David Brandon ပါဝင်သော ဇာတ်ကားများ

IMDb Rating 7.3 အထိရရှိထားတဲ့ Diaz - Don't Clean Up This Blood ဆိုတဲ့ ဖြစ်ရပ်မှန်ဇာတ်ကားတစ်ကားကို တင်ဆက် ပေးလိုက်ပါတယ်။ဘယ်ဖြစ်ရပ်မှန်ကိုအခြေခံထားတာလည်းဆိုတော့ 2001 ခုနှစ်တုန်းကအီတလီမှာပြုလုပ်ခဲ့တဲ့ G8 ညီလာခံမှာ ဆူပူသောင်းကျန်းဆန္ဒပြမှုတွေဖြစ်ခဲ့ပြီး အဲ့ဒီနောက်ဆက်တွဲဖြစ် ခဲ့တဲ့အရာတွေကို အခြေခံထားတာပဲဖြစ်ပါတယ်။အဲ့ဒီအထိကရုဏ်းတွေ ဖြစ်ခဲ့တဲ့အချိန်မှာ ရဲတွေရဲ့ပစ်ခတ်မှုကြောင့် လူငယ်တစ်ယောက် သေဆုံးသွားခဲ့ရပြီး ဆန္ဒပြမှုတွေအရှိန်အဟုန်ပိုတိုးလာခဲ့ပါတယ်။ ရဲတွေဘက်ကလည်း အဲ့ဒီဆန္ဒပြသူတွေကိုနှိမ်နင်း ဖမ်းဆီးဖို့ကြိုးစား နေခဲ့ကြပါတယ်။တစ်နေ့မှာတော့ ဆန္ဒပြသူတွေပုန်းခိုနေတဲ့ နေရာအတိ အကျသတင်းရသွားပြီး ဝင်ရောက်စီးနင်းခဲ့ပါတော့တယ်။ဒါပေမယ့် ရဲတွေရဲ့ ထုံးစံအတိုင်းဖမ်းဆီးတာကို ရိုးရိုးတန်းတန်းမဖမ်းဆီးပဲ အကြမ်းဖက် ရိုက်နှက်ပြီးဖမ်းဆီးခဲ့ပြီး အဲ့ထဲမှာသတင်းထောက်တွေ ဂျာနယ်လစ်တွေပါနေတဲ့အခါမှာတော့ သူတို့ရဲ့ရက်စက်မှုတွေကို တစ်ကမ္ဘာလုံးသိအောင်ဖော်ပြခဲ့ပုံကိုကြည့်ရှုရမှာပဲဖြစ်ပါတယ်။ File size…2.52GB / 1.21GB Quality…Blu-Ray 1080p  / 720p Format…mp4 Duration….2h 7m Genre ….. Drama Subtitle….Myanmar Subtitle (Hard Sub) Encoder….Min Wai Translated by Saw Lay

၁၉၇၈ တုန်းကထွက်ခဲ့တဲ့ နာမည်ကြီး ဂန္ထဝင် ဇာတ်ကားလေး "The Boys from Brazil" အကြောင်း နည်းနည်းလောက် ပြောပြချင်ပါတယ်။ ဒီကားလေးက စာရေးဆရာ Ira Levin ရဲ့ ဝတ္ထုကို အခြေခံပြီး ဒါရိုက်တာ Franklin J. Schaffner ရိုက်ကူးထားတဲ့ Sci-Fi Thriller (သိပ္ပံနဲ့ သည်းဖိုရောထားတဲ့) ဇာတ်ကားကောင်းတစ်ကားပါ။ ဒုတိယကမ္ဘာစစ်အပြီး နောက်ခံသမိုင်းကြောင်းရယ်၊ သိပ္ပံပညာရယ်ကို သေသေချာချာလေး ပေါင်းစပ်ထားလို့ ကြည့်နေရင်းနဲ့ ရင်တထိတ်ထိတ်ဖြစ်စေမယ့် ကားမျိုးပေါ့။ ဒုတိယကမ္ဘာစစ်ကြီး ပြီးသွားတဲ့အချိန် ပါရာဂွေးနိုင်ငံမှာ ပုန်းအောင်းနေတဲ့ နာဇီဆရာဝန် ဂျိုးဆက် မန်ဂယ်လီ (Gregory Peck) ကနေ ဇာတ်လမ်းကို စထားပါတယ်။ သူက ကမ္ဘာတစ်ဝှမ်းက အသက် ၆၅ နှစ်အရွယ် အမျိုးသား ၉၄ ယောက်ကို လိုက်သတ်ဖို့ လျှို့ဝှက်အစီအစဉ်တစ်ခု ဆွဲပါတော့တယ်။ အဲဒီလို ထူးထူးဆန်းဆန်း လိုက်သတ်နေတာကို နာဇီစစ်ရာဇဝတ်ကောင်တွေကို လိုက်လံဖော်ထုတ်နေတဲ့ အဘိုးအိုကြီး အက်ဇရာ လီဘာမန် (Laurence Olivier) က ရိပ်မိသွားပြီး စုံစမ်းပါတော့တယ်။ လီဘာမန် တစ်ဆင့်ပြီးတစ်ဆင့် စုံစမ်းရင်းနဲ့မှ ဆရာဝန် မန်ဂယ်လီရဲ့ ကြောက်စရာကောင်းတဲ့ အကြံအစည်ကြီးကို သိသွားခဲ့ပါတယ်။ အဲဒါကတော့ အဒေါ့ဖ် ဟစ်တလာ (Adolf Hitler) ရဲ့ ကိုယ်ပွား (Clone) ကလေးတွေကို ဖန်တီးပြီး နာဇီအာဏာရှင်စနစ်ကို ပြန်အသက်သွင်းဖို့ ကြိုးစားနေတာပဲ ဖြစ်ပါတယ်။ ဒီအချက်တွေကို ဘယ်လိုဖော်ထုတ်သွားမလဲဆိုတာ စိတ်လှုပ်ရှားစရာ ကြည့်ရမှာပါ။ ဟောလိဝုဒ်မှာ လူကောင်းဇာတ်ရုပ်တွေနဲ့ပဲ ပရိသတ်အချစ်တော်ဖြစ်ခဲ့တဲ့ Gregory Peck ကို ဒီကားထဲမှာတော့ သွေးအေးအေးနဲ့ ရက်စက်တတ်တဲ့ နာဇီဆရာဝန်ကြီးအဖြစ် အထာကျကျ မြင်တွေ့ရမှာပါ။ သူ့ရဲ့ သရုပ်ဆောင်ပြောင်းလဲမှုက တကယ့်ကို အံ့သြစရာကောင်းလောက်အောင် ပီပြင်ပါတယ်။ Laurence Olivier သရုပ်ဆောင်ထားတဲ့ အက်ဇရာ လီဘာမန် ဆိုတဲ့ ဇာတ်ကောင်ကလည်း အသက်ကြီးပြီး အားနည်းနေပေမယ့် တရားမျှတမှုအတွက် ဇွဲမလျှော့ဘဲ တိုက်ပွဲဝင်တဲ့ နေရာမှာ ကြည့်ရတာ တော်တော်လေးကို သနားစရာကောင်းသလို၊ လေးစားစရာလည်း ကောင်းပါတယ်။ (စိတ်ဝင်စားစရာ တစ်ခုက Olivier ဟာ အရင် "Marathon Man" ဇာတ်ကားတုန်းက နာဇီဆရာဝန်အဖြစ် သရုပ်ဆောင်ခဲ့ဖူးပြီး ဒီကားမှာတော့ နာဇီတွေကို ပြန်လိုက်ဖမ်းတဲ့သူအဖြစ် ပြောင်းသရုပ်ဆောင်ထားတာပါ)။ ၁၉၇၀ ပြည့်လွန်နှစ်တွေဆိုတာ Cloning (ကိုယ်ပွားဖန်တီးခြင်း) တို့၊ Genetics (မျိုးရိုးဗီဇ) တို့ဆိုတာ လူသိပ်မကျယ်ပြန့်သေးတဲ့ အချိန်ပါ။ အဲဒီခေတ်ကတည်းက ဒီလို ခေတ်ရှေ့ပြေးနေတဲ့ ဇာတ်လမ်းမျိုးကို တွေးခေါ်ပြီး တည်ဆောက်နိုင်ခဲ့တာက တကယ့်ကို ချီးကျူးစရာပါပဲ။ ဒီကားက "မွေးရာပါ မျိုးရိုးဗီဇလား၊ ကြီးပြင်းလာရတဲ့ ပတ်ဝန်းကျင်လား" (Nature vs. Nurture) ဆိုတဲ့ အမြဲငြင်းခုံနေရတဲ့ အကြောင်းအရာကို သေချာလေး မီးမောင်းထိုးပြထားပါတယ်။ လူဆိုးတစ်ယောက်ရဲ့ DNA ကို ရထားရုံနဲ့ အဲဒီကလေးက ကြီးလာရင် အလိုလို လူဆိုးဖြစ်လာမှာလား၊ ဒါမှမဟုတ် သူကြီးပြင်းလာရတဲ့ ပတ်ဝန်းကျင်ကပဲ သူ့အကျင့်စရိုက်ကို ပုံဖော်သွားမှာလား ဆိုတာကို ပရိသတ်တွေ တွေးစရာကျန်ခဲ့အောင် ရိုက်ပြသွားတာပါ။ "The Boys from Brazil" ဟာ အက်ရှင်ကြမ်းကြမ်းတွေထက် ဇာတ်လမ်းဇာတ်ကွက် ခိုင်ခိုင်မာမာနဲ့ ဇာတ်ကောင်တွေရဲ့ စိတ်ပိုင်းဆိုင်ရာ အားပြိုင်မှုတွေကို ပိုပြီး အသားပေးထားတဲ့ ကားမျိုးပါ။ ခေတ်ဟောင်း စုံထောက်သည်းဖိုကားတွေကို ကြိုက်တဲ့သူတွေ၊ သမိုင်းနောက်ခံ သိပ္ပံစိတ်ကူးယဉ်ကားတွေကို သဘောကျတဲ့သူတွေဆိုရင်တော့ သေချာပေါက် ကြည့်သင့်တဲ့ ဂန္ထဝင်ကားကောင်းတစ်ကားလို့ ညွှန်းပါရစေ။ File size…2.78 GB / 1.18 GB Quality… Blu- Ray 1080p & 720p Format… mp4 Duration…2h 5m Genre ..... Mystery / Sci -Fi Subtitle…. Myanmar Subtitle (Hard Sub)