Dean Teaster ပါဝင်သော ဇာတ်ကားများ

ဂေးလ်ဟာ ကားပြိုင်ရင်း ကားမှောက်ခဲ့ပြီးနောက် စိတ်ဓာတ်ကျကာ အရက်ကို စွဲစွဲမြဲမြဲ သောက်လာသူပါ။ ချစ်ရမယ့်သူတစ်ယောက် တွေ့ပါစေလို့ အရက်ဆိုင်မှာ နေ့တိုင်းဆုတောင်းနေရင်း အဲဒီဆိုင်က အမျိုးသမီးတစ်ယောက်နဲ့ တွေ့ပြီး ချစ်သူတွေ ဖြစ်လာကြပါတယ်။ အမျိုးသမီးမှာတော့ အမွှာသမီးနှစ်ယောက် ရှိနေပြီး ဂေးလ်နဲ့ မိန်းကလေးတွေက အစေးမကပ်ကြဘူး။ အရက်သောက်တတ်တဲ့ ဒီစုံတွဲနှစ်ယောက် မူးရူးနေခဲ့ကြပြီး နောက်တစ်နေ့မှာ အမျိုးသမီး အဖမ်းခံလိုက်ရတဲ့အခါ အခြေအနေတွေ ပြောင်းလာပါတယ်။ အဲဒီကနေ သူတို့အကြောင်း မသိရသေးတဲ့ အချက်တွေလည်း တဖြည်းဖြည်း ပေါ်လာတယ်။

ကြော်ငြာအမှုဆောင် နစ်ခ်မာရှယ်ဟာ ငယ်ငယ်ကတည်းက အဖေမရှိဘဲ ကြီးပြင်းလာခဲ့ပြီး အရွယ်ရောက်လာတော့ အချစ်ရေးမှာ လူရှုပ်လူပွေတစ်ယောက် ဖြစ်နေပါတယ်။ ကြော်ငြာကုမ္ပဏီတွေ အပြိုင်အဆိုင်ဖြစ်လာချိန်မှာ အမျိုးသမီးတွေကို ဦးတည်တဲ့ ကြော်ငြာတွေ ဖန်တီးဖို့ ဒါစီဆိုတဲ့ အမျိုးသမီးတစ်ယောက် ရောက်လာတယ်။ သူရတဲ့ရာထူးက နစ်ခ်လိုချင်နေတဲ့ နေရာဖြစ်တာကြောင့် နစ်ခ်က အခဲမကျေဖြစ်နေပါတယ်။ တစ်ညမှာ အလုပ်လုပ်ရင်း မတော်တဆမှုတစ်ခု ကြုံလိုက်ရပြီး နစ်ခ်ဟာ အမျိုးသမီးတွေရဲ့စိတ်ကို ဖတ်နိုင်သွားတယ်။ အစပိုင်းမှာတော့ ဒီအစွမ်းကြောင့် စိတ်ညစ်နေရပေမယ့် နောက်ပိုင်းမှာ အဲဒီအစွမ်းကို အားကိုးပြီး ပြဿနာတွေ ဘယ်လိုရှာဦးမလဲဆိုတာ ဆက်ကြည့်ရမှာပါ။ Mel Gibson က နစ်ခ်အဖြစ် သရုပ်ဆောင်ထားတဲ့ ဟာသ၊ စိတ်ကူးယဉ်နဲ့ အချစ်ဇာတ်လမ်း ရောစပ်ထားတဲ့ ရုပ်ရှင်ဖြစ်ပါတယ်။