David Guetta ပါဝင်သော ဇာတ်ကားများ

Avicii – I’m Tim (2024) IMDB – 7.9/10 EDM လောကမှာ Avicii ဆိုတာ မသိသူရှားပါတယ်။ EDM နားမထောင်လည်း သူ့ သီချင်းတွေကို ကြားဖူးနေကြမယ်ဆိုတာလည်း သေချာပါတယ် Wake Me Up တို့ The Nights တို့ Waiting for Love တို့ စသဖြင့် အများကြီးပါ။ Avicii ဆိုတာ အဓိပ္ပာယ်အပြည့် သီချင်းကောင်းတွေနဲ့အတူ ချန်ရစ်ပြီး စောစောစီးစီး အရွယ်ကောင်းနဲ့ ကြွေလွင့်ခဲ့ရတဲ့ အနုပညာသမားကောင်းတစ်ယောက်ပါ။ ၂၀၁၇ ခုနှစ်မှာတုန်းကလည်း သူ့အကြောင်း Documentary တစ်ကား ထွက်ခဲ့ပါသေးတယ်။ ဒီကားမှာတော့ ငယ်ဘဝတုန်းက မှတ်တမ်းတွေရော မိတ်ဆွေတွေရဲ့ အမှတ်တရတွေကို ပြန်ပြောပြ ဇာတ်ဖော်ထားပြီး အစုံအလင်ပါဝင်ထားပြီး ပိုပြီး ပြည့်စုံစေတယ်လို့ မြင်မိပါတယ်။ ငယ်ရွယ်စဉ်ဘဝမှာ EDM ကို ဘယ်လိုထိတွေ့ခဲ့ပြီး ဘယ်လိုမျိုး စလုပ်ဖြစ်ခဲ့တာတွေ။ ဘယ်လိုမျိုး အောင်မြင်ခဲ့တာတွေ။ အောင်မြင်လာတဲ့အလျောက် ဘယ်လိုမျိုး ဆိုးကျိုးတွေကို ခံစားရပြီး ဘာဖြစ်ခဲ့သလဲဆိုတာကို တင်ဆက်ထားတာပါ။ Tiesto တို့ Alesso တို့ David Guetta တို့ Coldplay အဆိုတော် Christ Martin တို့ စသဖြင့် နာမည်ကျော်တွေလည်း ပါဝင်ထားတာကို မြင်ရပါဦးမယ်။ Avicii ဆိုတာ ထာဝရတည်တံ့စေမယ့် သီချင်းတွေ ဖန်တီးချင်တယ်တဲ့ တကယ်လည်း လူသေသွားခဲ့ပေမဲ့ သီချင်းတွေက ခုထိရှင်ကျန်နေဆဲ ဖြစ်ပါတယ်။ ကျွန်တော်က EDM သမားတစ်ယောက်ပါ ကျွန်တော့်အတွက် ဘဝမှာ အနှမြောဆုံးတစ်ခု ပြောရမယ်ဆိုရင် Avicii ကို အပြင်မှာ Liveset မကြည့်ခဲ့လိုက်ရတာပါပဲ။ အခုချိန်ထိ တချို့ EDM သီချင်းတွေ နားထောင်မိလို့ သူတီးခဲ့တာလေးတွေနဲ့ ဆင်နေရင် ဒါက Avicii စတိုင်ပါလားဆိုပြီး ဒီလောကမှာ ပြောစမတ်တွင်ရလောက်အောင် သမိုင်းချန်ထားခဲ့သူပါ။ အဲဒါကလည်း သူ America မှာ ဒီ Folk, Rock, Blue ဆန်ဆန်လေးတွေနဲ့ House ကို တွဲလုပ်လိုက်တာက ပိုပြီး ထူးခြားသွားစေတယ် ပြောရမယ်။ သူ့အနေနဲ့ True ရယ် Stories ရယ် Tim ရယ် Album ၃ ခွေထွက်ခဲ့ပြီး နောက်ဆုံးခွေ Tim ကတော့ သူ ဆုံးပြီးမှ ထွက်ရှိခဲ့တာပဲ ဖြစ်ပါတယ်။ သူ့ သီချင်းတွေအနေနဲ့ ကျွန်တော်က အကုန်လုံးနီးပါး ကြိုက်တယ်ဆိုပေမဲ့ လူသိပ်မသိတဲ့ Stories ခွေထဲက City Lights ရယ် Can't Catch Me ဆိုတဲ့ အပုဒ်လေးကတော့ မှတ်မှတ်ရရပါပဲ။ ဒီ ရုပ်ရှင်လေးထဲမှာဆို True Album ကို ထူးထူးခြားခြား Ultra ပွဲကြီးမှာ Debut လုပ်ခဲ့တာတွေ၊ သီချင်းတွေ ဖန်တီးမှုရဲ့နောက်ကွယ်က မှတ်တမ်းတွေ ကြည့်ရတာ တကယ်ကို Nostalgia ဖြစ်ပါတယ်။ အောင်မြင်လာတဲ့ Avicii တစ်ယောက် သူ့အတွက် မအောင်မြင်ခင်က ပိုပျော်ရွှင်ရတယ်ဆိုပြီး ဖြစ်လာတယ်၊ အောင်မြင်မှုနောက်က ငွေကြေးတွေ မကြိုက်တော့ဘူး လွတ်လပ်မှုကို ရှာဖွေချင်တယ်ဆိုပြီး အိုမန်နိုင်ငံမှာ ကိုယ့်ကိုကိုယ် ဖန်ခွဲစနဲ့ အဆုံးစီရင်သွားရလောက်အောင် သူ့စိတ်ထဲမှာ ဘာတွေဖြစ်နေခဲ့မလဲဆိုတော့ သူကိုယ်တိုင်ပဲ သိမှာပါ။ အနုပညာတွေကိုပဲ လွတ်လပ်စွာဖန်တီးချင်တဲ့လူတစ်ယောက်က ကတိကဝတ်တွေ Deadline တွေ လူပိန်းကြိုက် လုပ်ရတာတွေ အောင်မြင်မှုတွေ ငွေကြေးတွေ ကြိုးကိုင်မှုတွေရဲ့အောက်မှာ နေရတာ မွန်းကျပ်လာပြီး အားရပါးရ ဖွင့်ထုတ်လိုက်တယ်လို့ မြင်မိပါတယ်။ ဘယ်လိုနေနေပါ သူ မရှိတော့ပေမဲ့ သူ့ သီချင်းတွေကတော့ သူပြောခဲ့သလို ထာဝရတည်မြဲနေပြီး ခုထိ အောက်မေ့အမှတ်ရနေဆဲပါလို့ ပြောရင်း နိဂုံးချုပ်လိုက်ပါရစေခင်ဗျာ။ (အညွန်းနဲ့ ဘာသာပြန်ကတော့ Thura Aung ဖြစ်ပါတယ်) File size… 2.6 GB / 1.2 GB Quality…WEB DL 1080p HEVC/ 720p Format…mkv/ mp4 Duration….1h 35m Subtitle….Myanmar Subtitle (Hard Sub) Encoder….YK Translated by Thura Aung

EDM ကို ပေါ်ပင်ဂီတ၊ အပေါစားဂီတတစ်ခုလို့မြင်နေကြတဲ့ မြန်မာဂီတချစ်ပရိသတ်တွေအတွက် ပကာသနအကင်းဆုံးနဲ့ ဘဝကိုအရိုးရှင်းဆုံးဖြတ်သန်းခဲ့ပြီး စောစီးစွာကြွေလွင့်သွားခဲ့ရတဲ့ ကမ္ဘာကျော် DJ တစ်ယောက်ဖြစ်တဲ့ Avicii အကြောင်း ရိုက်ကူးထားတဲ့ Avicii: True Stories ဆိုတဲ့ရုပ်ရှင်ကားကို တင်ဆက်ပေးလိုက်ပါတယ်။ စတော့ဟုမ်းမြို့က ချာတိတ်လေးတစ်ယောက်ဟာ အသက် ၁၇ နှစ်အရွယ်မှာ FL Studios ဆိုတဲ့ Software လေးတစ်ခုကနေ အစပြုပြီး House Music နဲ့ Dance Music လောကမှာ အအောင်မြင်ဆုံးလူငယ်တစ်ယောက် ဖြစ်လာခဲ့ပါတယ်။ သူ့ရဲ့အသက်အရွယ်နဲ့ သူဖန်တီးခဲ့တဲ့ သီချင်းတွေဟာ မိုးနဲ့မြေလိုကွာခြားပြီး လူငယ်ပရိသတ်တွေရဲ့ ရင်ထဲကို Levels, Wake Me Up, The Nights စတဲ့ သီချင်းတွေကို အရောက်ပို့ပေးခဲ့သူပါ။ နာမည်ကျော် DJ သမားတွေဖြစ်တဲ့ Laidback Luke, David Guetta လိုလူမျိုးတွေကပါ သူ့ကို ပါရမီရှိပြီး ရိုးရှင်းတဲ့ DJ သမားလို့ ချီးကျူးခဲ့ရတဲ့အထိ သူ့ရဲ့ ဂုဏ်သတင်းက ကျော်ကြားခဲ့သလို အနုပညာသက်တမ်း ၇ နှစ်လောက်အတွင်းမှာ ပွဲပေါင်း ၈၀၀ ကျော်ဖျော်ဖြေခဲ့သူလဲဖြစ်ပါတယ်။ Avicii ရဲ့ဘဝဟာ ပရိသတ်တော်တော်များများအတွက်တော့ အိပ်မက်တစ်ခုဖြစ်ခဲ့ပါတယ်။ ဒါပေမယ့် ဒီလိုအောင်မြင်မှုတွေရဲ့ နောက်ကွယ်မှာ Avicii ဟာ ကျန်းမာရေးအခြေအနေဆိုးတွေနဲ့ ရုန်းကန်နေရတာကိုတော့ သူနဲ့ရင်းနှီးတဲ့လူနည်းစုကသာ သိရှိခဲ့တာပါ။ လူငယ်အနုပညာရှင်တစ်ယောက်ဖြစ်တဲ့အပြင် ပွဲပေါင်းများစွာကို မမောမပန်းပဲဖျော်ဖြေနိုင်ဖို့၊ အလုပ်ကို အာရုံသေချာစို်က်နိုင်ဖို့အတွက် အရက်သေစာကို ကုထုံးတစ်ခုအဖြစ်အသုံးပြုခဲ့တဲ့ Avicii ဟာ သိပ်မကြာခင်မှာပဲ အရက်အလွန်အကျွွံသောက်ခြင်းရဲ့အကျိုးဆက်အဖြစ် ပန်ကရိယရောင်ရမ်းလာခဲ့ပါတယ်။ ဒီဝေဒနာကြောင့် ရှိုးပွဲတွေလဲ ဖျက်ခဲ့ရတဲ့အပြင် အလုပ်တွေပါလစ်ဟင်းလာတဲ့အတွက် စိတ်ဓာတ်တွေကျခဲ့သလို အကိုက်အခဲပျောက်ဆေးဒဏ်တွေကြောင့် ပြန်လည်သက်သာဖို့ အတော်လေးအချိန်ယူခဲ့ရပါတယ်။ ဒါပေမယ့် သူဟာ ဆေးရုံတစ်ခါဆင်းတိုင်း အနားယူဖို့ထက် ပရိသတ်အတွက် သီချင်းအသစ်တွေဖန်တီးဖို့၊ ဖျော်ဖြေပွဲတွေလုပ်ဖို့သာ တာဆူခဲ့ပြီး ဒီဒဏ်တွေက သူ့ကိုတဖြေးဖြေးနှိပ်စက်လာတာကို လျစ်လျူရှှုနေခဲ့ပါတယ်။ ဒီရုပ်ရှင်မှာဆိုရင် ၂၀၁၆ ခုနှစ်က သူ အနားယူပြီလို့ တရားဝင်မကြေငြာခင် နောက်ဆုံးဖျော်ဖြေခဲ့တဲ့ပွဲအထိ မှတ်တမ်းတင်ရိုက်ကူးထားတာဖြစ်ပါတယ်။ သူ့ရဲ့ဘဝ အတက်အကျတွေ သီချင်းဖန်တီးမှုတွေအကုန်ပါဝင်ပြီး Avicii ဆိုတာ ဘယ်လိုလူမျိုးလဲဆိုတာ သိလာစေရမယ်လို့ အာမခံရဲတဲ့ရုပ်ရှင်တစ်ကားပါ။ အခုဆိုရင်တော့ အားလုံးသိထားတဲ့အတိုင်းပဲ Avicii ကတော့ အကြွေစောတဲ့ပန်းကောင်းတစ်ပွင့်ဖြစ်ခဲ့ပါပြီ။ သူ့ရဲ့ စိုးရိမ်စိတ်တွေ၊ ဝေဒနာတွေကို မခံနိုင်တော့တဲ့အဆုံးမှာ ကိုယ့်ကိုယ်ကို အဆုံးစီရင်ခဲ့တယ်ဆိုပြီး တရားဝင်ကြေငြာချက်လဲထွက်လာခဲ့ပါပြီ။ သူ ကွယ်လွန်သွားပေမယ့် သူ့ရဲ့ Levels နဲ့ Wake Me Up ကတော့ ပရိသတ်တွေရဲ့နှုတ်ဖျားမှာ စွဲနေဆဲဖြစ်ပါတယ်။ EDM သမားတွေဆို အမြင်စောင်းတတ်တဲ့၊ အထင်သေးတတ်တဲ့လူတွေအတွက်လဲ ဒီကားကိုကြည့်ပြီးရင် သူတို့ရဲ့ဘဝကို နားလည်လာမှာသေချာပါတယ်။ ဒီလိုအနုပညာရှင်ကောင်းတွေ ဆက်ပြီးပေါ်ထွက်လာဖို့မျှော်လင့်ရင်း ကောင်းရာသုဂတိလားပါစေ Avicii လို့ဆုတောင်းပေးလိုက်ပါတယ်ဗျာ။ ဆွီဒင်စကားပြောတစ်ချို့ဟာ English စာဖိုင်မှာမပါဝင်တဲ့အတွက် ချန်ထားခဲ့ရပါကြောင်းအသိပေးလိုပါတယ် (ဘာသာပြန်သူကတော့ ကိုအာကာနဲ့ ကမျိုးသန့်တို့ပါ) File Size : (750 MB) and (330 MB) Quality : WEBRip 720p Running Time : 1hr 37min Format : Mp4 Genre : Documentary Subtitle : Myanmar Subtitle (Hard Sub) Source : 1080p.NF.WEBRip.DDP2.0.x264-NTG Translated by Arkar and Myo Thant Encoded by Thanhtike Zaw