Deron McBee ပါဝင်သော ဇာတ်ကားများ

အက်ရှင်မင်းသားကြီး Chuck Norris ရဲ့ အမာခံ ပရိသတ်တွေအတွက် ဒီနေ့မှာတော့ ၂၀၀၅ ခုနှစ်က ထွက်ရှိခဲ့တဲ့ မှုခင်းအက်ရှင် ဇာတ်ကားကောင်း "The Cutter (၂၀၀၅)" ကို တင်ဆက်ပေးချင်ပါတယ်။ ဒါရိုက်တာ Bill Tannen ရိုက်ကူးထားပြီး မင်းသားကြီး Chuck Norris နဲ့အတူ ကိုယ်ခံပညာရှင် မင်းသား Daniel Bernhardt တို့ရဲ့ အကြိတ်အနယ် ရင်ဆိုင်တိုက်ခိုက်မှုတွေကို မြင်တွေ့ရမယ့် အက်ရှင်ဇာတ်ကားတစ်ကား ဖြစ်ပါတယ်။ ဇာတ်လမ်းကတော့ ဂျွန် ရှက်ဖတ် (John Shepherd - သရုပ်ဆောင် Chuck Norris) ဆိုတဲ့ ရဲစုံထောက်ဟောင်းတစ်ယောက်ကနေ စတင်ပါတယ်။ သူဟာ ပြန်ပေးဆွဲခံရတဲ့ ကလေးမလေးတစ်ယောက်ကို ကယ်တင်တဲ့ စစ်ဆင်ရေးတစ်ခုမှာ အချိန်မီ မကယ်လိုက်နိုင်တဲ့အတွက် စိတ်ဒဏ်ရာရပြီး ရဲတပ်ဖွဲ့ကနေ အနားယူကာ ပုဂ္ဂလိက စုံထောက်အဖြစ် ရပ်တည်နေသူပါ။ တစ်ဖက်မှာတော့ ဒါ့ခ် လို့ခေါ်တဲ့ သွေးအေးရက်စက်တဲ့ ကြေးစားလူသတ်သမားတစ်ယောက်ဟာ တမန်တော် မိုးဇက် လက်ထက်ကတည်းက တည်ရှိခဲ့တဲ့ သမိုင်းဝင် တန်ဖိုးဖြတ်မရသော စိန်ရတနာတုံးကြီးတွေကို ခိုးယူခဲ့ပါတယ်။ အဲဒီရှေးဟောင်း စိန်တုံးကြီးတွေကို ပြန်လည်သွေးဖြတ်ဖို့အတွက် ဒုတိယကမ္ဘာစစ်အတွင်းက အော့ဇ်ဝစ်ဇ် အကျဉ်းစခန်းကနေ အသက်ရှင်လွတ်မြောက်လာခဲ့တဲ့ သက်ကြီးရွယ်အို စိန်သွေးပညာရှင်ကြီး အိုက်ဇက် တယ်လာ ကို ဒါ့ခ် က ပြန်ပေးဆွဲသွားပါတော့တယ်။အိုက်ဇက် ရဲ့ တူမဖြစ်သူ အဲလိဇဘက် က သူမရဲ့ ဦးလေးဖြစ်သူကို ကယ်တင်ပေးဖို့ ဂျွန် ရှက်ဖတ် ကို ငှားရမ်းလိုက်တဲ့အခါ၊ စိန်သွေးတဲ့အလုပ် ပြီးတာနဲ့ အိုက်ဇက် ကို သတ်ပစ်မယ့် ကြေးစားလူသတ်သမားရဲ့ လက်ထဲကနေ ရှက်ဖတ် တစ်ယောက် အချိန်မီ ဘယ်လို အသက်စွန့် ကယ်တင်မလဲ ဆိုတာကို စိတ်လှုပ်ရှားဖွယ် ရိုက်ကူးထားတာပါ။ "The Cutter (၂၀၀၅)" ဟာ ၉၀ ပြည့်လွန်နှစ်တွေနဲ့ ၂၀၀၀ ပြည့်လွန်နှစ် အစောပိုင်းက Old-School အက်ရှင်ဇာတ်ကားတွေရဲ့ အရသာကို ပြန်လည်ခံစားချင်သူတွေနဲ့ မင်းသားကြီး Chuck Norris ရဲ့ ပရိသတ်တွေအတွက် အပန်းဖြေ ကြည့်ရှုလို့ကောင်းမယ့် မှုခင်းအက်ရှင် ဇာတ်ကားကောင်းတစ်ကား ဖြစ်ပါတယ်။ File size… 2.05 GB / 1.19 GB Quality… Blu-ray 1080p / 720p Format… mp4 Duration…. 1h 32mGenre ..... Action, Crime, Thriller Subtitle…. Myanmar Subtitle (Hard Sub)

Mortal Kombat (1997) က Mortal Kombat 1995 ရဲ့ နောက်ဆက်တွဲဇာတ်လမ်းတစ်ပုဒ်ဖြစ်ပါတယ်။ ဗီဒီယိုဂိမ်းတစ်ခုကို အခြေခံပြီး ရိုက်ကူးထားတဲ့ အက်ရှင်၊ စိတ်ကူးယဉ်နဲ့ အနုပညာပေါင်းစပ်ထားတဲ့ ဇာတ်ကားကောင်းတစ်ကားဖြစ်ပါတယ်။ ၁၉၉၅ ခုနှစ်က ထွက်တဲ့ Mortal Kombat မှာ လျှို့ဝှက်ဆန်းကြယ်တဲ့ “Outworld” နဲ့ ကမ္ဘာကြီးကို ဆုံးဖြတ်ပေးမယ့် သမိုင်းဝင် တိုက်ပွဲတစ်ခုအကြောင်းကို ရိုက်ကူးတင်ပြထားတာဖြစ်ပြီး ကမ္ဘာမြေ က တိုက်ခိုက်ရေးသမား သုံးဦးဖြစ်တဲ့ Liu Kang ၊ Johnny Cage နဲ့ Sonya Blade တို့ဟာ Outworld ရဲ့ အင်အားကြီး မှော်ဆရာ Shang Tsung နဲ့ သူ့ရဲ့ ကြောက်မက်ဖွယ် တိုက်ခိုက်ရေးသမားတွေနဲ့ ယှဉ်ပြိုင်တိုက်ခိုက်ခဲ့ကြပြီး အနိုင်ရရှိခဲ့ကြတယ်။ ပထမဇာတ်ကားအဆုံးမှာ Outworld မှော်ဆရာ ရှောင်းခန် (Shao Kahn) က ကမ္ဘာမြေကို ကျူးကျော်မယ်လို့ ခြိမ်းခြောက်ခဲ့ပါတယ်။ ဒီဇာတ်ကားဟာ အဲဒီကနေ စတင်ပါတယ်။ Shao Kahn က ကမ္ဘာမြေကို တိုက်ရိုက်ကျူးကျော်ဖို့ စတင်လိုက်ပြီး ကမ္ဘာမြေနဲ့ Outworld ကြားက တံတိုင်းကို ချိုးဖျက်လိုက်တဲ့အတွက် ကမ္ဘာမြေပျက်စီးယိုယွင်းမှုတွေ စတင်ဖြစ်ပေါ်လာပါတယ်။ Shao Kahn ဟာ သူ့ရဲ့ လက်ပါးစေတွေနဲ့အတူ သေဆုံးရာကနေ ပြန်ရှင်လာတဲ့ မိဖုရား Sindel ကိုပါ ခေါ်ပြီး ကမ္ဘာနှစ်ခုကို ပေါင်းစည်းဖို့အတွက် ဂိတ်ပေါက်ကြီးကို ဖွင့်လိုက်ပါတယ်။ ဒီလိုနဲ့ ကမ္ဘာ့သူရဲကောင်းတွေဖြစ်တဲ့ Liu Kang, မင်းသမီး Kitana, Sonya Blade နဲ့ မိုးကြိုးနတ်ဘုရား Raiden တို့ဟာ လောကတွေ မပေါင်းစည်းခင် ခြောက်ရက်အတွင်း Shao Kahn ကို အနိုင်ယူဖို့ နည်းလမ်းရှာဖွေရပါတော့တယ်။ လမ်းခရီးမှာလည်း Jax နဲ့ Nightwolf တို့လို မိတ်ဆွေသစ်တွေနဲ့ တွေ့ဆုံပြီး Jade, Motaro, Sheeva, Ermac စတဲ့ Mortal Kombat ရဲ့ ဇာတ်ကောင်ပေါင်းများစွာကို ရင်ဆိုင်တိုက်ခိုက်ကြပုံတွေကို စိတ်ဝင်စားဖွယ်ကြည့်ရှုရမှာ ဖြစ်ပါတယ် ။ File size…(1.9 GB)/(626 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)

ဒီကားလေးဟာ DC Fan တွေအကြိုက်တွေ့စေမယ့်ကားကောင်းလေးတစ်ကားဖြစ်ပါတယ်... Batman & Robin ဇာတ်ကားဟာ DC Comics ဇာတ်ကောင် Batman နဲ့ Robin ကိုအခြေခံပြီး ထုတ်လုပ်ခဲ့တဲ့ 1997 ခုနှစ်ထွက် အမေရိကန်စူပါဟီးရိုးရုပ်ရှင်ပဲဖြစ်ပါတယ်.... ဒီကားဟာ Warner Bros ရဲ့စတုတ္တမြောက်နဲ့နောက်ဆုံးအရစ်ကျ ထုတ်လုပ်မှု့လည်းဖြစ်ခဲ့ပါတယ်.. ဒီရုပ်ရှင်ကိုတော့ ဒါရိုက်တာ Schumacher နဲ့  Akiva Goldsman တို့ကပူးတွဲရိုက်ကူးခဲ့ပါတယ်... နာမည်ကြီးသရုပ်ဆောင်များဖြစ်ကြတဲ့ Arnold Schwarzenegger, George Clooney Chris O'Donnell,  Alicia Silverstone နဲ့ Uma Thurman တို့နဲ့ရိုက်ကူးခဲ့တာလည်းဖြစ်ပါတယ်... ဒီကားမှာ မစ္စတာ ရေခဲအဖြစ်သရုပ်ဆောင်တဲ့ ကျွန်တော်အသိများတဲ့ အာနိုးဟာဖြင့် သူ့မိန်းမကို ပြန်လည်ကယ်တင်ဖို့ ဘာမဆိုလုပ်ချင်နေတဲ့ ဒေါက်တာတစ်ဦးပါ... သူ့မိန်းမကိုပြန်လည်ကယ်တင်ဖို့အတွက်လုပ်ရာကနေ နောက်ပိုင်းမှာတော့ မကောင်းမှု့ဘက်ကိုဦးတည်သွားခဲ့ပါတယ်.. နောက်ထပ် ဗီလိန်တွေကတော့ မတော်မဆထိခိုက်မှု့ဖြစ်လာရာကနေ အစွမ်းရှိလာနဲ့ လှပတဲ့ အဆိပ်မယ်နဲ့ Bane တို့ပဲဖြစ်ပါတယ်.... ဒီကားထဲမှာ Batman နဲ့ Robin တို့နားလည်မှု့လွဲရာကနေပြီးတော့ သူ့ရဲ့ဝတ်စုံကိုပြန်လည်အားဖြည့်ဖို့ စိန်တွေကို လိုက်လံခိုးယူနေတဲ့ မစ္စတာရေခဲတို့တွေ့ဆုံခဲ့ကြပါတယ်... နောက်ဆုံးမှာတော့ မစ္စတာရေခဲဟာ အဆိပ်မယ် ရဲ့ကမ်းလှမ်းချက်ကို လက်ခံပြီးတော့ Batman နဲ့ Robin တို့ကို တိုက်ခိုက်မှု့များကို စိတ်ဝင်စားဖွယ်ကြည့်ရှု့ရမှာပဲဖြစ်ပါတယ်.... Quality…..BluRay 1080p Duration…..02:05:00 Format…Mp4 File Size…(895 MB )  Encoder…..Moe Myint Lwin Translator…..Nway Khin Khin

ကျွန်တော်က Bruce Wayneပါ။ ဂေါ်သမ်ရဲ့ သူဋ္ဌေးသားလေး တစ်ယောက်ပေါ့။ ဂေါ်သမ်မြို့ရဲ့ သန်းခေါင်ယံမှာ ပျံသန်းနေတတ်တဲ့ လင်းနို့တစ်ကောင်လည်း ဟုတ်တယ်။ ဒါလည်း ဘောစိမို့ ပျံနိုင်တာပါ။ ဝတ်စုံတွေက ဈေးကြီးတယ်ဗျ။ တစ်ချို့နေ့တွေမှာ ဆင်းရဲသားတွေလို စက်ဘီးပေါ်မဟုတ်ပဲ ဈေးကြီးပေးဝယ်လို့တောင်မရတဲ့ BatMobile ပေါ် ကြေကွဲနေခဲ့တယ်။ သေလွန်ခဲ့ပြီးသော မိဘတွေအကြောင်းကို ဆွေးရင်းပေါ့။ ကျွန်တော့် အတိတ်ကို ကျွန်တော် ခြေရာကောက်ကြည့်တယ်။ ကျွန်တော် လက်စားချေချင်စိတ်ကို အစပြုပြီး ကျွန်တော်ရဲ့ Batman ဖြစ်တည်မှုက အစပြုခဲ့တယ်။ ကျွန်တော်လည်း လူသားပဲလေ တစ်ခါမှ မမြင်ဖူးခဲ့တဲ့ လူတွေကို ဘယ်ရွေ့ ဘယ်မျှအထိ ကယ်မနေရဦးမလဲ။ ကျွန်တော်လည်း မယားတရူးချင်သေးတယ်လေ။ မိန်းမတစ်ယောက်နဲ့ ဇိမ်လေးနဲ့ နှပ်... ဘော်ကြော့နေနေကြည့်ချင်သေးတယ်။ အတိတ်ဆိုတာ ပလိပ်(Police)လိုပါပဲ..လုပ်ဖူးတဲ့မကောင်းမှုတွေဆိုတာ ထပ်ကြပ်မကွာလိုက်လာတတ်တယ်။ ကျွန်တော် ကိုယ့်နေရာကိုယ်မနေပဲ ရန်သွားစထားခဲ့တဲ့ လူဆိုးတွေဟာ ကျွန်တော် အေးဆေးမနေရအောင် လုပ်ပြန်တယ်။ ထားပါ ထားပါ..ဇာတ်သိမ်းကိုခင်ဗျားတို့သိပါတယ်... အဆုံးမှာတော့ စူပါဟီးရိုးကားပီပီသသ စော်လေးကိုပစ်ပြီး အထီးကျန်ဟီးရိုးကြီးလုပ်ရဦးမှာပဲမလား။ ရုပ်ရှင်ပဲလေ..ကျွန်တော်ကလည်း Mtvရိုက်တဲ့ ဖိုးလပြည့် ပရဟိတလုပ်တဲ့ Bruce Wayneကိုး။ မဆိုးလှပါဘူး ကျွန်တော့်ကိုအထင်ကြီးတဲ့လူပေါသားဗျ။ ဘဝဆိုတာ ဒီလိုပဲပေါ့ ဒီလောက်နဲ့ပဲ ကျေနပ်ပါတယ်..ဗျာ။ ဒီ Batman ရုပ်ရှင်ကို Tim Burton Producerလုပ်ထားပြီး Val Kilmer, Jim Carrey နဲ့ Nicholas Kidmanတို့ Manin cast အဖြစ်ပါထားပါတယ်။ Batmanရဲ့ Popular Villan တွေထဲက Riddler နဲ့ Two-facesကို သုံးထားပြီး sidekick အနေနဲ့ Dick Graysonရဲ့ Robinကို သုံးသွားပါတယ်။ Nicholas Kidmanရဲ့ ငယ်ငယ်က အလှကို ခံစားရတာနဲ့တင် အတော်တန်တဲ့ကားလည်းဖြစ်ပါတယ်။ (အညွှန်းနဲ့ဘာသာပြန်သူကတော့ WiRa Aung ဖြစ်ပါတယ်) File size__( 999 MB) and ( 440 MB) Quality__BR-Rip 720p IMDb Rating__5.4/10 (216,065) Format__mp4 Duration__02:01:35 Type__Action, Adventure, Fantasy Subtitle__Myanmar Subtitle (Hardsub) Translated by WiRa Aung Encoded by Naing Aung Latt