David Menkin ပါဝင်သော ဇာတ်ကားများ

Grand Prix of Europe (2025) ++++++++++ "Grand Prix of Europe" ဆိုတဲ့ ရုပ်ရှင်က ၂၀၂၅ ထွက် ကာတွန်းကားလေးပါ... ဂျာမနီက Europa-Park ပန်းခြံရဲ့ ၅၀ နှစ်ပြည့် အထိမ်းအမှတ်အတွက် ဖန်တီးထားတာပါ ဇာတ်ကောင်တွေကတော့ ပန်းခြံရဲ့ နာမည်ကြီးတွေဖြစ်တဲ့ Ed နဲ့ Edda တို့ပါပဲ.. ဇာတ်လမ်းက ဒီလိုပါ ပါရီပြည်နယ်နားက မိသားစုပန်းခြံမှာ နေတဲ့ Edda ကပြိုင်ကားမောင်းရတာ အရမ်းဝါသနာပါတယ် သူ့အိပ်မက်က နာမည်ကြီး Grand Prix ပြိုင်ပွဲမှာ ဝင်ပြိုင်ဖို့ပါ ဒါပေမဲ့ သူ့မိသားစုရဲ့ ပန်းခြံလေး အကြပ်အတည်းဖြစ်နေချိန်မှာ Edda တစ်ယောက် သူ့အိုင်ဒေါ Ed ရဲ့ ဝတ်စုံကို ယူဝတ်ပြီး ပြိုင်ပွဲထဲ ခိုးဝင်ဖို့ ကြံရပါတယ် ဆုကြေးငွေနဲ့ မိသားစုကို ကယ်တင်မယ်လို့ မျှော်လင့်ရင်း ပြိုင်ဘက်တွေရဲ့ အတားအဆီးတွေကို ကျော်ဖြတ်ပြီး သူ့ရဲ့ စွမ်းရည်ကို သက်သေပြရပါတယ်.. ဒီရုပ်ရှင်က မိသားစုနဲ့အတူ ကြည့်လို့ရတဲ့ ရယ်စရာ စိတ်လှုပ်ရှားစရာ ဇာတ်ဝင်ခန်းတွေ ပြည့်နှက်နေပါတယ် ဒါရိုက်တာ Waldemar Fast ရိုက်ထားပြီး Gemma Arterton၊ Hayley Atwell တို့လို နာမည်ကြီးတွေ အသံသရုပ်ဆောင်ထားပါတယ် ကလေးတွေရော လူကြီးတွေပါ ပျော်ပျော်ရွှင်ရွှင် ကြည့်လို့ရမယ့် ကားကောင်းလေးပါ.......... File Size… (1.96GB) / (1.14GB) Quality… WEB-DL 1080p HEVC / 720p Format…mkv / mp4 Duration…1h 38m Genre …Animation , Comedy , Family , Sport Subtitle….Myanmar Subtitle (Hard Sub) ‌

အားလုံးရဲ့အချစ်တော် John Cena ကြီးကတော့ Heads of State ဆိုတဲ့ ဇာတ်ကားနဲ့ထပ်မံပြီးတော့ ပွဲထွက်လာပြန်ပါပြီ။ ဒီဇာတ်ကားလေးကတော့ 2025 ထဲမှာပဲ ပူပူနွေးနွေးထွက်ရှိထားတဲ့ ဟာသအက်ရှင် ဇာတ်ကားလေးပဲဖြစ်ပါတယ်။ မင်းသား John Cena , Idris Elba , မင်းသမီး Priyanka Chopra တို့အဓိက ပါဝင်သရုပ်ဆောင်ထားပြီးတော့ ဒါရိုက်တာကတော့ Ilya Naishuller ဖြစ်ပါတယ်။ ဇာတ်လမ်းအကျဉ်း +++++++++++ သရုပ်ဆောင်လုပ်ရင်း အမေရိကန်နိုင်ငံရဲ့ သမ္မဖြစ်လာသူ Will Derringer(John Cena) နဲ့အင်္ဂလန် နိုင်ငံရဲ့ ဝန်ကြီးချုပ် Sam Clarke(Idris Elba) တို့ဟာ ရန်သူတစ်ယောက်ရဲ့ အကြံအစည်ကြောင့် သူတို့လိုက်ပါလာတဲ့ Air Force One လေယာဉ်ကြီးနှင့်အတူပျက်ကျသွားခဲ့ပါတယ်။ သူတို့နှစ်ယောက်စလုံး ကံကောင်းထောက်မစွာ အသက်ရှင်ပြီးတဲ့နောက်မှာ ဒီကိစ္စတွေရဲ့နောက်ကွယ်မှာ ဘာတွေရှိလဲ ဘယ်သူတွေရှိလဲဆိုတာတွေကို စုံစမ်းထုတ်ဖော်ဖို့အတွက် မတည့်အတူနေနှစ်ယောက် ပူးပေါင်းဖို့ဖြစ်လာခဲ့ပါတော့တယ်။ လုပ်ကြံသူတွေအနေနဲ့လည်း သူတို့အသက်ရှင်နေသေးတယ်ဆိုတာကို သိလိုက်ရတဲ့အခါ သူတို့ကိုလိုက်ပြီးတော့ ထပ်မံလုပ်ကြံပါတော့တယ်။ Will နဲ့ Clarke တို့နှစ်ယောက် အခက်အခဲတွေကို ဘယ်လိုဖြတ်ကျော်ပြီး ပြဿနာတွေကို ဘယ်လိုဖြေရှင်းသွားမလဲဆိုတာ စိတ်ဝင်စားစွာ ကြည့်ရှုရမယ့် ဇာတ်ကားလေးပဲဖြစ်ပါတယ်။ File Size… (7.36 GB) / (2.07 GB) / (1.12 GB) Quality… WEB-DL 4K HEVC/1080p HEVC /720p Format…mkv / mp4 Duration…1h 56m Genre ….. Action , Thriller Subtitle….Myanmar Subtitle (Hard Sub) Encoder….Min Wai , Benjamin Translated by Nay

( စုံထောက်ကြီး ဟာကျူလီ ပွာရိုး နဲ့ ဝိညာဉ်လူသတ်သမား ) ဒီရုပ်ရှင်ကတော့ အဝေးပြေးရထားလူသတ်မှု၊ နိုင်းမြစ်လူသတ်မှု ရုပ်ရှင်တွေအပြီးမှာ ထပ်မံထွက်ရှိလာတဲ့ စုံထောက်ရုပ်ရှင်ပဲ ဖြစ်ပါတယ်။ အရင်ရုပ်ရှင်တွေလိုပဲ ကောင်းပါတယ်။ အပြင်လူမလာနိုင်တဲ့ ပိတ်မိနေတဲ့နေရာတစ်ခုမှာ သံသယရှိသူတွေကို တစ်ယောက်ချင်း စုံစမ်းရပြီး အဖြေရတာမျိုးပါပဲ။ ဒီရုပ်ရှင်ထဲမှာတော့ စုံထောက်ကြီး ပွာရိုးဟာ စုံထောက်အလုပ်ကနေအငြိမ်းစားယူပြီး ဗင်းနစ်မှာ အနားယူနေပါပြီ။ သူ့ဆီကို အမှုလာအပ်တဲ့သူတွေနဲ့အတွေ့မခံချင်လို့ သက်တော်စောင့်တစ်ယောက်တောင် ငှားထားရပါတယ်။ ဒါပေမဲ့ တစ်နေ့မှာတော့ မိတ်ဆွေဟောင်း နာမည်ကျော် စာရေးဆရာမ ရောက်လာပြီး အကူအညီတစ်ခု တောင်းလာပါတော့။ အဲဒါကတော့ နာမည်ကျော် ဝိညာဉ်ဟောဆရာမ (မီရှဲယို) တစ်ယောက်ရဲ့ သရဲခြောက်တဲ့အိမ်ကြီးထဲက ဝိညာဉ်ခေါ်ပွဲကို တက်ပေးဖို့ပါပဲ။ အဲဒီဝိညာဉ်ဟောဆရာမ လုပ်ပြနေတာတွေကို စာရေးဆရာမက ဘယ်လိုမှ လိမ်နေကြောင်းသက်သေမပြနိုင်တာမို့ စုံထောက်ကြီးက ဖော်ထုတ်ပေးဖို့ လာအကူအညီ တောင်းတာပါ။ ဒါပေမဲ့ စုံထောက်ကြီးကိုယ်တိုင် သရဲခြောက်တဲ့အိမ်ကြီးထဲမှာ ပိတ်မိနေပြီး လူသတ်မှုတွေ ဖြစ်ပေါ်လာပါတယ်။ ဖြစ်လာသမျှလူသတ်မှုတွေရဲ့ သက်သေတွေကရဲ့ ဝိညာဉ်၊ သရဲလက်ချက်လို့ပဲ အဖြေထွက်နေတဲ့အခါ... File size… 3.3GB/1.67GB / 652MB Quality…WEB-D 4K, 1080P 5.1CH / 720p Format…mp4 Duration….1h 43m Genre ….. Crime , Drama , Horror Subtitle….Myanmar Subtitle (Hard Sub) Encoder….Min Wai Translated by Mr. Anderson

ဒီတစ်ခါမှာတော့ မတွေ့မမြင်ရတာ ကြာပြီဖြစ်သလို Big Hero 6, The Mitchells vs The Machines တို့လိုမျိုး လူသားနဲ့ စက်ရုပ်ရဲ့ ဆက်ဆံရေးကိုအခြေခံထားတဲ့ Animation ဇာတ်ကားတွေဘက်ကို တဖန်ပြန်လှည့်ရအောင်ပါ။ "ခင်ဗျားတို့တွေ အထီးကျန်တယ်လို့ ခံစားရဖူးလား" "ထောင့်စွန်းတစ်နေရာမှာ ရပ်နေရပြီး ကသိကအောက်နဲ့ ဘယ်သူ့ကိုမှ စကားသွားမစရဲဘဲနဲ့လေ" တော်ရုံတန်ရုံ စကားမပြောရဲတဲ့လူတွေ သူငယ်ချင်းရှာဖို့ခက်တဲ့သူတွေအတွက် နည်းပညာဟာ အထောက်အပံ့တစ်ခု ဖြစ်လာပါတယ်။ ဒီလိုနဲ့ နည်းပညာကုမ္ပဏီတစ်ခုဖြစ်တဲ့ bubble ဟာ bubble robot ဆိုတဲ့ စက်ရုပ်လေးတွေကို လူတွေအတွက် "best friend" (အကောင်းဆုံးသူငယ်ချင်း) အဖြစ် ဖန်တီးထုတ်လုပ်လိုက်ပါတယ်။ ဖုန်းတွေ tablet တွေထက် လုပ်ဆောင်နိုင်စွမ်းမြင့်တဲ့ ဒီစက်ရုပ်လေးတွေက ပိုင်ရှင်ရဲ့ ဒေတာအချက်အလက်တွေကို သိမ်းယူပြီးတော့ bubble network ကနေတစ်ဆင့် ဝါသနာတူ အကြိုက်တူ သူငယ်ချင်းတွေကို ရှာဖွေပေးပါတယ်။ သူငယ်ချင်းတွေကို ရှာဖွေပေးတဲ့အပြင် သူကိုယ်တိုင်ကိုက ပိုင်ရှင်အနီးနား ၆ ပေအတွင်းမှာ နေပေး ကူညီပေး စကားပြောပေးတဲ့ သူငယ်ချင်းတစ်ယောက်အဖြစ် ရှိနေတာပေါ့။ ဒီလိုနဲ့ ကလေးတွေကြားမှာ bubble robot တွေ ခေတ်စားလာပြီး မပိုင်ဆိုင်သူကတော့ မရှိသလောက် ဖြစ်လာပါတယ်။ Nonsuch ဆိုတဲ့ မြို့လေးက ကျောင်းသားတွေထဲမှာ ဘာနေးဆိုတဲ့ ကောင်လေးတစ်ယောက်ပဲ bubble robot ကို မပိုင်ဆိုင်တာပါ။ သူကိုယ်တိုင်က လူအေးလေး ဖြစ်တဲ့အပြင် လူတိုင်းက ကိုယ်စီရဲ့ bubble robot တွေနဲ့ပဲ အလုပ်ရှုပ်နေကြတော့ သူ့မှာ သူငယ်ချင်းဆိုတာမရှိပါဘူး။ အဲဒီအပြင် bubble robot မရှိတဲ့အတွက် စနောက်လှောင်ပြောင် ခံရပါသေးတယ်။ တစ်နေ့မှာတော့ ဘာနေးရဲ့မွေးနေ့လေးကို ရောက်ရှိလာပါရော။ ဒီလိုနဲ့ bubble robot ကို လိုချင်နေတဲ့ ဘာနေးတစ်ယောက် လိုချင်တာကို မွေးနေ့လက်ဆောင်အဖြစ် ရသွားပြီးတဲ့နောက် ဘာတွေဆက်ဖြစ်မလဲဆိုတာ အားပေးကြည့်ရှုလိုက်ကြရအောင်နော်။ File size… 1.8Gb / 1.2GB  Quality…1080p BluRay HEVC AA5.1Ch / 720p Blu Ray Format…Mp4 Duration….1h 47m Subtitle….Myanmar Subtitle (Hard Sub) Encoder….YK Translated by CM Team

Jungle Beat: The Movie (2020) IMDb Rating - 5.6/10 ဒီတစ်ခါတော့ ကလေးတွေ အကြိုက်ကာတွန်းကားလေး တင်ဆက်ပေးပါမယ်။ ကလေးတွေအတွက် တင်ဆက်ပေးနေတဲ့ ချစ်စရာ ကောင်းတဲ့ တောကောင်လေးတွေရဲ့ ရယ်စရာလေးများကို သဘာဝအငွေ့အသက်နဲ့ ဖန်တီးထားတဲ့ Animation Series - Jungle Beat ရဲ့ Jungle Beat: The Movie ဖြစ်ပါတယ်။ Series တွေထဲမှာတော့ တိရစ္ဆာန်လေးတွေက စကား မပြောနိုင်ပေမဲ့ ဒီ Movie ထဲမှာတော့ စကားပြောနိုင်ကြပါတယ်။ ဒီလိုဖြစ်ရတဲ့ အကြောင်းအရင်းကတော့ ဂြိုလ်သားလေး တစ်​ယောက် သူတို့နေတဲ့တောထဲကို ရောက်လာလို့ပါပဲ။ သူတို့တွေ တခြားကမ္ဘာကလာတဲ့ သူငယ်ချင်းကိုတွေ့ပြီး အထီးကျန် နေတဲ့၊ အိမ်ကိုလွမ်းနေတဲ့ သူတို့ရဲ့သူငယ်ချင်းကို အိမ်ပြန်နိုင်အောင် သူတို့တွေ ကူညီပေးတာကိုတွေ့ရမှာပါ။ ဇာတ်လမ်းလေး က ချစ်စရာလေးပါပဲ။ ဒီကားလေးဟာ IMDb Rating 5.6/10 ရထားပါတယ်။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Hnin Wut Yi ပဲဖြစ်ပါတယ်။) Quality – 720p WebRip Duration - 1hr 28 min Subtitle – Myanmar Hardsub Format – Mp4 Genre : Animation, Adventure, Family Source : 1080p.WebRip Translator – Hnin Wut Yi Encoder – SWM

A Hologram for the King (2016) Tom Hanks ရိုက်ရင်ဘယ်လိုရုပ်ရှင်အတန်းအစားတွေကိုပဲရိုက်တယ်ဆိုတာ အထူးတလည်ရှင်းပြဖို့လိုမယ်မထင်ပါဘူး.. ပထမဆုံးပြောချင်တာက ဒီကားရဲ့ ဒါရိုက်တာ Tom Tykwer .. Tom Tykwer က Perfume: The Story of a Murderer (2006) (အရပ်အခေါ်ရေမွှေးကား) ၊ Run Lola Run (1998) တို့လို ဇာတ်အိမ်သိမ်မွေ့နက်နဲကောင်းမွန်လှတဲ့ နာမည်ကျော်ရုပ်ရှင်ကားတွေရဲ့ ဖန်တီးရှင်ဆိုတော့ သူ့အရည်အချင်းကို သံသယဖြစ်စရာလိုမယ်တောင်မထင်ပါဘူး။ ဒါပေမယ့် Music Composer တစ်ယောက်လည်းဖြစ်တဲ့ Tom Tykwer ရဲ့ တင်ပြချက်တွေဟာ ဖမ်းဆုပ်ရခက်ပါတယ်။ ဥပမာ Tom Hanks ရဲ့ ပရိတ်သတ်စစ်စစ်ပါဆိုတဲ့ ကျွန်တော်တောင် Tom Hanks နဲ့ပဲ သူရိုက်ကုူးခဲ့တဲ့ Cloud Atlas လိုရုပ်ရှင်မျိုးကိုတော့ ခံစားရခက်ခဲတယ်။ ဒဲ့ ဝန်ခံရရင် ဘာကိုဆိုလိုချင်မှန်းမသိဘူးပေါ့ဗျာ။ ကိုယ်ဉာဏ်မမှီတာဖြစ်မှာပါ။ A Hologram for the King ဆိုတဲ့စိတ်ဝင်စားစရာကောင်းတဲ့ Title အောက်မှာ Tom Hanks နဲ့တွဲတွေ့ရတော့ အရမ်းကြည့်ချင်မိပေမယ့် Tom Tykwer ကိုတော့ လန့်နေမိတာပေါ့.. တကယ်ကြည့်တော့ အထင်နဲ့အမြင်လွဲမှားလောက်အောင်ကို ဇာတ်လမ်းရသပေးပါတယ်။ ဘဝ၊မိသားစု၊ကျန်းမာရေး၊စီးပွါးရေး တွေစသဖြင့်စသဖြင့်ကို ရှုထောင့်တမျိုးကနေပညာသားပါပါပြသွားတဲ့ တန်းမြင့် Drama ရုပ်ရှင်ပါ။ ဇာတ်လမ်းတည်တာကလည်း ဘာသာရေးစည်းမျဉ်းတွေ အရမ်းကျပ်တည်းရှုပ်ထွေးလွန်းလှတဲ့ ဆော်ဒီလိုနိုင်ငံမျိုးမှာ စီးပွါးရေးသွားလုပ်ရတဲ့ အမေရိကန်စီးပွါးရေးသမား တစ်ယောက်ရဲ့အကြောင်းနဲ့ဆိုတော့ .. မိနစ်တိုင်းလုံးဝစိတ်ဝင်စားစရာတွေဖြစ်နေတာ။ ဒဲ့ပြောရရင် ဒီအကြောင်းအရာတွေဟာ ရုပ်ရှင်တွေထဲမှာမြင်တွေ့လေ့မရှိပါဘူး။ (Non-Muslim ဝင်ခွင့်မရှိတဲ့နေရာတွေကို အမှတ်မထင်ဖြတ်သန်းရတဲ့အခန်းတွေ၊ အမျိုးသမီးတွေအပေါ်ဖိနှိပ်သလိုဖြစ်နေတဲ့ ဥပဒေတွေ၊ အာရပ်ကမ္ဘာရဲ့ အနောက်နိုင်ငံအပေါ်မြင်တဲ့အမြင်တွေကို ပညာသားပါပါရိုက်ပြသွားတာပါ) အမုန်းတရားဖြန့်ချိတဲ့ ဇာတ်ကားတော့မဟုတ်ပါဘူး.. (ဟီးဟီး) ဆက်ညွှန်းနေရင်တမျိုးထင်မှာစိုးလို့.. ကြည့်သင့်တဲ့ ရုပ်ရှင်ဇာတ်ကားကောင်းတစ်ခုလို့ပဲ အတိုချုပ်ပြောပါရစေ..။IMDb Rating(6.1/10) ပါ။ (ရုပ်ရှင်အညွှန်းကို Ko Aung Zaw Oo Facebook (facebook.com/aungzawoo.mtla) မှကူးယူဖော်ပြပါသည်။) File size…(800MB) Quality…Blu-Ray Rip 720p Format…mp4 Duration….01:38:10 Subtitle….Myanmar Subtitle (Hardsub) Encoder….Nyeinsaeya Aung

ဒီဇာတ်လမ်းမှာတော့ Florence Foster Jenkins ဆိုတဲ့ အမျိုးသမီးကြီးရဲ့ ဘဝဇာတ်ကြောင်းကို တင်ဆက်ပေးထားတာ ဖြစ်ပါတယ်။ ဂီတကို ရိုးသားစွာချစ်မြတ်နိုးသူတစ်ယောက်အနေနဲ့ ကိုယ်ပိုင် ဗာဒီကလပ် ကို တည်ထောင်ပြီး နယူးယောက်မြို့အတွက် ဂီတကို ပေးဆပ်သူအဖြစ် ခံယူထားခဲ့ပါတယ်။ ဖလောရန့်စ်ဟာ ပထမအိမ်ထောင်က ကူးစက်လာတဲ့ ဆစ်ဖလစ်ရောဂါကို နှစ် (၅၀) ကြာ ခံစားလာခဲ့ရသူဖြစ်ပြီး သူ့ရဲ့ လက်ရှိအိမ်ထောင်လည်းဖြစ်၊ မန်နေဂျာလည်းဖြစ်တဲ့ မစ္စတာစိန့်ကလဲရ်ဘေးဖီးဒ်နဲ့ နှစ်များစွာ လက်တွဲလာခဲ့ပါတယ်။ ဂီတပွဲတစ်ခုအတွင်းက လီလီပွန်းစ်ရဲ့တင်ဆက်မှုကို မစ္စတာဘေးဖီးဒ်နဲ့အတူ ကြည့်ရှုခဲ့ပြီးနောက်မှာတော့ သူ့ရဲ့ သီချင်းဆိုလေ့ကျင့်ခန်းတွေကို ဆက်လက်ကြိုးစားဖို့ ဆုံးဖြတ်ခဲ့ပါတယ်။ စန္ဒရားဆရာဖြစ်သူကော့စမီးမက်မွန်း ကိုလည်း ငှ ားရမ်းပြီးတော့ ပင်တိုင်စန္ဒရားဆရာအဖြစ်အသုံးပြုခဲ့ပါတယ်။ စိန့်ကလဲရ်အနေနဲ့ ပွဲငယ်လေးတစ်ခုစီစဉ်ပြီး ပရိသတ်တွေကို လက်ရွေးစင်ရွေးချယ်ကာ သူ့မိန်းမ ဖလောရန့်စ်ကို သီချင်းဆိုကောင်းသူအဖြစ် ထင်ယောင်ထင်မှားဖြစ်အောင် ဖန်တီးခဲ့ပါတယ်။ ဂီတကိုရိုးသားစွာခုံမင်သူ ဖလောရန့်စ်အတွက်ကတော့ သူ့ရဲ့ကမ္ဘာလေးက သူစိတ်တိုင်းကျ ဖြစ်လာခဲ့ပြီလို့ ထင်ယောင်နေခဲ့ပါတယ်။ အမှန်တကယ်မှာတော့ သူ့ယောကျ်ားကိုယ်တိုင်ရဲ့ စေတနာနဲ့လှည့်စားမှုအောက်မှာ ပရိသတ်ကိုလိမ်ညာသူ ဖြစ်မှန်းမသိဖြစ်လာခဲ့ပါတယ်။ စိန့်ကလဲရ်ဖန်တီးပေးထားတဲ့ အကဲဖြတ်ချက်ကောင်းတွေကို ယုံကြည်မိသူ မဒမ်ဖလောရန့်စ်အနေနဲ့ ကော့စမီး မက်မွန်းနဲ့အတူ ကိုယ်ပိုင်သီချင်းတွေကိုပါ ဖန်တီးသီဆိုလာခဲ့ပြန်ပါတယ်။ သီချင်းတစ်ပုဒ်ပါရေဒီယိုမှာ လွှင့်ခွင့်ရခဲ့တဲ့အချိန် ပရိသတ်တွေက ဟာသနဲ့ အပျော်သဘောတောင်းဆိုမှုတွေ များလာခဲ့ပါတယ်။ မဒမ် ဖလောရန့်စ်အတွက် ကာနေဂီဟောလ်မှာ ဖျော်ဖြေဖို့အထိ အားအင်တွေ ရလာခဲ့ပြီး စိန့်ကလဲရ်အနေနဲ့ ကော့စမီးမက်မွန်းကိုပါ လေဒီဖလောရန့်စ်ကို ကူညီဖျော်ဖြေပေးဖို့ တိုက်တွန်းခဲ့ရပါတယ်။ လူ ၃၀၀၀ ခန့်ဆန့်တဲ့ နာမည်ရခန်းမတစ်ခုဖြစ်တဲ့ ကာနေဂီဟောလ်မှာ ဖျော်ဖြေရမယ့်အခွင့်အရေးကို လိုချင်ပေမယ့် လှောင်ပြောင်နှာခေါင်းရှုံ့မယ့်သူတွေနဲ့ အဖြစ်ဆိုးကြီးကို ကြိုမြင်နေသူ ကော့စမီးမက်မွန်း အနေနဲ့ စိတ်မသက်သာစွာပဲ သဘောတူခဲ့ပါတယ်။ လေဒီဖလောရန့်စ်ကိုယ်တိုင်ကလည်း တိုင်းပြည်အတွက် အနစ်နာခံပေးခဲ့သူ စစ်သားတွေကို ဒီဖျော်ဖြေပွဲကို တက်ရောက်နိုင်ဖို့ လက်မှတ် ၁၀၀၀လှူဒါန်းခဲ့ပါတယ်။ ဂီတပွဲကလည်း မထင်မှတ်ထားဘဲ နာမည်ကြီးတွေပါ တက်ရောက်အားပေးခဲ့ပြီး သောက်စားလာတဲ့အရှိန်ကြောင့် ရော နာမည်ကြီးမင်းသမီးတွေကိုပါ တွေ့ရလို့ အပျော်လွန်နေတဲ့ စစ်သားတွေဟာ မဒမ်ဖလောရန့်စ်ရဲ့ ဖျော်ဖြေမှုကို ဟားတိုက်လှောင်ပြောင်စော်ကား လာခဲ့ပါတော့တယ်။ မဒမ်ဖလောရန့်စ်ရဲ့ ဂီတအပေါ်ရှုးသွပ်မှုကို လောင်စာပေးခဲ့သူ စိန့်ကလဲရ်ကပဲ ဒီအဖြစ်ဆိုးရဲ့တရားခံလား။ ရိုးသားမှုမရှိဘဲ ငွေမျက်နှာကြောင့် မဒမ်ဖလောရန့်စ်အပေါ် အကဲဖြတ်ကောင်းတွေ ပေးခဲ့သူတွေ၊ ချီးကျူးခဲ့သူ အပေါင်းအသင်းတွေကပဲ တရားခံလား။ ဘယ်လိုပဲဖြစ်ဖြစ် ဂီတအပေါ် ရိုးသားစွာခုံမင်မိသူ မဒမ်ဖလောရန့်စ်အနေနဲ့ နှလုံးသည်းပွတ်ကြွေမတတ် သီဆိုဖျော်ဖြေနေခဲ့တာတွေက အများအမြင်မှာ ရယ်စရာဟာသတစ်ခုလို ဖြစ်နေခဲ့တဲ့အဖြစ်မှန်တွေကိုသိပြီး သူထင်မှတ်ထားတဲ့ ကမ္ဘာကြီးက ပြောင်းပြန်ဖြစ်နေခဲ့တယ်ဆိုတာကိုနှစ်များစွာကြာမှ သိခဲ့ရပါတော့တယ်။ အစစ်အမှန်ပဲဖြစ်ဖြစ် အတုအယောင်ပဲဖြစ်ဖြစ် မဒမ်ဖလောရန့်စ်အတွက်တော့ သူမရဲ့ဂီတဘဝမှာ လူတွေက သူ့ကို သီချင်းမဆိုနိုင်ဘူးလို့ ပြောလို့ရချင်ရမယ်၊ သီချင်းမဆိုခဲ့ဘူးလို့တော့ ပြောလို့မရပါဘူး။ File size…      1.6 GB /   620 MB Quality… BluRay 1080p / 720p Format… mp4 Duration…. 1h 51m Genre ..... Comedy/Drama Subtitle…. Myanmar Subtitle (Hard Sub) Encoder…. Thit San Khant Translated by Sai Sumali

The Man From U.N.C.L.E (2015) IMDb Rating (7.3) / Rotten Tomatoes (68%) Superman ကိုယ်တော်ကြီး Henry Cavill ရဲ့ ဒီရုပ်ရှင်ကားက အက်ရှင်စပိုင်ရုပ်ရှင်ကားထဲမှာ Rating မြင့်ပြီး ကြည့်ကောင်းတဲ့အထဲပါပါတယ်။ ဒါရိုက်တာ Guy Ritchie ရဲ့လက်ရာဖြစ်ပြီး သူ့စတိုင်အတိုင်း ဉရောပရဲ့ Gentleman အထာဝင့်ကြွားမှုအပြည့်နဲ့ ခမ်းခမ်းနားနားလှလှပပရိုက်ကူးထားတာပါ။ ဇာတ်လမ်းကတော့.... စစ်အေးခေတ် Cold War  ကာလကိုအခြေခံထားတာမလို့ အမေရိကန်ရဲ့ CIA အေးဂျင့်ရယ်...ရုရှားရဲ့ KGB အေးဂျင့်ရယ် နာဇီဂျာမဏီအကြောင်းတို့ကို မြင်တွေ့ရမှာဖြစ်ပြီး တစ်နိုင်ငံနဲ့တစ်နိုင်ငံအပြိုင်အဆိုင် နျူကလီးယားလက်နက်တပ်ဆင်ကြတဲ့ကာလမလို့ နာဇီဂျာမဏီတို့လက်ထဲမှာ ဒီကမ္ဘာဖျက်လက်နက်ကြီး မကျရောက်ဖို့ ကြိုးစားကြပုံတွေကို အသည်းတယားယားစွန့်စားခန်းတွေကြားမှာ လှလှပပ စမတ်ကျကျမင်းသားမင်းသမီးတွေနဲ့ ဟာသလေးတွေနဲ့ ချစ်ကြည်နူးစရာလေးတွေနဲ့ပါ ရှုစားကြရမှာပါ။ File size…(6.1 GB)/(1.8 GB )/(1 GB) Quality….BluRay 4K HEVC/ 1080p HEVC/ 720p Format…mkv/mp4 Duration….01:56:00 Subtitle….Myanmar Subtitle (Hardsub) Encoder….Ka Naung Translated by Garfield