အကြောင်းရင်းရှိကြောင်းပြခဲ့ပါတယ်။ ဒီစတုတ္ထကားမှာတော့ ပတ်တိတ်ကို သူရဲကောင်းဆန်ဆန်တောင် ပြနေပါတယ်။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (2.2 GB) / (1 GB) Quality…. Blu-Ray 1080p HEVC / 720p Format…. mkv/mp4 Genre…. Action,Crime Duration…. 01:25:20 Subtitle…. Myanmar Subtitle (Hardsub)

Action ကားကောင်းကြိုက်သူတွေအတွက် 2019 ထွက် Action ကားအသစ်စက်စက်ကြမ်းကြမ်းရမ်းရမ်းဇာတ်ကားလေးတစ်ခုပါ။ ဇာတ်လမ်းအစမှာတစ်မျိုးပေမဲ့ ဇာတ်လမ်းကဆွဲခေါ်သွားပုံလေးကစိတ်ဝင်စားစရာကောင်းပါတယ်။ ကိန်းဆိုတဲ့ထောင်သားတစ်ယောက် ဆေးရုံကအမေဖြစ်သူကို အစောင့်အရှောက်တွေနဲ့ လာတွေ့တာကနေစပါတယ်။ ဆေးရုံအဝင်ဝမှာပဲ မိခင်ဖြစ်သူဆုံးသွားပြီဆိုတာ သိလိုက်ရတော့ မိခင်ရဲ့နောက်ဆုံးအချိန်ကိုမမှီလိုက်သူတစ်ယောက်အနေနဲ့ မျှော်လင့်ထားတဲ့အတိုင်း လုံခြုံရေးတွေကိုလှဲသိပ်ပြီး ပြေးပါလေရော။ ဒီထိမထူးခြားပေမဲ့ ကိန်းဆိုသူရဲ့နောက်ကြောင်းကို ဖြေးဖြေးစီ ထိုးပြလာတဲ့အခါမှာတော့ ကိန်းဟာဘယ်လိုလူမျိုးဆိုတာ သိလာရပြီး ဇာတ်ရည်လည်လာသလို ဘာကြောင့်လဲဆိုတဲ့အဖြေတွေကိုဖြေးဖြေးချင်းတွေ့ရမှာပါ။ တိုက်ခိုက်ပုံအကြမ်းစားအလန်းစားတွေကိုလည်းတွေ့မြင်ရမှာဖြစ်ပါတယ်။ Rating ကလည်း 6.7 နဲ့ ဇာတ်ဆောင်မင်းသားကလည်း လူသိများပြီး မင်းသားပဲဖြစ်တဲ့အတွက် အကြောင်းသိပရိသတ်တွေကျေနပ်စေမဲ့ကားပါ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ Thura Zarni Aung ပါ) File Size : (750 MB) Quality : WEB-DL ,720p Running Time : 1hr 30min Format : Mp4 Genre : Action, Crime Subtitle : Myanmar Subtitle (Hard Sub) Source : 1080p.WEB-DL.DD5.1.H264-FGT Translated by Thura Zarni Aung Encode by THZ

Rise of the Footsoldier 3: The Pat Tate Story (2017) IMDb Rating (5.8) / Rotten Tomatoes (42%) Rise of the Footsoldierရဲ့ တတိယာကားပေမဲ့ တကယ်ဆို Spin-offကားလို့ ပြောရင်ပိုမှန်ပါမယ်။ ပထမ၂ကားလို ဖြစ်ရပ်မှန်သက်သက်တော့ မဟုတ်တော့ပါဘူး။ ဖြည့်စွက်ထားတာတွေ ရှိပေမဲ့ ဂန်းစတားကားတစ်ကားအနေနဲ့တော့ ကြည့်ကောင်းပါတယ်။ ၂ထက် ပိုကောင်းတယ်ပြောရမယ်။ ပထမဆုံးဖြစ်ရပ်မှန်ကားမှာ ပတ်တိတ်ကို တစ်ကားလုံးထဲက အကြမ်းအရမ်းဆုံး လူကြမ်းလူရမ်းကြီးအနေနဲ့ ပြခဲ့ပါတယ်။ ထိန်းမနိုင်သိမ်းမရ အရိုင်းအစိုင်း အစစ်ကြီးအနေနဲ့ပေါ့။ ဒီထဲမှာတော့ ပထမ၂ကားက အဓိကဇာတ်ကောင်က မပါတော့ပါဘူး။ ပထမကားထဲက တကယ်ဖြစ်ခဲ့တဲ့အမှုထဲမှာ သေသွားခဲ့တဲ့လူကြမ်းကြီး ၃ယောက်ရဲ့ ခင်မင်မှုကိုပဲ ပြထားတယ်။ ပထမကားမှာတော့ ပတ်တိတ်ဟာ ပလိန်းကြီး ကြောင်တောင်တောင်နဲ့ ရိုက်ပုတ်နေတဲ့ ရက်စက်တဲ့ လူသန်ကြီးလို့ ပုံဖော်ထားပေမဲ့ သူ့ဇာတ်လမ်းကို အသားပေးထားတဲ့ ဒီကားမှာတော့ ပတ်တိတ်မှာလည်း သူ့အကြောင်းနဲ့သူရှိနေတာကို ပုံဖော်ထားပါတယ်။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (2.9 GB) / (1.4 GB) Quality…. Blu-Ray 1080p HEVC / 720p Format…. mkv/mp4 Genre…. Action,Crime,Drama,Thriller Duration…. 01:39:42 Subtitle…. Myanmar Subtitle (Hardsub)

Rise of the Footsoldier: Part II (2015) IMDb Rating (5.4) / Rotten Tomatoes (24%) ၂၀၀၇မှာ ထွက်ခဲ့တဲ့ ဖြစ်ရပ်မှန် ဂန်းစတားလောကအကြောင်း ရိုက်ပြထားတဲ့ Rise Of The Footsoldierရဲ့အဆက်ကို ထပ်ထုတ်ထားတာပါ။ ဒီ၂၀၁၅ကားနောက်မှာ ၂၀၂၃အထိ ဆက်တိုက်ဆိုသလို ၄ကားထပ်ထုတ်ခဲ့သေးပေမဲ့ ဒီပထမဆုံး၂ကားရဲ့ အဓိကဇာတ်ကောင်လည်းဖြစ်သလို ဒီ၂ကားရဲ့ဇာတ်လမ်းကို ရေးခဲ့တဲ့ သက်ရှိထင်ရှားရှိနေသေးတဲ့ ကားလ်တန်လိချ်ရဲ့ ဇာတ်လမ်းတော့ မဟုတ်တော့ပါဘူး။ သူကိုယ်တိုင်ကလည်း ဒီ၂ကားက ဖြစ်ရပ်မှန်ဖြစ်ပြီး ကျန်တာတွေက ဖစ်ရှင်တွေပါလို့ ကြေညာထားတယ်။ ကားလ်တန်လိချ်ကတော့ တတိယစာအုပ် The Final Sayကို ရေးနေပါတယ်။ ပြီးရင် ရုပ်ရှင်အနေနဲ့ ထွက်လာဦးမှာပါ။ ပထမကားအပြီး နှစ်နည်းနည်းအကြာမှာ ဇာတ်အိမ်တည်ထားပါတယ်။ သံသယတွေနဲ့ စိတ်မလုံမှုတွေနဲ့ ချုံးချုံးကျနေတဲ့ သူ့ဘဝကို သူပြန်အဖတ်ဆည်ခဲ့တဲ့ အကြောင်းတွေကို ပြထားတယ်။ ဒုစရိုက်လောကက ဝင်ပြီးရင် ပြန်ထွက်ဖို့ လမ်းမရှိတဲ့အကြောင်းတွေကို ပြထားတယ်။ ပထမကားလောက်တော့ မကောင်းပေမဲ့ ပထမကားကြည့်ပြီးရင် ဘာဆက်ဖြစ်မလဲ သိချင်ကြမှာပါပဲ။ ဖြစ်ရပ်မှန်တွေမို့ ပိုတော့ သိချင်စရာကောင်းတယ်။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (1.3 GB) / (810 MB) Quality…. Blu-Ray Rip 1080p HEVC / 720p Format…. mkv/mp4 Genre…. Action,Crime Duration…. 01:52:14 Subtitle…. Myanmar Subtitle (Hardsub)

Bank Job ဒီဇာတ်ကားကတော့ ၂၀၀၈ ခုနှစ်က ထွက်ခဲ့တဲ့ ဖြစ်ရပ်မှန် မှုခင်း သည်းထိပ်ရင်ဖိုဘဏ်ဖောက်ကားတစ်ကားပါ။ ဒီဇာတ်ကားမှာတော့ Jason Statham က အဓိကသရုပ်ဆောင်အဖြစ်ပါဝင်ထားပါတယ်။ ဟာကင်မ်ဆိုတဲ့ မူးယစ်ဆေးမှောင်ခို ဒုစရိုက်သမားတစ်ယောက်ဟာ ဗြိတိသျှတော်ဝင်မင်းသမီးတစ်ယောက်ရဲ့ ညစ်ညမ်းတဲ့ဓာတ်ပုံတချို့ကို မှတ်တမ်းတင်ရိုက်ကူးထားပြီး ခြိမ်းခြောက်အကျပ်ကိုင်နေတယ်။ သူ့ရဲ့ဓာတ်ပုံတွေကို ဘဏ်တစ်ဘဏ်ရဲ့ အလုံပိတ်ခန်းတစ်ခန်းထဲက မီးခံသေတ္တာထဲမှာ သိမ်းထားတယ်လို့ ဗြိတိသျှထောက်လှမ်းရေးက သတင်းရတယ်။ အဲဒီအခါမှာ ဒီဘဏ်ကိုဖောက်ထွင်းဖို့အတွက် အကြောင်းဖန်လာတော့တယ်။ ဒါကြောင့် ဘဏ်ကိုဖောက်ဖို့အတွက် တယ်ရီ( Jason Statham)ဦးဆောင်တဲ့ လူဆိုးတစ်ဖွဲ့ကို ငှားပြီး အကောင်အထည်ဖော်ပါတော့တယ်။ ဒီဇာတ်ကားဟာ တခြားစိတ်ကူးယဉ် ဘဏ်ဖောက်ကားတွေလိုမဟုတ်ဘဲ ဖြစ်ရပ်မှန်ဖြစ်တာကြောင့် လက်တွေ့ဆန်တယ်၊ စိတ်လှုပ်ရှားစရာကောင်းတယ်။ အပိုအလိုတွေမပါဘဲ ထိထိမိမိရိုက်ကူးတင်ဆက်ထားနိုင်တယ်။ အစိုးရအရာရှိကြီး‌တွေရဲ့ ကြိုးကိုင်ခြယ်လှယ်မှုတွေ၊ အကျင့်ပျက်ခြစားမှုတွေနဲ့ အကွက်ချကြံစည်မှုတွေကို အရှိကိုအရှိအတိုင်း မချန်လှပ်ပဲပြသထ

Rise of the Footsoldier (2007) IMDb Rating (6.7) / Rotten Tomatoes (14%) ဒီကားက ဂန်းစတားကားဆိုတော့ ဂန်းစတားကြိုက်တဲ့လူတွေ ကြိုက်ကြမယ့်ကားပဲ။ ပိုထူးတာက ဒီကားက အကုန် တကယ့်ဖြစ်ရပ်မှန်တွေလို့ ပြောလို့ရတယ်။ အဲဒီထက်ပိုထူးတာက ဒီဇာတ်လမ်းကို ရေးခဲ့တဲ့သူ ဒီကားရဲ့ အဓိကဇာတ်ကောင်က အခုထိ သက်ရှိထင်ရှားပဲ။ ဇာတ်လမ်းတွေလည်း ထပ်ပြောပြနေတုန်းပဲ။ ၆ကားထွက်ထားတယ်။ ဒုတိယကားကတော့ ဒီကားလိုပဲ သူကိုယ်တိုင်ပြောပြထားတဲ့ ဇာတ်လမ်းပဲ။ ကျန်တဲ့ ၄ကားကတော့ ဖစ်ရှင်တွေဖြစ်သွားတယ်။ ဇာတ်ကတော့ ဘောလုံးအသင်းကို အားပေးတဲ့အဖွဲ့တွေချင်း ရန်ပွဲတွေကနေ စတယ်။ ဟိုဘက်အသင်းဖန်နဲ့ ဒီဘက်အသင်းဖန် ကွဲကြပြဲကြ ဓားထိုးကြ ဆော်ကြတဲ့အထိ အားပေးကြတယ်။ လူမိုက်လိုကောင်တွေပေါ့။ ဇာတ်ဆောင်က အဲဒီလိုကောင်တွေထဲက တစ်ကောင်ပဲ။ အဲဒီနောက် ကလပ်အပေါက်စောင့်ဖြစ်လာတယ်။ အဲဒီနောက် ဂန်းစတား။ မူးယစ်ရာဇာပေါ့။ အဲဒီမှာ သူကြုံခဲ့ရတဲ့ အခြေအနေတွေ သူကြုံခဲ့ရတဲ့ဘော်ဒါတွေအကြောင်း ပြောပြထားတယ်။ ကျန်တဲ့၅ကားတော့ ဘယ်လိုနေမလဲမသိပေမဲ့ ဒီပထမကားရဲ့ ဒါရိုက်တာက တင်ဆက်ပုံတော်တော်ကောင်းတယ်။ ဘိုင်အိုဂရပ်ဖီလိုဇာတ်ကို ပျင်းစရာမကောင်းအောင် ဇာတ်ကြောင်းပြောပြနိုင်တော့ တော်တော်တော့ ကြည့်ကောင်းတဲ့ ဖြစ်ရပ်မှန်ဂန်းစတားကားပါပဲ။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (4 GB) / (2 GB) Quality…. Blu-Ray 1080p HEVC / 720p Format…. mkv/mp4 Genre…. Action,Crime,Thriller Duration…. 02:15:39 Subtitle…. Myanmar Subtitle (Hardsub)

အမေရိကန်နိုင်ငံမှာ နေ့စဉ်လူတစ်သောင်းနီးပါးဟာအကြောင်းအမျိုးမျိုးနဲ့သေဆုံးလျက်ရှိပြီး သေဆုံးမှုအများစုဟာ မြို့ပြဝန်းကျင်မှာဖြစ်ပါတယ်။လူတစ်ဦးကိုသေဆုံးပြီလိုအတည်ပြုအပြီး သတိပြန်မလည်လာခင်အချိန်မှာ မျက်စိကွယ်လုနီးပါးတောက်ပတဲ့အဖြူရောင်အလင်းတန်းကိုတွေ့မြင်ရတဲ့အတွေ့အကြုံကိုသေလုနီးပါးအတွေ့အကြုံ(NDE)လို့ခေါ်ဆိုပြီး ပျှမ်းမျှအနေနဲ့ အမေရိကန်မှာ သေလုနီးပါးအတွေ့အကြုံ (NDE) ကိုကြုံဆုံရသူ တစ်နေ့ကို ၇၇၄ ဦးဝန်းကျင်ရှိတယ်လို့သိရပါတယ်။ဒီမှာဆိုရင်သေရွာပြန်လို့ခေါ်တဲ့လူမျိုးဖြစ်ပါလိမ့်မယ်။ Abe ဟာ သူ့ဇနီး၊သားတို့နဲ့အတူ မနက်စာထွက်စားနေတဲ့အချိန်မှာ လူတစ်ယောက်က သူ့ဇနီးနဲ့သားကို သေနတ်နဲ့အသေအချာချိန်ရွယ်ပစ်ခတ်ခဲ့ပြီး သူ့ကိုတောင်းပန်ကာ သူ့ကိုယ်သူလည်းသေနတ်နဲ့ပစ်သတ်သွားခဲ့ပါတယ်။ ဝေခွဲမရတဲ့စိတ် ယူကျုံးမရစိတ်တွေနဲ့ ဖြေမဆည်နိုင်တဲ့ Abe ဟာဆေးအလွန်အကျွံသောက်ပြီး သူ့ကိုယ်သူသတ်သေဖို့ကြိုးစားခဲ့ပေမယ့် သူ့သူငယ်ချင်းက အချိန်မှီသိရှိကယ်တင်နိုင်ခဲ့ပြီး သတိပြန်လည်မလာခင်အချိန်မှာ NDE အတွေ့အကြုံကိုရရှိခဲ့တဲ့နောက် Abe ဟာသေဆုံးတော့မယ့်လူတွေကိုသူတို့ဘေးမှာဖြာထွက်နေတဲ့အဖြူရောင်အလင်းတန်းတွေကတစ်ဆင့်ကြိုမြင်နိုင်စွမ်းရှိလာခဲ့ပါတယ်။ ဒီလိုနဲ့ အဲ့ဒီအစွမ်းကိုအသုံးချပြီးသေဘေးဆိုက်တော့မယ့်လူတွေကို ကယ်တင်နိုင်ခဲ့ပေမယ့် သူဟာကြီးမားတဲ့အမှားတွေတစ်ခုပြီးတစ်ခုကျူးလွန်နေခဲ့တာတွေကိုသိရှိလာရပြီးတဲ့နောက် သူ့ဇနီးနဲ့သားကိုပစ်သတ်သွားတဲ့သူဘာကြောင့် အဲ့ဒီလိုလုပ်ခဲ့ရတယ်ဆိုတဲ့အဖြေကိုပါ နားလည်လာတဲ့အခါမှာတော့..။မူရင်းဇာတ်ကားကို မှီရုံတင်မက မူရင်းထက်ပါ ပိုသာတဲ့ ရှားရှားပါးပါး Sequel တွေထဲက တစ်ခုဖြစ်ပါတယ်။မူရင်းဇာတ်ကားနဲ့ ချိတ်ဆက်မထားတဲ့ Stand alone sequel တစ်ခုလည်းဖြစ်တဲ့အတွက် Horror ပရိသတ်တွေလက်လွတ်မခံသင့်တဲ့ကားကောင်းတစ်ကားပါ။ File size…(1.6 GB)/(811 MB) Quality….Webrip 1080p / 720p Format…mp4 Duration….01:39:00 Genre...Thriller, Horror, Fantasy Subtitle….Myanmar Subtitle (Hardsub) Encoder….Mr. Anderson Translated by Alias

Sylvester Stallone ရဲ့ အောင်မြင်တဲ့ ရုပ်ရှင်ကားတွေအကြောင်းကို ပြောမယ်ဆိုရင် Cliffhanger ကိုလည်း ချန်လှပ်ထားလို့ မရပါဘူး။ မင်းသားဆို ဗလတောင့်တောင့်၊ ရုပ်ကြမ်းကြမ်းနဲ့မှ ပရိသတ်နှစ်ထောင်းအားရဖြစ်ကြတဲ့ ဟောလိဝုဒ်အက်ရှင်ကားတွေဟာလည်း ၉၀ ခုနှစ်များရဲ့ အမှတ်တရတွေလို့ ပြောရမယ်ဆိုရင်လည်း မမှားပါဘူး။ အားလပ်ရက်များမှာ အမှတ်တရပြန်ကြည့်ဖြစ်ကြမယ့် ရုပ်ရှင်စာရင်းတွေထဲမှာလည်း Cliffhanger က တစ်ခုအပါအဝင်ဖြစ်ပါတယ်။ ဇာတ်လမ်းအကျဉ်းအနေနဲ့ ရော်ကီတောင်တန်းကယ်ဆယ်ရေးရဲ့ ရိန်းဂျား နှစ်ယောက်ဖြစ်ကြတဲ့ ဂေ့ဘ်ဝေါ်ကာ (Sylvester Stallone) နဲ့ ဟဲလ်တက်ကာ (Michael Rooker) တို့နှစ်ယောက်ဟာ သူတို့ကိုသွေးကွဲသွားစေမ‌ယ့် အဖြစ်ဆိုးကြီးဖြစ်မလာခင်အထိ အချစ်ဆုံးသူငယ်ချင်းတွေ ဖြစ်ခဲ့ကြပါတယ်။ တစ်ရက်မှာတော့ ရည်းစားနဲ့အတူတောင်တက်ရင်း ဒဏ်ရာရကာ အခက်အခဲတွေ့နေတဲ့ ဟဲလ် နဲ့ ဆယ်ရာ တို့စုံတွဲကို ဂေ့ဘ် နဲ့ ဂျက်ဆီတို့ စုံတွဲက ကယ်ဆယ်ဖို့ ဖြစ်လာခဲ့ပါတယ်။ ရာသီဥတုအခြေအနေကြောင့် ချောက်ကမ်းပါးပေါ် ကြိုးသွယ်တန်းပြီး ကယ်ဆယ်ရတဲ့ အခြေအနေမှာ ဟဲလ်က တစ်ဖက်ခြမ်းကို ချောချောမွေ့မွေ့ ရောက်သွားနိုင်ခဲ့ပေမယ့်။ ဆယ်ရာကတော့ ကြိုးသိုင်းကလစ်ပြုတ်ထွက်ပြီး ပြုတ်ကျမလိုဖြစ်နေတာကြောင့် နှစ်ယောက်ဒဏ်မခံနိုင်တဲ့ကြိုးပေါ်ကို ဂေ့ဘ်ကိုယ်တိုင် တက်ရောက်ကယ်ဆယ်ခဲ့ရပါတယ်။ ဆယ်ရာကို အမိအရဖမ်းဆုပ်ထားနိုင်ခဲ့ပေမယ့် ဆက်ပြီးတော့ တွဲခိုကာလှမ်းမတက်နိုင်ခဲ့တဲ့ဆယ်ရာဟာ ကံမကောင်းအကြောင်းမလှဘဲ ဂေ့ဘ်လက်ကနေပဲ ချောက်ထဲကို ကျသွားခဲ့ပါတယ်။ အပြစ်ရှိစိတ်ရဲ့ဖိအားပေးမှုကြောင့် ဂေ့ဘ်ဟာ ရိန်းဂျားအလုပ်ကိုရော အားလုံးကိုပါ ရှောင်တိမ်းခဲ့ပါတယ်။ ၁ နှစ်ကြာပြီးတဲ့နောက် သူ့ရဲ့ကျန်ခဲ့တဲ့ပစ္စည်းတွေကိုလိုချင်တာကလည်း တစ်ကြောင်း၊ သူ့ရဲ့ရည်းစားဂျက်ဆီကိုလည်း သူနဲ့တပါတည်း ခေါ်ခဲ့ဖို့ သိမ်းသွင်းချင်တာကြောင့် ရော်ကီတောင်တန်းကယ်ဆယ်ရေးဆီကို ပြန်လာခဲ့ပါတယ်။ သူထင်မှတ်ထားသလိုဖြစ်မလာခဲ့ဘဲ သူ ရှောင်တိမ်းခဲ့တဲ့တောင်တက်သမားဘဝကသူ့ဆီကို တစ်ဖန်ပြန်ရောက်လာခဲ့ပါတော့တယ်။ ဂျက်ဆီကလည်း သူနဲ့အတူလိုက်ဖို့ ငြင်းဆန်ခဲ့တဲ့အပြင်. တောင်ပေါ်မှာ ဒုက္ခရောက်နေတဲ့အဖွဲ့ကို ကူညီဖို့ ရာသီဥတုဆိုးရွားနေတဲ့ကြားက ကယ်ဆယ်ရေးဆောင်ရွက်နေတဲ့ ဟဲလ်ကို ပါဝင်အားဖြည့်ဖို့ ဂျက်ဆီက ဂေ့ဘ်ကို နားချခဲ့ပါတယ်။ သူ့ရဲ့အပြစ်ရှိစိတ်ကို ကုစားနိုင်ဖို့အတွက်အပြင် အချစ်ဆုံးသူငယ်ချင်းဖြစ်သူ ဟဲလ်နဲ့ ဆက်ဆံရေးကို ပြန်လည်ရယူနိုင်ဖို့ ဒီအဖွဲ့ကို ကယ်ဆယ်မယ့်ဂေ့ဘ်ဟာ သူ့ကို စောင့်ကြိုနေတဲ့အန္တရာယ် နဲ့ ပြဿနာအရှုပ်အထွေးတွေကိုတော့ ကြိုမမြင်နိုင်ခဲ့ပါဘူး... File Size :  9.4 GB, 2 GB, 1 GB Quality : Blu-Ray HEVC 4K / 1080p / 720p Running Time : 1hr 53min Format : Mkv and Mp4 Audio : AAC & E-AC-3 Genre : Action, Adventure Subtitle : Myanmar Subtitle (Hard Sub) Translated by : Sai Sumali Encode by : Thit San Khant