David Sullivan ပါဝင်သော ဇာတ်ကားများ

Chapter 51 (2026) +++++++++++ ဒီကားကို အမေရိကန် နာမည်ကြီးဓာတ်ပုံဆရာနဲ့ရုပ်ရှင်ဒါရိုက်တာ Tyler Shields က ရိုက်ကူးထားပြီး Cineverse ရုပ်ရှင်ဖြန့်ချိရေးက ၂၀၂၆ ခုနှစ်၊ ဇွန်လ ၂၃ ရက်မှာ VOD ၊ Digital စနစ်နဲ့ စတင်ထုတ်လွှင့်လိုက်တဲ့ ရာဇဝတ်မှုသည်းထိတ်ရင်ဖို (Crime Thriller) နဲ့ ဟာသနှောတဲ့ Mockumentary (မှတ်တမ်းတင်ရုပ်ရှင်တု) အမျိုးအစား ရုပ်ရှင်ဇာတ်ကားဖြစ်ပါတယ်။ ဇာတ်လမ်းကတော့ ဒေါ်လာသန်း ၅၀၀ အကုန်အကျခံရိုက်ကူးနေတဲ့ Dissident အမည်ရှိ ရုပ်ရှင်ဇာတ်ကားကြီးတစ်ခုမှာ ဇာတ်ဆောင်မင်းသမီးနေရာက သရုပ်ဆောင်သူ အမျိုးသမီး ၃ ဦးလုံးဟာ "Hollywood Killer" လို့ လူသိများတဲ့ ကွင်းဆက်လူသတ်သမားရဲ့ရက်ရက်စက်စက်သတ်ဖြတ်တာကို ခံခဲ့ရပါတယ်။ ဒီဖြစ်ရပ်ကြောင့် ရုပ်ရှင်ရိုက်ကူးရေး ရပ်ဆိုင်းလုနီးပါးဖြစ်ခဲ့ပြီး လျှို့ဝှက်ဆန်းကြယ်မှုတွေဖြစ်ပေါ်ခဲ့ပါတယ်။ နှစ်အတော်ကြာပြီးတဲ့နောက် FBI အေးဂျင့်ဟောင်း Thomas Scott က ဒီလူသတ်မှု Cold Case ကို ပြန်လည်ဖော်ထုတ်ပြီး သံသယရှိသူ ၅ ဦးရဲ့လျှိဝှက်ချက်တွေနဲ့ ဟောလိဝုဒ်လောကရဲ့လောဘ၊ အမှောင်ဖက်ခြမ်းတွေကို စုံစမ်းဖော်ထုတ်ပုံကို True-crime ပုံစံနဲ့ ရိုက်ကူးထားတာဖြစ်ပါတယ်။ ဒီဇာတ်ကားဟာ ပရိသတ်တွေနဲ့ဝေဖန်ရေးဆရာတွေအကြား ရုပ်ရှင်ဖော်မတ်အစုံလင်ဆုံးသုံးထားတဲ့ လွတ်လပ်တဲ့ (Independent) ရုပ်ရှင်အဖြစ် နာမည်ကြီးပါတယ်။ 8mm, 16mm, 35mm, 65mm အပြင် VistaVision၊ Ultra Panavision 70 နှင့် Anamorphic IMAX ကင်မရာမျိုးစုံကို အသုံးပြုထားတာကြောင့် ရုပ်ရှင်ကြည့်ရှုစဉ်မှာ Aspect Ratios (ပိတ်ကားအချိုးအစား) ခဏခဏပြောင်းလဲသွားမယ့် ထူးခြားတဲ့ Visual Style ကို ခံစားရမှာဖြစ်ပါတယ်။ ဒါရိုက်တာ Tyler Shields က ဒီပရောဂျက်ကို ၅ နှစ်ကြာရိုက်ကူးခဲ့ပြီး မူလက ၇ ပိုင်းပါ မီနီစီးရီး (Miniseries) အဖြစ် ပုံဖော်ခဲ့ပေမယ့်လည်း အခုအခါမှာ ၂ နာရီစာ ရုပ်ရှင်ဇာတ်ကားကြီးအဖြစ် တည်းဖြတ်ထုတ်လုပ်လိုက်တာဖြစ်ပါတယ်။ ရုပ်ရှင်ဝေဖန်ရေးဆရာတွေ၊ ပရိသတ်တွေနဲ့ Rotten Tomatoes ပေါ်က သုံးသပ်ချက်တွေအရ ရုပ်ရှင်ရဲ့ရိုက်ချက်တွေ၊ အလင်းအမှောင်အသုံးပြုပုံတွေနဲ့ ကင်မရာအလှည့်အပြောင်းတွေက အရမ်းလှပပြီး ထူးခြားဆန်းသစ်တယ်လို့ အားလုံးက တညီတညွတ်တည်း ချီးကျူးထားကြပါတယ်။ တချိုဝေဖန်ရေးဆရာတွေက ဇာတ်လမ်းပိုင်းထက် အလန်းစားရိုက်ကူးမှုကို ပိုဦးစားပေးထားပြီး စုံထောက် ဇာတ်လမ်းကောင်းတစ်ခုအနေနဲ့ ဆွဲဆောင်မှုအားနည်းတယ်ဟု ဆိုကြပေမယ့်လည်း၊ တချိုကတော့ ဟောလိဝုဒ်လောကကို ပြောင်လှောင်ထားတဲ့သရော်စာ (Satire) ပုံစံဖြစ်လို့ စိတ်ဝင်စားဖို့ကောင်းတယ်ဟု သုံးသပ်ထားကြပါတယ်။ File Size… (2.22GB) / (877MB) Quality… WEB-DL 1080p HEVC / 720p Format…mkv / mp4 Duration…2h Genre ….Comedy, Crime, and Mystery Subtitle….Myanmar Subtitle (Hard Sub)

Stone Creek Killer (2025) +++++++++++ ဒီကားက Psychological Thriller အမျိုးအစားဖြစ်ပြီး Minnesota က သာယာအေးချမ်းလှပါတယ်ဆိုတဲ့ မြို့လေးတစ်မြို့မှာ အခြေခံထားတာပါ။ တစ်နေ့တော့ အဲဒီမြို့မှာ ကြောက်စရာကောင်းတဲ့ လူသတ်မှုတွေ ဆက်တိုက်ဖြစ်လာပါတော့တယ်။ ဇာတ်လိုက်ကတော့ ရဲမင်းကြီး Karl Harding ပါ။ သူက ဒီအမှုတွေကို လိုက်နေရင်းနဲ့ တစ်ဖက်မှာလည်း သူ့ရဲ့အရင်က စိတ်ဒဏ်ရာတွေ၊ အရက်စွဲနေတဲ့ ပြဿနာတွေနဲ့ ရုန်းကန်နေရတာပေါ့။ အခြေအနေတွေက ဘယ်လောက်ဆိုးလဲဆိုရင် လူသတ်သမားကို ရှာမတွေ့တဲ့အပြင် မြို့ခံတွေကပါ Karl ကို ပြန်သံသယဝင်လာကြတယ်။ အဲဒီမှာတင် ထူးခြားတာက Meredith ဆိုတဲ့ နတ်ကတော်တစ်ယောက် ရောက်လာပြီး Karl ကို ကူညီဖို့ ကြိုးစားတာပါ။ သူက အသတ်ခံရသူတွေကို ထိတွေ့လိုက်ရုံနဲ့ မြင်ကွင်းအချို့ကို မြင်နိုင်စွမ်းရှိတယ်လေ။ အဲဒီတော့ ရဲမင်းကြီး Karl တစ်ယောက် သူ့ရဲ့ သိပ္ပံနည်းကျစုံထောက်မှုတွေနဲ့ Meredith ရဲ့ ထူးခြားဆန်းပြားတဲ့ အစွမ်းတွေကို ပေါင်းပြီး လူသတ်သမားကို ဘယ်လိုဖော်ထုတ်မလဲ၊ သူ့ရဲ့ အပြစ်မရှိကြောင်းကိုရော ဘယ်လိုသက်သေပြမလဲဆိုတာ ရင်တထိတ်ထိတ်နဲ့ ကြည့်ရမယ့်ကားမျိုးပါ။ Clayne Crawford (Lethal Weapon series ထဲကမင်းသား)၊ Lyndon Smith နဲ့ Britney Young တို့ ပါဝင်ထားပါတယ်။ ဒီရုပ်ရှင်ကို ၁၀ ရက်တည်းနဲ့ အပြီးရိုက်ထားတာဖြစ်ပေမဲ့ မြို့လေးရဲ့ အထီးကျန်ဆန်မှုနဲ့ လျှို့ဝှက်ချက်တွေကို ပီပြင်အောင် ရိုက်ပြထားပါတယ်။ ဇာတ်လမ်းက တဖြည်းဖြည်းချင်း အရှိန်တက်လာတာမျိုး (Slow-burn) ဖြစ်ပြီး အဆုံးသတ်မှာတော့ ခန့်မှန်းရခက်တဲ့ Twist လေးတွေ ပါဝင်ပါတယ်။ Mystery ကားတွေကိုမှ တစ်ယောက်ကိုတစ်ယောက် သံသယဝင်ရတာမျိုး ကြိုက်ရင်တော့ ဒီကားက လက်မလွှတ်သင့်တဲ့ကားပါပဲ။ File Size… (1.21GB) / (683MB) Quality… WEB-DL 1080p HEVC /720p Format…mkv / mp4 Duration…1h 36m Genre ….Thriller Subtitle….Myanmar Subtitle (Hard Sub)

The Wilds (2020) Season 1 and 2 . ပရိတ်သတ်ကြီးကို ဒီတစ်ခါ IMDb 7.3 ရှိတဲ့ ဇာတ်လမ်းတွဲလေးတင်ဆက်ပေးလိုက်ပါမယ် လူဆိုတဲ့အမျိုးက ထိန်းချုပ်ခြယ်လှယ်ခံရတာကို အနည်းနဲ့အများလက်မခံချင်ကြပါဘူး အဲဒါကိုမှ ကိုယ်တိုင်မသိဘဲနဲ့ ထိန်းချုပ်ခံနေရတာဆိုရင်တော့ တော်တော့်ကိုခံပြင်းစရာကောင်းတဲ့ ကိစ္စဖြစ်သွားပါပြီ ဒီလိုပဲ လူတစ်ယောက်ရဲ့ အမြင်တို့ သီဝရီတို့ဟာ ကန့်သတ်ချက်တစ်ခုထိပဲကောင်းပါတယ် အဲဒီထက်ပိုသွားပြီး အစွန်းရောက်သွားပြီဆိုရင်တော့ ကိုယ်တိုင် ဒါမှမဟုတ် သူတပါးအတွက် နစ်နာစရာတွေဖြစ်လာမှာပါပဲ ကဲ ဒီဇာတ်လမ်းကတော့ ယောကျာ်းတွေချည်းပဲ ကြီးစိုးနေတဲ့ ကမ္ဘာကြီးကို မိန်းမတွေက အုပ်စိုးနိုင်ပါတယ်ဆိုတဲ့အကြောင်း သက်သေပြချင်လွန်းလို့ လူ ၁၆ယောက်ကို လူမနေတဲ့ကျွန်းပေါ်ဆီ သူတို့မသိအောင် ပို့ပြီး သုတေသနလုပ်စောင့်ကြည့်တဲ့ကားလေးပါပဲ လူ ၁၆ယောက်မှာတော့ ဆယ်ကျော်သက် မိန်းကလေး ၈ယောက် ယောကျာ်းလေး ၈ယောက်ပါ သူတို့ကို လူမနေတဲ့ ကျွန်းတစ်ကျွန်းစီကို ပို့ပြီး ဘာတွေလုပ်နိုင်မလဲ ဘယ်လောက်တောင့်ခံနိုင်မလဲ ဘယ်လိုဖြတ်ကျော်ကြမလဲဆိုတာကို စောင့်ကြည့်တာပေါ့ ဇာတ်လမ်းရဲ့ ကျောရိုးကတော့ အဲဒါပါပဲ ဒါပေမဲ့ ကျွန်းပေါ်ရောက်ပြီး ဒုက္ခတွေဝေနေတဲ့အခါ လူတွေကစိတ်ဓာတ်က ဘယ်လိုဖြစ်သွားကြမလဲ အခက်အခဲတွေကို ဘယ်လိုရင်ဆိုင်ကြမလဲ တစ်ယောက်နဲ့တစ်ယောက် ဘယ်လိုဆက်ဆံကြမလဲ ပြီးတော့ သူတို့ရဲ့ သုတေသနရည်မှန်းချက်ကြီးက အောင်မြင်မှာလား သူတို့ကို တမင်ပစ်ထားပြီး စမ်းသပ်နေပါတယ်ဆိုတာကို သူတို့သိသွားရင်ရော ဘာဖြစ်သွားမလဲ သူတို့မိဘတွေကရော ခွင့်လွှတ်ကြည့်ဖြူပါ့မလား ကိုယ်သာ အဲဒီလိုဘာမှမရှိတဲ့ ကျွန်းကြီးပေါ်ရောက်နေရင် ဘာလုပ်မလဲ ဆိုတာ.......ဆိုတာတွေကို ကြည့်ရှုခံစားရင်း မခံချိမခံသာလေးဖြစ်လိုက်ကြပါဦးလို့.................. File size…(1.3GB ) Quality….Webrip 1080p Format…mp4 Duration….00:58:00 Genre...Drama, Mystery Subtitle….Myanmar Subtitle (Hardsub) Encoder….Mr. Anderson Translated by Garfield

Rise of the Footsoldier 3: The Pat Tate Story (2017) IMDb Rating (5.8) / Rotten Tomatoes (42%) Rise of the Footsoldierရဲ့ တတိယာကားပေမဲ့ တကယ်ဆို Spin-offကားလို့ ပြောရင်ပိုမှန်ပါမယ်။ ပထမ၂ကားလို ဖြစ်ရပ်မှန်သက်သက်တော့ မဟုတ်တော့ပါဘူး။ ဖြည့်စွက်ထားတာတွေ ရှိပေမဲ့ ဂန်းစတားကားတစ်ကားအနေနဲ့တော့ ကြည့်ကောင်းပါတယ်။ ၂ထက် ပိုကောင်းတယ်ပြောရမယ်။ ပထမဆုံးဖြစ်ရပ်မှန်ကားမှာ ပတ်တိတ်ကို တစ်ကားလုံးထဲက အကြမ်းအရမ်းဆုံး လူကြမ်းလူရမ်းကြီးအနေနဲ့ ပြခဲ့ပါတယ်။ ထိန်းမနိုင်သိမ်းမရ အရိုင်းအစိုင်း အစစ်ကြီးအနေနဲ့ပေါ့။ ဒီထဲမှာတော့ ပထမ၂ကားက အဓိကဇာတ်ကောင်က မပါတော့ပါဘူး။ ပထမကားထဲက တကယ်ဖြစ်ခဲ့တဲ့အမှုထဲမှာ သေသွားခဲ့တဲ့လူကြမ်းကြီး ၃ယောက်ရဲ့ ခင်မင်မှုကိုပဲ ပြထားတယ်။ ပထမကားမှာတော့ ပတ်တိတ်ဟာ ပလိန်းကြီး ကြောင်တောင်တောင်နဲ့ ရိုက်ပုတ်နေတဲ့ ရက်စက်တဲ့ လူသန်ကြီးလို့ ပုံဖော်ထားပေမဲ့ သူ့ဇာတ်လမ်းကို အသားပေးထားတဲ့ ဒီကားမှာတော့ ပတ်တိတ်မှာလည်း သူ့အကြောင်းနဲ့သူရှိနေတာကို ပုံဖော်ထားပါတယ်။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (2.9 GB) / (1.4 GB) Quality…. Blu-Ray 1080p HEVC / 720p Format…. mkv/mp4 Genre…. Action,Crime,Drama,Thriller Duration…. 01:39:42 Subtitle…. Myanmar Subtitle (Hardsub)

Girlfriend's Day (2017) IMDb - 5.2 ဂရီတင်းကဒ်ရေးသားသူတွေကို အထွတ်အမြတ်ထားတဲ့ ကမ္ဘာတစ်ခုမှာ တစ်ချိန်က ထိပ်တန်းရိုမန်းကတ်ရေးသားသူ ရေး ဝင့်ဝါ့သ် (Bob Odenkirk) ဟာ အခုတော့ အလုပ်လက်မဲ့၊ စိတ်ဓာတ်ကျနေတဲ့ လူတစ်ယောက်။ 'Girlfriend's Day' ဆိုတဲ့ အသစ်ထွင်ထားတဲ့ အားလပ်ရက်အတွက် ပြီးပြည့်စုံတဲ့ ကဒ်တစ်ခုဖန်တီးဖို့ ကြိုးစားရင်း သူဟာ လူသတ်မှုနဲ့ လှည့်စားမှုတွေကြားထဲ ရောက်သွားတဲ့အခါ... ဒီထူးဆန်းတဲ့ဒရာမာထဲမှာ ရေးတစ်ယောက် ဘယ်လို အသက်ရှင်ဖို့ ရုန်းကန်မလဲ ဆိုတာ လက်မလွတ်တမ်းကြည့်လိုက်ကြပါ။ File Size - 588 MB/ 261 MB Quality -BluRay 1080p/ 720p Duration - 1h 5m Format - mp4 Genre - Comedy, Drama Subtitle - Myanmar Subtitle (Hard Sub) Translated by - ZWT Encoded by - Treasure Htet

2002 လောက်ကဖြစ်မယ်ထင်တယ်။ James Bond နဲ့ဆန့်ကျင်ဘက် ဇာတ်ကောင်တစ်ယောက် ရုပ်ရှင်လောကမှာ ပေါလာတယ်။ နာမည်ကတော့ Jason Bourne တဲ့။ သူ့ကိုကျွန်တော်တို့စတွေ့တော့ Mediterranean ပင်လယ်ထဲမှာ မျောနေတဲ့သူတစ်ယောက်အဖြစ်။ ကျောမှာလည်း သေနတ်ကျည်ပေါက်ရာ နှစ်ခုနဲ့။ ပြဿနာက သူဟာ ဘယ်ကလာပြီး ဘာဖြစ်ခဲ့လဲဆိုတာ သူကိုယ်တိုင်မသိတာပဲ။ ဒီလိုနဲ့သူတစ်ဖြည်းဖြည်းသိလာတာကတော့ သူဟာ CIA Operation တစ်ခုဖြစ်တဲ့ Treadstone လက်အောက်မှာ အလုပ် လုပ်ခဲ့တဲ့ CIA အဖွဲ့ဝင်တစ်ယောက်ဖြစ်တယ်ဆိုတာပဲ။ ဒါပေမဲ့ တစ်ဖွဲ့လုံးနဲ့တစ်ယောက်ခွဲထွက်သွားတဲ့ Jason Bourne တစ်ယောက်ဟာ CIA ရဲ့အရှုပ်အရှင်းတွေမှာ ပါဝင်ပတ်သက်လာခဲ့တာ Bourne Identity (2002), Bourne Supermacy (2004), Bourne Ultimatum (2007) နဲ့ယခုဆိုရင် Jason Bourne (2016) ထိတောင်ရှိလာခဲ့ပြီလေ။ (2012 က ထွက်ခဲ့တဲ့ Bourne Legacy ဆိုတဲ့ဇာတ်ကားကို ကျွန်တော် ထည့်မရေးခဲ့ဘူး။ စကားချပ်) Jason Bourne ဇာတ်ကားတွေဟာ ကျွန်တော်တို့လို ယောင်္ကျားလေးပရိသတ်တွေအတွက်တော့ James Bond ထက်တောင်ပိုမိုနှစ်သက်တဲ့ ဇာတ်ကောင်ဖြစ်လာခဲ့တယ်။ ဘာကြောင့်လဲလို့ဆိုတော့ တိကျတဲ့အဖြေတစ်ခုက တစ်ခြား Action ဇာတ်ကားတွေနဲ့မတူတဲ့ Action ခန်းတွေကို တင်ပြပုံဆန်းသစ်လို့ပဲ။ Die Hard ဇာတ်ကားတွေကို စိန်ခေါ်ခဲ့တဲ့ 21 ရာစုရဲ့အကောင်းဆုံးသော Action ဇာတ်ကား Franchise အဖြစ် နာမည်တပ်ခြင်းခံခဲ့ရတယ်။ ကျွန်တော်လို့Jason Bourne အမာခံပရိသတ်တိုင်း ယခု Jason Bourne (2016) ဇာတ်ကားကို သွားကြည့်ကြတဲ့ ရည်ရွယ်ချက်တစ်ခုကတော့ Jason Bourne ဒီလောကကြီးထဲကို ဘာကြောင့်ပြန်ဝင်လာတာလဲဆိုတဲ့ အကြောင်းပြချက်ကို သိချင်လို့ပဲ။ ဒါပေမဲ့ ဇာတ်လမ်းပြီးဆုံးသွားတဲ့အခါမှာတော့ ထိုအကြောင်းပြချက်ကို ခိုင်မာစွာ မတွေ့ခဲ့ရဘူး။ အတိတ်က မိသားစုဝင်တစ်ယောက်ကို ဇာတ်လမ်းရဲ့ရည်ရွယ်ချက်တစ်ခုအဖြစ် ထည့်ထားလိုက်ပြီး ဇာတ်ကားကို အလွယ်တကူ ဖန်တီးလိုက်တယ်လို့ပဲ ခံစားလိုက်ရတယ်။ အမှန်တော့ Jason Bourne သည် ပြီးဆုံးခဲ့ပြီ။ သူ့ရဲ့နိဂုံးသည် 2007 လောက်က New York မြိ ု့ရဲ့East River ထဲကနေ လွတ်မြောက်သွားခြင်းကနေ အဆုံးသတ်ခဲ့ပြီလေ။ ဒါဆို အခုမှ ဘာကြောင့်ပြန်လာရသလဲ။ ဘာကြောင့်လဲဆိုတာတော့ ကျွန်တော်မပြောလိုတော့ဘူး။ ဒါပေမဲ့ သေချာတာက သူ CIA ထဲမဝင်ခင်က အကြောင်းအရာတွေနဲ့CIA ကို ဝင်ရောက်ခါစက အဖြစ်အပျက်တွေကို စက်ဝိုင်းတစ်ပတ်ပြည့်အောင် ဇာတ်လမ်းကို ပိတ်ပစ်ခဲ့ကြတယ်။ Operation Blackbriar ကို သူဖော်ထုတ်ခဲ့တာ ဆယ်စုနှစ်တစ်ခုနီးပါးကြာမြင့်ခဲ့ပြီ။ သူဟာ အတိတ်ကိုလည်း ပြန်မှတ်မိသင့်သလောက် မှတ်မိနေပြီ။ ငြိမ်းချမ်းတဲ့ဘဝတစ်ခု မဟုတ်ပေမဲ့ လွတ်ကင်းတဲ့နေရာတစ်ခုမှာ သူဟာ အသက်ရှင်နေတယ်။ သူကျင်လည်ခဲ့တဲ့ လောကကြီးနဲ့ပြတ်ခဲ့တာ ဘယ်လောက်ကြာမြင့်ခဲ့ပြီလဲပင် မသိပေ။ ဒါပေမဲ့ သူ့ရဲ့လွတ်ကင်းနေတဲ့ ကိုယ်ပိုင်ဘဝကို ပြန်ဝင်ရောက်လာတာက Nicky Parsons။ ဒီတစ်ခါ သူမရောက်ရှိလာတာ ပို၍ အရေးကြီးတဲ့အကြောင်းအရာတစ်ခု ပါလာလိမ့်မယ်ဆိုတာ သူကြိုတင်ခန့်မှန်းပြီးသား။ ထို့ကြောင့်လည်း သူမချိန်းဆိုထားတဲ့အတိုင်း သူမကို တွေ့ဆုံခဲ့တယ်။ သူထင်ထားတဲ့ တစ်ခြားအကြောင်းအရာတော့မဟုတ်။ သူမယူဆောင်လာတဲ့ သတင်းက သူ့ရဲ့အတိတ်က သူ မသိသေးတဲ့ ပို၍အရေးကြီးတဲ့ သတင်းတစ်ခုပဲ။ Iceland ရဲ့Reykjavík မြို့မှာ Nicky Parsons တစ်ယောက် CIA ရဲ့Mainframe servers တစ်ချို့ကို hack ပြီး အချက်အလက်တစ်ချို့ကို ယူဆောင်လာကတည်းက CIA က သူမနောက်ကို ထပ်ချက်မကွာ လိုက်လာနေပြီ။ ဒီနေရာမှာ CIA ဟာ Nicky Parsons နောက်ကို လိုက်ရင်း ကြုံတွေ့လိုက်ရတဲ့ သူတစ်ယောက်ကတော့ သူတို့မျှော်လင့်ထားတဲ့သူတစ်ယောက် မဟုတ်။ ဘာကြောင့်လဲဆိုတော့ ထိုသူက Jason Bourne …. ဇာတ်ကောင် Jason Bourne ဟာ CIA Operative ကို ထွက်လာခဲ့တာ ကြာပြီဖြစ်သလို မင်းသား Matt Damon ဟာ Jason Bourne ဇာတ်ကောင်ကနေ ထွက်ခွာခဲ့တာ ကြာခဲ့ပြီ။သူ့အနေနဲ့ယခုဇာတ်ကားကို ပြန်လည် ရိုက်ကူးဖြစ်လိမ့်လို့တောင် ထင်မထားခဲ့ဘူး။ Bourne Ultimatum (2007) မှာ အားလုံးအဆုံးသတ်ခဲ့ပြီလို့သူတို့အားလုံးထင်ခဲ့ကြတာကိုး။ ဘာကြောင့်လဲဆို ပထမဇာတ်ကား 3 ကားအခြေခံရိုက်ကူးခဲ့တဲ့ စာရေးဆရာ Robert Ludlum ကိုယ်တိုင်ရေးခဲ့တဲ့ ဝတ္ထုတွေဟာလည်း 3 အုပ်ပဲရှိပြီး Bourne Ultimatum မှာ နိဂုံးချုပ်ခဲ့ပြီကိုး။ Director Paul Greengrass ကိုယ်တိုင်လည်း ထို project နေထွက်ခွာခဲ့တယ်။ ဒါကြောင့်လည်း 2014 September လတုန်းက Director Paul Greengrass နဲ့မင်းသား Matt Damon တို့နောက်ထပ် Jason Bourne ဇာတ်ကားသစ်ကို ရိုက်ကူးတော့မယ်လို့သတင်းထွက်လာတော့ လူတိုင်း အံ့သြသင့်ခဲ့တာကိုး။ Jason Bourne ဇာတ်ကားတွေဟာ အရင်တုန်းကတော့ ပရိသတ်တွေအပေါ်မှာ Entertainment အနေတစ်ခုနဲ့သာ စံနှုန်းတင်ထားခြင်းခံခဲ့ရပေမဲ့ ယခုနှောင်းပိုင်းနှစ်တွေအတွက်တော့ Edward Snowden ရဲ့case တွေဟာ ကမ္ဘာအနှံကလူသားတွေနဲ့မိတ်ဆက်ခဲ့ပြီးနောက် ထိုတစ်ကယ့် ဖြစ်ရပ်မှန်တွေဟာ ယခုလို ဆင်တူယိုးမှားဇာတ်လမ်းမျိုးတွေဖြစ်တဲ့ Jason Bourne လို ဇာတ်ကားတွေအပေါ်မှာတော့ ဖိအားတွေ ရှိလာခဲ့ရတယ်။ လူတိုင်းဟာ Jason Bourne ကို Snowden နဲ့Reference တောင်လုပ်ချင်လုပ်လာကြတယ်။ Jason Bourne ဟာ ဇာတ်လမ်းတွေထဲမှာ ဖြစ်ပျက်နေတဲ့ အကြောင်းအရာတွေဖြစ်နေပေမဲ့ Snowden ကတော့ လက်တွေ့ကျွန်တော်တို့ရဲ့ပြင်ပကမ္ဘာမှာ ဖြစ်ပျက်နေတဲ့ လတ်တလော အဖြစ်အပျက်တွေပဲလေ။ ထားပါ။ ကျွန်တော် ဇာတ်ကောင်အကြောင်းနည်းနည်းပြောချင်လို့။ ကျွန်တော်ကိုယ်တိုင်ရော ကျွန်တော်တို့Page က တစ်ခြား Admins တွေပါ Jason Bourne အကြောင်း မရေးဖူးသေးဘူးလေ။ Jason Bourne ဟာ ဘယ်လိုလူစားမျိုးလဲဆိုတာပေ့ါ။ စောစောက ပြောခဲ့တဲ့အတိုင်း သူဟာ James Bond လို စုံထောက်မျိုးတော့မဟုတ်ဘူး။ James Bond နဲ့အရာအားလုံးကွာခြားတယ်။ သူဟာ စကားနည်းသလောက် ဘယ်အရာကိုမှ အကျိုးအမြတ်မယူဘူး။ လက်တွေ့လောကနဲ့ပိုနီးစပ်တယ်။ အလွန်တော်ပေမဲ့ အသုံးမဝင်တဲ့ လူစားမျိုး။ သူဟာ သူ့ရဲ့ဖြစ်တည် အသက်ရှင် ရပ်တည်မှုကို နေ့စဉ်နဲ့အမျှ မေးခွန်းထုတ်နေရမဲ့ သူမျိုးလို့ကျွန်တော်တွေးမိတယ်။ သူဟာ အမြဲတမ်း နိုကြားနေတဲ့ သတိနဲ့နေတဲ့လူသား။ တိုက်ခိုက်မှု စွမ်းရည်ကိုပြောရမယ်ဆိုရင် အရွယ်အစားကို သူဂရုမစိုက်။ လူကောင်ချင်း မျှတသည်ဖြစ်စေ မမျှတသည်ဖြစ်စေ သူ့မှာ တစ်ခြားပြိုင်ဘက် ရန်သူထက် သာလွန်နေတဲ့တစ်ချက်က လက်ရှိအခြေအနေကို ကောင်းစွာအသုံးချနိုင်တဲ့ ထက်မြက်တဲ့ဉာဏ်စွမ်းရည်ပဲ။ သူ့မှာ Superpowers တွေ မရှိဘူး။ သို့သော် Skills တွေတော့ ရှိတယ်။ ဒါကို ဆိုလိုချင်တာ။ ဥပမာ သူ့မှာ လတ်တလော အခြေအနေအရ လက်နတ်မရှိပေမဲ့ အနီးအနားမှာ ရှိတဲ့ Magazine စာအုပ်တို့ဘာတို့ကိုတောင် ကောင်းစွာအသုံးချသွားပြီး ရန်သူကို ပြန်လည် ကောင်းမွန်စွာ တိုက်ခိုက်နိုင်တဲ့ သူမျိုး။ ကျွန်တော်တို့တွေ သူ့ကို နှစ်သက်ရတဲ့ အချက်ကလည်း ဒီအချက်ပဲ။ သူဟာ ကျဉ်းတည်းကျပ်တည်း အခြေအနေတစ်ခုကနေ မည်ကဲ့သို့လွတ်မြောက်အောင် စွမ်းဆောင်နိုင်တယ်ဆိုတာကို ပရိသတ်တစ်ယောက်အနေနဲ့ကြည့်ရတာ Jason Bourne ဇာတ်ကားတွေရဲ့အဓိကအချက်တစ်ခုပဲ။ ပြောရမယ်ဆိုရင် Daniel Craig ရဲ့ပြန်လည်ဆန်းသစ်ထားတဲ့ James Bond ဇာတ်ကားတွေဟာ Jason Bourne ဇာတ်ကားတွေကို စံနမူနာ ယူခဲ့တယ်လို့တောင် ထင်မှတ်စရာ ကောင်းလှတယ်။ ဒါဆို ခု ကျွန်တော် ဆက်ပြောချင်တဲ့ အကြောင်းအရာက Jason Bourne ရင်ဆိုင်ရတဲ့ ကြေးစားလူသတ်သမားလို့မြန်မာလို ရိုးရှင်းစွာခေါ်လို့ရတဲ့ Assets တွေအကြောင်းပဲ။ အရင် ဇာတ်ကား 3 ကားရဲ့Assets တွေအဖြစ် Clive Owen, Karl Urban နဲ့Edger Ramirez တို့က သရုပ်ဆောင်ခဲ့ကြပြီး ယခုနောက်ဆုံးဇာတ်ကားမှာတော့ Vincent Cassel က သရုပ်ဆောင်ခဲ့တယ်။ တစ်ကယ့်ကို Deadly Assassins တွေပါ။ အရင်ဇာတ်ကားတွေက Assets တွေက တာဝန်နဲ့ဝတ္တရားကြောင့်ဖြစ်ပေမဲ့ ယခုဇာတ်ကားက Asset (Vincent Cassel) ကတော့ Bourne အပေါ်မှာ Personally အရပါ နာကျည်းချက်တွေ ရှိနေခဲ့ခြင်းကြောင့် ပိုမိုပြင်းထန်တယ်လို့ခံစားခဲ့ရပါလိမ့်မယ်။ ယခုဇာတ်ကားသစ်မှာ Matt Damon နဲ့Julia Stiles တို့က ပြန်လည်ပါဝင်ခဲ့ကြပြီး ကျန်သရုပ်ဆောင်တွေကတော့ Tommy Lee Jones, Alicia Vikander, Vincent Cassel နဲ့Riz Ahmed တို့ပဲဖြစ်တယ်။ သရုပ်ဆောင်တွေအပိုင်းမှာတော့ Matt Damon ရဲ့ဇာတ်ကောင်ကို ပိုအလေးပေးရေးသားထားတဲ့ ဇာတ်ညွှန်းကြောင့် မည်သူမှ ပို၍ကောင်းတယ်ဆို ဝေဖန်ဖို့ခဲယဉ်းတယ်။ အရင် Jason Bourne ဇာတ်ကားတွေကို ကြည့်ဖူးတဲ့သူတွေ ခုစာဖတ်သူတွေထဲမှာ ရှိတယ်ဆိုရင် ဘယ် Action ဇာတ်ဝင်ခန်းတွေကို မှတ်မိနေသေးလဲ။ ထို ဇာတ်ဝင်ခန်းတွေကြောင့်ပဲ Jason Bourne ဇာတ်ကားတွေဟာ နာမည်ကြီးခဲ့တာပါ။ ကျွန်တော်ရှင်းပြပါရစေ။ ခုနောက်ပိုင်းနှစ်တွေမှာ Action ကားတွေ မြောက်များစွာ ထွက်ပေါ်လာတယ်နော်။ ဒါပေမဲ့ ထိုရုပ်ရှင်တွေရဲ့ဇာတ်ဝင်ခန်းတွေကို မှတ်မိပါသေးလား? ကျွန်တော့်အတွက်တော့ တစ်ချို့ဇာတ်ကားတွေဟာ ဝါးတားတားပါပဲ။ ဒါပေမဲ့ Jason Bourne ဇာတ်ကားတွေရဲ့Action ဇာတ်ဝင်ခန်းတွေကိုတော့ ခုထိ မှတ်မိနေတုန်းပဲ။ ဥပမာ .. Bourne Identity ထဲကဆိုရင် American သံရုံးကနေ ထွက်ပြေးရတဲ့အခန်း။ တိုက်အစွန်အဖျားလေးတွေပေါ်မှာ ကန့်လန့်သွားနေရတဲ့ ထိုအခန်းရယ်၊ ပြင်သစ်နိုင်ငံ Paris မြို့ပေါ်က လမ်းမတွေပေါ်က Car Chasing ခန်း နဲ့ထိုဇာတ်ကားရဲ့နောက်ဆုံးခန်း တိုက်အတွင်းက လှေကားထစ်တွေပေါ်ကနေ အောက်ကို တစ်ရှိန်ထိုးခုန်ချပြီး လှေကားပေါ်က ရန်သူတွေကို သေနတ်နဲ့ပစ်သွားတဲ့အခန်းတွေ။ နောက်ပြီး Bourne Supermacy ဆိုရင်လည်း စစချင်းမှာပဲ Marie မောင်းနှင်နေတဲ့ ကားကို အနောက်က လူသတ်သမားက ထပ်ကြပ်မကွာလိုက်ပြီး သူမကို သတ်ဖြတ်လိုက်တဲ့အခန်း၊ Berlin မြို့က ဘူတာရုံက ဇာတ်ဝင်ခန်း နဲ့နောက်ဆုံး Moscow မြို့ပေါ်က လမ်းမတွေပေါ်က ရန်သူနဲ့သဲကြီးမဲကြီးတိုက်ခိုက်ကြတဲ့ Car Chase ခန်းတစ်ခန်း။ ထို့နောက် ကျွန်တော်အကြိုက်ဆုံးဖြစ်တဲ့ Bourne Ultimatum ဇာတ်ကားထဲက ပထမဆုံး ဇာတ်ဝင်ခန်းဖြစ်တဲ့ London မြို့ရဲ့Waterloo ဘူတာရုံက လူအုပ်တွေကြားထဲက သတင်းစာဆရာကို ကယ်တင်တဲ့အခန်း၊ ထို့နောက် Tangiers က ပြေးတန်းလိုက်တန်းဇာတ်ဝင်ခန်း (ကျွန်တော် အကြိုက်ဆုံး) ဒီဘက် အဆောက်အဦးရဲ့ပြတင်းပေါက်ကနေ ဟိုဘက် အဆောက်အဦးရဲ့ပြတင်းပေါက်ကို ခုန်ချသွားတာကို Cinematography ကပါ သရုပ်ဆောင်နောက်က အတူ လိုက်ရိုက်ပြသွားတဲ့ အခန်း၊ နောက်ဆုံး New York မြိ ု့ရဲ့Parking Bay ကနေ ကားကို နောက်ပြန်မောင်းချသွားတဲ့ Car Chasing အခန်းတွေဟာ ကျွန်တော်တို့ရုပ်ရှင်ချစ်သူတွေအတွက် ဘယ်တော့မှ မမေ့တဲ့ ဇာတ်ဝင်ခန်းတွေ။ ယခုဇာတ်ကားမှာလည်း ထိုကဲ့သို့Iconic ခန်းတွေမပါဘူးလားဆိုတော့ ပါတာပေါ့။ ပထမဆုံး action ခန်းဖြစ်တဲ့ Greece နိုင်ငံက ဆန္ဒပြပွဲညက ဒေါသထွက်နေတဲ့လူအုပ်ကြီးတွေနဲ့မဲမဲမြင်သမျှလိုက်ဖမ်းဆီးနေတဲ့ ရဲသားတွေရဲ့ကြားထဲကို ရောက်သွားတဲ့ Jason Bourne နဲ့Nicky Parsons တို့အပြင် သူတို့နှစ်ယောက်ကို သတ်ဖြတ်ဖို့လိုက်နေတဲ့ Asset ရဲ့ရန်က ပြေးရတဲ့ ဇာတ်ဝင်ခန်းဟာ အသက်ရှုမှားလောက်ပါပေတယ်။ ဒါတင်ပဲလား။ ဘယ်ကမလဲ။ နောက်ဆုံး Las Vegas ရဲ့ညက လမ်းမတွေပေါ်က Car Chasing ခန်းဟာ ဒီနှစ်အတွက် အကောင်းဆုံး Action ခန်း ဆိုတဲ့ ဆု ရဖို့တောင် ထိုက်တန်လွန်းတယ်။ ထိုဇာတ်ဝင်ခန်းလေးကိုပဲ ရိုက်ကူးဖို့မိုင်တစ်ဝက်ခန့်ကို ပိတ်ခဲ့ရတယ်။ သေသေချာချာ စဉ်းစား ဆုံးဖြတ် plan ချပြီး အသေးစိပ်ရိုက်ကူးခဲ့တဲ့ ဇာတ်ဝင်ခန်းတစ်ခန်းပါ။ ထိုအခန်းလေးတစ်ခန်းကို ရိုက်ကူးဖို့ပဲ ပြင်ဆင်ခဲ့ရတဲ့ အချိန်က 7 လ ကြာပြီး၊ တစ်ကယ် ရိုက်ကူးခဲ့ချိန်ကတော့ 17 ည တိတိပါ။ သူတို့ရိုက်ကူးနေတဲ့အချိန်တိုင်း လမ်းမတွေပေါ်မှာ အမှန်တစ်ကယ် ရှိနေခဲ့တဲ့ ကားအရေအတွက်ဟာ ပျမ်းမျှအားဖြင့် 300 ကျော်ခန့်ရှိပြီး သူတို့ရိုက်ကွင်းမှာ အမှန်တစ်ကယ် ဖျက်ဆီးခဲ့ကြတဲ့ ကားအရေအတွက်ကတော့ 60 ဖြစ်ပြီး (ဒါတောင် Rehearsals လုပ်ခဲ့တုန်းက ဖျက်ဆီးခဲ့တဲ့ ကားအရေအတွက်မပါပါ။) Stunt drivers ပေါင်း 45 ယောက်တိတိ နဲ့သရုပ်ဆောင်ပေါင်း အယောက် 250 ကို အသုံးပြုခဲ့ကြပါတယ်။ ဒါဟာ ဇာတ်ဝင်ခန်းလေး တစ်ခန်းအတွက် အသုံးပြုခဲ့ကြတဲ့ ဒီဇာတ်ကားရဲ့အလေးထားမှု သက်သက်ပဲ။ နောက်ဆုံးပြောချင်တာ တစ်ခုကတော့ ဒီဇာတ်ကားဟာ အကောင်းဆုံး Jason Bourne ဇာတ်ကားတစ်ကား မဟုတ်ခဲ့ပေမဲ့ ဒီနှစ်အတွက်တေ့ာ အကောင်းဆုံး Action ဇာတ်ကားဆိုတာ ကျွန်တော် ရဲရဲကြီးပြောရဲပါတယ်လို့ပဲ။ နောက်ထပ် Jason Bourne ဇာတ်ကားတွေအတွက် မသေချာတော့ပေမဲ့ ထပ်မံ ရှိလာအုံးမယ်ဆိုရင်လည်း ကျွန်တော်ကတော့ ကြိုဆိုနေမှာပါ။ IMDb Rating: 6.6/ 10 Rotten Tomatoes Rating: 54% ~WH~ (ရုပ်ရှင်အညွှန်းကို Movies-we watch,we feel. မှကူးယူဖော်ပြပါသည်။) The Bourne ဇာတ်ကားများကို (The Bourne – Collection) တွင်ကြည့်ရှုပါ။ File size…(4.2 GB)/ (2.1 GB)/(1.2 GB) Quality….BluRay 4K HEVC/1080p /720p Format…mkv/mp4 Duration….02:03:09 Subtitle….Myanmar Subtitle(Hardsub) Encoder….Ka Naung

ARGO ARGO ရုပ်ရှင်ဟာ ၁၉၇၉-၈၀ မှာဖြစ်ခဲ့တဲ့ အီရန်တော်လှန်ရေးအတွင်း သံရုံးက လွတ်မြောက်အမေရိကန်သံရုံးဝန်ထမ်း ၆ ယောက်ကို ကယ်ထုတ်တဲ့အကြောင်းကိုရိုက်ပြထားတဲ့ဇတ်ကားပါ။ ၁၉၇၉ မှာ အီရန်နိုင်ငံတွင်းတော်လှန်ရေးဖြစ်ခဲ့ပါတယ် တော်လှန်ရေးအတွင်းမှာ အမေရိကန်သံရုံးကိုသိမ်းပြီး အီရန်ဘုရင်ဟောင်း ရှားကိုနိုင်ငံခိုလှုံခွင့်ပေးထားရာကနေပြန်လွဲပေးဖို့ တောင်းဆိုလာခဲ့ပါတယ်။ အဲ့ဒီသံရုံးအသိမ်းခံရချိန်မှာ လွတ်သွားတဲ့ သံရုံးဝန်ထမ်း ၆ ယောက်ကိုကယ်ဖို့ စီအိုင်အေကလူတွေ ကြိုးစားကြပုံကိုရိုက်ကူးထားတာဖြစ်ပါတယ်။ ARGO ကို အောက်တိုဘာ ၁၂ ရက် ၂၀၁၂ ခုနှစ်မှာထွက်ခဲ့ပြီးတော့ ဇတ်လိုက်မင်းသား Ben Affleck ကိုယ်တိုင်ရိုက်ကူးထားပြီး ထုတ်လုပ်သူကလဲ Ben Affleck နဲ့ George Clooney ကြီးတို့ပါပဲ။ ဒီဇတ်ကားဟာ ၈၅ ကြိမ်မြောက်အကယ်ဒမီမှာ nominations ၇ ခုဝင်ပြီး ဆု သုံးခုရခဲ့ပါတယ် (Best Picture, Best Adapted Screenplay, and Best Film Editing) အဲ့နောက် Golden Globe Award မှာလဲ Best Motion Picture – Drama နဲ့ Best Director ဆုထပ်ရခဲ့ပါသေးတယ်။ ဗြိတိန်အကယ်ဒမီနဲ့ 37th Hochi Film Award မှာလဲ ဇတ်ကားဆု တည်းဖြတ်နဲ့ ဒါရိုက်တာဆုတွေထပ်ရခဲ့ပါသေးတယ်တဲ့။ ဒီအကြောင်းကို စာအုပ်တွေလဲအများကြီးထုတ်ဝေခဲ့ကြပါတယ်။ စာဖတ်ရတာမပျင်းရင်တော့ အောက်ကသမိုင်းကြောင်းတွေဆက်ဖတ်ပါဗျ။ ဇတ်ကားကြည့်ရတာ ပိုအရသာရှိသွားအောင် သမိုင်းကြောင်းလေးနဲနဲလှန်ထားပါတယ် အောက်မှာတော့ facts လေးတွေပါပါတယ်။ (ထွက်တာလဲကြာပြီမို့ Spoil သတိမပေးတော့ပါဘူး) အီရန်မှာနိုင်ငံရေးတော်တော်ရှုတ်ပါတယ် အီရန်နိုင်ငံကို ရှားဘုရင်အဆက်ဆက်ကအုပ်ချုပ်ခဲ့ပြီး ၁၉၅၀ မှာ မိုဟာမက် မိုဆာဒက်ကို ဝန်ကြီးချုပ်ခန့်ခဲ့ကြပါတယ် သူက အီရန်ရေနံကို နိုင်ငံပိုင်ဖြစ်အောင်ပြန်လုပ်ပေးခဲ့ပါတယ်။ သုံးနှစ်အကြာမှာ ရေနံကုမ္ပဏီတွေကပေါင်းပြီး သူတို့နဲ့ပနံသင့်တဲ့ ရှားဘုရင်တစ်ယောက်ကိုပြန်နန်းတင်ပေးခဲ့ပါတယ် ရှားဘုရင်က သူ့ပြည်သူတွေကို ဂုတ်သွေးပြန်စုတ်တော့ ၂၆ နှစ်အကြာ (၁၉၇၉) မှာ ပြည်သူတွေကတစ်ခါ တော်လှန်ကြပြန်ပါတယ်။ အဲ့ဒီနောက် ရှားဘုရင် ဟာ ၁၉၇၉ ခုနှစ်မှာပဲ နန်းစွန့်ခဲ့ကာ အီရန်ကနေ ကင်ဆာကုသဖို့ နိုင်ငံရေးခိုလှုံခွင့်နဲ့ အမေရိကားသို့ထွက်ခွာသွားခဲ့ပါတယ်။ (၁၉၇၉ ဒီဇင်ဘာမှာ အီဂျစ်မှာ အမြဲတမ်းနိုင်ငံရေးခိုလှုံခွင့်စရခဲ့ပြီး အဲ့ဒီမှာပဲ ၁၉၈၀ (အသက် ၆၀) မှာသေဆုံးသွားခဲ့ပါတယ်။) နိုင်ငံကိုတော့ ယာယီအစိုးရဖွဲ့ပြီး အတိုက်အခံ ဝန်ကြီးချုပ် Mehdi Bazargan ဆီမှာထားခဲ့ပါတယ်။ (ယာယီအစိုးရလဲ ဝန်ကြီးချုပ်အစိုးရအဖွဲ့နှုတ်ထွက်ပြီးမကြာခင်မှာပဲဖြုတ်ချခံခဲ့ရပါတယ်) အဲ့ဒီမှာ တော်လှန်ရေးကိုထောက်ခံတဲ့ Muslim Student Followers of the Imam's Line အဖွဲ့ရဲ့နောက်လိုက် ကောလိပ်ကျောင်းသားတွေက အမေရိကန်သံရုံးကိုသိမ်းပိုက်ပြီး တော့ အမေရိကန် ၅၂ ယောက်ကို ဓါးစားခံအနေနဲ့ဖမ်းပြီး ရှားကိုရုံးတင်စစ်ဆေးဖို့အတွက် အီရန်ဆီပြန်လွှဲပေးဖို့တောင်းဆိုပါတယ်။ (အီရန်အစိုးရဘက်က ထုတ်ပြန်ချက်တွေမှာ ကျောင်းသားလို့ဆိုထားပေမဲ့ ကျောင်းမတက်ဘဲ တော်လှန်ရေးလုပ်ဖို့အဖွဲ့လိုက်ဖွဲ့နေတဲ့လူလတ်ပိုင်းတွေလို့ အမေရိကန်ဘက်ကပြောကြပါတယ်) သံရုံးအသိမ်းခံလိုက်ရချိန်မှာပဲ အမေရိကန်သံရုံးက ၆ ယောက်နောက်ဖေးပေါက်ကနေ ထွက်ပြေးလွတ်မြောက်သွားခဲ့ပြီးတော့ ဒီကိစ္စကိုစီအိုင်အေကသိသွားတဲ့နောက် ကယ်ထုတ်ဖို့ကြိုးစားကြပါတယ်။ (ဇတ်ကားထဲမှာ ဗြိတိန်နဲ့ နယူးဇီလန် ကလက်မခံဘဲ သံရုံးကနေ ကနေဒါသံအမတ်အိမ်ကိုရောက်သွားတယ်လို့ပဲပါပါတယ်။ တကယ်မှာတော့ ဗြိတိန်သံရုံးမှာ တစ်ညနေခဲ့ကြပြီး လိုက်ရှာနေတဲ့စစ်သွေးကြွတွေက ဗြိတိန်သံရုံးကို သင်္ကာမကင်းဖြစ်လာတဲ့အတွက် အားလုံးက ကနေဒါသံအမတ်အိမ်ကအလုံခြုံဆုံးလို့ ယူဆတဲ့အတွက် ရောဘတ်အန်ဒရာ (၆ယောက်ထဲကတစ်ယောက်)ရဲ့အသိ လူဝင်မှုကြီးကြပ်ရေးအရာရှိအဆက်အသွယ်နဲ့ သူတို့အားလုံးကနေဒါသံအမတ်အိမ်ကိုရောက်သွားခဲ့ကြတာပါ။ ဇတ်ကားထဲမှာအဲ့ဒီအရာရှိအကြောင်းကို ချန်ခဲ့ပါတယ်တဲ့) တိုနီ မန်ဒက်ဇ်ဟာ သူကယ်ရမယ့် သံရုံးကလူခြောက်ယောက်ကို ကိုယ်စားပြုတဲ့အနေနဲ့ "Studio Six Productions" ဆိုတဲ့ နာမည်ပေးခဲ့တာဖြစ်ပါတယ်တဲ့။ အဲ့ဒီနောက် စီအိုင်အေက တိုနီ မန်ဒက်ဇ် (Tony Mendez) / AKA-Ben Affleck ကိုကယ်ထုတ်ဖို့ တာဝန်ပေးလိုက်ရာကနေဒီဇတ်ကားဖြစ်လာပါတော့တယ်။ ၁၉၈၀ ဇန်နဝါရီ ၂၇ ရက်နေ့မှာ တော့ အမေရိကန်ခြောက်ယောက်နဲ့အတူ Tony Mendez တစ်ယောက် နယူးဇီလန်တောင်ပိုင်း ဇူးရစ်ကိုလွတ်မြောက်လာခဲ့ကြပါတယ်။ အမေရိကန်နိုင်ငံသားခြောက်ယောက်ကို တောင်တစ်လုံးမှာရှိတဲ့ စီအိုင်အေရဲ့ယာယီလုံခြုံရေးအိမ်ကို စီအိုင်အေကပဲ ခေါ်ဆောင်သွားပြီး သူတို့ကို သတင်းစာတွေကိုပြောခွင့်မရှိကြောင်းပြောခဲ့ပြီးနောက် ဖလောရီဒါကလျှို့ဝှက်နေရာတစ်ခုမှာ ဓါးစားခံကိစ္စ ရှင်းပြီးတဲ့အထိဖွတ်ထားဖို့စီစဉ်ခဲ့ကြပါတယ်။ ဒါပေမဲ့ အနံ့ခံကောင်းတဲ့သတင်းသမားတွေက သိသွားခဲ့ပြီး ဓါးစားခံတွေအန္တရာယ်ကင်းကြောင်းသိတာနဲ့ နောက်တစ်နေ့မှာပဲ ကနေဒါသီတင်းစာ ခေါင်းကြီးပိုင်းမှာပါလာခဲ့ပါတယ်။ နိုင်ငံတကာသတင်းစာတွေကလဲ ချက်ချင်းဆိုသလိုဒီအကြောင်းကိုသိသွားခဲ့ပြီးနောက်မှာ မထူးတဲ့အဆုံး စီအိုင်အေက ခြောက်ယောက်လုံးကို အမေရိကားကိုလေယာဉ်နဲ့ပြန်တင်လွှတ်လိုက်ကြပါတယ်။ အမေရိကန်သံရုံးက လူခြောက်ယောက်ဟာ အမေရိကားကို ဇန်နဝါရီ ၃၀ မှာပြန်ရောက်ခဲ့ကြပါတယ်။ အဲ့ဒီအတွက် အမေရိကန်နိုင်ငံတစ်ဝှမ်းနေရာအတော်များများမှာ ကနေဒါအလံကိုလွှင့်ထူခဲ့ကြပြီး ကျေးဇူးတင်ကြောင်း ဆိုင်းဘုတ်တွေစိုက်ထူခဲ့ကြပါတယ်။ သမ္မတကာတာက အထိန်းသိမ်းခံထားရတဲ့ဓါးစာခံ ၅၂ ယောက်ကို သိန်းငှက်လက်သည်းစစ်ဆင်ရေး (Operation Eagle Claw-ဇတ်ကားလား Documentry လားမသိဘူးရှိတယ်)နဲ့ ကယ်ထုတ်ဖို့လုပ်ခဲ့ပါသေးတယ် ဒါပေမဲ့ ပျက်သွားခဲ့ပြီးအဲ့ဒီဟာကြောင့်ပဲ ၁၉၈၀ သမ္မတရွေးကောက်ပွဲမှာ အရေးနိမ့်ခဲ့ပြီး Ronald Reagan ကအနိုင်ရခဲ့ပါတယ်။ စက်တင်ဘာ ၁၉၈၀ မှာတော့ အီရပ်တပ်တွေက အီရန်ကိုဝင်လာတာကစလို့ အီရန်-အီရပ် စစ်ပွဲစခဲ့ပါတယ်။ အဲ့ဒီကိစ္စတွေကြောင့် အီရန်အစိုးရက အမေရိကန်နဲ့ ညှိနှိုင်းခဲ့ဖို့ဖြစ်လာခဲ့ပါတယ်။ ဂျင်မီကာတာနောက်တက်လာတဲ့ သမ္မတအသစ် (ရော်နယ် ဂရေဟင်)အာဏာရပြီးနောက်မှာပဲ စစ်ပွဲကြောင့်အကျပ်ရိုက်နေတဲ့ အီရန်က အမေရိကန်နဲ့ဆွေးနွေးညှိနှိုင်းခဲ့ပြီး သမ္မတသစ်က Algiers Accords မှာ လက်မှတ်ထိုးပြီးနောက် ဓါးစားခံများအားလုံးကိုပြန်လွှတ်ပေးခဲ့ပါတယ်။ အဓိကဇတ်ဆောင်ဖြစ်တဲ့ တိုနီ မန်ဒက်ဇ် (Tony Mendez)က တော့ ၂၀၁၉ ဇန်နဝါရီ ၁၉ မှာဆုံးပါးသွားခဲ့ပြီး သူသေဆုံးချိန်မှာ ၇၈ နှစ်ရှိပါပြီ။ Quality – 720p  Bluray Rip Duration - 2 hr Subtitle – Myanmar Hardsub Format – Mp4 Genre : Biography, Drama, Thriller Translator – idiot Encoder – idiot

The Lodger (2009) အယ်လင်ဟာ မပြေလည်တဲ့ အိမ်ထောင်ရေးနဲ့စိတ်ဒဏ်ရာတွေကြားမှာ ခက်ခက်ခဲခဲရှေ့ဆက်နေရတဲ့ အမျိုးသမီးတစ်ယောက်ဖြစ်ပါတယ်။တစ်နေ့တော့ သူတို့ခြံဝင်းထဲက ငှားစားတဲ့အိမ်အလွတ်ကို သူစိမ်းလူချောတစ်ယောက်ပြောင်းလာခဲ့ချိန်မှာတော့ ငြီးငွေ့ဖွယ် သူ့ဘ၀ထဲမှာ ရင်ခုန်စိတ်လှုပ်ရှားစရာတွေဖြစ်ပေါ်လာပါတော့တယ်။ အဲ့ဒီသူစိမ်းဟာ သူ့ကိုယ်သူ စာရေးဆရာတစ်ယောက်အဖြစ်မိတ်ဆက်ပါတယ်။ စိတ်ကူးနဲ့လုပ်ရတဲ့အလုပ်ဖြစ်တဲ့အတွက်အနှောင့်အယှက်မခံနိုင်လို့ဆိုပြီး သူငှားနေတဲ့ အိမ်ထဲကိုအယ်လင်ကိုပါအလာမခံပါဘူး။ ဒါပေမယ့် သူ့ဆင်ခြေနဲ့သူ ဟုတ်နေတဲ့အတွက်သံသယတစ်စုံတစ်ရာမရှိပဲ ပဟေဠိဆန်တဲ့လူတစ်ယောက်ကို အယ်လင့်အနေနဲ့လက်ခံထားမိရက်သားဖြစ်နေခဲ့ပါတယ်။ အဲ့ဒီအချိန်ဟာ ဝက်စ်ဟောလိ၀ုဒ်မှာ ရက်စက်ကြမ်းတမ်းလွန်းတဲ့လူသတ်မှုတွေစပြီးဖြစ်ပေါ်နေတဲ့အချိန်ပါ။ အသတ်ခံရသူတွေဟာ ပြည့်တန်ဆာတွေဖြစ်ပြီး သတ်ပုံသတ်နည်းတွေ သားကောင်ရွေးချယ်မှုတွေဟာ လွန်ခဲ့တဲ့ ၁၈၈၈ ခုနှစ်က လန်ဒန်မှာဖြစ်‌ပေါ်ခဲ့ပြီး အခုချိန်ထိတရားခံမပေါ်ခဲ့တဲ့ Jack the Ripper ကိုပုံတူကူးထားတာဖြစ်ပါတယ်။ အဲ့ဒီလိုပုံစံတူလူသတ်မှုတွေဟာ လွန်ခဲ့တဲ့ ခုနှစ်နှစ်ကလည်းဖြစ်ပွားခဲ့ဖူးပြီး အဲ့ဒီအမှုတွေရဲ့တရားခံကိုဖော်ထုတ် ကွပ်မျက်ခဲ့ပြီးပါပြီ၊ ဒါဆိုရင်အခုထပ်ဖြစ်လာတဲ့လူသတ်မှုတွေကရော ပုံတူကူးလူသတ်သမားနောက်တစ်ယောက်လား? ဖမ်းဆီးကွပ်မျက်ခံလိုက်ရတဲ့သူဟာ တရားခံအစစ်ဖြစ်နိုင်ပါ့မလား? အဲ့ဒီလူသတ်မှုတွေဟာ အယ်လင်နဲ့ ဘယ်လိုပတ်သက်လာမလဲ ဆက်လက်ရှုစားကြပါ။ ( ဘာသာပြန်ပြီး အညွှန်းရေးသားထားသူကတော့ alias ပါ ) File size_(2.1GB)/(1.1GB) Quality_Blu-Ray 1080p / 720p Format_mp4 Duration_01:35:00 Genre_Crime, Horror , Mystery Subtitle_Myanmar Subtitle (Hardsub) Encoder_a hao Translated by alias

Primer (2004) Genre – Drama, Sci-fi, Thriller အင်ဂျင်နီယာ သူငယ်ချင်း ၄ ယောက်ဟာ လုပ်ငန်းတစ်ခုမှာ အတူတူလုပ်ကိုင်လျက်ရှိပြီး လုပ်ငန်းပြင်ပ အားတဲ့အချိန်လေးမှာ သူငယ်ချင်းတစ်ယောက်ရဲ့ ဂိုထောင်လေးထဲ ကိုယ်ပိုင် တီထွင်ဖန်တီးမှုလေးတစ်ခု လုပ်နေကြတာပါ။ အင်ဂျင်နီယာ အခက်အခဲ ပြဿနာပေါင်းများစွာကို ကျော်ဖြတ်ခဲ့ပြီးတဲ့နောက်မှာတော့ ဒီစက်ပစ္စည်းလေးဟာ တစ်ခုခုထက် ပိုမိုထူးခြားသာလွန်နေတဲ့အရာတစ်ခု ဖြစ်လာပါတော့တယ်။ ဒါပေမဲ့ ဒီ ၄ ယောက်ထဲက ဒီအကြံရဲ့ မူလပိုင်ရှင်လို့ ပြောရမယ့် သူငယ်ချင်း ၂ ယောက်က ဒါကို တခြားလူတွေမသိအောင် လျှို့ဝှက်စမ်းသပ်ကြပြီးတော့ တစ်ယောက်ယုံကြည်မှုအပေါ်ကို တစ်ယောက်က မေးခွန်းထုတ်စရာတွေ ဖြစ်လာပြီး ဘာဆက်ဖြစ်လာမလဲဆိုတာ ကြည့်ရမယ့် သိပ္ပံအင်ဂျင်နီယာအကြောင်း ဦးစားပေးထားတဲ့ ရုပ်ရှင် ဖြစ်ပါတယ်။ File size…    1.6 GB /  637 MB Quality… BluRay 1080p / 720p Format… mp4 Duration…. 1h 17m Genre ..... Drama/Sci-Fi/Thriller Subtitle…. Myanmar Subtitle (Hard Sub) Encoder…. LegoHeart Translated by Thura Aung