David Wohl ပါဝင်သော ဇာတ်ကားများ

Saving Private Ryan (1998) IMDb Rating (8.6) / Rotten Tomatoes (94%) အကောင်းဆုံးစစ်ကားတွေအကြောင်းပြောကြရင် Saving Private Ryan က ထိပ်ဆုံးကပါလာတတ်ပါတယ်။ နာမည်ကြီးမင်းသားတွေဖြစ်တဲ့ Tom Hanks , Matt Damon , Vin Diesel တို့ပါဝင်သရုပ်ဆောင်ထားပြီး သရုပ်ဆောင်ချက်၊ ဇာတ်လမ်းပိုင်းတွေမှာ ပြောစရာမရှိကောင်းမွန်လှသလို ဒါရိုက်တာကလည်း နာမည်ကြီး Steven Spielberg ဖြစ်လို့ ပိုလို့တောက်ပြောင်ပါတယ်။ အော်စကာဆု ၅ခုကို ဆွတ်ခူးနိူင်ခဲ့သလို တစ်ခြားဆုပေါင်း ၇၀ကျော်ကိုလဲ ရယူနိူင်ခဲ့ပါတယ်။ IMDBမှာလဲ Rating 8.6 အထိ ရရှိထားတဲ့ ဇာတ်ကားကောင်းတစ်ကားပါ။ ဇာတ်လမ်းကတော့ ဒုတိယကမ္ဘာစစ်ကာလက တကယ့်အဖြစ်အပျက်တချို့ကို ဇာတ်အိမ်တည်လို့ ရိုက်ကူးတင်ဆက်ထားတာဖြစ်ပါတယ်။ ဒုတိယကမ္ဘာစစ်ရဲ့အလှည့်အပြောင်းဖြစ်တဲ့ Normandy ကမ်းခြေ တိုက်ပွဲနဲ့ အစပြုထားပြီး Normandy ကမ်းခြေကို အမေရိကန်တို့ရဲ့ မဟာမိတ်တပ်တွေ ဝင်သိမ်းတဲ့ ရိုက်ကွက်ကိုလည်း ပီပီပြင်ပြင် ရှုစားရမှာဖြစ်တယ်။ ဒီကားအကြောင်းတော်တော်များများကြားဖူး သိဖူးနေလို့ထွေထွေထူးတော့မညွှန်းတော့ပါဘူး။ တကယ့် ဂန္တဝင်ကားမို့ အရည်အသွေးကောင်းကောင်းလေးနဲ့ ခံစားစေချင်တဲ့အတွက် 4K Quality နဲ့ထပ်မံဖြည့်တင်းတင်ဆက်လိုက်ပါတယ်။ File Size : (8.8 GB)/ (3.03GB) / (1.18 GB ) Quality : BluRay 4K HEVC/ 1080p HEVC/ 720p Format…mkv/mp4 Duration…02:50:00 Genre : Drama, War Subtitle : Myanmar Subtitle (Hard Sub) Translated by War Dog Encoded by Phyo Pyae/Ka Naung

မနေ့ကတင်ပေးခဲ့တဲ့ Hot Shot Part 1 ရဲ့အဆက်လာပါပြီ။ ဒီကားကတော့ ရုပ်ရှင်ပရိသတ်တွေရဲ့အချစ်တော် စတားလုံးရဲ့ Rambo ဇာတ်ကားကို သရော်ထားတာဖြစ်ပါတယ်။ ဒါ့အပြင် ဆာဒမ်ဟူစိန်ကိုလဲသရော်ထားပြီး Basic Instinct ကိုပါ ဟာသအဖြစ်ထည့်ထားပါသေးတယ်။ ဒီ Part 2 မှာတော့ သူရဲကောင်းကြီး တော်ပါဟာလေဟာ ချစ်သူ ရမန်ဒါနဲ့ကွဲကွာသွားပြီး အာရှမှာ ဇာတ်မြုပ်နေခဲ့ပါတယ်။ တစ်ဖက်မှာလဲ အမေရိကန်အစိုးရက အရှေ့အလယ်ပိုင်းဒေသမှာ ဖမ်းခံထားရတဲ့ အမေရိကန်ဓားစာခံတွေကို ကယ်ထုတ်တာ လုံးဝမအောင်မြင်ဘူးဖြစ်နေခဲ့ပါတယ်။ အဲ့ဒါကြောင့် ထုံးစံအတိုင်း တော်ပါဟာလေကို ပြန်ခေါ်ဖို့ကြိုးစားခဲ့ရပြီး ဓားစာခံတွေကို ဘယ်လိုကယ်ထုတ်မလဲ၊ တော်ပါဟာလေနဲ့ ရမန်ဒါတို့ကရော ဘာကြောင့်ကွဲကွာသွားရတာလဲ၊ ဆာဒမ်ဟူစိန်ကိုရော ဘယ်လိုရှင်းကြမလဲဆိုတာတော့ ဆက်လက်ခံစားကြည့်ရှုကြပါ။ ဒီကားမှာ နာမည်အကြီးဆုံးကတော့ ကြက်နဲ့မြားပစ်တဲ့အခန်းပါ။ ဒါ့အပြင် နာမည်ကြီးရုပ်ရှင်တွေထဲက ဇာတ်ဝင်ခန်းတွေကိုပါ သရော်ထားပြီး Part 1 တုန်းကထက်တောင် ပိုပြီးရယ်ရပါသေးတယ်။ Part 1 ကြည့်ပြီးတဲ့သူတွေအတွက်တော့ Part 2 နဲ့ဆို အချိတ်အဆက်ပိုမိသွားပြီး ပိုရယ်နေရမှာပါ။ အခု Part 2 မှာ ရုပ်ရှင်ပရိသတ်တွေရဲ့ အချစ်တော် နာမည်ကြီးဟာသသရုပ်ဆောင် နောက်တစ်ယောက်လဲ ပါပါသေးတယ်။ ဘယ်သူလဲဆိုတာတော့ မပြောပြတော့ပါဘူး။ တစ်ခုအသိပေးချင်တာကတော့ Hot Shots နှစ်ကားလုံးမှာ အသုံးပြုသွားတဲ့ဟာသပြက်လုံး၊ ထေ့လုံးတွေဟာ မြန်မာပရိသတ်တွေအတွက် အလှမ်းဝေးနေပြီး မူရင်းစာသားအတိုင်းပြန်ကြည့်တဲ့အခါ ဟာသအရသာပျောက်သွားပြီး မရယ်ရတော့ပါဘူး။ မင်းသား၊မင်းသမီးနာမည် အသုံးအနှုန်းကအစ ၁၉၉၀ ဝန်းကျင်က မင်းသားမင်းသမီးဟောင်းကြီးတွေရဲ့ နာမည်ကိုယူပြီး ပြက်လုံးထုတ်ထားတာဖြစ်တဲ့အတွက် CM ကနေ မြန်မာပရိသတ်နားလည်လွယ်အောင်၊ ဟာသကိုသဘောပေါက်လွယ်အောင်လို့ ပြက်လုံးအတော်များများကို မြန်မာမှုအနည်းငယ် ပြုထားပါတယ်။ ဒါဟာ ပျော်စေ၊ ပျက်စေသဘောနဲ့လုပ်တာမဟုတ်ပဲ ဟာသတစ်ခုကို အဓိပ္ပါယ်နားလည်လွယ်အောင်လို့ Contextualize လုပ်တယ်လို့ နားလည်ပေးစေချင်ပါတယ်။ ဘာသာပြန်တဲ့ကျွန်တော်ကိုယ်တိုင်လဲ ဒီကားကျမှ ဒီလိုမြန်မာပြက်လုံးတွေထည့်သုံးထားတာဖြစ်ပြီး တခြားကားတွေမှာဆို မူရင်းနဲ့မူကွဲ တစ်သားထဲ ကျအောင်ပြန်နေကျဖြစ်တဲ့အကြောင်း အသိပေးပါတယ်ခင်ဗျ။ (ဇာတ်လမ်းအညွှန်းနဲ့ဘာသာပြန်သူကတော့ ကိုအာကာဖြိုးပါ) File Size : (800 MB) Quality : Blu-Ray 720p Running Time : 1hr 26min Format : Mp4 Genre :Action, Comedy Subtitle : Myanmar Subtitle (Hard Sub) Source : 720p.BluRay.X264-AMIABLE Translated by Arkar Phyo Encoded by Thanhtike Zaw

"Presumed Innocent" ဟာ ၁၉၉၀ ခုနှစ်က ထွက်ရှိခဲ့တဲ့ နာမည်ကြီး ဥပဒေရေးရာ သည်းထိတ်ရင်ဖို (Legal Thriller) ရုပ်ရှင်တစ်ကားဖြစ်ပါတယ်။ နာမည်ကျော် မင်းသားကြီး Harrison Ford (ဟယ်ရီဆင် ဖို့ဒ်) ပါဝင်သရုပ်ဆောင်ထားပြီး စာရေးဆရာ Scott Turow ရဲ့ ရောင်းအားအကောင်းဆုံး ဝတ္ထုကို အခြေခံကာ ဒါရိုက်တာ Alan J. Pakula က ရိုက်ကူးပုံဖော်ထားတာပါ။ ဇာတ်လမ်းကတော့ အစိုးရရှေ့နေ ရပ်စ်တီ ဆားဘစ်ချ် (Harrison Ford) ဟာ သူ့ရဲ့ လုပ်ဖော်ကိုင်ဖက်လည်းဖြစ်၊ တိတ်တိတ်ပုန်း ချစ်သူဟောင်းလည်းဖြစ်တဲ့ ကာရိုလင်း (Greta Scacchi) အသတ်ခံရတဲ့အမှုကို စုံစမ်းစစ်ဆေးဖို့ တာဝန်ပေးခံရရာကနေ စတင်ပါတယ်။ ဒါပေမဲ့ စုံစမ်းမှုတွေ ဆက်တိုက်လုပ်ရင်းနဲ့ သက်သေအထောက်အထားတွေက သူ့ဆီကိုပဲ ညွှန်ပြနေပြီး၊ မကြာခင်မှာပဲ သူကိုယ်တိုင်က ဒီလူသတ်မှုရဲ့ အဓိက သံသယတရားခံအဖြစ် ဖမ်းဆီးခံလိုက်ရပါတယ်။ ကိုယ်တိုင်က အစိုးရရှေ့နေဖြစ်လျက်နဲ့ တရားခံဖြစ်လာတဲ့အခါ သူ့ရဲ့ အပြစ်ကင်းစင်ကြောင်းကို ဘယ်လိုသက်သေပြမလဲ၊ တကယ့် လူသတ်သမားစစ်စစ်ကရော ဘယ်သူလဲ ဆိုတာကို ရင်ခုန်စိတ်လှုပ်ရှားဖွယ် ကြည့်ရှုရမယ့် ဇာတ်ကားပါ။ Harrison Ford ရဲ့ သရုပ်ဆောင်မှုဟာ အလွန်ပီပြင်ပါတယ်။ မိသားစုပြိုကွဲမယ့်အရေး၊ အလုပ်အကိုင် ပျက်စီးမယ့်အရေးနဲ့ ထောင်ကျမယ့်အရေး စတဲ့ ဖိအားတွေကြားထဲက ယောက်ျားတစ်ယောက်ရဲ့ စိတ်ရှုပ်ထွေးမှုနဲ့ စိုးရိမ်ပူပန်မှုတွေကို အကောင်းဆုံး ပုံဖော်နိုင်ခဲ့ပါတယ်။ တရားခံရှေ့နေအဖြစ် သရုပ်ဆောင်တဲ့ Raul Julia ရဲ့ စွမ်းဆောင်ရည်ကလည်း အထူးပဲ ပြောင်မြောက်ပါတယ်။ ဇာတ်လမ်းရဲ့ အသက်က တရားခွင်အတွင်းက အခြေအတင် ပြောဆိုမှုတွေနဲ့ ဥပဒေရေးရာ အားပြိုင်မှုတွေပါ။ ဇာတ်ကွက်တွေကို ဆွဲဆန့်ထားခြင်းမရှိဘဲ ကြည့်ရှုသူကို အမြဲတမ်း စဉ်းစားတွေးတောနေစေပါတယ်။ ဇာတ်ကားတစ်ခုလုံးရဲ့ အကောင်းဆုံး အစိတ်အပိုင်းကတော့ ဇာတ်သိမ်းပိုင်းပါပဲ။ ပရိသတ်တွေကို လုံးဝ မျှော်လင့်မထားတဲ့ အံ့သြမှုမျိုး (Mind-blowing twist) ပေးစွမ်းနိုင်တဲ့အထိ ဇာတ်ညွှန်း ရေးသားမှု အားကောင်းပါတယ်။ "Presumed Innocent" ဟာ ဥပဒေရေးရာ သည်းထိတ်ရင်ဖို ဇာတ်လမ်း (Crime/Legal Mystery) တွေကို နှစ်သက်သူတွေအတွက် လုံးဝ လက်မလွှတ်သင့်တဲ့ ဂန္ထဝင်ရုပ်ရှင်ကားကောင်း တစ်ကားပါ။ အချိန်တွေကြာသွားပေမယ့် ယနေ့ထက်တိုင် ကြည့်ရှုလို့ကောင်းနေဆဲဖြစ်တဲ့ ဇာတ်ကားတစ်ကားလို့ သုံးသပ်ပါရစေ။ File size…3.52 GB/ 1.1 GB Quality… Blu - Ray 1080p & 720p Format… mp4 Duration…. 2h 7m Genre ..... Legal , Drama , Thriller , Crime Subtitle…. Myanmar Subtitle (Hard Sub)

The War of the Roses (1989) ~ IMDb - 6.8/10, Rotten Tomatoes - 83% ~ လူတွေရဲ့ ဦးခေါင်းခွံကို တုန်လှုပ်စေတဲ့ အကျပ်ရိုက်မှု ၂မျိုးရှိပါသတဲ့။ မနေချင်တော့တဲ့သူကို ဘယ်လိုဆွဲထားမလဲ ဆိုတာနဲ့ မသွားချင်တဲ့သူကို ဘယ်လိုနှင်ထုတ်မလဲ ဆိုတာပါပဲ။ ဒီရုပ်ရှင်ဟာ ခေါင်းအေးတည်ငြိမ်တဲ့ ကွာရှင်းပြတ်စဲရှေ့နေကြီး ဂါဗင်တစ်ယောက် သူရုံးခန်းထဲထိုင်နေတဲ့ သောကတစ်ဗွေနဲ့ အမှုသည်အမျိုးသားကို ပြန်ပြောင်းပြောပြတဲ့ သူ မကူကယ်နိုင်ခဲ့တဲ့ အတိတ်ဟောင်းတစ်ခုပဲဖြစ်ပါတယ်။ ဒီကားရဲ့ ဒါရိုက်တာကြီးကိုယ်တိုင် ရှေ့နေကြီး ဂါဗင်နေရာကနေ ဇာတ်ကြောင်းပြောသူအဖြစ် ပါဝင်ထားပါတယ်။ ဂါဗင် ပြောပြတဲ့ ဇာတ်လမ်းကတော့ သူ့မိတ်ဆွေအရင်းခေါက်ခေါက်ဖြစ်ခဲ့ဖူးတဲ့ ရို့စ်မောင်နှံရဲ့ ကွာရှင်းပြတ်စဲမှုအကြောင်းပါ၊ ရို့စ်မိသားစုဆိုပြီး ဖြစ်မလာခင် ငယ်ရွယ်တက်ကြွတဲ့ အိုလီဗာဆိုတဲ့ ဥပဒေကျောင်းသားလေးနဲ့ ရိုးရှင်းပွင့်လင်းတဲ့ ဘာဘရာဆိုတဲ့ မိန်းမငယ်လေးတို့ စတင်တွေ့ဆုံမှုကနေ (အညွှန်းထဲပြောပြလို့မရသေးတဲ့) အဆုံးသတ်မှုတစ်ခုဆီအထိပေါ့။ ဂါဗင်ကတော့ လူတွေဟာ သူတို့ဖြစ်ချင်တာ သူတို့ရချင်တာအတွက် ဘယ်လောက်ထိကို ဆိုးဆိုးဝါးဝါးလုပ်နိုင်လဲဆိုတာကို ရှေ့ဆုံးတန်းကနေ ပေါက်ပေါက်ဆုပ်ကိုင်ရင်း ကြည့်ခွင့်ရခဲ့တဲ့ နောင်တ,တစ်ပွေ့နဲ့ သူပေါ့။ ကွာရှင်းပြတ်စဲမှုတွေမှာ များသောအားဖြင့် တစ်ဖက်နဲ့တစ်ဖက် အပြိုင်အဆိုင်လုကြပေမယ့် တကယ်တမ်းတော့ “အနိုင်ဆိုတာ မရှိပါဘူး၊ ဘယ်လောက်ရှုံးသလဲဆိုတဲ့ ရှုံးနိမ့်မှုအဆင့်ပဲရှိတယ်” တဲ့။ ဒီထိ ဒီလိုတွေပြောနေလို့ စိတ်ညစ်စရာကားကြီးလို့ ထင်နေပါဦးမယ်၊ တကယ်က Comedy/Romance ပါနော်၊ အတိအကျဆို လှောင်လုံးတွေ အထေ့ငေါ့တွေပါတဲ့ Satirical အမျိုးအစားထဲမှာ ပါတာမို့ စကားအသုံးအနှုန်းတွေက တော်တော်လေး ရယ်ရပါတယ်။ ရယ်ရသလောက် တော်တော် အသည်းတမမဖြစ်ရတဲ့အခန်းတွေလည်း ပါလို့ Thriller Tag များ ပါနေမလားလို့ ကိုယ့်မှာ ပြန်ပြေးကြည့်ရသေးတယ်။ အခုလက်ရှိ ရုပ်ရှင်ရဲ့အရှည်က ၁နာရီ ၅၆ မိနစ်ဆိုပေမဲ့ ဒါရိုက်တာရဲ့ အဆိုအရ တကယ်တမ်းက ၃ နာရီ ၄မိနစ်စာရှိခဲ့တာပါတဲ့။ ဖြတ်ချခဲ့တဲ့အခန်းတွေထဲက တချို့ကိုတော့ Trailer တွေမှာ ရှာကြည့်လို့ရပါတယ်။ ဇာတ်လမ်းထဲက စကားအတိုင်းဆိုရင်တော့ “မိန်းမတွေဟာ ကျုပ်တို့ထင်ထားတာထက် အများကြီးပိုဆိုးနိုင်တယ်” တဲ့။ အလားတူပါပဲ၊ ထည့်ပြောမသွားပေမဲ့ ယောက်ျားတွေဟာလည်း ဘယ်လောက်တောင် စိတ်ကုန်စရာကောင်းနိုင်ကြောင်း သေချာပြသွားပါတယ်။ တကယ်လို့များ သင်ဟာ အိမ်ထောင်ကွဲဖို့ ဆုံးဖြတ်နေသူဖြစ်ရင် ဒီကားလေး ကြည့်ပြီး တစ်ခေါက်ပြန်စဉ်းစားကြည့်ပါ တကယ်လို့ သင်ဟာ အိမ်ထောင်ပြုဖို့ အရမ်းဇောသန်နေရင်လည်း ဒီကားကြည့်ပါ။ မိန်းမတွေ ဘယ်လောက်ကြောက်ဖို့ကောင်းပြီး ယောက်ျားတွေ ဘယ်လောက်စိတ်ကုန်ဖို့ကောင်းကြောင်း ဆင်ခြင်မိသွားမှာပါ။ ဒါပေမဲ့ သင်ဟာ စိတ်လိုလက်ရ ရယ်မော အပန်းဖြေပစ်ချင်လည်း ဒီကားကြည့်ပါ။ ကုန်ကုန်ပြောရရင်တော့ ဘာပဲဖြစ်နေနေ အချိန်ရရင် ဒီကားကြည့်ပါလို့။ (ဒီဇာတ်ကားနဲ့အညွှန်းကို Z မှ ပြန်ဆို ရေးသားထားပါတယ်) Size - 2GB, 855MB Quality - 1080p, 720p IMDb Rating - 6.8/10 Format - mp4 Duration - 1H 56Min Genre - Comedy, Romance Subtitle - Myanmar Subtitle (Hardsub) Translated by Z Encoded by Y

လှပတဲ့ဝတ္ထုတစ်ပုဒ်ကို စာရွက်တစ်ရွက်ချင်းလှန်ရင်း အေးအေးဆေးဆေး ထိုင်ဖတ်နေရသလို ဖီလင်မျိုးကို ပေးနိုင်မယ့် Classic War Drama ဇာတ်လမ်းလေးတစ်ပုဒ်ပါ။ ၁၉၇၉ ခုနှစ်မှာထုတ်ဝေခဲ့တဲ့ စာရေးဆရာ William Styron ရဲ့ Sophie's Choice စာအုပ်ကိုပဲ ရုပ်ရှင်အဖြစ် ပြန်လည်ဖန်တီးထားတာပါ။ ဇာတ်လမ်းကတော့ ဒုတိယကမ္ဘာစစ်အပြီး နှစ်နှစ်အကြာ ၁၉၄၇ ခုနှစ်မှာ အခြေပြုထားပြီး လူသုံးယောက်ကိုအဓိကထား ဇာတ်အိမ်တည်ထားတာပါ။ စာရေးဆရာတစ်ယောက်ဖြစ်ချင်တဲ့အိပ်မက်ကိုအကောင်အထည်ဖော်နိုင်ဖို့အတွက် ကျေးလက်တောရွာလေးတစ်ရွာကနေ ဘရွတ်ခ်ကလင်းမြို့ကိုတက်လာတဲ့ စာရေးဆရာပေါက်စလေး စတင်ဂို၊ စစ်အတွင်းမှာ နာဇီတွေရဲ့ဖမ်းဆီးမှုကိုခံရပြီး စစ်အကျဉ်းစခန်းမှာ အခက်အခဲပေါင်းမြောက်မြားစွာကိုဖြတ်ကျော်ကာ လွတ်မြောက်လာခဲ့တဲ့ ပိုလန်သူလေး ဆိုဖီနဲ့ သူမရဲ့ချစ်သူ ဂျူးလူမျိုး သိပ္ပံပညာရှင် နေသန်တို့ဟာ ဘရွတ်ခ်ကလင်းမြို့က အိမ်တစ်လုံးမှာ အတူတူငှားနေကြရင်း အခင်ဆုံးသူငယ်ချင်းတွေဖြစ်လာခဲ့ကြတယ်။ ဇာတ်လမ်းကိုတော့ လက်ရှိအချိန်ကာလရယ် ဆိုဖီရဲ့စစ်အတွင်းကကြုံတွေ့ခဲ့ရတဲ့အဖြစ်အပျက်တွေကို flashback အနေနဲ့ storytelling ပြန်ပြောထားတဲ့ပုံစံအတိုင်း ဖန်တီးထားတာပါ။ အကျဥ်းချုံး ရီဗျူးပေးရမယ်ဆိုရင်တော့ ဇာတ်လမ်းဟာ စိတ်နှစ်ခံစားသူတွေအဖို့ဆိုရင် တစ်ချိန်တည်းမှာပဲ ကြေကွဲစရာ ကောင်းလွန်းလှသလို အရမ်းလည်း လှပသေသပ်လွန်းပြီး Slow Burning လေးနဲ့ အငြိမ်ကြည့်ရှုရမှာပါ။ သမိုင်းကြောင်းနောက်ခံ ကမ္ဘာစစ်နောက်ခံ Drama ဇာတ်ကားတွေကို ကြိုက်နှစ်သက်တဲ့သူများအတွက်ကတော့ ဒီဇာ​တ်ကားက လုံးဝလက်မလွှတ်သင့်တဲ့ရွှေပါပဲ။ File size…(1.7 GB)/(1 GB) Quality….Webrip 1080p / 720p Format…mp4 Duration….02:30:00 Genre...Drama, Romance Subtitle….Myanmar Subtitle (Hardsub) Encoder….Garfield Translated by Vader