Dalias Blake ပါဝင်သော ဇာတ်ကားများ

Bau: Artist at War (2025) +++++++++++ ဒီရုပ်ရှင်ဟာ ၂၀၂၄ ခုနှစ်က ထွက်ရှိခဲ့တယ်ဆိုပေမယ့် နိုင်ငံတကာမှာ ရုံတင်ပြသမယ့်ရက်က ၂၀၂၅ ခုနှစ် စက်တင်ဘာလဖြစ်တာကြောင့် ကြိုတင်ပြသပွဲတွေမှာ အရင်ကြည့်ရှုခွင့်ရခဲ့တဲ့ ရုပ်ရှင်တစ်ကားပါ။ ဒါက အမှန်တကယ်ဖြစ်ရပ်ပေါ်အခြေခံတဲ့ အချစ်ဇာတ်လမ်းတစ်ပုဒ်ပါ။ ဂျာမန်နာဇီတွေ ပိုလန်ကို သိမ်းပိုက်ထားတဲ့ ဒုတိယကမ္ဘာစစ်ကာလမှာ ဂျူးလူမျိုးအနုပညာရှင် Joseph Bau နဲ့ Rebecca Tennenbaum တို့ဟာ ပလက်ဇော့အကျဉ်းစခန်းမှာ ချစ်ကြိုက်ခဲ့ကြတဲ့ ဇာတ်လမ်းဖြစ်ပါတယ်။ စစ်ဆိုးကြီးထဲမှာ အနုပညာနဲ့ ဟာသဉာဏ်ကို အသုံးပြုပြီး လူ့အဖွဲ့အစည်းကိုခုခံပြသခဲ့တဲ့ Joseph Bau ရဲ့ ဘဝဇာတ်ကြောင်းကို အဓိကသရုပ်ဖော်ပြထားသလို သူ့ရဲ့ပန်းချီကားတွေနဲ့ စာရွက်စာတမ်းအတုတွေက တခြားသူတွေကိုကူညီပေးခဲ့ပုံတွေကို ရိုက်ကူးထားပါတယ်။ ဒီရုပ်ရှင်ကို ရိုက်ကူးရတဲ့ အဓိကအကြောင်းရင်းတစ်ခုကတော့ Schindler's List ရုပ်ရှင်မှာ နောက်ခံ ဇာတ်ကောင်အဖြစ်ပဲပါဝင်ခဲ့တဲ့ Joseph Bau ရဲ့ဇာတ်လမ်းကို ပိုနက်ရှိုင်းအောင်မီးမောင်းထိုးပြချင်လို့ပါ။ ဒီရုပ်ရှင်ထဲမှာ Oskar Schindler ကိုလည်း ပြန်တွေ့ရမှာဖြစ်ပါတယ်။ ဒါ့အပြင် ရုပ်ရှင်ရဲ့ ပုံရိပ်ဖမ်းမှု (Cinematography) နဲ့ တေးဂီတ (Score) တွေဟာလည်း အတော်လေး အသိအမှတ်ပြုခံရပါတယ်။ ရုပ်ရှင်ကားရဲ့ အဓိကထားတဲ့အချက်က ကြောက်မက်ဖွယ်ရာကောင်းတဲ့ အခြေအနေတွေကြားက လူသားစိတ်ဓာတ်၊ မျှော်လင့်ချက်နဲ့ အချစ်ရဲ့တန်ခိုးကို ပြသထားတာပါ။ ဒီရုပ်ရှင်ဟာ ရုံတင်မယ့်ရက်မတိုင်ခင် ကြိုတင်ပြသပွဲတွေမှာတင် ဆုတွေအများကြီး ရရှိခဲ့ပါတယ်။ လက်ရှိအချိန်ထိ ဆုပေါင်း ၇ ခုနဲ့ ဆန်ကာတင်ပေါင်း ၄ ခု ရရှိထားပြီး အထူးသဖြင့် Sunscreen Film Festival မှာ အကောင်းဆုံးဇာတ်ကား၊ အကောင်းဆုံးဒါရိုက်တာနဲ့ အကောင်းဆုံးပုံရိပ်ဖမ်းမှုဆုတွေ ရရှိခဲ့ပါတယ်။ Bau: Artist at War ရုပ်ရှင်ဟာ အမှောင်ထုကြီးကြားက လင်းတဲ့မီးအိမ်လေးတစ်ခုလိုပါပဲ။ လူသားတွေရဲ့အဆိုးဆုံးအချိန်တွေကြားမှာ အနုပညာ၊ အချစ်နဲ့ လူသားစိတ်ဓာတ်တွေက ဘယ်လိုခုခံပြသခဲ့လဲ ဆိုတာဖော်ပြတဲ့ စွဲမက်ဖွယ်ရာကောင်းတဲ့ ရုပ်ရှင်ကားတစ်ကားဖြစ်ပါတယ်။ ဒီရုပ်ရှင်ကိုကြည့်ရှုပြီးရင် သမိုင်းရဲ့သင်ခန်းစာတွေကို သတိရစေမယ့်အပြင် လူ့ဘဝရဲ့တန်ဖိုးကိုလည်း ပိုမိုနားလည်သွားစေမှာပါ။ File Size… (1.67GB) / (929MB) Quality… WEB-DL 1080p HEVC /720p Format…mkv / mp4 Duration…2h 10m Genre … Comedy , Drama , Romance , War Subtitle….Myanmar Subtitle (Hard Sub)

လူစီသွန်မဆင်ဟာ ကိုယ်ပိုင်စုံစမ်းရေးကုမ္ပဏီတစ်ခု ဖွင့်ထားပြီး အိမ်ထောင်ရေးဖောက်ပြန်မှုတွေကို လိုက်လံစုံစမ်းပေးနေသူပါ။ ငယ်ငယ်တုန်းက သူ့အဖေဟာ အတွင်းရေးမှူးနဲ့ ဖောက်ပြန်ပြီး သူ့အမေကို စွန့်ပစ်ထွက်သွားခဲ့တယ်။ အဲဒီအတွေ့အကြုံကြောင့်ပဲ လူစီက ဒီအလုပ်ကို ရွေးလုပ်ဖြစ်ခဲ့တာပါ။ အလုပ်ထဲမှာလည်း သစ္စာမဲ့မှုတွေကို နေ့တိုင်းတွေ့နေရတော့ လူစီဟာ ရည်းစားမထားဘဲ နေခဲ့သလို တစ်ယောက်ယောက်ကို ယုံကြည်တာကိုတောင် အားနည်းချက်တစ်ခုလို့ မြင်နေပါတယ်။ တစ်နေ့မှာ ကလိုက်ကက်ဆယ်ဆိုတဲ့ အမျိုးသားတစ်ယောက် ရောက်လာပြီး သူ့ဇနီး ဖောက်ပြန်နေတယ်လို့ သံသယရှိတဲ့အတွက် စုံစမ်းပေးဖို့ အလုပ်အပ်လာတယ်။ အမှုကို လိုက်စုံစမ်းရင်း လူစီနဲ့ ကလိုက်တို့ကြားမှာပါ ဖောက်ပြန်တဲ့ဆက်ဆံရေး ဖြစ်လာပါတယ်။ အဲဒီကနေ ဘယ်လိုလူသေဆုံးမှုတွေ ကြုံလာရမလဲဆိုတာကို အလှည့်အပြောင်းတွေနဲ့ ဆက်ပြထားတဲ့ သည်းထိတ်ရင်ဖိုဇာတ်ကားပါ။

Aidan နဲ့ Claire တို့ဟာ အထက်တန်းကျောင်းမှာ ဆုံခဲ့ကြတဲ့ လူငယ်စုံတွဲပါ။ Claire က မိဘတွေလိုတော့ ဘယ်တော့မှ လိုက်မလုပ်ဘူးလို့ ဆုံးဖြတ်ထားပြီး ကိုယ့်အနာဂတ်အတွက် ရည်မှန်းချက်တွေ ကြိုစီစဉ်ထားသူဖြစ်ပါတယ်။ Aidan နဲ့ ချစ်သူဖြစ်တဲ့အခါမှာလည်း အထက်တန်းကျောင်းပြီးရင် လမ်းခွဲပြီး ကိုယ့်လမ်းကိုယ် ဆက်လျှောက်ကြဖို့ နှစ်ယောက်သား သဘောတူထားကြတယ်။ ကျောင်းပြီးလို့ နှုတ်ဆက်ရမယ့်အချိန် ရောက်လာတော့ Aidan က Claire အတွက် ထူးခြားတဲ့ နောက်ဆုံးချိန်းတွေ့မှုလေးတစ်ခု စီစဉ်ပေးပါတယ်။ ကြိုတင်သဘောတူထားတဲ့ လမ်းခွဲစကားကို တကယ်ပြောရတော့မှ ထင်သလောက် မလွယ်မှန်း နှစ်ယောက်သား သိလာကြတယ်။ စီစဉ်ထားတဲ့အတိုင်း နှုတ်ဆက်သွားကြမလား၊ ချစ်သူတွေအဖြစ် ဆက်ရှိနေကြမလားဆိုတဲ့ ရွေးချယ်မှုနဲ့ ရင်ဆိုင်လာရပါတယ်။

သည်းထိတ်ရင်ဖိုမှုခင်းဇာတ်ကားတွေကို ကြည့်ရှုချင်တဲ့ ပရိသတ်တွေအတွက် ၂၀၁၈ခုနှစ်ထွက် Dragged Across Concrete ဆိုတဲ့ ဇာတ်ကားလေး တင်ဆက်ပေးလိုက်ပါတယ်… IMDb -7.3/10 နဲ့ Rottem tomatoes 73 တောင်ရရှိထားပြီး ရင်တမမနဲ့ တကယ်မိုက်တဲ့ဇာတ်ကားတစ်ကားဖြစ်ပါတယ် ရစ်ဂျမန်းနဲ့ အန်သနီဆိုတဲ့ ရဲအရာရှိနှစ်ယောက်တို့ဟာ တရားခံဖမ်းတဲ့နေရာမှာ ကြမ်းတမ်းစွာ ကိုင်တွယ်ဖြေရှင်းခဲ့တာတွေကို အရပ်သားတစ်ဦးက ဗီဒီယိုရိုက်ယူခဲ့အပြီးမှာတော့ တီဗီသတင်းထဲအထိ ဟိုးလေးတကြော်ကြော်ဖြစ်ပြီး အလုပ်ကနေ လစာမဲ့ လေးပတ် ခေတ္တရပ်စဲခံရပါတယ်။ စုံထောက်ရစ်ဂျမန်းဟာ နောက်လမှာ အသက် ၆၀ပြည့်ပင်စင်ယူရတော့မှာဖြစ်ပြီး ပင်စင်ယူချိန်ရောက်ရင် နေမကောင်းတဲ့ ဇနီးနဲ့ ဆယ်ကျော်သက်သမီးလေးကို ထောက်ပံ့ဖို့ ငွေရေးကြေးရေး အခက်အခဲရှိနေသူပါ။ အန်သနီကလည်းမကြာခင် လက်ထပ်တော့မှာဖြစ်ပြီး သူ့ရှေ့ရေးအတွက် နဲ့ ရည်းစားကို ရွှေပေါ်မြတင်ထားချင်သူအနေနဲ့ သူကလည်း ပိုက်ဆံတစ်နည်းနည်းနဲ့ လိုအပ်နေပါတယ်။ ပိုက်ဆံလိုနေကြတဲ့ အလုပ်လက်မဲ့ ရဲစုံထောက်နှစ်ယောက်ဟာ တစ်နေ့မှာ မသင်္ကာတဲ့ ကားတစ်စီးနောက်ကိုလိုက်ရင်း ရာဇဝတ်မှုတစ်ခုထဲ ခုန်ဆင်းလျက်သားဖြစ်နေပါတော့တယ်။ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုဇွဲခန့်သွင်ပါ) File Size : (1.20 GB) and (550 MB) Quality : WEB-DL 720p Running Time : 2h 39min Format : Mp4 Genre : Action, Crime, Drama Subtitle : Myanmar Subtitle (Hard Sub) Source : 1080p.WEB-DL.DD5.1.H264-CMRG Translated by Zuel Khant Thwin Encoded by Thanhtike Zaw

RoboCop(2014) ဒီကားက RoboCop remake သာမဟုတ်ခဲ့ရင် အရမ်းကောင်းတဲ့ စက်ရုပ်ကားတစ်ကားဖြစ်မှာဖြစ်ပြီး နာမည်ကြောင့် လူတွေ စိတ်ပျက်တာဖြစ်ပါတယ်။ လူတိုင်းကြိုက်ခဲ့တဲ့ RoboCop ကို ယူပြီး ဇာတ်လမ်းလုံးဝပြောင်းလိုက်တာကလည်း ပရိတ်သတ်ကို ဒေါသထွက်စေပါတယ်။ အထူးသဖြင့် ကျွန်တော်တို့ခေတ်က RoboCop က Made in USA ဖြစ်ပြီး ဒီ RoboCop ကတော့ Made in China ဖြစ်ပါတယ်။ အဲ့ဒီလောက်ထိ ဒီဘက်ခေတ်နဲ့ လျှော်ညီအောင် ရိုက်ကူးထားနိုင်သလို ဇာတ်လမ်းအားဖြင့်လည်း အထူးကောင်းမွန်ပါတယ်။ စက်ရုပ်နဲ့ လူနဲ့ တွဲထားပြီး စက်ရုပ်လိုပဲ လိုသလို ထိမ်းခြုပ်နိုင်အောင်ကြိုးစား ပေမယ့် လူဦးနှောက်နဲ့ နှလုံးသားက အထိန်းအချုပ်မခံ ပဲ Program ကို Override လုပ်တာမျိုး တွေက ဒီဘက်ခေတ် စက်ရုပ်အက်ရှင်ကား တစ်ကားအနေနဲ့ အထူးကောင်းမွန် ပါတယ်။ ဒါပေမယ့် RoboCop Remake ဆိုတာတစ်ခုတည်းနဲ့တင် RoboCop fan တွေ ကလက်မခံ ချင်ကြပါဘူး။ အားလုံးခြုံပြောရရင် ဇာတ်ကားကောင်းတစ်ကားပါ။ RoboCop လို့မမြင်ပဲ စက်ရုပ်ကားတစ်ကား လို့ သာ မြင်ရင် သို့မဟုတ် RoboCop (1987) ကားကို မကြည့်ဖူးရင်၊ ဇာတ်ကားကောင်းတစ်ကားဖြစ်လာ မှာပါ။ ကြည့်သင့်ပါတယ်။ ဒါက ဒီဘက်ခေတ်ကလေးတွေအတွက် 2014 RoboCop ပါ။ IronCop လို့နာမည်ပေးရင်တောင် တော်တော် ကောင်းပါဦးမယ်။ RoboCop နဲ့ လားလားမှမတူပါဘူး။ ကျန်တာအကုန်ကောင်းပါတယ်။ File size…1.61GB / 685MB Quality…WEB-DL 1080p / 720p Format…mp4 Duration….1h 57m Genre ..... Crime , Action , Sci-Fi Subtitle….Myanmar Subtitle (Hard Sub) Encoder….Min Wai

MonsterVerse Timeline MonsterVerse ရဲ့ ၅ ကားမြောက် Godzilla x Kong: The New Empire (2024) လဲထွက်လာခဲ့ပြီဆိုတော့ Godzilla, Kong နဲ့ သူတို့ကြားက အဖြစ်အပျက်တွေကြားက timeline ကို တစ်ချက်ပြန်ကြည့်ကြည့်ရအောင်. ဒီ timeline ထဲက အဖြစ်အပျက်တွေက ထွက်ရှိခဲ့တဲ့ MonsterVerse ရုပ်ရှင်၊ ဇာတ်လမ်းတွဲတွေအပြင် tied in graphic novels တွေက အကြောင်းတွေပါ ပါဝင်ပါတယ်။ Event တွေများ source တွေလည်း များလို့ မှားနေတာ လိုနေတာရှိရင် ဝင်ဆွေးနွေးသွား ထောက်ပြသွားနိုင်ပါတယ်။ - 252 millions BC ကမ္ဘာ့ မျက်နှာပြင်ပေါ်မှာ Radiation တွေ ယနေ့လက်ရှိအချိန်ထက် အဆပေါင်းများစွာရှိနေတုန်းက radiation ကို စားသုံးကြီးထွားတဲ့ Godzilla နဲ့ တခြား Titan တွေဟာ ကမ္ဘာမျက်နှာပြင်ပေါ်မှာနေကြတယ်။ ဒီမှာ Shinomura ဆိုတဲ့ နှစ်ကောင်ပေါင်းပြီး တစ်ကောင်ဖြစ်နိုင်တဲ့ Titan နဲ့ Godzilla တို့ ချနေကြတဲ့အချိန် ဘေးကိုဥက္ကာခဲကြီးကျလာပြီး ဖြစ်လာတဲ့ ကျင်းကြီးထဲကို Shinomura ပြုတ်ကျသွားတယ်။ ဥက္ကာခဲကျပြီး ပေါက်ကွဲမှုကြီးကြောင့် ကမ္ဘာ့ မျက်နှာပြင် radiation ပမာဏ ကျဆင်းသွားတဲ့အတွက် Godzilla နဲ့ တခြားအကောင်ကြီးတွေ နေစရာ စားစရာရှားလာတာမို့လို့ radiation ရှိသေးတဲ့ ကမ္ဘာ့အတွင်းပိုင်း၊ ပင်လယ်ရေအောက်ကြမ်းပြင် တွေကို ပြောင်းရွှေ့သွားကြသလို မြေအောက်မှာ နှစ်တေတွအကြာကြီး hibernate လုပ်ကိန်းအောင်းနေကြတာတွေလည်း ဖြစ်ကုန်ကြတယ်။ - Hollow Earth နဲ့ Skull Island ကမ္ဘာ့ မျက်နှာပြင်အောက်မှာ အခေါ်င်းကြီးဖြစ်နေပြီး Godzilla လို တခြား titan ကြီးတွေ နေထိုင်ကြတဲ့ Hollow Earth ဆိုတာရှိတယ်။ ဒီ Hollow Earth နဲ့ ချိတ်ဆက်နေတဲ့ တစ်နေရာကတော့ ပင်လယ်ထဲက ပြင်ပလောကနဲ့ အဆက်အသွယ်မရှိတဲ့ Skull Island ဆိုတဲ့ ကျွန်းကြီးတစ်ကျွန်း။ ဒီကျွန်းကို Kong ရဲ့ မျိုးနွယ် ape ကြီးတွေရောက်လာပြီး နေကြတယ်။ ဒါပေမယ့် နောက်တော့ Skullcrawler ဆိုတဲ့ကောင်တွေပေါ်လာလို့ Kong တို့အမျိုးတွေနဲ့ နှစ်ပေါင်းများစွာ စစ်ခင်းကြတယ်။ Iwi လူမျိုးတွေ ကျွန်းပေါ်စရောက်လာတဲ့အချိန်မှာတော့ Skull Island မှာ Kong ရဲ့ မိဘနှစ်ပါးပဲ ကျန်တော့တယ်။ Skullcrawler တွေလက်ချက်ကြောင့် Kong မွေးပြီးပြီးချင်း သူ့မိဘတွေ ဆုံးသွားခဲ့တယ်။ - Early 20th Century 1926 မှာ အမည်မသိလူတစ်ယောက် ဦးဆောင်တဲ့အဖွဲ့တစ်ဖွဲ့က ဒီ hollow earth ကို စူးစမ်းလေ့လာဖို့ထွက်သွားခဲ့ပေမယ့် ပြန်ပေါ်မလာခဲ့ဘူး။ 1938 မှာတော့ ပြင်သင်နိုင်ငံက ဂူကြီးတစ်ခုက Hollow Earth ရဲ့ ဝင်ပေါက်တစ်ပေါက်ဖြစ်ပြီး ဒီကသွားရင် Titan ကြီးတွေဆီရောက်လိမ့်မယ်လို့ ပုံတွေဘာတွေ ထွက်ရှိလာခဲ့တယ်။ 1943 မှာလည်း U.S.S Lawton ဆိုတဲ့ အမေရိကန် စစ်ရေယာဥ်တစ်စင်းဟာ အမည်မသိအကောင်တစ်ကောင် တိုက်ခိုက်ခံခဲ့ရပြီး William Randa တစ်ယောက်ကလွဲလို့ တစ်ယောက်မှ အသက်ရှင်မကျန်ခဲ့ဘူး။ US အစိုးရကတော့ ဒါကို ဖုံးကွယ်ခဲ့တယ်။ - WWII and Hiroshima ဒုတိယကမ္ဘာစစ်အတွင်း အမေရိကန်တိုက်လေယာဥ်တစ်စင်းနဲ့ ဂျပန်တိုက်လေယာဥ်တစ်စင်းတို့ ရင်ဆိုင်တိုက်ခိုက်ရင်း ကျွန်းတစ်ကျွန်းပေါ်ကိုပျက်ကျတယ်။ ဒီကျွန်းက Kong နေတဲ့ Skull Island ဖြစ်နေသလို ဒါကိုသိသွားခဲ့ကြတဲ့ pilot ၂ ယောက်ဟာ ရန်သူတွေကနေ မိတ်ဆွေတွေ၊ ညီအစ်ကိုတွေဖြစ်သွားခဲ့ကြပြီး ကျွန်းကလွတ်မြောက်ဖို့ အတူတူကြိုးစားခဲ့ကြတယ်။ 1945 မှာ Hiroshima ကို nuclear bomb ဖေါက်ခွဲခဲ့တဲ့အခါမှာတော့ ကြီးမား များပြားတဲ့ radiation တွေပေါ်ထွက်လာခဲ့ပြီမို့လို့ အရင် တိမ်မြုပ်နေတဲ့ titan တချို့ ပြန်လည်နိုးထလာတယ်။ အရင်ဆုံး ပေါ်လာတာကတော့ Godzilla နဲ့ ရင်ဆိုင်ရင်း ချောက်ထဲကျသွားတဲ့ Shinomura ဖြစ်ပြီး သူ့ကိုမျက်မြင်တွေ့ခဲ့သူတွေထဲမှာ “Let them fight” ဆိုပြီးပြောခဲ့တဲ့ Dr. Serizawa ရဲ့ အဖေ Eiji လည်းပါပါတယ်။ - 1946 - Monarch 1946 မှာတော့ Monarch ကိုတည်ထောင်တယ်။ ဒီ “အကောင်ကြီးတွေ” ကိုရှာဖွေ လေ့လာ စူးစမ်းဖို့အတွက်ပေါ့။ နောက်တော့ Monarch အဖွဲ့ထဲမှာ Eii Serizawa လည်း ပါဝင်လာခဲ့တယ်။ Monarch အဖွဲ့ကို ဦးဆောင်ခဲ့သူတွေထဲမှာ Keiko Miura, Lee Shaw နဲ့ Bill Randa တို့လည်း ပါဝင်လာခဲ့တယ်။ Keiko က single mother တစ်ယောက်ဖြစ်ပြီး အစပိုင်းမှာ Lee Shaw နဲ့ ကြိုက်မလိုဖြစ်ခဲ့ပေမယ့် နောက်တော့ သူနဲ့ စိတ်တူကိုယ်တူ Bill Randa နဲ့ပဲ လက်ထပ်ဖြစ်ခဲ့တယ်။ ဒါပေမယ့်လည်း ၃ ယောက်သားက အခင်မင်မပျက်ခဲ့ဘူး။ ဒီကြားထဲ Shinomura ပေါ်လာပြီး နေရာစုံ လိုက်တိုက်ခိုက် ရန်ရှာနေတာကို Godzilla က လိုက်ရန်တွေ့မောင်းထုတ်နေရင်း 1954 ခုနစ် Castle Bravo nuclear “စမ်းသပ်မှု” မှာ Monarch နဲ့ US အစိုးရက Godzilla နဲ့ Shinomura ကို မျှားခေါ်ပြီး ဖေါက်ခွဲခဲ့တာမှာ Godzilla တော့ မသေဘဲ Shinomura အလုံးစုံ ပျက်စီးသွားခဲ့တယ်။ 1959 မှာတော့ Keiko Miura တို့ ၃ ယောက် Kazakhstan မှာ သွားရောက် စူးစမ်းရှာဖွေတုန်း အကောင်တွေထွက်လာလို့ Keiko ပါသွားတယ်။ 1962 မှာ Lee Shaw ဦးဆောင်ပြီး Operation Hourglass ဆိုတဲ့ Hollow Earth ကို စူးစမ်းလေ့လာတဲ့ခရီးထွက်ခဲ့တယ်။ ဒါပေမယ့် အဆက်အသွယ်ပြတ်တောက်သွားခဲ့လို့ Bill Randa တစ်ယောက်ပဲ ကျန်ခဲ့တော့တယ်။ - 1973 - Kong: Skull Island 1973 ခုနစ် US အစိုးရက Vietnam စစ်ပွဲက ဆုတ်ခွာလာတဲ့အချိန် Bill Randa နဲ့ Monarch အဖွဲ့ဟာ လက်နက်ကိုင် အစောင့်အရှောက်တွေနဲ့တကွ Skull Island ကိုသွားပြီး စူးစမ်းလေ့လာခဲ့တယ်။ ဒီမှာ Skull crawler တွေလက်ချက်နဲ့ Brill Randa အပါအဝင် အများအပြား သေခဲ့ကြတယ်။ James Conrad, Brooks, San နဲ့ WWII pilot Marlow တို့ပဲ လွတ်မြောက်ခဲ့တယ်။ Bill က မသေခင် သူ့မှတ်တမ်းတွေကို ရေထဲမျှောပစ်ခဲ့တယ်။ - 1982 - Lee Shaw 1982 ခုနစ်မှာ Shaw တစ်ယောက် Monarch ဆေးရုံတစ်ရုံမှာ ပြန်လည်နိုးထလာတယ်။ သူ့အတွက် Hollow Earth ထဲမှာ ရက်အနည်းငယ်ပဲကြာသေးပေမယ့် ခုသူပြန်ရောက်လာတဲ့အခါမှာတော့ Keiko ရဲ့သား Hiroshi ကပါ Monarch မှာ လူကြီးတစ်ယောက်ဖြစ်နေပြီ။ Bill ရဲ့ recording တွေကို ပြန်ဆယ်တွေ့ထားလို့ ဒီကြားထဲ Bill ဆုံးသွားမှန်း သိခဲ့ရတယ်။ - 1973- Aaron Brooks 1973 ခုနစ် Skull Island က ပြန်လွတ်လာခဲ့တဲ့ Huston Brooks ရဲ့ သား Aaron Brooks ကလည်း Monarch ဆီရောက်နေပြီ။ ဒီမှာ Skull Island လိုအရေးကြီးတဲ့နေရာကို Kong တစ်ကောင်တည်းလက်ထဲ ထားလို့ရမရ သွားကြည့်မယ်ဆိုပြီး သူ့အဖွဲ့တွေနဲ့အတူ Skull Island ကိုသွားတယ်။ ဟိုမှာအကောင်တွေလက်ချက်ကြောင့် တစ်ဖွဲ့လုံးနီးပါးသေတဲ့အပြင် Aaron တို့အဖွဲ့သားတစ်ယောက်ကြောင့် Iwi တွေရဲ့ တံတိုင်းတွေပါ ပျက်ကုန်တဲ့အခါ Aaron လည်း ပြန်မလာဖြစ်တော့ဘဲ Randa တုန်းကလိုပဲ recording တွေလုပ်ပြီး ရေထဲပြန်မျှောပေးလိုက်တယ်။ ဒီ recording တွေကို 2012 မှာ Huston Brooks ရရှိခဲ့တယ်။ - 1999 - MUTO 1999 မှာတော့ ဖလစ်ပိုင်က Titan လိုအကောင်ကြီးတစ်ကောင်ရဲ့ အရိုးစုတွေထဲမှာ ကပ်ပါးကောင်ဥ တွေရှာတွေ့ကြတယ်။ ကောင်းနေပြီး မြုံနေတဲ့ ဥတစ်လုံးကိုတော့ Nevada ကိုပြန်ယူသွားနိုင်ခဲ့ပေမယ့် နောက်တစ်ဥကတော့ ပေါက်သွားခဲ့ပြီ။ သိပ်မကြာခင်မှာပဲ ဂျပန်နိုင်ငံက Janjira nuclear power plant ကို ခုနက ဥကပေါက်ပြီးထွက်သွားတဲ့ဆိုတဲ့ MUTO ဝင်မွှေတယ်။ ဓာတ်ပေါင်းဖိုပျက်စီးတာကြောင့် Joe Brody ရဲ့ ဇနီးဆုံးသွားခဲ့တယ်။ ဒီမှာ MUTO က ဓာတ်ပေါင်းဖိုက radiation တွေကို စုပ်ယူနေပြီး နောက်ထပ် ၁၅ နှစ်လောက် မလှုပ်ရှား အိပ်စက်နေခဲ့တယ်။ Joe က ဇနီးဆုံးသွားတာ ဒီတိုင်း ငလျင်လှုပ်လို့ စခန်းပြိုတာကြောင့်မဟုတ်ဘူးဆိုပြီး တောက်လျှောက်တွေးနေ လေ့လာနေလို့ သူ့ reputation တင်မက သားဖြစ်သူနဲ့ပါ ဆက်ဆံရေးထိလာခဲ့တယ်။ - 2005 - Orca Technology Emma နဲ့ Mark Russell တို့ ဇနီးမောင်နှံပေါင်းပြီး Orca နည်းပညာကို စမ်းသပ်တီထွင်ခဲ့တယ်။ ဒီဟာကိုသုံးပြီး Titan တွေကို စကားပြောလို့ရ (သို့မဟုတ်) ဒီစက်ကြောင့် Titan တွေ အမူအကျင့် ပြောင်းနိုင်လိမ့်မလားဆိုပြီး ဖြစ်လာတယ်။ နှစ်ယောက် အိမ်ထောင်ကွဲသွားခဲ့ပြီးနောက် Monarch မှာ ဆက်ရှိနေရင်း ဒီနည်းပညာကို ဆက်လေ့လာနေခဲ့တယ်။ ဒီကြားထဲမှာလည်း MUTO စောင့်ကြည့်စခန်းတွေဆီ Alan Jonah ဆိုတဲ့လူ ခိုးဝင်တာမိရာက သူ့ပါ စောင့်ကြည့်စာရင်းထဲ ထည့်ခဲ့ကြတယ်။ - 2009 - Nathan Lind နဲ့ Mothra Nathan Lind ရဲ့ အစ်ကိုဖြစ်သူဟာ ၂၀၀၉ ခုနစ်မှာ Hollow Earth ကို စူးစမ်းလေ့လာဖို့ ခရီးထွက်ပေမယ့် ဝင်ဝင်ချင်းမှာပဲ မြေဆွဲအား ပြောင်းလဲမှုကြောင့် သေဆုံးခဲ့တယ်။ ဒီအချိန်မှာပဲ တရုတ်နိုင်ငံ Yunnan ပြည်နယ် တောအုပ်ကြီးထဲက သီးချင်းဆိုသံတွေ ကြားရတယ်ဆိုလို့ ရှာဖွေကြရာက Mothra ဖြစ်လာမယ့် ပိုးအိမ်ကိုတွေ့ခဲ့တယ်။ Outpost 61 ဆိုတာ ဆောက်လုပ်ခဲ့ကြပြီး Emma Russell ရဲ့ အဓိက တာဝန်ကျနေရာဖြစ်လာခဲ့တယ်။ - 2013 - Ford Brody Joe ရဲ့သားဖြစ်သူ Ford Brody ဟာ ဗုံးဖြုတ်စစ်သား EOD ပညာရှင်အနေနဲ့ ၁၄ လ ကြာ စစ်မှုထမ်းစထွက်ခဲ့တယ်။ - 2014 - Godzilla : G-Day Ford အိမ်ပြန်ရောက်ရောက်ချင်းပဲ အဖေဖြစ်သူ တားမြစ်နယ်မြေထဲဝင်လို့ဆိုပြီး သွားခေါ်ထုတ်ပေးရာက နှစ်ယောက်သား ပြန်ခိုးဝင်ရင်း MUTO ထွက်ပေါ်လာတယ်။ Brody ဆုံးတယ်။ ဒီမှာ MUTO နဲ့ Godzilla တို့လက်ချက်ကြောင့် မြို့တွေ ရွာတွေတော်တော်များများ ပျက်စီးကုန်ပြီး Godzilla နဲ့ တခြားကောင်တွေ ရှိနေသေးတယ်ဆိုတာ public က သိလာခဲ့တယ်။ San Francisco မှာဖြစ်ခဲ့တဲ့အတွက် ဒီနေ့ကို G-Day လို့ ခေါ်လာခဲ့ကြတယ်။ ဒီနောက်ပိုင်းမှာ Mark Russell လည်း Monarch က ထွက်သွားခဲ့တယ်။ - 2015 - Legacy of the Monsters Keiko ရဲ့ မြေးနှစ်ယောက်ဖြစ်တဲ့ Cate နဲ့ Kentaro တို့ အဖေတူ အမေကွဲမောင်နှမနှစ်ယောက်ဟာ ပျောက်သွားတဲ့ သူတို့အဖေ Hiroshi Randa ကိုလိုက်ရှာရင်း လူအိုရုံမှာ အသက်ကြီးသလောက် လျှင်မြန်ဖြတ်လတ်နေသေးတဲ့ Lee Shaw နဲ့တွေ့တယ်။ နေရာစုံ သွားလာရင်းနောက်ဆုံး Hiroshi နဲ့ပြန်တွေ့ပေမယ့် Shaw က Hollow Earth ကိုသွားလို့ရတဲ့ ဝင်ပေါက်ထွက်ပေါက်တွေအကုန်လုံးကို ပတ်ပစ်ဖို့ ကြိုးစားတယ်။ အကြောင်းအမျိုးမျိုးကြောင့် Cate, Shaw နဲ့ May တို့ ၃ ယောက် Hollow Earth ထဲရောက်သွားခဲ့တယ်။ ဒီမှာ Hollow Earth ထဲကိုရောက်တာ ရက်ပိုင်းပဲရှိသေးလို့ ကယ်မယ့်လူစောင့်နေတဲ့ Keiko နဲ့ ပြန်တွေ့ကြတယ်။ ရှိတဲ့စက်အပျက်တွေ ပြန်ပြင်သုံးရင်း လက်ရှိအချိန်ကို ပြန်လာဖို့ ကြိုးစားတာမှာ Shaw က အသေခံပြီး Hollow Earth မှာ ကျန်ခဲ့တယ်။ - 2016 - King Ghiorah Antarctica တိုက်က ရေခဲပြင်တွေအောက်မှာ မြုပ်နေတဲ့ ခေါင်းသုံးလုံးရှိတဲ့ Ghidorah ကို Monarch အဖွဲ့က ရှာဖွေတွေ့ရှိခဲ့တယ်။ - 2017 - Apex Cybernetics Hollow Earth မှာ ခနလေးသောင်တင်ပြီး ထွက်ပြေးလာခဲ့တဲ့ Keiko, Cate နဲ့ May တို့ဟာ 2017 ခုနစ် Skull Island ပေါ်က Apex Cybernetics စခန်းမှာ ပြန်လည်ထွက်ပေါ်လာခဲ့ပါတယ်။ - 2019 - Godzilla: King of the Monsters Emma နဲ့ သူ့သမီး Madison တို့ကို Alan Jonah က ပြန်ပေးဆွဲခဲ့ပြီး တခြား အိပ်စက်နေတဲ့ Titan တွေကို လိုက်နှိုးခဲ့ကြတယ်။ Emma က Alan နဲ့ပေါင်းပြီး Titan တွေကို ပြန်လွှတ်ပေးချင်တာဖြစ်ပေမယ့် သူတို့လွှတ်ပေးလိုက်တဲ့ Ghidorah က ကမ္ဘာ့ပြင်ပကလာတဲ့ ဂြိုလ်သားတစ်ကောင်ဖြစ်နေပြီး သူ့စိတ်အရ တစ်ဂြိုလ်လုံးကို ပျက်စီးအောင်လုပ်မှာဖြစ်လို့ Godzilla ပြန်နိုင်အောင် ဝိုင်းကူကြရတယ်။ နောက်ဆုံး Godzilla နိုင်ပြီး King of the Monsters ဖြစ်လာတယ်။ Dr. Serizawa နဲ့ Emma တို့ ဆုံးပါးခဲ့တယ်။ - 2021 - Kingdom Kong 2021 ခုနစ်မှာတော့ Monarch အဖွဲ့ဟာ Skull Island မှာရှိတဲ့ Hollow Earth ဝင်ပေါက်ကို တူးဖေါ်စမ်းသပ်ဖို့ လုပ်ကြတယ်။ ဒီအချိန်မှာပဲ ကြီးမားပြင်းထန်တဲ့ မုန်တိုင်းကြီးတစ်ခုကလည်း Skull Island ဆီကို ဦးတည်လာနေတယ်။ ဝင်ပေါက်ကို ဖေါက်ကွဲလိုက်မိတဲ့အချိန်မှာပဲ အထဲက Titan Camaztoz ဆိုတဲ့ လင်းနို့လိုကောင်ကြီးနဲ့ သူ့လိုအကောင်သေးသေးလေးတွေ ထွက်လာပြီး Kong နဲ့ ရင်ဆိုင်တယ်။ Iwi တွေရဲ့ ဟောကိန်းအရ နေရောင်ပျောက်တဲ့အချိန် မြေအောက်က ဒီဘုရင်ကြီးနိုးထလာမယ်လို့ ရှိတာမို့လို့ မုန်တိုင်းတွေကြောင့် နေရောင်ပျောက်တာနဲ့ အံကိုက်ဖြစ်နေတယ်။ Kong ဘက်ကနေ Monarch တိုက်လေယာဥ်တွေ ဝိုင်းကူလို့ Camaztoz ရှုံးသွားတယ်။ ဒါပေမယ့် မုန်တိုင်းကြီးကြောင့် Skull Island ရဲ့ eco system ကို လုံးဝ ထိခိုက်လာနေပြီမို့လို့ ကျွန်းပေါ်က Iwi လူမျိုးစုကို ကယ်ထုတ်ရင်း Kong ကိုပါ ပြောင်းရွှေ့ဖို့ လုပ်ကြရတယ်။ - 2024 - Godzilla vs. Kong Apex Cybernetics ရဲ့ Mechagodzilla project ကို ဖျက်ဆီးဖို့လို့ရင်း လူသားတွေနဲ့ Godzilla တို့ ထိပ်တိုက်တွေ့သလိုဖြစ်လာခဲ့တယ်။ ဒီအချိန် Skull Island က ပြောင်းရွှေ့လာတဲ့ Kong နဲ့လည်း Godzilla တို့ တွေ့ကြပြန်တယ်။ Apex ကလည်း Hollow Earth က အင်အားကြီးမားတဲ့ energy source တွေကို လိုချင်လာတဲ့အတွက် Kong ကိုလမ်းပြခိုင်းပြီး အထူးပြုလုပ်ထားတဲ့ ယာဥ်တွေနဲ့တကွ Hollow Earth ကို လိုက်သွားကြတယ်။ ဒီက ရတဲ့ Energy signature ကို ပြန်ပွားပြီး Mechagodzilla ကို အသက်သွင်းတယ်။ Kong ကလည်း Hollow Earth မှာ ပုဆိန်ပြန်ရပြီး သိပ်မကြာဘူး Godzilla ရန်စလို့ Japan ကိုသွားပြီး ရင်ဆိုင်ရပြန်တယ်။ Ishiro Serizawa ရဲ့သား Ren Serizawa ဟာ Apex က ပညာရှင်တစ်ယောက်ဖြစ်ပြီး Mechagodzilla ကိုမောင်းနှင်ရတဲ့ pilot လည်းဖြစ်တယ်။ Ghidorah ရဲ့ ဦးခေါင်းခွံနဲ့ ဦးနောက်ကိုသုံးပြီး လှုပ်ရှားတာဖြစ်တာမှာ Ghidorah က Pilot ကိုပြန်အပိုင်စီးပြီး Mechagodzilla ကိုမောင်းနှင်ခဲ့လို့ တွေ့သမျှအကုန်ဖျက်ဆီးမဲ့ပုံစံ ဖြစ်သွားခဲ့တယ်။ ဒါကြောင့် Godzilla နဲ့ Kong တို့နှစ်ယောက်ပေါင်းပြီး Mechagodzilla ကို ရင်ဆိုင် အနိုင်ယူခဲ့ရတယ်။ — (MonsterVerse Timeline ရှင်းတမ်းကို  Movie Monster FB Page မှ ကူးယူဖော်ပြပါသည်။) ထွက်ရှိပြီးသမျှ MonsterVerse ရုပ်ရှင်တွေကို ဒီမှာ  https://channelmyanmar.org/?s=monsterverse ကြည့်လို့ရပါတယ်။ +++++++++++++++++++++++++++++++++++++++++++++++++++ MonsterVerse ရဲ့ပထမဆုံးရုပ်ရှင်ကားကတော့ Godzilla (2014) ဖြစ်ပါတယ်။ Godzilla (2014) 2014 ခု နှစ်မှာထွက်ရှိခဲ့တဲ့ Godzilla ရုပ်ရှင်ဇာတ်ကားကိုတင်ဆက်ပေးလိုက်ပါတယ်.. IMDb Rating6.4 ရရှိထားပြီးတော့ Rotten Tomatoes 75% အထိလည်းရရှိထားပါတယ်.. ဒါရိုက်တာ Gareth Edwards ကနေ ရိုက်ကူးတင်ဆက်ထားခြင်းဖြစ်ပါတယ်..ဂျပန်နိုင်ငံက ရိုက်ကူးခဲ့တဲ့ Godzilla ဇာတ်လမ်းတွဲကို အမေရိကပုံစံ အသက်သွင်းပြန်လည်ရိုက်ကူးတင်ဆက်ထားခြင်းဖြစ်ပါတယ်.. အချွန်အတက်များနဲ့ရက်စက်ယုတ်မာစွာ..အဖျက်စွမ်းအားကောင်းတဲ့အထပ်မြင့်မိုးမျှော်အဆောက်အဦးများထက်ကြီးမားတဲ့သတ္တဝါကြီးတွေဟာ လူသားတွေရဲ့ရပ်တည်မှုကိုခြိမ်းခြောက်လာစဉ်မှာ ဘယ်လိုတွေဖြစ်လာမလဲဆိုတာကို ကြည့်ရှုခံစားရမှာပဲဖြစ်ပါတယ်.. ဒီတစ်ခါတော့ ဟောလိဝုဒ်က ဂျပန်တွေရဲ့ Godzilla ဇာတ်လမ်းကို ကောင်းအောင် ရိုက်နိုင်ခဲ့ပါပြီ။ ၁၉၉၈ တုန်းက နာမည်ပျက်ခဲ့တဲ့ Godzilla ဇာတ်ကား နဲ့ဒီကားက တစ်ခြားစီပါပဲ။ လက်ရှိ Godzilla ဇာတ်ကားက ဂျပန် တွေတီထွင်ခဲ့တဲ့ Gojira (Godzilla) ရဲ့ မူလ ဇာတ်လမ်းကို မှီငြမ်းပြီး ရိုက်ကူးခဲ့ပါတယ်။ ဇာတ်လမ်းကတော့ ၁၉၅၄ ကျော်လောက်ကတည်း Castle Bravo Nuclear Bomb Testing လုပ်တာကို ပြခဲ့ပြီး အဲ့ဒီတုန်းက ဗုံးက စမ်းသပ်ဗုံးမဟုတ်ပဲ Godzilla ကို သတ်ဖို့ကြိုးစားခဲ့တာပဲဖြစ်ပါတယ်။ ၁၉၉၉ ခုနှစ် မှာတော့ ဖီလစ်ပိုင်မှာ ဂေါ်ဇီလာရုပ်ကြွင်းကိုတွေခဲ့သလို ဥနှစ်လုံးကိုလည်း တွေ့ခဲ့ပါတယ်။ တစ်လုံးကတော့ ဥပေါက်သွားပြီး ထွက်သားပြီးဖြစ်နေတာကို တွေ့ရပါတယ်။ အဲ့ဒီအချိန်မှာ Breaking Bad မင်းသား Bryan Cranston (Joe Brody) နဲ့ သူ့မိန်းမက ဂျပန် Nuclear Plant မှာ အလုပ်လုပ်နေတာဖြစ်ပြီး၊ ရုတ်တရက် ငလျင် လှုပ်ခတ်သွားသလို၊ EMP (Electromagnetic Pulse) ကြောင့် မီးတွေလည်းပျက်သွားခဲ့သလို Power Plant ပြိုကျမှုကြောင့် (Trailer ထဲမှာပါတဲ့) သူ့မိန်းမ လည်း သေသွားခဲ့ပါတယ်။ သူ့မိန်းမသေတဲ့ အခန်းက ရိုက်ထားတာ အရမ်းပီပြင်ပြီး သူကိုယ်တိုင် တံခါးပိတ်လိုက်ရတာဖြစ်လို့လည်း ကြည့်ရတဲ့သူတွေကိုပါ စိတ်မကောင်းဖြစ်စေခဲ့ပါတယ်။ Joe က ဒီ Nuclear Plant ပြိုကျတာဟာ သဘာဝဘေးအန္တရာယ်မဟုတ်ဘူးလို့ ခံယူထားပြီး အစိုးရက တစ်ခုခုကို ဖုံးကွယ်ထားတယ်လို့ ယုံကြည်နေပါတယ်။ ၁၅ နှစ်ကြာပြီးမှာတော့ သူ့ရဲ့ သား Aaron Taylor-Johnson (Kick-Ass မင်းသား ဖြစ်ပြီး၊ Avengers:Age of Ultron မှာ Quicksilver အဖြစ်ပါဝင်မှာ ဖြစ်ပါတယ်။) က မိန်းမနဲ့ကလေးနဲ့ ရှိနေသလို စစ်ထပ်ထဲမှာလည်း Bomb Specialist အဖြစ် တာဝန်ထမ်းဆောင်ဖူးပါတယ်။ သူ တာဝန်ပြီးလို့ ပြန်လာတဲ့အချိန်မှာပဲ သူ့အဖေက Japan မှာ ဖမ်းခံနေရလို့ အာမခံနဲ့သွားထုတ်ပေးရာက စပြီး လွန်ခဲ့တဲ့ ၁၅ နှစ်က အဖြစ်အပျက်တွေရဲ့ အဖြစ်မှန်ကို သိခဲ့ရပါတယ်။Nuclear Power Plant ပြိုကျခဲ့တာက သဘာ၀ အတိုင်း ငလျင်မဟုတ်ပဲ MUTO (Massive Unidentified Terrestrial Object) ကြောင့်ပြိုကျခဲ့တာဖြစ်ပါတယ်။ ၁၉၉၉ ဖီလစ်ပိုင်မှာတွေ့တဲ့ MUTO ဥနှစ်ဥထဲက အထီးရဲ့ ဥက အကောင်ပေါက်ပြီး ဂျပန်ကိုရောက်လာတာဖြစ်ပါတယ်။ MUTO တွေရဲ့ အဓိက အစာက Nuclear Radiation ဖြစ်တာကြောင့် Nuclear Power Plant မှာလာပြီး အသိုက်လုပ်နေနေပါတယ်။ အဲ့ဒီအချိန်ထဲက လူတွေက မသတ်ရဲသလို မသတ် ပဲနဲ့ လေ့လာမှုတွေလုပ်နေခဲ့ကြပါတယ်။ (သတ်လိုက်ရင် သူဆီက Radiation တွေ Nuclear ဗုံးဖောက်သလို ပွင့်ထွက်မှာ စိုးလို့လို့ ရှင်းပြထားပါတယ်။) MUTO နဲ့ Godzilla တို့က လူတွေထက်နှ်စ်သန်းပေါင်းများစွာစောပြီး ကမ္ဘာကြီးမှာ Radiation တွေ ရှိနေတဲ့ အချိန်ထဲက ရှင်သန်နေတာဖြစ်ပါတယ်။ သူတို့က ဒီ Radiation ကနေ အဟာရဖြစ်ပြီး နေလာရာက တစ်ဖြည်းဖြည်း Radiation နည်းလာတဲ့နောက် ရေအောက်ထဲကို ဆင်းပြီးနေလာ ကြပါတယ်။ ရေအောက် ကြမ်းပြင်က ကမ္ဘာ့ဗဟိုနဲ့ နည်းပြီး Radiation ပိုရလို့ဖြစ်ပါတယ်။ ဖီလစ်ပိုင်မှာတွေ့တဲ့ Godzilla ရုပ်ကြွင်းက MUTO တွေကြောင့် သေတာဖြစ်မယ်လို့လည်း ရှင်းထားပါတယ်။MUTO အမရဲ့ဥကိုတော့ Nevada, USA ကို သယ်သွားခဲ့ပြီး အဲ့ဒီမှာရှိတဲ့ Nuclear Waste ထားတဲ့ တောင်ကြားထဲမှာ ထားထားပါတယ်။ အမက ဥကနေ အကောင်မပေါက်သေးပဲ အထီးက အရွယ်ရောက်လို့ အချက်ပေးတော့မှ သူက အကောင်ပေါက်လာတာဖြစ်ပါတယ်။ ၁၅ နှစ်ကြာပြီးတဲ့နောက်မှာ Japan က အထီးနဲ့ Nevada က အမတို့ San Francisco မှာ တွေ့ကြပြီး မျိုးပွားဖို့ အစီအစဉ်ဖြစ်ပါတယ်။ဒါပေမယ့် အထီးက အမကို Signal ထုတ်လွှတ်ပြီး ဆက်သွယ်ရာမှာ ကြားထဲက Godzilla က ကြားသွားပြီး တဖန် နိုးထလာပါတယ်။အဲ့ဒီကနေ Godzilla နဲ့ MUTO နှစ်ကောင်ရဲ့ တိုက်ပွဲ ကို ပရိတ်သတ်ကြီးရင်သက်ရှုမောဖွယ် ကြည့်ရှု ခံစားရမှာဖြစ်ပါတယ်။ Godzilla က ဒီကားမှာ လူတွေကို ဒုက္ခပေးဖို့မဟုတ်ပဲ "Godzilla came to restore balance to the nature" လို့ပြောထားပါတယ်။ ဆိုလိုတာက ကမ္ဘာကြီးကို ဒုက္ခပေးဖို့ လာတဲ့ ရန်သူတွေကို Godzilla က အမြဲ ရင်ဆိုင်ရပြီး ကမ္ဘာကြီးကို စောင့်လျှောက်နေတာဖြစ်ပါတယ် (Original Japan ကားကြည့်ဖူးသူတွေသိမှာပါ။)အရင်ကားဟောင်းတွေရဲ့ အရသာမပျက်ပဲ အမြင်ဆန်းနဲ့ ရိုက်ကူးထားနိုင်ပြီး Visual Effect ကောင်းကောင်း နဲ့ ကြည့်ရသလို၊ ဇာတ်လမ်း ဇာတ်သွားလည်း အရမ်းကောင်းပါတယ်။ Fight Scene တွေကလည်း အထူးကောင်းမွန်ပြီး၊ Godzilla ကို တင်ဆက်သွားတာလည်း အရမ်းပီပြင်ပါတယ်။ ဇာတ်လမ်း၊ သရုပ်ဆောင်၊ ဇာတ်ရှိန်အတက်အကျ ဘာမှပြောစရာမရှိသလို၊ Godzilla ရဲ့ အဓိက လက်နှက်ဖြစ်တဲ့ Atomic Ray ကိုလည်း မြင်တွေ့ခံစားရမှာဖြစ်ပြီး၊ ဒီဘက်ခေတ်လူငယ်တွေ၊ ၁၉၅၀ ကျော်က ဂျပန် ကားမကြည့်ဖူးတဲ့လူတွေအတွက် ဒီကားက Godzilla ရဲ့ အနှစ်သာရကို အပြည့်အ၀ ရရှိစေမှာဖြစ်ပါတယ်။ တစ်ခုရှိတာက Godzilla က အရင်တုန်းကနဲ့ ယှဉ်ရင် အနည်းငယ်ဝနေတာကိုတွေ့ရပါတယ်။အရမ်းကောင်းတဲ့ ဇာတ်ကားကောင်းတစ်ကားဖြစ်ပါတယ်။ ရုံမှာ မလွတ်တမ်း ကြည့်ရှုသင့်တဲ့ကား ကောင်း ဖြစ်ပါတယ်။ (No Sex, No Nudity) ပါ။ မိသားစုတူတူ ကြည့်နိုင်ပါတယ်။ ကလေး လူကြီးမရွေးကြည့်သင့်တဲ့ကားဖြစ်ပြီး Rated PG-13 ပါ။ #Sololay (အညွှန်းကို ရုပ်ရှင်မိတ်ဆက် Movie Review မှကူးယူဖော်ပြသည်...) File size…(5.6 GB)/(2 GB) / (1.2 GB) Quality….BluRay 4K HEVC/1080p HEVC / 720p Format…mkv/mp4 Duration….02:03:06 Subtitle….Myanmar Subtitle (Hardsub) Encoder….Ka Naung

Red Riding Hood (2011) IMDB : 5.4 Rotten Tomatoes : 10% Genre : Thriller / Mystery Red Riding Hood ကတော့ ၂၀၁၁ ခုနှစ်ထွက် Thriller Mystery ရုပ်ရှင်တစ်ကားဖြစ်ပါတယ်။ ဇာတ်ညွှန်း ရွာလေးတစ်ရွာရှိတယ်။ အဲဒီရွာလေးက ဝံပုလွေလူသားနဲ့ စစ်ပြေငြိမ်းပြီးနေတဲ့ရွာလေး။ ဒါပေမဲ့ တစ်ရက်မှာ ဝံပုလွေလူသားက စည်းဖောက်ပြီးရွာသားတွေကို သတ်လာပါတော့တယ်။ ရွာသားတွေ ဝံပုလွေလူသားကိုနှိမ်နှင်းဖို့ကြိုးစားပုံကိုမြင်ရမှာဖြစ်ပါတယ်။ ခံစားကြည့်ကြပါ။

I Love You, Beth Cooper (2009) မင်းသမီးချော Hayden Panettiere ရဲ့အလန်းစားပုံစံကိုမြင်တွေ့ရမယ့် ကျောင်းသားဘဝ အချစ်ဟာသ ဇာတ်ကားလေးပါ။ မင်းသား Paul Rust ရဲ့ အူကြောင်ကြားစတိုင်တွေကလဲ ဒီကားကို ပိုလို့ရယ်ရစေပါတယ်။ ဇာတ်လမ်းကတော့... စာဂျပိုး FA လေး ဒန်းနစ်ဟာ သူ့ရဲ့အူကြောင်ကြားရုပ်မှအားမနာ ကျောင်းမှာ အချောဆုံး အလှဆုံး အလန်းဆုံးဖြစ်တဲ့ Cheerleader Team ခေါင်းဆောင် ဘတ်ကူးပါးကို ကြိတ်ကြိုက်နေတာကြာပါပြီ။ ဖွင့်မပြောရဲ ဖွင့်မပြောရဲနဲ့ နေလာရင်းနဲ့ သူ့ဘော်ဒါနဲ့ တိုက်တွန်းချက်နဲ့ နောက်ဆုံးမှာတော့ ဖွင့်ပြောလိုက်ပါတော့တယ်... ဘယ်နေရာမှာလဲဆိုတော့ လူစုံတက်စုံတက်ရောက်တဲ့ ကျောင်းရဲ့ ဘွဲ့နှင်းသဘင်မှာ စင်ပေါ်ကနေ ရည်းစားစကားပြောချလိုက်တာပါ။ ဒါနဲ့တင် အားမရသေးဘဲ တစ်ကျောင်းလုံးက ကျောင်းသားတွေမကောင်းကြောင်းအပြင် ဘတ်ကူးပါးရဲ့ လက်ရှိရည်းစားမကောင်းကြောင်းတွေပါ ပြောချလိုက်ပါတယ်။ ဒီလိုအူကြောင်ကြား အလွဲလွဲအချောချော် ဒန်းနစ်နဲ့ အလန်းစားကောင်မလေး ဘတ်ကူးပါးတို့ ဘယ်လိုရှေ့ဆက်တွေ့ကြမလဲဆိုတာ.... ပေါ့ပေါ့ပါးပါး ဟာသနှောပြီး ကြည့်ကြရမယ့် ကျောင်းသားဟာသအချစ်ဇာတ်ကားလေးပဲဖြစ်ပါတယ်။ File size…(3.5 GB )/(1.3 GB)  Quality….BluRay 1080p HEVC / 720p Format…mkv/mp4 Duration….01:45:00 Subtitle….Myanmar Subtitle (Hardsub) Encoder….Ka Naung Trasnlated by Tun Oo Hlaing

Emily ဟာ ကလေးတွေကို ကူညီပေးတဲ့အဖွဲ့တစ်ခုမှာ အလုပ်လုပ်ပါတယ်။ ကလေးတွေ မိသားစုထဲမှာ ကောင်းကောင်းနေရရဲ့လား၊ မိဘတွေက ကောင်းကောင်းဆက်ဆံရဲ့လားဆိုတာ စစ်ဆေးပေးရတဲ့ သူ့အလုပ်မှာ ၃၉ ယောက်မြောက်အဖြစ် ပါလာသူက အသက် ၁၀ နှစ်အရွယ် Lily ပါ။ Lily ရဲ့မိဘတွေက သမီးကို သတ်ဖို့ကြိုးစားနေတာ သိလိုက်ရတဲ့အခါ Emily က ကယ်တင်ပေးခဲ့တယ်။ မိဘတွေ ထောင်ကျသွားတော့ Lily လည်း Emily ဆီမှာ လိုက်နေဖြစ်ပါတယ်။ အစပိုင်းမှာ အရာရာအဆင်ပြေနေပေမယ့် တဖြည်းဖြည်းနဲ့ Lily ရဲ့ပတ်ဝန်းကျင်မှာ ထူးဆန်းတဲ့အဖြစ်တွေ ပေါ်လာတော့တယ်။ ကိုယ်ကယ်တင်ပြီး ခေါ်ထားတဲ့ကလေးအနားမှာ ဒီလိုတွေ ဖြစ်လာတဲ့အခါ Emily ဘယ်လိုလုပ်မလဲဆိုတာကို ဆက်ပြထားတဲ့ ထိတ်လန့်သည်းဖိုဇာတ်ကားဖြစ်ပြီး Bradley Cooper နဲ့ Renée Zellweger တို့ ပါဝင်သရုပ်ဆောင်ထားပါတယ်။

ဂန်နီဆန်မြို့လေးရဲ့ တောအုပ်ထဲကို ထူးဆန်းတဲ့ အာကာသယာဉ်တစ်စင်း ပျက်ကျလာပြီးနောက် မြို့သားတွေရဲ့ဘဝဟာ ပြောင်းလဲသွားပါတယ်။ ဂြိုလ်သားတွေ ရောက်လာရုံတင်မကဘဲ သူတို့ကို လိုက်လံသုတ်သင်နေတဲ့ နောက်ထပ်ဂြိုလ်သားတစ်ကောင်လည်း ရှိနေတော့ မြို့လေးဟာ သူတို့ကြားမှာ ဓားစာခံဖြစ်သွားတယ်။ ဂြိုလ်သားတွေရဲ့ သိမ်းပိုက်မှုနဲ့ တိုက်ပွဲတွေကြားမှာ မြို့သားတွေဟာ ကိုယ့်အသက်ကို ကာကွယ်ဖို့ သက်စွန့်ဆံဖျား ရုန်းကန်ကြရပါတယ်။ ဒီအသက်လုပွဲနဲ့အတူ နိုင်ငံရေးအလှည့်အကွက်တွေကိုလည်း ဇာတ်လမ်းထဲမှာ ထည့်သွင်းထားပါတယ်။