Damon Wayans Jr. ပါဝင်သော ဇာတ်ကားများ

Scary Movie (2026) 4K HEVC +++++++++ ပရိသတ်တွေ အလွမ်းပြေ ပြန်လာတဲ့ Scary Movie 6 (2026) ဟော်ရာဟာသကား လာပါပြီ။ အရင်က မူလသရုပ်ဆောင်တွေဖြစ်တဲ့ Anna Faris (ဆင်ဒီ), Regina Hall (ဘရန်ဒါ), Shawn Wayans (ရေး) နဲ့ Marlon Wayans (ရှော့တီ) တို့ အစုံအလင် ပြန်ပါလာကြတယ်။ ဒီကားက အဓိကအားဖြင့် Scream 5 ရဲ့ "Requel" (အဟောင်းကို အသစ်ပြန်ရိုက်တာ) ဇာတ်လမ်းသွားကို နောက်ပြောင်ထားပြီး၊ အခုနောက်ပိုင်းခေတ်စားနေတဲ့ M3GAN, Get Out, Smile နဲ့ Wednesday စတဲ့ နာမည်ကြီးကားတွေကိုပါ ထည့်သွင်းလှောင်ပြောင်ထားတာ တွေ့ရပါတယ်။ ဇာတ်လမ်းအကျဉ်း +++++++++++++ ဇာတ်လမ်းအစမှာတင် ဆင်ဒီရဲ့ သမီးငယ် 'Tuesday' (Wednesday ဇာတ်ကောင်ကို နောက်ထားတာ) ဟာ Ghostface လူသတ်သမားရဲ့ တိုက်ခိုက်တာကို ခံလိုက်ရပြီး ဆေးရုံရောက်သွားတယ်။ အဲဒီသတင်းကို Tuesday ရဲ့ အစ်မဖြစ်သူ ဆာရာ (Sara) နဲ့ သူ့ရည်းစား ဂျက် (Jack) တို့ ကြားသွားတဲ့အခါ အရင်တုန်းက အဖြစ်ဆိုးတွေ ပြန်စလာပြီဆိုတာ သိလိုက်ကြတယ်။ ဆာရာက သူတို့ရဲ့ အမေ စင်ဒီ (Cindy) ဆီကို သွားရှာပါတော့တယ်။ အခုချိန်မှာ စင်ဒီက အရမ်းကို သံသယလွန်ကဲနေပြီး အိမ်မှာ ထောင်ချောက်တွေ အပြည့်ဆင်ထားတဲ့ လူအိုကြီးတစ်ယောက် ဖြစ်နေပါပြီ (Halloween ကားထဲက Laurie လိုမျိုးပေါ့)။ ဒီလိုနဲ့ Ghostface ရဲ့ အန္တရာယ်ကနေ ကာကွယ်ဖို့ ဆင်ဒီရယ်၊ သူ့ရဲ့ သူငယ်ချင်းဟောင်းတွေဖြစ်တဲ့ ဘရန်ဒါ၊ ရေး နဲ့ ရှော့တီတို့ ပြန်လည်ပူးပေါင်းမိကြပါတယ်။ ဒီကားထဲက Ghostface က အရင်ဇာတ်ကောင်ဟောင်းတွေကိုပါ လိုက်သတ်ဖို့ ကြိုးစားလာတာပါ။ ဇာတ်လမ်းတစ်လျှောက်မှာဆိုရင် ရှော့တီ ဆေးလွန်ပြီး ကေပေါ့ပ် (KPop) သရဲဖမ်းသမားတွေလို အာရုံချောက်ခြားတဲ့ အခန်းတွေ၊ Ghostface က ခေတ်သစ် အယူအဆတွေကို သည်းမခံနိုင်လို့ မြေအောက်ရထားပေါ်မှာ လူလိုက်သတ်တဲ့ အခန်းတွေနဲ့ တခြား ဟာသပြကွက်တွေ အများကြီး ပါဝင်ပါတယ်။ ဇာတ်ကားတစ်ကားလုံးကို နာမည်ကြီးရုပ်ရှင်မျိုးစုံကို လှောင်ပြောင်ထားပြီး ခေါင်းစားမခံဘဲ ခွီချင်တဲ့သူတွေအတွက်ရော ၉၀ အလွမ်းပြေအနေနဲ့ရော လက်လွတ်မခံသင့်တဲ့ ရုပ်ရှင်ပဲ ဖြစ်ပါတယ်။ File Size… (3.55GB)/(1.36GB) / (768MB) Quality… WEB-DL 4K HEVC/1080p HEVC / 720p Format…mkv / mp4 Duration…1h 36m Genre ….Horror , Comedy Subtitle….Myanmar Subtitle (Hard Sub)

စိတ်အပန်းဖြေဖို့ ပေါ့ပေါ့ပါးပါး ကြည့်လို့ရမဲ့ ဟာသကားလေးကို တင်ဆက်ပေးလိုက်ချင်ပါတယ်။ လင်နီက ငယ်ငယ်လေးကတည်းက သူ့အမေဆုံးသွားတာရော မိသားစုမရှိတာရောကြောင့် ကိုယ်ပိုင် မိသားစုလေး တည်ထောင်ပြီး မိခင်တစ်ဦးဖြစ်ချင်တဲ့ အိပ်မက်ရှိခဲ့ တာပါ။ ဒီလိုနဲ့ လင်နီအရွယ်ရောက်လာပြီး အိမ်ထောင်ပြုရမဲ့ အရွယ်ရောက်လာတော့ သူ့ရဲ့ ၄နှစ်ကြာတွဲခဲ့တဲ့ ချစ်သူနဲ့ မိသားစုလေး တည်ထောင်ဖို့ မျှော်လင့်နေခဲ့ပါတယ်။ ဒါပေမဲ့လည်း အလွဲလွဲအချော်ချော်တွေဖြစ်ပြီး ရည်းစားနဲ့လည်းပြတ် မိသားစုထူထောင်ချင်တဲ့အိပ်မက်လေးလည်း ပျက်စီးသွားချိန်မှာ လင်နီရဲ့ အချစ်ဆုံးသူငယ်ချင်းဖြစ်တဲ့ ကိတ်ကတော့ သားဦးလေးကို ကိုယ်ဝန်စလွယ်ထားရပါတယ်။ လင်နီ လိုချင်၊ဖြစ်‌ချင်ခဲ့တဲ့ မိသားစုအိပ်မက်ကို အခင်ဆုံးသူငယ်ချင်း ကိတ်ကပိုင်ဆိုင်နေရတာမြင်တော့ ဝမ်းနည်း၊ဝမ်းသာ၊ မနာလိုတွေ ဖြစ်ပြီး သူလိုချင်ခဲ့တဲ့ ကိုယ်ဝန်ဆောင်မိခင်ဘဝကို ခဏတာ ဟန်ဆောင်‌နေကြည့်ဖို့ဆုံးဖြတ်လိုက်ပါတယ်။ ဗိုက်အတုတပ်ပြီး ကိုယ်ဝန်ဆောင်ယောဂသင်တန်းသွားတက်ရာကနေ အလိမ်အညာ ထဲကရုန်းထွက်လို့မရတဲ့အခြေအနေကိုရောက်သွားတာကို ဟာသလေးနှောပြီး ကြည့်ရှုရမဲ့ ဇာတ်ကားတစ်ခုပါ။ R-rated ကားဖြစ်တာမလို့ ခပ်ရိုင်းရိုင်းစကားလုံးတွေနဲ့ ခုတင်ပေါ်က ဇာတ်ဝင်ခန်းတချို့ပါဝင်တာကြောင့် မိသားစုနဲ့အတူကြည့်ဖို့ မသင့်တော်ပါဘူး။ ဒီတိုင်းဘာမှမတွေးချင်ဘဲ ရိုးရိုးရှင်းရှင်း ဟာသ ကားလေးကြည့်ဖို့ရှာနေသူများကတော့ ဒီဇာတ်ကားလေးကို ကြည့်သင့်ပါတယ်။ ဗိုက်အတုနဲ့ ကိုယ်ဝန်သည်ဟန်ဆောင်တဲ့ လင်နီတစ်ယောက် ဘာတွေဆက်ဖြစ်မလဲဆိုတာကို‌ ဇာတ်လမ်းထဲမှာပဲဆက်လက် ကြည့်ရှုလိုက်ကြပါဦး။ File size… (1.70 GB) / (752 MB) Quality… WEB-DL  1080p HEVC / 720p Format…mkv / mp4 Duration….1h 37m Genre …..  Comedy , Drama Subtitle….Myanmar Subtitle (Hard Sub) Encoder….Min Wai Translated by Muse

Poppa’s House (2024) 2024 ထွက် Sit-com အသစ်လေးကို တင်ဆက်ပေးလိုက်ပါတယ်။ ဇာတ်လမ်းအကျဉ်းကတော့ မိန်းမဖြစ်သူနဲ့ ပျော်ပျော်ကြီးကွာရှင်းထားတဲ့ ရေဒီယိုအစီအစဉ်တင်ဆက်သူ ပေါ့ပါတစ်ယောက် အလုပ်မှာ သူ့ကိုလာယှဉ်မဲ့ အမျိုးသမီးအစီအစဉ်တင်ဆက်သူ ရိဒ်နဲ့ ထိပ်တိုက်ရင်ဆိုင်ရမှာအပြင် အိမ်ကျတော့လည်း အိမ်ထောင်ကျပြီး ကလေးတွေနဲ့ မိသားစုတစ်ခုရှိနေပေမဲ့ ဒါရိုက်တာဖြစ်ချင်တဲ့ အိပ်မက်ကိုလက်မလွှတ်နိုင်သေးတဲ့ သားဖြစ်သူ လမ်းကြောင်းမှားမသွားစေဖို့ ထိန်းကျောင်းသွန်သင်ရတာတွေကို Sit-com ထုံးစံအတိုင်း တဝါးဝါးနဲ့ ကြည့်ရှုကြရမှာပါ File Size – 455MB (Appx;)@Episode Quality – 1080p WEB DL Duration –30minute (@Episode) Total Episodes:13Eps Subtitle – Myanmar Hardsub Format – Mp4 Genre : Comedy Translator – TMMT Encoder – YK

Players (2024) ဒီနှစ်မှ အသစ်ကျပ်ချွတ်ထွက်ရှိထားတဲ့ အမေရိကန် Rom-Com လေးတစ်ကားနဲ့ မိတ်ဆက်ပေးချင်ပါတယ်။ ကောလိပ်ကတည်းက ပေါင်းသင်းလာပြီး သတင်းစာတိုက်တစ်ခုတည်းမှာ အတူအတူအလုပ်လုပ်ကိုင်နေကြတဲ့ သူငယ်ချင်းတစ်အုပ်ရှိပါတယ်။ သူတို့ကြားက ပိုပြီးထူးခြားတာလေးတစ်ခုကတော့ သူတို့ရဲ့ ကစားပွဲလေးတွေပါ။ သူတို့ သူငယ်ချင်းတစ်အုပ်ဟာ ပုံမှန်ဆိုသလိုပါပဲ ဘားတွေ ကလပ်တွေ ဆိုင်တွေ ပွဲတွေမှာ မျက်စိကျတဲ့သူကိုတွေ့ပြီဆိုတာနဲ့ သူတို့ရဲ့ ကစားကွက်ကို ခင်းပါပြီ။ တစ်ညတာအပျော်ဇာတ်ခင်းဖို့အတွက် သူတို့ရဲ့ ကစားကွက်တွေက ကုန်ခမ်းတယ်လို့ရယ် မရှိပါဘူး။ တစ်ယောက်က မျက်စိကျတဲ့သူတွေ့ပြီဆိုတာနဲ့ တစ်အုပ်စုလုံး ဝိုင်းဝန်းဇာတ်ပို့လိုက်ကြတာပါပဲ။ အားလုံးထဲမှာမှ မက်ခ်လို့ခေါ်တဲ့ မိမိမိုက်မိုက် အားကစားသတင်းထောက်မမကြီးကတော့ ဆရာမကြီးပေါ့။ မက်ခ်အဖို့ရာ ယောက်ျားတစ်ယောက်ကို တစ်ညတာအပျော်ကစားဖို့ အကွက်တွေကတော့ မရေမတွက်နိုင်အောင်ပါပဲ။ သူတို့ သူငယ်ချင်းတစ်အုပ်ကလည်း အမြဲစည်းစည်းလုံးလုံးပါပဲ။ ဒါပေမဲ့ ဒီလို မက်ခ်ခမျာ ယောက်ျားတစ်ယောက်ကို အပြတ်ကြွေသွားတဲ့အခါမှာတော့… လူတစ်ယောက်ကို ချစ်မိရင် သိမ်ငယ်စိတ်က မသိမသာလိုလိုနဲ့ ကပ်ပါတတ်ပါတယ်။ ဒါဟာ ဆရာမကြီးရဲ့ ကျဆုံးခန်းပါပဲ။ ကိုယ့်ကိုယ်ကိုယ်ယုံကြည်မှုတွေထက် ကိုယ်အထင်ကြီးမိသွားတဲ့သူရဲ့နောက်မှာ အသာလေးရောက်သွားတာမျိုး၊ ကိုယ့်ကိုယ်ကိုယ် ပမွှားလေးဖြစ်သွားသလိုခံစားရတာမျိုးတွေပေါ့။ မက်ခ်တစ်ယောက် အကွက်တွေရွှေ့နိုင်ပါ့ဦးမလား။ ချစ်တဲ့အမျိုးသားကိုရော အပိုင်ကြံနိုင်ပါ့ဦးမလား... မက်ခ်ချစ်မိသွားတဲ့အမျိုးသားနေရာမှာတော့ လူစီဖာအဖြစ် လူသိများတဲ့ Tom Ellis က သရုပ်ဆောင်ထားပါတယ်နော်။ ဇာတ်လမ်းက မှန်းရလွယ်ပေမယ့် ကြည့်ပျော်မှာပါ။ လေးလေးနက်နက်မှန်းထားရင်ဖြစ်ဖြစ် သင့်အချိန်ဟာ ရုပ်ရှင်’ကောင်းကောင်း’အတွက်သာ သုံးသင့်တယ်လို့ ယူဆထားသူဖြစ်ရင်တော့ ဒီကားကို ၂ခါမစဉ်းစားဘဲ ကျော်ပစ်ပါ။ အကွက်ကလေးတွေ လေ့လာချင်ရင်တော့ နေရစ်ပေါ့။ (ဒီဇာတ်ကားနဲ့အညွှန်းကို Z မှ ပြန်ဆို ရေးသားထားပါတယ်) Size - 2.05GB, 905MB Quality - 1080p, 720p IMDb Rating - 5.6/10 Format - mp4 Duration - 1H 45Min Genre - Comedy, Romance Subtitle - Myanmar Subtitle (Hardsub) Translated by Z Encoded by Y

Long Weekend (2021) IMDb Rating - 6.1/10 "အနာဂတ်နဲ့ပတ်သက်ပြီး အများကြီးမပြောနိုင်ပေမဲ့ တစ်နေ့တာကုန်ဆုံးသွားတိုင်း လူတွေဟာ တန်ဖိုးအထားခံရပြီး ပျော်ရွှင်ရတယ်ဆိုတဲ့ခံစားချက်ကို ခံစားချင်ကြဆဲ အချစ်ကို ရှာဖွေကြဆဲပါပဲ" လူတိုင်းဘဝမှာ တစ်ကြိမ်တစ်ခါလောက်တော့ စိတ်တွေ လွတ်ထွက်ဖူးမှာပါ ... အထူးသဖြင့် ဒီကားထဲက ဇာတ်ကောင် ဘက်လိုမျိုး အမေက ကင်ဆာနဲ့ဆုံး ကောင်မလေးကပစ်သွားတဲ့အပြင် အလုပ်ပါမရတဲ့အနေအထားမှာဆိုရင် ပိုလို့တောင်ဆိုးဦးမှာပေါ့။ ဒီလိုအခြေအနေကနေ သူငယ်ချင်းဖြစ်သူကြောင့် နလန်ထခါစ ပြုလာတဲ့အနေအထားမှာ ကောင်မလေးတစ်ယောက်နဲ့ အမှတ်အထင် တွေ့ဆုံခဲ့ပေါ့ဗျာ။ ပျော်စရာနတ္ထိဖြစ်နေတဲ့ ဘဝမှာ အချိန်တိုအတွင်း ရင်းနှီးခဲ့ရတဲ့ ကောင်မလေးကသူ့အတွက် အရာရာလာဖြစ်ပေမဲ့ လက်ကိုင်ဖုန်းမရှိ၊ မှတ်ပုံတင်မရှိဘဲ ဒေါ်လာတစ်သောင်းလောက်ကို အထပ်လိုက် အိတ်ထဲထည့်ပြီး လိုက်သွားနေတဲ့ ဒီကောင်မလေးကို ထူးဆန်းစပြုလာတဲ့အချိန်မှာတော့..... ဘဝမှာ အဝေးကြီးကို လှမ်းမမျှော်ဘဲ လက်ရှိအချိန်ကိုပဲ အကောင်းဆုံးနေထိုင်နိုင်ဖို့ကလည်း အရေးကြီးတဲ့အရာတစ်ခုပဲမလား ဒီဇာတ်ကားဟာ ခမ်းနားလွန်းတဲ့ အချစ်ဇာတ်လမ်းမျိုးမဟုတ်ပေမဲ့ ရင်ထဲရောက်စေမယ့် ရုပ်ရှင်ပါပဲ။ (ဇာတ်လမ်းအညွှန်းနဲ့ ဘာသာပြန်ရေးသားပေးသူကတော့ Amelia ဖြစ်ပါတယ်။) File Size -(1.5 GB) / (876 MB) / (417 MB) Quality – WebRip -(1080p) /  (720p) / (480p) Duration - 1hr 31min Subtitle – Myanmar Hardsub Format – MP4 Genre : Drama, Thriller Translator – Amelia Encoder – San Win Maung

ရုပ်ရှင် နာမည်ကတော့ the harder they fall ပါ။ အပြည့်အစုံဆိုရင်တော့ the bigger they are, the harder they fall ပေါ့။ အကောင်ကြီးလေလေ အကျနာလေလေ ဆိုတဲ့အဓိပ္ပါယ်ပါပဲ။ ပိုပိုင်ဆိုင်တဲ့သူတွေက ပိုပြီးဆုံးရှုံးတတ်တယ်လို့လည်း ပြောလို့ရပါတယ်။ ဒီရုပ်ရှင်ကတော့ ကောင်းဘွိုင်ဇာတ်လမ်းပါပဲ။ ဒါကိုမှ လူမည်းတွေအများစုနဲ့ အဓိက ရိုက်ကူးထားပါတယ်။ ဖြစ်ရပ်မှန်မဟုတ်ပေမဲ့ သူတို့တကယ်ရှိခဲ့ကြပါတယ်လို့ ဇာတ်လမ်းအစမှာ စာတန်းထိုးထားခဲ့ပါတယ်။ ကောင်းဘွိုင်ရုပ်ရှင်အများစုဟာ လူဖြူကြီးစိုးတာကြောင့် လူမည်းတွေချည်းပဲ တမင်ရိုက်ကူးခဲ့ပုံပါပဲ။ ဒါပေမဲ့ ရုပ်ရှင်ဟာ ရုပ်ရှင်ပါပဲ။ ဒီရုပ်ရှင်က ဂန္ဓဝင်တော့မဟုတ်ပေမဲ့ ဖျော်ဖြေရေးအနေနဲ့တော့ တာဝန်ကျေပါတယ်။ ပစ်ခတ်ခန်းတွေလှတယ် ကြမ်းတမ်းတယ်။ ဇာတ်လမ်းကတော့ သိပ်မထူးခြားလှပါဘူး။ သရုပ်ဆောင်တွေကတော့ ဆရာကြီးတွေ ခေါ်သုံးထားတာပါ။ Idris Alba, Regina King တို့လို နာမည်ကျော်တွေ ပါဝင်ထားပါတယ်။ ဇာတ်လမ်းအကျဉ်းကတော့ ရူးဖက်ဘက် ဆိုတဲ့ နာမည်ကျော်လူဆိုးကြီးသတ်ခဲ့တဲ့ လူတွေထဲက လင်မယားနှစ်ယောက်ရဲ့ သားလေး နသန်နီရယ် လက်ဗ် က သူ့ကိုလက်စားချေဖို့ ကြိုးစားတဲ့ဇာတ်လမ်းပါပဲ။ နသန်နီရယ် မှာလည်း ကိုယ်ပိုင်အဖွဲ့ရှိပြီး ရူးဖက်စ်မှာလည်း ကိုယ်ပိုင်အဖွဲ့ရှိတယ်။ နှစ်ဖွဲ့လုံးမှာ ဖိုက်တာကြီးတွေပါတယ်။ အားပြိုင်ကြ အပြန်အလှန်သတ်ကြတယ်ပေါ့။ ကောင်းဘွိုင်ကားတွေနဲ့ အက်ရှင်ကားတွေ ကြိုက်သူတွေ ကြည့်သင့်တဲ့ရုပ်ရှင်ပါပဲ။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Mr.Anderson ပဲဖြစ်ပါတယ်။) Quality – 1080p, 720p, 360p WebRip Duration - 2hrs 10min Subtitle – Myanmar Hardsub Format – Mp4 Genre : Drama, Western Source : 1080p.WebRip Translator – Mr.Anderson Encoder – SWM

Best friends, Neil and Gilbert start their senior year of high school with high hopes and aspirations. Neil has always fantasized about being cool enough to date his long time crush and Gilbert has always dreamed of being a social media super star. After what is, by all accounts, a very disappointing and embarrassing first day in school, Neil makes a magical wish to be cool just at the magical moment when the clock strikes 11:11. The next morning, Neil wakes up to a reality that is straight from the comics of his dreams.အပျင်းပြေစရာ အခွီဇာတ်ကားလေးတွေကို မျှော်လင့်နေတဲ့ CM ပရိတ်သတ်တွေအတွက် ဒီတစ်ခါမှာတော့ Supercool ဆိုတဲ့ Teen Comedy ဇာတ်ကားလေးကို တင်ဆက်ပေးလိုက် ရပါတယ်။ Neil နဲ့ Gilbert တို့ဟာ အထက်တန်းကျောင်းတော်ကြီးမှာ အခင်ဆုံး သူငယ်ချင်းနှစ်ယောက် ဖြစ်ပါတယ် ဒါ့အပြင် အပေါင်းမသင်းမ၀င်ဆံ့တဲ့ အရှုံးသမားတွေလည်း ဖြစ်ကြလေရဲ့ ။ ကိုယ်တက်တဲ့ကျောင်းမှာ ပေါ်ပြူလာဖြစ်ချင်စိတ် ခပ်ဟော့ဟော့ နဲ့ စကီလေးတွေ ဝိုင်းနေတဲ့သူ ဖြစ်ချင်စိတ်မျိုးကတော့ လူတိုင်းမှာ ရှိခဲ့ကြမယ် ထင်ပါတယ် Neil နဲ့ Gilbert တို့ကလည်း သူတို့ရဲ့ အရှုံးသမားဘ၀ကြီးကို စိတ်ပျက်လွန်းကြပြီး ပေါ်ပြူလာ ဖြစ်ချင်ကြပါတယ်။ ဒါ့အပြင် Neil မှာ Summer ဆိုတဲ့ crush လေးကလည်း ရှိနေပြန်ပါတယ်။ သို့ပေမယ့် Summer နဲ့ နီးစပ်ဖို့ဝေးစွ ငနဲသားဟာ တစ်ခါမှတောင် စကားသွားမပြောဖူးပါဘူး ရှေ့တစ်ပတ်ထဲမှာ Summer လုပ်မယ့် မွေးနေ့ပါတီပွဲလေးကိုလည်း Neil တစ်ယောက် အရမ်းသွားချင်နေခဲ့တယ်။ ဒီလိုအဖြစ်မျိုးတွေကနေ Neil အတွက်တော့ ကံကြမ္မာအလှည့်အပြောင်းဖြစ်ဖို့အကြောင်းဖန်လာပါပြီ .... Neil ရဲ့ တစ်ညတာ ဆုတောင်းကြောင့် Neil ဟာ သူ့စိတ်ကူးထဲက ရုပ်ဖြောင့်ဖြောင့် ဗလတောင့်တောင့်နဲ့ ခပ်လန်းလန်း မော်ဒယ်ရုပ်နဲ့ကောင်လေး တစ်ယောက် ဖြစ်သွားပါတော့တယ်။ Neil က ဒီအခွင့်အရေးကြီးကို အမိအရဆုပ်ကိုင်ပြီး သူချစ်တဲ့ Summer လေးနဲ့ နီးစပ်ဖို့ ဘယ်လိုကြိုးစားမလဲ။ Neil ရဲ့ ရုပ်ရည်တစ်ခု အကြောင်းပြုပြီး Neil နဲ့ Gilbert တို့ နှစ်ကောင်သားပေါင်းပြီး ဘယ်လို အလွဲတွေလုပ်မလဲ အခွီတွေ ဖြစ်လာမလဲ။ Neil တစ်ယောက် Summer ရဲ့ မွေးနေ့ပွဲကိုရော တက်ခွင့်ရပါ့မလား ဆိုတာကို ဒိုင်ယာလော့ခ် အလန်းတွေနဲ့ ဒီဇာတ်ကားမှာ CM ပရိတ်သတ်တို့ ကြည့်ရှု စခွီထ လိုက်ကြပါဦး။ ( Teen movie ဖြစ်တဲ့အလျောက် dirty jokes တွေ naked scene တွေ‌ ဖောဖောသီသီ ပါတဲ့အတွက် မိသားစုနဲ့ကြည့်ဖို့တော့ မသင့်ပါကြောင်း ) (ဒီဇာတ်လမ်းရဲ့အညွှန်းကို Chuck Chuck မှရေးသားပေးပြီး၊ ဘာသာပြန်ပေးသူများကတော့ CM Team မှဖြစ်ပါတယ်) File Size - (1.41 GB) /(700 MB) / (484 MB) Quality – WebRip 1080p / 720p/480p Duration - 1h 40mins Subtitle – Myanmar Hardsub Format – MP4 Genre : Action, Comedy, Fantasy Translator – CM Team Encoder – SWM

2009 မှာSlammin Salmonကားပြီးကတဲက ပျောက်နေတဲ့ Broken Lizard ဟာ 2018မှာမှ supertroopers2 ဆိုပြီး ပြန်ထွက်ပေါ်လာပါပြီ ဒါရိုက်တာကတော့ ထုံးစံအတိုင်း Broken Lizard member Jay Chandrasekhar ကပဲ ရိုက်ကူးပေးထားတာပါ Rotten Tomatoes အကြိုက်ကားမျိုးမဟုတ်တဲ့ အတွက် rating သိပ်မကောင်းပေမဲ့ IMDb မှာတော့ rating 7.1 အထိရထားပါတယ် ဇာတ်လမ်းလေးကတော့ supertroopers1 မှာ station shut down အလုပ်ခံပြီးနောက် Thorny Mac Rabbit Farva နဲ့ Foster တို့ငါးယောက်ဟာ local police တွေဖြစ်လာပါတယ် ဒါပေမဲ့ ဒီsupertroopers 2 မှာ တော့ သူတို့ ငါးယောက်ဟာ Fred Savage ဆိုတဲ့ actor တစ်ယောက်သေဆုံးမှုကြောင့် local police အဖြစ်ကနေလဲ အလုပ်ဖြုတ်ခံရပြီး construction အလုပ်သမားငါးယောက် အနေနဲ့အစပိုင်းမှာ မြင်တွေ့ရမှာပါ တစ်ရက်မှာ တော့ ပြည်နယ်အစိုးရ Jessman ကသူတို့ငါးယောက်နဲ့ chief JohnO Hagen ကိုခေါ်ယူပြီး အမေရိကန် ကနေဒီယံ နယ်စပ်ကြားက stone marker တစ်ခု ဟာအမေရိကန်ပိုင်ဆိုတာပြောပြလာပါတယ် အဲ့တော့ ကနေဒီယံ မြေပေါ်က stone marker နားကမြို့လေးကို လွှဲယူဖို့ပြင်ဆင်နေတဲ့ ကာလအတွင်း နယ်နိမိတ်ဒေသကို ကျွမ်းကျင်တဲ့ သူတို့ငါးယောက် အရင်လို station ပြန်ဖွင့်ဖို့ အကြောင်းဖန်လာခဲ့ပြန်တာပေါ့ အမေရိကန်ငပြောင်ငါးကောင်ကနေဒီယံမြေပေါ်မှာ ကနေဒီယံရဲတပ်ဖွဲ့နဲ့ဘယ်လိုလေးတွေ ကတောက်ကဆဖြစ်မယ် ဘယ်လိုအခက်ခဲတွေရင်ဆိုင်ရမယ်ဆိုတာတော့ ကိုယ်တိုင်ပဲရှုစားကြည့်ကြပါ ဒီကားမှာ supertroopers1 ရဲ့အငွေ့အသက်တွေကိုပြန်မြင်ရမှာဖြစ်ပြီး Fred Savage နဲ့ပတ်သတ်တဲ့ ကိစ္စကိုတော့ credit scene အနေနဲ့ ထပ်ထည့်ပေးထားပါတယ် ဒါကြောင့် ဇာတ်ကားပြီးတာနဲ့ နဲနဲထပ်စောင့်ကြည့်ပါဦးနော် ဒီရုပ်ရှင်ကားကို Hein Thet Naing က ဘာသာပြန်ပေးထာပြီး Review ကိုလဲ ကိုယ်တိုင်ရေးပေးထားပါတယ် Thit San Khant

The Land Before Time XIV(2006) Channel Myanmar ပရိတ်သတ်တွေအတွက် ဒီတစ်ခါ တင်ဆက်ပေးချင်တာကတော့ ၁၉၈၈ ခုနှစ်က စတင်ထွက်ရှိလာခဲ့တဲ့ The Land Before Time ဆိုတဲ့ ကာတွန်းဇာတ်လမ်းလေးတွေပဲဖြစ်ပါတယ်။ ဇာတ်လမ်းလေးအကြောင်းမပြောခင် သိစေချင်တာလေးတစ်ခုရှိပါ တယ်။ ဘာလဲဆိုတော့ ဒီဇာတ်လမ်းကို ဖန်တီးသူတွေအကြောင်းပါ …. Producer တွေကတော့ ဂျော့်ဂျ်လူးကပ်စ် နဲ့ စတီဗင်စပီးဘာ့ဂ် တို့ ဖြစ်ကြပြီး ဒါရိုက်တာကတော့ ဒွန်ဘလုသ် ပဲ ဖြစ်ပါတယ်။ သူတို့လို ရုပ်ရှင်အကျော်အမော်ကြီး ၃ ယောက်ဆုံထားတဲ့ ဒီလိုစီးရီးမျိုးဟာ Movie Industry မှာ ဒီတစ်ခုတည်းသာ ရှိတယ်လို့လည်း သိရပါတယ်။ ဇာတ်လမ်းလေးကတော့ ရိုးရှင်းပါတယ် ကမ္ဘာဦးအစက ဒိုင်နိုဆောလေးတွေနဲ့ သူတို့ရဲ့ ရှင်သန်ရပ်တည်မှု ဆင့်ကဲပြောင်းလဲမှုတွေ အကြောင်းကို ဇာတ်အိမ်တည်ပြီး လစ်တဲဖု စပိုက်ခ် ဆယ်ရာ နဲ့ ပီထရီဆိုတဲ့ ဒိုင်နိုဆော သူငယ်ချင်းလေးတစ်စုရဲ့ ချစ်ခြင်းမေတ္တာတွေကို ရိုက်ပြထားတာပါ။ ကာတွန်းကားဆိုပေမယ့် …… ကမ္ဘာဦးတုန်းက ဆင့်ကဲပြောင်းလဲခြင်းဖြစ်စဉ်တွေ ဒိုင်နိုဆောအမျိုးအစားတစ်ခုစီရဲ့ သဘာဝလေးတွေကိုပါ သေသေချာချာလေး ထည့်ရိုက်ထားတာမို့ ကလေးလေးတွေရော လူကြီးတွေပါ ကာတွန်းကြည့်ရင်း ဗဟုသုတရစေမှာအမှန်ပါပဲ။ ပြီး တော့ ဒီကာတွန်းကားလေးမှာ သတိထားမိတာက ကလေးလေးတွေရဲ့ တကယ့် အပြုအမူနဲ့ စိတ်နေစိတ်ထားလေးတွေကို ထည့်ရိုက်ထား တာပါ။ စိတ်တိုလွယ်တဲ့ကလေး တစ်ခုခုဆို ကြောက်တတ်တဲ့ ကလေး သူများကို သနားတတ်တဲ့ကလေး ဘာမဆို စပ်စပ်စုစု လုပ်တတ်တဲ့ ကလေးတွေ ပြီးတော့ သူတို့ရဲ့ အပြုအမူလေးတွေကြောင့် ဖြစ်လာတဲ့ အကျိုးဆက်လေးတွေကို ပြပေးထားတာက entertainment တင် မက ကလေးလေးတွေရဲ့ စိတ်နေစိတ်ထားလေးတွေကို ပြုပြင်ဆုံးမရာမှာ တစ်နည်းနည်းနဲ့ အထောက်အကူပေးပါလိမ့်မယ်။ ဒီတော့ အများကြီးတော့ မညွှန်းတော့ပါဘူး ကမ္ဘာဦးတုန်းက ဒိုင်နိုဆောကြီးတွေက ဘယ်လိုနေကြလဲလို့ ကလေးလေး တစ်ယောက်ယောက်ကများ မေးလာခဲ့ရင် ကျွန်မ ဒီဇာတ်ကားလေးကိုပဲ ပြဖြစ်မယ်ထင်ပါတယ်။ အိမ်မှာ ကလေးရှိတဲ့သူတွေရော ကာတွန်းကားနှစ်သက်တဲ့သူတွေရော ဒီကာတွန်းကားလေးတွေကို မြည်းစမ်းကြည့်ပါ နောင်တမရစေရဘူးလို့ အာမခံပါတယ်နော်။   Translated by : Nay Chi Encoded by : YK

စာရေးဆရာမVeronica Roth ရဲ့ နာမည်ကျော် Divergent Series ရဲ့ သုံးအုပ်မြောက်စာအုပ်ကိုအသက်သွင်းထားတဲ့ ရုပ်ရှင်ဇာတ်ကားပါ။ရှေ့က Divergent(2014) နဲ့ Insurgent(2015) ရုပ်ရှင်တွေကိုကြည့်ဖူးထားရင်တော့ အဆက်အစပ်မိပါလိမ့်မယ်။ ဇာတ်လမ်းရဲ့ကြောရိုး.... အနာဂတ်ကာလ Chicago မြို့မှာ တံတိုင်းကြီးကာထားပြီးနေထိုင်ကြတဲ့ မျိုးနွယ်စုတစ်စုရှိပါတယ်။သူတို့ထဲမှာ  Abnegation ( အတ္တကင်းမဲ့မှု)၊ Amity ( ကြင်နာမှု )၊ Candor ( ရိုးသားမှု)၊ Erudite ( ဉာဏ်ပညာထက်မြက်မှု)၊ နဲ့ Dauntless ( ရဲရင့်မှု ) စသည်ဖြင့်အမျိုးအစားခွဲထားပြီး  အဲ့ဒီအမျိုးအစားထဲကနေ ချွန်ပြီးထွက်နေတဲ့ Divergent လို့သတ်မှတ်သူတွေကိုတော့ ဒီမြို့ထဲမှာမထားပါဘူး...သတ်ပစ်ပါတယ်။ဒီလိုချိန်မှာ Abnegation အကြီးအကဲရဲ့သမီး Tris (မင်းသမီး Shaileen Woodley ) ကတော့ အမျိုးအစား(၃)ခုကျော်နေလို့  Divergent လို့ The System ကသတ်မှတ်ပြီး သတ်ပစ်ဖို့ကြိုးစားလာပါတယ်။ဘာကြောင့်လဲဆိုတော့ Divergent တွေဟာ The System ရဲ့လွှမ်းမိုးမှုကို လက်မခံဘဲ လူသားဆန်လွန်းမှန်းသိထားကြလို့ပါ။ဒီလိုအချိန်မှာ မင်းသမီးနဲ့ မင်းသားတို့အဖွဲ့ The System ကနေဖောက်ထွက်ရုန်းကန်ဖို့ကြိုးစားကြပုံတွေကို တင်ဆက်ထားတာပါ။ အခု Allegiant ဇာတ်ကားမှာလဲ ထို့အတူပါပဲ။ Insurgent ဇာတ်ကားရဲ့အဆုံးကနေပြန်ဆက်ထားပါတယ်။Science Fiction ဇာတ်ကားကြိုက်နှစ်သက်သူတွေ အကြိုက်တွေ့မှာဖြစ်သလို ဝတ္ထုရဲ့ ဆိုလိုရင်းဖြစ်တဲ့ လူငယ်လူရွယ်တွေရဲ့ အတွေးအခေါ်တွေ လွတ်လပ်မှုတွေကို ခံစားရမှာပါ။

လော့စ်အန်ဂျလိစ်ရဲအရာရှိ အယောင်ဆောင် သူငယ်ချင်း နှစ်ဦးအကြောင်း ဇာတ်အိမ်ဖွဲ့ထားတဲ့ အမေရိကန်ဟာသဇာတ်လမ်းလေးက စိတ်ကြည်နူးပျော်ရွှင်မှုရသကို ပေးစွမ်းနိုင်မှာပါ။ ဂျက်စတင်နဲ့ ရိုင်ယန်တို့သူငယ်ချင်းနှစ်ဦးဟာ သူတို့ရဲ့ မွေးရပ်မြေကို ပြန်လာရင်း ဘားတစ်ခုမှာရှိနေတုန်း သူတို့နှစ်ဦးရဲ့ ကားကို ရုရှားတွေအဖွဲ့လိုက်ပါတဲ့ ကားက ဝင်တိုက်ခဲ့ပြီး သူဘာ မှ ပြန်မလုပ်နိုင်အောင် ခြိမ်းခြောက်ခဲ့ပါတယ်။ အဲဒီနောက် ရိုင်ယန်က ဂျက်စတင်ကို ရဲယူနီဖောင်းနဲ့ ကောလိပ်ပါတီတက်စေခဲ့တာကနေ စပြီး အလွဲလေးတွေဖြစ်လာပါတော့တယ်။ သူတို့နှစ်ဦးက တကယ့်ရဲ အစစ်တွေအတိုင်း ပြုမူပြောဆိုနေထိုင်ပြီး ဒီတစ်ညနဲ့တင်မက ရဲပုံစံလိမ်လည်မှု ဇာတ်လမ်းတွေ စခဲ့ပါတော့တယ်။ ရဲကားအဟောင်းတစ်စီးကိုဝယ်ပြီး ရဲတွေရဲ့ လုပ်ငန်းလုပ်ဆောင်ပုံတွေကို သင်ယူလေ့လာပြီး ဂျက်စတင်နဲ့ ရိုင်ယန်တို့ အလိမ်ဇာတ်လမ်းကိုလျှောက်ရင်း ပြဿနာပေါင်းစုံ ကြုံရပါတော့တယ်။ အဲဒီနောက် သူတို့ကားကို ဝင်တိုက်ခဲ့တဲ့ ရုရှားအဖွဲ့ကို လက်စားချေဖို့ လုပ်ခဲ့ပေမယ့် သူတို့တစ်တွေဟာ လူဆိုးဂိုဏ်းဝင်တွေဖြစ်ပြီး ဂျက်စတင့်ကောင်မလေး အလုပ်လုပ်နေတဲ့ Georgie's ဆိုင်ရဲ့ပိုင်ရှင်ကို ခြိမ်းခြောက်နေတဲ့သူတွေ ဖြစ်ပါတယ်။ ဂျက်စတင်နဲ့ ရိုင်ယန်တို့ဟာ အလိမ်အညာတွေကို ရပ်ပစ်ဖို့လုပ်ခဲ့ပေမယ့် ဂျက်စတင့်ကောင်မလေး ဂျိုစီက သူ့ကို လူတစ်ယောက် နှောင့်ယှက်နေတယ်လို့ အကူအညီ တောင်းတာကြောင့် ရဲအဖြစ်နဲ့စုံစမ်းရင်း ရုရှားလူဆိုးဂိုဏ်းခေါင်းဆောင်ဆိုတာ သိခဲ့ပါတယ်။ လူဆိုးဂိုဏ်းပါ ပါဝင်ပတ် သက်လာတဲ့အခါ ဂျက်စတင်နဲ့ ရိုင် ယန်တို့ ဘယ်လို ရှေ့ဆက်ကြမ လဲ။ အလိမ်ပေါ်သွားခဲ့ရင် အရေး ယူခံရမှာလား။ ဂျက်စတင်နဲ့ သူ့ ကောင်မလေးကရော ဇာတ်ပေါင်း ခွင့်ရမှာလားဆိုတဲ့ဇာတ်သိမ်းပိုင်း လေးကိုတော့ ကိုယ်တိုင်ကြည့်ရှု လိုက်ပါဦးနော်။ အကအခုန်၊ အပျော်အပါး လေးတွေရော၊ အက်ရှင်ရောခံ စားလို့ရမယ့် ဇာတ်ကားလေးမှာ တော့ ဂျိတ်ခ်ဂျွန်ဆင်၊ ဒေမွန်ဝါ ယန်ဂျူနီယာ၊ ရော့ဘ်ရစ်ဂယ်တို့ က သရုပ်ဆောင်ထားပါတယ်။ Let’s be cops ဇာတ်လမ်းက LA မြို့မှာ ဇာတ်အိမ်တည်ထားပြီး အပြင်မှာမရှိတဲ့ ဇာတ်ကောင်များနဲ့သာ ဖွဲ့စည်းထားတဲ့အတွက် လူကြီးရော ကလေးတွေအတွက်ပါ အဆိပ်အတောက်မပါတဲ့  ဟာသဇာတ်ကား တစ်ကားဖြစ်ကြောင်း  ရုပ်ရှင်သတင်းများက ဖော်ပြထားပါတယ်။ ဇာတ်အိမ်ဇာတ်လမ်းကောင်းကောင်းမဟုတ်တဲ့အတွက်အနှစ်သာရအများကြီး မပေးနိုင်သော်လည်း သာမန် မထင်မရှား အရပ်သား၂ယောက်က ရဲအဖြစ်အပျော်တမ်း ဟန်ဆောင်တဲ့အခါ ပြောင်ချော်ချော် အမူအရာ သရုပ်ဆောင်နေရင်းနဲ့ကို တချို့သော ပြည်သူ့ဝန်ထမ်းတွေမှာတောင်မရှိတဲ့ လူတွေကို ကာကွယ်ချင်တဲ့ ကူညီချင်တဲ့ သူတို့ရဲ့ စိတ်ထားကောင်းတွေက ပေါ်လွင်နေပါတယ်။  အဲ့ဒါကြောင့်လည်း ဒီဇာတ်ကားက ကြည့်ရှုသူတွေအတွက် ပေါတောတော ဟာသကားထက်ပိုတဲ့ ရသကိုပေးစွမ်းနိုင်ပါလိမ့်မယ်။ အခုဇာတ်ကားကရုပ်ရှင်အနုပညာဆိုင်ရာကမ္ဘာ့နံပါတ်တစ်အွန်လိုင်းဝဘ်ဆိုဒ်ဖြစ်တဲ့IMDB ရဲ့ဖော်ပြချက်အရ ဒီဇာတ်ကားကိုကြည့်ရှုပြီးသူတစ်သောင်းတစ်ထောင်ကျော်ကအဆင့်(rating)6.8အဖြစ်သတ်မှတ်ထားပါတယ်တဲ့။ သရုပ်ဆောင်များများစားစား မပါပေမယ့် IMDB rating ဘာလို့မြင့်နေတာလဲ ဆိုတာကို ကိုယ်တိုင်ခံစား ဆုံးဖြတ်ကြလိုက်ရအောင်ပါ...။ (mmmovieguide မှယူးယူဖော်ပြပါသည်...) Connection မကောင်းသူများအတွက် Small File Size( 263M )ကိုပါတင်ဆက်လိုက်ပါတယ်..။ File size...986MB Quality....DVDRip Format...mp4 Hour....01:44:28 Subtitle....မြန်မာစာတန်းထိုး(Hardsub)

IMDb - 7.8/10 Rotten - 89% Won 1 Oscar. Another 16 wins & 58 nominations Walt Disney Animation ရဲ့ နောက်ထပ် လူကြိုက်များလှတဲ့ animation ဇာတ်ကားလေးပါပဲ။ ဝင်ငွေအကောင်းဆုံးဇာတ်ကားအဖြစ် ရပ်တည်ခဲ့တဲ့ ဇာတ်ကားဖြစ်ပြီး ပေးထားတဲ့ Message တွေကောင်းမွန်လှပပါတယ်။ Baymax ရဲ့ ချစ်စရာကောင်းတဲ့ အပြုအမှုလေးတွေနဲ့ ပုံစံတွေကို သဘောကျမိမှာ အမှန်ဖြစ်ပြီး Baymax ရဲ့ လှုပ်ရှားပြုမှုပုံတွေကို ပင်ဂွင်းပေါက်စလေးတွေရဲ့ အပြုအမှုကို ပုံစံတူယူပြီး ဖန်တီးထားတာပါ။ Walt Disney နဲ့အတူ Marvel Entertainment ကပါ ပူးပေါင်းရိုက်ကူးထားတဲ့အတွက် အစောပိုင်းထွက်ခဲ့တဲ့ Walt Disney ဇာတ်ကောင်တွေနဲ့ မတူကွာခြားလို့နေပါတယ်။ IMDB Ratings: 7.8/10 ရရှိထားပြီး ကြည့်ဖို့လက်မလွှတ်သင့်တဲ့ ဇာတ်ကားလေးတစ်ခုပါပဲ။ File size… 3.85 GB / 1.58 GB / 803 MB Quality…BluRay 4k / 1080p / 720p Format…mp4 Duration….01:48:00 Subtitle….Myanmar Subtitle (Hardsub) Encoder….Thit San Khant Translated by Nyi Thanlwin

The Other Guys (2010) IMDb Rating (6.7) / Rotten Tomatoes (79%) နယူးယော့စီးတီးရဲ့ စုံထောက်လောကမှာ ထင်သလိုဖြစ်မလာတတ်တဲ့ ကို့ယို့ကားယားကိစ္စတွေကို ဟာသအက်ရှင် ဇာတ်ကားအဖြစ်တင်ပြထားတဲ့ The Other Guys ဟာကျွန်တော်ကြိုက်တဲ့ဟာသဇာတ်ကားတွေထဲက တစ်ကားပါ။ နာမည်ကြီးအက်ရှင်မင်းသားကြီးတွေ ပေါတောတောရဲဝန်ထမ်းစရိုက်ကို သရုပ်ဆောင်ထားတာမလို့ အမှန်အကန်ရယ်ရပါတယ်။ အနောက်တိုင်းဟာသဇာတ်ကားတွေရဲ့ ထုံးစံအတိုင်း စကားပြောတွေက 18+ တွေပါနေလို့မိသားစုနဲ့တော့မကြည့်သင့်ပါဘူး။ (အညွှန်းနဲ့ဘာသာပြန်ကတော့ Min Thet Oo ဖြစ်ပါတယ်။) File size… (7.4 GB) / (3.4 GB) / (1.4 GB) Quality…. Blu-Ray 4K HEVC / 1080p HEVC / 720p Format…. mkv/mp4 Genre…. Action,Comedy,Crime Duration…. 01:57:33 Subtitle…. Myanmar Subtitle (Hardsub) Encoder…. Double K Translated by Min Thet Oo

Marmaduke (2010) ဒီခေတ်မှာ ခွေးမချစ်တဲ့သူဆိုတာရှားပါတယ်။ ပေါက်စနကောင်လေးတွေကအစ အယ်စတုံကောင်ကြီးတွေအထိ အမျိုးစုံ ဆိုဒ်စုံတွေကို ‌တယုတယမွေးပြီး သားသမီးအရင်းလို ချစ်ပေးကြတာပဲမလား။ တခါတလေကျ သူတို့စိတ်ထဲ ငါတို့ကိုဘယ်လိုတွေးနေမလဲ၊ ဘယ်လိုမြင်လဲဆိုတာ သိချင်စိတ်လေးဖြစ်မိကြမှာပါ။ ဒီဇာတ်ကားမှာတော့ Great Dane မျိုးနွယ် မာမဒုခ်ဆိုတဲ့ခွေးလေးက အဓိကဇာတ်ဆောင်အနေနဲ့ပါ၀င်ထားပြီး Computer Animation နဲ့ သူတို့အတွေးတွေ စကားပြောတာတွေကို ရိုက်ကူးပြထားတဲ့ ဇာတ်ကားကောင်းလေးတစ်ကားဖြစ်ပါတယ်။ ကျောင်းအသစ်ကိုပြောင်းတာဖြစ်ဖြစ်၊ နေရာအသစ်ကိုပြောင်းတာဖြစ်ဖြစ်၊ အလုပ်အသစ်ရတာဖြစ်ဖြစ်၊ အစမှာ ကြောင်တောင်တောင်နဲ့ ၀င်ဆံ့ဖို့ မနည်းကြိုးစားရတဲ့အဖြစ်မျိုး ကြုံဖူးကြမှာပါ။ ဒီလိုမျိုးပဲ ခွေးလေးတွေဟာလည်း ပတ်၀န်းကျင်အသစ်ကိုရောက်တဲ့အခါ အနီးနားက ရှိနှင့်ပြီးသားခွေးတွေထဲ၀င်ဆံ့ဖို့ ကြိုးစားရပါတယ်။ ဖေးလ် နဲ့ ဒက်ဘီဆိုတဲ့လင်မယားမှာ ဘာဘရာနဲ့ ဘရိုင်ယန်ဆိုတဲ့ သားသမီးနှစ်ယောက်နဲ့ မာမဒုခ်ဆိုတဲ့ ခွေးတစ်ကောင်ရှိပါတယ်။ သူတို့ဟာ ကန်းဆက်မှာနေထိုင်ကြပြီး ပျော်ရွှင်တဲ့မိသားစုလေးတစ်ခုဖြစ်ပါတယ်။ မာမဒုခ်ဟာ Great Dane မျိုးနွယ်ဖြစ်တာကြောင့် သူ့ရဲ့အရွယ်အစားဟာ သာမာန်ခွေးတွေထက် ပိုပြီးကြီးပါတယ်။ တစ်ရက်မှာတော့ ဖေးလ်ဟာ အလုပ်ကိစ္စနဲ့ ကယ်လီဖိုးနီးယားကိုပြောင်းရမယ့်အခြေအနေဖြစ်လာတော့ မိသားစုကပါ လိုက်ပြောင်းရတော့မှာပါ။ ကယ်လီဖိုးနီးယားရောက်တော့ သူတို့တွေအပြင် မာမဒုခ်ကပါ ၀င်ဆံ့ဖို့ ရုန်းကန်ရပါတော့တယ်။ ဒီလိုရုန်းကန်နေရင်းမှ ပန်းခြံမှာဗိုလ်ကျ‌နေတဲ့ ဘော့စ်ကိုဆိုတဲ့ခွေးခေါင်းဆောင်ရဲ့ ရည်းစားဖြစ်တဲ့ ဂျက်စဘဲလ်ဆိုတဲ့ ခွေးမလေးကိုမှ သဘောကျမိသွားတဲ့အခါမှာ မာမဒုခ်နဲ့‌ဘော့စ်ကိုတို့ရဲ့အားပြိုင်မှုတွေ၊ နေရာသစ်မှာ အဆင်ပြေဖို့ကြိုးစားရပုံတွေ၊ မိသားစုအတွင်းရေးပြဿနာတွေကို ဟာသလေးပါနှောပြီး ကြည့်ရမှာဖြစ်တဲ့အတွက် ခွေးချစ်သူတွေသာမက မိသားစုနဲ့ ‌အေးဆေးအနားယူချင်သူတွေ Drama ကြိုက်သူတွေပါ သဘောကျမယ့် ဇာတ်ကားလေးတစ်ကားဖြစ်မှာ သေချာပါတယ်။ File size…   2 GB /    1 GB Quality… BluRay 1080p / 720p Format… mp4 Duration…. 1h 27m Genre .....  Family, Comedy Subtitle…. Myanmar Subtitle (Hard Sub) Encoder…. Thit San Khant Translated by Jaka