Danny Deng ပါဝင်သော ဇာတ်ကားများ

ဒီဇာတ်ကားကိုဘာလို့အဲ့ဒီနာမည်ပေးထားလဲမသိပါဘူး ပေါ့ပေါ့ပါးပါးဟာသတွေကြည့်ချင်တဲ့သူတွေတော့ ဘာလဲဆိုပြီးဖြစ်သွားမှာပါ ဇာတ်လမ်းပုံစံကပြောရရင် နုနုရည်(အင်းဝ)ရဲ့ မြစိမ်းပြာကမာရွတ်နဲ့ ဆင်တူတယ်ထင်မိပါတယ် ဘဝတွေရဲ့အကြောင်းကိုရိုက်ပြထားတယ်ပေါ့ တခြားကားတွေလို ပြချင်တဲ့ အကြောင်းအရာကိုဇောင်းပေးမရိုက်ပဲ လူ့လောကမှာနေ့စဥ်ဖြစ်နေကြဘဝတွေ လည်ပတ်နေတဲ့ဘဝအသီးသီးကိုရိုက်ပြထားပါတယ် File Size - 1.8 gb Quality - bluray 1080p Subtitle -  burmese Translator - Nay Chii Encoder - XCode

A Confucian Confusion (1994) IMDb Rating (7.5) ထိုင်ဝမ်နယူးဝေ့ရဲ့ ဦးဆောင်သူတွေထဲက တစ်ယောက်ဖြစ်တဲ့ အတ်ဒ်ဝတ်ယန်းဟာ ထိုင်ဝမ်ရဲ့ အခမ်းနားဆုံး ဒါရိုက်တာတွေထဲက တစ်ယောက်လို့ သတ်မှတ် ခံရတဲ့သူဆိုလည်း ဟုတ်တယ်။ သူ့ရိုက်ခဲ့တဲ့ဇာတ်ကားက အကုန်ပေါင်းမှ ၇ကားပဲ ရှိခဲ့ပေမဲ့ ၇ကားလုံး မှတ်ကျောက်အတင်ခံရတဲ့ ဒါရိုက်တာဆိုလည်း မမှားဘူး။ အကျော်ကြားဆုံးကတော့ A Brighter Summer Day ဖြစ်ပါလိမ့်မယ်။ ဆိုလို့ ယန်းရဲ့ ဒီ၇ကားက ဇာတ်အိမ်တွေ ဘာတွေ အဆန်းကြီးတွေ မပါသလို ဇာတ်အိမ်ပါတယ်လို့တောင် ကျွန်တော်တော့ မထင်ဘူး။ တစ်ချို့ကားတွေမှာ သူက ထိုင်ဝမ်ရဲ့ (သူနေခဲ့တဲ့ကာလရဲ့) လက်ရှိလူနေမှုဘဝကိုပြတယ်။ တစ်ချို့ကားတွေမှာ သူဖြတ်သန်းခဲ့ရတဲ့ ထိုင်ဝမ်ရဲ့ လူနေမှုဘဝကိုပြတယ်။ ဒီလိုပြတယ်ဆိုတာမှာ သူ့ဦးတည်ချက်က လူပုဂ္ဂိုလ်ဇာတ်ကောင် တစ်ဦးတစ်ယောက်ပေါ် တည်ပြီးမပြဘဲ အဲဒီကာလရဲ့ လူအမျိုးမျိုး စိတ်အထွေထွေ အခြေအနေအဖုံဖုံကို ပြတတ်တယ်။ ပြောချင်တာက သူ့ရုပ်ရှင်တွေက ဇာတ်လမ်းတစ်ခုကို ပြောပြချင်တယ်ဆိုတာထက် သူတင်ပြချင်တဲ့အရာတွေကို တစ်ပိုင်းတစ်စစီ Fragementaionsဆန်ဆန်ပြနေတာကို ဇာတ်လမ်းဆိုတဲ့ ဘောင်တစ်ခုအပေါ် စီထည့်ထားပေးထားသလို ခံစားရတယ်။ ဇာတ်လမ်းထဲမှာ ဇာတ်ကောင်တွေကို စီတာမဟုတ်ဘဲ ဇာတ်ကောင်တွေကိုစီပြီး ဇာတ်လမ်းကို ပုံဖော်လိုက်တဲ့ ပုံစံမျိုးလို့ပြောရမယ်။ A Confucian Confusionမှာ ယန်း ပြတဲ့ထိုင်ပေက ဒီကားကို ရုံတင်တဲ့နှစ်က ထိုင်ပေပဲ။ ၉၄ပဲ။ မျက်မှောက်ခေတ်ပေါ့။ တိုးတက်လာပြီးဖြစ်တဲ့ ထိုင်ဝမ်ရဲ့ လူနေမှုစနစ်ထဲက အရှုပ်အထွေးတွေကို ပြထားတယ်။ ဘာလို့ A Confucian Confusion။ ကွန်ဖြူးရှပ်ပြဿနာလဲဆိုတော့ ဒီလို ကွန်ဖြူးရှပ်က လူမှုစနစ်တိုးတက်အောင် စနစ်ထွန်းကားအောင် လူတွေကို ချမ်းသာအောင် လုပ်ပေးဖို့လိုတယ်လို့ပြောခဲ့တယ်။ ဆိုပေမဲ့ ချမ်းသာအောင် လုပ်ပေးပြီးရင်ရောဆိုတဲ့ မေးခွန်းနဲ့ ဒီဇာတ်ကို စဖွင့်ထားတယ်။ မေးသင့်တဲ့မေးခွန်းပဲ။ ဘာလို့ဆို ဒီဇာတ်တည်ရာကာလမှာကတည်းက ထိုင်ဝမ်က တော်တော်ကြီးပွားတိုးတက်နေတဲ့ နိုင်ငံဖြစ်နေပြီ။ ဆိုတော့ ကွန်ဖြူးရှပ်ပြောသလိုပဲ ချမ်းသာအောင်တော့ လုပ်ပေးပြီးပြီ။ ဆိုပေမဲ့ ပြဿနာက ချမ်းသာလာပေမဲ့ လူနေမှုဘဝတွေက ပိုပြီးရှုပ်ထွေးလာတာကို သူတို့ကြုံနေရတယ်။ အချစ်ရေး ၊ ဆက်ဆံရေး၊ လုပ်ငန်းခွင်၊မိသားစု အဘက်ဘက်ကနေ တိုးတက်မှုဟာ လူ့ဆက်ဆံရေးအကုန်လုံးကို ရိုက်ခတ်နေခဲ့တယ်။ ဒါကို ယန်းက တင်ပြထားတယ်။ ဒီအခြေအနေကို တင်ပြရာမှာ ယန်းက ဇာတ်ကောင်တွေအများကြီးကို သုံးထားတယ်။ လူတန်းစားအလွှာလွှာက စရိုက်အဖုံဖုံမှာ ရှိနေတဲ့ ပြဿနာတွေကို ဇာတ်ကောင်ပေါင်းစုံသုံးပြီးတင်ပြထားတယ်။ စီးပွားရေးသမား ၊ အနုပညာသမား၊ ကုမ္ပဏီဝန်ထမ်းအကုန်ပေါ့။ ဒီမှာတစ်ခုရှိတာက သူတင်ဆက်ပုံက အဆိုးမြင်တယ်လို့ ပြောလည်းရတယ်။ ဟုတ်လည်းဟုတ်တယ်။ ဒီရုပ်ရှင်ထဲ သူ့အတွေးအခေါ်ကို စီးကူးပေးဖို့ ဇာတ်ကောင်တစ်ကောင်ပါတယ်။စာရေးဆရာဇာတ်ကောင်။ အဲဒီစာရေးဆရာက ငယ်ငယ်ကတော့ လောကကြီးကို အကောင်းဘက်က မြင်တဲ့ ဝတ္ထုတွေရေးပြီး အောင်မြင်မှုရခဲ့တယ်။ ဒီလိုနဲ့ အိမ်ထောင်တွေဘာတွေကျပြီးမှ သူက လောကကြီးကို ကြောင်သူတော်ဆန်တဲ့လောကကြီးလို့ မြင်လာတယ်။ ဆိုတော့ သူ့မိန်းမဆီကနေ ထွက်လာပြီး သူ့ဘာသာ တိုက်ခန်းလေးတစ်ခုမှာ သူ့အမြင်အသစ်ကို ချပြဖို့ စာလာရေးနေတယ်။ ကွန်ဖြူးရှပ်အရှုပ်အထွေးဆိုတဲ့နာမည်က သူရေးနေတဲ့ စာအုပ်နာမည်လည်းဟုတ်တယ်။ နှစ်တွေသာကြာလာတယ်။ အဲဒီဇာတ်ကောင်ရဲ့ လောကကြီးကို အရွှဲ့တိုက်မှုက ဘာမှဆက်မဖြစ်လာခဲ့ဘူး။ နောက်ဆုံးကျ သူတစ်ခုခုကို ပြန်မြင်သွားခဲ့တယ်။ ဒီဇာတ်ကောင်လို ရွေးချယ်မှုမျိုးရော ဒီဇာတ်ကောင်လို မြင်လာတဲ့ အမြင်ကိုရော ကျွန်တော်ကြုံဖူးတဲ့နောက် ဒီဇာတ်ကောင်ကို မြင်နိုင်တဲ့ အတ်ဒ်ဝတ်ယန်းကို မလေးစားဘဲတော့ မနေနိုင်ဘူး။ ဒီဇာတ်ကောင်က ဒီရုပ်ရှင်ကို ရစ်သိုင်းထားတဲ့ ဇာတ်ကောင်တွေထဲက တစ်ကောင်ပါပဲ။ အတ်ဒ်ဝတ်ယန်းရဲ့ A Confucian Confusion မှာ စိတ်ဝင်စားစရာကောင်းတဲ့ ဇာတ်ကောင်တွေ အများကြီးပါတယ်။ တိုးတက်လာတဲ့ခေတ်ကြီးရဲ့ ဆက်ဆံရေးတွေကြားက ယိုယွင်းလာမှုကို ပြတယ်လို့ ပြောလို့ရတယ်ဆိုတော့ လူ့ဆက်ဆံရေးတွေကို အဓိကယိုယွင်းစေမှာက ဖောက်ပြန်မှုတွေ သံသယတွေ မယုံကြည်မှုတွေပဲလို့ ပြောလို့ရတယ်ဆိုတော့ ယန်းက ဒီရုပ်ရှင်မှာ ဖောက်ပြန်မှုတွေ သံသယ‌တွေကိုလည်း အများကြီးပြသွားတယ်။ ဆိုပေမဲ့ တစ်မျိုးတည်းမဟုတ်ဘူး။အကြောင်းရင်းတစ်ခုခုရှိခြင်းနဲ့ မရှိခြင်းဆိုတဲ့ စည်းတော့ခြားတယ်။ ကောင်းခြင်းမကောင်းခြင်းရဲ့ လူ့အပေါ်ယံအမြင်သက်သက်နဲ့ မြင်နိုင်တန်စွမ်းက တိုက်ရိုက်အချိုးမကျတာကိုလည်း ပြထားတယ်။ ဆိုတော့ ဒီရုပ်ရှင်က တော်တော်စုံစုံစေ့စေ့ကို မျက်မှောက်ခေတ်လူ့ဆက်ဆံရေးဆိုတဲ့အကြောင်းအရာကို ပြထားတယ်လို့ မြင်တာပါပဲ။ ထွက်တာက အခုဆို အနှစ်၃၀ကျော်ပြီပေမဲ့ သူတင်ပြခဲ့တဲ့ အချက်တွေဟာ အခုထက်ထိ သစ်နေတုန်းပါပဲ။ ခေတ်တွေ ဘယ်လိုပဲပြောင်းပြောင်း လူတွေဟာ လူတွေပဲ မဟုတ်လို့လား။ ရှေးရှေးတုန်းက မြူတွေက ပိုချမ်းအေးခဲ့သလို ရှေးရှေးတုန်းက လူတွေက ပိုအေးချမ်းခဲ့လိမ့်မယ်။ ခေတ်တွေနဲ့ တိုက်ရိုက်မချိုးကျဘူးလို့ ပသို့ပဲဆိုဆို အလိုတွေမြောင် အပူတွေတိုးရင်း။ ပိုကောင်းတဲ့လူ့ဘောင်ကိုရရင် အားလုံးချမ်းသာလာမလား။ အားလုံးချမ်းသာကုန်ရင် ပိုကောင်းတဲ့ လူ့ဘောင်ကို ရလာမလား။ အနာဂတ်ဆီ မျှော်ရည် ကြံဆသမျှတို့ဟာ မအေးချမ်းနိုင်ဘူး ဆိုတဲ့ သေချာတဲ့ပစ္စုပ္ပန်။ သူ့ကိုယ်သူ ကွန်ဖျူးရှပ်ဝင်စားတယ် ထင်နေတဲ့ လောကကိုကယ်တင်ချင်တဲ့ လူတစ်ယောက်ဟာ ကမ္ဘာကို အဆက်ဖြတ်ထားတယ်။ ဟိုးတုန်းကတော့ သူသူကိုယ်ကိုယ် လောကကို စတင်တွေ့ရှိချိန်။ အခက်တွေက အခက်တွေ အပျော်တွေက အပျော်တွေ သီးသန့်စီ။ ချစ်ခြင်းလား။ ဒီလောကရဲ့ အသန့်စင်အမွန်မြတ်ဆုံးအရာ။ ငါတို့ယုံခဲ့တယ်။ အကောင်းဘက်က ကြည့်တဲ့ လောကကြီးဟာ အဲဒီလူရဲ့ ကမ္ဘာမှာလည်း နေမင်းပြုံးလို့ နေ့တိုင်းလှခဲ့မယ်။ အနေကြာလာရင် ဘဝဟာ အခိုင်မာဆုံး စိတ်ဓာတ်တွေကိုတောင် ပြိုလဲစေနိုင်တယ်ဆိုတဲ့စကားက အလကားတော့မဟုတ်ဘူး။ ရှာဖွေလေ တွေ့ရှိလေဆို လူတွေဟာ ပြောင်းလဲလာကြတယ်။ တစ်ချိန်တစ်ခါက အသန့်စင်အမွန်မြတ်ဆုံးအရာ, နေ့တိုင်းလှတဲ့ကမ္ဘာဟာ အရှိတရား ရှေ့မှောက်တည့်တည့်ရောက်လာရင် ‌ယေဘုယျတွေသက်သက် ဖြစ်သွားမယ်။ ကွန်ဖျူးရှပ် လူဝင်စားဟာ ရိုမန့်တစ်သိပ်ဆန်တဲ့လူဖြစ်ခဲ့တယ်။ ပိုမျှော်လင့်ထားရင် ပိုစိတ်ပျက်ရတတ်သလား။ အရှိတရားရှေ့တည့်တည့်မှာ ကွန်ဖျူးရှပ်လူဝင်စား ငါ့အတွက်မသက်ဆိုင်တဲ့နေရာလို့ ကမ္ဘာကို လက်လျော့သွားတယ်။ ကမ္ဘာကို ပြန်ပြင်ချင်ခဲ့တဲ့အကြောင်း နှစ်ပေါင်းများစွာ ချောင်တစ်ချောင်မှာ သူကြိုးစားတည်ဆောက်ပေမဲ့ ကမ္ဘာကို သူပြန်ဝင်မိတဲ့နေ့မှာပဲ တည်ဆောက်ခဲ့သမျှက လေလွင့်ဖို့ ဖြစ်လာခဲ့တယ်။ ထင်သလောက်ကောင်းတဲ့ လောကကြီးတော့ မဟုတ်ပေမဲ့ ထင်သလောက်မကောင်းတဲ့ လောကကြီးလည်း မဟုတ်ခဲ့ပါဘူး။ ဒဿနတွေထဲ ဘယ်တော့မှ မနေတဲ့ သူရှာနေတဲ့အရာဟာ ဗုဒ္ဓဆိုသလို အလယ်တည့်တည့်မှာ။ တည်ဆောက်မှုတွေအကြောင်း ဒီအရွယ်ဒီအချိန်ဆို အသင့်အတင့်တော့ သိခဲ့ပြီးပြီမဟုတ်လား။ ဘဝလမ်းအစခရီးကို အတူတူလှမ်းဖို့ တစ်စုံတစ်ယောက်လည်း ရှိခဲ့ပြီးပြီ မဟုတ်လား။ ဘဝအသစ်ကို ပေးဖို့ ငါတို့ ဖြစ်ချင်သမျှဆိုတဲ့ ခက်ခဲလှတဲ့ ပန်းတိုင်တွေ။ ရိုးရိုးကျင့် မြင့်မြင့်ကြံရင်း တိုးတက်လာခဲ့တယ်လို့ ထင်ရတဲ့ နိုင်ငံလေးတစ်ခုမှာ ရိုးရိုးကျင့်မြင့်မြင့်ကြံရင်း တစ်ဦးတစ်ယောက်ထံ ဘဝအသစ်တစ်ခုကို ပေးချင်ခဲ့တဲ့ လူငယ်လေးတစ်ယောက်ရှိတယ်။ တစ်ဦးနဲ့မယှဉ်နိုင်တဲ့လောကကို နှစ်ဦးပြိုင်မယ်ဆိုပြီး အတူတူကြိုးစားခဲ့ကြတဲ့ ချစ်သူတွေ။ အတူတူကြိုးစားခြင်းဆိုတဲ့ စကားလုံးဟာ ချစ်သူတွေကြား သိပ်လှတယ်ဆိုတဲ့အကြောင်း ငါကြားဖူးတယ်။ တစ်ဦးတွေ့တဲ့အခက် တစ်ဦးကူရင်း ငါပျော်ရင်တော့ ခွဲပေးပြီး ငါမပျော်ရင်တော့ ခွဲမပေးချင်တော့တဲ့ အခါတွေပေါ့။ ပျော်ရင်ခွဲပေးပြီး မပျော်ရင်မခွဲပေးချင်တော့တာ ချစ်ခြင်းရဲ့ပြယုဂ်တစ်ခုလို့ ငါယုံပေမဲ့ တစ်ခါတလေ ကမ္ဘာဟာ ဒီလောက်မရိုးရှင်းဘူး။ မပျော်စရာ ပျော်စရာ အကုန်ဝေမျှရင်းလည်း အချစ်ဖြစ်တတ်တာပဲ။ နှစ်ဦးတွေ့တဲ့အခက်ကို တစ်ဦးမှ မကူနိုင်တော့တဲ့အခါ လူဟာ လူပီပီသသ အပြစ်တို့ ထင်လာမယ်။ ဒီလိုသာပဲ ကောင်လေးနဲ့ ကောင်မလေး ဝေးသွားတယ်။ ဒီလောက်မှ မရှိရင် မဖြစ်ပါဘူးလို့ တစ်နေရာက လှမ်းမြင်တဲ့အရာတွေဟာ တကယ်တမ်း ဘာမှမရှိတော့ရင်တောင် ဘာမှမဖြစ်တော့တာကို ရောက်တဲ့အခါ မြင်လာတာပါပဲ။ ထင်တာထက် ခက်ခဲ့တဲ့ကမ္ဘာဟာ နေပျော်နိုင်သရွေ့ ထင်သလောက်လည်း မခက်တဲ့အရာြဖစ်လာခဲ့တယ်။ တူနှစ်ကိုယ်တဲအိုပျက်ဖို့ မလိုသလို မမီသာတဲ့ မိုးမဏ္ဍပ်ကြီးကိုတည်ဆောက်ဖို့လည်း မလိုခဲ့ဘူး။ အနာဂတ်ဆီ မျှော်ရည် ကြံဆသမျှတို့ဟာ မအေးချမ်းနိုင်ဘူး ဆိုတဲ့ သေချာတဲ့ပစ္စုပ္ပန်။ ရုပ်ဝတ္တုထဲ ဘယ်တော့မှ မတည်တဲ့ သူရှာနေတဲ့ ကမ္ဘာဟာ ဗုဒ္ဓဆိုသလို အယ်တည့်တည့်မှာ။ ဒီတိုင်းလည်း ဖြစ်တယ်။ ဒီထက်လည်း တိုးဦးမယ်။ ဒီထက်လည်း လျော့ဦးမယ်။ ဒီတိုင်း လည်းဖြစ်ပါတယ်။ ချစ်ခဲ့ရင် ဒီတိုင်းလည်း ဖြစ်တယ်။ ချစ်ခဲ့ရင် ဒီထက်လျော့လည်း ဖြစ်တယ်။ ချစ်ခဲ့ရင် ဒီထက်လည်း တိုးလိမ့်မယ်။ ချစ်ခဲ့ရင် ဒီတိုင်းလည်း ဖြစ်တယ်။ ချစ်ခဲ့ရင်ပေါ့။ ချစ်ခဲ့ရင်။ File size… (4.6 GB) / (1.7 GB) Quality…. Blu-Ray 1080p HEVC / 720p Format…. mkv/mp4 Genre…. Comedy,Drama,Romance Duration…. 02:09:33 Subtitle…. Myanmar Subtitle (Hardsub)

A Brighter Summer Day (1991) IMDB - 8.4 Rotten Tomatoes -100% A Brighter Summer Dayဟာ တရုတ်ဂန္တဝင်စာပေတွေဖြစ်တဲ့ ခန်းဆောင်နီအိပ်မက်တို့ လက်ဖက်ရည်ဆိုင်တို့လို ဇာတ်ကောင်အ‌ခြေပြု ခေတ်အရိပ်ထင်ဟပ်တဲ့ ရုပ်ရှင်ပါပဲ။ အက်ဒ်ဝတ်ယန်းဟာ ဒီရုပ်ရှင်အတွက် မျက်နှာသစ်သရုပ်ဆောင်၁၀၀ကိုသုံးခဲ့ပြီး ဒီရုပ်ရှင်ဟာ လေးနာရီအတိနီးပါရှိပါတယ်။ ဒီရုပ်ရှင်ရဲ့ ဇာတ်အိမ်စိုက်ရာခေတ်ကာလကတော့ ၁‌၉‌၅‌၉ပါ။ ၁၉၄၉မှာ မော်စီတုန်းခေါင်းဆောင်တဲ့ ကွန်မြူနစ်တွေဟာ ပြည်မကြီးအပါအဝင် တရုတ်ပြည်ရဲ့သုံးပုံတစ်ပုံ ကိုသိမ်းပြီး တရုတ်ပြည်သူ့သမ္မတနိုင်ငံကိုစထောင်လိုက်ပါတယ်။ အမျိုးသားအစိုးရနဲ့အတူ လူအများဟာ ထိုင်ဝမ်ကို ပြောင်းရွှေ့လာခဲ့ပြီး ဘဝအသစ်စတင်ကြရပါပြီ။ ဒီလိုပြောင်းရွေ့ရာ အ‌ခြေမကျသေးတဲ့ပတ်ဝန်းကျင်မှာကြီးပျင်းလာရတဲ့ လူငယ်တွေရဲ့ဘဝဟာလည်း လွယ်ကူမနေခဲ့ပါဘူး။ လူငယ်တွေရဲ့ အ‌ခြေအနေကို ဗဟိုပြုပြီး ၁၉၅၉ခုနှစ် ထိုင်‌ဝမ်ရဲ့ရွှေအိုရောင်မသန်းခဲ့တဲ့ အတိတ်တွေအကြောင်းပါးပါးလေး ပုတ်ပြထားပါတယ်။ ‌ဒီရုပ်ရှင်ဟာ လက်တွေ့ထက်ကို အတော်လက်တွေ့ဆန်တယ်လို့ ဆိုရပါမယ်။ မသိစိတ်ရဲ့ လိင်အာသီသတွေ၊ မိန်းမတွေကိုကြည့်တဲ့ ပတ်ဝန်းကျင်ရဲ့ မျက်လုံး‌တွေ။ လူရဲ့စရိုက်တွေဟာ သူများအိမ်ကို နံရံကလိုင်ပေါက်ကနေ ချောင်းကြည့်နေရသလိုပါပဲ။ တစ်ကိုယ်ကောင်းဆန်မှုတွေ၊ လူကောင်းတွေရဲ့ ဇာတ်သိမ်းမလှမှုတွေနဲ့ အဆင်မပြေတဲ့ခေတ်ကြီးထဲက ခါးသက်သက်အဖြစ်အပျက်တွေကြားမှာ သားဘက်က အမြဲရှိပေးတဲ့အဖေတွေ၊ သူငယ်ချင်းကောင်း‌တွေ၊ အနစ်နာခံတတ်တဲ့အကိုတွေကို ပေါင်းထည့်ပြီး ရက်စက်ကြမ်းကြုတ်ပြီး လူသားဆန်တဲ့ကမ္ဘာကြီးကို ယင်နဲ့ယန်လို တွဲလျက်သားရိုက်ပြသွားတယ်။ ဒုက္ခ‌တွေကြားက လူသားဆန်မှုလေးတွေကိုပြထားပုံကလည်း " ဘဝမှာ လေပြည်ကိုချည်း မျှော်လင့်စရာမလိုပါဘူး မုန်တိုင်းမှာလည်း အောက်ဆီဂျင်ပါတယ်" ဆိုလိုသလိုပါပဲ။ A brighter Summmer Dayဆိုတဲ့ Titleကတော့ အဲဗစ် ပရက်စလေရဲ့ နာမည်ကျော်သီချင်းတစ်ပုဒ်ဖြစ်တဲ့ Are you lonesome tonight?ထဲက Does your memory stray to a brighter sunny day ဆိုတဲ့ စာသားကလေးက လာပါတယ်။ A Brighter Summer dayဆိုတဲ့ နေ့ကလေးကို ဒီရုပ်ရှင်ရဲ့ ဇာတ်အိမ်ထဲမှာတော့ ခင်ဗျား တွေ့ရမှာမဟုတ်တာသေချာပါတယ်။ ဒီရုပ်ရှင်ထဲက ဇာတ်ကောင်တွေရဲ့ ရင်ထဲကို မျှော်လင့်ချက်‌တွေထဲကို မြင်အောင်ကြည့်ရင်တော့ ဟိုမှာ နေသာနေတဲ့ နွေရာသီနေ့ကလေးတစ်ရက်ဟာ ထင်ရှားရှိနေမှာပါ။ အတိတ်တို့ရဲ့ တန်ဖိုးဟာ အမြဲတမ်း‌တော့ လွမ်းမောစရာဖြစ်နေခြင်း မဟုတ်တတ်ပါဘူး။ ဒီရုပ်ရှင်မှာတော့ ဒီမလှပခဲ့တဲ့ အတိတ်နေ့တွေဟာ မျှော်လင့်စရာကျန်သေးကြောင်း ခံစားသိစေတာပါပဲ။ Edward Yangဟာ ဒီကျောရိုးရဲ့ အနောက်မှာ အချစ်ဇာတ်လမ်းကလေးတစ်ခုကို မျှဉ်းမျှဉ်းကလေး သွင်းထားပါသေးတယ်။ အဲ့ဒီဇာတ်လမ်းကလေးမှာ ဒီကောင်းကင်ကြီး ဘယ်လောက်ကျယ်ပြောသလဲ သိချင်တဲ့ ပျံသန်းတတ်စ ငှက်ကလေးနှစ်ကောင် ရှိပါတယ်။ နွေဦးဟာ ကွယ်ပျောက်သွားခဲ့ပါပြီ။ လေစီးကြောင်းမတူညီလေတော့ ကောင်းကင်ကျယ်ပြာကြီးရဲ့အောက်မှာ သူတို့ ဘယ်တော့မှပြန်မဆုံနိုင်တာလည်း ဖြစ်ကောင်းရဲ့။ တစ်နည်းနည်းနဲ့တော့ ဟိုးဆီမှာ နေသာဦးမယ့် နွေနေ့ရက်တို့ရှိ‌နေတာလည်း ဖြစ်ကောင်းရဲ့။ ( အညွှန်းရေးသားထားတာကတော့ WiRa Aung ဖြစ်ပါတယ် ) File size__( 2.15 GB ) Quality__720p IMDb Rating__8.4/10 Format__mp4 Duration__3hr..57mins..47s Type__Crime, Drama, Romance Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Dust in the Wind (1986) ~ IMDb - 7.6/10, Rotten Tomatoes - 100% ~ Dust in the Wind ဟာ နာမည်ကျော်ထိုင်ဝမ်နယူးဝေ့ဒါရိုက်တာတွေထဲကတစ်ယောက်ဖြစ်တဲ့ Hou Hsiao-Hsien နဲ့ ဇာတ်ညွှန်းဆရာ Wu Nien-Jen တို့ တွဲလုပ်ထားတဲ့ Hou and Wu's Collaborations Trilogy ထဲက ပထမဆုံးကားပါပဲ။ ထိုင်ဝမ်နယူးဝေ့တွေမှာ အတွေ့ရများတဲ့အတိုင်း တိုးတက်မလာခင် တိုးတက်လာဆဲ ထိုင်ဝမ်ရဲ့ ခေတ်အခြေအနေကို ဇာတ်ကောင်တွေရဲ့ ဖြတ်သန်းကြပုံကို ရိုက်ပြထားတယ်။ Dust in the Wind ထဲက အခြေအနေတွေဟာ Hou တို့တွေ ဖြတ်သန်းခဲ့ရတဲ့ အခြေအနေတွေဖြစ်ပြီး ၁၉၇၀ ထိုင်ဝမ်ရဲ့ မြို့ပြရယ်လို့ တိုးတက်မှုတွေများပြားလာတဲ့ ကာလမှာဇာတ်အိမ်တည်ထားတယ်။ အဲဒီကာလမှာ နယ်မြို့ရွာလေးတွေက လူငယ်တွေဟာ တိုင်ပေမှာ အလုပ်လုပ်ရင်း ကျောင်းဆက်တက်သူတက်ကြတယ်။ အလုပ်ချည်းလုပ်သူက လုပ်ကြတယ်။ အိမ်ကို ငွေတွေပြန်ပို့ကြတယ်။ မြို့ပေါ်ကနေ စစ်မှုထမ်းဝင်သူတွေကလည်း ဝင်ကြတယ်။ ဒီလိုအချိန်မှာ လူငယ်တွေ ကြုံတွေ့ရတဲ့ လုပ်ငန်းခွင်အနိုင်ကျင့်မှုတွေကိုလည်း ပုံဖော်ထားသလို ကောင်းတဲ့အလုပ်ရှင်တွေကိုလည်း ပုံဖော်ထားတယ်။ ပြောရရင် Dust in the Wind ဟာ ခေတ်တစ်ခုရဲ့လူငယ်တွေဘဝကို ပုံဖော်ထားတဲ့ ရုပ်ရှင်သက်သက်ပဲ။ နယူးဝေ့ရုပ်ရှင်စာရင်းတော့ဝင်ပေမဲ့ ထိုင်ဝမ်နယူးဝေ့ဒိုကူမန်ထရီထဲ Hou ပြောဖူးသလိုပဲ အသစ်ဘာမှမရှိပါဘူး။ အရာတိုင်းက ရိုက်ပြပြီးသားချည်းပဲ။ ကိုယ့်ရှေ့ကခေတ်ရဲ့ အခြေအနေကို ရိုက်ပြထားတဲ့ရုပ်ရှင်တစ်ကားပါပဲ။ Hou ဟာ Ozu ရဲ့ လွှမ်းမိုးမှုအတန်ရှိတယ်ဆိုတဲ့အတိုင်း Hou ကတော့ အိုဇုရဲ့ ပတ်ဝန်းကျင်က ငြိမ်သက်တဲ့အခြေအနေတွေထဲက အရွေ့သေးသေးလေးတွေကို ရိုက်ပြတဲ့ဘက်အလေးသာပြီး Ozu ရဲ့ လွှမ်းမိုးမှုတော်တော်များတယ်လို့ ကျွန်တော်မြင်တဲ့ Kore-eda ကတော့ နောက်ပိုင်းမှာ အိုဇုရဲ့ ထိပ်လေးပဲ ရေပေါ်ပေါ်နေတဲ့ ရေခဲတုံးကြီးရဲ့ ရေမြုပ်နေတဲ့အောက်ပိုင်းဆန်တဲ့ မပြထားတဲ့ဇာတ်ဝင်ခန်းတွေရဲ့အရေးပါပုံကိုပြတဲ့ဘက် ပိုအလေးသာနေတယ်။ ဒီဇာတ်လမ်းမှာ ကောင်လေးနဲ့ကောင်မလေး သိပ်ချစ်ကြတယ်လို့ မပြောလည်း ကျွန်တော်တို့သိခဲ့ရတယ်။ တစ်နေ့မှာ ခေတ်ကြောင့်ပဲ ကောင်လေးနဲ့ကောင်မလေး တစ်သက်လုံးဝေးသွားကြတယ်။ တစ်ခုခုတော့ ဟုတ်ချင်ဟုတ်ပါလိမ့်မယ်။ ဒါပေမဲ့လည်း ဘာမှမဟုတ်သလိုပါပဲ။ သက်ငြိမ်နေတယ်။ ကျွန်တော်တို့ဘဝတွေရဲ့ သက်ငြိမ်မှုတွေလိုလို... (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2GB, 890MB Quality - BluRay 1080p, 720p IMDb Rating - 7.6/10 Format - mp4 Duration - 1H 49Min Genre - Drama, Romance Subtitle - Myanmar Subtitle (Hardsub) Translated by WiRa Aung Encoded by Y