Dean Martin ပါဝင်သော ဇာတ်ကားများ

Cannonball Run II (1984) IMDb Rating (5.1) / Rotten Tomatoes (12%) Cannonball Run ပထမကားရဲ့ အကြီးအကျယ် အောင်မြင်မှုအပြီးမှာ မင်းသားကြီး Burt Reynolds နဲ့ အဖွဲ့သားတွေ ပြန်လည်စုစည်းပြီး ရိုက်ကူးထားတဲ့ နောက်ဆက်တွဲ Action Comedy ကားဖြစ်ပါတယ်။ ဒီတစ်ခါမှာတော့ ပြိုင်ပွဲဝင်တွေက ပိုများပြီး အလွဲအချော်တွေပိုများလာသလို Jackie Chan က ဒီကားမှာလည်း ပြန်ပါလာပါတယ်။ ဇာတ်လမ်းကတော့ ရှေ့ကပြိုင်ပွဲမှာ ရှုံးနိမ့်ခဲ့တဲ့ ရှိတ်ခ်အာရပ်သူဌေးသား Sheik Falafel (Jamie Farr) က သူ့အဖေရဲ့ အမိန့်အရ ဂုဏ်သိက္ခာပြန်ဆယ်ဖို့အတွက် နောက်ထပ် "Cannonball Run" ပြိုင်ပွဲတစ်ခုကို ဒေါ်လာ ၁ သန်းဆုကြေးနဲ့ ထပ်မံကျင်းပတာကနေ စတင်ပါတယ်။ အဓိကဇာတ်ဆောင် JJ McClure (Burt Reynolds) နဲ့ သူ့ရဲ့ လက်တွဲဖော် Victor (Dom DeLuise) တို့ဟာ ဒီတစ်ခါမှာတော့ လူနာတင်ကား မဟုတ်တော့ဘဲ "စစ်တပ်က အရာရှိ" အယောင်ဆောင်ပြီး တော်ဝင်ကားကြီးတစ်စီးနဲ့ ပြိုင်ပွဲဝင်ကြပါတယ်။ လမ်းခရီးမှာ မာဖီးယားဂိုဏ်းသားတွေရဲ့ နှောင့်ယှက်မှုတွေ၊ အမျိုးသမီးပြိုင်ပွဲဝင်တွေနဲ့အတူ မျောက်ဝံတစ်ကောင်ပါ ကားမောင်းပြိုင်တဲ့အထိ ထူးထူးဆန်းဆန်း အလွဲတွေကို မြင်တွေ့ရဦးမှာဖြစ်ပါတယ်။ File size… (2.6 GB) / (1.5 GB) Quality…. Blu-Ray 1080p HEVC / 720p Format…. mkv/mp4 Genre…. Action,Comedy Duration…. 01:49:14 Subtitle…. Myanmar Subtitle (Hardsub)

The Cannonball Run (1981) IMDb Rating (6.2) / Rotten Tomatoes (29%) ၈၀ ခုနှစ်တွေရဲ့ အကျော်ကြားဆုံးနဲ့ အပျော်ရဆုံး Action Comedy ကားတွေထဲက တစ်ကားပါ။ ဒီဇာတ်ကားဟာ တကယ့်လက်တွေ့မှာ ရှိခဲ့တဲ့ အမေရိကန်ပြည်ထောင်စုကို ကန့်သတ်ချက်မရှိ အမြန်ဆုံးဖြတ်မောင်းနှင်ရတဲ့ တရားမဝင် ပြိုင်ပွဲတစ်ခုကို အခြေခံပြီး ရိုက်ကူးထားတာ ဖြစ်ပါတယ်။ မင်းသားကြီး Jackie Chan ရဲ့ ဟောလိဝုဒ်နယ်ပယ်ထဲကို ပထမဆုံး စတင်ခြေချခဲ့တဲ့ ဇာတ်ကားလည်း ဖြစ်ပါတယ်။ သူက ဒီကားထဲမှာ နည်းပညာမြင့် ကွန်ပျူတာတပ်ဆင်ထားတဲ့ ကားကိုမောင်းတဲ့ ဂျပန်ပြိုင်ပွဲဝင်တစ်ယောက်နေရာက သရုပ်ဆောင်ထားတာပါ။ ဇာတ်လမ်းကတော့ Connecticut ပြည်နယ်ကနေ California ပြည်နယ်အထိ အမေရိကန်တစ်နိုင်ငံလုံးကို ကားနဲ့ အမြန်ဆုံးဖြတ်မောင်းရမယ့် "Cannonball Run" ဆိုတဲ့ တရားမဝင် ပြိုင်ပွဲကြီးအကြောင်းပါ။ ဒီပြိုင်ပွဲမှာ ပါဝင်တဲ့သူတွေကလည်း တစ်ယောက်နဲ့တစ်ယောက် မတူညီတဲ့ ထူးထူးဆန်းဆန်း လူတွေချည်းပါပဲ။ အဓိကဇာတ်ဆောင် JJ McClure (Burt Reynolds) နဲ့ သူ့ရဲ့ သူငယ်ချင်း Victor (Dom DeLuise) တို့ဟာ ရဲတွေရဲ့ ဖမ်းဆီးမှုကို ရှောင်ရှားဖို့အတွက် သူတို့ရဲ့ ပြိုင်ကားကို "လူနာတင်ကားအဖြစ် ဟန်ဆောင်ပြီး ပြိုင်ပွဲဝင်ကြပါတယ်။ လမ်းခရီးမှာ တခြားပြိုင်ပွဲဝင်တွေရဲ့ နှောင့်ယှက်မှုတွေ၊ ထူးဆန်းတဲ့ အလွဲအချော်တွေနဲ့ ရဲတွေနဲ့ ပြေးလိုက်ပုန်းလိုက် ကစားရင်း ဘယ်သူက အရင်ဆုံးပန်းဝင်မလဲဆိုတာကို ရယ်မောရအောင် ရိုက်ပြထားပါတဲ့ Classic Comedy ကားကောင်းတစ်ကားပါ။ File size… (1.7 GB) / (1 GB) Quality…. Blu-Ray 1080p HEVC / 720p Format…. mkv/mp4 Genre…. Action,Comedy,Family Duration…. 01:35:59 Subtitle…. Myanmar Subtitle (Hardsub)

၆၀ ပြည့်လွန်နှစ်တွေက ဂျိမ်းစ်ဘွန်း စတိုင်လ် စပိုင်ဇာတ်ကားတွေကို ပေါ့ပေါ့ပါးပါး ဟာသနှောပြီး ရိုက်ကူးထားတဲ့ "The Wrecking Crew (၁၉၆၈)" ဆိုတဲ့ ဂန္ထဝင် အက်ရှင်ဟာသ စပိုင်ဇာတ်ကားလေးကို ဒီနေ့မှာ တင်ဆက် ပေးချင်ပါတယ်။ ဒါရိုက်တာ Phil Karlson ရိုက်ကူးထားပြီး နာမည်ကျော် အဆိုတော်နဲ့ မင်းသားကြီး Dean Martin၊ မင်းသမီးချော Sharon Tate၊ Elke Sommer နဲ့ Nancy Kwan တို့ ပါဝင်သရုပ်ဆောင်ထားတဲ့အပြင် ကမ္ဘာကျော် Bruce Lee နဲ့ Chuck Norris တို့ရဲ့ အမှတ်တရ သမိုင်းဝင် ပါဝင်ပတ်သက်မှုတွေပါ ရှိနေတဲ့ ဇာတ်ကားကောင်းတစ်ကား ဖြစ်ပါတယ်။ ဇာတ်လမ်းကတော့ အမေရိကန် လျှို့ဝှက်ထောက်လှမ်းရေးအဖွဲ့ (ICE) ရဲ့ ထိပ်တန်းအေးဂျင့် မက်တ် ဟဲလ်မ် (Matt Helm - သရုပ်ဆောင် Dean Martin) ရဲ့ စတုတ္ထမြောက်နဲ့ နောက်ဆုံး စစ်ဆင်ရေးအကြောင်းကို ရိုက်ကူးထားတာပါ။ ကောင့် ကွန်တီနီ (Count Contini - သရုပ်ဆောင် Nigel Green) လို့ခေါ်တဲ့ ရာဇဝတ်ဂိုဏ်းချုပ်ကြီးဟာ ကမ္ဘာ့စီးပွားရေးတစ်ခုလုံး ကမောက်ကမ ဖြစ်သွားစေဖို့အတွက် ဒေါ်လာ သန်းတစ်ထောင် (၁ ဘီလီယံ) တန်ဖိုးရှိတဲ့ ရွှေချောင်းတွေကို သယ်ဆောင်လာတဲ့ ရထားကြီးကို အပိုင်စီးပြီး ခိုးယူသွားခဲ့ပါတယ်။ ဒီရွှေတွေကို ပြန်လည်ရှာဖွေဖို့နဲ့ ကွန်တီနီရဲ့ အကြံအစည်ကို တားဆီးဖို့ အေးဂျင့် မက်တ် ဟဲလ်မ် တစ်ယောက် ဒိန်းမတ်နိုင်ငံ၊ ကိုပင်ဟေဂင်မြို့ကို ရောက်ရှိလာပါတယ်။ အဲဒီမှာ သူ့ကို လမ်းညွှန်အဖြစ် တွဲဖက်ပေးလိုက်သူကတော့ ဖရေယာ ကာလ်ဆင် ဆိုတဲ့ လှပပေမယ့် လုပ်သမျှ အလွဲလွဲအချော်ချော် ဖြစ်တတ်တဲ့ မိန်းကလေးတစ်ယောက်ပါ။ ကွန်တီနီရဲ့ လက်ပါးစေ မိန်းမချောလေးတွေဖြစ်တဲ့ လင်ကာ နဲ့ ယူရန်း တို့ရဲ့ လုပ်ကြံမှုတွေကြားကနေ၊ အူကြောင်ကြောင်နိုင်လှတဲ့ ဖရေယာ နဲ့အတူ ဟဲလ်မ် တစ်ယောက် ရွှေတွေကို ဘယ်လို ပြန်လည်လုယူမလဲ၊ ဖရေယာ ရဲ့ နောက်ကွယ်က တကယ့်လျှို့ဝှက်ချက်ကရော ဘာဖြစ်မလဲ ဆိုတာကို အက်ရှင်ဟာသအပြည့်နဲ့ ကြည့်ရှုရမှာပါ။ Choreography & Chuck Norris's Screen Debut)အက်ရှင်ပရိသတ်တွေအတွက် အထူးခြားဆုံး အချက်ကတော့ ဒီဇာတ်ကားရဲ့ Fight Scenes ကို ကမ္ဘာကျော် ကိုယ်ခံပညာရှင်ကြီး Bruce Lee ကိုယ်တိုင် "Karate Advisor" အဖြစ် တာဝန်ယူ သင်ကြားပေးခဲ့တာပဲ ဖြစ်ပါတယ်။ မင်းသမီး Sharon Tate နဲ့ Nancy Kwan တို့ရဲ့ အကြိတ်အနယ် ကရာတေး တိုက်ခိုက်ခန်းကို Bruce Lee ကိုယ်တိုင် လေ့ကျင့်ပေးခဲ့သလို၊ အက်ရှင်မင်းသားကြီး Chuck Norris ရဲ့ ရုပ်ရှင်လောကထဲ ပထမဆုံး စတင်ဝင်ရောက်လာတဲ့ အခန်းတိုလေးကိုလည်း ဒီဇာတ်ကားထဲမှာ မြင်တွေ့ရမှာပါ။ "The Wrecking Crew (၁၉၆၈)" ဟာ လေးနက်တဲ့ ထောက်လှမ်းရေးကားမျိုး မဟုတ်ဘဲ ပေါ့ပေါ့ပါးပါး ရယ်မောရမယ့် ၆၀ ခုနှစ်များရဲ့ Retro Spy-Comedy ဇာတ်ကားကောင်းလေး ဖြစ်ပါတယ်။ မင်းသားကြီး Dean Martin နဲ့ မင်းသမီး Sharon Tate တို့ရဲ့ အမှတ်တရ သရုပ်ဆောင်မှုတွေနဲ့ Bruce Lee ရဲ့ တိုက်ခိုက်ရေး လက်ရာတွေကို ပြန်လည်ကြည့်ရှုခံစားချင်တဲ့ ဂန္ထဝင်ရုပ်ရှင် ချစ်သူတွေအတွက် အထူးပဲ ညွှန်းဆိုပေးလိုက်ပါတယ်။ File size… 2.26 GB / 1.15 GB Quality… Blu-ray 1080p / 720p Format… mp4 Duration…. 1h 45m Genre ..... Action, Adventure, Comedy Subtitle…. Myanmar Subtitle (Hard Sub)