David Huff ပါဝင်သော ဇာတ်ကားများ

Highschool Musical ရဲ့ ၃ကားမြောက်မှာလည်း ၁နဲ့၂က သရုပ်ဆောင်တွေ အစုံအလင်ပြန်ပါလာပါတယ်။ ဒီကားမှတော့ ထရိုင်နဲ့အိစ့်ဟိုက်က သူငယ်ချင်းတစ်သိုက်ဟာ စီနီယာတန်းပြီးဆုံးပြီး ကျောင်းတော်ကြီးကို ခွဲခွာရတော့မှာ ဖြစ်တာကြောင့် တက္ကသိုလ်တက်ရောက်ဖို့အတွက် လျှောက်လွှာတွေ အသီးသီးပြင်ဆင်နေကြပါတယ်။ ဒီအချိန်မှာပဲ တစ်သက်လုံံးဘတ်စကတ်ဘောအတွက် ရှင်သန်လာတဲ့ ထရိုင်ဟာ သူ့မှာနောက်ထပ် Passion တစ်ခုရှိနေမှန်းသိလာရပါတယ်။ ဒါပေမယ့် သူ့ကို အောင်မြင်တဲ့ ဘတ်စကတ်ဘောကစားသမားဖြစ်စေချင်တဲ့ ဖခင်ဖြစ်သူနဲ့ အချစ်ဆုံးသူငယ်ချင်းဒန်းဖို့တို့ကြောင့် အကြပ်ရိုက်ပြီး ရွေးချယ်ရခက်နေပါတယ်။တစ်ဖက်မှာလည်း ထရိုင်ရဲ့ချစ်သူ ဂါဘရီရယ်လာကလည်း စတန်းဖိုဒ့်တက္ကသိုလ်မှာ ဥပဒေကျောင်းဝင်ခွင့် ရသွားတာကြောင့် ထရိုင်ဟာ မူလရည်ရွယ်ထားတဲ့ အယ်ဘာတာတက္ကသိုလ်မှာ တက်ဖြစ်ခဲ့ရင် သူတို့က မိုင်ပေါင်းထောင်ချီ ဝေးကွာသွားတော့မှာပါ။ ဒီတော့ထရိုင်အနေနဲ့ မိသားစု၊သူငယ်ချင်းနဲ့ချစ်သူတို့ကြားမှာ အကောင်းဆုံးဖြစ်နိုင်မယ့် ဆုံးဖြတ်ချက်ချသွားနိုင်မလား၊ ဖြစ်ချင်တာနဲ့ ဖြစ်သင့်တာ ဘာကိုဦးစားပေးသွားမလဲ၊ တစ်သက်လုံးဦးစားပေးဖြစ်လာတဲ့ ဘတ်စကတ်ဘောကို ဝေးဝါးလာစေတဲ့ ထရိုင်ရဲ့နောက်ထပ်Passionဆိုတာကကောဘာလဲ ကြည့်ရမှာဖြစ်ပါတယ်။ ဒီကားဟာ Highschool Musical Trilogy ရဲ့‌ နောက်ဆုံးကားဖြစ်သလို ဇာတ်လမ်းအရလည်း ထရိုင်နဲ့အိစ့်ဟိုက်ကျောင်းက သူငယ်ချင်းတစ်သိုက်ရဲ့ အထက်တန်းကျောင်းနောက်ဆုံးနေ့ရက်တွေကို ချယ်မှုန်းပြသထားပါတယ်။ High School Musical 3 ဟာ စာဒဏ်ကြောင့် အမှတ်တမဲ့ ပြီးဆုံးခဲ့ရတဲ့ ကျွန်တော်တို့ရဲ့ အထက်တန်းကျောင်းကနေ့ရက်တွေကို ပြန်လည်အမှတ်ရစေမှာဖြစ်သလို အထက်တန်းတက်ခဲ့စဉ်က ဆုံတွေ့ခဲ့ရတဲ့ သူငယ်ချင်းတွေရဲ့ မျက်နှာကို ပြန်လည် မြင်ယောင်မိလာစေမယ့်ကားလေးလည်းဖြစ်ပါတယ်။ File size…    4.17 GB /  1.78 GB Quality… BluRay 1080p / 720p Format… mp4 Duration…. 1h 52m Genre ..... Comedy/Drama/ Musical Subtitle…. Myanmar Subtitle (Hard Sub)

Highschool Musical 2 မှာလည်း 1 တုန်းကလိုပဲ Zac Efron ၊Velanessa Hudgens တို့ဦးဆောင်ပြီး တစ်ခြားသရုပ်‌ဆောင်တွေလည်း အပြည့်အစုံပြန်ပါလာပါတယ်။ ဒီကားမှာတော့ ထရိုင်တို့ အိစ့်ဟိုက်ကျောင်းသားတစ်သိုက်ဟာ ကောလိပ်စရိတ်စုဖို့အတွက် နွေရာသီအားလပ်ရက်မှာ လာဗာစပရင်းကျေးလက်ကလပ်မှာ အလုပ်လုပ်ဖို့ဖြစ်လာပါတယ်။ ဖြစ်ချင်တော့ လာဗာစပရင်းရဲ့ပိုင်ရှင်က ထရိုင်ကို တစ်ဖက်သတ်ကြိုက်နေတဲ့ သူဌေးသမီးလေးရှာပေးရဲ့ မိဘတွေဖြစ်နေပါတယ်။ ဒီအခွင့်အ‌ရေးကို အသုံးချပြီးရှာပေးက ထရိုင်နဲ့နီးစပ်ဖို့ကြိုးစားသလို ကလပ်မှာ အလုပ်ဝင်နေတဲ့ ထရိုင်ရဲ့ချစ်သူ ဂါဘရီရယ်လာနဲ့ ထရိုင်ရဲ့သူငယ်ချင်းတွေကို ဖိနှိပ်ပါတော့တယ်။ ထရိုင်ကိုလည်း ကောလိပ်အတွက်စကောလားရှစ်တွေနဲ့ပါ ဖျားယောင်းတော့ ထရိုင်တစ်ယောက် စိတ်ယိုင်သလိုဖြစ်ပြီး ချစ်သူနဲ့သူငယ်ချင်းတွေကို ပစ်ထားမိသလိုဖြစ်ပါတော့တယ်။ ဒီလိုနဲ့ လာဗာစပရင်းရဲ့ရိုးရာဖြစ်တဲ့ အလုပ်သမားတွေ ပါဝင်ဆင်နွှဲကြတဲ့နွေရာသီ တဲ့လန့်ရှိုးကျင်းပချိန်မှာတော့ ထရိုင်နဲ့ရှာပေးကတစ်ဖက် ဂါဘရီရယ်လာနဲ့ သူငယ်ချင်းတွေကတစ်ဖက် ပြိုင်ကြရဖို့ဖြစ်လာပါတယ်။ ချစ်သူနဲ့သူငယ်ချင်းတွေရဲ့ စိတ်ကွက်မှုကို ခံလာရတဲ့ ထရိုင်အနေနဲ့ အမှားကိုသိပြီး ပြန်ပြုပြင်သွားနိုင်မလား၊တဲလန့်ရှိုးမှာကော ဘယ်သူအနိုင်ရသွားမလဲ ကြည့်ရှုရမှာဖြစ်ပါတယ်။ ၂၀၀၀ ပြည့်နှစ်တွေက ရေပန်းစားခဲ့တဲ့ လူငယ်အချစ်ဟာသဇာတ်မြူးကားလေးဖြစ်ပြီး သီချင်းကောင်းလေးတွေ အများကြီးမြိုင်မြိုင်ဆိုင်ဆိုင်ပါတာကြောင့် မလွတ်တမ်းကြည့်ရှု့သင့်တဲ့ကားလေး ဖြစ်ပါတယ်။ File size…    3.6 GB /  1.7 GB Quality… BluRay 1080p / 720p Format… mp4 Duration…. 1h 44m Genre ..... Comedy/Drama/ Musical Subtitle…. Myanmar Subtitle (Hard Sub)

High School Musical ရဲ့ ပထမဆုံးကားအဖြစ် ၂၀၀၆ ခုနှစ်မှာ ထွက်ရှိလာတဲ့ ဒီဇာတ်ကားမှာတော့ Zac Efron နဲ့ Vanessa Hudgens တို့ ပါဝင်သရုပ်ဆောင်ထားပြီး အဆက်အဖြစ် Highschool Musical 2 နဲ့3လ ည်း ထွက်ရှိထားပါတယ်။ အထက်တန်းကျောင်းသားထရိုင် ဟာ နွေရာသီ Countdown Eve ရဲ့ ကာရာအိုကေပွဲမှာ ဂါဘရီရယ်လာနဲ့ တွေ့ဆုံပြီး သီချင်းတစ်ပုဒ်ကို တွဲဖက်ဆိုကြတာကနေ စဖွင့်ထားပါတယ်။ ကျောင်းဖွင့်ချိန်မှာတော့ ဂါဘရီရယ်လာက ထရိုင်ရဲ့ အိစ့်ဟိုက်ကျောင်းကို တိုက်တိုက်ဆိုင်ဆိုင်ပြောင်းရွှေ့လာပါတယ်။ ဂါဘရီရယ်လာကတော့ စာပေထူးချွန်သူတစ်ဦးဖြစ်ပြီး ထရိုင်ကတော့ ကျောင်းရဲ့ ဘတ်စကတ်ဘောအသင်းရဲ့ကပ္ပတိန်တစ်ယောက်ဖြစ်ပါတယ်။ သူတို့ဟာကိုယ်စီဝါသနာပါရာကို အာရုံစိုက်‌နေတုန်း ကျောင်းကလုပ်တဲ့ဂီတပွဲမှာ audition ဝင်ဖို့ သူတို့နှစ်ဦးစလုံးစိတ်ပါဝင်စားလာပါတယ်။ ဒါပေမယ့် ကျောင်းသားအုပ်စုတွေအကြား stereotype တွေကြောင့် ဘယ်သူက ဘာလုပ်သင့်တယ်ဆိုတဲ့ ဖိအားတွေနဲ့ ရင်ဆိုင်လာကြရပါတယ်။ ထရိုင်ရဲ့ ဘတ်စကတ်ဘောအသင်းနဲ့ ဂါဘရီရယ်လာရဲ့စာဂျပိုးသူငယ်ချင်းတွေက သူတို့နှစ်ဦးရဲ့ ဝါသနာထောက်ခံမပေးဘဲ လျှောက်လက်စလမ်းကိုပဲ ဆက်လျှောက်ဖို့ ဖိအားပေးကြပါတယ်။ ဒါပေမယ့် ထရိုင်နဲ့ဂါဘရီရယ်လာတို့က သူတို့ဖြစ်ချင်တာကို ဦးစားပေးဖို့ဆုံးဖြတ်ပြီး ဂီတပြိုင်ပွဲအတွက် audition ဝင်ကြပါတယ်။ ဒီကနေ ဘာတွေဆက်ဖြစ်မလဲ ကြည့်ရှုရမှာပါ။ High School Musical 1 ဟာ မိမိကိုယ်ကို ယုံကြည်မှုရှိဖို့နဲ့ စိတ်ကူးတွေနောက်ကိုလိုက်ဖို့ လမ်းပြပေးတဲ့ဇာတ်လမ်းဖြစ်သလို၊ လူငယ်တွေအကြားမှာလည်း မျှော်လင့်ချက်နဲ့ လူသားသဘာဝကို ထင်ဟပ်စွာဖော်ပြထားတဲ့ ကားလေးဖြစ်ပါတယ်။ ဤကားကိုလည်း ၂၀၀၀ ပြည့်နှစ်နောက်ပိုင်း လူငယ်ဟာသအချစ်ဇာတ်လမ်းပရိတ်သတ်တွေအကြား ထင်ရှားခဲ့ပြီး သီချင်းကောင်းတွေ၊ ဇာတ်ကောင်တွေရဲ့ ငယ်ချစ်ဦးဇာတ်လမ်းနဲ့အတူ အချစ်၊ဂီတ၊အားကစား၊သူငယ်ချင်းသံယောဇဉ်စတဲ့အမှတ်တရတွေ ပြည့်နှက်နေတဲ့ ရုပ်ရှင်ကောင်းတစ်ခုဖြစ်တာကြာင့် မလွတ်တမ်းကြည့်ရှုသင့်တဲ့ကားလေး ဖြစ်ပါတယ်။ File size…    2 GB /  1.3 GB Quality… BluRay 1080p / 720p Format… mp4 Duration…. 1h 38m Genre ..... Comedy/Musical / Drama Subtitle…. Myanmar Subtitle (Hard Sub)