David Mitchell ပါဝင်သော ဇာတ်ကားများ

Ludwig (2024) IMDb rating - 8.1/10 Rotten Tomatoes - 91% ယခု Comedy/ Mystery အမျိုးအစားစီးရီးကို BBC ရုပ်သံလိုင်းကနေ ထုတ်လွှင့်ပြသခဲ့ပြီး ဒါရိုက်တာနှစ်ယောက်ဖြစ်ကြတဲ့ Robert McKillop နဲ့ Jill Robertson တို့က ရိုက်ကူးပေးခဲ့ကြပါတယ်။ Rating နှစ်ခုလုံးက အတော်လေးမြင့်တော့ စီးရီးက မကောင်းမှာ မပူရပါဘူး။ ဇာတ်လမ်းသဘောကတော့ John "Ludwig" Taylor ဆိုတဲ့ ပဟေဠိတွေ‌ဖြေရှင်းရတာအရမ်းဝါသနာပါတဲ့ လူတစ်ယောက်မှာ James Taylor လို့ခေါ်တဲ့၊ စုံထောက်မှူးကြီးဖြစ်တဲ့ အမြွှာညီအစ်ကိုတစ်ယောက်ရှိပါတယ်။ တစ်ရက်မှာတော့ James တစ်ယောက် ပျောက်ဆုံးသွားခဲ့ပါတယ်။ ဒါနဲ့ James ရဲ့ မိန်းမဖြစ်သူ Lucy Betts-Taylor က John ကို ခေါ်ပြီး သူ့ယောက်ျားလိုပုံစံ အ‌ယောင်ဆောင်ခိုင်းပါတယ်။ ယောက်ျားဖြစ်သူ ဘာကြောင့်ပျောက်သွားခဲ့ရလဲဆိုတာကို အမြွှာညီအစ်ကိုဖြစ်သူ John နဲ့ James မိန်းမ Lucy က ရှာပုံတော်ဖွင့်မှာဖြစ်ပါတယ်။ စိတ်ဝင်စားစရာတွေရော ရယ်စရာလေးတွေရော ပါဝင်တာမို့ အရမ်းကို ကြည့်လို့ကောင်းတယ်။ Season-2 ထွက်ရှိမယ်လို့လည်း တရားဝင် ကြေငြာထားပြီးပါပြီ။ (ယခုစီးရီးရဲ့ ဘာသာပြန်နဲ့ အညွှန်းကို CM team က ပါဝင်အားဖြည့်ထားပါတယ်။) File Size – 600 MB (Appx;)@Episode Quality – 1080p WEB DL Duration – 60minute (@Episode) Total Episodes: 6Eps Subtitle – Myanmar Hardsub Format – Mp4 Genre : Mystery, Crime, Drama, Comedy Translator – CM team Encoder – YK

ချစ်စရာဇာတ်အိမ်လေးတွေ၊ ချစ်စရာဇာတ်ကောင်လေးတွေအမြဲ တင်ဆက်တတ်တဲ့ Illumination Entertainment နဲ့ Universal Pictureတိုရဲ့ နောက်ထပ်ကာတွန်းကားကောင်းလေးတစ်ပုဒ်ကို ထပ်မံခံစားရဦးမှာပဲဖြစ်ပါတယ်...။ ဇာတ်လမ်းအကြောင်းအရာလေးကတော့ ဘဲခေါင်းစိမ်းမိသားစုလေးတစ်ခု ဆောင်းရာသီအတွက် ဆောင်းခိုဖို အသိုက်ပြောင်းကြတဲ့အကြောင်း အရာလေးပါ...။ ဒီဘဲမိသားစု‌လေးဟာဆိုရင် အမေရိကန်မူးစ်ဟတ်ရေအိုင်လေးမှာပဲ အမြဲအတည်တကျနေထိုင်ခဲ့ကြတာ သူတိုတစ်သက်တာပါပဲ...။ ဘာလိုလည်းဆိုတော့ ရေအိုင်ရဲ့အပြင်မှာဆိုရင် ဘေးဒုက္ခတွေအပြည့်၊ သားရဲတွေအပြည့်ဆိုတာကို ကာကွယ်တတ်လွန်းတဲ့ဘဲဖေဖေကြီးက ပုံပြင်တွေပြောပြရင်းအမြဲခြောက်လှန့်ထားလိုပါ။ သိုပေမဲ့ စူးစမ်းချင်တဲ့ ဘဲပေါက်လေးနှစ်ကောင်က ငယ်ရွယ်သူတို သဘာဝအတိုင်း အပြင်လောကကိုစူးစမ်းချင်ကြောင်း ပူဆာတယ်...။ ဘဲမေမေကြီးကလည်း အခြားဘဲခေါင်းစိမ်းတွေ အသိုက်ပြောင်းတာ၊ လောကကြီးထဲခြေဆန့်တာမြင်တော့ စွန့်စားခန်းတွေအားကျမိပြန်ပါတယ်။ သားအမိသုံးယောက် အသိုက်ပြောင်းဖိုဝိုင်းပူဆာတော့ ဘဲဖေဖေကြီးလည်း မလွန်ဆန်နိုင်တော့ဘဲ လက်ခံလိုက်ပါတယ်...။ ဒီလိုနဲ့ ဘဲခေါင်းစိမ်းမိသားစုလေးတစ်ခု အသိုက်ပြောင်းဖိုထွက်အလာ လမ်းမှာ ဘယ်လိုအသစ်အဆန်းတွေကြုံတွေရမလဲ၊ ဘယ်လိုစွန့်စားခန်းတွေ မြင်တွေ့ရမလဲဆိုတာကို စိတ်ဝင်စားဖွယ်မြင်တွေ့ရဦးမယ့် ကားကောင်းလေးပဲ ဖြစ်ပါတယ်...။ File size…(4.6 GB)/ (1.54 GB) / 763 MB Quality…WEB-DL 4K HEVC/1080p 5.1CH  /   720p Format…mp4 Duration….1h 48m Genre ….. Animation , Action , Adventure Subtitle….Myanmar Subtitle (Hard Sub) Encoder….Min Wai,Ka Naung Translated by Themes & TD

The Reason I Jump (2020) ~ IMDb - 7.4/10, RT - 97%, Meta - 83% ~ “I don’t have ADHD when I am out in the woods.” - David (Age 14) “ကျွန်တော့်အတွက် တောအုပ်ထဲမှာ ရောက်နေချိန်ဆို အာရုံမစိုက်နိုင်ခြင်းက ပြဿနာတစ်ခုလို အထူးအထွေ ရှိမနေတော့ပါဘူး။” Forest School ဆိုတဲ့ တောအုပ်ထဲမှာ မိုးရွာရွာနေပူပူတက်ရတဲ့ ကျောင်းကလေးကို ပုံမှန်တက်ရောက်သူ ဒေးဗစ်ရဲ့ ရင်ဖွင့်သံပါ။ ကျွန်မအနေနဲ့ Forest School ဆရာမဖြစ်ကာစ အစောပိုင်းကာလမှာကိုပဲ ADHD ရှိတယ်လို့ ကောက်ချက်ချခံရသူ ကလေးအချို့နဲ့ တွေ့ကြုံခွင့်ရခဲ့ပါတယ်။ ကလေးတစ်ယောက်ရဲ့ ဖခင်ကဆို သူ့သားကလေးကိုကျောင်းလာပို့တော့ … “သားသားက တောထဲမှာဆို သိပ်ပျော်တာ၊ သူဆောက်တည်ရာမရ ဖြစ်လာတဲ့ အချိန်မျိုးမှာဆို သစ်တုံးခပ်လေးလေး တစ်တုံးသာ တစ်နေရာက တစ်နေရာကို ချီရွှေ့ခိုင်းလိုက်ပါ ဆရာမ၊ သူအဆင်ပြေသွားပါလိမ့်မယ်” တဲ့။ အမှန်တော့ အင်္ဂလန်က မူကြိုကျောင်းတိုင်းမှာ ကလေးတွေအတွက် SENCO (Special Educational Needs Coordinator) လို့ခေါ်လို့တဲ့ အထူးပြု ဆရာ/ဆရာမ အနည်းဆုံးတစ်ယောက် မဖြစ်မနေထားကြရပါတယ်။ အထူးဂရုပြုကူညီပံ့ပိုးပေးဖို့လိုအပ်တဲ့ ကလေးငယ်တစ်ယောက်ယောက် (Special Needs) ကိုယ့်ကျောင်းကို ရောက်ရှိလာရင် အဲဒီကလေးကို အလွယ်တကူ သတိပြုမိစေဖို့နဲ့ အနီးကပ် စောင့်ကြည့်နိုင်ပြီး လိုအပ်တဲ့ အကူအညီကို သင့်တော်စွာပေးနိုင်ဖို့အတွက် ကျွမ်းကျင်သူဆရာမတစ်ယောက်က ဦးဆောင်တာဝန်ယူရတဲ့ သဘောပါ။ တနည်းအားဖြင့် လိုအပ်လာပါက ကလေးကို ကောင်းမွန်စွာပံ့ပိုးပေးနိုင်မယ့် ကျွမ်းကျင်ပညာရှင်နဲ့ ချိတ်ဆက်ပေးတာမျိုး၊ ကလေးရဲ့ မိသားစုကို လိုအပ်တဲ့ အကူအညီပေးတာမျိုး (ငွေကုန်ကြေးကျရှိလာပါက အစိုးရဘက်မှ ပံ့ပိုးမှုအရဖြစ်စေ)၊ မိမိကျောင်းမှာ ရှိစဉ်တောက်လျှောက် ကလေးရဲ့ ဖွံ့ဖြိုးမှု ဖြစ်စဉ်ကို အကောင်းဆုံး စောင့်ကြည့်ပြီး ပံ့ပိုးပေးနိုင်ရန် မိဘ၊ ဆရာ/မ၊ အခြားပညာရှင်များပါ လက်တွဲပူးပေါင်းဖို့လဲ ဖြစ်ပါတယ်။ ဆရာ/မ တွေအနေနဲ့ အတွေ့အကြုံအရ ဖြစ်နိုင်ချေရှိသည်များကို ခန့်မှန်းကြည့်နိုင်သော်ငြား ဘယ်ကလေးကိုမှ ငယ်နုတဲ့ကာလမှာ အလွယ်တကူ ကောက်ချက်ချတာမျိုး တံဆိပ်ကပ်တာမျိုး မလုပ်ဖို့ သတိထားကြပါတယ်။ ဒါဆို ဟုတ်ပြီ၊ ဒီလိုမျိုး တံဆိပ်မကပ်ဘူးဆို ဘယ်လိုနာမ်စား အစားထိုးသုံးကြမလဲပေါ့။ ကျွန်မတို့လို အသွင်ပြောင်းပညာရေးကို ဖော်ဆောင်တဲ့ ဆရာ/မ တွေကြားမှာ Neurodivergent ဆိုတဲ့ အသုံးအနှုန်းကို ပိုပြီး တွင်ကျယ်စွာ အသုံးပြုကြပါတယ်။ နောက်တစ်ချက်က Children with Special Educational Needs အစား Children with Different Abilities လို့လဲ ပြောင်းလဲ သုံးနှုန်းပါတယ်။ Neurodivergent ဆိုတာ ဘယ်လိုမျိုးကို ဆိုလိုတာပါလဲ။ “Neurodiversity describes the idea that people experience and interact with the world around them in many different ways; there is no one "right" way of thinking, learning, and behaving, and differences are not viewed as deficits.” - - Harvard Health Publishing သာမန်ကနေ ခွဲထွက်တွေးသူ၊ ထူးခြားစွာပြုမှုပြောဆိုဆက်ဆံသူ၊ ထူးခြားသော အပြုအမူရှိသူ၊ သင်ယူမှုပုံစံကွဲပြားသူ၊ စသဖြင့်... အများနဲ့ မတူဘူးဆိုတာနဲ့ ချို့ယွင်းချက်ရယ်လို့ တထစ်ချ မသတ်မှတ်ပဲ သီးခြားဖြစ်တည်လုပ်ဆောင်မှုတစ်မျိုးမျိုးနဲ့ ဦးနှောက်ပိုင်ရှင် ဘယ်သူမဆို နျူရိုဒိုင်ဗားဂျန့် ဖြစ်သူလို့ သတ်မှတ်ကြပါတယ်။ ဒါဟာ ခြုံငုံပြီးခေါ်တဲ့ Non-Medical Umbrella Term တစ်ခုဖြစ်ပါတယ်။ ဒီခြုံငုံမှုထဲမှာ ASD လို့ခေါ်တဲ့ အော်တစ်ဇင် Spectrum ထဲမှာ ပါသူတွေ၊ Dyslexia စာဖတ်ခက်ခဲခြင်းပြဿနာ ရှိသူတွေ၊ ADHD အာရုံစိုက်ဖို့ ခက်ခဲပြီး တစ်နေရာထဲ အငြိမ်မနေနိုင်သူတွေ Epilepsy ရှိသူတွေ စသည်ဖြင့် ဦးနှောက် Function မျိုးစုံနဲ့ ကလေးတွေရော လူကြီးတွေပါ ပါဝင်ပါတယ်။ ယေဘူယျအားဖြင့် ဦးနှောက်အာရုံကြောများ ကွဲပြားစွာ အလုပ်လုပ်ခြင်းကြောင့် လူတစ်ဦးတစ်ယောက်ဟာ အများနဲ့ မတူ၊ အများလက်ခံထားတဲ့ တန်ဖိုးစံနှုန်းတွေကနေ သွေဖယ်တာ၊ တွေးပုံ နေထိုင်ပြုမှုပုံ မတူညီတာကို၊ ဒါက အော်တစ်ဇင်၊ ဒါက စာသင်မရတဲ့ ရောဂါ၊ ဒါက ငြိမ်ငြိမ်မနေနိုင်တဲ့ ADHD ဆိုပြီး အလွယ်တကူ ကောက်ချက်ချခြင်းတွေအပြင် လူအများစုနဲ့ မတူတိုင်း အသင်းအဖွဲ့ကနေ အလိုအလျှောက်ပယ်လိုက်ဖို့ ဝန်မလေးတဲ့ လုပ်ရိုးလုပ်စဉ် တွေကို တိုက်ဖျက်ချင်တာမို့ ပညာရှင်အချို့ဟာ Neurodivergent ဆိုတဲ့ အသုံးအနှုန်းကို ၁၉၉၀ ကျော်ကာလတွေမှာ စတင် အစားထိုးအသုံးပြုလာတာဖြစ်ပါတယ်။ အမှန်တော့ ကမ္ဘာကြီးကို တနည်းတဖုံပြောင်းလဲစေသူ၊ ကိုင်လှုပ်နိုင်ခဲ့ကြသူ (လက်ရှိမှာကိုပဲ ကမ္ဘာကိုကိုင်လှုပ်နေသူ) တော်တော်များများဟာ နျူရိုဒိုင်ဗားဂျန့် တွေ ဖြစ်နေပြန်ပါတယ်။ ဒီလိုပြောတဲ့အတွက် မိမိကလေးဟာ နျူရိုဒိုင်ဗားဂျန့် ဖြစ်နေရင် တစ်နေရာရာမှာ အထင်ကရဖြစ်မှာပဲလို့တော့ မဆိုလိုပါဘူး။ နျူရိုဒိုင်ဗားဂျန့် ကလေးငယ်များရဲ့ ဦးနှောက်အာရုံကြောများ ကွဲပြားစွာ အလုပ်လုပ်ပုံကို ပထမအဆင့်အားဖြင့် လက်ခံနားလည်နိုင်ဖို့၊ ဒုတိယအဆင့်အားဖြင့် ထိုကလေးများ ကောင်းမွန်စွာ ဖွံ့ဖြိုးခွင့်၊ ပြည့်ဝစွာ နေထိုင်ဖြစ်တည်ခွင့်ရစေရန်၊ လိုအပ်တဲ့ ပတ်ဝန်းကျင်တစ်ခု စုပေါင်းဖန်တီးပေးနိုင်ဖို့လိုပါတယ်။ အထူးသဖြင့် စာသင်ကျောင်းတွေ၊ မူကြိုကျောင်းတွေ၊ လူမှုအသိုက်အဝန်းတွေ၊ အခြားအခြားသော Institution တွေမှာ နျူရိုဒိုင်ဗားဂျန့် ကလေးငယ်များကို အလွယ်တကူ မဖယ်ကျဉ်ကြဖို့၊ လူမှုအသိုင်းအဝန်းမှာ နားလည်ထည့်သွင်းဖို့၊ ကွဲပြားစွာလှပနေမှုကို လက်ခံကြဖို့ လိုပါတယ်။ အမှန်တော့ ကျွန်မတို့ဆီမှာ အပြုအမှုပုံမှန်ထက် ထူးခြားတာမြင်တာနဲ့ အော်တစ်ဇင်လားဆိုပြီး ပြဿနာတစ်ရပ်အနေနဲ့ အမြန်ကောက်ချက်ချဖို့ စိုင်းပြင်းနေကြဆဲပါ။ ဒါဟာ လူနည်းစုဖြစ်တာကြောင့်လဲ တကူးတက စိတ်ဝင်စားသူနည်းတာလဲ ဖြစ်နိုင်ပါတယ်။ ကျွန်မကိုယ်တိုင်တောင် လုပ်ငန်းခွင်မှာ နျူရိုဒိုင်ဗားဂျန့် ကလေးငယ်တွေနဲ့ ရင်းနှီးပက်သက်ခွင့် ရှိလာမှ ပိုပြီးလေ့လာဖြစ် စာတွေထပ်ဖတ်ဖြစ်ခဲ့ပါတယ်။ ဒီအထဲမှာမှ ၁၃ နှစ်အရွယ် နျူရိုဒိုင်ဗားဂျန့် ရှိသူ လူငယ်တစ်ယောက်ရဲ့ စာအုပ်ကို အမှတ်မထင် ဝယ်ဖတ်မိလိုက်ရာကနေ ဒီကလေးငယ်တွေရဲ့ ဖြစ်တည်မှု မတူညီတာကို အတိုင်းအတာတစ်ခုထိ ပိုပြီးနားလည်ခဲ့ရပါတယ်။ Naoki Higashida နာအိုကီ ဟီဂရှီဒါ လို့ ခေါ်တဲ့ စကားမပြောနိုင်သူ ဆယ်ကျော်သက်လူငယ်တစ်ယောက်ဟာ ၂၀၀၇ ခုနှစ်မှာ The Reason I Jump: The Inner Voice of a Thirteen-Year-Old ဆိုတဲ့ စာအုပ်တစ်အုပ်ကို ထုတ်ဝေခဲ့ပါတယ်။ အခုဆိုရင် ဒီစာအုပ်ကလေးကို မြန်မာဘာသာအပါအဝင် ဘာသာပေါင်း ၃၀ ကျော် ဘာသာပြန်ထားခဲ့ကြပြီးပါပြီ။ စာအုပ်မှာ နာအိုကီလို ပြင်းထန် အော်တစ်ဇင် ရှိသူများအား အမေးများသော မေးခွန်းပေါင်း ၅၈ ခုကို နာအိုကီရဲ့ သိမြင်တွေ့ကြုံမှုမှ ပြန်လည်ဖြေကြားပြောပြထားတဲ့ Memoir ပုံစံ စာအုပ်ငယ်လေးဖြစ်ပါတယ်။ စာအုပ်ထဲမှာ မေးခွန်းတစ်ခုက - မေးခွန်း (၄၅) အပြင်ထွက် လမ်းလျှောက်ရတာကို ဘာဖြစ်လို့ သဘောကျရတာလဲ။ အော်တစ်ဇင် တော်တော်များများဟာ လမ်းလျှောက်ရတာကို သဘောကျ နှစ်ခြိုက်မယ် ထင်ပါတယ်။ ဘာကြောင့်လဲဆိုတာ စာဖတ်သူ သိပါရဲ့လား။ “လမ်းလျှောက်ရတာ နေလို့ ကောင်းလို့ ဖြစ်မှာပေါ့” “အပြင်မှာ နေရတာ သိပ်ကောင်းတယ် မဟုတ်လား” ဒီအဖြေ နှစ်ခုစလုံး သူ့နည်းနဲ့သူ မှန်ကြပါတယ်။ ဒါပေမဲ့ ကျွန်တော့်အတွက် နံပါတ်တစ် အကြောင်းပြချက်ကတော့ ကျွန်တော်တို့ အော်တစ်ဇင်တွေဟာ စိမ်းစိုနေတဲ့ သဘာဝလောကကြီးကို နှစ်သက်မြတ်နိုးလို့ပါ။ အခုဆိုရင် “ဪ... ဒီလိုလား” လို့ စာဖတ်သူတွေးနေလောက်ပါပြီ။ ဒါပေမဲ့လည်း သဘာဝတရားအပေါ် ကျွန်တော်တို့ရဲ့ နှစ်သက်စုံမက်မှုက တခြားလူတွေနဲ့တော့ နည်းနည်းကွာပါတယ်။ လူတွေ နှစ်သက်တဲ့ သဘာဝတရားဆိုတာ သစ်ပင်တန်းတွေနဲ့ ပန်းကလေးတွေရဲ့ အလှအပအပေါ် အရင်းခံလိမ့်မယ်လို့ ကျွန်တော်ထင်ပါတယ်။ ဒါပေမဲ့ ကျွန်တော်တို့လို အထူးဂရုစိုက်မှုတွေ ခံနေရတဲ့ သူတွေအတွက်တော့ သဘာဝတရား ဆိုတာ ကျွန်တော်တို့ အသက်လောက်ကို အရေးပါ ပါတယ်။ အကြောင်းရင်းကတော့ သဘာဝအလှတွေကို ကျွန်တော်တို့ ကြည့်မိတဲ့အခါ ဒီကမ္ဘာပေါ်မှာ ကျွန်တော်တို့ကိုယ် ကျွန်တော်တို့ သက်ဝင်လှုပ်ရှားခွင့် ရသလို ခံစားရလို့ပါပဲ။ သဘာဝတရားက ကျွန်တော်တို့ရဲ့ ခန္ဓာကိုယ်ကို အားဖြည့်ပေးသလို ခံစားရပါတယ်။ လူတွေက ကျွန်တော်တို့ကို ဘယ်လောက်ပဲ မလိုလားသည် ဖြစ်စေ၊ လျစ်လျူရှုသည်ဖြစ်စေ သဘာဝတရားကတော့ ကျွန်တော်တို့အပေါ် အမြဲတမ်း နွေးထွေးမှုတွေ ပေးစွမ်းနိုင်ပါတယ်။ သဘာဝတရားရဲ့ စိမ်းမြမှုဟာ သစ်ပင်၊ ပန်းပင်တွေရဲ့ အသက်ဇီဝပါပဲ။ အစိမ်းရောင်ဟာ အသက်ဇီဝကို ကိုယ်စားပြုပါတယ်။ ဒါကြောင့် ကျွန်တော်တို့ဟာ စိမ်းမြတဲ့ ပတ်ဝန်းကျင်ကို မကြာခဏ လမ်းလျှောက်ထွက်ချင်ကြတာပါပဲ။ [ဆရာ ကျော်စွာ (ဆေး-၂) ရဲ့ ဘာသာပြန် “ကိုယ်တွေ့ကြုံရ အော်တစ်ဇင်ဘဝ” မှ ကောက်နှုတ်ထားသည်။] ဒီစာအုပ်ကို မှီငြမ်းရိုက်ကူးထားတဲ့ The Reason I Jump ဆိုတဲ့ နာမည်နဲ့ပဲ မှတ်တမ်းရုပ်ရှင်တစ်ကား ၂၀၂၀ မှာထွက်ထားခဲ့ပါတယ်။ ကမ္ဘာ့ထောင့်တစ်နေရာစီက နျူရိုဒိုင်ဗားဂျန့် ရှိသူ ကလေး ၅ ဦးရဲ့ နေ့စဉ်ဘဝ၊ လူမှုဘဝ၊ မိသားစုဘဝ အတက်အကျကို လှပတဲ့ Cinematography နဲ့ ပေါင်းစည်းရိုက်ပြထားတာပါ။ ဒီလို စာအုပ်တင်မက ရုပ်ရှင်ပါ တပြိုင်တည်းကြည့်ခွင့်တဲ့အခါမှာ ကျွန်မတို့လို သာမာန် Neurotypical ရှိသူတစ်ဦးအနေနဲ့ အတိုင်းအတာတစ်ခုအထိ ချိတ်ဆက်နားလည်နိုင်ဖို့ အထောက်အကူပေးခဲ့ပါတယ်။ အချုပ်အားဖြင့် အလွန်ကျယ်ပြန့်နက်ရှိုင်းပြီး လေ့လာမကုန်တဲ့ နျူရိုဒိုင်ဗားဂျန့် ကလေးများအကြောင်း အရိပ်အမွတ်ဖြစ်စေ ခံစားနားလည်နိုင်ဖို့၊ နာအိုကီ ဟီဂရှီဒါ တို့လို ကလေးငယ်တွေရဲ့ အားထုတ်ဆက်သွယ်မှုကို တစ်နည်းတစ်ဖုံ ပြန်လည်ဆက်သွယ်နိုင်ဖို့၊ ဒီစာအုပ်ကို လူတိုင်းဖတ်ဖို့ အမြဲညွှန်းနေမှာဖြစ်သလို၊ ရုပ်ရှင်ကိုပါ မြန်မာစာတမ်းထိုးနဲ့ အချိန်ပေးကြည့်ရှုနိုင်ဖို့ ကိုဝီရအောင်က Channel Myanmar ကနေ အားထုတ် ဘာသာပြန် စာတမ်းထိုးပေးထားပါတယ်။ နျူရိုဒိုင်ဗားဂျန့် ဖြစ်သူ ကလေးများကို အသိအမှတ်ပြု လက်ခံကြိုဆိုဖို့၊ မတူကွဲပြားမှုကို တန်းဖိုးထားရကောင်းမှန်းသိစေဖို့၊ ဝေဖန်ကဲ့ရဲ့မှုကင်းပြီး အပြုသဘောဆောင်တဲ့ လူမှုအသိုက်အအုံလေးများကို ဖန်တီးတည်ဆောက်နေတဲ့ ကမ္ဘာအနှံ့အပြားမှ အသွင်ပြောင်းပညာရေးတိုက်ပွဲမှာ ပါဝင်နေတဲ့ ဆရာ/မ များအတွက် ဒီအညွှန်းကို ရေးပါတယ်။ ~ မာနွယ်အေး (ဒီဒိုကူမန်ထရီရဲ့ အညွှန်းကို မမာနွယ်အေးမှ ရေးသားပေးထားပြီး WiRa Aung မှ ဘာသာပြန်ဆိုပေးထားပါတယ်) Size - 1.6GB, 776MB Quality - 1080p, 720p IMDb Rating - 7.4/10 Format - mp4 Duration - 1H 22Min Genre - Documentary, Drama Subtitle - Myanmar Subtitle (Hardsub) Translated by WiRa Aung Encoded by Y

IMDb.....7.4,,,,Rotten...66% Storyline Cloud Atlas ဟာ ၁၈၀၀ ခုနှစ်များကစတင်ပြီး ယခု ကျွန်တော်တို့ နေထိုင်တဲ့ ကမ္ဘာကြီးပျက်ဆီးသွားတဲ့အထိ လူပုဂ္ဂိုလ်တစ်ယောက်ချင်းစီရဲ့ ဆုံးဖြတ်ချက် များ၊ အပြုအမူများဟာ ခေတ်အဆက်ဆက် ဘယ်လောက်ထိ အကျိုးသက် ရောက်မှုရှိတယ်ဆိုတာကို ရိုက်ပြထားပါတယ်။ Review ကျွန်တော် ရုပ်ရှင်တော်တော်များများကြည့်ဖူးပါတယ်။ ဒါပေမယ့် Cloud Atlas လို ဇာတ်အိမ်ကြီးတဲ့ ရုပ်ရှင်မျိုးမကြည့်ဖူးဘူးလို့ ဝန်ခံရမှာပါပဲ။ ဇာတ်အိမ်ကြီးလှပါတယ်ဆိုတဲ့ J.R.R Tolkien ရဲ့ Lord of the Rings Universe ကတောင် ၁၈၀၀ ခုနှစ် ကနေ ဒီကမ္ဘာပျက်သွားပြီး နောက်ထပ်ဂြိုလ်တွေပေါ်မှာ လူတွေသွားနေရတဲ့ ခေတ်များ အထိ ဇာတ်လမ်းဆင်ထားတဲ့ Cloud Atlas လောက်ကြီးပါ့မလားလို့ တွေးမိပါတယ်။ Cloud Atlas မှာ အဓိကအားဖြင့် ဇာတ်ကောင် ၆ ယောက်ရဲ့ ဇာတ်လမ်းကို ရိုက်ပြထားပြီး အဲ့ ဇာတ်ကောင် ၆ ယောက်ဟာ ၁၈၀၀ နှစ်များ၊ ၁၉၃၀၊ ၁၉၇၀၊ ၂၀၁၂၊ ၂၁၀၀၊ နောက်တော့ လူ့ယဉ်ကျေးမှုပျက်ဆီးသွားတဲ့ ခေတ် စတဲ့ မတူညီတဲ့ ခေတ် ၆ ခေတ်ကဖြစ်ပါတယ်။ ဇာတ်လမ်းဆင်ထားတဲ့ ပုံကအရမ်းအံ့အော်စရာ ကောင်းပါတယ်။ ဇာတ်ကားတစ်ကားတည်းနဲ့ ဇာတ်ကား ၆ ကားကို တစ်ခါတည်းကြည့်ရသလို ပါပဲ။ အဲ့ဇာတ်ကား ၆ ကား ဟာလည်း တစ်ခုနဲ့တစ်ခု theme မတူညီတဲ့အတွက် အပေါ်မှာရေးထား သလို Adventure, Drama, Thriller, Scifi, Action, Mystery, Fantasy, Comedy ခံစားမှုပေါင်းစုံနဲ့ ရိုက်ကူးထားပါ တယ်။ ကျွန်တော်အကြိုက်ဆုံးအချက်ကတော့ ဒီလိုမတူညီတဲ့ ခေတ် ၆ ခေတ်မှာ မတူညီတဲ့ ဇာတ်ကောင် ၆ ယောက်ရဲ့ ဇာတ်လမ်းကို တစ်ပြိုင်တည်း တင်ဆက်ထားတာမှာ ဇာတ်လမ်းအတက်အကျတွေဟာ တစ်ပြေးညီဖြစ် နေတာပါပဲ။ ဇာတ်လမ်း ၇ ပုဒ်ကို တစ်ခါတည်းပြဖို့ ကြိုးစား ထားတာဖြစ်တဲ့အတွက် စစချင်းတော့ ဘယ်သူက ဘာတွေမှန်းမသိ ခေါင်းတွေမူးနောက်နေခဲ့ပေမယ့် ဇာတ်ကြောင်းတွေပေါ်လာလေလေ နောက်ဘာဆက်ဖြစ်မလဲဆိုပြီး ၇ ပုဒ်လုံး ဇာတ်ကောင် ၆ ယောက်လုံးကို စိတ်ဝင်စားလာအောင်၊ ပြီးတော့ အဲ့ ဇာတ်ကောင် ၆ ယောက်ကို ဘယ်လို ချိတ်ဆက်ထားလဲဆိုတာကို သိချင်လာအောင် ရိုက်ပြထားပါတယ်။ ဒီကားမှာသုံးထားတဲ့ Make-up ကိုတော့ တော်တော်လေးကြိုက် ပါတယ်။ မင်းသား၊ မင်းသမီး အတူတူပေမယ့် Make-up ကြောင့် နောက်ဆုံးစာတမ်းထိုးတော့မှ သြော်၊ အဲ့တာလည်း သူတို့ပါပဲလားဆိုပြီး သိရတာပါ။ အချုပ်ပြောရရင်တော့ Cloud Atlas ဟာတော်တော်ကောင်းတဲ့ကား၊ ထူးခြားတဲ့ကားတွေထဲမှာပါပါတယ်။ ဇာတ်လမ်းက ခေတ် ၇ ခေတ်ကို တစ်ခါတည်းရိုက်ပြထားတာဆိုတော့ ကြည့်ပြီးတဲ့လူတွေအတွက် နည်းနည်းရှုပ်နေနိုင်တဲ့အတွက် ထုံးစံအတိုင်း ရေးနိုင်သလောက် Synopsis လေးရေးထားပါတယ်။ ဒီကားက တစ်ချို့အတွက်တော့ ဇာတ်လမ်းစ၊ဆုံးမလိုပေမယ့် တစ်ချို့အတွက်တော့ တစ်ချို့အတွက်တော့ ရှင်းလင်းချက်ဟန် က လိုနေပါလိမ့်မယ်...မဟုတ်ရင် ခေါင်းအနည်းငယ်နောက်နိုင်လို့ ပါ... ဒီလိုရှင်းလင်းချက်အညွှန်းတွေအတွက် ကူးယူဖော်ပြခွင့်ပြုသော DatShin နှင့် ခဲရာခဲဆစ် ဒိုင်ယာလော့ပေါင်းများစွာကို စိတ်ရှည်လက်ရှည်ဘာသာပြန်ပေးသော Crystal Win တို့အား အထူးပင်ကျေးဇူးတင်ရှိပါသည်... ရှင်းလင်းချက်မလိုတဲ့သူများ စပွိုင်လာမိမှာကြောက်သူများ ဆက်မဖတ်ဘဲ ဒေါင်းနိုင်ပါပြီ.. Quality : Blu-Ray 1080p 5.1 CH, Blu-Ray 720p Format…mp4 Duration…02:52:00 Genre :  Action, Drama, Mystery Subtitle : Myanmar Subtitle (Hard Sub) Translated by Crystal Win Encoded by Phyo Pyae Adam Ewing ပထမ ဇာတ်ကောင်ကတော့ ၁၈၀၀ ခုနှစ်ပတ်ဝန်းကျင်က ရှေ့နေတစ်ယောက် ဖြစ်တဲ့ Adam Ewing ဖြစ်ပါတယ်။ Adam ရဲ့ယောက္ခကြီးဟာ ပစိဖိတ်ကျွန်းဆွယ်တွေပေါ်က ကျွန်တွေသွားဝယ်ဖို့ Adam ကိုစေလွှတ်ခဲ့ပါတယ်။ ပစိဖိတ်ကနေ အိမ်ကိုအပြန် ကျွန်တစ်ယောက် က သင်္ဘောပေါ်ခိုးလိုက်လာပြီး သူ့ကိုကူညီဖို့ Adam ကိုအသနားခံခဲ့ပါတယ်။ သဘောကောင်းတဲ့ Adam က captain ကိုပြောပြီးအဲ့ကျွန်ကို သင်္ဘောသား အဖြစ်လက်ခံစေကာကယ်တင်ခဲ့ပါတယ်။ သင်္ဘောရဲ့ ဆရာဝန် Dr. Henry Goose ဟာ Adam ရဲ့ခန္ဓာကိုယ်ထဲမှာ သန်ကောင်တွေရှိနေတယ်ဆိုပြီး ဆေးကုပေးသလိုလိုနဲ့ လိမ်ညာပြီး Adam ရဲ့ပစ္စည်းတွေကို ခိုးဖို့ကြိုးစားခဲ့ ပါတယ်။ Adam ကယ်ခဲ့တဲ့ ကျွန် Autua က Adam ကိုပြန်ကယ်လိုက်တော့ Adam ရဲ့ကျွန်တွေအပေါ်ထားတဲ့ စိတ်ထားပြောင်းလဲသွားပြီး အိမ်ပြန်ရောက် တဲ့အခါ သူနဲ့သူ့မိန်းမဟာ အိမ်ကိုဆန့်ကျင်ကာ ကျွန်စနစ်ဆန့်ကျင်ရေး သမားတွေဖြစ်လာခဲ့ပါတယ်။ အိမ်ပြန်လမ်းခရီးမှာ Adam ကြုံခဲ့ရတာတွေကို စာအုပ်ထုတ်လုပ်ခဲ့ပါတယ်။ Robert Frobisher & Rufus Sixsmith ဒုတိယဇာတ်ကောင်ကတော့ ၁၉၃၀ နှစ်များမှာနေထိုင်ခဲ့တဲ့ တေးဂီတ ပညာရှင် Robert Frobisher ဖြစ်ပါတယ်။ သူ့မှာ Rufus Sixsmith လို့ ခေါ်တဲ့ ချစ်သူ (နှစ်ဦးလုံးဟာ အမျိုးသားများဖြစ်ပါတယ်။) တစ်ယောက်ရှိပါတယ်။ Robert ဟာ နာမည်ကြီး ဂီတစပ်ဆိုသူတစ်ဦး ဖြစ်လာအောင်လို့ ဂီတပညာရှင်အဖိုးကြီး Vyvyan Ayrs ထံမှာ အလုပ်လုပ်ခဲ့ ပါတယ်။ သူ့ထံမှာအလုပ်လုပ်ရင်းနဲ့ Cloud Atlas Sextet ကိုစပ်ဆိုခဲ့ပါတယ်။ ဒီတေးသွားကို အရမ်းကြိုက်သွားတဲ့ အဖိုးကြီး Ayrs ကအပိုင်စီးဖို့ကြိုးစားတဲ့ အခါမှာတော့ အဖိုးကြီးကို သေနတ်နဲ့ပစ်ပြီး ထွက်ပြေးလာခဲ့ပါတယ်။ ဒါပေမယ့် အဖိုးကြီးက မသေပဲ Robert ကိုလိုက်ရှာဖို့ ရဲတွေလွှတ်လိုက်ပါတယ်။ Robert ဟာ သူရဲ့တေးသွား Cloud Atlas ကိုပြီး ဆုံးအောင်ရေးသားခဲ့ပြီး သူရဲ့ချစ်သူထံကိုပို့လိုက်ပါတယ်။ နောက်တော့ ကို့ကိုယ်ကို အဆုံးစီရင်လိုက်ပါတယ်။ Sixsmith က အဲ့တေးသွားကို အသံသွင်းခဲ့ပြီး ထုတ်ဝေခဲ့ပါတယ်။ Luisa Rey တတိယဇာတ်ကောင်ကတော့ ၁၉၇၀ ခုနှစ်က ဂျာနယ်လစ် Luisa Rey ဖြစ်ပါတယ်။ Luisa က ဒုတိယဇာတ်လမ်းက Rufus Sixsmithနဲ့ သိကျွမ်း ရင်းနှီးခဲ့ပါတယ်။ Rufus ကဒီအချိန်မှာ အဖိုးကြီးဖြစ်နေပြီး နာမည်ကြီး ရူပဗေဒ ပညာရှင်ကြီးဖြစ်နေပါပြီ။ Sixsmith ဟာ နျူကလီးယား ဓာတ်ပေါင်းဖို တစ်ခုအတွက်အလုပ်လုပ်ခဲ့ပြီး ဆိုးရွားတဲ့လျှို့ဝှက်ချက်တစ်ခုကို ရှာဖွေတွေ့ရှိ ခဲ့ပါတယ်။ အဲ့တာကတော့ အဲ့ဓာတ်ပေါင်းဖိုဟာ ရေနံ company တစ်ခုက ထောင်ပေးထားတာဖြစ်ပြီး တစ်ချိန်မှာ ပေါက်ကွဲနိုင်အောင် စီမံထားတာပါပဲ။ အဲ့တော့မှာသာ လူတွေက နျူကလီယားစွမ်းအင်ဟာ မလုံခြုံဘူးဆိုပြီး ရေနံပေါ်မှာသာ မှီခိုနေအောက် စီမံထားခြင်းဖြစ်ပါတယ်။ ဒါကို သတင်းထောက်မ Luisa ကိုပြောပြဖို့ကြိုးစားတဲ့ Sixsmith ဟာအသတ်ခံခဲ့ ရပါတယ်။ Luisa ဟာဒီအမှုကိုလိုက်ရင်းနဲ့ Sixsmith ဆီကိုတစ်ချိန်တုန်းက သူ့ချစ်သူ Robert ပေးပို့ခဲ့တဲ့စာတွေနဲ့ Robert ရဲ့ Cloud Atlas Sextet ကို ရှာဖွေတွေ့ရှိခဲ့ပါတယ်။ ဓာတ်ပေါင်းဖိုပိုင်ရှင် Lolyd Hook ဟာ Luisa ကိုသတ်ဖို့ လူသတ်သမား Bill Smoke ကိုလွှတ်ခဲ့ပေမယ့် နောက်ဆုံးမှာ Luisa ဟာအမှန်တရားကို ထုတ်ဖော်ခဲ့ပြီး Hook ရဲ့ဓာတ်ပေါင်းဖိုဟာ ပိတ်လိုက်ရပါတယ်။ Timothy Cavendish လေးခုမြောက်ဇာတ်လမ်းကတော့ ၂၀၁၂ ခုနှစ်မှာနေထိုင်ခဲ့တဲ့ စာအုပ်တိုက်အသေးစားလေးတစ်ခုရဲ့ပိုင်ရှင် Timothy Cavendish ရဲ့အကြောင်းဖြစ်ပါတယ်။ Cavendish ဟာ လူဆိုးတစ်ယောက် တစ်ရောက်ရဲ့ ကိုယ်ရေးဝတ္ထုကိုထုတ်ပေးခဲ့ပါတယ်။ အဲ့လူဆိုးဟာ ဝေဖန်ရေး ဆရာတစ်ယောက် ကို တိုက်ပေါ်ကပစ်ချပြီး (ဓာတ်ရှင်အဖွဲ့သားတွေလည်း သတိထားနေမှာပဲ) ထောင်ထဲဝင်သွားတော့ သူ့စာအုပ်ဟာ သောက်သောက် လဲရောင်းအားတွေတက်လာပါတယ်။ အဲ့မှာထောင်ထဲဝင်သွားတဲ့ လူဆိုးကြီးက Timothy Cavendish ဆီကို တပည့်လူဆိုးတွေလွှတ်ပြီး သူ့ရဲ့ ရှယ်ရာကိုတောင်းပါတော့တယ်။စာအုပ်ရောင်းရငွေတွေကို အကြွေးတွေ အကုန်ဆက်လိုက်ရလို့ ပေးစရာ ပိုက်ဆံမရှိတော့တဲ့ Timothy ဟာ သူရဲ့အစ်ကို ထံသွားပြီးအကူအညီတောင်းတော့ သူအစ်ကိုက ဟိုတယ်တစ်ခု မှာသွားရောက်ပုံးအောင်းနေဖို့ အကြံဉာဏ်ပေးပါတယ်။ အဲ့ဟိုတယ်ကိုသွားနေတုံး ရထားပေါ်မှာ Timothy Cavendish ဟာ တတိယ ဇာတ်လမ်းထဲက ဇာတ်လိုက်မ Luisa Rey အကြောင်းရေးထားတဲ့ လျှို့ဝှက်သဲဖိုစာအုပ်ကို ဖတ်နေတာတွေ့ရပါတယ်။ သူ့အစ်ကို ပြောထားတဲ့ ဟိုတယ်ဟာအမှန်တော့ ဟိုတယ်မဟုတ်ပဲ လူအိုရုံကြီးတစ်ခုဖြစ်နေပါတယ်။ ကျေးဇူးကန်းတဲ့ သားသမီးတွေဟာ အသက်ကြီးလာတဲ့ မိဘတွေ ဒီမှာလာ ပစ်ထားကြပြီး ဝန်ထမ်းတွေကလည်း အဖိုးအဖွားတွေကို အကျဉ်းသားတွေ အလားကိုင်တွယ်ပြီး လုံးဝအပြင်ထွက်ခွင့်မရတဲ့ လူအိုရုံကြီးဖြစ်ပါတယ်။ Timothy ဟာဒီလူအိုရုံကြီးကနေ ဖောက်ထွက်ဖို့တစ်ခြား အဖိုးအဖွားကြီးတွေ နဲ့အတူ အစီစဉ်တွေဆွဲပြီး ထွက်ပြေးလွတ်မြောက်ခဲ့ပါတယ်။ နောက်တော့ သူရဲ့အတွေ့အကြုံတွေကို စာအုပ်ပြန်ရေးတဲ့အခါ အရောင်းရဆုံးစာအုပ် တစ်အုပ်ဖြစ်လာတဲ့အပြင် ရုပ်ရှင်တောင်ပြန်လည်ရိုက်ကူးနိုင်ခဲ့ပါတယ်။ Somni and the Rebellion ငါးခုမြောက် ဇာတ်လမ်းကတော့ ကမ္ဘာပျက်ခါနီး Dystopia Future လိုဖြစ်နေတဲ့ ၂၄၀၀ ခုနှစ်အကျော်(မှားနိုင်ပါတယ်)က ကိုရီးယားနိုင်ငံ ဆိုလ်မြို့မှာအခြေတည်ပါတယ်။ ဒီခေတ်မှာ Pa Pa Song ဆိုတဲ့ fast food restaurant ကအရမ်းနာမည်ကြီးနေပါတယ်။ အဲ့စားသောက်ဆိုင်မှာ စားပွဲထိုးတွေအဖြစ် clone လုပ်ထားတဲ့ကောင်မလေးတွေကို အသုံးပြုပါတယ်။ သူတို့ကို fabrication - လူကပြုလုပ်ထားခြင်း၊ ပုံမှန်လူတွေကို - Pure Blood- မျိုးစစ်တွေဆိုပြီး ခွဲခြားထားပါတယ်။ စားသုံးသူ ဧည့်သည်တွေက သူတို့ကို ဘာပဲလုပ်နေလုပ်နေ ဘာမှပြန်လုပ်ခွင့် ပြောခွင့်မရှိပါဘူး။ သူတို့လည်ပင်းမှာလည်း ကွင်းလေးတွေစွတ်ပေးထားပြီး စားသောက်ဆိုင်ရဲ့ မန်နေဂျာက ခလုတ်နှိပ်လိုက်တဲ့အခါ လည်ပင်းက ကွင်းလေးက လည်မျိုကိုဖောက်ပစ်လိုက်ပြီး ထွက်ပြေးလို့မရအောင် လုပ်ထားပါတယ်။ ပိုဆိုးတာက သူတို့ စားသောက်ဆိုင်မှာ လုပ်သက်များလာ လေလေ သူတို့ကွင်းလေးမှာ ကြယ်ပွင့်လေးတွေထိုးပေးပါတယ်။ ကြယ်ပွင့် ၇ ပွင့်ပြည့်တဲ့အခါ လွတ်လပ်မှုကိုပေးမယ်လို့လိမ်ညာထားပါတယ်။ အမှန်က တော့ clone တွေကိုသတ်ပစ်ပြီး အလောင်းတွေကို protein အားဆေးလုပ် တာဖြစ်ပါတယ်။ ဒါတင်မကသေးပါဘူး clone တွေမှာ protein ဓာတ်တွေပြည့်ဝအောင်လို့ သူတို့ကိုကျွေးတဲ့ soap ဆိုတဲ့ဆေးဟာလည်း သူတို့ရဲ့ အလောင်းတွေကနေပြန်လည်ထုတ်လုပ်ထားတာဖြစ်ပါတယ်။ ဒီဇာတ်လမ်းရဲ့ မင်းသမီးက ခုနက clone တစ်ယောက်ဖြစ်တဲ့ Sonmi-451 ဖြစ်ပါတယ်။ စနစ်ကြီးကို တော်လှန်နေတဲ့ အဖွဲ့အစည်းဖြစ်တဲ့ Union Rebellion ရဲ့ တပ်မှူး Hae-Joo က Somni ကိုကယ်တင်ခဲ့ပြီး လူသားတစ် ယောက်သိသင့်တဲ့ အတွေးအခေါ်တွေ အနုပညာတွေကို သင်ပေးခဲ့ပါတယ်။ ဆိုးရွားတဲ့ အမှန်တရားကို သိရှိခဲ့ရပြီးနောက်မှာ Somni ဟာ တော်လှန်ရေးကို ကူညီဖို့ဆုံးဖြတ်လိုက်ပါတယ်။ သူတို့ဟာ အသံလွှင့်ရုံတစ်ခုကိုသိမ်းပိုက်ခဲ့ပြီး အမှန်တရားကို တစ်ကမ္ဘာလုံးသာမက ကမ္ဘာအပြင်ဘက်က ဂြိုလ်တွေဆီပါ ထုတ်လွှင့်ခဲ့ပါတယ်။ အစိုးရတပ်တွေဝင်တိုက်တဲ့အခါ တော်လှန်ရေးသမားတွေ အကုန်လုံးသေဆုံးသွားပြီး Somni ကိုတော့ အရှင်မိခဲ့ပါတယ်။ Somni ကိုမကွက်မျက်ခင် အစိုးရကိုယ်စားလှယ်တစ်ယောက် စစ်ဆေးပါတယ်။ Somni ကသူ့ကို အမှန်အတိုင်းအကုန်ပြောပြပြီးတဲ့နောက်မှာ သူက Somni ကို မင်းပြောခဲ့တောတွေအကုန်လုံးကို အမှားတွေလို့အစိုးရလုပ်လိုက်မှာပဲ၊ ဘယ်သူမှ ယုံမှာမဟုတ်ဘူး၊ ဒါကိုသိနေရဲ့သားနဲ့ ဘာလို့အသေခံပြီး လုပ်တာလဲလို့မေးတဲ့အခါမှာ Somni က အနည်းဆုံးတော့ အခု တစ်ယောက်(သူ့ကိုစစ်မေးတဲ့သူ) သိရှိပြီးယုံသွားပြီလို့ပြောခဲ့ပါတယ်။ Zachry and Meronym ဆဌမမြောက်ဇာတ်လမ်းကတော့ ခုန ဆိုလ်းမြို့ကရေတွေတက်လာလို့ ပျက်ဆီးသွားပြီး လူ့ယဉ်ကျေးမှုပျက်စီးသွားတဲ့နောက်မှာ Miami မှာနေထိုင်တဲ့ လူမျိုးစုတစ်စုက လူတစ်ယောက်ဖြစ်တဲ့ Zachry ရဲ့အကြောင်းဖြစ်ပါတယ်။ Zachry တို့လူမျိုးစုဟာ Sonmi ကိုဘုရားအဖြစ် ကိုးကွယ်ကြပါတယ်။ သူတို့လူမျိုးစုရဲ့ရန်သူ လူရိုင်းတွေဖြစ်တဲ့ Kona တွေဟာလည်း ကျွန်းပေါ်မှာပဲ နေထိုင်ပြီး သူတို့ကိုတွေ့တိုင်းသတ်ဖြတ်လေ့ရှိပါတယ်။ တစ်ရက်မှာ Zachry ဟာ သူ့ယောက်ဖနဲ့တူလေးနဲ့ အပြင်ထွက်နေတုန်း Koni တွေရောက်လာခဲ့ပါတယ်။ Koni တွေဟာ သူ့ယောက်ဖနဲ့ တူလေးကို သတ်ဖြတ်နေပေမယ့် Zachry ဟာကြောက်ရွံ့စွာနဲ့ ထွက်မကူညီပဲ ပုန်းအောင်း နေခဲ့ပါတယ်။ လူတွေဟာ Zachry ကိုအဲ့အချိန်ကစပြီး ကျဉ်ခဲ့ပါတယ်။ သူတို့လူမျိုးစုနဲ့ အမြဲတမ်းအဆက်အသွယ်ရှိနေတာကတော့ နည်းပညာအဆင့်မြင့်တဲ့ လူမျိုးစု Prescient တွေဖြစ်ပါတယ်။ Prescient တွေဟာ သူတို့နဲ့ အမြဲတမ်းအဆက်အသွယ်ရှိပြီး ထူဆန်းတဲ့ ယာဉ်ပျံကြီးတွေ နဲ့ရောက်လာတတ်ပါတယ်။ တစ်ရက်မှာတော့ Prescient တစ်ယောက်ဖြစ်တဲ့ Meronym ဟာ Zachry တို့ရွာမှာနေဖို့ခွင့်တောင်းခဲ့ပါတယ်။ Meronym ကို Zachry ရဲ့အမသူ့အိမ်မှာ လက်ခံခဲ့ပေမယ့် Zachry ကတော့သဘောသိပ်မကျခဲ့ပါဘူး။ Meronym ဟာသူတို့ကျွန်းပေါ်က တောင်ထိပ်ကို သွားချင်ပေမယ့် အဲ့ဒီ့တောင်ပေါ်မှာ မကောင်းဆိုးရွားကြီး Old Gerogie ရှိနေတဲ့အတွက် ဘယ်သူမှလိုက်မပို့ရဲကြပါဘူး။ တစ်ရက်မှာတော့ Zachry ရဲ့တူမလေးဟား အဆိပ်မိခဲ့ပါတယ်။ ကုဖို့ဆေးမရှိတော့ သေတော့မှာပါ။ Zachry ဟာ Meronym ကိုအကူအညီတောင်းခဲ့ပြီး သူ့တူမလေးကိုကယ်ရင် တောင်ထိပ်ကိုရောက်အောင်ပို့ပေးမယ်လို့ ကတိပေးခဲ့တဲ့အတွက် Meronym ဟာကယ်တင်ပေးခဲ့ပါတယ်။ တောင်ထိပ်ကို သွားရာလမ်းတစ်လျှောက်မှာလည်း Zachry ရဲ့ကြောက်စိတ်က Old Georgie အသွင်နဲ့လာရောက်ပြီးတော့ Meronym ကို သတ်ဖို့လာပြောနေပေမယ့် Zachry ကသူ့ကြောက်စိတ်ကိုအနိုင်ယူပြီးတော့ မသတ်ခဲ့ပါဘူး။ အမှန်ကတော့ သူတို့သွားနေတဲ့နေရာဟာ Somni ကအမှန်တရားကို တစ်ကမ္ဘာလုံးသိအောင် ထုတ်လွှင့်ခဲ့တဲ့ အသံလွှင့်ရုံကြီးဖြစ် ပါတယ်။ ဘာလို့သွားနေရတာလဲဆိုတော့ ဒီကမ္ဘာကြီးကပျက်တော့မှာဖြစ်ပါတယ်။ ကမ္ဘာပေါ်မှာနေထိုင်နေတဲ့ Zachry တို့ရော Prescient တွေရောအကုန်သေတော့မှာဖြစ်ပါတယ်။ အဲ့တော့ ဒီအသံလွှင့်ရုံကနေ တစ်ခြားဂြိုလ်တွေကို အချက်ပြပြီး ဒီကမ္ဘာပေါ်မှာ လူတွေရှိသေးတယ်။ လာကယ်ပါဆိုပြီး အကူအညီတောင်းမလို့ ဖြစ်ပါတယ်။ ဒါပေမယ့် သူတို့ဟာ တစ်ခြားဂြိုလ်တွေ ရှိနေမှန်းတောင် မသေချာတော့ပါဘူး။ သူတို့နှစ်ယောက် အသံလွှင့်ရုံကနေပြန်လာတော့ Zachry ရဲ့ရွာဟာမီးလောင်နေတာကို တွေ့လိုက်ရပါတယ်။ တစ်ရွာလုံးသေသွားပြီဖြစ်ကာ Zachry ရဲ့တူမလေးပဲအသက်ရှင်ပါတယ်။ Zachry နဲ့သူ့တူမလေးတို့ Koni တွေလက်ကနေ အသက်လုပြေးခဲ့ပေမယ့် Zachry ရဲ့ယောက်ဖသေသွားတဲ့နေရာမှာပဲ သူတို့နှစ်ယောက်ကို ချောင်ပိတ်ဖမ်းမိခဲ့ပါတယ်။ ဒါပေမယ့် Meronym ကလာရောက်ကယ်ဆယ်ခဲ့တာမို့ Koni တွေကိုပြန်လည်သတ်နိုင်ခဲ့ပါတယ်။ နောက်ဆုံးမှာတော့ Zachry တို့နှစ်ယောက်ဟာ Meronym နဲ့အတူ လိုက်သွားခဲ့ပါတယ်။ တစ်ခြားဂြိုလ်ကလာကယ်ခဲ့ပြီး အဲ့ဂြိုလ်ပေါ်မှာသွားရောက် နေထိုင်ခဲ့ပါတယ်။ Zachry နဲ့ Meronym တို့နှစ်ယောက်ဟာချစ်ကြိုက်ခဲ့ပြီး သားသမီး၊ မြေးမြစ်တွေ ထွန်းကားခဲ့ပါတယ်။ Conclusion ဇာတ်လမ်း ၆ ပုဒ်က ဘယ်လိုဆက်ထားတယ်ဆိုတာကို ရုပ်ရှင်မှာ သေချာကြီးပြောမထားတဲ့အတွက် အမျိုးမျိုးနားလည်လို့ရပါတယ်။ ဒီဇာတ်ကောင်တွေဟာ ဘဝ အဆက်ဆက်တွေလို့ပြောတဲ့လူလည်းရှိပါတယ်။ ဥပမာ ပထမဇာတ်လမ်းက villain ကြီး Henry Goose ဟာ ဒုတိယမြောက် ဇာတ်လမ်းမှာ သူ့ရဲ့နောက်ဘဝမှာ Hotel Manager ဖြစ်နေတယ်လို့ ဆိုပါတယ်။ ကျွန်တော်ကတော့ အဲ့လိုမဟုတ်ဘူးထင်ပါတယ်။ နောက်တစ်မျိုးပြောတာကတော့ ဇာတ်လမ်းအဆက်ဆက်က ဇာတ်ကောင်တွေက မျိုးဆက်တွေပါတဲ့။ ဥပမာ ပထမဇာတ်လမ်းက ထွက်ပြေးလာတဲ့ ကျွန် Autua ဟာ တတိယမြောက်ဇာတ်လမ်းက ဇာတ်လိုက်မ Luisa Rey ရဲ့ အဘေးအဘီဖြစ်သလို တစ်ခြားဇာတ်ကောင်တွေဟာလည်း အရင်ဇာတ်လမ်းက ဇာတ်ကောင်တွေရဲ့ မျိုးဆက်လို့ဆိုလိုချင်တာပါ။ တော်တော်ကြီးဖြစ်နိုင်ပေမယ့် ဇာတ်လမ်းရဲ့ အနှစ်သာရက အဲ့တာကိုပြောချင်တာလို့ မထင်ပါဘူး။ ကျွန်တော်ယုံကြည် တာကတော့ လူတစ်ယောက်ရဲ့ အပြုအမှုဆုံးဖြတ်ချက်တွေဟာ နှစ်ထောင်ချီသွားသည့်တိုင် အကျိုးသက်ရောက်မှုတွေရှိနေတယ်ဆိုတာကို ပြသွားတယ်ထင်ပါတယ်။ ဒါဟာ ကျွန်တော့်အထင်သက်သက်သာဖြစ်ပြီး မှားနိုင်တဲ့အတွက် ပရိတ်သတ်ကြီးတို့ အမြင်တွေကိုလည်း Comment ပေးသွားပါလို့ ပြောချင်ပါတယ်။ ကျွန်တော့်ထင်တာကို ရှင်းပြရရင်တော့ ပထမဆုံးဇာတ်လမ်းနောက်ဆုံးမှာ Adam Ewing တို့လင်မယားဟာ ကျွန်စနစ်ကိုတိုက်ဖျက်ဖို့ အရှေ့အရပ်ကို ထွက်ခွာခဲ့တယ်ဆိုပါတယ်။ အရှေ့အရပ်ဆိုတော့ အာရှအရှေ့ပိုင်းလည်း ဖြစ်နိုင်ပါတယ်။ သူတို့ရဲ့ အတွေးအခေါ်၊ လုပ်ရက်များဟာ ခြောက်ခုမြောက် ဇာတ်လမ်းက တော်လှန်ရေးသမားတွေကို clone တွေကိုကျွန်လုပ်နေတဲ့ စနစ်ကြီးကို တော်လှန်နိုင်အောင် လွှမ်းမိုးမှုပေးခဲ့ပါတယ်။ ဒုတိယဇာတ်လမ်းက ဂီတဆရာ Robert ဟာ Adam Ewing ရဲ့မှတ်တမ်းကို ဖတ်ခဲ့ပါတယ်။ သူဟာအချစ်မေတ္တာကိုတန်ဖိုးထားခဲ့ပြီး သူရဲ့ဆရာ Ayrs လို လောဘတက်ဂုဏ်မောက်ခြင်းမရှိခဲ့ပါဘူး။ သူဟာသူ့ချစ်သူ Sixsmith ဆီပို့တဲ့စာတွေကနေတစ်ဆင့် သူရဲ့အတွေးအခေါ်ကို သင်ပေးခဲ့တဲ့အတွက် Sixsmith ဟာ နာမည်ကြီး ရူပဗေဒပညာရှင်ဖြစ်လာတဲ့အခါမှာ တစ်ချိန်ချိန်မှာ ပေါက်ကွဲမယ့် နျူကလီးယားဓာတ်ပေါင်းဖိုကြီးဆောက်ဖို့ကို ငြင်းဆန်ခဲ့ပါတယ်။ ဒါ့အပြင် Robert ရဲ့တေးသွား Cloud Atlas Sextet ကို သတင်းထောက်မ Luisa Rey ကကြားဖူးတယ်လို့ိဆိုပါတယ်။ ဒါပေမယ့် ဘယ်မှာကြားဖူးခဲ့သလဲဆိုတာကိုတော့ မပြထားပါဘူး။ နောက်တော့ Robert ဆရာအဖိုးကြီးက အဲ့တေးသွားကို အိပ်မက်မက်တော့ သူ့အိပ်မက်ထဲမှာ Pa Pa Song စားသောက်ဆိုင်မှာ ဖွင့်ထားတာကို ကြားခဲ့တာဖြစ်ပါတယ်။ Timothy ရဲ့စာအုပ်ကို ရုပ်ရှင်ပြန်ရိုက်တဲ့အခါ အဲ့ရုပ်ရှင်ထဲက Dialouge တစ်ခုဖြစ်တဲ့ I will not be subjected to Criminal Abuse - မတရားမှုကို ငါသီးခံမှာမဟုတ်ဘူး ဆိုတဲ့ dialogue ဟာ နေ့စဉ်နဲ့အမျှ ဧည့်သည်တွေရဲ့ မတရားမှုကို ရင်ဆိုင်နေရတဲ့ Somni လိုclone တွေအတွက် ပြန်လည် တွန်းလှန်ဖို့တွန်းအားတစ်ရပ်ဖြစ်စေခဲ့ပါတယ်။ Somni တို့တော်လှန်ရေးပြီးသွားတဲ့အခါ ကမ္ဘာကြီးမှာဘာဖြစ်သွားတယ်ဆိုတာ မရှင်းပါဘူး။ ဒါပေမယ့် ကျွန်တော်ထင်တာကတော့ Somni ကိုစစ်ဆေးခဲ့တဲ့ အစိုးရကိုယ်စားလှယ်ကနေတစ်ဆင့် အမှန်တရားကို လူတွေသိလာပြီး clone တွေကိုကျွန်ပြုထားတဲ့ စနစ်ကို ဖျက်ဆီးခဲ့တယ်လို့ထင်ပါတယ်။ ဒါကြောင့်သာ Zachry တို့ခေတ်မှာ Prescient တွေဟာ နည်းပညာမြင့်ပေမယ့် ရက်စက် ကြမ်းကြုတ်ခြင်းမရှိပဲ သိမ်မွေ့နှုးညံ့တဲ့ခွင့်လွှတ်တတ်တဲ့သူတွေဖြစ်နေတဲ့ အပြင် Zachry တို့ကိုလည်း ကယ်တင်ခဲ့ပါတယ်။ နောက်ဆုံးပြောချင်ဒါကတော့ တစ်ကားလုံးဟာ Somni ရဲ့စကားဖြစ်တဲ့ our lives are not our own, from womb to tomb, we are bound to others, past and present. And by each crime and every kindness we birth our future - ငါတို့ဘဝတွေဟာ ငါတို့နဲ့ပဲ သက်ဆိုင်တာမဟုတ် ပါဘူး။ ငါတို့ရဲ့ အတိတ်နဲ့ ပစ္စုပန်ဟာ သန္ဓေသားကနေ သေသည်အထိ တစ်ခြားဘဝတွေနဲ့ ဆက်စပ်နေပါတယ်။ ငါတို့ပြုလုပ်တဲ့ ပြစ်မှုတိုင်းနဲ့ ချစ်ခင်ကြင်နာမှုတိုင်းဟာ ငါ့တို့ရဲ့အနာဂတ်ကို ပြောင်းလဲစေပါတယ် - ဆိုတဲ့ စကားလေးတစ်ခွန်းပေါ်မှာအခြေခံထားတာလို့ ကျွန်တော်ယုံကြည်ပါတယ်။

I Could Never Be Your Woman (2007) IMDB : 5.9 Rotten Tomatoes : 59% Genre : Romance / Comedy ဒီရုပ်ရှင်ကတော့ ကိုကြာနု Paul Rudd ပါဝင်သရုပ်ဆောင်ထားတဲ့ ဟာသ ရိုမန့် ရုပ်ရှင်ကားကောင်းလေးတစ်ကားဖြစ်ပါတယ်။ တော်တော်လေး သဘောကျဖို့ကောင်းပြီး အထူးသဖြင့် မင်းသမီး Saoirse Ronan ရဲ့ ကလေးသရုပ်ဆောင်ချက်တွေက ထိမိဂွိနေတာမလို့ ခံစားကြည့်လိုက်ကြပါ။ ဇာတ်ညွှန်း ရိုဇီ (Rosie) ဆိုတာက အသက် ၄၀ ကျော် တစ်ခုလပ် အမျိုးသမီးတစ်ယောက်ဖြစ်ပါတယ်။ သူက လူငယ်တွေအတွက် ရုပ်သံအစီအစဉ် ထုတ်လုပ်သူ တစ်ယောက်ဖြစ်ပေမယ့် သူ့ရဲ့ရှိုးက လူကြိုက်နည်းလာလို့ အလုပ်ပြုတ်မယ့်ကိန်း ဆိုက်နေပါတယ်။ အဲဒီလို စိတ်ရှုပ်စရာတွေ ကြားထဲမှာ သူ့ရှိုးအတွက် လူရွေးပွဲလုပ်ရင်း အသက် ၂၉ နှစ်အရွယ် အက်ဒမ် (Adam) ဆိုတဲ့ အရည်အချင်းရှိပေမယ့် အူကြောင်ကြောင် သရုပ်ဆောင်ကောင်လေးနဲ့ ဆုံတွေ့ပြီး မမျှော်လင့်ဘဲ ချစ်ကျွမ်းဝင်သွားပါတော့တယ်။ တစ်ဖက်မှာလည်း သူ့ရဲ့ ဆယ်ကျော်သက် သမီးလေး အစ်ဇီ (Izzie) ကလည်း ကျောင်းမှာ ကောင်လေးတစ်ယောက်ကို စတင် စိတ်ဝင်စားနေပြီး အချစ်ရေး ပြဿနာလေးတွေ ရှိနေပါတယ်။ အသက်အရွယ် ကွာဟမှုကြောင့်ဖြစ်လာတဲ့ စိုးရိမ်စိတ်တွေ၊ သမီးဖြစ်သူရဲ့ အချစ်ရေးနဲ့ အလုပ်ခွင်က ဖိအားတွေကြားထဲမှာ ရိုဇီတစ်ယောက် ဘယ်လိုတွေ ရှေ့ဆက်မလဲ ဆိုတာကို ရယ်စရာနှောပြီး ပေါ့ပေါ့ပါးပါး ရိုက်ကူးထားတာပါ။ ခံစားကြည့်ကြပါ။ File size… 2 GB / 1 GB Quality… Blu-Ray 1080p / 720p Format… mp4 Duration…. 1h 37m Genre ..... Romance / Comedy Subtitle…. Myanmar Subtitle (Hard Sub)